07/09/2025
M pathum (M.3)
M pathum pawl tla cu Mission Minded, Mission Field le Missionary ti pawl an si.
(1) Mission minded (Mission Lungput)
(a) John vermulya cun mission lungput nei timi cu Jesuh thulung te ih a dungthlun, le a thupek mi lungawi teih cohlan hi a si ati.
(b) Mission lungput timi cu midang zawnruat sak hi a si. (2 Siang 7:9) ih kan hmuh vekin thuthangțha kan neihmi hi kan mah ih hrang lawgah siseh ti ding a si lo. Thuthangtha a theilo pawl ziangtin ha an theihthei ding tiih zawnruat sak hi a si.
(2) Mission Field( Tuannak ding hmun)
Robert cun milai dinhmun sia pawl, zumlotu pawl leh sakhua dang pawl umnak pohpoh cu kan mission field cu an si a ti.
(a) Kan Innsang (Family)
Valson cun mission field hmaisabik cu kan fa le an si a ti. Fa le te hrangih missionary thabik cu nu le pa an si a ti.
J. Andrew cun Mission Field hmunli kan nei ati.
(b) Pawlkom (Community)
Pawlkom timi cu pakhat ai ih tam, innsang khat ai ih tam, a si ruangah kohhran le Fellowship pawl an si deuh, cu mihrang ih missionary ih tha cu Pastor le Evangelist pawl hi an si.
(c) Miphun ( Nation)
Miphun timi cun mai miphun le mi phun dang hrang an si ih cu pawl hnen ahcun missionary le Evanglist pawl an thu pi zet.
(d) Leitlun pumhuap ( The wider world)
Leitlun pumhuap ih missionary cu zumtu kan zaten uan ding a siih thlacamnak in hmual a nei zet.
(3) Missionary
Missionary ti mi cu thuthangtha simtu dingih thlah a siih William cu phunhnih in a sim fiang.
(a) Ambassador (Aiawh palai)
Jesuh in feh uh la mi hmuahhmuah hnenah thuthangtha va sim uh ati mi a mai ai ih a fehter mipawl an si.
(b) Messenger (Aiawh palai)
Jesuh in amah ai ih in fialmi, kan ai ih kan thlah sawngmi kha a si, Nangmah feh loih na sumsaw na fehter mi kha messenger missionary cu kan si.
Thu Kharnak
Kohhran, innsang tin le zumtu bulpak in hi "M" pathum a neihlo leh a tuahlo a si ahcun thingkung a nung nan, tek le par le rah a nei lomi vek kan si ding. Cu ruangah midang zawnruatnak nei in kan tuannak kan fiang in mah leh tuan theidan danih kan tuan vivo a si le a nung mentu lawng silo in a thang ih partha, rahțha a suahtu kan si ding. Cucu Jesuh thupek le a duhmi cu asi.
Ngantu;
Upa Charly Lal Hlim Thang
Asst. Secretary
BEMC, Lairawn Branch
