24/08/2026
“အပေါ်မှာထီး၊ အောက်မှာစည်း”
🪷🪷🪷သရဏံဂုဏ်ထီးစေတီ အဓိဌာန်၍ တည်ပုံ🪷🪷🪷
၁။ ထီးဖြူတလက်ကို စက္ကူခံ၍ စက္ကူမှာ ဝါ၊ စိမ်း၊ နီ စည်းသုံးခုဝိုင်းပါ။
၂။ စည်းထဲတွင် ဗုဒ္ဓပုံတော်တဆူ၊ သို့မဟုတ် ပုံတော်၊ သို့မဟုတ် မိမိကာကွယ်စောင့်ရှောက်လိုသော အရာများကို Crystal များ ကိုယ်စားပြု၍ ထည့်ပါ။
(ဥပမာ — ချစ်ခြင်းမေတ္တာ rosequartz, ငွေကြေး citrine, ကျန်းမာရေး jade, အစရှိသဖြင့်) (ဒီအဆင့်က crystal များ ထည့်ဖို့မလွယ်လျှင် မထည့်လည်း ရပါသည်။ မိမိစိတ်ဖြင့် မိမိကာကွယ်လိုသည်များကို အာရုံပြုအစောင့်အရှောက်ခံယူ၍လည်း ရပါသည်။)
၃။ သရဏံဂုဏ်ပုတီး ၁၂ ပတ် စိတ်ပါ။ ၁၂ x ၉ရက် = ၁၀၈ ပတ်။ သို့မဟုတ် ၉ ပတ် x ၁၂ ရက် = ၁၀၈ ပတ်။ မိမိနှစ်သက်သလိုရွေးချယ်ပါ။
“ဗုဒ္ဓံ သရဏံ ဂစ္ဆာမိ၊ ဓမ္မံ သရဏံ ဂစ္ဆာမိ၊ သံဃံ သရဏံ ဂစ္ဆာမိ” ပုတီးတလုံးချ။
ပုတီးတလုံးတိုင်းသည် ပွင့်တော်မူခဲ့ပြီးသော ဗုဒ္ဓအဆူဆူ၊ မြတ်စွာဘုရားရှင်များ အကြိမ်ကြိမ် အဖန်ဖန် ဒီတရားကိုပဲ ပြန်လည်ဖော်ထုတ်ခဲ့ရသော တရား၏ ကြီးမြတ်မှု၊ ဘုရားတဆူပွင့်တိုင်း သာသနာ့အစမှ အဆုံးထိ သယ်ပိုးထမ်းဆောင်ကြကုန်သော အဂ္ဂသာဝက၊ မဟာသာဝက၊ ဧတဒဂ်ရဟန္တာကြီးများ၊ အရိယာ သံဃာတော်များ၊ သံဃာတော်များ ကို အာရုံပြုပါ။
၄။ ပုတီးတပတ်ဆုံးတိုင်း “ဤပုတီးပတ်ဖြင့် သရဏံဂုဏ်ထီးစေတီတော်တည်ပါ၏။ ကျွန်ုပ်ကိုယ်တိုင်၊ မျသားစုဆွေမျိုးများ၊ အမြဲချစ်ခင်စွာပါရမီဖြည့်ကြသော မိတ်ဆွေများ၊ ကျွန်ုပ်၏အိမ်နေရာ၊ စီးပွါးနေရာ၊ အလုပ်နေရာ၊ (မိမိဖြည့်ချင်ရာ ထည့်ဖြည့်ပါ။ ဥပမာ- ကျမဆိုရင် ဒေဝါဘူမိနှင့် ပဌာန်းစေတီတော်၊ မိမိ၏ အိမ်မွေးတိရိစ္ဆာန်များပါမကျန် — လို့ထည့်အာရုံပြုပါတယ်) ဘေးအန္တရာယ်ကင်းရှင်းရ၍ စုန်းတိုက်၊ အောက်လမ်းတိုက်၊ ကဝေတိုက်၊ မန္တန်ဖြင့်တိုက်သောအတိုက်၊ အင်းတိုက်၊ တစုံတဦးအားစေခိုင်း၍ တိုက်သောအတိုက်၊ မနောတိုက်၊ နှုတ်တိုက်၊ နတ်တိုက်၊ သရဲတစ္ဆေမွေး၍ တိုက်သောအတိုက်၊ အစားအစာအတွင်း၊ အသုံးအဆောင်အတွင်း အပင်းထည့်၍ တိုက်သောအတိုက်၊ လူတို့၏စိတ်အားလှည့်စား၍ တိုက်သောအတိုက်၊ မြေမြှုပ်၍တိုက်သောအတိုက်၊ ကျိန်စာတိုက်၊ ပယောဂတိုက်၊ စီးပွါးတိုက်၊ လူမှုရေးတိုက်၊ ကံကြွေးဝဋ်ကြွေးကြောင့်ဖြစ်သောအတိုက် အစရှိသဖြင့် အတိုက်အခိုက်မှန်သမျှ အမျိုးစုံက ကင်းဝေးရ၍ ခလုတ်မထိ ဆူးမငြိ ကပ်ဘေးများအလုံးစုံမှ လွတ်ကင်းကျော်လွှားလျက် ကျန်းမာချမ်းသာစွာဖြင့် လာဘ်လာဘများလည်းရရှိရလျက် ကောင်းခြင်းမင်္ဂလာများ ပေါ်ပေါက်ပါစေသတည်း” ဟု အာရုံပြုရပါမယ်။
၅။ ပုတီး (၉) ပတ်ဆုံးသောအခါ “ဥုံ မမမ ဟုန်နီ ဆိုဟာ/ Om Ma Ma Ma Hum Ni Soha” ဟူသော ထီးဖြူစောင့် နတ်သမီး၏ မန်ထရာကို ၉ ကြိမ်ရွတ်ဆို၍ ထီးဖြူအပ်ရပါမယ်။ ဤ ကောင်းမှုအဖို့ သက်သေအရာထားခြင်းနှင့် ထီးဖြူစောင့်နတ်သမီး၏ အကာအကွယ်ယူခြင်းဖြစ်ပါတယ်။
၆။ ဤကုသိုလ်အဖို့ကို ကိုယ်စောင့်နတ်၊ အိမ်စောင့်နတ်မှ အစထား၍ သိကြားမင်းနှင့် နတ်မင်းကြီးလေးပါး၊ ဗြဟ္မာ၊ ဒေဝါများလည်း ရရှိကြပါစေ။ သက်ဆိုင်ရာအသီးသီး ဆွေတော်မျိုးတော်အပေါင်းလည်း ရရှိကြပါစေ။ မြင်အပ် မမြင်အပ်ပုဂ္ဂိုလ်များရရှိကြပါစေ၊ မေတ္တာပို့သ၍ ကုသိုလ်တိုင်တည် အမျှပေးဝေပြီး ဤသရဏံဂုဏ်ထီးစေတီ စည်းအဝန်းအဝိုင်းသည် ချဲ့ထွင်၍ မိမိတို့၏ အိမ်၊ မြို့၊ ရွာ တို့သို့လည်း အစောင့်အရှောက်ဖြစ်ပါစေ။ ရွာတော်ပိုင်၊ မြို့တော်ပိုင်များကိုလည်း အစောင့်အရှောက်အလို့ဌာ ကူညီပါ၏၊ မေတ္တာပို့သပါ၏ဟု နေ့စဉ် မေတ္တာပို့သပေးပါ။
၇။ အဓိဌာန်ပြီးပါကလည်း ထီးစေတီကို မဖျက်ပါနှင့်။ ဆက်လက်ထားထားပါ။ လိုအပ်သလို ကျော့၍ အဓိဌာန်နိုင်ပါသည်။
အတိုက်အခိုက်ရှိသူများ အတိုက်ပြေရ၍ ပိတ်ဆို့နေသော စီးပွါးရေး၊ လူမှုရေး ရှိသူများ ချက်ချင်းသော်လည်းကောင်း တဖြေးဖြေး သိသိသာသာသော်လည်းကောင်း ပြန်လည် အဆင်ပြေလာပါလိမ့်မည်။
လိုအပ်၍ပေးသည်။ အားလုံးပဲ ကျန်းမာ၊ ချမ်းသာ ကြပါစေ။ 🪷🌏🌿
သရဏံဂုဏ်ထီးစေတီစတည်မည့် သူများ အထောက်အကူရရန်အတွက် ပုံလေးတွေပို့ပေးသူများကိုလည်း ကျေးဇူးတင်ပါတယ်ရှင်။ 🪷🪷🪷🪷
Telegram မှ အသံဖိုင်ဖြင့် ပြောပြထားသည်ကို နားထောင်လိုသူများအတွက် — https://t.me/taralotusfamily/115
.lotus
#ဒေဝါဘူမိ
#ဒေဝါဘူမိ
#သရဏံဂုဏ်ထီးစေတီ
