29/11/2025
တက္ကသီလာအလွမ်း
••••••••••••••••••••••••
သူငယ်ချင်း...
မင်းတို့တစ်တွေ
ပညာတော်လို့
အကျော်အမော်
ဆရာတော်တွေဖြစ်ရင်
ငါ့ကို ခေါ်ပြောဖို့ မမေ့ပါနဲ့..။😀😀
သူငယ်ချင်း..
မင်းတို့တစ်တွေ
သမုဒယအငွေ့နဲ့
ယုယကြင်နာစရာတွေ့လို့
သမီးသားတစ်ပွေ့တပိုက်နဲ့
လူ့ဘ၀မှာ ကြီးပွားနေရင်
ပစ္စည်းလေးပါး
ငါ့ကိုထောက်ပံ့ဖို့ မမေ့နဲ့ဦး..။😀🥰
သူငယ်ချင်း..
တို့တစ်တွေဟာ
ခရီးတစ်ထောက်ပြီးလို့
အနာဂတ်တောက်ပဖို့
ကိုယ့်ခရီးကိုယ် ဆက်လျှောက်ရပေမယ့်
လေးနှစ်တာ စာသင်ခန်းဖြတ်သန်း
တစ်ခန်းရပ် စာတစ်ပိုဒ် ပြန်ဖတ်မိတိုင်း
မျက်ရည်မဝိုင်းသည့်တိုင်
ငါ့ဝဲဘက် ရင်ဘတ်တစ်ခြမ်းက
ဝေဒနာ အဖြေရှာရရင်..
ငါ မင်းတို့ကို လွမ်းနေတယ်ဆိုတာ
သေချာတယ်..။🙂🥰
သူငယ်ချင်း..
တို့တစ်တွေ
ဘယ်လမ်းလျှောက်လို့
ဘယ်ကမ်းပေါက်ပေါက်
အခုမှတွေ့တဲ့ အသစ်ဆန်းမဟုတ်ကြလို့
သူငယ်ချင်းဆိုတဲ့ ကျွမ်း၀င်မှုကို
အသေးအမွှားလို့ မယူဆဘဲ
အရေးထား ငဲ့ကွက်ထည့်တွက်ပြီး
အကြောင်းမဆီလျော်ရင်တောင်
ကျောင်းတော်တက္ကသီလာ အမေ့ရင်ခွင်မှာ
တစ်နှစ်တစ်ခါ ပြန်လည်ခိုလှုံတွေ့ဆုံပြီး
အဖြစ်ဟောင်းတွေ သတိတရ စကားလက်ဆုံကျ၊
ခေတ်စနစ်အရ အတွေးသစ်တွေလည်း
အမြင်ချင်းဖလှယ်ချပြ စကားလက်ဆုံကျရရင်
ဘယ်လောက် ကောင်းလိုက်မလဲကွာ..။🤝🤝
သူငယ်ချင်း..
ငါအခု နောက်ဆုံးပြောတဲ့စကားက
ဟန်ပြအတု မဟုတ်တဲ့
ငါ့ရင်ထဲက
အမှန်ကန်ဆန္ဒတစ်ခုဆိုတာ
မင်းတို့တွေ..
ယုံပါကွာ..။❣️❣️
#မှူးသံစဉ်
♥️🥰♥️
