https://sites.google.com/view/homecellbiblestudy-sizaangkam/home

Homecell Bible Study-Sizaang Kam, Yangon (2026)

06/06/2025

Homecell Thusinna-69/2025
Jesus: Ngimna Thuak Pa

Thupatna
Tu nipi Homecell thusinna tu in Jesus sia Ngimna thuak pa ahina thu, thulu tu in ka teal hi. Jesus sia ahina tam mama om hi. Jesus sia k*mpi le hi, T**a le hi, naseam khat le hi, a hina 100 val om ahikom, Jesus tawh akisi ngawl mihing khat zongh a om bua hi. Tua 100 val te sungpan Isaiah 53:3 “Ama ih zawngsak a, ih nial hi; ama, natna ngimna thuak hi. Ama sia kuama in en beak ngawlin — bangma ahi ngawl bang keakin bangma in ih heang bua hi” a cina Laithiangtho mun sia sisan in ih ki k*m tu hi.

Jesus in Ngimna Thuak Pa
Ih sisan Laithiangtho mun sia in Jesus Christ hong pian ma k*m za lom hun lai in, kamsaang Isaiah ii pauna kammal ahi hi. Kamsaangpa in Jesus sia ngimna thuak naseam khat ci-in hong pualaak hi. Hi minza sia mihing te ii ngim thuakna, nasakna, nialna le heena kaana te Jesus Ama mama in thuakpui, telpui dinmun la, cina ahi hi. Jesus in mihing te ii ngim thuakna te sia hong heakpui hi bek ngawl in, Jesus mama in hong thuakpui T**a ahi hi.
Jesus in mihing te ii ngim thuakna te hong telpui peuma hi. Jesus in kileheakna, pumpi taksa ngimna, nusiatna le nialna te thuak hi. Ih Thiampi Lianbelpa (Jesus) in ei tha zawmna hong khuangai pui thei ngawlpa ahi bua hi. Tuabang hi ngawl zaw in, Thiampi Lianbelpa in, eima bangma in ze etna namcin na thuak a, ahizong a khial ngei bua hi (Hebrew te 4:15). Jesus in eite thuakna tawh akikhualana mun ah aom bua ahi. Eite tawh kinaina ah om in, ih thuakna te hong telpui, hong thuakpui pa Jesus ahi hi.
Jesus in eite heena le mawna te hong puaksak hi. Jesus in ei ii ih thuak tu natna teng thuakin, ih ngim natu teng pua hi. Tua kimlai in ama thuakna sia Pathian ii daan piak hi ci in ih ngaisun hi (Isaiah 53:4). Jesus ii ngim thuakna in ama ii aituam ngim thuakna le eite ngim thuakna te a pua pa ahi hi. Jesus in eite cidam natu le kilemna om natu ngimna thuak hi. Eite ii mawna khialnate hangin ama liamna thuak a, ih siatna hangin vuakna thuak ahi hi. Ama ii daan thuakna tawh eite ih dam a, ama ii vuak a thuakna liammate hangin eite ih ciidam thiang hi (Isaiah 53:5). Jesus ii ngim thuakna in eite ngupna ngana lampi hong suak hi.
Na ngim thuaknate Jesus kungah paipui vun. Na ngim thuakna sungah nang bek na thuak bua hi, Jesus in hong thuak pui hi. Na khuangaina te sia khuangaina theampo atel Jesus kungah paipui in. Jesus sia bangma hong vawtsak ngawl ngumpa ahi bua hi. T**a in a thinkiam mihingte taw a kinai in om a, lametna a nei nawn ngawlte hun hi (Psalm Late 34:18).

Thukhupna
Jesus sia ngimna thuak pa hi a, eite ngimna thuak tu taang in, hong thuak sak pa ahi hi. Eite cidam natu, eite hong kisaang natu in Jesus in nialna le vuakna te thuak hi. Jesus sungah ngimna thuakna in lamtawpna ahi bua a, minthanna lampi hi zaw hi. Mai nipi ciangin, Jesus ii a hina 100 val om a, tua 100 sungpan 1 Timothy 2:5 na ah “Jesus sia Palai” ahina thu, Laithiangtho sisan in ih kik*m tu hi.

Thusinna pia—Pr. Kim Khan Thang
Dawbon/Tharkayta/Tamwe Homecell

30/05/2025

Homecell Thusinna-68/2025
Jesus: T**a Eite Ngupna

Thupatna
Tu nipi Homecell thusinna tu in Jesus sia T**a eite ngupna ahina thu, thulu tu in ka teal hi. Jesus sia ahina tam mama om hi. Jesus sia k*mpi le hi, T**a le hi, naseam khat le hi, a hina 100 val om ahikom, Jesus tawh akisi ngawl mihing khat zongh a om bua hi. Tua 100 val te sungpan Jeremiah 23:6 “Ama k*mpi a sua ciang, Judah mite ngam muang tu a, Israel mite kilemna taw thinnuamin om tu uh hi. Ama sia ‘ T**a, Eite Ngupna’ “Jehovah Tsidkenu” kici tu hi” a cina Laithiangtho mun sia sisan in ih ki k*m tu hi.

Jesus in T**a Eite Ngupna
Ih sisan Laithiangtho mun sia in hong pai pheang tu Messiah ahi Jesus Christ cinuam ahi hi. Messiah ih ci sia in David ii suan le p**l hi tu a, thukhai kim in k*mpi ngam uk tu le Ama ii minam te ngupna pia tu ahi hi. Laithiangtho Version dang te ah hi sia mun ah T**a in eite thutanna (The Lord is our Righteousness- YHWH Tsidkenu) in ki at a, Jesus mama in eite thutang suana ii naak le thutang hong piapa ahi hi.
Jesus in thutang suanate kicing sak pa ahi hi. Jesus sia mihing lim la in leitung hong nuntaak lai in, mawna nei ngawl in nungta hi a, Pathian ii thukham sia akicing takin zui hi (Hebrew te 4:15). Jesus sia Jeremiah ii sonkhol banghma in athutang suan le p**l ahina tawh kizui in, Jesus in Pa Pathian ii thu khaikim le ngupna hong paipui hi.
Jesus in Ama ii thutang suana sia Ama a um mite tungah hong pia hi. Eite thutang ih suana sia eite ii ih sep le vawt zawk hang ahibua hi (Rome te 3:10). Ama (Jesus) taw ih kipumkhatna hangin Pathian bang a, thumaan thutang ih sua thei natu in, mawnei ngawl Christ sia Pathian in eite taangin mawnei suaksak hi (2 Corinth te 5:21). Upna tungtawn in, Jesus ii thutanna sia eite hong nga sak a, eite sia Pa Pathian mai ah thutang ih suak hi.
Eite phatna in ngupna hong pia thei bua a, Jesus bekma in ngupna (thutanna) hong pia thei bek hi. Pa Pathian in pha ni hi hong ci tu hanciam heak in la, Christ ii aman sa a nasepna te tawh Pa Pathian in pha hi hong ci tu ki aap zaw in. Thutang suak zo ih hina tawh kizui in, thutanna tawh ih nungta tu in eite hong samh hi. Midang te tawh na kizopna ah Jesus ii ngamtatzia te ki langh sak in.

Thukhupna
Jesus in T**a eite ngupna, eite thutang suana hi a, thukhai kim tawh hong uk bek dom ngawl in, mawnei mite zongh Pa Pathian tawh thutang suana hong vawt sak lai hi. Jesus ii thutanna sia eite hong tuam a, eite in ih thin muang in, eite lametna hong pia hi. Eite in Jesus sia pimu tu bek hi ngawl a, a thiangtho Pa Pathian mai ah ih din thei natu Jesus ih beal hi. Mai nipi ciangin, Jesus ii a hina 100 val om a, tua 100 sungpan Isaiah 53:3 na ah “Jesus sia natna ngimna thuak pa” ahina thu, Laithiangtho sisan in ih kik*m tu hi.

Thusinna pia—Pr. Kim Khan Thang
Dawbon/Tharkayta/Tamwe Homecell

23/05/2025

Homecell Thusinna-67/2025
Jesus: t**ate ii T**a

Thupatna
Tu nipi Homecell thusinna tu in Jesus sia a minthang T**a ahina thu, thulu tu in ka teal hi. Jesus sia ahina tam mama om hi. Jesus sia k*mpi le hi, T**a le hi, naseam khat le hi, a hina 100 val om ahikom, Jesus tawh akisi ngawl mihing khat zongh a om bua hi. Tua 100 val te sungpan 1 Timothy 6:15 “Kumpite ii Kumpi, t**a te ii T**a, thupha sang Ukpa khat bek ahi Pathian in a hun a tun ciangin ama hong kilanghsak tu hi” a cina Laithiangtho mun sia sisan in ih ki k*m tu hi.

Jesus in t**ate ii T**a
Ih sisan Laithiangtho mun sia in Jesus sia k*mpite ii Kumpi, t**a te ii T**a ahina hong lak hi. Ih sisan ngawl Laithiangtho mun dang khat in zongh hi bangh in na at hi: A puantual tung le a pheizang tungah, “k*mpite ii Kumpipa, t**ate ii T**a,” ci in a min ki at hi (Thupualaakna 19:16). Hi minza sia vantung ah ahizong, leitung ah ahizong thunei theampo, vaangnei theampo tungah alianbel thuneina sia Jesus in nei, cina ahi hi. Kuama in Jesus a dem zo bua tu hi. Akua thuneina in Jesus sia dem zo ngawl hi.
Jesus in thuneina akici theampo tungah thuneipa ahi hi. Akua k*mpi, akua president, akua doai in Jesus sia a langpan zo bua tu hi. Jesus Christ in tua munah vantung ukpite, thuneite, vaangletna neite, tote theampo ii tung panin uk hi; ama in hi leitung ah ahizong, hong pai pheang tu leitung ah ahizong, thunei min le zate theampo sangin a lianzaw min le za nei hi (Ephesus te 1:2).
Jesus in pawlpi bek a uk ahibua a, bitphuasa theampo zongh a ukpa ahi hi. Jesus ii ukna sia atawntung kip in, tawlnga ci bangh om thei ngawl tu a, kua ma in taw thei ngawl tu ahi hi.
Jesus sia akhakbel thukhen mangpa le akhakbel ukpa ahi hi. Tua ahikom Jesus min patoai natu in vantung, leitung ah nuntakna a nei theampo, nuai simlei ah a om theampo in khupdin tu uh a, tuaciang a theampo in Pa Pathian minthan natu Jesus Christ sia T**a hi ci in, a kilangh takin thangsak tu uh hi (Philippi te 2:10-11).
Jesus sia akicingin biak tu kilawm a, eite in ama ii tungah ih ki aap tu ahi hi. Leitung t**a le lampuite tungah Jesus bekma a saangbel pokna nga tu in kilawm bel ahi hi. Jesus sia na ngaisutna ii T**a hi sak in. Mite tawh na kizopna zongh ah T**a hi sak in. Na nasepna zongh ah T**a hi sak in. Leitung ah bang po hong piang zongh, Jesus sia k*mpi tokhum tungah a to nginge hi a, banghma lauheak in. Jesus ii ukna te muang in. Leitung in Jesus sia sya khat bek hi ngawl a, t**a theampo ii T**a ahina a heak tu ki samh hi.

Thukhupna
Jesus sia ukpa theampo, thuneina theampo tungah akilaam saang t**ate ii T**a ahi hi. Jesus in a T**a hina sia tawmvei bek hi ngawl a, a tawntung kip in lian mama hi. Mai nipi ciangin, Jesus ii a hina 100 val om a, tua 100 sungpan Jeremiah 23:6 na ah “Jesus sia T**a Eite Ngupna” ahina thu, Laithiangtho sisan in ih kik*m tu hi.

Thusinna pia—Pr. Kim Khan Thang
Dawbon/Tharkayta/Tamwe Homecell

17/05/2025

Homecell Thusinna-66/2025
Jesus: A minthang T**a

Thupatna
Tu nipi Homecell thusinna tu in Jesus sia a minthang T**a ahina thu, thulu tu in ka teal hi. Jesus sia ahina tam mama om hi. Jesus sia k*mpi le hi, T**a le hi, naseam khat le hi, a hina 100 val om ahikom, Jesus tawh akisi ngawl mihing khat zongh a om bua hi. Tua 100 val te sungpan 1 Corinth te 2:8 “Hi leitung a uk mihingte kuama in, hi ciimna thu a he bua uh hi. He hile, a minthang T**a sia thinglamtee tungah a thatlum buatu uh hi” a cina Laithiangtho mun sia sisan in ih ki k*m tu hi.

Jesus in A minthang T**a
Ih sisan Laithiangtho mun sia sawltak Paul ii pauna ahi hi. Paul in Jesus sia a minthang T**a na ci hi. A minthang T**a ci minza sia a nasia mama minza khat hi a, Jesus sia Pathian ahina le akilam saang khat ahina hong lak hi. Hi leitung in Jesus sia nial in, thatlum hikale, Jesus sia vantung ah aminthang T**a in kilaam saangin, Pathian ii vaangletna tawh kituam in atawntung pokna nga tu akilawm T**a Jesus ahi hi.
Jesus in Pathian minthanna nei hi. A minthang T**a minza ci-in Jesus zongh Pa Pathian banghma in minthanna nei cina hi. Jesus in hi minthanna tawh kisai in hi bangh ki ci hi: 'Pa awng! simlei pian ma a nangma taw a kibangin ih nei khop tua minthanna sia, tu in na mai ah kei hong pia ta'n (John 17:5). Jesus in hi minthanna sia thalaw in a nga ahibua hi. Nidang tawn pan a pianpui a nei ahi hi.
Jesus in Pa Pathian ii minthanna hong pualaak hi. John 1:14 sungah hi bangh ki at hi: Kammal sia mihing khat hong suak a, thuciamna le thuman thutak tawh kidim in, eite sungah hong teang hi. Eite in ama (Jesus) ii minthanna ih mu a, Pa Pathian ii tapa khat bek ahina tawh kizui in, minthanna nga ahi hi. Jesus tungtawn in, eite in Pa Pathian ii omna le pianzia te ii limh te ih mu thei hi.
Jesus sia minthanna sungah kilaam saang a, Pa Pathian ii ziatsang ah to hi (Hebrew te 1:3). Jesus in a minthang T**a ahina tawh vaangletna le thuneina a nei theampo tungah hong uk Jesus ahi hi.
Jesus sia aminthang T**a khat in bia tawng. Jesus ii minthannate na nisim nuntaakna ah ki langh sak tawng. A vaangletna le a nasianate muang in, Jesus sia minthanna tawh hong paih kik natu lamen tawng.

Thukhupna
Jesus sia aminthang T**a hi a, a tawntung akip leh lapsaagna a nga T**a hi. Leitung in Jesus sia khatvei nial ngei zo hikale vantung te in aminthang Pathian ii tapa in poai na khaam zo hi. Thu-um mite ih hina tawh kizui in, Jesus sia ih biak tu, a minthanna kilangh sak tu le, minthanna tawh hong paih kik tu a ngak tu in eite hong samh hi. Mai nipi ciangin, Jesus ii a hina 100 val om a, tua 100 sungpan 1 Timothy 6:15 na ah “Jesus sia t**ate ii T**a” ahina thu, Laithiangtho sisan in ih kik*m tu hi.

Thusinna pia—Pr. Kim Khan Thang
Dawbon/Tharkayta/Tamwe Homecell

09/05/2025

Homecell Thusinna-65/2025
Jesus: Mihing theampo ii T**a

Thupatna
Tu nipi Homecell thusinna tu in Jesus sia Judah minam sungpan in Tawpi ahina thu, thulu tu in ka teal hi. Jesus sia ahina tam mama om hi. Jesus sia k*mpi le hi, T**a le hi, naseam khat le hi, a hina 100 val om ahikom, Jesus tawh akisi ngawl mihing khat zongh a om bua hi. Tua 100 val te sungpan Sawltakte 10:36 ''Israel te tungah a puak thu na heak uh hi, mihing theampo ii T**a ahi, Jesus Christ tungtawnin kilemna Lungdamna Thu thansakna ahi hi” a cina Laithiangtho mun sia sisan in ih ki k*m tu hi.

Jesus in Mihing Theampo ii T**a
Ih sisan Laithiangtho mun sia akua ii pauna ziam? Hi Laithiangtho mun sia Peter ii pauna kammal hi. Jesus sia leitung bup ii T**a ahina hong son hi. Jesus sia Israel minam te tung bek ah T**a ahibua a, minam theampo, mihing theampo ii tungah T**a ahi hi. Leitung le vantung ah Jesus sia T**a ahina sia Thaa lam ah thuneina theampo nei ahina le alianbel ahina hong lak hi.
Jesus in leitung le vantung ah thuneina theampo nei hi. Matthew 28:18 na ah hi banghin ki at hi: Jesus in amate kung nai neakin, “Vantung le leitung ah thunei theina theampo a vekpi in kei hong kipia zo hi. Philippi te 2:9-11: Hi thu hangin Pathian in ama sia a saangbelna munah laamto a mindang khat pawpo sangin a lianzaw min pia hi. Tua ahikom Jesus min patoai natu in vantung, leitung ah nuntakna a nei theampo, nuai simlei ah a om theampo in khupdin tu uh a, tuaciang a theampo in Pa Pathian minthan natu Jesus Christ sia T**a hi ci in, a kilangh takin thangsak tu uh hi.
Jesus sia bitphuasate, ngamte le taangthu te tungah T**a ahi hi. 'Banghang ziam cile vantung leitung na theampo, a kimu thei le a kimu maw nate thaa taw kisai vaangletna neite, tote, a ukte le thuneite theampo sia ama tungtawnin Pathian in bitphua hi. Pathian in ama tungtawnin vaannuai buppi ama atu in bitphua hi. Christ sia tuate theampo om ma in om a, ama taw kikopin a omna mun tu tek ah om uh hi. (Colossae te 1:16-17)
Jesus sia ngumpa bek hi ngawl a, akhakbel thukhen mangpa zongh ahihi (John 5:22; Romete 10:9). Jesus sia ngumpa le T**a in a saang theampo in ngupna nga tu a, a saang ngawl theampo in thukhenna thuak zo hi.
Tapidaw khat ih hina in Jesus ii ukna nuai ah om cina ahi hi. Tapidaw khat ih ci in Jesus um bek hi ngawl a, Jesus thu ni cina zongh ahi hi. Na nuntaakna theampo, na sepna theampo Jesus ii thuneina ah aap in.

Thukhupna
Jesus sia mihing theampo ii T**a ahi hi. Jesus sia ih nuntaakna theampo ii T**a hi sak tawng. Mai nipi ciangin, Jesus ii a hina 100 val om a, tua 100 sungpan 1 Corinth te 2:8 na ah “Jesus sia a minthang T**a” ahina thu, Laithiangtho sisan in ih kik*m tu hi.

Thusinna pia—Pr. Kim Khan Thang
Dawbon/Tharkayta/Tamwe Homecell

02/05/2025

Homecell Thusinna-64/2025
Jesus: Tawpi

Thupatna
Tu nipi Homecell thusinna tu in Jesus sia Judah minam sungpan in Tawpi ahina thu, thulu tu in ka teal hi. Jesus sia ahina tam mama om hi. Jesus sia k*mpi le hi, T**a le hi, naseam khat le hi, a hina 100 val om ahikom, Jesus tawh akisi ngawl mihing khat zongh a om bua hi. Tua 100 val te sungpan Thupualaakna 5:5 'Tua zawkciang upate khat in, kei tungah, “Kap heak in, En in! Judah minam sung panin Tawpi ahi, a lian David suan pa in zawna nga zo a, ama in tepteena salite balthamin laizial hong thei tu hi,” hong ci hi” a cina Laithiangtho mun sia sisan in ih ki k*m tu hi.

Jesus in Tawpi
Ih sisan Laithiangtho mun sungah Jesus sia Judah minam sung panin Tawpi ahina ki mu thei hi. Hiak sungah Jesus ii hina in Jesus sia Messiah k*mpipa ahina hong lak hi. Messiah k*mpi ih ci-in thahat, vaanglian le ngualzo pa ahi hi. Jesus sia tawpi khat ii limh a laakna in Jesus ii thuneina, thahatna le k*mpi nam ahina hong lak hi. Thupualaakna Laithiangtho sungah hi tawpi sia a ngualzo pa khat hi a, thukhenna le hong tatna atu Pa Pathian ii a khakbel ngealnate a taangtung sak tu pa cina ahi hi.
Jesus in Judah te ii k*mpi nam ahina te taangtung sak hi. Piancilna 49:9-10 na sungah hi bangh in ki at hi: Judah sia, Sa manin a kuahawng zuan kik a, Kizia in a lumsuk tawpi khat taw kibang hi. Kuama in ama nawngkaisak ngam ngawl hi. Judah in k*mpi ciangkhut len tu a, A suan a p**lte in ngamuk tawntung tu hi. Minamte in ama tungah phiangshia puak tu a, Thunitna taw ama mai ah kun tu uh hi. Jesus sia Judah and David ii suan hi a, kamciam piak tawntung k*mpipa ahi hi. Jesus sia tawpi khat in aki son ciang, Jesus sia thaneam ngawl cina hi. Jesus in vaangletna, hangsanna le thuneina tawh hong uk hi cina hi. Jesus in mawna, thina le Satan te Pathian vaangletna taw zo ngawp hi. Thupualaakna 5 sungah laizial hong thei tu in kuama akilawm om ngawl a, Judah minam sungpan tawpi bek in hong tu aki lawm om hi. Jesus ii a lamdang dinmun in ngumpa le hi si, leitung a thukhen tu pa le hi si hi.
Jesus in ih ngalte hong zaw sak zo a, Ama ii ngalzawna in eite thin muanna ahi hi (John 16:33). Eite in a sia le thina te ih lau nawn bua hi. Ih k*mpipa in hong zaw sak zo hi. Thupualaakna Laithiangtho sungah a om uliante banghma in Jesus sia biakna le lamdan sakna tawh eite sia Jesus a bia tu in hong samh hi. Jesus ii vaangletna ih he tu a, Jesus sia hong uk k*mpi khat in ih upat tu hi. Jesus in thukhai kimna, thuman thutak le thianthona tawh hong uk hi. Leitung ki uk zia te hehuai mama na sa le, Judah ii tawpi ahi Jesus sia k*mpi tokhum tungah to nginge ci sia phawk in.

Thukhupna
Jesus sia Judan minam sungpan in Tawpi hi a, thupi in, vaanglian le zawna nei pa ahi hi. Mai nipi ciangin, Jesus ii a hina 100 val om a, tua 100 sungpan Sawltakte 10:36 na ah “Jesus sia mihing theampo ii T**a” ahina thu, Laithiangtho sisan in ih kik*m tu hi.

Thusinna pia—Pr. Kim Khan Thang
Dawbon/Tharkayta/Tamwe Homecell

25/04/2025

Homecell Thusinna-63/2025
Jesus: Leitung Khuavak

Thupatna
Tu nipi Homecell thusinna tu in Jesus sia leitung khuavak ahina thu, thulu tu in ka teal hi. Jesus sia ahina tam mama om hi. Jesus sia k*mpi le hi, T**a le hi, naseam khat le hi, a hina 100 val om ahikom, Jesus tawh akisi ngawl mihing khat zongh a om bua hi. Tua 100 val te sungpan John 8:12 na ah Jesus in Phariseete tungah, “Keima in leitung khuavak ka hi hi. Kei hong zuite peuma in nuntakna khuavak nei tu a, khuazing sungah a vak ngei buatu hi,” ci hi” a cina Laithiangtho mun sia sisan in ih ki k*m tu hi.

Jesus in leitung khuavak
Ih sisan Laithiangtho mun sia in Jesus ii hangsan takin a taangkona Laithiangtho mun khat ahi hi. Hi hangsan tak a taangkona sungah Jesus in ama le ama sia Leitung khuavak khi hi na ci hi. Laithiangtho sungah khuavak ci-in thuman thutak, lametna le lamhilna cite lim, lak hi. Jesus in khuazing sungah a om leitung ah khuavak hi a, lametna a bo te atu lametna le a kitel ngawl thei te atu kitelna hong pia tu in hi leitung ah hong pai hi.
Leitung ah zongh, khuavak in a kimu ngawl, akiseal te hong mu sak banghma in, Jesus in ngupna, mawna le Pa Pathian tawh kisai thuman thutak hong mu sak hi. Khuavak ahi Jesus hong om ciangin, kitheamna le siatnate bo sak a, mihingte sia thuman thutak ah lam hong hil hi. Khuavak ci-in nuntaakna tu in a kisamh khat ahibanghma Jesus zongh nuntaak natu a kisamh khat ahi hi (John 1:9, John 3:16). Jesus a um papo in mawna ii sila ahi nawn bua a, hi khuavak sungah a nungta mi hi zo hi (Eph. 5:8). Jesus in Messiah sia khuavak hi tu sonkholna te taangtung sak hi. Isaiah 9:2 in khuazing sungah a vak mite in a lian khuavak khat mu zo hi ci-in na at hi. Jesus in Pa Pathian ii minthanna le thuman thutak te minam tungah hong puak pa khat ahina taangtung sak hi.
Thuman thutak le thianthona tawh Jesus nung zui in, mawna pan kisik in hi khuavak sungah ih nuntaak tu Pa Pathian in eite hong samh zo hi. Khuavak sungah kalsuanna in nisim thunitna, kisiikkikna le muanna te ci nuam ahi hi. Jesus ii nungzui te sia leitung ii khuavak hi Jesus in hong ci hi (Matthew 5:14). Jesus ii mihingte hina tawh kizui in, a khuazing leitung sungah itna le thuman thutak te ih taang sak tu hi.

Thukhupna
Jesus sia leitung khuavak hi a, khuazing a bosak pa, nuntaak tawntungna hong pia pa le Pa Pathian ii thuman thutak hong lak pa zongh hi si hi. Jesus tungtawn in eite in khuazing sungah ih kalsuan nawn bua hi. Hi khuavak in eite lam hong lak a, ih nuntaakna hong kheal in, midang te tungah khuavak a taang sawn tu in hong samh hi. Mai nipi ciangin, Jesus ii a hina 100 val om a, tua 100 sungpan Thupualaakna 5:5 na ah “Jesus sia Judan minam sungpan in Tawpi” ahina thu, Laithiangtho sisan in ih kik*m tu hi.

Thusinna pia—Pr. Kim Khan Thang
Dawbon/Tharkayta/Tamwe Homecell

18/04/2025

Homecell Thusinna-62/2025
Jesus: Lampi

Thupatna
Tu nipi Homecell thusinna tu in Jesus sia lampi ahina thu, thulu tu in ka teal hi. Jesus sia ahina tam mama om hi. Jesus sia k*mpi le hi, T**a le hi, naseam khat le hi, a hina 100 val om ahikom, Jesus tawh akisi ngawl mihing khat zongh a om bua hi. Tua 100 val te sungpan John 14:6 na ah ''Jesus in, “Keima in lampi ka hi hi, thumaan thutak ka hi hi, nuntakna ka hi hi; kei taw ngawlin kuama in Pa kung a theng buatu hi” a cina Laithiangtho mun sia sisan in ih ki k*m tu hi.

Jesus in lampi hi
Ih sisan Laithiangtho mun sia in Jesus ii taangkona, pauna kammal hi a, Jesus in ama a hina thu nasiatak in a sonna thu khat ahi hi. Jesus ama mama lampi ahina thu ahi hi. Jesus sia lamlak khat thathong ahibua a, lamhil sya zongh ahi bua hi. Jesus ama mama sia lampi ahi hi. Pa Pathian kung thet thei natu lam dang a om bua hi. Jesus ahi lampi in Pa Pathian kung hong theng tu ahi hi. Tawntung nuntaakna atu lampi zongh Jesus bekma ahi hi. Jesus ahi lampi bekin Pa Pathian kung thet theina ahi hi.
Jesus tungtawn in Pa Pathian kungah ih thetna sia thuciam lui hun lai puanbuk le sangaw biakpiakna hun lai nasep lim te taangtung sak hi. Jesus hong thina hangin, mawnei mite atu Pathian tawh kilem kikna ih nga thei natu lampi hong hon sak hi (Romete 5:10). Mawna thaman Jesus in pia zo a, eite theampo Pa Pathian kung thet thei natu hong sam zo hi. Jesus tungtawn in tawntung nuntaakna nga tu in hong samh si hi (John 3:16). Jesus ii nungzui ih ci in Ama lampi ah tawn hi cina ahi hi. Jesus ii lampi in upna, nuntaakna, thunitna le itna tawh kidim lampi ahi hi. Jesus ii lampi in eite sia nuntaakna, kilemna le thutang suana ah lam hong pui hi (Matthew 7:13-14).
Nasep pha nasepna le biakna tawh kisai nasepna te tungah ih ki nga ba tu a, Jesus tung bek ih ki nga tu hi. Jesus ih upna in Pa Pathian tawh kizopna ah lam hong pui hi. Tawntung nuntaakna ngana lampi ahi hi. Jesus ii nungzui ih hina in Jesus ii nuntaak bangh nungta tu, hong thuhil bangh ngamta tu cina ahi hi (1 John 2:6). Na thukhensatna, na kampauna, na ngamtatna in Jesus sia Pa Pathian kung thet thei natu lampi ahina kilangh sak in. Akisia le akilal leitung lampi tam mama om hikale, Pa Pathian kung thet thei natu Jesus bekin lampi hi ci-in taangko ngam in. Na nuntaakna hamsa tha tu hikale, Jesus sungah tua haksatnate zaw natu lametna le kilemna ih nei hi.

Thukhupna
Jesus sia Pa Pathian kung thet natu lampi khat bek ahi hi. Jesus in eite suataak thumanthutak hi a, Jesus in eite lametna hong pia nuntaakna zongh ahi hi. Jesus sungah ngupna ih nga hi. Mai nipi ciangin, Jesus ii a hina 100 val om a, tua 100 sungpan John 8:12 na ah “Jesus sia leitung khuavak” ahina thu, Laithiangtho sisan in ih kik*m tu hi.

Thusinna pia—Pr. Kim Khan Thang
Dawbon/Tharkayta/Tamwe Homecell

11/04/2025

Homecell Thusinna-61/2025
Jesus: Lampuipa le thupiapa

Thupatna
Tu nipi Homecell thusinna tu in Jesus sia Lampuipa le Thupiapa ahina thu, thulu tu in ka teal hi. Jesus sia ahina tam mama om hi. Jesus sia k*mpi le hi, T**a le hi, naseam khat le hi, a hina 100 val om ahikom, Jesus tawh akisi ngawl mihing khat zongh a om bua hi. Tua 100 val te sungpan Isaiah 55:4 na ah 'Keima in ama sia minamte lampui le a ukpa khatin ka koi a, ama tungtawnin mihonpite tungah ka vaangletna ka lak hi” a cina Laithiangtho mun sia sisan in ih ki k*m tu hi.

Jesus sia Lampuipa le thupiapa
Ih sisan Laithiangtho mun sungah Jesus sia lampui le a ukpa khat in Pa Pathian in koi ahina thu in, kamsaangpa Isaiah pauna kammal hi a, hong pai pheang tu Messiah ahi Jesus Christ thu a sonhna hi. Jesus Christ sia lampuipa, tetti le thupiapa ci in ki at hi. Hi bangh aki atna sia Jesus sia thaa lam ah minamte lam lak tu, a mihingte thuman thutak tawh lampui tu le Pathian tawh kisai thupia tu in ki koi ahina te thupi laak in hong mu sak hi. Jesus sia thucingpa le k*mpipa ahina tawh kizui in, Jesus in a nungzuite ciimna, thuman le thuthiamna tawh lamlak hi.
Jesus sia thaalam lampui tu in ki koi hi. Pa Pathian mama in Jesus sia A ma mihingte lampui tu in koi a, thuman thutak, ngupna le tawntung nuntaakna sungah hong then hi (John 14:6). Jesus sia leitung lampuite bangh hi ngawl in, Jesus in thuman thutak, kiniamkhiakna le itna tawh hong lampui hi (Matthew 11:29).
Jesus in thuneina tawh thupia hi. Jesus in vantung le leitung ah thuneina theampo nei hi (Matthew 28:18). Jesus ii kammalte in suangvalte thupia a (Mark 4:39), doaite tung thupia in (Luke 8:29), natna te tungah thupia a (Mark 1:41), thina tung ngangawn thupiapa ahi hi (John 11:43-44).
Jesus in a tuute atu in a nuntaakna pia a, A tuunote ii min zongh a he tuucingpa bangh in eite hong cingpa ahi hi (John 10:11). Jesus in k*mpi te ii k*mpi hi a, minamte sia thuman thutak tawh lampui in, atawntung kilemna hong pia hi (Thupualaakna 19:16).

Thukhupna
Jesus sia lampuipa le thupiapa hi a, Pa Pathian in Ama lamhil tu le minamte a uk tu in a koi ahi hi. Jesus in thuman thutak tawh lam hong pui a, thaa thuneina tawh lam hong pui hi. Eite thu-um te ih hina tawh Jesus ii lampuinnate ih saan tu, ih zui tu hong sam hi. Mai nipi ciangin, Jesus ii a hina 100 val om a, tua 100 sungpan John 14:6 na ah “Jesus sia lampi” ahina thu, Laithiangtho sisan in ih kik*m tu hi.

Thusinna pia—Pr. Kim Khan Thang
Dawbon/Tharkayta/Tamwe Homecell

04/04/2025

Homecell Thusinna-60/2025
Jesus: Tuuno

Thupatna
Tu nipi Homecell thusinna tu in Jesus sia Tuuno ahina thu, thulu tu in ka teal hi. Jesus sia ahina tam mama om hi. Jesus sia k*mpi le hi, T**a le hi, naseam khat le hi, a hina 100 val om ahikom, Jesus tawh akisi ngawl mihing khat zongh a om bua hi. Tua 100 val te sungpan Thupualaakna 13:8 na ah 'A kithatlum Tuuno ii neisa ahi leitung kibitphua ma a nuntakna laibu sungah a kikhum min neite simngawl, leitung a teang mihing theampo in a bia tu uh hi” a cina Laithiangtho mun sia sisan in ih ki k*m tu hi.

Jesus sia Tuuno
Ih sisan Laithiangtho mun in Jesus sia akingo lum Tuuno ahina hong son a, Pa Pathian ii tawntung a ngealna le Jesus thi in eite hong ngupna thu tawh kisai hi. Tuuno sia ngupna atu a thupi khat hi bek dom ngawl in, leitung abitphua ma pek in Pa Pathian ii ngealna ah athupi khat hi zo hi. Tuuno laibu sungah aki at min theampo sia Pa Pathian tawh kisai a, nganhing ii nung a zui ngawl te ahi hi.
Jesus sia eite atu thinglamtee tungah akingo lum tuuno ahi hi. Paisan poai lai in, tuuno chi hangin Israel mihingte suataakna a nga bangin, tuni zongh Jesus ii chi in ama a um mite tawntung thina pan in hong suataak hi. Jesus ii thina in mawna atu mawphelna hi bek ngawl a, Pa Pathian ii ngealna hangin hong thi zongh hi si hi. Hi Tuuno laibu in nuntaakna laibu ahi hi. Hi nuntaakna laibu sungah hi tuuno ii chi tawh aki ngum te minte ki ciamtee hi.
Ngupna ih ngana in aluilam ih nga a hi bua hi. Pathian tatakma in hong ngup vateak ahi hi. Hi tuuno in nang atu hong thi ahikom, na min sia hi tuuno laibu sungah kikhum zo ahikom thin nuam takin na nuntaak thei hi. Leitung in a man ngawl k*mpite (Nganhingte) bia tu hikale, ei thu-um mite in ei atu hong thi, aman k*mpi Jesus ih bia hi.
Thupualaakna sungah nganhing sia ngamtatna sia leitung k*mpite ci nuam hi a, thu-um mite in hi bangh k*mpite tawh ki thol ngawl tu in hong hanthawn hi. Na min sia nuntaakna tuuno laibu sungah a om zo le, na nuntaakna sia tuuno ii pianziate ahi kiniamkhiakna, thunitna le kipiakkhiakna cite na nuntaakna in ki langh sak hi. Mihing tam mama amate ii minte sia tuuno laibu sungah a om tu in ngupna thu son in.

Thukhupna
Thupualaakna 13:8 sungah Jesus sia lei pian mapek in akingo lum tuuno ahina hong lak a, ngupna taangthu sungah atawntung dinmun khat nei ahina hong lak si hi. Hong thina in Pa Pathian ii nidang tawng pan a ngealna sungah kihel a, Jesus a um theampo sia a min uh hi tuuno laibu sungah kikhum siat zo hi. Leitung ah bangpo hong piang zong, Jesus ii nungzui te ih hina tawh kizui in, ama ih biak tu, a ngealna te ih muan tu in eite hong samh hi. Mai nipi ciangin, Jesus ii a hina 100 val om a, tua 100 sungpan Isaiah 55:4 na ah “Jesus sia lampuipa le thupiapa” ahina thu, Laithiangtho sisan in ih kik*m tu hi.

Thusinna pia—Pr. Kim Khan Thang
Dawbon/Tharkayta/Tamwe Homecell

29/03/2025

Homecell Thusinna-59/2025
Jesus: Pathian Tuuno

Thupatna
Tu nipi Homecell thusinna tu in Jesus sia Pathian tuuno ahina thu, thulu tu in ka teal hi. Jesus sia ahina tam mama om hi. Jesus sia k*mpi le hi, T**a le hi, naseam khat le hi, a hina 100 val om ahikom, Jesus tawh akisi ngawl mihing khat zongh a om bua hi. Tua 100 val te sungpan John 1:29 na ah “A zing ciangin John in ama kungah Jesus hong pai a mu ciangin, “Leitung buppi mawna a lakhia Pathian Tuuno, zialai ah om hi” a cina Laithiangtho mun sia sisan in ih ki k*m tu hi.

Jesus sia Pathian Tuuno
Tuiphumpa John in Jesus sia leitung bup ii mawna a puakhia Pathian tuuno hi ci-in na taangko hi. Hi min za sia Laithiangtho lui sungah a om sangaw biakpiakna tawh ki zom hi. John 1:36 na ah zongh hi bangh kici hi: John in Jesus hong pai mu hi. “Zia sia in Pathian Tuuno hi!” ci hi.
Jesus in paisan poai atu tuuno lim la ahina taangtung sak hi. Paisan poai hun masa lai in tuuno khat ii chi in Israel te hun hi. Aki ngo tu tuuno ii nei tu zia te sia anuai abang hi. Pusuana 12:5-7: Nganno sia k*m khat a pha, a talno na teal thei tu a, ahihang a mealhem ngawl tuu ahibuale keal hi tu hi. Tuaciang tua tha ni sawm le ni li nitak ciang Israel mi bup in tua ngante ngo tu uh hi. Mipite in a chisan pawlkhat la in, tua sa a kineak natu inn kongkha khuamte nii le a vathaang tungah noai tu nu hi. Jesus sia hi nei tu zia teng tawh ki dim in, Jesus ii chi in eite mawna le thina pan hong hun hi.
Jesus in vawtsiatna nasia tak thuak in, tuuno khat akingaw bangh thina thuak a, eite hong ngup natu thu sia kamsaangpa Isaiah in sonkholna nei hi. Isaiah ii sonkholna ah: Ama sia nasia tak kivawtsia a, ahihang kiniamkhiakna taw thuak hi; kam khat zongh huthe ngeingawl hi. Ngaw tu bekin a om tuuno khat bang le a mul meet tu bekin a kikoi tuu khat bangin, ama in kam khat beak pau ngawl hi (Isaiah 53:7). Hi sonkholna teng Jesus in taangtung sak hi.
Jesus ii thina sia akicing biakpiakna hi. Thuciamna lui sungah nganhingte sia tawmvei mawmai natu kingo in biakpiakna ki nei hi (Thiampi te 16:15-16). Jesus ii akicing in kingaw biakpiakna in ih mawna te hong vawk sak a, khat vei a thina in atawngtung atu kikhom suak hi.

Thukhupna
Jesus sia Pathian tuuno hi a, leitung bup ii mawna a pua tuuno khat bangh in ki ngo hi. Thuciam lui biakpiakna le a ngim thuak ngumpa, paisan poai atu tuuno ahina taangtung sak hi. Mai nipi ciangin, Jesus ii a hina 100 val om a, tua 100 sungpan Thupualaakna 13:8 na ah “Jesus sia Tuuno” ahina thu, Laithiangtho sisan in ih kik*m tu hi.

Thusinna pia—Pr. Kim Khan Thang
Dawbon/Tharkayta/Tamwe Homecell

Homecell Bible Study-Sizaang Kam

06/06/2025

30/05/2025

23/05/2025

17/05/2025

09/05/2025

02/05/2025

25/04/2025

18/04/2025

11/04/2025

04/04/2025

29/03/2025

Address

Website

Alerts

Shortcuts

Share

Category