မြင့်မြတ်အမျိူးသမီးစာစောင် - Myint Myat Women Magzine

18/05/2026

ဒီအပတ်ချစ်သောအမျိူးသမီးများအတွက်တော့ ပုံပြင်လေးဖတ်ပြီး ခွန်အားယူကြမယ်နော်

အီစွတ်ပုံပြင်ထဲမှတစ်ခု
ပုံပြင်များသည် ကလေးများအတွက်ဟု အများက လက်ခံထားကြသည်။ ငယ်ငယ်တုံးက အိပ်ရာဝင်ပုံပြင်များကို မိဘများက ပြောပြလေ့ရှိသည်။ ရှေးလူကြီးများသည် အိပ်ရာဝင် ပါးစပ်ပုံပြင်များကိုသာပြောပြကြသည်။ ကလေးများမှာလည်း ပုံပြင်နားထောင်ရသောကြောင့် အလွန်ပျော်ကြသည်။ နားထောင်ရင်း အိပ်ပျော်သွားကြသည်။ လူကြီးများက ပြောသူ ကလေးများက နားထောင်သူသာ ဖြစ်သည်။ သို့သော် ပုံပြင်များသည် လူ့ဘဝအတွက် အတုယူစရာ တည်ဆောက်စရာ၊ လိုက်နာကျင့်သုံးစရာ, ခွန်းအားရစရာ အကြောင်းများစွာပါဝင်ပါတယ်။ ကမ္ဘကျော် အီစွတ်ပုံပြင်များ၊ ဂရင်းညီအစ်ကို ပုံပြင်များသည် အလွန်ဖတ်၍ကောင်း နားထောင်လို့ကောင်းသော ပုံပြင်များဖြစ်သည်။
အီစွတ်ပုံပြင်များထဲမှ တပုဒ်ကို ပြောပြပါမယ်။ တခါတော့ တောထဲမှာ နေကြတဲ့ ယုန်တစ်အုပ်က စုဝေးပြီးတိုင်ပင်ကြတယ်တဲ့။ သူတို့တွေဟာ နေရတာ လုံခြုံမှူ့ မရှိဘူးလို့ခံစားရတယ်။ မြေမှာ ပြေးလဲ ခွေးကိုကြောက်ရတယ်။ ကောင်းကင်မှာလည်း လင်းယုန်ငှက်ရဲ့ အန္တရာယ်ကရှိသေးတယ်။ အခြားတိရိစ္ဆာန်အများအပြားအပြင် ကရုဏာမထားဘဲ လူတွေကသားကောင်အဖြစ် ဖမ်းစားကြသေးတယ်။ နေ့သေမလား၊ ညသေမလား စိုးရိမ်ပူပန်ပြီးနေမဲ့အစား အားလုံးရေကန်ထဲခုန်ချပြီး သေလိုက်ကြရအောင်လို့ ဆုံးဖြတ်ကြတယ်။ အနီးပတ်ဝန်းကျင်မှရှိသော ရေကန်တစ်ကန်ဆီသို့ အုပ်စုလိုက်အပြေးသွားကြတယ်တဲ့။ ယုန်တွေ ရေကန်နားသို့ရောက်ကြတော့ ကန်ပတ်လည်မှာ နေထိုင်ကြတဲ့ ဖာတွေကလည်း ကြောက်လန့်ပြီး သူ့ထက်ငါ ရေကန်ထဲသို့ ခုန်ချပြီး ငုပ်လျိူးပျောက်ကွယ်သွားကြတယ်။ တစ်ကောင်မှ ပေါ်မလာတော့ပေ။ ထိုအချင်းအရာကို မြင်တော့ ယုန်များထဲကတစ်ကောင်က အသိဥာဏ်ဝင်လာပြီး “ ဟေ့ဟေ့ အားလုံးရပ်ကြ၊ အရမ်းအရမ်းမလုပ်ကြနဲ့အုံး” လို့ ကမန်းကတန်းလှမ်းတားလိုက်တယ်။ “ငါ့တို့ ထက် တထိပ်ထိပ် တလန့်လန့် နေကြသူတွေ လောကကြီးမှာ ရှိနေကြတာကို တွေ့ကြတယ်မဟုတ်လား” လို့ ပြောလိုက်တယ်။
လောကကြီးတွင် မိမိထက် အခြေအနေဆိုးသူတွေတောင် နေနေကြသေးရင် ငါတို့ ဘာကြောင့်သတ်သေပြီးဘဝကို အရှုံးပေးရမလဲ။ လောကဓံကို အညံ့မခံဘဲ၊ အရှုံးမပေးကြံ့ကြံ့ခိုင်ရပ်တည်ရမှာပေါ့” လို့ပြောပြီး သူတို့မသေဖြစ်ကြတော့ဘူးတဲ့။ ပုံပြင်လေးကတော့ဒါပါဘဲ။ သင်ခန်းစာကတော့ မည်သည့်အခြေအနေမှာမဆို ဘဝကို အရှုံးမပေးဖို့နှင့် ဘဝမှာ မိမိထက် အခြေအနေဆိုးသောသူများရှိသေးတယ်ဆိုတဲ့ အသိတရားရှိရမယ်ဆိုတာပါဘဲ”
လောကဓံကို ကြံ့ကြံ့ခံနိုင်ကြပါစေ။
Olive (MTI)

18/05/2026

အီစွတ်ပုံပြင်ထဲမှတစ်ခု
ပုံပြင်များသည် ကလေးများအတွက်ဟု အများက လက်ခံထားကြသည်။ ငယ်ငယ်တုံးက အိပ်ရာဝင်ပုံပြင်များကို မိဘများက ပြောပြလေ့ရှိသည်။ ရှေးလူကြီးများသည် အိပ်ရာဝင် ပါးစပ်ပုံပြင်များကိုသာပြောပြကြသည်။ ကလေးများမှာလည်း ပုံပြင်နားထောင်ရသောကြောင့် အလွန်ပျော်ကြသည်။ နားထောင်ရင်း အိပ်ပျော်သွားကြသည်။ လူကြီးများက ပြောသူ ကလေးများက နားထောင်သူသာ ဖြစ်သည်။ သို့သော် ပုံပြင်များသည် လူ့ဘဝအတွက် အတုယူစရာ တည်ဆောက်စရာ၊ လိုက်နာကျင့်သုံးစရာ, ခွန်းအားရစရာ အကြောင်းများစွာပါဝင်ပါတယ်။ ကမ္ဘကျော် အီစွတ်ပုံပြင်များ၊ ဂရင်းညီအစ်ကို ပုံပြင်များသည် အလွန်ဖတ်၍ကောင်း နားထောင်လို့ကောင်းသော ပုံပြင်များဖြစ်သည်။
အီစွတ်ပုံပြင်များထဲမှ တပုဒ်ကို ပြောပြပါမယ်။ တခါတော့ တောထဲမှာ နေကြတဲ့ ယုန်တစ်အုပ်က စုဝေးပြီးတိုင်ပင်ကြတယ်တဲ့။ သူတို့တွေဟာ နေရတာ လုံခြုံမှူ့ မရှိဘူးလို့ခံစားရတယ်။ မြေမှာ ပြေးလဲ ခွေးကိုကြောက်ရတယ်။ ကောင်းကင်မှာလည်း လင်းယုန်ငှက်ရဲ့ အန္တရာယ်ကရှိသေးတယ်။ အခြားတိရိစ္ဆာန်အများအပြားအပြင် ကရုဏာမထားဘဲ လူတွေကသားကောင်အဖြစ် ဖမ်းစားကြသေးတယ်။ နေ့သေမလား၊ ညသေမလား စိုးရိမ်ပူပန်ပြီးနေမဲ့အစား အားလုံးရေကန်ထဲခုန်ချပြီး သေလိုက်ကြရအောင်လို့ ဆုံးဖြတ်ကြတယ်။ အနီးပတ်ဝန်းကျင်မှရှိသော ရေကန်တစ်ကန်ဆီသို့ အုပ်စုလိုက်အပြေးသွားကြတယ်တဲ့။ ယုန်တွေ ရေကန်နားသို့ရောက်ကြတော့ ကန်ပတ်လည်မှာ နေထိုင်ကြတဲ့ ဖာတွေကလည်း ကြောက်လန့်ပြီး သူ့ထက်ငါ ရေကန်ထဲသို့ ခုန်ချပြီး ငုပ်လျိူးပျောက်ကွယ်သွားကြတယ်။ တစ်ကောင်မှ ပေါ်မလာတော့ပေ။ ထိုအချင်းအရာကို မြင်တော့ ယုန်များထဲကတစ်ကောင်က အသိဥာဏ်ဝင်လာပြီး “ ဟေ့ဟေ့ အားလုံးရပ်ကြ၊ အရမ်းအရမ်းမလုပ်ကြနဲ့အုံး” လို့ ကမန်းကတန်းလှမ်းတားလိုက်တယ်။ “ငါ့တို့ ထက် တထိပ်ထိပ် တလန့်လန့် နေကြသူတွေ လောကကြီးမှာ ရှိနေကြတာကို တွေ့ကြတယ်မဟုတ်လား” လို့ ပြောလိုက်တယ်။
လောကကြီးတွင် မိမိထက် အခြေအနေဆိုးသူတွေတောင် နေနေကြသေးရင် ငါတို့ ဘာကြောင့်သတ်သေပြီးဘဝကို အရှုံးပေးရမလဲ။ လောကဓံကို အညံ့မခံဘဲ၊ အရှုံးမပေးကြံ့ကြံ့ခိုင်ရပ်တည်ရမှာပေါ့” လို့ပြောပြီး သူတို့မသေဖြစ်ကြတော့ဘူးတဲ့။ ပုံပြင်လေးကတော့ဒါပါဘဲ။ သင်ခန်းစာကတော့ မည်သည့်အခြေအနေမှာမဆို ဘဝကို အရှုံးမပေးဖို့နှင့် ဘဝမှာ မိမိထက် အခြေအနေဆိုးသောသူများရှိသေးတယ်ဆိုတဲ့ အသိတရားရှိရမယ်ဆိုတာပါဘဲ”
လောကဓံကို ကြံ့ကြံ့ခံနိုင်ကြပါစေ။
Olive (MTI)

11/05/2026

ဒီအပတ် ချစ်သော အမျိူးသမီးများအတွက် Virtuous Voice ရဲ့ ဆောင်းပါးလေးပါ. ဖတ်ရှု့သူ ချစ်သော အမျိူးသမီးများအားလုံးကို ဘုရားရှင်ကောင်းချီးပေးပါစေ.

“ကတိတော်ဖြင့် ရဲဝင့်စွာလျှောက်လှမ်းပါ”
အခြေပြုကျမ်းချက်။ ။ထွက်မြောက်ရာကျမ်း ၁၃း၂၁-၂၂

ထွက်မြောက်ရာကျမ်းတွင် ထာဝရဘုရားသခင်သည် မောရှေကိုစေလွှတ်၍ ဣသရေလ လူမျိူးများကို အီဂျစ်ပြည်မှ အံ့ဩဖွယ်ရာ နိမိတ်လက္ခဏာများစွားဖြင့် ကယ်ထုတ်တော်မူခဲ့သည်ကို ကျွနု်ပ်တို့ အားလုံးသမ္မာကျမ်းစာထဲမှ ဖတ်ရှု့လေ့လာသိရှိပြီးဖြစ်သည်။ ၎င်းတို့သည် ကတိတော်ထားရာပြည်ဖြစ်သော ခါနန်ပြည်ထဲသို့ ဝင်စားခွင့်ရရန်မှာ နှစ်ပေါင်း၄၀မျှ ကြာမြင့်ခဲ့ရသည်။ ခါနန်ပြည်ကို လှမ်းမြင်နေရသော နေရာတွင် ရောက်ရှိနေသော်လည်း၊ ခါနန်ပြည်ထဲသို့ ဝင်ရောက်ခွင့် မရသည်မှာ အဘယ်ကြောင့်နည်း။
ကန္တာရအလယ်ထဲတွင် လျှောက်သွားစဉ်တွင် ဘုရားသခင်သည် နေ့အချိန်တွင် မိုးတိမ်တိုင်အားဖြင့် လည်းကောင်း၊ ညအချိန်တွင် မီးတိုင်အားဖြင့်လည်းကောင်း လမ်းပြခြင်းဖြင့် ကိုယ်တော်အတူပါရှိခြင်းကို ပြသတော်မူခဲ့သော်လည်း သူတို့၏ ယုံမှားသံသယများကြောင့် ကတိတော်ထားရာပြည်ကို မဝင်စားနိူင်ဘဲ ကန္တာရထဲတွင် အနှစ်၄၀မျှ လှည့်လည်ခဲ့ရသည်။
ယနေ့ကျမတို့ အသက်တာကို ပြန်လည်ဆင်ခြင်သည့် အခါတွင်လည်း အခက်အခဲ ဒုက္ခပြဿနာများနှင့် ရင်ဆိုင်ကြုံတွေ့ရသောအခါတွင် ဣသရေလများကဲ့သို့ ယုံမှား သံသယ ညီးတွားပြစ်တင်ခြင်းများထဲတွင် တဝဲလည်လည် ဖြင့် လမ်းပျောက်နေကာ ကိုယ်တော်ထားတော်မူသော ကတိတော်များ၊ ကိုယ်တော်နှင့် အတူပါရှခြင်းများကို မမြင်နိုင်လောက်အောင် စိတ်ပျက်ဝမ်းနည်းခြင်းများ ဖုံးအုပ်နေပါသလား၊ အသက်ရှင်၍ ကောင်းမြတ်တော်မူသော ဘုရားသခင်သည် ယနေ့ သင့်ကို အောက်ပါကျမ်းချက်လေးဖြင့် စကားပြောတော်မူလျက်ရှိပါသည်။ ယောရှုမှတ်စာ ၁း၉ တွင် “ သင့်ကို ငါမှာထားသည် မဟုတ်လော၊ အားယူ၍ ရဲရင့်ခြင်းရှိလော့။ မကြောက်နှင့် စိတ်မပျက်နှင့်။ သွားလေရာရာ၌ သင်၏ ဘုရားသခင် ထာဝရဘုရား ရှိတော်မူသည်ဟု မိန့်တော်မူ၏”
မိမိတို့ထက် အင်အားကြီးသော သူများကိုတွေ့ရသော်လည်း ဘုရားသခင်၏ ကတိတော်ကို ယုံကြည်ခြင်းဖြင့် ကိုင်စွဲ၍ ယုံကြည်ခြင်းအပြည့်ဖြင့် စစ်တိုက်၍ အောင်နိုင်ခဲ့သော ယောရှုကဲ့သို့ ဘုရားသခင်၏ ကတိတော်များအ‌ေပါ်တွင် ယုံမှားသံသယမရှိဘဲ နေ့ရက်သစ်တိုင်းအတွက် ကျေးဇူးတော်ကို ချီးမွမ်းလျှက်၊ ဝမ်းမြောက်ခြင်းဖြင့် မိမိတို့ အသက်တာများ အားဖြင့် ဘုရားသခင်၏ ဘုန်းတော်ထင်ရှားစရာ အကြောင်း ဖြစ်ကြပါမည့် အကြောင်း တိုက်တွန်းရေးသားလိုက်ပါသည်။
By
Virtuous Voice

11/05/2026

“ကတိတော်ဖြင့် ရဲဝင့်စွာလျှောက်လှမ်းပါ”
အခြေပြုကျမ်းချက်။ ။ထွက်မြောက်ရာကျမ်း ၁၃း၂၁-၂၂

ထွက်မြောက်ရာကျမ်းတွင် ထာဝရဘုရားသခင်သည် မောရှေကိုစေလွှတ်၍ ဣသရေလ လူမျိူးများကို အီဂျစ်ပြည်မှ အံ့ဩဖွယ်ရာ နိမိတ်လက္ခဏာများစွားဖြင့် ကယ်ထုတ်တော်မူခဲ့သည်ကို ကျွနု်ပ်တို့ အားလုံးသမ္မာကျမ်းစာထဲမှ ဖတ်ရှု့လေ့လာသိရှိပြီးဖြစ်သည်။ ၎င်းတို့သည် ကတိတော်ထားရာပြည်ဖြစ်သော ခါနန်ပြည်ထဲသို့ ဝင်စားခွင့်ရရန်မှာ နှစ်ပေါင်း၄၀မျှ ကြာမြင့်ခဲ့ရသည်။ ခါနန်ပြည်ကို လှမ်းမြင်နေရသော နေရာတွင် ရောက်ရှိနေသော်လည်း၊ ခါနန်ပြည်ထဲသို့ ဝင်ရောက်ခွင့် မရသည်မှာ အဘယ်ကြောင့်နည်း။
ကန္တာရအလယ်ထဲတွင် လျှောက်သွားစဉ်တွင် ဘုရားသခင်သည် နေ့အချိန်တွင် မိုးတိမ်တိုင်အားဖြင့် လည်းကောင်း၊ ညအချိန်တွင် မီးတိုင်အားဖြင့်လည်းကောင်း လမ်းပြခြင်းဖြင့် ကိုယ်တော်အတူပါရှိခြင်းကို ပြသတော်မူခဲ့သော်လည်း သူတို့၏ ယုံမှားသံသယများကြောင့် ကတိတော်ထားရာပြည်ကို မဝင်စားနိူင်ဘဲ ကန္တာရထဲတွင် အနှစ်၄၀မျှ လှည့်လည်ခဲ့ရသည်။
ယနေ့ကျမတို့ အသက်တာကို ပြန်လည်ဆင်ခြင်သည့် အခါတွင်လည်း အခက်အခဲ ဒုက္ခပြဿနာများနှင့် ရင်ဆိုင်ကြုံတွေ့ရသောအခါတွင် ဣသရေလများကဲ့သို့ ယုံမှား သံသယ ညီးတွားပြစ်တင်ခြင်းများထဲတွင် တဝဲလည်လည် ဖြင့် လမ်းပျောက်နေကာ ကိုယ်တော်ထားတော်မူသော ကတိတော်များ၊ ကိုယ်တော်နှင့် အတူပါရှခြင်းများကို မမြင်နိုင်လောက်အောင် စိတ်ပျက်ဝမ်းနည်းခြင်းများ ဖုံးအုပ်နေပါသလား၊ အသက်ရှင်၍ ကောင်းမြတ်တော်မူသော ဘုရားသခင်သည် ယနေ့ သင့်ကို အောက်ပါကျမ်းချက်လေးဖြင့် စကားပြောတော်မူလျက်ရှိပါသည်။ ယောရှုမှတ်စာ ၁း၉ တွင် “ သင့်ကို ငါမှာထားသည် မဟုတ်လော၊ အားယူ၍ ရဲရင့်ခြင်းရှိလော့။ မကြောက်နှင့် စိတ်မပျက်နှင့်။ သွားလေရာရာ၌ သင်၏ ဘုရားသခင် ထာဝရဘုရား ရှိတော်မူသည်ဟု မိန့်တော်မူ၏”
မိမိတို့ထက် အင်အားကြီးသော သူများကိုတွေ့ရသော်လည်း ဘုရားသခင်၏ ကတိတော်ကို ယုံကြည်ခြင်းဖြင့် ကိုင်စွဲ၍ ယုံကြည်ခြင်းအပြည့်ဖြင့် စစ်တိုက်၍ အောင်နိုင်ခဲ့သော ယောရှုကဲ့သို့ ဘုရားသခင်၏ ကတိတော်များအ‌ေပါ်တွင် ယုံမှားသံသယမရှိဘဲ နေ့ရက်သစ်တိုင်းအတွက် ကျေးဇူးတော်ကို ချီးမွမ်းလျှက်၊ ဝမ်းမြောက်ခြင်းဖြင့် မိမိတို့ အသက်တာများ အားဖြင့် ဘုရားသခင်၏ ဘုန်းတော်ထင်ရှားစရာ အကြောင်း ဖြစ်ကြပါမည့် အကြောင်း တိုက်တွန်းရေးသားလိုက်ပါသည်။
By
Virtuous Voice

04/05/2026

ဒီအပတ် ချစ်သော အမျိူးသမီးများအတွက် သဲရုသရဲ့ ဆောင်းပါးလေးပါ. နောက်အပတ်မှာ Virtuous Voice ရဲ့ ဆောင်းပါးလေးလဲ စောင့်မျှော်နေနော်. ဖတ်ရှု့သူ အမျိူးသမီးများအားလုံးကို ဘုရားရှင်သာ၍ ကောင်းချီးပေးပါစေ....

ဘုရားသခင်၏ ခရစ္စမတ်လက်ဆောင်
ရှေးဦးစွာ ဘုရားသခင်၏ ကျေးဇူးတော်ကို ရေတွက်ချီးမွမ်းရင်း ဘုရားသခင်ပေးတဲ့ လက်ဆောင်ပေးအကြောင်း ဝေမျှလိုက်ပါတယ်။ လူတိုင်း လူတိုင်း ခရစ္စမတ်နေ့ ရောက်ပြီဆိုရင် လက်ဆောင်အသီးသီး ရကြစမြဲပါ။ ကျွန်မကို ဘုရားသခင်ပေးတဲ့ လက်ဆောင်ကတော့ အခြားသူများအတွက် မပြောပလောက်ပေမယ့် ကျွန်မရဲ့ဘဝအတွက်ကတော့ အကြီးမားဆုံးသော၊ တန်ဖိုးမဖြတ်နိုင်သော လက်ဆောင်တစ်ခုပါ။
ဟိုအရင် ကျွန်မကလေးဘဝတုန်းက မိသားစုအားလုံး အခြားသော ဘုရားကို ကိုးကွယ်ခဲ့ကြသူပါ။ ၂၀၀၇ မှာ ဖေဖေဆုံးပါးတယ်၊ သားအမိ ၃ ဦး ကျန်ခဲ့တယ်၊ ကျွန်မက အငယ်ဆုံးပါ။ ၂၀၀၈ မေလမှာ နာဂစ်မုန်တိုင်း ကျရောက်တဲ့ မိတ္ထီလာကနေ စကားတွေ ရောက်လာတယ်၊ မေမေ ယုံကြည်သူဖြစ်လာခဲ့သလို အငယ်ဆုံးသမီးဖြစ်တဲ့ ကျွန်မလည်း မေမေ့လက်ကိုဆွဲကိုင်ရင်း Sunday school၊ ဘုရားကျောင်းတက်ခြင်း၊ Home Cell များ ပါဝင်လာခဲ့ရတယ်။
ကလေးဘဝ ပျော်ပျော်ပါးပါးနေရင်း ဆယ်တန်းရောက်ခဲ့ပြီ။ Home cell ကို ပုံမှန်မလိုက်ဖြစ်ပေမယ့် တခါတရံ လူငယ်တွေနဲ့၊ တခါတရံ အသင်းတော်လူကြီးတွေနဲ့ လိုက်ဖြစ်ခဲ့ပါတယ်။ တစ်နေ့... ဒဂုံတက္ကသိုလ် ကျောင်းဝင်းထဲ Home cell သွားရင်း ကျောင်းတော်ကြီးကိုကြည့်ပြီး တက္ကသိုလ်တက်ချင်လိုက်တာ... "ဘုရားသခင် သမီးကို ဆယ်တန်းအောင်မြင်ပေးပါ၊ ဒဂုံတက္ကသိုလ်မှာလည်း တက်ခွင့်ပေးပါ" လို့ ရိုးရိုးလေး ဆုတောင်းမိခဲ့ပါတယ်။ တခါပါဘဲ
ဆယ်တန်းစာမေးပွဲ မအောင်ခဲ့ပါဘူး။ ၁နှစ်၊၂နှစ်၊၃နှစ် မြောက်မှာ စာမေးပွဲအောင်ခဲ့ပေမယ့် ကျေးဇူးတော်ချီးမွမ်းခဲ့ပေမယ့် လွန်ခဲ့တဲ့ နှစ်တွေက ဆုတောင်းမိခဲ့တာကို မေ့သွားခဲ့ပါတယ်။ စီးပွားရေး အဆင်မပြေတော့ Day မတက်နိုင်ဘူး။ အဝေးသင်ပဲ တက်ခွင့်ရတယ်။ ဒဂုံတက္ကသိုလ်ရဲ့ ဝန်ထမ်း တစ်ယောက်ကျေးဇူးကြောင့် ဒဂုံတက္ကသိုလ်ရဲ့ ရုံးပိုင်းဆိုင်ရာဌာနတစ်ခုမှာ ရုံးအကူဝန်ထမ်း ဖြစ်ခဲ့ရပြီး အဝေးသင်ကျောင်းသူ ပေးမယ့် တက္ကသိုလ်ဝင်းထဲကို နေ့တိုင်း နီးပါး ရောက်ရတဲ့အတွက် ဘုရားသခင် ပြင်ဆင်ပေးခဲ့ပါတယ်။
ဝန်ထမ်း စလုပ်မိတယ်ဆိုတော့ ပြဿနာစတက်ပါပြီ။ ကျွန်မဘဝအတွက် အရေးအကြီးဆုံးတစ်ခုဖြစ်တဲ့ နိုင်ငံသာစစ်ဆေးရေးကတ် (မှတ်ပုံတင်) မရှိဘူး။ အလုပ်အတွက် လျှောက်ထားဆဲ လို့ပြောခဲ့ပေမယ့် မပျော်တော့ဘူး။ ငယ်စဉ်က အဖေမရှိတော့ မေ့ခဲ့တာတွေ အခု ဒီအသက်အရွယ် (၁၉) နှစ်အထိ မှတ်ပုံတင် မရှိဘူး။ စိတ်ပူလာပြီး မေမေ့ကို အပူကပ်ပြီး ပြင်ဆင်ရတော့မယ်။ ဘာခက်ခဲလို့လဲ လုပ်ပေါ့။ ဟုတ်ပါတယ်။ ကျွန်မအတွက် အရမ်းခက်ခဲပါတယ်။ မေ့မေ့ဆီမှာ ဘာအထောက်အထားမှ မကျန်ခဲ့ဘူး။ စာခြားမြို့နယ်တခုရဲ့ သန်းခေါင်စာရင်း မိတ္တူတစ်ခုပဲ ရှိတယ် အစစ်လည်း မရှိတော့ဘူး။ နောက်တစ်ခုက အဲဒီ သန်းခေါင်စာရင်းမှာ ကျွန်မနာမည် မပါဘူး။ အစကနေပြန်လုပ်ကြမယ်ပေါ့။ ကိုယ်တိုင် သွားလုပ်တော့ မေမေ မှတ်ပုံတင်နံပါတ်က သူများနံပါတ်ဖြစ်နေတယ်။ လုပ်လို့မရဘူး။ ပွဲစားတွေနဲ့ လုပ်လိုက်၊ ကိုယ်တိုင်သွားလုပ်နဲ့ ငွေတွေ အချိန်တွေဟာ ကုန်သွားတယ်။ အဆင်မပြေဘူး။ ဘာအထောက်အထားမှ မရှိတော့ အပြောအဆို ပြစ်တင်ခြင်းတွေခံရတယ်။ စိတ်ပျက်လာပြီ မလုပ်ချင်တော့ဘူး။ မလုပ်လို့က မရတော့ဘူး. ဘာလုပ်မလဲ။ သတိယတိုင်းဆုတောင်းချက်တင်တယ်။ ဆုတောင်းပေးခဲ့ကြတယ်။ ဒီလိုနဲ့ တစ်ရက်ပြီးတရက်၊ တစ်လပြီးတလ၊ တနှစ်ပြီးတနှစ် ကုန်လာခဲ့ပြီ။ ခုထိအဖြေက မရေရာ၊ မသေချာ။
ဒီလိုနဲ့ ၂၀၂၄ခုနှစ် ခရစ္စမတ်ကာလအတွက် အသင်းတော်လူငယ်များက Shop video လေးရိုက်ဖို့ ဇာတ်လမ်းတိုအစီအစဉ်လေး ရေးဆွဲကြတယ္။ ကျမက အဓိကသရုပ်ဆောင်နေရာမှာ ပါဝငါရမှာဖြစ်ပါတယ်။ ရိုက်ဖို့ရက်တွေသတ်မှတ်ပြီးပြီ. လိုအပ်တဲ့ပစ္စည်း တွေလည်း ပြင်ဆင်ပြီးပြီ. ဒါရို်ကတာတွေလာ်း ရက်ချိန်းပေးပြီးပြီ. ရိုက်ဖို့ အဆင်သင့်ဖြစ်ပြီ မနက်ဖြန်အသင်းတော်မှာ လူစူပြီးရိုက်ဖို့ တင်ဆက်ဖို့ အားလုံးစီစဉ်ပြီးပြီ။ ခုလိုညမှာပဲ ရပ်ကွက်အနှံ့ကြော်ငြာသံကြားရပါတယ်။ မနက်ဖြန် မှတ်ပုံတင်မရှိသူများအားလုံး ပန်းခင်းမံချက်နဲ့ မှတ်ပုံတင်လုပ်ပေးမယ် ဓမ္မာရုံလာခဲ့ကြပါပေါ့။ ရပ်ကွက်ထဲမှာ ယုံတဲ့သူလည်း ယုံကြတယ်။ မယုံတဲ့သူတွေကလည်း မလုပ်ဘူး။ ဘာညာဘာညာပေါ့.စဉ်းစားရတော့မယ် ရွေးချယ်ရတော့မယ်။ကျမတို့လည်း ငွေလူတွေ အချိန်တွေ အကုန်အကျခံပြီး လုပ်ခဲ့ပြီးပြီ။ အထောက်အထားဘာဆို ဘာတခုမှမရှိခဲ့လို့ မရခဲ့ဘူး။ မနက်ဖြန် Video လည်းရိုက်ရအုံးမယ်။ ကျမ်းစာကလဲ ပြောထားသေးတယ်။ “ ဘုရားသခင်၏နိုင်ငံတော်နဲ့ ဖြောင့်မတ်ခြင်း တရားတော်ကို ရှေးဦးစွာရှာကြလော့။ နောက်မှ ထိုအရာများကို ထပ်၍ ပေးတော်မူလတံ့” (ရှင်မဿဲ ၆း၃၃) နောက်တခုက ဘဝအတွက် အရေးကြီးသော မှတ်ပုံတင်အတွက် အခွင့်အရေး ။ ဘုရားသခင်ကို ဝန်ချတောင်ပန်ရင်းနဲ့ မှတ်ပုံတင်လုပ်ဖို့ ရွေးချယ်လိုက်မိပါပြီ။ စီမံချင=က်နဲ့ အခမဲ့လုပ်ပေးတယ်ဆိုပေမဲ့ လိုအပ်တာတွေစစ်ရ၊ ဖြည့်ရနဲ့ တနေ့ထဲ ၆သောင်းလောက် ကုန်ခဲ့ပါတယ်။ ရပ်ကွက်အဆင့်တော့ အောင်မြင်ခဲ့ပါပြီ။ ရက်ချိန်းရလို့ မြို့နယ်ရုံးမှာ သွားခဲ့ပါတယ်။ ပြဿနာကစတွေ့ပြီလေ။ ဘာအထောက်အထားမှ မရှိ။ သန်ခေါင်စာရင်းရှာမတွေ့။ မိဘတွေရဲ့ မှတ်ပူံတင်နံပါတ်တွေရှာမတွေ့။ အထဲဝင်လိုက် အပြင်ပြန်ထွက်လိုက် စိတ်ပန်းလူမောပြီး ထိုင်လိုက် ထလိုက် ဆုတောင်းလိူက်နဲ့ စိတ်တွေညစ်လိုက်တာ…..
အဲ့အချိန်မှာ မေမေက အကြံတခုပေးတယ်။ အဖေမရှိတော့ အဆင်ပြေတယ်။ အမေရှိရဲ့သားနဲ့ အမေ့ မှတ်ပုံတင်မရှိရင် မလုပ်ပေးဘူး။ အဆင်မပြေဘူး။ အမေက အသက်ကြီးပြီ ဘာမှ မဖြစ်ဘူး။ အမေ့ကိုလည်း သေပြီဆိုပြီး ဖြည့်ခိုင်းပါတယ်။ မလုပ်ချင်ဘူး မလုပ်ဘူးလို့ ငြင်းခဲ့ပေမဲ့ အမေကိုယ်တိုင် ဖြည်းပေးလို့ လုပ်ခဲ့တယ်။ ကွန်ပျူတာနဲ့စစ်တော့ အဖေ အမေမရှိရင် အမျိူးတော်စပ်သူရဲ့ မှတ်ပုံတင်တခု ရှိရင်ရတယ်ဆိုလို့ ဟိုလူ့ဖုန်းဆက်၊ အဒေါ်တွေဆက် ဦးလေးတွေဖုန်းဆက်ရင်နဲ့ ဒုတိယအဆင့် အောင်မြင်ခဲ့ပြီ။ ဖုန်းနံပါတ်တွေ ဘူထာူပြီး အကြောင်းကြားမယ္ဆိုလို့ ပြန်လာခဲ့ရတယ်။ မျှော်လင့်ချက်ကတော့ ၅၀%ပေါ့.
၂၀၂၅ခုနှစ် တစ်ပြီးတလကုန်သွားတယ်။ ဖုန်းလည်းမလာဘူး။ တချို့တွေရကုန်ပြီ။ ကျမက အခုထိမ၇သေး။ စိတ်ပူလာပြီ။ ရုံးသွားစုံစမ်းတော့လည်း မသေချာ။ ဖုန်းဆက်မယ်။ ဒါပဲပြောတယ်။ တနေ့ မမျှော်လင့်ပဲ သတင်းတခုကြားရပြီ မျှောင်လင့်ချက် အလင်းတန်းလေးတခု………
မဲဆန္ဒအမှီ မှတ်ပုံတင်တွေရမယ်။ အပြီးလုပ်ပေးမယ်။(ရပ်ကွက်သတင်း) စောင့်စားရင်းနဲ့ နောက်ဆုံးနှစ်စာမေးပွဲဖြေမဲ့ရက်ရောက်လာပြီ။ နိုဝင်ဘာလမှာ ဖြေရပါတယ်။ မှတ်ပုံတင်ကလည်း မရသေးဘူး၊ စိတ်ပူလာပြီ။ စီမံချက်နဲ့ လာလုပ်ပေးတာတောင်ငါမရတော့ဘူး။ သူများတွေရကုန်ပြီ။ ငါ့အတွက် မျှော်လင့်ချက်မရှိတော့ပါလားဆိုပြီး ဝမ်းနည်းမိတယ်။ ဘုရားသခင်ထံဆုတောင်းတယ်။ အသင်းတော်ရဲ့ အစာရှောင်နေ့မှာ ပိုပြီးပါဝင်လာတယ်။ဆုတောင်းလာတယ်။ တခြားနည်းနဲ့ ဝင်ပြီးပြောကြည့်မယ်ဆိုပြီး ရုံးခန်းကို ခဏခဏသွားတယ်။မရဘူး။ သူတို့ဆီကအဖြေကတော့ ဖုန်းဆက်မယ် စောင့်နေပါ။ ဒါပဲပြောပါတယ်။ ရုံးကို ခနခနသွားတော့ တနေ့မှာ စာရွက်တစ်ရွက်ထုပပေးတယ်။ ရုံးစာအိတ်နဲ့ပေါ့။အရင်နေခဲ့တဲ့ မြို့နယ်ကို ပြန်သွားခိုင်းပါတယ်။ စာမေးပွဲဖြေရက်ဆိုတော့ မေမေ တယောက်ထဲသွားပါတယ်။ မရဘူး။ ကိုယ်တိုင်လာပါတဲ့။ တနေ့ထဲ အပြီးလုပ်ရမယ်တဲ့။ စာမေးပွဲကတဖက် ဟိုမြို့နယ်ရုံးပြေးလိုက်၊ စာမေးပွဲသွဦးဖြေလိုက်။ ဖြေလို့ပြီးတော့ ဒီဖက်မြို့နယ်ရုံးကို ပြေး စာအိပ်ပို့ပေးနဲ့ တနေကုန်စိတ်မောခဲ့ရပြန်ပြီ။ အဲ့ဒီ့နေ့မှသိခဲ့ရတာက ကျမတို့ သန်ခေါင်စာရင်းထဲမှာ အဖေနံမည်ရော အမေနံမည်ရော ထခြားသူတွေရဲ့နံမည်တွေနဲ့ ကျမမိဘရဲ့ မှတ်ပုံတင်နံပါတ်ကို သူတို့ယူထားကြတယ်ဆိုတာပါ သိခဲ့ရတယ်။ ဪ… လူတွေလူတွေ ဟိုအရင်ခေတ်က ကွန်ပျူတာထဲ မထည့်ခဲ့တဲ့ အချိန်တုန်းက လုပ်ရပ်တခုပေါ့။
ဒီလိုနဲ့….စာမေးပွဲဖြေပြီးခဲ့ပြီ။ အောင်စာရင်ူထွက်ရင် ဘွဲ့ယူရတော့မယ္။ မှတ်ပုံတင်ရဖို့ကတော့ ရ၅% သေချာနေပြီပေါ့.
၂၀၂၅ ဒီဇင်ဘာလဆန်းမှာ ရုံးကဖုန်းဆက်တာကို မစောင့်ပဲ ဒု-ဦးစီးမှူးဆီ တိုက်ရိုက်ဖုန်းဆက်တော့ မနက်လာခဲ့ပါတဲ့။ မှတ်ပုံတင်ရမယ်တဲ့။ အို ဝမ်းသာလိုက်တာ………. မှတ်ပုံတင်ကဒ်မှာ လက်ဗွေနှိပ် လက်မှတ်ထိုးတယ်။ စမတ်ကဒ်ရိုက်ခဲ့ရတယ်။ (အကြီးတခု၊အသေးတခု) မှတ်ပုံတင်မရခဲ့ဘူး။ ဦးစီးမှူးလက်မှတ်မဖိုးရသေးလို့တဲ့လေ။ ဝမ်းသာဝမ်းနည်းပေါ့။ နောက်တပတ်ကြာတော့မှ ဒီဇင်ဘာဒုတိယပတ်မှာ မှတ်ပုံတင်ရခဲ့ပါပြီ.
တခါတလေ ကျမတို့က ကိုယ့်အကြံအစည်၊ ကိုယ့်အစွမ်းအစတွေနဲ့ လုပ်ခဲ့ကြပေမဲ့ မအောင်မြင်ခဲ့ကြပါဘူး။ ဘုရားသခင်ရဲ့ အကြံအစည်က လူ့အကြံအစည်ထက် ကောင်းမြတ်လွန်းပါတယ်ဆိုတဲ့ သာဓက တခုရခဲ့ပါတယ်။ ၂၀၂၅ခုနှစ် တနှစ်လုံး စိုးရိမ်းခြင်းရှိတဲ့ အမှူ့တခုကို ဘုရားသခင်က အောင်မြင်မှူ့ဆိုတဲ့ အမှူ့နဲ့ သက်သေပြခဲ့ပါပြီ။ နောက်ဆုံးနှစ်စာမေးပွဲဖြေပြီးချိန်မှာ ဘဝအတွက် အ‌ရေးကြီးဆုံး မှတ်ပုံတင်ကို ပေးခဲ့ခြင်းက ဘုရားသခင် ကျမအတွက် ခရစ္စမတ်လက်ဆောင်ပါရှင်။ ဘုရားသခင် ကောင်းချီးပေးပါစေ။ “ထာဝရဘုရား မိန့်တော်မူသည်ကား ငါ၏ အကြံအစည်သည် သင်တို့၏ အကြံအစည်နှင့်မတူ။ ငါ၏ အကျင့်သည်လည်း သင်တို့၏ အကျင့်နှင့်မတူ” (ဟေရှာယ ၅၅း၈)
“အို ဘုရားသခင်၊ အကျွနု်ပ်၌ ကိုယ်တော်၏ အကြံအစည်သည် အလွန်ထူးဆန်းကြပါ၏။ အလွန်များပြားကြပါ၏”(ဆာလံကျမ်း ၁၃၉း၁၇)
နာမတော်၌
ကလောင်အမည် ။ ။ သဲရုသ
အမည်ရင်း။ ။မအိအိသဲ
ဧဗာနေဇာမက်သဒစ်အသင်းတော်
ဒဂုံမြို့သစ်(မြောက်ပိုင်း)

04/05/2026

ဘုရားသခင်၏ ခရစ္စမတ်လက်ဆောင်
ရှေးဦးစွာ ဘုရားသခင်၏ ကျေးဇူးတော်ကို ရေတွက်ချီးမွမ်းရင်း ဘုရားသခင်ပေးတဲ့ လက်ဆောင်ပေးအကြောင်း ဝေမျှလိုက်ပါတယ်။ လူတိုင်း လူတိုင်း ခရစ္စမတ်နေ့ ရောက်ပြီဆိုရင် လက်ဆောင်အသီးသီး ရကြစမြဲပါ။ ကျွန်မကို ဘုရားသခင်ပေးတဲ့ လက်ဆောင်ကတော့ အခြားသူများအတွက် မပြောပလောက်ပေမယ့် ကျွန်မရဲ့ဘဝအတွက်ကတော့ အကြီးမားဆုံးသော၊ တန်ဖိုးမဖြတ်နိုင်သော လက်ဆောင်တစ်ခုပါ။
ဟိုအရင် ကျွန်မကလေးဘဝတုန်းက မိသားစုအားလုံး အခြားသော ဘုရားကို ကိုးကွယ်ခဲ့ကြသူပါ။ ၂၀၀၇ မှာ ဖေဖေဆုံးပါးတယ်၊ သားအမိ ၃ ဦး ကျန်ခဲ့တယ်၊ ကျွန်မက အငယ်ဆုံးပါ။ ၂၀၀၈ မေလမှာ နာဂစ်မုန်တိုင်း ကျရောက်တဲ့ မိတ္ထီလာကနေ စကားတွေ ရောက်လာတယ်၊ မေမေ ယုံကြည်သူဖြစ်လာခဲ့သလို အငယ်ဆုံးသမီးဖြစ်တဲ့ ကျွန်မလည်း မေမေ့လက်ကိုဆွဲကိုင်ရင်း Sunday school၊ ဘုရားကျောင်းတက်ခြင်း၊ Home Cell များ ပါဝင်လာခဲ့ရတယ်။
ကလေးဘဝ ပျော်ပျော်ပါးပါးနေရင်း ဆယ်တန်းရောက်ခဲ့ပြီ။ Home cell ကို ပုံမှန်မလိုက်ဖြစ်ပေမယ့် တခါတရံ လူငယ်တွေနဲ့၊ တခါတရံ အသင်းတော်လူကြီးတွေနဲ့ လိုက်ဖြစ်ခဲ့ပါတယ်။ တစ်နေ့... ဒဂုံတက္ကသိုလ် ကျောင်းဝင်းထဲ Home cell သွားရင်း ကျောင်းတော်ကြီးကိုကြည့်ပြီး တက္ကသိုလ်တက်ချင်လိုက်တာ... "ဘုရားသခင် သမီးကို ဆယ်တန်းအောင်မြင်ပေးပါ၊ ဒဂုံတက္ကသိုလ်မှာလည်း တက်ခွင့်ပေးပါ" လို့ ရိုးရိုးလေး ဆုတောင်းမိခဲ့ပါတယ်။ တခါပါဘဲ
ဆယ်တန်းစာမေးပွဲ မအောင်ခဲ့ပါဘူး။ ၁နှစ်၊၂နှစ်၊၃နှစ် မြောက်မှာ စာမေးပွဲအောင်ခဲ့ပေမယ့် ကျေးဇူးတော်ချီးမွမ်းခဲ့ပေမယ့် လွန်ခဲ့တဲ့ နှစ်တွေက ဆုတောင်းမိခဲ့တာကို မေ့သွားခဲ့ပါတယ်။ စီးပွားရေး အဆင်မပြေတော့ Day မတက်နိုင်ဘူး။ အဝေးသင်ပဲ တက်ခွင့်ရတယ်။ ဒဂုံတက္ကသိုလ်ရဲ့ ဝန်ထမ်း တစ်ယောက်ကျေးဇူးကြောင့် ဒဂုံတက္ကသိုလ်ရဲ့ ရုံးပိုင်းဆိုင်ရာဌာနတစ်ခုမှာ ရုံးအကူဝန်ထမ်း ဖြစ်ခဲ့ရပြီး အဝေးသင်ကျောင်းသူ ပေးမယ့် တက္ကသိုလ်ဝင်းထဲကို နေ့တိုင်း နီးပါး ရောက်ရတဲ့အတွက် ဘုရားသခင် ပြင်ဆင်ပေးခဲ့ပါတယ်။
ဝန်ထမ်း စလုပ်မိတယ်ဆိုတော့ ပြဿနာစတက်ပါပြီ။ ကျွန်မဘဝအတွက် အရေးအကြီးဆုံးတစ်ခုဖြစ်တဲ့ နိုင်ငံသာစစ်ဆေးရေးကတ် (မှတ်ပုံတင်) မရှိဘူး။ အလုပ်အတွက် လျှောက်ထားဆဲ လို့ပြောခဲ့ပေမယ့် မပျော်တော့ဘူး။ ငယ်စဉ်က အဖေမရှိတော့ မေ့ခဲ့တာတွေ အခု ဒီအသက်အရွယ် (၁၉) နှစ်အထိ မှတ်ပုံတင် မရှိဘူး။ စိတ်ပူလာပြီး မေမေ့ကို အပူကပ်ပြီး ပြင်ဆင်ရတော့မယ်။ ဘာခက်ခဲလို့လဲ လုပ်ပေါ့။ ဟုတ်ပါတယ်။ ကျွန်မအတွက် အရမ်းခက်ခဲပါတယ်။ မေ့မေ့ဆီမှာ ဘာအထောက်အထားမှ မကျန်ခဲ့ဘူး။ စာခြားမြို့နယ်တခုရဲ့ သန်းခေါင်စာရင်း မိတ္တူတစ်ခုပဲ ရှိတယ် အစစ်လည်း မရှိတော့ဘူး။ နောက်တစ်ခုက အဲဒီ သန်းခေါင်စာရင်းမှာ ကျွန်မနာမည် မပါဘူး။ အစကနေပြန်လုပ်ကြမယ်ပေါ့။ ကိုယ်တိုင် သွားလုပ်တော့ မေမေ မှတ်ပုံတင်နံပါတ်က သူများနံပါတ်ဖြစ်နေတယ်။ လုပ်လို့မရဘူး။ ပွဲစားတွေနဲ့ လုပ်လိုက်၊ ကိုယ်တိုင်သွားလုပ်နဲ့ ငွေတွေ အချိန်တွေဟာ ကုန်သွားတယ်။ အဆင်မပြေဘူး။ ဘာအထောက်အထားမှ မရှိတော့ အပြောအဆို ပြစ်တင်ခြင်းတွေခံရတယ်။ စိတ်ပျက်လာပြီ မလုပ်ချင်တော့ဘူး။ မလုပ်လို့က မရတော့ဘူး. ဘာလုပ်မလဲ။ သတိယတိုင်းဆုတောင်းချက်တင်တယ်။ ဆုတောင်းပေးခဲ့ကြတယ်။ ဒီလိုနဲ့ တစ်ရက်ပြီးတရက်၊ တစ်လပြီးတလ၊ တနှစ်ပြီးတနှစ် ကုန်လာခဲ့ပြီ။ ခုထိအဖြေက မရေရာ၊ မသေချာ။
ဒီလိုနဲ့ ၂၀၂၄ခုနှစ် ခရစ္စမတ်ကာလအတွက် အသင်းတော်လူငယ်များက Shop video လေးရိုက်ဖို့ ဇာတ်လမ်းတိုအစီအစဉ်လေး ရေးဆွဲကြတယ္။ ကျမက အဓိကသရုပ်ဆောင်နေရာမှာ ပါဝငါရမှာဖြစ်ပါတယ်။ ရိုက်ဖို့ရက်တွေသတ်မှတ်ပြီးပြီ. လိုအပ်တဲ့ပစ္စည်း တွေလည်း ပြင်ဆင်ပြီးပြီ. ဒါရို်ကတာတွေလာ်း ရက်ချိန်းပေးပြီးပြီ. ရိုက်ဖို့ အဆင်သင့်ဖြစ်ပြီ မနက်ဖြန်အသင်းတော်မှာ လူစူပြီးရိုက်ဖို့ တင်ဆက်ဖို့ အားလုံးစီစဉ်ပြီးပြီ။ ခုလိုညမှာပဲ ရပ်ကွက်အနှံ့ကြော်ငြာသံကြားရပါတယ်။ မနက်ဖြန် မှတ်ပုံတင်မရှိသူများအားလုံး ပန်းခင်းမံချက်နဲ့ မှတ်ပုံတင်လုပ်ပေးမယ် ဓမ္မာရုံလာခဲ့ကြပါပေါ့။ ရပ်ကွက်ထဲမှာ ယုံတဲ့သူလည်း ယုံကြတယ်။ မယုံတဲ့သူတွေကလည်း မလုပ်ဘူး။ ဘာညာဘာညာပေါ့.စဉ်းစားရတော့မယ် ရွေးချယ်ရတော့မယ်။ကျမတို့လည်း ငွေလူတွေ အချိန်တွေ အကုန်အကျခံပြီး လုပ်ခဲ့ပြီးပြီ။ အထောက်အထားဘာဆို ဘာတခုမှမရှိခဲ့လို့ မရခဲ့ဘူး။ မနက်ဖြန် Video လည်းရိုက်ရအုံးမယ်။ ကျမ်းစာကလဲ ပြောထားသေးတယ်။ “ ဘုရားသခင်၏နိုင်ငံတော်နဲ့ ဖြောင့်မတ်ခြင်း တရားတော်ကို ရှေးဦးစွာရှာကြလော့။ နောက်မှ ထိုအရာများကို ထပ်၍ ပေးတော်မူလတံ့” (ရှင်မဿဲ ၆း၃၃) နောက်တခုက ဘဝအတွက် အရေးကြီးသော မှတ်ပုံတင်အတွက် အခွင့်အရေး ။ ဘုရားသခင်ကို ဝန်ချတောင်ပန်ရင်းနဲ့ မှတ်ပုံတင်လုပ်ဖို့ ရွေးချယ်လိုက်မိပါပြီ။ စီမံချင=က်နဲ့ အခမဲ့လုပ်ပေးတယ်ဆိုပေမဲ့ လိုအပ်တာတွေစစ်ရ၊ ဖြည့်ရနဲ့ တနေ့ထဲ ၆သောင်းလောက် ကုန်ခဲ့ပါတယ်။ ရပ်ကွက်အဆင့်တော့ အောင်မြင်ခဲ့ပါပြီ။ ရက်ချိန်းရလို့ မြို့နယ်ရုံးမှာ သွားခဲ့ပါတယ်။ ပြဿနာကစတွေ့ပြီလေ။ ဘာအထောက်အထားမှ မရှိ။ သန်ခေါင်စာရင်းရှာမတွေ့။ မိဘတွေရဲ့ မှတ်ပူံတင်နံပါတ်တွေရှာမတွေ့။ အထဲဝင်လိုက် အပြင်ပြန်ထွက်လိုက် စိတ်ပန်းလူမောပြီး ထိုင်လိုက် ထလိုက် ဆုတောင်းလိူက်နဲ့ စိတ်တွေညစ်လိုက်တာ…..
အဲ့အချိန်မှာ မေမေက အကြံတခုပေးတယ်။ အဖေမရှိတော့ အဆင်ပြေတယ်။ အမေရှိရဲ့သားနဲ့ အမေ့ မှတ်ပုံတင်မရှိရင် မလုပ်ပေးဘူး။ အဆင်မပြေဘူး။ အမေက အသက်ကြီးပြီ ဘာမှ မဖြစ်ဘူး။ အမေ့ကိုလည်း သေပြီဆိုပြီး ဖြည့်ခိုင်းပါတယ်။ မလုပ်ချင်ဘူး မလုပ်ဘူးလို့ ငြင်းခဲ့ပေမဲ့ အမေကိုယ်တိုင် ဖြည်းပေးလို့ လုပ်ခဲ့တယ်။ ကွန်ပျူတာနဲ့စစ်တော့ အဖေ အမေမရှိရင် အမျိူးတော်စပ်သူရဲ့ မှတ်ပုံတင်တခု ရှိရင်ရတယ်ဆိုလို့ ဟိုလူ့ဖုန်းဆက်၊ အဒေါ်တွေဆက် ဦးလေးတွေဖုန်းဆက်ရင်နဲ့ ဒုတိယအဆင့် အောင်မြင်ခဲ့ပြီ။ ဖုန်းနံပါတ်တွေ ဘူထာူပြီး အကြောင်းကြားမယ္ဆိုလို့ ပြန်လာခဲ့ရတယ်။ မျှော်လင့်ချက်ကတော့ ၅၀%ပေါ့.
၂၀၂၅ခုနှစ် တစ်ပြီးတလကုန်သွားတယ်။ ဖုန်းလည်းမလာဘူး။ တချို့တွေရကုန်ပြီ။ ကျမက အခုထိမ၇သေး။ စိတ်ပူလာပြီ။ ရုံးသွားစုံစမ်းတော့လည်း မသေချာ။ ဖုန်းဆက်မယ်။ ဒါပဲပြောတယ်။ တနေ့ မမျှော်လင့်ပဲ သတင်းတခုကြားရပြီ မျှောင်လင့်ချက် အလင်းတန်းလေးတခု………
မဲဆန္ဒအမှီ မှတ်ပုံတင်တွေရမယ်။ အပြီးလုပ်ပေးမယ်။(ရပ်ကွက်သတင်း) စောင့်စားရင်းနဲ့ နောက်ဆုံးနှစ်စာမေးပွဲဖြေမဲ့ရက်ရောက်လာပြီ။ နိုဝင်ဘာလမှာ ဖြေရပါတယ်။ မှတ်ပုံတင်ကလည်း မရသေးဘူး၊ စိတ်ပူလာပြီ။ စီမံချက်နဲ့ လာလုပ်ပေးတာတောင်ငါမရတော့ဘူး။ သူများတွေရကုန်ပြီ။ ငါ့အတွက် မျှော်လင့်ချက်မရှိတော့ပါလားဆိုပြီး ဝမ်းနည်းမိတယ်။ ဘုရားသခင်ထံဆုတောင်းတယ်။ အသင်းတော်ရဲ့ အစာရှောင်နေ့မှာ ပိုပြီးပါဝင်လာတယ်။ဆုတောင်းလာတယ်။ တခြားနည်းနဲ့ ဝင်ပြီးပြောကြည့်မယ်ဆိုပြီး ရုံးခန်းကို ခဏခဏသွားတယ်။မရဘူး။ သူတို့ဆီကအဖြေကတော့ ဖုန်းဆက်မယ် စောင့်နေပါ။ ဒါပဲပြောပါတယ်။ ရုံးကို ခနခနသွားတော့ တနေ့မှာ စာရွက်တစ်ရွက်ထုပပေးတယ်။ ရုံးစာအိတ်နဲ့ပေါ့။အရင်နေခဲ့တဲ့ မြို့နယ်ကို ပြန်သွားခိုင်းပါတယ်။ စာမေးပွဲဖြေရက်ဆိုတော့ မေမေ တယောက်ထဲသွားပါတယ်။ မရဘူး။ ကိုယ်တိုင်လာပါတဲ့။ တနေ့ထဲ အပြီးလုပ်ရမယ်တဲ့။ စာမေးပွဲကတဖက် ဟိုမြို့နယ်ရုံးပြေးလိုက်၊ စာမေးပွဲသွဦးဖြေလိုက်။ ဖြေလို့ပြီးတော့ ဒီဖက်မြို့နယ်ရုံးကို ပြေး စာအိပ်ပို့ပေးနဲ့ တနေကုန်စိတ်မောခဲ့ရပြန်ပြီ။ အဲ့ဒီ့နေ့မှသိခဲ့ရတာက ကျမတို့ သန်ခေါင်စာရင်းထဲမှာ အဖေနံမည်ရော အမေနံမည်ရော ထခြားသူတွေရဲ့နံမည်တွေနဲ့ ကျမမိဘရဲ့ မှတ်ပုံတင်နံပါတ်ကို သူတို့ယူထားကြတယ်ဆိုတာပါ သိခဲ့ရတယ်။ ဪ… လူတွေလူတွေ ဟိုအရင်ခေတ်က ကွန်ပျူတာထဲ မထည့်ခဲ့တဲ့ အချိန်တုန်းက လုပ်ရပ်တခုပေါ့။
ဒီလိုနဲ့….စာမေးပွဲဖြေပြီးခဲ့ပြီ။ အောင်စာရင်ူထွက်ရင် ဘွဲ့ယူရတော့မယ္။ မှတ်ပုံတင်ရဖို့ကတော့ ရ၅% သေချာနေပြီပေါ့.
၂၀၂၅ ဒီဇင်ဘာလဆန်းမှာ ရုံးကဖုန်းဆက်တာကို မစောင့်ပဲ ဒု-ဦးစီးမှူးဆီ တိုက်ရိုက်ဖုန်းဆက်တော့ မနက်လာခဲ့ပါတဲ့။ မှတ်ပုံတင်ရမယ်တဲ့။ အို ဝမ်းသာလိုက်တာ………. မှတ်ပုံတင်ကဒ်မှာ လက်ဗွေနှိပ် လက်မှတ်ထိုးတယ်။ စမတ်ကဒ်ရိုက်ခဲ့ရတယ်။ (အကြီးတခု၊အသေးတခု) မှတ်ပုံတင်မရခဲ့ဘူး။ ဦးစီးမှူးလက်မှတ်မဖိုးရသေးလို့တဲ့လေ။ ဝမ်းသာဝမ်းနည်းပေါ့။ နောက်တပတ်ကြာတော့မှ ဒီဇင်ဘာဒုတိယပတ်မှာ မှတ်ပုံတင်ရခဲ့ပါပြီ.
တခါတလေ ကျမတို့က ကိုယ့်အကြံအစည်၊ ကိုယ့်အစွမ်းအစတွေနဲ့ လုပ်ခဲ့ကြပေမဲ့ မအောင်မြင်ခဲ့ကြပါဘူး။ ဘုရားသခင်ရဲ့ အကြံအစည်က လူ့အကြံအစည်ထက် ကောင်းမြတ်လွန်းပါတယ်ဆိုတဲ့ သာဓက တခုရခဲ့ပါတယ်။ ၂၀၂၅ခုနှစ် တနှစ်လုံး စိုးရိမ်းခြင်းရှိတဲ့ အမှူ့တခုကို ဘုရားသခင်က အောင်မြင်မှူ့ဆိုတဲ့ အမှူ့နဲ့ သက်သေပြခဲ့ပါပြီ။ နောက်ဆုံးနှစ်စာမေးပွဲဖြေပြီးချိန်မှာ ဘဝအတွက် အ‌ရေးကြီးဆုံး မှတ်ပုံတင်ကို ပေးခဲ့ခြင်းက ဘုရားသခင် ကျမအတွက် ခရစ္စမတ်လက်ဆောင်ပါရှင်။ ဘုရားသခင် ကောင်းချီးပေးပါစေ။ “ထာဝရဘုရား မိန့်တော်မူသည်ကား ငါ၏ အကြံအစည်သည် သင်တို့၏ အကြံအစည်နှင့်မတူ။ ငါ၏ အကျင့်သည်လည်း သင်တို့၏ အကျင့်နှင့်မတူ” (ဟေရှာယ ၅၅း၈)
“အို ဘုရားသခင်၊ အကျွနု်ပ်၌ ကိုယ်တော်၏ အကြံအစည်သည် အလွန်ထူးဆန်းကြပါ၏။ အလွန်များပြားကြပါ၏”(ဆာလံကျမ်း ၁၃၉း၁၇)
နာမတော်၌
ကလောင်အမည် ။ ။ သဲရုသ
အမည်ရင်း။ ။မအိအိသဲ
ဧဗာနေဇာမက်သဒစ်အသင်းတော်
ဒဂုံမြို့သစ်(မြောက်ပိုင်း)

27/04/2026

အခုအပတ် ချစ်သော အမျိူးသမီးများ ဖတ်ရမည့် ဆောင်းပါးလေးကတော့ အပယ်ရတနာ ရဲ့ "သွေး"ပါ

သွေး
အခြေပြုကျမ်းချက် - ဟေဗြဲ ၉း၂၂
“ပညတ်တရားအတိုင်း ခပ်သိမ်းသောအရာတို့ကို ကုန်မတတ် အသွေးအားဖြင့် စင်ကြယ်စေတတ်၏။ အသွေးမသွန်းလောင်းပဲ အပြစ်လွှတ်ခြင်းမရှိ”
သာမာန်သွေးမှာကောင်းကျိူး ဆိုးကျိူးနှစ်ဖြာရှိကြောင်းကို ဇီဝဗေဒဘာသာရပ်မှာ လေ့လာတွေ့ရှိရပါတယ်။ သတ္တဝါတိုင်း၏ ခန္ဓာကိုယ် ဖွဲ့စည်းပုံနှင့် တည်ဆောက်ထားမှု့တွင် အသွေး၊အသားရှိနေ၍သာ အသက်ရှင်နေနိုင်တာ ဖြစ်ပါသည်။ ကျွန်မတို့ကိုယ်ခန္ဓာတွင်းရှိသော လေးတွေထဲ၌ သွေးကြောမျှင်သေးသေးလေးများ မြောက်များစွာ စုဖွဲ့လျက်ရှိပါသည်။
ဦးခေါင်းမှ ခြေဖျားတိုင်၊ အသွေးအသားနှင့် ဖွဲ့စည်းထားခြင်းသည် ဘုရားသခင်၏ လက်ရာတော်ဖြစ်ပါသည်။ လူ့အသားထဲမှ သွေးဆိုတာ မရှိတော့ပါက အသက်လည်းမရှိတော့ပါ။ အသက်ဆက်ရှငလို့လည်း မရနိုင်တော့ပါ။ ဝေနေယျသတ္တဝါတိုင်းမှာ “သွေး” ဆိုသည်ရှိပါသော်လည်း ထိုသွေးကြောင့် အမျိူးမျိူးသော အကျိူးဆက်များ ရှိလာတတ်ပါသည်။
ကျွန်မတို့ ကျန်းမာရေးချိူ့တဲ့၍ အသည်းအသန် serious ဖြစ်လာသည့်အခါ “သွေး”လိုအပ်လာပါသည်။ သွေးစစ်ရခြင်း၊ သွေးသွင်းရခြင်း အစရှိသည်တို့ကို မြောက်မြားစွာ ငွေကုန်ကြေးကျခံ၍ ကုသကြရပါသည်။ ပျောက်ကင်းသက်သာသူတွေ ရှိသကဲ့သို့ မသက်သာသည် သာမက အသက်ပင် ဆုံးရှုံးကြရသူတွေလည်း ရှိကြပါသည်။
ယနေ့ခေတ်ကာလတွင် လောကကြီးကို လေ့လာလိုက်သည့် အခါတွင် သွေးသွန်နာ၊ သွေးတိုးရောဂါ၊ သွေးချိူ၊ ဆီးချိူ၊ သွေးပေါင်ကျ၍ သွေးအားနည်းကြခြင်း၊ သွေးမသန့်၍ ယားယံခြင်း၊ သွေးဆုံးမီးယပ်အစရှိသည်တို့ ဖြစ်ပေါ်လျှက်ရှိနေသည်ကို တွေ့မြင်နေကြရပါသည်။
အချိူ့ အပျိူဖော်ဝင်စ မိန်းမပိူလေးများ ဓမ္မတာလာချိန်တွင် မလာဘဲ၊ သွေးပိတ်နေခြင်း၊ သွေးခမ်းခြောက်ခြင်းများဖြစ်၍ အသက်ပင် ဆုံးရှုံးကြရတာလည်း များစွာကြုံတွေ့ကြဖူးမည်ဟုထင်ပါသည်။ ခရစ်ဝင်ကျမ်းများကို ကျွန်မလေ့လာဖတ်ရှု့သည့်အခါတွင် (မဿဲ ၉း၂၀-၂၂)တွင် (၁၂)နှစ်တာကာလပတ်လုံး သွေးသွန်နာစြွနေသော အမျိူးသမီးတစ်ဦးသည် သူမသည် ခရစ်တော်၏ အဝတ်ကို တို့လိုက်လျှင် သူမ၏ သွေးသွန်နာပျောက်မည်ဟူသော ယုံကြည်ခြင်းနှင့် အဝတ်တော်မှာ ရှိသော ပန်းပွားတော်ကို တို့လိုက်ပါသည်။
ယေရှု့ခရစ်တော်သည် သူ့ထဲမှ တန်ခိုးထွက်သွား၍ တပည့်တော်တို့ကို “ငါ့ကို ဘယ်သူတို့လိုက်တာလဲ” ဟုမေးတော်မူလျှင် တပည့်တော်တွေက လူတွေအများကြီးတိုးဝှေ့နေတဲ့ကြားက မည်သို့သိနိုင်ပါမည်နည်းဟု လျှောက်တင်ကြသည်။
ယေရှု့ခရစ်တော်အား ထိုမိန်းမက သူမတို့ပါသည်ဟူ၍ ဝန်ခံသောအခါ ယေရှု့ခရစ်တော်က ထိုမိန်းမကို မြင်လျှင် လှည့်၍ “ငါ့သမီး မစိုးရိမ်နှင့်၊ သင်၏ယုံကြည်ခြင်းသည် သင့်အနာကို ငြိမ်းစေပြီ”ဟု မိန့်တော်မူသည် ခဏတွင် သူမ၏အနာကင်းပျောက်၍ သန့်ရှင်းခြင်းသို့ ရောက်လေသည်။
ထိုနည်းတူ ကျွန်မတို့တွင်လည်း A သွေ၊ B သွေး ၊ AB သွေး၊ O သွေး များလိုအပ်လာသည့်အခါတွင် အသက်တစ်ချောင်းကို ကယ်နိုင်ရန် လိုအပ်သည့် သွေးအမျိူးအစားအလိုက် သွေးလှူဘဏ်တွင်သော်၎င်း၊ သွေးရောင်းစားကြသော အချိူ့သော သူများထံ၌၎င်း၊ စိတ်သဘောတစ်ပွေ့တစ်ပိုက်တွေဖြင့် လိုအပ်သည့် သွေးအမျိူးအစားများကို ရှာကြရသည်။ ခက်ခဲခြင်းများလည်း ရှိကောင်းရှိပေမည်။
သို့သော်လည်း ဘုရားသားသမီးဟု အခေါ်ခံရသော ကျွန်မတို့ ယုံကြည်သူ သားသမီး အယောက်တိုင်းစီသည် အပြစ်မှ လွတ်မြောက်နိုင်ရန် သခင်ယေရှု့သည် လက်ဝါးကားတိုင်ပေါ်တွင် အသက်သွေးကို စတေးပြီး ကျွန်မတို့ကို ထာဝရအသက်ရရန် သူ့”သွေး” ကို အခမဲ့ပေးခဲ့ပြီး ဖြစ်ပါတယ်။
ဘယ်မှာမှ သွားရှာရန်မလိုပါ။ ဘယ်မှာမှ သွားဝယ်ရန်မလိုပဲ ယေရှု့ခရစ်တော်၏ ကြီးမားသော အာဂပ္ပေမေတ္တာနဲ့ သွေးကြွေးဆပ်ပေးခဲ့ပါသည်။ သို့သော် ယေရှု့ခရစ်တော်သည် သေသွားသော ဘုရားမဟုတ်ပါ။ လက်ဝါးကားတိုငိမှာ အသေသတ်ခြင်းခံရပြီး သုံးရက်မြောက်သောနေ့တွင် သေခြင်းမှ ရှင်ပြန်ထမြောက်ခဲ့သော အသက်ရှင်သော တစ်ဆူတည်းသော ဘုရားဖြစ်ပါသည်။
ကျွန်မတို့တွင်ရှိသော အပြစ်အားလုံးကို ယေရှု့ခရစ်တော် ယူတင်ဝတ်ဆောင်ပြီး အပြစ်လုံးဝမရှိသောသူ မွေးကတည်းက အပြစ်တစ်စွန်းတစ်စမှ ပါမလာသေူ”သူ”က ကျွန်မတို့ ခံရမဲ့ အပြစ်တွေအတွက် ကျွန်မတို့ အပြစ်တွေနဲ့ အတူ လက်ဝါးကားတိုင်မှာကိုယ်စား အသေခံပြီး သုံးရက်မြောက်သောနေ့၌ သခင်ယေရှု့ထမြောက်တော်မူခြင်းနှင့် အတူ ကျွန်မတို့လည်း အသက်အသစ်နှင့် ပြန်ရှင်ခွင့်ရခြင်းသည် “သူ့”ရဲ့ အသွေးတော်အားဖြင့်ပင် ဖြစ်ပါသည်။
အဲ့ဒီ့အဖြစ်သနစ်ကို ရိုးရိုးလေးယုံကြည်၍ ယေရှု့ခရစ်တော်ကို မိမိ၏ က‌ယ်တင်ရှင်သခင်အဖြစ် နှလုံးသားမှ လက်ခံ၍ နှူတ်ဖြင့် ဝန်ခံလိုက်သည်နှင့် ထာဝရအသက်ရရှိပြီး ဘုရား သား၊သမီး ဖြစ်ရသောအခွင့်ကို ပေးတော်မူမည်ကို (ယော ၁း၁၂)တွင် အတိအလင်း ဂတိတော်ထားခဲ့ပါသည်။
ကျွန်မတို့၏ ခန္တာကိုယ်အစိတ်အပိုင်း၏ တစ်နေရာတွင် - ဥပမာ လက်၊ခြေ၊မျက်နှာ စသည့်နေရာတွင် ဓါးရှသည်ဖြစ်စေ၊ ဆူးစူးသည်ဖြစ်စေ၊ ပိုးမွှားတစ်ကောင်ကောင် ကိုက်လိုက်သည် ဖြစ်စေ၊ ထိသည့် ဒဏ်ရာမှ “သွေး”လေး ထွက်သွားသည်နှင့် ကျွန်မတို့နာလိုက်ကြတာ ကြောက်လိုက်ကြတာ စိုးရိမ်လိုက်ကြသည့်ဖြစ်ခြင်း၊ သို့သော်လည်း ကျွန်မတို့ အပြစ်တွေအတွက် ကိုယ်စားလက်ဝါးကားတိုင်ထက်တွင် ဆွဲထားခြင်းမခံရမီ အပြစ်မဲ့သော ယေရှု့ခရစ်တော်အား ဦးခေါင်းမှ ခြေ‌ဖျားတိုင်အောင် တကိုယ်လုံးစုတ်ပြတ်သွားသည့်တိုင် သွေးစိမ်းရှင်ရှင် ယိုစီးပြီး သူ့ကားတိုင်ကို သူကိုယ်တိုင်ထမ်းပြီး ရိုက်နှက်တာတွေခံရခြင်းနှင့် အတူ ဂေါလဂေါသ(ဦးခေါင်းခွံ) အရပ်ဆိုသော ဥရာနီကုန်းပေါ်သို့ ရိုက်နှက်ခြင်းခံထားရသော ဒဏ်ရာဒဏ်ချက်များနှင့်အတူ သူ့ကားတိုင်ကို ထမ်းပြီး တက်သွားသည့်အခါတွင် ယိုစီးထွက်ကျလာသော သွေးအလိမ်းလိမ်းသည် ကျွန်မတို့၏ အပြစ်တွေကြောင့်သာပါ။
ယေရှု့ခရစ်တော်သည် လူ့ဇာတိ ၁၀၀% နှင့် ဘုရားဇာတိ ၁၀၀% ဖြစသောကြောင့် လူသားအသွင်နှင့် ရိုက်နှက်ခြင်းခဲရသည့် အခါတွင် “သူ” ဘယ်၍ များနာကြင်ခံစားရမည်ဆိုသည်ကို ကျွန်မတို့တွေးကြည့်ဖူးကြပါသလား။ ထို့ကြောင့် ယုံကြည်သူ သား၊သမီး အယောက်စီတိုင်းသည် ယေရှူ့ခရစ်တော်၏ အသွေးတော်နှင့် ရွှေးဝယ်တော်မူခြင်းကို ခံထားကြရသောသူတွေဖြစ်ပါသောကြောင့် ကျွန်မတို့အားလုံးသည် ကိုယ့်သွေးကိုယ့်သားရင်းချာပမာ ယေရှူ့ခရစ်တော်၌ ညီအစ်ကိုမောင်နှမများ မိသားစုများဖြစ်ကြသည် ဆိုလျှင်လညိး မမှားနိုင်ပါ။ အားလုံးသည် တစ်စိတ်တစ်ဝမ်းတည်း၊ တစ်သွေးသားတည်းဖြစ်၍ ယေရှူ့ခရစ်တော်၏ အသွေးတော်အားဖြင့် အရေးကြီးလျှင် သွေးစည်းကြမည်/သွေးနီးကြမည်ဟု အဖိုးထိုက်တန်လှသော ယေရှူ့ခရစ်တော်၏ “အသွေး‌တော်” အားဖြင့် ယုံကြည်ခြင်း ခိုင်မြဲတည်တံ့စွာ အသက်ရှင်ကြပါစို့။
ထို့အပြင် (ကမ္ဘာ ၄း၁၀) တွင် “ဘုရားသခင်ကလည်း သင်သည် အဘယ်သို့ပြုပြီးသနည်း၊ သင့်ညီအသွေး၏ အသံသည် မြေထဲက ငါ့ကို အော်ဟစ်လျက်ရှိသည်တကား” ဟူ၍ သွေးကစကားပြောကြောင်းကိုလည်း သမ္မာကျမ်းစာတွင် မှတ်တမ်းပြုဖော်ပြထားသည်ကို လေ့လာသိရှိရပါသည်။
သို့မို့ကြောင့် အခမဲ့ရရှိသော ယေရှူ့ခရစ်တော်၏ “အသွေး”တော်ကို တန်ဘိုးထားလျက် အလိုတော်နှင့် အညီ သန့်ရှင်းသော “အသွေး” အားဖြင့် အသက်ရှင်ကြရအောင်လို့ ခွန်အားပေး၍ ဤဆောင်ပါးအားရေးသားအပ်ပါသည်။

စာရေးသူ
အပယ်ရတနာ
မဂႅလာမက်သဒစ်အသင်းတော်
၁၀.၁၂.၂၀၂၅
မနက်၃နာရီ

27/04/2026

သွေး
အခြေပြုကျမ်းချက် - ဟေဗြဲ ၉း၂၂
“ပညတ်တရားအတိုင်း ခပ်သိမ်းသောအရာတို့ကို ကုန်မတတ် အသွေးအားဖြင့် စင်ကြယ်စေတတ်၏။ အသွေးမသွန်းလောင်းပဲ အပြစ်လွှတ်ခြင်းမရှိ”
သာမာန်သွေးမှာကောင်းကျိူး ဆိုးကျိူးနှစ်ဖြာရှိကြောင်းကို ဇီဝဗေဒဘာသာရပ်မှာ လေ့လာတွေ့ရှိရပါတယ်။ သတ္တဝါတိုင်း၏ ခန္ဓာကိုယ် ဖွဲ့စည်းပုံနှင့် တည်ဆောက်ထားမှု့တွင် အသွေး၊အသားရှိနေ၍သာ အသက်ရှင်နေနိုင်တာ ဖြစ်ပါသည်။ ကျွန်မတို့ကိုယ်ခန္ဓာတွင်းရှိသော လေးတွေထဲ၌ သွေးကြောမျှင်သေးသေးလေးများ မြောက်များစွာ စုဖွဲ့လျက်ရှိပါသည်။
ဦးခေါင်းမှ ခြေဖျားတိုင်၊ အသွေးအသားနှင့် ဖွဲ့စည်းထားခြင်းသည် ဘုရားသခင်၏ လက်ရာတော်ဖြစ်ပါသည်။ လူ့အသားထဲမှ သွေးဆိုတာ မရှိတော့ပါက အသက်လည်းမရှိတော့ပါ။ အသက်ဆက်ရှငလို့လည်း မရနိုင်တော့ပါ။ ဝေနေယျသတ္တဝါတိုင်းမှာ “သွေး” ဆိုသည်ရှိပါသော်လည်း ထိုသွေးကြောင့် အမျိူးမျိူးသော အကျိူးဆက်များ ရှိလာတတ်ပါသည်။
ကျွန်မတို့ ကျန်းမာရေးချိူ့တဲ့၍ အသည်းအသန် serious ဖြစ်လာသည့်အခါ “သွေး”လိုအပ်လာပါသည်။ သွေးစစ်ရခြင်း၊ သွေးသွင်းရခြင်း အစရှိသည်တို့ကို မြောက်မြားစွာ ငွေကုန်ကြေးကျခံ၍ ကုသကြရပါသည်။ ပျောက်ကင်းသက်သာသူတွေ ရှိသကဲ့သို့ မသက်သာသည် သာမက အသက်ပင် ဆုံးရှုံးကြရသူတွေလည်း ရှိကြပါသည်။
ယနေ့ခေတ်ကာလတွင် လောကကြီးကို လေ့လာလိုက်သည့် အခါတွင် သွေးသွန်နာ၊ သွေးတိုးရောဂါ၊ သွေးချိူ၊ ဆီးချိူ၊ သွေးပေါင်ကျ၍ သွေးအားနည်းကြခြင်း၊ သွေးမသန့်၍ ယားယံခြင်း၊ သွေးဆုံးမီးယပ်အစရှိသည်တို့ ဖြစ်ပေါ်လျှက်ရှိနေသည်ကို တွေ့မြင်နေကြရပါသည်။
အချိူ့ အပျိူဖော်ဝင်စ မိန်းမပိူလေးများ ဓမ္မတာလာချိန်တွင် မလာဘဲ၊ သွေးပိတ်နေခြင်း၊ သွေးခမ်းခြောက်ခြင်းများဖြစ်၍ အသက်ပင် ဆုံးရှုံးကြရတာလည်း များစွာကြုံတွေ့ကြဖူးမည်ဟုထင်ပါသည်။ ခရစ်ဝင်ကျမ်းများကို ကျွန်မလေ့လာဖတ်ရှု့သည့်အခါတွင် (မဿဲ ၉း၂၀-၂၂)တွင် (၁၂)နှစ်တာကာလပတ်လုံး သွေးသွန်နာစြွနေသော အမျိူးသမီးတစ်ဦးသည် သူမသည် ခရစ်တော်၏ အဝတ်ကို တို့လိုက်လျှင် သူမ၏ သွေးသွန်နာပျောက်မည်ဟူသော ယုံကြည်ခြင်းနှင့် အဝတ်တော်မှာ ရှိသော ပန်းပွားတော်ကို တို့လိုက်ပါသည်။
ယေရှု့ခရစ်တော်သည် သူ့ထဲမှ တန်ခိုးထွက်သွား၍ တပည့်တော်တို့ကို “ငါ့ကို ဘယ်သူတို့လိုက်တာလဲ” ဟုမေးတော်မူလျှင် တပည့်တော်တွေက လူတွေအများကြီးတိုးဝှေ့နေတဲ့ကြားက မည်သို့သိနိုင်ပါမည်နည်းဟု လျှောက်တင်ကြသည်။
ယေရှု့ခရစ်တော်အား ထိုမိန်းမက သူမတို့ပါသည်ဟူ၍ ဝန်ခံသောအခါ ယေရှု့ခရစ်တော်က ထိုမိန်းမကို မြင်လျှင် လှည့်၍ “ငါ့သမီး မစိုးရိမ်နှင့်၊ သင်၏ယုံကြည်ခြင်းသည် သင့်အနာကို ငြိမ်းစေပြီ”ဟု မိန့်တော်မူသည် ခဏတွင် သူမ၏အနာကင်းပျောက်၍ သန့်ရှင်းခြင်းသို့ ရောက်လေသည်။
ထိုနည်းတူ ကျွန်မတို့တွင်လည်း A သွေ၊ B သွေး ၊ AB သွေး၊ O သွေး များလိုအပ်လာသည့်အခါတွင် အသက်တစ်ချောင်းကို ကယ်နိုင်ရန် လိုအပ်သည့် သွေးအမျိူးအစားအလိုက် သွေးလှူဘဏ်တွင်သော်၎င်း၊ သွေးရောင်းစားကြသော အချိူ့သော သူများထံ၌၎င်း၊ စိတ်သဘောတစ်ပွေ့တစ်ပိုက်တွေဖြင့် လိုအပ်သည့် သွေးအမျိူးအစားများကို ရှာကြရသည်။ ခက်ခဲခြင်းများလည်း ရှိကောင်းရှိပေမည်။
သို့သော်လည်း ဘုရားသားသမီးဟု အခေါ်ခံရသော ကျွန်မတို့ ယုံကြည်သူ သားသမီး အယောက်တိုင်းစီသည် အပြစ်မှ လွတ်မြောက်နိုင်ရန် သခင်ယေရှု့သည် လက်ဝါးကားတိုင်ပေါ်တွင် အသက်သွေးကို စတေးပြီး ကျွန်မတို့ကို ထာဝရအသက်ရရန် သူ့”သွေး” ကို အခမဲ့ပေးခဲ့ပြီး ဖြစ်ပါတယ်။
ဘယ်မှာမှ သွားရှာရန်မလိုပါ။ ဘယ်မှာမှ သွားဝယ်ရန်မလိုပဲ ယေရှု့ခရစ်တော်၏ ကြီးမားသော အာဂပ္ပေမေတ္တာနဲ့ သွေးကြွေးဆပ်ပေးခဲ့ပါသည်။ သို့သော် ယေရှု့ခရစ်တော်သည် သေသွားသော ဘုရားမဟုတ်ပါ။ လက်ဝါးကားတိုငိမှာ အသေသတ်ခြင်းခံရပြီး သုံးရက်မြောက်သောနေ့တွင် သေခြင်းမှ ရှင်ပြန်ထမြောက်ခဲ့သော အသက်ရှင်သော တစ်ဆူတည်းသော ဘုရားဖြစ်ပါသည်။
ကျွန်မတို့တွင်ရှိသော အပြစ်အားလုံးကို ယေရှု့ခရစ်တော် ယူတင်ဝတ်ဆောင်ပြီး အပြစ်လုံးဝမရှိသောသူ မွေးကတည်းက အပြစ်တစ်စွန်းတစ်စမှ ပါမလာသေူ”သူ”က ကျွန်မတို့ ခံရမဲ့ အပြစ်တွေအတွက် ကျွန်မတို့ အပြစ်တွေနဲ့ အတူ လက်ဝါးကားတိုင်မှာကိုယ်စား အသေခံပြီး သုံးရက်မြောက်သောနေ့၌ သခင်ယေရှု့ထမြောက်တော်မူခြင်းနှင့် အတူ ကျွန်မတို့လည်း အသက်အသစ်နှင့် ပြန်ရှင်ခွင့်ရခြင်းသည် “သူ့”ရဲ့ အသွေးတော်အားဖြင့်ပင် ဖြစ်ပါသည်။
အဲ့ဒီ့အဖြစ်သနစ်ကို ရိုးရိုးလေးယုံကြည်၍ ယေရှု့ခရစ်တော်ကို မိမိ၏ က‌ယ်တင်ရှင်သခင်အဖြစ် နှလုံးသားမှ လက်ခံ၍ နှူတ်ဖြင့် ဝန်ခံလိုက်သည်နှင့် ထာဝရအသက်ရရှိပြီး ဘုရား သား၊သမီး ဖြစ်ရသောအခွင့်ကို ပေးတော်မူမည်ကို (ယော ၁း၁၂)တွင် အတိအလင်း ဂတိတော်ထားခဲ့ပါသည်။
ကျွန်မတို့၏ ခန္တာကိုယ်အစိတ်အပိုင်း၏ တစ်နေရာတွင် - ဥပမာ လက်၊ခြေ၊မျက်နှာ စသည့်နေရာတွင် ဓါးရှသည်ဖြစ်စေ၊ ဆူးစူးသည်ဖြစ်စေ၊ ပိုးမွှားတစ်ကောင်ကောင် ကိုက်လိုက်သည် ဖြစ်စေ၊ ထိသည့် ဒဏ်ရာမှ “သွေး”လေး ထွက်သွားသည်နှင့် ကျွန်မတို့နာလိုက်ကြတာ ကြောက်လိုက်ကြတာ စိုးရိမ်လိုက်ကြသည့်ဖြစ်ခြင်း၊ သို့သော်လည်း ကျွန်မတို့ အပြစ်တွေအတွက် ကိုယ်စားလက်ဝါးကားတိုင်ထက်တွင် ဆွဲထားခြင်းမခံရမီ အပြစ်မဲ့သော ယေရှု့ခရစ်တော်အား ဦးခေါင်းမှ ခြေ‌ဖျားတိုင်အောင် တကိုယ်လုံးစုတ်ပြတ်သွားသည့်တိုင် သွေးစိမ်းရှင်ရှင် ယိုစီးပြီး သူ့ကားတိုင်ကို သူကိုယ်တိုင်ထမ်းပြီး ရိုက်နှက်တာတွေခံရခြင်းနှင့် အတူ ဂေါလဂေါသ(ဦးခေါင်းခွံ) အရပ်ဆိုသော ဥရာနီကုန်းပေါ်သို့ ရိုက်နှက်ခြင်းခံထားရသော ဒဏ်ရာဒဏ်ချက်များနှင့်အတူ သူ့ကားတိုင်ကို ထမ်းပြီး တက်သွားသည့်အခါတွင် ယိုစီးထွက်ကျလာသော သွေးအလိမ်းလိမ်းသည် ကျွန်မတို့၏ အပြစ်တွေကြောင့်သာပါ။
ယေရှု့ခရစ်တော်သည် လူ့ဇာတိ ၁၀၀% နှင့် ဘုရားဇာတိ ၁၀၀% ဖြစသောကြောင့် လူသားအသွင်နှင့် ရိုက်နှက်ခြင်းခဲရသည့် အခါတွင် “သူ” ဘယ်၍ များနာကြင်ခံစားရမည်ဆိုသည်ကို ကျွန်မတို့တွေးကြည့်ဖူးကြပါသလား။ ထို့ကြောင့် ယုံကြည်သူ သား၊သမီး အယောက်စီတိုင်းသည် ယေရှူ့ခရစ်တော်၏ အသွေးတော်နှင့် ရွှေးဝယ်တော်မူခြင်းကို ခံထားကြရသောသူတွေဖြစ်ပါသောကြောင့် ကျွန်မတို့အားလုံးသည် ကိုယ့်သွေးကိုယ့်သားရင်းချာပမာ ယေရှူ့ခရစ်တော်၌ ညီအစ်ကိုမောင်နှမများ မိသားစုများဖြစ်ကြသည် ဆိုလျှင်လညိး မမှားနိုင်ပါ။ အားလုံးသည် တစ်စိတ်တစ်ဝမ်းတည်း၊ တစ်သွေးသားတည်းဖြစ်၍ ယေရှူ့ခရစ်တော်၏ အသွေးတော်အားဖြင့် အရေးကြီးလျှင် သွေးစည်းကြမည်/သွေးနီးကြမည်ဟု အဖိုးထိုက်တန်လှသော ယေရှူ့ခရစ်တော်၏ “အသွေး‌တော်” အားဖြင့် ယုံကြည်ခြင်း ခိုင်မြဲတည်တံ့စွာ အသက်ရှင်ကြပါစို့။
ထို့အပြင် (ကမ္ဘာ ၄း၁၀) တွင် “ဘုရားသခင်ကလည်း သင်သည် အဘယ်သို့ပြုပြီးသနည်း၊ သင့်ညီအသွေး၏ အသံသည် မြေထဲက ငါ့ကို အော်ဟစ်လျက်ရှိသည်တကား” ဟူ၍ သွေးကစကားပြောကြောင်းကိုလည်း သမ္မာကျမ်းစာတွင် မှတ်တမ်းပြုဖော်ပြထားသည်ကို လေ့လာသိရှိရပါသည်။
သို့မို့ကြောင့် အခမဲ့ရရှိသော ယေရှူ့ခရစ်တော်၏ “အသွေး”တော်ကို တန်ဘိုးထားလျက် အလိုတော်နှင့် အညီ သန့်ရှင်းသော “အသွေး” အားဖြင့် အသက်ရှင်ကြရအောင်လို့ ခွန်အားပေး၍ ဤဆောင်ပါးအားရေးသားအပ်ပါသည်။

စာရေးသူ
အပယ်ရတနာ
မဂႅလာမက်သဒစ်အသင်းတော်
၁၀.၁၂.၂၀၂၅
မနက်၃နာရီ