Awltak Paipuina

Awltak Paipuina He kah pages he Awltak akaming Matu cathli lawng Awltak mingna dawngah a rongna ham kam thlahna la awm.

30/08/2019

“Thlawnna byng byng thlawnna byng byng”aka ti bibi kung thli ke Metihla na pok?

13/05/2019

Peekna tihe tah cangti tuhna ni.

04/12/2018

KRICA ON CHRISTIAN

DR.RUAL UK lawng ongcathli he Baibul lawng Krica tila a ti monih tila a thui he ka pok vengah ka song sak..CHRISTIAN ni a ti(Celtuih saina 11:25-26).KRIFA-Krica titah kri kah a ca tina la awm tih,Christian titah kri kah hubangthli
tina la awm.
Mami ongcathli he kri kah a ca tila Baibul lawng thui nawh tih kri kah amiamanau tila athui(Heb 2:11-12).
Tedawngah Tihin kalawng ongca thli he krica/Krica hingna tila thui zyngla Christian /Christian hingna tila ng’thui kawinih Baibul on kaih a hih ngai ai .

23/10/2018

BIBLE KAH DUNG THLI
(Bible Dispensations)
(သမၼာက်မ္းစာ ေခတ္ကာလမ်ား)

Baibul dawngah dung phun(7) awm.Baibul Genesis kalawng Awlphawng to ah Pathen lawng dung
Phun(7) he thlanghing on tuh kaina akhyh thaina ham on amah aphawngna u ham a khyh.Pathen tah lang thainawh de,dung khat on khat veng kah Pathen kah a bibina tah thaw leng u popa.Te dung phun(7)thli te tah..

(1)Eden dung(Innocence Period)Gen 1-3)

(2)A The A Theen Mingna (Dung(Conscince)-Noah Dung(Gen 3-8)

(3)Thlang Hing Ukna Dung(Human Government)Babel Imsang dung(Gen9-11)

(4)Awlkam Dung(Promise )Abaraham Dung(Gen 11-Exo 12)

(5)A Na Awl Dung(Law)Mousi Dung(Exo 20- Cross)

(6)Lungvatna Dung(Grace)Pentecost-Second Coming)

(7)K*m(1000)Ukna Dung(Millenium Kingdom) Second Coming-Dungzan(Awlphawng 20:2-7)

23/10/2018

AWLTAK A SONGLA PEK THAINA( Rigthly Dividing The Truth)
(2Tim 2:15)
Ongcathli lawng Awltak a songla
Pekbou thaina khyh ham he awlpui tangkiik.Ongca zahawh ngai lawng
he Baibul tah a te de,Baibul lawng tu athui?,Tu a thui ngaihna ?A u thli tengah a thui? Meveng ty kah ham la a thui pe tite a songla apek abou thai nawh dawngah a sullam a lawh dan a palh u.
Ongcathli lawng he DUNG rook ah Pathen kah kaw ngaihna on kam thlahna he tu kai tihe ming a ngo.Hehe m’ming nawh dawngah mah pokna on Baibul he a sullam n’syn u.Baibul he thlangboih ham a van thut la awm,Tede thlangboih tengah a thut monih.Khatsut tah Gentile thli tengah a thut awm tih,khatsut tah ongca thli tengah athutna khaw awm tite mingham awm(1Kor 10:33,Eph 3:1-10).
Baibul carym Boih he Isreal thli on Isreal ram kawng awlpui la a thut la awm.Tedawngah Baibul khui kah athut thli boih mami Ham a thuila lawham awm nawh.Tetihla n’lou kawinih n’palh hau thai.
Dilai han ah arih ham aka awm kok tah Baibul on ceh thawlhna he ni.Zu aka aw phe aka kap thli tah kop cangpui ham bet zoi.Tede Baibul on aka cet thawlh thli pon tah kop cangpui ham zoi tlaih nawh.
(Sibawi Pakhat lawng si a sunh sawl atah thlang khat ni a dyk,Tede cangpui kung saya lawng thlang a cangpui thawlh atah muithla tok lek nawh Hell a pha thai.)

22/10/2018

BIBLE DUNG PEK NA
(2Tim 2:15)

‘Kohna aka dang bibi kung la na awm angla Pathen haaiah a theen kokla va pe u lah.Bibi kung a song cala awltak aka phoih lawng tah zah hamla awm nawh’(2Tim 2:15)
Baibul lawng thlawn la awm congah awltak ming ham a ngo ti.
Awltak ming ti kah a sullam he aphun phun la huhna awm.Tede a kungpui tah BAWIPA Jesuh amah on Baibul he awltak tangtang la awm.
Tede thlawnna dang congah awltak mingham a ngaih tihe tah,thlawnna dang cong krica hingna lawngpui mingciimna hamla ni.Awltak ming titah Baibul dung pekbou thaina he ni.Baibul dawngah Pathen lawng amah dung khat cong khat a hoop tih thlanghing on tuh kaina a sai.
Baibul dung pekna kawng na ming nawh atah Baibul a sullam na lawh dan song manawh.Baibul dung kawng naming nawh atah Baibul a songla na hawna thai manawh.Baibul
Dung kawng naming nawh atah na cangpuina carym on cathai napiit tum palau vetih na tingtawng sut ai.Baibul dung pekna naming nawh atah na cangpuina lawng thlaang ngaihangna apeek ai.Baibul dung pekna naming nawh atah na ongna song manawh.Dungpekna naming nawh atah Pathen awl cangpuina a song on song nawh khaw na nok thai manawh.
Thui caihna tum palau,Cangpuina tumpalau,ongna tum palau,Bawkna tumpalau,Bibina tum palau la awm vetih a hoila patang khang on vai u ai(Gal3:3).

Pathen kah renna rang on 2018-k*m Yangon thla(3)tintan tah kaboih u puk pon.Tuk*m kah tintan he avoi(7)na la awm .K*m tl...
30/08/2018

Pathen kah renna rang on 2018-k*m Yangon thla(3)tintan tah kaboih u puk pon.Tuk*m kah tintan he avoi(7)na la awm .K*m tlo k*m kah tintan kasai on vai u nawh.Tuk*m tintan tah thlawng khaw Pa(5)ca ni a law.Tede BA Degree aka dang tangte thli M.Div aka dang tangte thli vakai u.
Tuk*m tintan he thlang kazawl u de baro nawh la patang kakhang u.Caak awk ben tah Malaysia on Kaya ram kalawng ng’bawm tih vot thokna awm nawh de,aka cangpui kung saya thli he thlakhat ah MMK 30000/-kyat ,250000/-kuat , 50000/-Kyat lah khah la kapeek.Tede akaw the u myhla BAWIPA ham la awmngaih lat u.Abot tola ka congna u thaiham thlacam kan bih u..

25/08/2018

THLAWNNA ABOU KOK NA

1. Pathen kah dungzan kam thlahna
la a awm dawngah(2Tim 1:9)
2.Pathen kah kaw ngaih la a awm
Dawngah(1Tim 2:4)
3.Dungzan to hell kalawng loihna on
Dungzan vaan ram pangna la a awm
dawngah(Heb 2:3)
4. Thlawnna he Pathen amah kah
Hingna pangna la a awm dawngah
(1Jn 5:11-12)
5.Pathen on kop tuh kai hihna dangna
la a awm dawngah(Rom 8:8-9)
6.Khawsi kalawng loihna la a awm
dawngah(Gal 3:13)
7.A Cim muithla on a Cim muithla kah
Kutdou laksawng pangna la a awm
dawngah(Eph 1:13)
8.Pathen kah zouthenna boih boih
a sopla a awm na la a awm dawngah
(Rom 15:29)
8.Baibul carym on cathai kah awlpui
La a awm dawngah(Jn 20:31)
9.Zaan kah prophets thli on Celtuih thli
Kah a pangpui awl thangtheen la a
awm dawngah(Luke 24:44-45)
10.Bawipa Jesuh amah kah awlpeek
Aka bou kok la a awm dawngah
(Matt 29:19-20)
11. Cathai san Kri kah thlangbol kah
Kam thlahna abou kok la a awm
dawngah(Matt 16:13-18)
12.Thlangthawlh thli kah hingna aka
thawleng kung Pathen kah tharana
la a awm dawngah(Rom 1:16-17)

23/08/2018

AWLTAK NA PAIPUI AW?
‘Kai aka bawng nawh tah kai aka raalna
thlang la awm tih,Kai aka cawipui
nawh tah aka heh kung la awm?
(Matt 12:30)
Pathen kah awltak he aming ham dok la Pathen lawng ngaih nawh tih paipui ham ni angaih tite he Baibul
catlaang on m’ming thai.
Pathen renna on mami Matu thlangthli he Pathen kah thlawnna Awltak tah m’ming u pon de,thlawnna m’ming congah Awltak aka paipui thlang n’zawl ca.Awltak kaming pon n’ti tih Awltak ming congah miphun,Mah awl mah ka paipuina,thlanghing m’paipui u tih aty a can n’boih u.
Tedawngah ah mami matu thlangtim ah Awltak on aka pai thlangbol lak ah miphun on aka pai,cakaw on aka pai bu zahawh.Awltak aka ming dom ca thli lawng dom bu ah pai tih,Awltak akaming cing cathli lawng cing bu ah,Awltak aka ming Dai cathli lawng Dai bu apai pui.Tedawngah Kri aka paipui ongca awm nawh.
Celtuih Peter angla Jesuh tah n’lungna u de,Jesuh paipuina dawngah thlangkah husit ta deng thee khaana,kazawk ai ,kaming thee ai tihe baro nawh la n’rih.Thlanglawng n’dou nawh ai tihe baro n’rih tih awltak paipui ham n’ngaih nawh.BawiJesuh Lawng tah nang on kaiham thlangkah husit the kha on patangna raina a van tyk tih n’thlawn.Miamanau pok lah Awltak napai Pui aw?

He kah Picture he tah’Na ca nanau thli te ‘Awltak’ cangpuina SUUKTUI na tuul nawh atah,SEITAN lawng ah nangkah na ca nan...
22/08/2018

He kah Picture he tah’Na ca nanau thli te ‘Awltak’ cangpuina SUUKTUI na tuul nawh atah,SEITAN lawng ah nangkah na ca nanau thli te hetihla naming nawh na ryt ah A SOONG NAWH CANGPUI THAWLHNA te suuk tui angla a van tuul van ai’a ti ngaihna la awm.

22/08/2018

AKA BOU TANGKIIK THLAWNNA
( So Great Salvation Of God)

‘Aka bou tangkiik thlawnna te tula n’sak nawh kawinih metihla n’loihna
Thai tare ai’(Hebrai 2:3)
He Baibul catllang lawng he thlanghing Hamla Pathen kah thlawnna metih tola a awlpuina ti on,
Pathen kah thlawnna he metih tola a phu a tlawh tite a ciim la phek aka van tyngsak tih ngaithynna khaw aka pe Baibul catllang la awm.
Pathen kah thlawnna he thlanghing kah hingna tahe dung on hailam dung ham la khaw awlpui tangkiik.Tudawngah ti atah thlawnna pang nawh atah Pathen kah dan tatna
Hell on khawsi khui kalawng loihna lawngpui a awm tlaih nawh dawngah awlpui kok la awm.Thlawnna dang he Pathen kah zoutheenna abou kok pangna la awm tih thlawnna dang nawh he sungna boih boih khui ah aka bou kok sungna ,dungzan tola sungna la awm.

1.Thlawnna Tihe Tu?
Thlawnna titah ‘Loihna’’Deem na’ la awm.Baibul lawng thlawnna a ti kah a sullam tah thawlh phu Pathen kah dan tatna khui kalawng loihna la awm.Pathen kah thawlh phu dantatna he phun hih la awm.Pakhatna atah thlawh phu dykna dungzan heem on th lawlh phu dawngah hing khui pyr pangham koi khawsi zaawkna la awm.
Baibul lawng thlawnna he thawlh phu dawngah Pathen kah dan tatna kalawng loihna a ti dawngah thlawnna he Hell khui kalawng loihna on hing khui khawsi zaawkna khui kalawng loihna la awm(Gal 3:13).
Tihin hang ah Matu Krica thli kah hingna ram ah kawthe ham aka awm kok tah Baibul Lawng aka bou kok la akhyh tih a capa Jesuh Kri kah is thisen on ah avan sai THLAWNA te tula n’sak u lat nawh he kawthe ham awm tangkiik.Pathen Lawng aka bou tangkiik la a pok te mami lawng ‘aka zit kok’la ng’huh he Pathen khaw akaw law nawh pon cawini.
Te byng myhla thlawnna kanau tat aka ti thli,thlawnna byng byng aka ti thli,thlawnna thuisan tlaih monih muithla san pon ni aka ti thli,thlawnna te n’ca maw kalawng n’ming pon bol metihla n’rongna ai ti man n’thui loih sui ti thli,tahe san he muithla san pon ni muithla kawngni n’thuiham a awm pon titih muithla tom,muithla bih,muithla ngai,muithla lam ton tih Awltak aka ceh tak baro nawh ng’awm u pon.Thlang Lawng kathang thai tite thlawnna Awltak zakming ciim tih thangthai nawh,laa a sak tih alung a ding tih amik phi a baw tih a rah pon atah muithla kadang thlawnna ka dang ti u.
Krica thlangbol khui ah thlawnna kawng phungthuina awm nawh,thlawnna a zakmingna Ham cangpuina awm nawh.Thlawnna a zakming naham Crusade Sai thli,Cangna sai thli te bu zookeeper,thlangphe kung la lat ng’huh u he muithla ham baro a rih awm tangkiik.Tedawngah Noah angla mah mah imkhuikaw ham thlawnna “LAAWNG” thuk u pon sih.

By: Robert Jelee

Address

No(120), Kyaunggyi 3rd, Ting Kan Kyungyi Block, Aung Si Khone Pagoda Road, Mingaladon
Yangon

Telephone

09440170552

Website

Alerts

Be the first to know and let us send you an email when Awltak Paipuina posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to Awltak Paipuina:

Shortcuts

Share

Category