https://www.facebook.com/1426211290951311/

သခင့်အေးရိပ်, Yangon (2026)

09/02/2026

🙏နံနက်ယံ ဆုတောင်း 🙏

"ထို့ကြောင့်၊ ငါတို့သည် မလှုပ်နိုင်သောနိုင်ငံကိုရသည်ဖြစ်၍၊ ခန့်ညားကြောက်ရွံ့သောသဘောနှင့် ဘုရားသခင်ကို လျောက်ပတ်စွာ ဝတ်ပြုနိုင်မည်အကြောင်း၊ ကျေးဇူးတော်ကို စွဲလမ်းကြကုန်အံ့။" (ဟေဗြဲ ၁၂း၂၈)

❤️ နှလုံးသွင်းရန်

✅ လောကီတိုင်းနိုင်ငံတို့သည် ပျက်သုဉ်းခဲ့ကြသည်။ ပျောက်ကွယ်သွားခဲ့ကြသည်။ ယခုတည်ရှိနေသည့် နိုင်ငံများသည်လည်း ပျက်သုဉ်းလေအုံးမည်။ ပျောက်ကွယ်လေအုံးမည်။

✅ဘုရားသခင်၏ နိုင်ငံတော်သည် တည်လုနီးပြီဖြစ်သည်။ ထိုနိုင်ငံတော်သည် ပျက်သုဉ်းခြင်း၊ ပျောက်ကွယ်သွားခြင်းမရှိဘဲ ထာဝရတည်နေလိမ့်မည်။

✅ခရစ်တော်၏ ယုံကြည်သူများသည်လည်း ထိုနိုင်ငံတော်တွင် ကိုယ်တော်နှင့်အတူ စိုးစံရလိမ့်မည်။ ကိုယ်တော်နှင့်အတူ ထာဝရနေထိုင်ကြရလိမ့်မည်။

🙏 ဆုတောင်းခြင်း 🙏

✅ ကိုယ်တော်၊ အကျွန်ုပ်၏ နှလုံးသားကို နိုင်ငံတော်အတွက် ပြင်ဆင်ပေးတော်မူပါ။ ကိုယ်တော်ပြုတော်မူသော ကျေးဇူးကရုဏာတော်ကို စွဲလန်းနေမည်အကြောင်း မစတော်မူပါ။ ကိုယ်တော်၏ အစေကို သစ္စာရှိစွာ ခံယူနိုင်ရန်လည်း ခွန်အားပေးမူပါ။ ယေရှုနာမ၌ ဆုတောင်းပါ၏။ အာမင်!

❤️❤️❤️

03/10/2025

❤ ယေရှုသည် လူသားတိုင်း၏ ချစ်မိတ်ဆွေဖြစ်သည် ❤

25/09/2025

❤ ဖခင်ထံမှ ကောင်းကြီးမင်္ဂလာကို ယာကုပ်ရယူခြင်း ❤

🙏 "ထိုသို့သူ၏ လက်တို့သည် ဧသော၏ လက်ကဲ့သို့ အမွေးပါသောကြောင့်၊ ယာကုပ်ဖြစ်မှန်းကို အဘမရိပ်မိသဖြင့်၊ ကောင်းကြီးပေးလေ၏။" (ကမ္ဘာဦးကျမ်း ၂၇:၂၃) 🙏

✅ ဣဇာက်သည် (တွက်ချက်မှုအရ) အသက် ၁၃၇ နှစ်ရှိလာပြီ။ သူသည် အို၍ မျက်စိမှုန်သဖြင့် မမြင်နိုင်တော့ပါ။ ဧသောနှင့်ယာကုပ်တို့သည်လည်း (တွက်ချက်မှုအရ) အသက် ၇၇ နှစ်အရွယ်ရှိလာလေပြီ။

✅ ဧသောသည် အသက် ၄၀ အရွယ်တွင် ရုပ်ထုကိုးကွယ်သော အမျိုးသမီးနှစ်ဦးနှင့်အိမ်ထောင်ပြုခဲ့သည်။ ဧသော၏ မိန်းမတို့သည် ဣဇာက်နှင့်ရေဗက္ကတို့ကို စိတ်ဆင်းရဲစေသည်။ သို့သော်လည်း ဣဇာက်သည် ဧသောအား ယာကုပ်ထက် ပို၍ချစ်၏။

✅ ဣဇာက်သည် ဧသောအား ယခု ငါအိုလှပြီ။ အဘယ်သောအခါ သေရမည်ကို ငါမသိ။ မသေမှီ သင့်ကို ကောင်းကြီးပေးမည်အကြောင်း၊ တောသို့သွား၍ ငါစားစရာဘို့ အမဲကောင်ကို ရအောင်ရှာပြီး ငါမြိန်ရှက်တတ်သော အမဲဟင်းလျာကို ချက်၍ ယူခဲ့ပါလော့ဟု ပြောဆို၏။ ဧသောသည် သားဦးအရာကို ကျိန်ဆို၍ ယာကုပ်အား ရောင်းချခဲ့ကြောင်းကို ဖခင်အား မပြောပြချေ။

✅ ဣဇာက်သည် သားဧသောအား ပြောဆိုသောစကားကို ရေဗက္ကကြားရသည်။ ၎င်းပြင် ဧသောသည် သားဦးအရာကို ပေါဆစွာသဘောထားလျက် ယာကုပ်အား ရောင်းလိုက်သည်ကိုလည်း သိရှိ၏။ ယာကုပ်သည် ဖခင်ထံမှ ကောင်းကြီးမင်္ဂလာကို လှည့်စားရယူခြင်းမှတစ်ပါး အခြားနည်းအားဖြင့်မရနိုင်ဟု ရေဗက္က ထင်မှတ်သည်။

✅ ဧသောသည် ဖခင်ပြောသည့်အတိုင်း အမဲသားကိုရအောင် တောသို့ သွားရှာနေသည်။ ထိုအချိန်တွင် ရေဗက္ကသည် သားယာကုပ်ကို ခေါ်၍ ဖခင်ကို လှည့်စား၍ ကောင်းကြီးမင်္ဂလာကို တောင်းယူရန် ပြောဆိုသည်။ ယာကုပ်သည် ဖခင်ကို လှည့်စား၍ ကောင်းကြီးမင်္ဂလာကို တောင်းယူရန် ပထမတွင် ဆန္ဒမရှိသော်လည်း နောက်ဆုံးတွင် မိခင်၏ အကြံအစည်ကို သဘောတူလိုက်သည်။

✅ ယာကုပ်သည် မိခင်မှာကြားသည့်အတိုင်း ကောင်းသောဆိတ်သငယ်နှစ်ကောင်ကို မိခင်ထံ ယူလာသည်။ ရေဗက္ကသည်လည်း ဣဇာက် မြိန်ရှက်တတ်သော အမဲဟင်းလျာကို ချက်ပေးသည်။ မိခင်သည် ယာကုပ်ကို ဧသော၏ အသွင်အပြင်ကဲ့သို့ ပြင်ဆင်ပေးပြီးလျှင် မိမိချက်သော အမဲဟင်းနှင့်မုန့်ကို သားယာကုပ်လက်၌ အပ်ပေးသည်။

✅ ယာကုပ်သည် ဧသောကဲ့သို့ ဟန်ဆောင်၍ လိမ်ညာသောစကားများအားဖြင့် ဖခင်ထံချဥ်းကပ်၏။ ဖခင်ဣဇာက်သည်လည်း ယာကုပ်ကို သားကြီးဧသောဟု ယုံမှတ်လျက် ကောင်းကြီးပေးမည်အကြောင်း ယာကုပ်ယူလာသော အမဲသားကို စားလေ၏။ စပျစ်ရည်ကိုလည်း သောက်လေ၏။ ထို့နောက် ဣဇာက်သည် ယာကုပ်ကို သားကြီးဧသောဟု ယုံမှတ်လျက် ကောင်းကြီးပေးလေ၏။

❤❤❤

ပုံ - Google မှ ကူးယူဖော်ပြသည်။

23/09/2025

❤ သားဦးအရာကို ရောင်းစားခြင်း ❤

🙏 "ဧသောက၊ ငါသေလုပြီ။ သားဦးအရာအားဖြင့် အဘယ်အကျိုး ရှိပါလိမ့်မည်နည်းဟုဆို၏။ ယာကုပ်ကလည်း၊ ယနေ့ပင် ငါ့အား ကျိန်ဆိုခြင်းကိုပြုပါဟုဆိုသော်၊ သူသည် ကျိန်ဆိုသဖြင့်၊ ယာကုပ်အား မိမိသားဦးအရာကို ရောင်းလေ၏။" (ကမ္ဘာဦးကျမ်း ၂၅ : ၃၁-၃၂) 🙏

✅ ဘုရားသခင်သည် အာဗြဟံနှင့် ပြုတော်မူသည် ကတိတော်များကို သားဣဇာက်အား ဖော်ပြပေးသည်။ ဣဇာက်နှင့်ရေဗက္ကတို့သည် ထိုကတိတော်များကို မိမိတို့ ရည်မှန်းချက်နှင့်မျှော်လင့်ချက်များ၏ အဓိကအရာအဖြစ် ဆုပ်ကိုင်ထားသည်။

✅ ဧသောနှင့်ယာကုပ်တို့သည် ထိုကတိတော်များနှင့်ရင်းနှီးကျွမ်းဝင်ကြသည်။ သားဦးအရာကို အလွန်အရေးကြီးသောအရာအဖြစ် မှတ်ယူထားကြရန် သူတို့အား သွန်သင်ထားသည်။ အကြောင်းမှာ သားဦးအရာသည် လောကီစည်းစိမ်အမွေသာမက ဝိညာဥ်ရေးရာအခွင့်ထူးလည်းပါဝင်သည်။

✅ သားဦးအရာကို ရရှိသူသည် မိသားစု၏ ယဇ်ပုရောဟိတ်ဖြစ်ရမည်။ သူ၏ အမျိုးအနွယ်အားဖြင့် ဤလောက၏ ကယ်တင်ရှင်သည် ပေါ်ထွန်းလာလိိမ့်မည်။ တစ်ဖက်တွင်လည်း သားဦးအရာကို ရရှိသူ၌ လုပ်ဆောင်ရမည့် တာဝန်ဝတ္တရားများရှိနေသည်။

✅ သားဦးအရာ၏ ကောင်းကြီးမင်္ဂလာကို အမွေခံရမည့်သူသည် ဘုရားသခင်၏ အမှုတော်၌ မိမိ၏ အသက်တာကို ဆက်ကပ်ထားရမည်။ သူသည် အာဗြဟံကဲ့သို့ပင် ဘုရားသခင်၏ စေခိုင်းချက်များကို နာခံလိုက်လျှောက်ရမည်။ အိမ်ထောင်ရေး၊ မိသားစုဆက်ဆံရေးနှင့် လူမှုဆက်ဆံရေးတို့တွင် သူသည် ဘုရားသခင်နှင့်အလိုတော်ကို ရှာဖွေ၍ ဝန်ခံရမည်။

✅ ဣဇာက်သည် သားနှစ်ဦးတို့အား သားဦးအရာနှင့်ဆိုင်သည့် အခွင့်ထူးများနှင့်အခြေအနေများကို ပြောပြပေး
သည်။ သားကြီးဧသောသည် သားဦးအရာကို ရပိုင်ခွင့်ရှိကြောင်းကိုလည်း ရှင်းရှင်းလင်းလင်း ဖော်ပြသည်။

✅ သို့ရာတွင် ဧသောသည် ဆက်ကပ်ခြင်းကို ချစ်မြတ်နိုးခြင်းမရှိ၊ ဘာသာတရားအသက်တာကို ဝမ်းမြောက်စိတိမရှိပါ။ သူသည် မိမိစိတ်ပျော်ရာကို လုပ်ရသည့် လွတ်လပ်မှုလောက် မည်သည့်အရာကိုမျှ မလိုချင်ပါ။ အာဏာတန်ခိုး၊ ချမ်းသာကြွယ်ဝမှု၊ ပျော်ပွဲရွှင်ပွဲများနှင့် စားသောက်ပျော်ပါးခြင်းများသည် သူ့အတွက် ပျော်ရွှင်စရာဖြစ်သည်။

✅ ရေဗက္ကသည် ဧသောနှင့်ယာကုပ်တို့၏ အကျင့်စာရိတ္တကို သိမြင်တော်မူ၍ ထာဝရဘုရား မိန့်တော်သည့် "လူတစ်မျိုးသည် တစ်မျိုးထက် အားကြီးလိမ့်မည်။ အကြီးသည် အငယ်၌ ကျွန်ခံရလိမ့်မည်" ဟူသောစကားကို သတိရအောက်မေ့သည်။ ဘုရားသခင်၏ ကတိတော်အမွေသည် ယာကုပ်အတွက်ရည်ရွယ်ထားကြောင်း သူမနားလည်သည်။

✅ ယာကုပ်က မိမိသည် သားဦးအရာ၏ ရရှိလိမ့်မည်ဟု မိခင်ကြီးထံမှာ ကြားသိရပြီးဖြစ်သည်။ သူသည် သားဦးအရာရရှိမည့် အခွင့်အလမ်းကို လိုလားတောင့်တစွာ စောင့်မျှော်နေသည်။

✅ တစ်နေ့တွင် ယာကုပ်သည် စားစရာကို ချက်ပြုတ်နေစဥ် ဧသောသည် တောမှ မောပန်းလျက်ပြန်လာသည်။ ဧသောက ယာကုပ်အား “ငါသည် မောပန်းနေသဖြင့် ငါ့ကို ထိုဟင်းနီနီလေးကျွေးပါ” ဟု ဆို၏။

✅ ယာကုပ်ကလည်း "ယနေ့ပင် သင်၏ သားဦးအရာကို ငါ့အား ရောင်းပါ”ဟု ဆိုပြန်သည်။ ဧသောကလည်း “ငါသေလုပြီ၊ သားဦးအရာအားဖြင့် အဘယ်အကျိုးရှိလိမ့်မည်နည်း" ဟု
ပြန်ဆို၏။

✅ ယာကုပ်ကလည်း "ယနေ့ပင် ငါ့အား ကျိန်ဆိုခြင်းကိုပြုပါ" ဟု ဆိုလျှင် ဧသောသည် ကျိန်ဆိုသဖြင့်၊ ယာကုပ်အား မိမိသားဦးအရာကို ရောင်းလေ၏။ ယာကုပ်သည် မုန်နှင့် ပဲဟင်းကို ဧသောအား ပေးသဖြင့် သူသည် စားသောက်ပြီးမှ ထ၍ သွားလေ၏။ ထိုသို့ ဧသောသည် မိမိနှင့်ဆိုင်သော သားဦးအရာကို မထီမဲ့မြင်ပြုလေသည်။

❤❤❤

ပုံ - Google မှ ကူးယူဖော်ပြသည်။

22/09/2025

❤ "I forgive him". "ငါ သူ့ကို ခွင့်လွှတ်တယ်" by Erika Kirk.❤

11/09/2025

❤ ဧသော နှင့် ယာကုပ်တို့ကို မြင်ရခြင်း ❤

🙏 သူငယ်တို့သည် ကြီးပွား၍၊ ဧသောကား လိမ္မာသော တောသားမုဆိုးဖြစ်လေ၏။ ယာကုပ်ကား တဲ၌နေတတ်၍ စိတ်ကောင်းသောသူဖြစ်၏။" (ကမ္ဘာဦးကျမ်း ၂၅:၂၆) 🙏

✅ ဣဇာက်နှင့်ရေဗက္ကတို့သည် သားအမြွာဖြစ်သော ဧသောနှင့်ယာကုပ်တို့ကို မြင်ရကြသည်။ ဧသောနှင့်ယာကုပ်တို့သည် အမြွာညီအစ်ကိုဖြစ်ကြသော်လည်း အကျင့်စာရိတ္တမတူကြပါ။ အသက်ရှင်နေထိုင်သည့်ပုံစံသည်လည်း ထင်းရှားစွာကွဲပြားကြသည်။

✅ ဧသောသည် လွတ်လပ်မှုကို နှစ်သက်သည်။ မိမိစိတ်ပျော်ရွှင်စေသည့်အရာကို လုပ်ဆောင်သည်။ လတ်တလောအကျိုးကိုသာ အာရုံစိုက်သည်။

✅ ဧသောသည် ချုပ်ချယ်မှုကို မလိုလားဘဲ တော၌ အမဲလိုက်ရသည့် လွတ်လပ်မှုကို နှစ်သက်သည်။ ထို့ကြောင့် သူသည် ငယ်ရွယ်စဥ်အချိန်ကပင် မုဆိုးဘဝကို ရွေးချယ်သည်။

✅ ဧသောသည် အမဲလိုက်၍ရသော သားကောင်၏အသားဖြင့် ဖခင်ဣဇာက်အား ကျွေးမွေးသည်။ ထို့ကြောင့် ဣဇာက်သည် ယာကုပ်ထက် ဧသောကို ပို၍ချစ်သည်။

✅ ယာကုပ်သည် စိတ်သဘောနူးညံ့သိမ်မွေ့၍ မိခင်ကို ပျော်ရွှင်အောင် ပြုမူတတ်သည်။ သူသည် စဥ်းစားချင့်ချိန်တတ်၍ ဇွဲ၊ လုံ့လ၊ ဝီရိယရှိသည်။ လတ်တလောအကျိုးထက် သာ၍ကောင်းသော အနာဂတ်အကျိုးကို ပို၍ဆင်ခြင်သည်။

✅ ယာကုပ်သည် အိမ်၌ နေရသည်ကို ပျော်ရွှင်နှစ်သက်လျက် သိုးနွားများကို ကြည့်ရှုစောင့်ရှောက်ပြီး မြေယာစိုက်ပျိုးခြင်းတို့ကို လုပ်ဆောင်သည်။ မိခင်ရေဗက္ကသည် သားယာကုပ်၏ ကြိုးစားအားထုတ်မှု၊ စီမံခန့်ခွဲမှုနှင့် အမြော်အမြင်ရှိမှုတို့ကို တန်ဖိုးထားသည်။

✅ ယာကုပ်၏ အစဥ်ချစ်ခင်ယုယမှု၊ နူးညံ့သိမ်မွေ့မှုနှင့်ဂရုစိုက်မှုတို့သည် ဧသော၏ တစ်ခါတစ်ရံသာပြတတ်သော ကြင်နာမှုထက် မိခင်ကြီးအား အထူးဝမ်းမြောက်ရွှင်လန်းစေသည်။ ထို့ကြောင့် ရေဗက္ကသည် ဧသောထက် ယာကုပ်ကို ပို၍ချစ်သည်။

❤❤❤

09/09/2025

❤ ဂျပန်လူမျိုး ဘာသာမဲ့ ယေရှုခရစ်ကို ယုံကြည်လာသူ ❤

#သက်သေခံချက်

01/09/2025

❤ ဣဇာက်၏ ထိမ်းမြားခြင်း ❤

"သင်သည်၊ ငါနေသော ခါနာန်အမျိုးသမီးတို့တွင်၊ ငါ့သားဘို့ မယားကို မရွေးမယူဘဲ၊ ငါ့ပြည် ငါ့အမျိုးသားချင်းတို့ထံသို့သွား၍၊ ငါ့သားဣဇာက်အဘို့ မယားကိုယူရမည်" ကမ္ဘာဦးကျမ်း ၂၄:၃-၄)

✅ အာဗြဟံနှင့်စာရာတို့၏ သားဣဇာက်သည် အသက်လေးဆယ်ရှိလေပြီ။ စာရာဆုံးသည်မှာလည်း သုံးနှစ်ရှိပြီ။ အာဗြဟံသည်လည်း အသက်အရွယ်ကြီးရင့်၍ အိုလာပြီ။

✅ ဘုရားသခင်သည် အာဗြဟံ၏ အရိုက်အရာကို ဆက်ခံရန် ဣဇာက်အား ခန့်ထားတော်မူသည်။ သို့ရာတွင် သူသည် အိမ်ထောင်မရှိသေးပါ။ သူ၏ သားစဥ်မြေးဆက်များအတွက် ပြုတော်မူသည့်ကတိတော်ပြည့်စုံစေရန် အဗြဟံလုပ်ဆောင်ရမည့် တာဝန်တစ်ခုကျန်ရှိနေသေးသည်။

✅ အာဗြဟံ ယခုနေထိုင်ရာ ခါနန်ပြည်သားတို့သည် ရုပ်ထုကိုးကွယ်သူများဖြစ်ကြသည်။ ဣဇာက်သည် ခါနန်အမျိုးသမီးနှင့် အိမ်ထောင်ပြုခြင်းအားဖြင့် သူတို့၏ ဆိုးညစ်ပျက်စီးခြင်းအမှုသည် မိမိ၏ သားအပေါ်ထိခိုက်လာမည်ကို အာဗြဟံစိုးရိမ်ပူပင်သည်။ မိမိ၏ သားအား ဘုရားသခင်ထံတော်မှ လမ်းလွှဲမသွားစေရန် ပြုမှုမည့်မယားကို သားအဖို့ ရွေးချယ်ရန် သူအလိုရှိသည်။

✅ အာဗြဟံသည် အရေးကြီးသော ဤအမှုကိစ္စကို စီမံဆောင်ရွက်ရန် မိမိအိမ်သားတို့တွင် အသက်ကြီး၍ သစ္စာရှိလျက် ပညာဗဟုသုတနှင့်ပြည့်စုံသော ဧလျာဇာကို တာဝန်ပေးသည်။ အာဗြဟံသည် ဧလျာဇာအား "ငါ့ပြည် ငါ့အမျိုးသားချင်းထံသွား၍ ဣဇာက်အဖို့ မယားကို ယူရမည်"ဟု မှာကြားလေသည်။

✅ အာဗြဟံ၏ မူလပြည်သည် မေသောပေါတာမိတိုင်း (မက်ဆိုပိုတေးမီးယား) ဖြစ်သည်။ ၄င်းအရပ်တွင် နေထိုင်ကြသော သူ၏ ဆွေမျိုးတို့သည် ရုပ်ထုကိုးကွယ်မှုနှင့် မကင်းကြသော်လည်း စစ်မှန်သော ဘုရားသခင်ကို သိကျွမ်းခြင်းနှင့်ဝတ်ပြုကိုးကွယ်ခြင်းကို မြတ်နိုးကြသည်။

✅ ဧလျာဇာသည် မိမိအဖွဲ့နှင့်အတူ မေသောပေါတာမိတိုင်းသို့ ခရီးစထွက်လာသည်။ မိမိတို့နှင့်အတူ အပြန်လမ်းတွင်ပါလာကြမည့် သတိုးသမီးနှင့်အထိန်းတော်များစီးရန် ကုလားအုပ်ဆယ်စီးကိုလည်း ယူလာသည်။ ဣဇာက်၏ ဇနီးလောင်းနှင့်သူမ၏ မိတ်ဆွေများကိုပေးရန် လက်ဆောင်ပစ္စည်းများကိုလည်း သယ်ဆောင်လာသည်။

✅ ဧလျာဇာသည် နာခေါ်မြို့သို့ ရောက်လာသည်။ အမျိုးသမီးများရေခပ်သော ညဦးယံအချိန်၌ မြို့ပြင်ရေတွင်းနားမှာ သူရပ်နေ၏။ သူ၏ အတွေးစိတ်မှာ ပူပင်လာသည်။ သူ၏ ဆုံးဖြတ်ရွေးချယ်မှုသည် သခင်၏အိမ်ထောင်စုအတွက်သာမက အနာဂတ်လူသားမျိုးနွယ်တစ်ခုလုံးအတွက်ပင် အရေးကြီးသောအကျိုးရလဒ်များကို ဖြစ်ပေါ်စေနိုင်သည်။

✅ ဧလျာဇာသည် ဣဇာက်အတွက် မယားကို ရွေးချယ်ရာတွင် 'မိမိ၏ အကြံကို ထမြောက်စေ၍ အာဗြဟံ၌ ကျေးဇူးပြုတော်မူပါ' ဟု ထာဝရဘုရားထံ ဆုတောငိးလေ၏။ ထိုမြို့သူအမျိုးသမီးတို့သည် ရေခပ်ခြင်းငှာလာကြသည်။ တဖန် သူသည် 'အကျွန်ုပ်သောက်ခြင်းငှာ သင်၏ ရေဘူးကို ချတော်မူပါဟုဆိုသော်၊ သောက်ပါ၊ သင်၏ ကုလားအုပ်တို့ကိုလည်း ရေတိုက်ပါမည်' ဟုပြန်ဆိုသောအမျိုးသမီးငယ်သည် ဣဇာက်အဖို့ ခန့်ထားတော်မူသောသူဖြစ်ပါစေသော' ဟု ထာဝရဘုရားကို လျှောက်လေ၏။

✅ဧလျာဇာသည် ရေခပ်ဆင်းလာသည့် အမျိုးသမီးများထဲမှ ယဥ်ကျေးပျူငှာသော အမျိုးသမီးငယ်တစ်ဦးကို သတိပြုမိသည်။ ထိုအမျိုးသမီးငယ်မှာ ရေဗက္ကဖြစ်သည်။ သူမသည် နာခေါ်၏မယား မိလခါဘွားမြင်သော ဗေသွေလ၏ သမီးဖြစ်သည်။ သူမသည် အလွန်အဆင်းလှသည်။

✅ ဧလျာဇာသည် ရေဗက္ကအား 'ရေအနည်းငယ်ကို သောက်ပါရစေ' ဟု ဆိုလေ၏။ ရေဗက္ကသည် ဧလျာဇာအား ရေကို ပေး၏။ ကုလားအုပ်တို့အဖို့ ရေကို ခပ်၍ သောက်စေ၏။ ရေဗက္ကသည် ဣဇာက်၏ မယားအဖြစ် ရွေးချယ်ခံထားရသူဟု ဧလျာဇာ သိရှိလေသည်။ သူသည် ရေဗက္ကအား ရွှေနှာဆွဲနှင့်ရွှေလက်ကောက်တရံကို ပေးလေ၏။

✅ ရေဗက္ကာသည် အာဗြဟံ၏တူ ဗေသွေလ၏ သမီးဖြစ်ကြောင်းကို သိလိုက်ရသဖြင့် ဧလျာဇာသည် "ဦးညွှတ်ချ၍ ထာဝရဘုရားကို ကိုးကွယ်လေ၏"။ ရေဗက္က၏ အစ်ကို လာဗန်သည် လာ၍ ဧလျာဇာကို မိမိအိမ်သို့ ခေါ်ဖိတ်လေသည်။

✅ ထို့နောက် ဧလျာဇာသည် ရေဗက္က၏ ဖခင်နှင့်အစ်ကိုများအား 'ရေဗက္ကသည် မိမိသခင်အာဗြဟံ၏သား ဣဇာက်၏ မယားဖြစ်ရမည်အကြောင်း ထာဝရဘုရားဖော်ပြတော်မူသော သက်သေများကို ပြောပြလေ၏။ ရေဗက္ကာ၏ ဖခင်ဗေသွေလနှင့် အစ်ကိုလာဗန်တို့သည် ထာဝရဘုရား စီရင်တော်မူသော ဤအမှုကို ဝန်ခံကြ၏။ ဣဇာက်အဖို့ ရေဗက္ကာကို အပ်နှံလေသည်။

✅ ရေဗက္ကသည်လည်း ဝန်ခံ၍ ဣဇာက်၏ မယားအဖြစ်ခံယူရန် ခါနန်ပြည်သို့ လိုက်သွားလေ၏။ ဣဇာက်သည် အသက်လေးဆယ်အရွယ်တွင် ရေဗက္ကနှင့်စုံဘက်လေသည်။

❤❤❤
ကိုးကား - ရှေးဘိုးဘေးများနှင့်ပုရောဖက်များ - အယ်လင်ဂျီဝှိုက်
ပုံ - Google မှ ကူးယူဖော်ပြသည် -

31/08/2025

အလိုအပ်ဆုံး - Lar Dint Thar Yi

သခင့်အေးရိပ်

09/02/2026

03/10/2025

25/09/2025

23/09/2025

22/09/2025

11/09/2025

09/09/2025

01/09/2025

31/08/2025

Address

Website

Alerts

Shortcuts

Share

Category

Listing takedown request