25/09/2020
ဓမ္မချစ်ခင် ယောဂီသူတော်စင်များအားလုံး
🙏မင်္ဂလာပါ🙏
🙏ယောဂီအပေါင်းတို့အားYABဓမ္မမိတ်ဆွေများမှ ပြုစုရေးသားဝေမျှထားပါသော ဥပုသ်သည်များရှောင်ရမည့် အချက်များကို ဆက်လက်ပြီးဓမ္မဒါနပြုပေးချင်ပါတယ်။🙏
****************************************
ဥပုသ်ရဲ့ အဓိပ္ပါယ်ကို ပထမဆုံးဓမ္မဒါနပြုပေးချင်ပါတယ်ခင်ဗျာ။🙏
ဥပုသ်ဆိုသည်မှာ
ဥပ= အကျင့်ကောင်းဖြင့်ပြည့်စုံ၍
ဝသထ = နေထိုင်ခြင်း
(အကျင့်ကောင်းဖြင့်ပြည့်စုံ၍ နေထိုင်ခြင်း) ဖြစ်ပါတယ်။
ကျယ်(၅)ကျယ်၊ များ(၈)များ၊ ကြမ်း(၉)ကြမ်း ဟု မှတ်သားနိုင်ပါတယ်။🍀
🌿ကျယ်(၅)ကျယ်ကို (ချေ၊သမ်း၊ရယ်၊ခေါ်၊ပြော) ဟုအတိုကောက်မှတ်သားနိုင်ပါတယ်။🌿
(၁) #ချေ
အကျယ်ကြီးနှာမချေရပါ။
(၂) #သမ်း
ပါးစပ်ဟပြီး အကျယ်ကြီး မသမ်းရပါ။
(၃) #ရယ်
အော်ဟစ်၍ အကျယ်ကြီး မရယ်ရပါ။
(၄) #ခေါ်
အကျယ်ကြီး အော်မခေါ်ရပါ။
(၅) #ပြော
စကားကို အကျယ်ကြီး မပြောရပါ။
🌿များ(၈)များကို (အိပ်၊စား၊ကား၊ရယ်) (န၊ပ၊ရော၊လည်) ဟုအတိုကောက် မှတ်သားနိုင်ပါတယ်။🌿
(၁) #အိပ်
အိပ်ချိန် မများရပါ။
(၂) #စား
အစား မများရပါ။(မတည့်တာ/ ပိုလျှံအောင်-လည်း မစားနဲ့)
(၃) #ကား
စကားများများ မပြောရပါ။
(၄) #ရယ်
အရယ် မများရပါ။(အရယ်မသန်ရပါ)
(၅) #န
နဝကမ္မ မများရပါ။(အမှုကိစ္စမများရပါ)
(၆) #ပ
ပစ္စည်း မများရပါ။
(၇) #ရော
လူတွေနဲ့ရောရောနှောနှောအနေမများရပါ။
(၈) #လည်
အလည်အပတ် မများရပါ။
🌿ကြမ်း(၉)ကြမ်းကို (သွား၊ထိုင်၊အိပ်) (ကိုယ်၊နှုတ်၊စိတ်) (ရယ်၊စား၊ဆုံး၊) ဟု အတိုကောက်မှတ်သားနိုင်ပါသည်။🌿
(၁) #သွား
အသွား မကြမ်းရပါ။
(၂) #ထိုင်
အထိုင် မကြမ်းရပါ။
(၃) #အိပ်
အအိပ် မကြမ်းရပါ။
(၄) #ကိုယ်
ကိုယ်အမူအရာ မကြမ်းရပါ။
(၅) #နှုတ်
နှုတ် မကြမ်းရပါ။
(၆) #စိတ်
စိတ် မကြမ်းရပါ။
(၇) #ရယ်
အရယ် မကြမ်းရပါ။
(၈) #စား
အစား မကြမ်းရပါ။
(၉) #ဆုံး
ဆုံးမမှု မကြမ်းရပါ။
ယောဂီအပေါင်းတို့သည် ကာယကံ၊ ဝစီကံတို့ကို ထိန်းသိမ်းစောင့်ရှောက်ခြင်းဖြင့် ကိလေသာများကိုပယ်သတ်ရန်ဥပုသ်သီလ ဆောက်တည်ကြသူများဖြစ်သည့်အတွက် ကျယ်(၅)ကျယ်၊ များ(၈)များ၊ ကြမ်း(၉)ကြမ်း တို့ကိုရှောင်ရှားကြပါ။ ယောဂီတို့လည်းရှောင်ရှားပြီး ကာယကံနှင့်ဝစီကံများကို ထိန်းသိမ်းစောင့်ရှောက်ခြင်းဖြင့် ကိလေသာများကို ပယ်သတ်နိုင်ရန် ကြိုးစားပါ့မယ်ဟု မေတ္တာရှေ့ထား တိုက်တွန်းနှိုးဆော်အပ်ပါသည်ခင်ဗျာ။🙏
Youth of Life Light for Buddhism(YLB)
