http://thitpotekone.Wordpress.com/

သစ်ပုတ်ကုန်းကျောင်းတိုက်, Thit Pote Kone Monastery, Pathein (2026)

02/02/2026

စွမ်းနိုင်သလောက် ကြိုးစားအားထုတ်ခြင်း …
သီရိမင်္ဂလာအောင်စေတီတော် မုဒ်ဦး 🙏

26/01/2026

ဘယ်အချိန် ပျက်စီးမလဲဆိုတာကို
မသိနိုင်တာက ကြောက်မက်ဖွယ်ရာ
အခြေအနေတစ်ခု။

ကိုယ့်ရဲ့စိတ်ကို ကုသိုလ်စိတ်ကလေးတွေ,
ကောင်းတာလေးတွေ, ငြိမ်းတာလေးတွေ,
အေးတာလေးတွေ , အဆင်ပြေတာလေး
တွေချည်းဖြစ်အောင် မလုပ်နိုင်ဘူး။
အချိန်တိုင်း အာမခံချက်ရှိတယ်။
ဒီဟာကို ငါဖြစ်အောင် လုပ်နိုင်မယ်။
ငါ့ဘက်ကတော့ စိတ်ချဆိုတဲ့
အနေအထားလည်း မရှိသေးဘူး။

အဲဒီနှစ်ခု သွားတွေ့တဲ့အချိန်မှာ
ဘုန်းဘုန်းတို့ရဲ့ အနာဂါတ်ဟာ
ကြောက်မက်ဖွယ်ရာ အဖြေတစ်ခု
ထွက်မသွားဘူးလို့ မပြောနိုင်ဘူးလား။

ဘယ်အချိန် သေမလဲဆိုတာ မသိနိုင်ဘူး။
ကံအားလျော်စွာ ကောင်းတဲ့စိတ်ကလေးနဲ့
သေနိုင်မယ်ဆိုရင်တော့ အနာဂါတ်ကလေးက
အဆင်ပြေအုံးမယ်ပေါ့၊ ဟုတ်လား။

ဒါကလည်းပဲ အမြဲထာဝရ
စိတ်ချရတဲ့ အနေအထား မရှိဘူးနော်။

(သစ္စာရွှေစည်)

30/12/2025

လောကမှာ ကိုယ့်ကို လူတိုင်းကြိုက်အောင်
နေဖို့ မဖြစ်နိုင်ဘူး။

ကိုယ့်ကို မုန်းတဲ့သူက မုန်းမှာပဲ၊
ကိုယ်ကို အပြစ်မြင်တဲ့သူက တော့ မြင်ကို မြင်နေမှာပဲ။

ဒါကို ကိုယ်က ကိုယ့်ကို မမုန်းပါနဲ့ ၊ အပြစ်မမြင်ပါနဲ့လို့ လိုက်ပြောနေလို့မှ မရတာ။

သာမာန်လူသားတွေ မပြောနဲ့ ၊ လောကကောင်းကျိုးပဲ ဆောင်ခဲ့တဲ့ သုံးလောကထွဋ်ထား မြတ်စွာဘုရားရှင်တောင် မကြိုက်တဲ့သူ ၊ ဝေဖန် အပြစ်တင်တဲ့သူ ၊ မနာလို မုန်းတီးသူဆိုတာ ရှိခဲ့ဖူးတာပဲလေ။

ဒါကြောင့် သာမာန်လူသားဖြစ်တဲ့ ကိုယ့်အပေါ် မုန်းတီးတဲ့သူ ၊ အပြစ်တင်ဝေဖန်တဲ့သူတွေ ရှိနေတာ ဘယ်ဆန်းတော့မလဲ။

ဒီအခါမျိုးမှာ ဘယ်လို နှလုံးသွင်းရမလဲဆိုတော့ ကိုယ့်ကို မုန်းနေတာ သူ့အပိုင်း ၊ ဝေဖန်နေတာက သူ့အပိုင်းပဲ။

ကိုယ့်ဘဝ ကိုယ်ကောင်းအောင် တည်ဆောက်ရမှာက ကိုယ့်အပိုင်းပဲလို့သာ နှလုံးသွင်း ထား။

အရေးအကြီးဆုံးကတော့ တခြားသူတွေ ဝေဖန်အပြစ်တင်ရုံ ၊ မနာလို မုန်းတီးနေရုံနဲ့ ကိုယ်လျှောက်မဲ့လမ်း လွဲမသွားစေဖို့ပဲ လိုတယ်။

ပါချုပ် ဆရာတော် ဘုရားကြီး
ဒေါက်တာ နန္ဒမာလာ ဘိဝံသ...

04/12/2025

ဘဝမှာ ....

ကိုယ်နဲ့ ပတ်သက်ရတဲ့ လူတိုင်းဟာ

သံသရာအဆက်ဆက်က ပါလာတဲ့

ရှေးရေစက်ကြောင့်ပါ။

တချို့က ....

ကိုယ်က ပေးဆပ်ရမယ့် ဝဋ်ကြွေးကို

ပြန်ယူဖို့အကြောင်းနဲ့ ဆုံလာကြတာ ...။

တချို့ကတော့ ....

ကိုယ့်ဆီကနေ ကြွေးသစ်ယူသွားကြတဲ့

သူတွေလဲ ရှိမှာပေါ့လေ ....။

ပြုသူအသစ် ဖြစ်သူအဟောင်း တဲ့

ဘာပဲဖြစ်ဖြစ်ပေါ့ ...

အကြောင်းမကင်းလို့ ပေါင်းသင်းကြရတာ

အကြောင်းရှိလို့ ပေါင်းမိ ကြရတာပါပဲ ...။

ကိုယ်က ကောင်းပါရဲ့နဲ့ ....

ကိုယ့်ကို အနိုင်ကျင့်တာ ခံရတဲ့အခါ

စော်ကားတာကို ခံရတဲ့အခါ

ငြိုငြင်တာကို ခံရတဲ့အခါ

အထင်လွဲတာကို ခံရတဲ့အခါ

သစ္စာဖောက်တာကို ခံရတဲ့အခါ

ဒီလိုလေး နှလုံးသွင်းလိုက်ပါ ....။

ပေးဆပ်ရမယ့် ဝဋ်ကြွေးတွေ ....

တစ်ခုပြီး တစ်ခု ကျေသွားတယ် လို့ပဲ

သဘောထားလိုက်ပါ ....။

ခံရတဲ့သူက အဟောင်း ခံရတာပါ။

လုပ်တဲ့သူကသာ အသစ် လုပ်နေတာပါ။

များများပေးဆပ်ရရင်

မြန်မြန်ကျေတာပေါ့ လို့

သဘောထားပြီး......

အခြေအနေ တချို့ကို

ကျေနပ် လက်ခံလိုက်ပါ ....။

ကိုယ့်ရဲ့ အတ္တကို

ဖြေးဖြေးလေး ဖြေလျှော့လိုက်ပြီး....

ဘယ်သူ့ကိုမှ

တင်းတင်းကြပ်ကြပ် မနှောင်ဖွဲ့တော့ပဲ

ဖြစ်လွယ် ပျက်လွယ်တဲ့ သဘောတရားကို

နားလည် လက်ခံနိုင်ခဲ့ရင်....

အနည်းနဲ့ အများတော့

စိတ်သက်သာရာ ရလိမ့်မယ်လို့

မျှော်လင့်မိပါတယ် .....။

#မေတ္တာဖြင့် #ပါမောက္ခချုပ်ဆရာတော်ဘုရားကြီး

ဒေါက်တာ အရှင်နန္ဒမာလာဘိဝံသ

🙏🙏🙏🙏🙏🙏🙏🙏🙏

#ပါမောက္ခချုပ်ဆရာတော်ဘုရာ #ရိုသေစွာ #ရှိခိုးပါ၏ #ဘုရာ #မေတ္တာနဲ့ပြန်လည်မျှဝေပေးလိုက်ပါတယ်🙏🙏🙏🙏🙏

01/12/2025

ငါပိုင်တယ်လို့
ဘယ်အရာမှ မတွေးနဲ့၊
တွေ့ဆုံတုန်းခဏ
တစ်ယောက်ကို တစ်ယောက်
ကူညီထောက်ပံ့ရင်း
ဒီလောကကြီးမှာ ကောင်းကျိုးချမ်းသာတွေ
ငါဘယ်လောက်ထိ
ပေးခဲ့သလဲဆိုတာပဲ တွေး။

(ပါမောက္ခချုပ်ဆရာတော်ဘုရားကြီး)

30/11/2025

ချစ်ခြင်း မုန်းခြင်းဆိုတာ ဘယ်လိုသဘောလဲ❓
~~~~~~~~~~~~~~~~~~~~~~~~~~~
☸️တကယ်တန်းက ကိုယ့်အပေါ်
သူတို့ ချစ်ကြတယ်၊ မုန်းကြတယ်ဆိုတာ
သူတို့ရဲ့ စိတ်ခံစားချက်ပဲ။
🪯သူတို့ စိတ်တိုင်းကျရင်
သူတို့ ချစ်တာပဲ။
🔯သူတို့ စိတ်တိုင်းမကျရင်
သူတို့ မုန်းတာပဲ။
🔯ကိုယ်ကရော သူများကို
ချစ်တယ်၊ မုန်းတယ်ဆိုတာ ဘာလဲ။
🪯ကိုယ့်စိတ်တိုင်းကျရင် ချစ်တာပဲ။
ကိုယ့်စိတ်တိုင်းမကျရင် မုန်းတာပဲ။
~တရားတော်ကိုနာရန် https://youtu.be/IidEdsK1iH8?si=tYyWRwNmhfZPMYNg

29/11/2025

လူဆိုတာ တစ်ယောက်နဲ့တစ်ယောက်
စရိုက်ချင်း မတူညီနိုင်ကြပါဘူး။

ဖြတ်သန်းလာရတဲ့
ဘဝအတွေ့အကြုံတွေ မတူနိုင်ဘူး။

ဒါကြောင့် အခြေအနေတစ်ခုလုံးကို မြင်ပုံ၊
ခံစားပုံ၊ အဓိပ္ပါယ်ကောက်ပုံ မတူနိုင်ဘူး။

#ကိုယ်မြင်သလို_သူလည်းမြင်မယ် လို့
ပုံသေမတွေးပါနဲ့။
#ငါမြင်သလို_မမြင်ကောင်းလား
ဆိုပြီးလည်း စိတ်မဆိုးပါနဲ့။

လူတွေရဲ့ ကောင်းတဲ့ အချက်လေးတွေကို မကြာခဏ တွေးပေးပါ။

အထူးသဖြင့် လူတစ်ယောက်ကို
မကျေမနပ်ဖြစ်နေရင် သူ့အကြောင်း ကောင်းတာလေးတွေကို တွေးဖြစ်အောင် တွေးပေးပါ။

တစ်ခါတလေမှာ #အသွားရှိရင်_အပြန်ရှိရမယ် လို့
သဘောထားတတ်ကြတယ်။ အဲဒီလို သဘောထားတဲ့အခါ ကိုယ့်ဘက်က အသွားရှိပေမယ့် အပြန်မရှိလာတဲ့အခါ ဒေါသ ဖြစ်တတ်ကြတယ်၊ စိတ်ပျက်တတ်ကြတယ်။

ဒါကြောင့် ဒေါသဖြစ်ရတာ နည်းချင်ရင်၊ စိတ်ပျက်ရတာ နည်းချင်ရင် #အသွားရှိတိုင်း_အပြန်မရှိနိုင်ဘူး ဆိုတာကို မမေ့ပါနဲ့။ ကိုယ်တတ်နိုင်တဲ့ဘက်က ဘာမှမမျှော်လင့်ပဲ ကူညီပေးလိုက်ပါ။

ကိုယ့်ဒေါသ ကိုယ်သိပြီးတော့ ထိန်းနိုင်တဲ့သူ၊ ရင့်ကျက်တဲ့သူ၊ အကျိုးရှိတဲ့အလုပ်တွေကို များများလုပ်နိုင်ပြီး စိတ်ကျေနပ်မှုရတဲ့သူ၊ စိတ်ချမ်းသာတဲ့သူတွေ ဖြစ်နိုင်ကြပါစေ။

#ဆရာတော်_ဦးဇောတိက (မဟာမြိုင်တောရ)
#ဆရာတော်ဦးဇောတိက
#မယ်ပန်

27/11/2025

"ကိုယ်ပြုတဲ့ကံ ကိုယ့်အမွေပဲ"

ကိုယ်လုပ်တဲ့
ကောင်းတဲ့ ကံ အတိုင်း
နတ်ပြည်တက်မယ့် ပုဂ္ဂိုလ်ကို -
ဘုရားက ဝင်ဆွဲချလို့ မရဘူး
သိကြားက ဝင်ဆွဲချလို့ မရဘူး

ကိုယ်လုပ်တဲ့ မကောင်းတဲ့ ကံ အတိုင်း
ငရဲ , ပြိတ္တာ , တိရစ္ဆာန် , အသူရကာယ် သွားမယ့်
ပုဂ္ဂိုလ်ကို -
ဘုရားက ဝင်တားလို့ မရဘူး
သိကြားက ဝင်တားလို့ မရဘူး
ကိုယ်လုပ်တဲ့ ကံ အတိုင်း သွားကြရမှာ

ကောင်းတာလုပ်လုပ် , ဆိုးတာလုပ်လုပ်
အကြံနဲ့ လုပ်လုပ် , အပြောနဲ့ လုပ်လုပ် ,
ကိုယ်ထိလက်ရောက် လုပ်လုပ် ,
ကိုယ်လုပ်တဲ့ ကံ ဟာ
ကိုယ့်အမွေပဲ လို့ မှတ်လိုက်ပါ

မဟာဗောဓိမြိုင်_ဆရာတော်_ဘုရားကြီး

Copy.သုတဂဝေသီဗန်းမော်

23/11/2025

ကိုယ့်ကိုယ်ကိုယ် မယုံကြည်တဲ့ ပုဂ္ဂိုလ်က
သူများကို မယုံကြည်နိုင်ဘူး၊
မရိုသေနိုင်ဘူး။

သူများကိုရိုသေရင်
ကိုယ်ပဲအောက်တန်းကျသွားမလိုလို၊
အဲဒီလိုမျိုး ထင်တတ်တယ်။

ကိုယ့်ဟာကိုယ် ဘဝင်ခပ်မြင့်မြင့်နေပြမှပဲ

ကိုယ် အဆင့်အတန်းမြင့်မယ့်ပုံစံမျိုး

အဲလိုထင်ပြီးတော့ ဘဝင်မြင့်နေတတ်တယ်

ဂါရဝတရား မထားနိုင်ဘူး။

🙏🙏🙏

#အောက်စဖို့ဒ်ဆရာတော်
#ပါမောက္ခဒေါက်တာအရှင်ဓမ္မသာမိ

(၁၈.၃.၂၀၁၂) (တောင်ကြီး)

(တိုင်းပြုပြည်ပြု မင်္ဂလာတရားတော်မှ)

23/11/2025

လောကမှာ...
ချစ်စရာအကောင်းဆုံးဟာလည်း လူ
ကြောက်စရာ အကောင်းကလည်း လူပဲ
~~~~~~~~~~~~~~~~~~~~

#ကြောက်စရာအကောင်းဆုံးလူ
လောက မှာ ကြောက်စရာ အကောင်းဆုံး
သတ္တဝါဟာ ဘယ်သူလဲလို့ လိုက်ရှာကြည့်ပါ ။

တရားကင်းကွာနေတဲ့
ဒေါသ အပူအခိုးအငွေ့ ထွက်နေတဲ့
ဒေါသနှလုံးသားပိုင်ရှင်ဖြစ်တဲ့ ပုဂ္ဂိုလ်ဟာ
လောကမှာ ကြောက်စရာအကောင်းဆုံး...။

လူဟာ တရားကင်းကွာနေပြီဆိုရင်
ဒေါသ အပူအခိုးအငွေ့ထွက်နေပြီ ဆိုရင်
တိရိစ္ဆာန်ထက်တောင် ကြောက်စရာအဖြစ်
ရောက်သွားတတ်ပါတယ်။

လူကြောင့်ဖြစ်တဲ့ အန္တရာယ်ဟာ
လောက မှာ ကြောက်စရာ အကောင်းဆုံး ။
ဒါကြောင့် - လောကမှာ
ကြောက်စရာအကောင်းဆုံးဟာ လူပဲ ။

#ချစ်စရာအကောင်းဆုံးလူ
တရားစွမ်းအားနဲ့ တည်ငြိမ်ရင့်ကျက်
အေးချမ်းပျော်ရွှင်စွာနေထိုင်တတ်တဲ့
မေတ္တာနှလုံးသားပိုင်ရှင်ဖြစ်တဲ့ပုဂ္ဂိုလ်။

လောကမှာ
ချစ်စရာ မြတ်နိုးစရာ
အားကိုးစရာ အကောင်းဆုံး လူဟာ
တကယ်ကောင်းလာပြီ ဆိုရင်
မိမိ , သူတစ်ပါး , လောက
သာသနာအတွက် အားကိုး ရတဲ့
ပုဂ္ဂိုလ်တွေ ဖြစ်သွားတယ် ။

အများရဲ့ ချစ်ခင် လေးစားမှုကိုလည်း ခံရတယ် ။
ဒါကြောင့် လောကမှာ
ချစ်စရာ အကောင်းဆုံးကလည်း လူ ။
ကြောက်စရာ
အကောင်းဆုံးကလည်း လူ ။

ကျေးဇူးတော်ရှင် တိပိဋက ယောဆရာတော်ဘုရားကြီး

19/11/2025

မိတ်ဆွေ ..
မုန်းသောသူနှင့် အချိန်ကို မဖြုန်းပါနဲ့။
ချစ်ခင်သောသူနှင့် ရှေ့ကို ဆက်ပါ။

ဖောက်လဲဖောက်ပြန်တတ်သူနှင့်
အချိန်ကိုမဖြုန်းပါနဲ့။
သစ္စာရှိသောသူနှင့်သာ ရှင်သန်တတ်ပါစေ။

လူလိမ်လူညာနှင့် အချိန်မဖြုန်းပါနဲ့။
ရိုးသားဖြောင့်မတ်သူနှင့်သာ ဆက်သွားပါ။

အဆင်မပြေသူနှင့် အချိန်မဖြုန်းပါနဲ့။
တန်ဖိုးကိုသိတတ်သူနှင့်သာ ဆက်သွားပါ။

စရိုက်ခြင်းမတူသူနှင့် အချိန်မဖြုန်းပါနဲ့။
စရိုက်ခြင်းတူ စိတ်တူကိုယ်တူနှင့်သာ
ပေါင်းသင်းပါ။

အကုသိုလ်များသူနှင့် အချိန်မဖြုန်းပါနဲ့။
ကုသိုလ်တွေပွါးနေသူနှင့်သာ ဆက်သွားပါ။

တစ်ဘဝအတွက် အလုပ်မလုပ်ပါနဲ့။
တစ်သံသရာလုံးအတွက် ငဲ့ပြီးလုပ်ပါ။

ချမ်းသာချင်လို့ မလုပ်ပါနဲ့။
သံသရာမှ လွတ်မြောက်ချင်စိတ်နှင့် လုပ်ပါ။

မြောက်ဦးဆရာတော်ဘုရားကြီး ...

15/11/2025

" သူ့ကိုမုန်းလျှင် ကိုယ်ရှုံးသည် "

==========================

ရာဇဂြိုဟ်ပြည်မှာပါ ချမ်းသာတဲ့ မိဘနှစ်ပါးက
မွေးဖွားလာတဲ့ သားလေးတစ်ယောက်ရှိတယ် ။
သူ့နာမည်က ဇမ္ဗုက တဲ့... ငယ်ငယ်က ထမင်းကျွေးရင် ငိုတယ် မစားဘူး ကိုယ့်မစင်ပဲ လျှာလေးနဲ့လျက် လျက် ပြီးစားတယ် ကလေးအရွယ်မို့ မသိတတ်သေးတာပဲလို့ ထင်ခဲ့တာ ပေါ့။

အကျင့်က မပျောက်ဘူး ကြီးလာတော့ မိဘတွေက ရှက်လို့ အဝတ်မဝတ်တဲ့ အစေလက အာဇီဝကတွေထံ ပို့လိုက်တယ် အချိန်တန် ဆွမ်းစားခေါ်တော့ သူက မလိုက်ဘူး။

ဗိုက် မဆာဘူးလိုလို ဘာလိုလိုနဲ့ ကျန်ခဲ့တာ သူက ဘာစားလဲဆိုတော့ မစင်တွင်းကိုဖွင့်ပြီး အားရပါးရ စားသတဲ့ နောက်တော့ အာဇီဝကတွေက ကျောင်းကို ပြန်ချောင်းတော့မိပါတယ် သူ့ကို ကျောင်းက ထုတ်လိုက်တယ်။ ဒါနဲ့ အိမ်သာများတဲ့နေရာ စျေးတန်းကို ရွေးလိုက်ပါတယ် သူ့အတွက် အတော်ဟန်ကျဆိုပဲ။

သူနေတဲ့ပုံစံက ဒီလိုပါ
လက်တစ်ဖက်က ကျောက်ဖျာကိုထောက်
ခြေတစ်ဖက်က မြှောက်ပြီး ဒူးထောက်နေပါတယ်။

ပြီးတော့ ပါးစပ်လဲ ဖွင့်ထားပြီး သူများတွေ မေးရင် လေကိုသာ စားတယ်လို့ဖြေပါတယ် ခြေတစ်ဖက် မြှောက်ထားရတာက ကမ္ဘာကြီးလေးမှာ စိုးလို့တဲ့ ဒီလိုနဲ့ မစင်တွေ စားခဲ့တာ(၅၅) နှစ်ကြာသွားခဲ့ပါတယ်။

တစ်နေ့တော့ ဘုရားရှင် ကြွတော်မူပြီး တရားဟောရပါတယ် နောက်ဆုံး ရဟန္တာဖြစ်သွားပါတယ် (၅၅) နှစ် ဘာလို့ မစင်တွေ စားခဲ့ရတာလဲဆိုတော့ တစ်ခုသောဘဝမှာ သူက ရဟန်းတစ်ပါးဖြစ်ခဲ့တယ်ကျောင်းကိုလာတဲ့ ရဟန်းတစ်ပါးကို ရွာထဲက ဒကာ က ကြည်ညိုလို့

ကုတင် / ဆွမ်း / ဆတ္တာသည် / သင်္ကန်း ထို လေးမျိုးကို ဒကာက လှူမယ်ဆိုလို့ ကျောင်းနေရဟန်းက အာဂန္တု ရဟန်းကို ထိုလာဘ်လာဘတွေကို မရစေချင်တာ ဒါနဲ့သူက ညနေချမ်းအခါ အာဂန္တု ရဟန်းထံသွားပြီး

🔥 သင်သည် ငါ့ဒကာလှူမယ့်ဆွမ်းကို စားမဲ့အစား မစင်စားတာကမှ မြတ်သေးတယ်လို့ ပြောခဲ့မိတယ်။

🔥 သင်သည် ခေါင်းကို ဓားနဲရိတ်မယ့်အစား ဆံပင်ကို နှုတ်တာကမှ မြတ်သေးတယ်လို့ ပြောခဲ့မိတယ်။

🔥 သင်သည် သင်္ကန်းဝတ်မဲ့အစား အဝတ်မစည်းပဲနေတာကမှ မြတ်သေးတယ် လို့ပြောခဲ့မိတယ်။

🔥 သင်သည် ကုတင်နဲ့အိပ်ရတာထက် မြေကြီးမှာ အိပ်ရတာက မြတ်သေးတယ်လို့ပြောခဲ့မိတယ်။

တကယ်ဆို ခဏလာတဲ့ ဧည့်သည်ပဲ သူပြန်သွားရင် ဒီပစ္စည်းတွေ ကိုယ့်ကျောင်းမှာ အကုန်ကျန်ခဲ့မှာ ယူသွားလို့လဲ မရပါဘူး ဒီလိုလေးများ စဉ်းစားမိလိုက်ရင်-

ခုတော့ သူပြောခဲ့မိတာက ရဟန္တာဆိုတာ သူ မသိခဲ့ဘူး (၅၅) နှစ် တိုင်အောင် အဝတ်မဝတ်ရရှာဘူး၊ ဆံပင်အနှုတ်ခံရတယ်၊ မြေကြီးပဲအိပ်ရတယ်၊မစင်ကိုပဲ (၅၅) နှစ်ကြာအောင်စားခဲ့ရတယ်။

သူ့ကို ခဏလေးမုန်းတဲ့စိတ်နဲ့ ပြောဖြစ်ခဲ့ပေမဲ့ ကိုယ့်မှာတော့ ဘဝတိုင်း ရှုံးခဲ့ရတယ်။

ငရဲမှာ ဘယ်လောက်ကြာ ခံရသလဲဆိုရင် ကဿပမြတ်စွာဘုရားနဲ့ ဂေါတမမြတ်စွာဘုရား(ဘုရားနှစ်ဆူကြား) အဝီစိငရဲမှာ ခံခဲ့ရပါတယ် အဲလောက်ထိ ကြာတယ်နော်။

သြော်...
သူ့ကိုမုန်းရင် ကိုယ်ရှုံးသည်
ဝန်တိုမိတာ ခဏလေးရယ်ပါ။

ဝန်တိုခြင်း "မစ္ဆရိယ" ဆိုတာ
တယ်ကြောက်စရာ ကောင်းပါလား
ရှောင်နိုင်ကြပါစေ အသိ သတိရှိကြပါစေ
ဘဝဆိုတာ ခဏလေးပါ ။

ပုံပြင် မဟုတ်ဘူး/ ဒိုင်ယာရီ မဟုတ်ဘူး /
ယုံတမ်းစကားတွေလည်း မဟုတ်ဘူး ဆိုတာ
သိစေချင်ပါသည်။

မေတ္တာနှလုံး ကိုယ်စီသုံး ရွှင်ပြုံးကြပါစေ...။

အရှင်ဝိသုတ (ရေစကြို)
Crd, original uploader.

သစ်ပုတ်ကုန်းကျောင်းတိုက်

02/02/2026

26/01/2026

30/12/2025

04/12/2025

01/12/2025

30/11/2025

29/11/2025

27/11/2025

23/11/2025

23/11/2025

19/11/2025

15/11/2025

Address

Telephone

Website

Alerts

Contact The Place Of Worship

Shortcuts

Share

Category