What are the opening hours?

Tuesday 07:00 - 20:00 Thursday 07:00 - 20:00 Sunday 07:00 - 20:00

https://www.youtube.com/channel/UCc9ThlFqakw2mOTOuB2D6jg

Boom Boom, Hlaing, Yangon (2026)

26/05/2026

မေတ္တာအကြောင်းလူတိုင်းကိုပြောဖို့လွယ်ပေမဲ့လည်း
လူတိုင်းကို မေတ္တာပြဖို့တော့ ခရစ်တော်အားဖြင့်မှမဟုတ်
ရင်မဖြစ်နိုင်တဲ့အရာပါ။

သည်းခံခြင်းအကြောင်းလူတိုင်းကိုပြောဖို့လွယ်ပေမဲ့လဲ
လူတိုင်းကိုသည်းခံနိုင်ဖို့ကတော့ ခရစ်တော်အားဖြင့်မှ
မဟုတ်ရင်မဖြစ်နိုင်တဲ့အရာပါ။

စေတနာစိတ်အကြောင်းလူတိုင်းကိုပြောဖို့လွယ်ပေမဲ့လဲ
လူတိုင်းကိုစေတနာထားနိုင်ဖို့တော့ ခရစ်တော်အားဖြင့်မှ
မဟုတ်ရင်မဖြစ်နိုင်တဲ့အရာပါ။

ကိုယ့်ရဲ့အနေအထိုင်အပြောဆိုအားဖြင့်သူတပါးတွေထိမိ
လဲစရာမဖြစ်အောင်သတိထားလို့ရနိုင်ပေမယ့် သူပါးရဲ့ဝေ
ဖန်ကဲ့ရဲ့အပြစ်ရှာခြင်းမကြုံရအောင်တော့နေလို့မဖြစ်နိုင်
ပါဘူး။

သူတပါးကိုကိုယ့်အားဖြင့်မထိခိုက်အောင်အောင်သတိပြု
နေထိုင်ရတာမခက်ပေမယ့်ကိုယ့်အားဖြင့်သူတပါးကောင်း
ကြီးဖြစ်စေတာမျိး၊ကောင်းကြီးဖြစ်တာမျိုးကိုတော့မိမိကိုယ်
ကိုငြင်းပယ်ခြင်းမှမပါရင်၊ခရစ်တော်အားဖြင့်မှမဟုတ်ရင်
မဖြစ်နိုင်တဲ့အရာပါ..
(26.5.2026)

25/05/2026

ကျမ်းစာပါယုံကြည်ခြင်းနဲ့မျက်ကန်းယုံကြည်ခြင်း

ယုံကြည်ခြင်းဆိုတာယုံကြည်နိုင်ဖို့အတွက်နိမိတ်လက္ခ
ဏာ၊ထင်ရှားခြင်းလက္ခဏာ၊အံဖွယ်အမှုတွေလိုအပ်
တယ်။
ယုံကြည်ခြင်းသညေကြားနာခြင်းအားဖြင့်‌ကြားနာခြင်း
သည်ဘုရားစကားအားဖြင့(ရော ၁ဝး၁ရ)

ယုံကြည်ခြင်းဆိုတာခံစားချက်တစ်ခုသာဖြစ်တယ်။
ယုံကြည်ခြင်းသည်ခံစားချက်အားဖြင့်မဟုတ်အမြင်အား
ဖြင့်လည်းမဟုတ်၊တိကျတဲ့ယုံကြည်မျှော်လင့်ခြင်းနဲ့အ
သက်ရှင်ခြင်းမျိုး။(၂ကော ၅း၁ရ)

ဖြောင့်မတ်သောသူမှန်ရင်ကျန်းမာမယ်၊ချမ်းသာခြင်းတွေ
နဲ့အမှန်ပြည့်စုံမယ်။
ဖြောင့်မတ်သောသူသည်ယုံကြည်ခြင်းအားဖြင့်အသက်
ရှင်လိမ့်မည်။ (ရော ၁း၁ရ)

ယုံကြည်ခြင်းဆိုတာအမြဲတမ်းသက်တောင့်သက်သာရှိ
စေပြီးပေါ့ပါးခြင်းနဲ့ဓိပ္ပါယ်ရှိတဲ့အရာတွေအပေါ်မှာပဲ
တည်ဆောက်ထားတာပါ။
ယုံကြည်ခြင်းဆိုတာလူတွေရဲ့ပညာအပေါ်မှာမတည်ပဲ
ဘုရားသခင်ရဲ့တန်ခိုးတော်၌ပဲတည်တယ်။
(၁ကော ၂း၁-၅)

ယုံကြည်ခြင်းဆိုတာထက်မြတ်တဲ့အပြောအဆို၊နှစ်သက်
ဖွယ်ကောင်းတဲ့အပြင်ပန်းအသွင်အပြင်၊ထူးခြားတဲ့ကိုယ်
ရည်ကိုယ်သွေးရှိခြင်းတွေအပေါ်မှာပဲအခြေခံတဲ့အတွက်
အဲ့ဒီအချက်တွေရှိနေရင်ယုံကြည်ခြင်းရှိသူပဲ။
ဘုရားသခင်ရဲ့ပညာကလောကီသားတို့အတွက်မိုက်မဲ
ခြင်းဖြစ်ပြီးယုံကြည်ခြင်းဆိုတာကလည်းအဲ့ဒီလိုလော
ကီသားတွေစံထားတဲ့၊အထွဋ်အမြတ်ထားတဲ့အရာတွေနဲ့
ရောနှောခြင်းမရှိဘူး။
(၁ကော ၂း၁ဝ-၁၆၊ ၂ကော ၆း၁၄-၁၈)
(25.5.2026)

24/05/2026

#မှားယွင်းတဲ့တိုင်းထွာမှုစံနူန်းတွေထဲကနေရုန်းထွက်ဖို့လို
တယ်၊မှားနေလွဲနေရင်ပြင်ချင်တဲ့ဆန္ဓရှိလို့ကပိုလို့တောင်
အရေးပါတယ်။မှားတယ်ဆိုတာကအုပ်စုဖွဲ့ပြီးမှားရင်ပြင်
ရအခက်ခဲဆုံးဖြစ်သလိုအစဉ်အဆက်ယုံကြည်ကျင့်သုံး
မှုလဲဖြစ်သွားတတ်လို့သတိပြုစရာပါပဲ..
(24.5.2026)

23/05/2026

ဘယ်လိုလူတွေလဲ? ဘာမို့လို့လဲ? လို့တွေးမိဖူးလား?

ဣသရေလူတို့ရဲ့သတင်းတော်ကိုကြားပြီးကြောက်တဲ့အ
တွက်မိတ်သဟာရဖွဲ့ဖို့လာတဲ့ဂိဗောင်မြို့သားတွေကိုမင်း
တို့ကဘယ်လိုလူတွေလည်းလို့ယောရှုကမေးခဲ့ဖူးတယ်။
(ယောရှု ၉း၁-၁ရ)

ဣသရေလူတွေကိုအဲဂုတ္တုပြည်ကထုတ်ဆောင်ဖို့ အ
တွက်ဘုရားကရွေးကောက်စေခိုင်းတဲ့အခါဒီလောက်ကြီး
လွန်းတဲ့အမှုကိုထမ်းဆောင်ရအောင်ကျွန်တော်က ဘာမို့
လို့လဲလို့ မောရှေဖြေခဲ့ဖူးတယ်။ (ထွက် ၃း၁-၁ရ)

မေဖိဗောရှက်ကဒါဝိဒ်ကယောနသန်ကျေးဇူးကိုတုန့်ပြန်ဖို့
သူ့ကိုခေါ်လာတဲ့အခါ သိမ်ငယ်စွာနဲ့ကိုယ်တော်ကကြည့်ရှု
ပြုစုရလောက်အောင်ကျွန်တော်ကဘာမို့လို့လဲနေးခဲ့ဖူး
တယ်။ (၂ရာ ၉း၁-၁၁)

ဒါဝိဒ်ကလည်းလူသည်အဘယ်သို့သောသူဖြစ်၍ပမာဏ
ပြုတော်မူရသနည်းဆိုပြီးဘုရားသခင်ဘာ့ကြောင့်ကျွန်
တော်အပေါ်မှာကောင်းမြတ်လွန်းရတာလဲဆိုတဲ့သဘောနဲ့
မေးခဲ့ဖူးတယ်။ (ဆာ ၁၄၄း၃)

ဒါကြောင့်လည်းဒါဝိဒ်ဟာသူခံစားရတဲ့အရာတွေ၊လုပ်နိုင်
တာတွေ၊လုပ်ခဲ့တာတွေ၊နိုင်ခဲ့တဲ့တိုက်ပွဲတွေ၊ အစိုးရတဲ့အ
ခွင့်တွေကိုကြည့်တဲ့အခါ တွေးတဲ့အခါ ဒီအရာတွေကဖြစ်
လာရခြင်းရဲ့အရင်းမြစ်ကိုအမြဲတမ်းကြည့်တတ်မြင်
တတ်ချီးမွမ်းတတ်သောသူဖြစ်ခဲ့တယ်။

တခါတလေမှာဘုရားရဲ့ကောင်းမြတ်ခြင်းကိုခံစားနေရပါ
လျှက်နဲ့ကျေးဇူးနဲ့ဂရုဏာကိုခံစားနေပါလျှက်နဲ့၊ဘုရားအ
တူရှိခြင်းသက်သေ၊မှစခြင်းသက်သေတွေကိုခံစားနေပါ
လျှက်နဲ့ မိမိကိုယ်ကိုဗဟိုပြုပြီးအရာရာကိုဆင်ခြင်စဉ်းစာ
မိခြင်းရဲ့ဆိုးကျိုးဟာစိတ်ဓတ်ကျခြင်း၊အားငယ်စိတ်တွေ
နဲ့အတူအသက်ရှင်ခြင်းတွေကိုပင်ပန်းနွမ်းနယ်စေတတ်
တယ်။

ဘုရားရဲ့ကျေးဇူးတော်တွေကိုမြင်တတ်သောသူ၊ကျေးဇူး
နဲ့ဂရုဏာကိုအမြဲခံစားပြီးရေတွက်တတ်သောသူဟာဒါဝိဒ်
လိုပဲ

ဘုရားသခင်ရယ်ဘာ့ကြောင့်ကျွန်တော်အပေါ်မှာအဲ့ဒီ
လောက်တောင်ကောင်းမြတ်ရတာလဲ?

ကိုယ်တော်အဲ့ဒီလောက်အထိကောင်းမြတ်ရလောက်
အောင်ကျွန်တော်ကဘာမို့လို့လည်း

ဆိုတဲ့နာမတော်ကိုချီးမွမ်းစရာအကြောင်းတွေကိုနူတ်ခမ်း
ကနေသီးပွင့်လာစေပါလိမ့်မယ်။

နေ့တိုင်းကျေနပ်တယ်ဆိုတဲ့စိတ်ချမှုဟာကျေးဇူးတော်ကို
ရေတွက်ပြီးကျေးဇူးနဲ့ဂရုဏာကိုမြင်တွေ့နားလည်ခံစား
ရေတွက်ခြင်းကပဲလာပါတယ်။ကျေးဇူးတော်ကိုမှန်ကန်
စွာနားလည်၊ရေတွက်၊ချီးမွမ်းတတ်ပြီး အရာရာမှာကျေး
ဇူးတော်၌ကျေနပ်ခြင်းပကတိခံစားရသောသူပဲဖြစ်ပါ
စေ။
(23.5.2026)

22/05/2026

ဘုရားသခင်သည်ငါတို့ဘက်၌ရှိတော်မူလျှင် အဘယ်သူ
သည်ငါတို့တဘက်၌နေနိုင်မည်နည်းဆိုတဲ့စကားဟာ တ
ဖက်ကနေကြည့်ရင်အကြီးမားဆုံးသောအာမခံချက်ပါပဲ။

တပါးတည်းသောသားတော်တော်ရင်းကိုတောင်မနှမြော
ပဲစွန့်သောသူ့ကသားတော်နဲ့တကွခပ်သိမ်းသောအရာတို့
ကိုငါတို့အားမပေးပဲမနေတဲ့ဆိုတဲ့ဘုရားရဲ့ကတိစကားနဲ့
အံ့ဖွယ်အလင်းတော်ထဲခေါ်သွင်းခံရခြင်းခံရတဲ့သူတစ်ဦး
ချင်းစီမှာဘုရားရဲ့နက်နဲတဲ့အကြံအစည်တော်ရှိနင့်ထား
ပြီးသားဖြစ်သလိုအဲ့ဒီအကြံအစည်တော်အတိုင်းလည်း
ဘုရားကအခြေအနေတွေတိုင်းရဲ့တဖက်မှာပုံဖော်ပေးနေ
တယ်ဆိုတာစိတ်ချဖို့ပါပဲ။

ဒါကြောင့်လည်း ဘုရားကချစ်လို့ရွေးနူတ်ခြင်းကျေးဇူးကို
ခံရသောသူဟာ အဲ့ဒီချစ်တော်မူသောသူရဲ့ ကျေးဇူးတော်
ကြောင့်ပဲ အခြေအနေအရပ်ရပ်ကိုကြုံဆုံရပေမယ့်လည်း
အောင်မြင်ခြင်းအခွင့်ကိုရတယ်လို့ဆိုတာပါ။ဘုရားရဲ့
ချစ်ခြင်းမေတ္တာကိုနားလည်းစိတ်ချထားခြင်းဟာ ကျွန်
တော်တို့ရဲ့အနာဂတ်ခြေလှမ်းတိုင်းအတွက်အတွင်းခွန်
အားကိုဖြစ်စေပါတယ်။

ငါ့ရဲ့ အခြေအနေကဘယ်လောက်ပဲရုန်းကန်နေရပါစေငါ့
ကိုချစ်လို့ခေါ်ထားသသူ၊ငါ့ကိုချစ်လို့အမြဲကျေးဇူးပြု၊
ကွယ်ကာပို့ဆောင်ပေးနေတဲ့ ဘုရားရဲ့ကျေးဇူးတော်အား
ဖြင့်ငါဟာအမှုအရာခပ်သိမ်းကိုကြုံရပေမယ့်လည်းအ
ခြေအနေအရပ်ရပ်ကိုအောင်နိုင်သောသူအဖြစ်အဆုံး
သတ်ပေးမယ်ဆိုတာသေချာတယ်ဆိုတဲ့ဘုရားချစ်ခြင်း
မေတ္တာအပေါ်ယုံကြည်စိတ်ချခြင်းနဲ့နေ့ရက်တိုင်းကို
အောင်ဖြတ်သန်းကြပါစို့... အာမင်
(22.5.2026)

21/05/2026

#ဘယ်ကာလရောက်ရောက်ပါဒါဟာဆင်ခြင်စရာအဖြစ်
ရှိနေတုန်းပါပဲ..

1.ဘုရားစကားကိုနားမထောင်၊ မယုံကြည်ငြင်းပယ်သော
သူ၊မလိုအပ်ဟုခံယူသူ(နောဧခေတ်ကဲ့သို့)မ ၂၄း၃ရ-၃၉

2.ဘုရားသက်သေ၊လက်တော်၊မှစခြင်း၊တန်ခိုးတော်များ
ခံစားယုံမျှမကနှုတ်ကပတ်တော်ကိုရထားသော်လည်း
စကားတော်ကိုနှလုံးမသွင်း၊ လောကီသားကဲ့သို့ နူတ်က
ပတ်တော်နှင့်ဆန့်ကျင်သောအရာများ၌သာပျော်မွေ့
သောသူ (ဣသရေလလူမျိုးများ)

3.နူတ်ကပတ်တော်ဆာငတ်၊အစေခံ၊ပါဝင်တတ်၊မွေ့
လျော်တတ်သော်လည်း သမ္မာတရားကိုပိုင်းခြားခြင်းမရှိ
ပဲသမ္မာတရားနှင့်နီးလျှက်နှင့်ဝေးသွားရသောသူ။

မိမိသွားသောလမ်းကိုဆင်ခြင်သောသူအားလည်းကယ်
တင်တော်မူခြင်းကျေးဇူးကိုငါပြမည်ဟုဘုရားသခင်မိန့်
တော်မူ၏ (ဆာ ၅၀:၂၃)
(21.5.2026)

20/05/2026

ဘုရားဝတ်ပြုဖို့ဘုရားကျောင်းသွားတိုင်းလည်းဘုရားကို
အကြွင်းမဲ့ယုံကြည်၊ကိုးစားကြတာမဟုတ်ဘူးဆိုတာနား
လည်ထားသင့်ပါတယ်။တစ်ချို့ကဘုရားကျောင်းကိုအ
ပျော်သွားကြသလို့၊အချို့ကဆယ်လီတွေလာလို့သွားကြ
တယ်၊အချို့ကြတော့လည်း ဘုရားဖူးသလိုမျိုး ဆရာ
တော်ကိုဖူးမျှော်ဖို့သွားကြတာမို့ပါ။
တရားဒေသနာတွေကိုမပျက်မကွက်နားထောင်နာယူနေ့
တိုင်းလည်းတကယ်ဆင်ခြင်ခံယူနှလုံးသွင်းကြတာမ
ဟုတ်ကြပြန်ဘူး။တစ်ချို့ကနားသာထောင်နေတာတ
ကယ်နှလုံးထဲမရောက်ဘူး၊တကယ်တော့တရားနာတယ်
ဆိုတာလက်တွေ့ဆင်ခြင်တည်ဆောက်ဖို့ပါ၊တစ်ချို့က
နားထောင်ခြင်းပါရမီကြီးကြပေမယ့်လည်းဘာတွေနား
ထောင်ခဲ့သလဲလို့ပြန်မေးရင်ဘာမှမမှတ်မိတော့တာများ
ကြတယ်၊ဒါကြောင့် နားကကြားတယ်ဆိုရုံလောက်နဲ့တ
ရားနာခြင်းကအသက်တာကိုဘာအကျိုးမှထူးမလာစေပါ
ဘူး။
သမ္မာကျမ်းစာကိုနေ့တိုင်းမပျက်မကွက်ဖတ်ရှုတာ
ကောင်းပါတယ်။ဒါပေမယ့်ကျမ်းစာဘယ်လောက်ဖတ်
ဖတ်၊အကြောင်းအရာဘယ်လောက်သိသိ၊Attitude နဲ့
behavior ကတနေ့တခြားပိုပိုဆိုးလာတယ်၊လောကီသား
တွေလိုဖြစ်လာတယ်ဆိုရင်လည်းမှားယွင်းတဲ့စိတ်သ
ဘောနဲ့ချွတ်းယွင်းနေတဲ့ဆင်ခြင်မှုတွေဖြစ်နေတဲ့အတွက်
ဖတ်သ မျှဟာအားမဖြစ်စေတဲ့အတွက်အချည်းအနှီးပါ
ပဲ။
ဒါကြောင့်ချို့သောသူတွေကကျမ်းစာကိုနေ့တိုင်းဖတ်
တယ်၊မှတ်တယ်၊လေ့လာတံ့အတွက်အချက်အလက်တွေ
ကိုပိုင်ပိုင်နိုင်နိုင်ပြောနိုင်ဆိုနိုင်ပေမယ့်လည်းအတွင်းလူ
ကြီးထွားခြင်းဆိုတဲ့အပိုင်းမှာတော့သနားစရာကောင်း
လောက်အောင်လောကီသားတွေထက်ဆိုးတဲ့Attitude နဲ့
behavior မျိုးတွေရှိနေတာတွေဖြစ်နေကြတာတွေကမိမိ
ကိုယ်တိုင်မှအစဆင်ခြင်သတိပြုစရာပါ။ခံယူထားသမျှ
နူတ်ကပတ်တော်တွေဟာအတွင်းလူကိုပြုပြင်တည်
ဆောက်ခြင်းမရှိနေဘူးဆိုတာကိုသတိမူမိဖို့ပါပဲ။
မှန်ကန်တဲ့ခံယူမှုကမှန်ကန်တဲ့အသက်တာကိုဖြစ်စေတာ
မှန်ပေမယ့်လည်းမမှန်မကန်တဲ့စိတ်သဘောတွေကအ
လင်းမဖြစ်စေတာမျိုးကတော့ဝန်းကျင်ကနေဖယ်ရှားလို့
မရနိုင်ပေမယ့် ကိုယ့်အသက်တာထဲကနေတော့ဖယ်ရှား
လို့ရပါတယ်။
အတွင်းလူကိုနူတ်ကပတ်တော်အားဖြင့်ပြုပြင်တည်
ဆောက်ခြင်းအရာမှာမှန်ကန်သောသူတွေပဲဖြစ်ပါစေ။
(20.5.2026)

09/05/2026

ယောဘနဲ့ယောသပ်၊ယေရမိတို့ကြုံရသလိုအဖြစ်
မျိုးဘုရားသခင်နဲ့အတူအသက်ရှင်သွားလာနေပါ
လျှက်နဲ့ဘုရားသခင်ရဲ့အကြံအစည်တော်နဲ့လက်
တွေ့ဘဝအပေါ်မေးခွန်းထုတ်စရာအဖြစ်တွေ ယုံ
ကြည်သူတွေမှာတနေ့မဟုတ်ရင်တစ်နေ့တွေ့ကြုံခံ
စားရနိုင်ပါတယ်။
တကယ်ဆင်ခြင်စရာကအဖြစ်အပျက်တွေကြုံရတဲ့
အခါတိုင်းမှာကိုယ်သွားရပ်တည်တဲ့နေရာကစိတ်
ပျက်စရာအကြောင်းအရာအပေါမှာမဟုတ်ပဲနူတ်က
ပတ်တော်ဆိုတဲ့ဂတိတော်အပေါ်မှာပဲဖြစ်ရပါမယ်။
အဲ့ဒီလို‌အချိန်မှကိုယ့်ရဲ့မြင်တဲ့အမြင်ကနူတ်ကပတ်
တော်အပေါ်မှာရပ်တည်ပြီးမြင်တဲ့အမြင်ဖြစ်ရမယ်
မဟုတ်ရင်ခါနန်ပြည်ကိုသွားစုံစမ်းတဲ့လူဆယ်ဦးလို
ကတိတော်အတိုင်းမျက်ဝါးထင်ထင်မြင်နေရတာ
တောင်ဝမ်းမမြောက်နိုင်ပဒစိတ်ပျက်ပြီးငိုးကြွေးမိ
တတ်တယ်။(ကိုယ့်ဘဝကိုကိုယ်အားမလိုအားမရ
နဲ့အားငယ်မိခြင်းရဲ့အဓိကပြဿနာဟာဒီအချက်နဲ့
အများဆုံးဖ့စ်နေမိတတ်တယ်)
ဒီလိုအချိန်မျိုးမှာဖြစ်လာမိတဲ့ဘဝအမေးပုစ္ဆာတွေ
ကိုလည်းနှုတ်ကပတ်တော်နဲ့အညီ၊နူတ်ကပတ်တော်
၌အဖြေရှာရှာတာမျိုးမဟုတ်ပဲအခြားနည်းလမ်းအ
ခြားနေရာမှာအဖြေရှာမိရင်ဘဝတကယ်အဖြေမှန်
နဲ့ဝေးရတတ်တယ်။
ဒီလိုအချိန်မျိုးမှာကြုံတွေ့ရသမျှကိုဘုရားစကား
နာခံပြီးရင်ဆိုင်ဖြေရှင်းဖို့လိုတယ်ဆိုလိုတာကတစ်
ခုခုဆိုရင်ကိုယ့်ဉာဏ်ရှေ့ရောက်ပြီးဘုရားအလို
တော်ကနောက်ရောက်နေတာမျိုးပေါ့ဒါမျိုးတွေက
အဖိုးအခကြီးကြီးပေးရတတ်တယ်။
ဒါဝိဒ်ဟာပြဿနာအခက်အခဲရင်ဆိုင်ကြုံရချိန်ဘု
ရားကိုပဲကိုးစားလျှက်နေခဲ့တယ်။(၁ရာ ၃၀:၆)
ယောရှဖတ်ဟာဘေးကြပ်နံကြပ်ကြုံရာကာလမှာ
ဘုရားကိုရှာခဲ့တယ်။(၆ရာ ၂၀:၃)
ဟေဇကိမင်းကြီးကအန္တရာယ်အမျိုးမျိုးဝိုင်းနေချိန်
မှာဘုရားရှေ့တော်တိုးဝင်ပြီးဆုတောင်း(ဖြန့်ထား)
ခြင်းအခြေအနေတိုင်းအတွက်အဖြေကိုရှာခဲ့တယ်။
(၄ရာ ၁၉:၁၄)
ဘာပဲဖြစ်ဖြစ် ဘာပဲကြုံကြုံ ကျွန်တော်တို့ဖမ်းဆုပ်
ဖို့ကြိုးစားမိတဲ့အရာကနူတ်ကပတ်တော်ပဲဖြစ်ပါ
စေ။
(9.5.2026)

08/05/2026

ဣသရေလသမိုင်းကိုကြည့်ရင် မြင်ရတဲ့အရာနဲ့မမြင်ရတဲ့
အရာ၊ကြောက်သင့်တဲ့အရာနဲ့ မကြောက်သင့်တဲ့အရာ
နေရာမှားခဲ့ကြတာကိုတွေ့ရတယ်။

- နွားရုပ်ပူဇော်ဖို့ ဘုရားကိုပုန်ကန်ရဲ့ခဲ့သလောက်ရေငတ်
မှာကိုတော့ကြောက်ခဲ့ကြတယ်။
- ဒုက္ခကြုံတိုင်းပြောချင်ရာပြောဖို့သတ္တိရှိခဲ့ကြပေမဲ့လည်း
ခါနန်လူမျိုးတွေကိုတော့အသေကြောက်တယ်။
- မမြင်ရတဲ့ဘုရားထက်မြင်ရတဲ့အတားအဆီးတွေကို
ကြောက်လွန်းခဲ့ကြတယ်။
- ဒါတွေကြောင့်ပဲ မနက်ဖြန်အ တွက်မစိုးရိမ်နဲ့လို့ဘုရား
ကပြောရင်လူတွေကစိုးရိမ်ကြတယ်။
- မြေကြီးဘဏ္ဌာမဆည်းပူးနဲ့ဆိုရင်ဆည်းပူးတယ်။
- ဘုရားနဲ့အတူသွားလာနေတာတောင်အကြောက်တရား
တွေကနေရာမမှန်နိုင်ခဲ့ကြဘူး။(၂တိ ၁း၇ ကြောက်စိတ်
ကိုမပေးဘူး)

၁ရာ ၁၇ - - - ဣသရေလူတွေဟာဖိလိတ္တိလူနဲ့ဂေါလျက်
ကိုတော့အသေကြောက်ကြပြီး ဘုရားကိုတော့တစက်က
လေးမှမကြောက်ရွံ့အပြန်ပြန်ပြစ်မှားကြတယ်။

- မြင်ရတဲ့လက်နက်နဲ့ဂေါလျက်ရဲ့ထည်ဝါမှုကိုကြောက်
သလောက်ဘုရားရဲ့ထယ်ဝါခန်းနားခြင်း တန်ခိုးကြီး
ခြင်းတွေကိုတစက်ကလေးမှ မကြောက်တတ်ကြပြန်
ဘူး။

- မြင်ရတဲ့အပြင်ပန်းတန်ဆာနဲ့လူရဲ့ခွန်အားကြီးခြင်းကို
ကြောက်သလောက်မမြင်ရတဲ့ဘုရားရဲ့တန်ခိုးကိုတော့
တစက်ကလေးမှာမကြောက်ကြဘူး။

- လူ့အမြင်နဲ့ရွေးချယ်ခဲ့တဲ့ဘုရင်ကလူ့အမြင်နဲ့ပဲမြင်တာမ
ဆန်းဘူးပေါ့။

- ဘုရားကိုယုံကြည်၊ ဘုရားကိုကြောက်ရွံ့ ၊ဘုရားကိုအား
ကိုးတဲ့ဒါဝိဒ်ရဲ့မဖြစ်စလောက်လက်နက် ၊ စာရင်းမဝင်
တဲ့လောက်လေး လေးဟာတတိုင်းပြည်လုံးကြောက်ရွံ့
နေရတဲ့ဂေါလျတ်ကြီးကိုပြိုလဲသွားစေနိုင်တယ်။

- ကျွမ်းကျင်မှု၊ထယ်ဝါမှုတွေနဲ့လာတဲ့ အရပ် ၉ကျော် ၁၃
ပေ ၄လက်မရှိတဲ့လက်နက်နဲ့ဘယ်လိုပဲလာလာမမြင်ရ
တဲ့ဘုရားနာမနဲ့လာတဲ့လောက်လေးတလက်ကအောင်
မြင်မှုကို မော်ကွန်းတင်နိုင်တယ်။

- ဒီနေ့ ဘုရားနဲ့အတူသွားလာနေတဲ့သင် မမြင်ရတဲ့ဘုရား
ထက် မြင်ရတဲ့ သင့်ဘဝအခြေအနေ၊စိန်ခေါ်မှုတွေကို ပို
ကြောက်နေတာမျိုး နေရာမှားတာမျိုးဖြစ်လာတတ်ပါ
တယ်။

- ဒါပေမဲ့ မှန်ကန်တဲ့ကြောက်ရွံ့ခြင်းဖြစ်လာတဲ့အခါဒါဝိဒ်
လိုလောက်လေးတလက်နဲ့ စိန်ခေါ်မှုတွေပြည့်တဲ့လောက
အလယ်မှာ မော်ကွန်းတင်နိုင်ပါလိမ့်မယ်။

- ကြောက်ရွံခြင်းနေရာမှန်သွားတဲ့အခါ ဘုရားထူပေးမဲ့
သက်သေကသာ၍ကြီးပါတယ်။ အာမင်......
(8.5.2026)

07/05/2026

ယုံကြည်သူတယောက်အတွက် နေ့စဉ်အသက်တာမှာအ
များဆုံးတွေ့ကြုံရလေ့ရှိတာတွေကအမြင်မတူလို့အဆင်
မပြေဖြစ်ရတာတွေသဘောထားကွဲလို့ဆက်ဆံရေအဆင်
မပြေတာတွေ၊မှန်နေပါလျှက်နဲ့ ပြဿနာဖြစ်ရတာမျိုတွေ
တဖက်သတ်အခြောက်တိုက်အပြောခံရတာမျိုးတွေကိုမ
လွဲမရှောင်သာကြုံရတာမျိုးတွေပါ။

ဒီလိုအခြေအနေမျိုးမှာဘုရားကသင်ဘယ်လိုနှလုံးသားနဲ့
ဘယ်လိုတုန့်ပြန်သလဲဆိုတာကိုသင်ကြုံရတဲ့အခြေအနေ
ထက်ပိုပြီးစိတ်ဝင်စားပါတယ်။သမ္မာကျမ်းစာအရ ယုံ
ကြည်သူတယောက်အပေါ်ဘုရားဖြစ်စေချင်တဲ့ရည်ရွယ်
ချက်ရှိပါတယ်။

၁ပေ ၂:၉
သင်တို့မူကား၊မှောင်မိုက်ထဲမှအံ့ဘွယ်သောအလင်းတော်
သို့ခေါ်သွင်းတော်မူသောသူ၏ ဂုဏ်ကျေးဇူးများကို
ဘော်ပြစေခြင်းငှါ၊ရွေးချယ်တော်မူသောအမျိုးဖြစ်ကြ၏
မင်းစည်းစိမ်ရှိသောယဇ်ပုရောဟိတ်မျိုးသန့်ရှင်းသောလူ
မျိုး၊ပိုင်ထိုက်တော်မူသောအပေါင်းအသင်းဖြစ်ကြ၏။

မ ၅း၁၆
ထိုနည်းတူသူတပါးတို့သည်သင်တို့၏ကောင်းသောအ
ကျင့်ကိုမြင်၍ကောင်းကင်ဘုံ၌ရှိတော်မူသောသင်တို့အ
ဘ၏ဂုဏ်တော်ကိုချီးမွမ်းစေခြင်းငှါ၊သူတပါးရှေ့၌သင်
တို့အလင်းကိုလင်းစေကြလော့။

ဆိုလိုတာက ကျွန်တော်တို့အများစုကတော့အခြေအနေ
ကိုပိုပြီးအာရုံစိုက်ပေမယ့်ဘုရားကတော့ဒီလိုအခြေအနေ
မျိုးမှာသင်ဘယ်လိုတုံ့ပြန်လာမလဲ?ဆိုတာကိုပိုပြီးစိတ်
ဝင်စားတဲ့အတွက် ဘာပဲကြုံကြုံ၊ဘာပဲဖြစ်ဖြစ်အခြေအ
နေအရမဟန်တာမှန်ပေမဲ့ သဘောသဘာဝအရတော့ဘု
ရားဘုန်းထင်းရှားဖို့ပါပဲ။

ဒါကြောင့် မိမိရဲ့သူတပါးအပေါ်တုန့်ပြန်မှုတွေဟာသူတ
ပါးဆိုးသလို ဒေါသနဲ့တုန့်ပြန်လိုက်မယ်ဆိုရင် ဘုရားရဲ့
အလိုတော် ၊ဝိညာဉ်သဘောအရ မိမိဟာ ရှုံးသောသူဖြစ်
သွားတယ်ဆိုတာပါပဲ

ဒါဝိဒ်ဟာ ရှိမိဆဲပေမဲ့ သူဆဲ့တဲ့အတိုင်းဒါဝိဒ်မတုန့်ပြန်ခဲ့
ဘူး။သူ့အပေါ်ဘယ်လိုပဲုမကောင်းနေပါစေ သူတုန့်ပြန်
မှုမှန်ခဲ့တယ်။ (၂ရာ ၁၆း၅-၁၄)

မောရှေ့ဟာ မိရိအံနဲ့အာရုန်ရဲ့အပြစ်တင်ဝေဖန်ခံခဲ့ရပေမဲ့
သူ့တုန်ပြန်မှုဟာဒေါသမပါပဲ မေတ္တာနဲ့တုန့်ပြန်မှုမှန်ခဲ့
တယ်။ (တော ၁၂း၁-၁၆)

သူတပါးမကောင်းပေမဲ့၊.မိမိရဲ့မေတ္တာနဲ့တုန့်ပြန်အနိုင်ယူ
လိုက်ပါ။သူတပါးကဲ့ရဲ့ပေမဲ့ မိမိရဲ့ခွင့်လွတ်မေတ္တာနဲ့တုန့်
ပြန်အနိုင်ယူလိုက်ပါ။မလွယ်ကူတာမှန်ပေမယ့်လည်းဘု
ရားသားသမီးတွေအနေနဲ့အဆိုးအားဖြင့်ကိုယ့်အသက်
တာကိုအရှုံးမခံပဲအကောင်းအားဖြင့် အနှိုင်ယူကြပါစို့။
(7.5.2026

06/05/2026

သည်းခံတယ်ဆိုတာလွယ်တဲ့အလုပ်တော့မဟုတ်ပါ
ဘူး။အတော်လေးကိုအောက်သက်သက်နိုင်တဲ့အ
ခြေအနေတွေကိုဖြတ်သန်းရတာကအဆိုးဆုံးလို့
ထင်ရတာပဲ။

ဒါပေမဲ့ယုံကြည်သူတွေအဖို့ဘုရားနဲ့အတူအသက်
ရှင်ခြင်း၊ယုံကြည်ခြင်းနဲ့အသက်ရှင်တဲ့နေရက်ကာ
လတွေမှာတော့လူတွေရဲ့အမျိုးမျိုးသောဆက်ဆံ
ရေးတွေကိုတစ်ကြောင်းမထောက်တစ်ကြောင်း
ထောက်ပြီးသည်းခံပေါင်းသင်းနေရတဲ့သည်းခံခြင်း
မျိုးမဟုတ်ပဲ။

ဘုရားကိုယုံကြည်ကိုးစားပြီးအလိုတော်ကိုဝန်ခံအ
သက်ရှင်တဲ့နေ့ရက်တွေမှာကြုံတွေ့ရလေ့ရှိတဲ့ဆင်း
ရဲဒုက္ခကိုသည်းခံပြီးဆောင်ရွက်စရာအငန်းတာတွေ
ကိုမဆုတ်မနစ်စိတ်မပျက်ပဲဆက်ပြီးဆောင်ရွက်နေ
ဖို့ကိုဆိုလိုတာပါ။

ယုံကြည်သူအတွက်ဆင်းရဲဒုက္ခကိုသည်းခံခြင်းဟာ
အကျိုးမဲ့မဖြစ်စေဘူးဆိုတာဆင်ခြင်နှလုံးသွင်းမိဖို့
အရေးကြီးပါတယ်။

ထိုသို့အလိုငှါသင်သည်၊ယေရှုခရစ်ထံ၌ကောင်း
သောစစ်သူရဲကဲ့သို့၊ဆင်းရဲဒုက္ခကိုသည်းခံလော့။
(၂တိ ၂:၃)

သင်မူကား၊အရာရာ၌သမ္မာသတိရှိစေလော့။ဆင်း
ရဲဒုက္ခကိုသည်းခံလော့။သာသနာပြုဆရာဆောင်ရွက်
ရသောအမှုကိုဆောင်ရွက်လော့။ဓမ္မဆရာအရာ၌ခန့်
ထား၍ပြုရသောဝတ်များကို အကုန်အစင်ပြုလော့။
(၂တိ ၄:၅)

ဘုရားသခင်၏အလိုတော်ကိုဆောင်ပြီးမှ၊ဂတိတော်
အတိုင်းအကျိုးကိုရမည်အကြောင်းသည်းခံခြင်း
စိတ်ရှိရမည်။(ဗြဲ ၁၀:၃၆)

သင်တို့သည်အလျှင်းမချို့တဲ့ဘဲ စေ့စပ်စုံလင်မည်
အကြောင်း၊ သည်းခံခြင်းစိတ်သည် အကုန်အစင်ပြု
ပြင်ပါစေ။(ယာ ၁:၄)

သည်းခံနိုင်သောသူတို့သည် မင်္ဂလာရှိသောသူဟူ၍
ငါတို့သည်ခေါ်ကြ၏။ယောဘသည်သည်းခံကြောင်း
ကိုသင်တို့ကြားရကြပြီ။ထာဝရဘုရားသည်မိမိအမှု
ကိုလက်စသတ်တော်မူရာမှာအလွန်သနားစုံမက်
တော်မူကြောင်းကိုလည်းသိမြင်ရကြပြီ။
(ယာ ၅:၁၁)

ကိုယ်အပြစ်ကြောင့်ဒဏ်ခံရသောအခါသည်းခံလျှင်
အဘယ်ချီးမွမ်းစရာရှိသနည်း။ကောင်းမွန်စွာပြု၍
ဆင်းရဲခံရသောအခါသည်းခံလျှင်၊ဘုရားသခင့်ရှေ့
တော်၌ကျေးဇူးရှိ၏။(၁ပေ ၂:၂၀)

သည်းခံခြင်း၌သက်သေထင်ရှားခြင်းရှိပါစေ..
(6.5.2026)

Boom Boom

26/05/2026

25/05/2026

24/05/2026

23/05/2026

22/05/2026

21/05/2026

20/05/2026

09/05/2026

08/05/2026

07/05/2026

06/05/2026

Address

Opening Hours

Telephone

Website

Alerts

Contact The Place Of Worship

Shortcuts

Share

Category

Tuesday	07:00 - 20:00
Thursday	07:00 - 20:00
Sunday	07:00 - 20:00