မိုးကုတ္ဝိပႆနာ ဓမၼရိပ္သာ အဖြဲ႕ခြဲအမွတ္ ၇၆၁ က်ားစခန္း

14/09/2023

လောကကို အလင်း​ဆောင်သူ မြတ်ဗုဒ္ဓ (အပိုင်း_၄)

14/09/2023

လောကကို အလင်း​ဆောင်သူ မြတ်ဗုဒ္ဓ (အပိုင်း_၃)

14/09/2023

လောကကို အလင်း​ဆောင်သူ မြတ်ဗုဒ္ဓ (အပိုင်း_၂)

14/09/2023

လောကကို အလင်း​ဆောင်သူ မြတ်ဗုဒ္ဓ (အပိုင်း_၁)

14/09/2023

13/09/2023

https://t.me/c/1700374280/6

28/05/2022

🖋 ဘာလို့ လူ လာဖြစ်ကြတာလဲ 🖋

ဒကာ ဒကာမတွေ
လူဖြစ်လာပြီးသကာလ
အိမ်ထောင်ပြုခြင်း သားမွေးခြင်း
သားသမီးတွေလုပ်ကျွေးခြင်း
ဒါလုပ်ဖို့လာတာ မဟုတ်ပါဘူးတဲ့။

ဒုက္ခဝဋ်မှ ကျွတ်ချင်လို့
အပါယ်လေးပါးမှတက်ပြီးသကာလ
လာခဲ့ကြရတာ။

ဒီကျမှ ယောင်ချာချာ
ဘဝတဏှာကလှည့်စားလိုက်
ပတ်ဝန်းကျင်ကလှည့်စားလိုက်နဲ့
ဒကာ ဒကာမတွေမှာတဲ့
မရစဖူး အရထူးတဲ့ ဘဝကြီးကို အလွဲသုံးစားနဲ့
အချိန်တွေ ဖြုန်းလိုက်တဲ့အတွက်
အနာကြီး နာနေတယ်ဆိုတာ
သိအောင်လဲလုပ်ကြပါ။

ကောင်းမှုကုသိုလ်တရားဆိုတာ
စိတ်ပါလည်းလုပ်၊ စိတ်မပါလည်းလုပ်။
အားရင်လည်းလုပ်၊ မအားရင်လည်းလုပ်။

ဘာကြောင့်လည်းဆိုတော့
အိုတာလည်း မအားပဲ အိုနေတာ
နာတာလည်း မအားပဲ နာနေတာ
သေချိန်ကျတော့လည်း မအားပဲ သေရမှာဆိုတော့

အားကိုးစရာ တရားစွမ်းအားဟာ
သမုဒ္ဒရာဝမ်းတထွာကိစ္စကနေပြီးတော့
လိမ္မာပါးနပ်စွာ ပြုလုပ်အားထုတ်ကြရမှာပါ။

#အရေးအကြီးဆုံးက_ဘာသိဖို့လဲ
°°°°°°°°°°°°°°°°°°°°°°°°°°°°°°°°°°
သစ္စာ မသိရင်
သောတာပန်၊ သကဒါဂါမ်၊
အနာဂါမ်၊ ရဟန္တာ၊ ဘုရား မဖြစ်နိူင်။
သစ္စာ မသိရင် ပဋိစ္စသမုပ္ပါဒ်အရ
ဘုံဘဝ လိုချင်တဲ့ ကံတွေကို ပြုကြမှာဖြစ်တယ်။
ဒုက္ခရောက်ဖို့ အလုပ်သာ လုပ်နေကြတော့မယ်။

တဏှာ ဥပါဒါန် ကံတွေ လုပ်ရင်
ဒုက္ခသစ္စာရမယ်လို့ မသိတဲ့အတွက်
ကိုယ်ဒုက္ခရောက်မယ့်အရေး
ကိုယ်တိုင်လုပ်နေကြတယ်။
ဒါကြောင့် ပဋိစ္စသမုပ္ပါဒ်လည်ပြီး
သံသရာ အရိုင်းပြေး ဖြစ်ကြရတယ်။

ဘုရား ဖြစ်လာခြင်းဟာ
သံသရာ ဖြတ်လမ်း၊ ထွက်လမ်းကို
ပြချင်လို့ ဖြစ်လာခြင်းဖြစ်တယ်။
ပဋိစ္စသမုပ္ပါဒ် ဖြတ်တဲ့နည်းကို ပြချင်လို့
လောကအကျိုးအတွက်
ရည်ရွယ်ပြီး လာခဲ့တယ်။

ပဋိစ္စသမုပ္ပါဒ် ဖြတ်လမ်းကို သိဖို့မှာ
ခန္ဓာကို ဉာဏ်စိုက်ရမယ်။
ခန္ဓာကို ဉာဏ်မစိုက်တတ်ရင်
သမုဒယသစ္စာကို အားပေးသလို ဖြစ်နေမယ်။

နိဗ္ဗာန်ဆိုတာ
ဒုက္ခခပ်သိမ်း ငြိမ်းအေးခြင်းလို့ မှတ်ထားပါ။
ဒီလိုမှ နိဗ္ဗာန်အကြောင်း မသိပဲ အားထုတ်ရင်
တရားမပေါက်နိူင်ဘူး။

လူဟာ သံယောဇဉ် မရှိရင် မနေတတ်ဘူး။
တဏှာနဲ့ အဖော်လုပ်ပြီး နေတတ်တယ်။
ဒီလိုနေရင် နိဗ္ဗာန် ဘယ်တော့မှ မရ။
နိဗ္ဗာန် ရချင်ရင်
သဒ္ဓါ, ပညာကို အဖော်လုပ်ရမယ်။

#တဏှာ, ဥပါဒါန်, ကံပြတ်ချင်ရင်
ဝိပဿနာ အလုပ်ကို လုပ်ပါ။
စိတ်ဖြစ်တိုင်း စိတ်ကို ဉာဏ်နဲ့ရှုရင်
တဏှာ, ဥပါဒါန်, ကံ ပြတ်နိူင်တယ်။
ဉာဏ်နဲ့ရှုတော့ စိတ်သေတာ မြင်နိုင်တယ်။

#ဒီလို မြင်ခြင်းဟာ
ကိုယ့်အသေကို မြင်ခြင်းဖြစ်တယ်။
ဝိပဿနာဆိုတာ
ကိုယ့်အသေ ကိုယ်မြင်အောင် ရှုခြင်းဖြစ်တယ်။
ကိုယ့်အသေ ကိုယ်မြင်မှ
နောက်ထပ် ကိုယ့်ခန္ဓာ မလိုချင်စိတ် ဖြစ်မယ်။

#ရခဲတဲ့ လူ့ဘဝ သက်တမ်းက တိုတယ်။
သက်တမ်းတိုတဲ့ လူ့ဘဝကို
သစ္စာသိအောင် မလုပ်ပဲ, မသုံးပဲ
တဏှာခိုင်းရာ လုပ်နေခြင်းဟာ
အလကား ဖြုန်းပစ်တာနဲ့ တူတယ်။
အပိုအလုပ်တွေကို
သွားရည်ကျပြီး လုပ်နေကြတယ်။

#အားကိုးစရာ အစစ္က
သစ္စာမြင်တဲ့ဉာဏ်သာ ဖြစ်တယ်။
သစ္စာ မသိလို့ သံသရာ ရှည်ခဲ့ကြတာ။
သံသရာရှည်တယ် ဆိုတာ
အိုဘေး, နာဘေး, သေဘေးရောက်တာကို
ဆိုခြင်းဖြစ်တယ်။

#သစ္စာ မမြင်ပဲနဲ့
နိဗ္ဗာန်ကို ဘယ်တော့မှ မရောက်ဘူး။
သစ္စာမှတစ်ပါး
ကိုးကွယ်စရာ၊ ဆည်းကပ်စရာ မရှိဘူး။
သမုဒယကို လက်ညှိုးညွှန်ပြီး ဂုဏ်ယူမနေနဲ့။
ပုထုဇဉ်က ကိုယ့်ကိုယ်ကိုယ်
မိုက်မှန်း မသိတာက ဆိုးတယ်။

#သမုဒယ ချုပ်တဲ့နေရာမှာ နိဗ္ဗာန် ရှိတယ်။
မသွားတတ်လို့ နိဗ္ဗာန် ဝေးနေတာ။
ကိလေသာ ရှေ့နေလိုက်နေလို့
ဝိပဿနာ မလုပ်ဖြစ်တာ။
ဝိပဿနာ လုပ်သူ၊ စိတ်ရှုသူ
လူ့သံယောဇဉ် ပြတ်တယ်။
တဏှာသိမ်း, ခန္ဓာသိမ်း နိဗ္ဗာန်ရတယ်။

#မဂ်ကို ဆုတောင်းလို့ မရ။
မရှိတာကို သိအောင်လုပ်မှ ရတယ်။
မရှိတာက အနိစ္စ၊ သိတာက မဂ္ဂ၊
သေတောက သမုဒယ၊
နောင်ခန္ဓာမလာတာက နိရောဓ နိဗ္ဗာန်။

ကိုယ့်ဒုက္ခ ကိုယ်သိတာ
သစ္စာသိခြင်းဖြစ်တယ်။
ဒုက္ခသစ္စာဆိုတာ
ကိုယ့်စိတ် ကိုယ်ကြည့်ပြီး ရှုမှ မြင်တယ်။
သစ္စာမြင်အောင် ကြည့်၊
သစ္စာသိအောင် လုပ်ဖို့သာ အရေးကြီးတယ်။

သစ္စာမြင်ခြင်းဟာ မီးထွန်းခြင်းနဲ့တူတယ်။
အမှောင်ပျောက်၊ အလင်းရောက်။
ပစ္စည်းမြင်အောင်
မီးထွန်းခြင်းက ဆောင်ရွက်သလို
သစ္စာအလင်းရောင်ရမှ နိဗ္ဗာန်ကို မြင်ရတယ်။
အဝိဇ္ဇာအမှောင် ပျောက်တယ်။
ဝိဇ္ဇာဉာဏ်အလင်း ရောက်တယ်။..............................................

ကျေးဇူးတော်ရှင်အဂ္ဂမဟာပဏ္ဍိတ
မိုးကုတ်ဆရာတော်ဘုရားကြီး🙏🙏🙏

မူရင်းရေးသား ပူဇော်သူအား ဂါရဝပြုပါ၏ 🙏🙏🙏

23/04/2022

❝ ဝဋ် ❞

ဝဋ်ဆိုတာ… လှည့်တတ်
လည်တတ် ပတ်တတ်လို့
ဝဋ်လို့ ခေါ်ပါတယ်။

ကိလေသာဝဋ်ကြောင့်
ကမ္မဝဋ် ဖြစ်တယ်။
ကမ္မဝဋ်ကြောင့်
ဝိပါကဝဋ် ဖြစ်တယ်။

ပစ္စည်းတစ်ခု လိုချင်မှု
လောဘဆိုတဲ့
ကိလေသာဝဋ်ကြောင့်
ကမ္မဝဋ် ဖြစ်တဲ့…
ကိုယ်နဲ့ နှုတ်နဲ့
ရအောင် ကြိုးစားတယ်။

ကြိုးစားလို့ ရလာတာက
ဝိပါကဝဋ္ပဲ …။

ဒါက ပစ္စု ပ္ပန် ဘဝမှာ
ဖြစ်နေတဲ့…
ဝဋ်သုံးပါး လည်ပုံပါပဲ။

အခုဘဝမှာ ဆင်းရဲတယ်။
ဆင်းရဲတော့… နောင်ဘဝမှာ
လူချမ်းသာ နတ်ချမ်းသာ
ဖြစ်ဖို့ အတွက်…
ကုသိုလ်ပြု ပြီး ဆုတောင်းတယ်။

သေလွန်တဲ့အခါမှာ
ကိုယ်လိုချင်တဲ့…
လူချမ်းသာ နတ်ချမ်းသာ ရတယ်။

လူချမ်းသာ နတ်ချမ်းသာ
လိုချင်တာက… ကိလေသာဝဋ်။
တောင့်တတဲ့ ဝဋ်ပေါ့။

ကိလေသာဝဋ်ကြောင့်
ရအောင် ကုသိုလ်ပြု
ဆုတောင်းတာက…
ကမ္မဝဋ် ။
ကြိုးစားအားထုတ်တဲ့ ဝဋ်ပေါ့။

လူချမ်းသာ နတ်ချမ်းသာ
ရတာက… ဝိပါကဝဋ်၊
အကျိုးပေးတဲ့ ဝဋ်ပေါ့။

ကောင်းတာလုပ်ရင်
ကောင်းတဲ့ ဝဋ်တွေ
လည်တယ်။

မကောင်းတာလုပ်ရင်
မကောင်းတဲ့ ဝဋ်တွေ
လည်တယ်၊ လှည့်တယ်
ပတ်ပါတယ် …။

ဒီဝဋ်တွေဟာ…
သစ္စာနဲ့ ကြည့်ရင် -

တောင့်တတဲ့ ဝဋ်နဲ့
ကြိုးစားအားထုတ်တဲ့ ဝဋ်က
သမုဒယသစ်စာပါ …။

ရလာတဲ့…
လူချမ်းသာ နတ်ချမ်းသာက
ဒုက္ခသစ္စာပါ။

လူချမ်းသာ နတ်ချမ်းသာဆိုတာ
သာမန်လူတွေ အမြင်မှာ
ချမ်းသာပေမယ့်…
အရိယာ သူတော်ကောင်းတွေရဲ့
အမြင်မှာ… ဆင်းရဲပါတယ်။

အို နာ သေနဲ့
မလွတ်ကင်းသေးလို့
ဆင်းရဲပါတယ် …။

မကောင်းတာလုပ်လို့ ရတဲ့
အပါယ်လေးပါး
ဝဋ်ဆင်းရဲကတော့
ပိုပြီး… ဆင်းရဲပါတယ်။

ဝဋ်ဆိုတာ… ဘာဝဋ်ရရ
မကောင်းပါဘူး။
ဆင်းရဲတွေချည်းပါပဲ။

ဝဋ်ကင်းတဲ့… နိဗ္ဗာန်ချမ်းသာပဲ
တောင့်တ ပြုလုပ်
အားထုတ် သင့်ပါတော့တယ်။

#ပါမောက္ခချုပ်ဆရာတော်ဘုရားကြီး
ဒေါက်တာ အရှင်နန္ဒမာလာဘိဝံသ
🙏🙏🙏🙏🙏🙏🙏🙏🙏

#မူရင်းရေးသားပူဇော်သူကိုလည်းဂါရဝပြုပါသည်။🙏

#ကုသိုလ်ကောင်းမှုများကို
မမေ့မလျော့ ပြု နိုင်ကြပါစေ။
🙏🙏🙏🙏🙏🙏🙏

22/04/2022

လူအများစုဟာ တရားနာနိုင်ခြင်းမရှိဘူး။
ကာမဂုဏ်အာရုံတွေနဲ့ပျော်ဖို့ကျတော့
အလွန်လွယ်ကူတယ်..

ဒီနေ့ခေတ်မှာ သာသနာနဲ့ ကြုံတွေ့နေရသော်လည်း သဒ္ဓါတရားရှိသူ ဆိုတာအရေအတွက်အားဖြင့်
နည်းနေသေးတာပဲ။

ဘယ်လိုပဲ တရားပွဲ ကျင်းပ ကျင်းပ...
နာချင်စိတ်ရှိတဲ့သူလည်း နည်းတာပဲ။

တရားနာတယ်ဆိုတာ ကိုယ့်ရဲ့ သဒ္ဓါစွမ်းအားတွေ ပါလို့သာ လာပြီးတော့နာနိုင်ကြတာ။

တရားနာနိုင်တယ်ဆိုတာ ဆန်တက်တဲ့သဘောပဲ။

ဘဝတစ်ခုကို အဆင့်မြင့်ဖို့ရာအတွက်..
ကိုယ့်ရဲ့ အသိဉာဏ်တွေရဖို့ တရားပွဲမှာ တရားလာနာတယ်ဆိုတာ ဆန်တက် ရတဲ့ လုပ်ငန်းတစ်ခုပဲ ဖြစ်တယ်။

ဒါကြောင့်မို့ လူအများစုဟာ တရားနာနိုင်ခြင်းမရှိဘူး။ ကာမဂုဏ်အာရုံတွေနဲ့ပျော်ဖို့ကျတော့ အလွန်လွယ်ကူတယ်။

သဒ္ဓါတရားမရှိတဲ့ ပုဂ္ဂိုလ်တွေက ပျော်ပွဲရွှင်ပွဲမှာပဲ အချိန်ဖြုန်းကြမှာ။

ပျော်ပွဲရွှင်ပွဲမှာ အချိန်ဖြုန်းတယ်ဆိုတာ သတ္တဝါတွေ
လုပ်နေကျ အလုပ်ကိစ္စသာ ဖြစ်တယ်။

အဲဒီလို ဘဝမှာ..ဘုရားသာသနာနဲ့ ကြုံသော်လည်းပဲ “ဓမ္မ”ကို စိတ်ဝင်စားမှုမပြဘဲ အပျော်နဲ့ပဲ အဆုံးသတ်သွားတဲ့ လူတွေဟာ သေသွားတဲ့အခါမှာအောက်တန်း ကျတဲ့ဘဝတွေမှာ သွားဖြစ်ကြတယ်။ ။

ဒါကြောင့်မို့ ကြက်တွေလည်းပေါတယ်။
ဝက်တွေလည်း ပေါတယ်။ ငါးတွေလည်းပေါတယ်။

ငရဲဘုံကို ကြည့်လိုက်ရင် ဒီထက်ပေါတယ်ပေါ့။

လူ့ဘုံဆိုတာ တိရစ္ဆာန်ဦးရေနဲ့ ယှဉ်လိုက်မယ်ဆိုရင်
လူဦးရေ အင်မတန်မှနည်းတယ်။

ဘာ့ကြောင့် ဦးရေနည်းသလဲဆိုရင်
တရားကို မြတ်နိုးတဲ့ပုဂ္ဂိုလ် နည်းလို့ပဲဖြစ်တယ်။

ဒါကြောင့်မို့...သာသနာတော်နဲ့ ကြုံတွေ့နေချိန်မှာ
တရားဓမ္မကို နာယူပြီး ဉာဏ်ရအောင် ကြိုးစားကြ၊
အားထုတ်ကြ။

ကျေးဇူးတော်ရှင် ပါမောက္ခချုပ်ဆရာတော်
​ဒေါက်တာ နန္ဒမာလာဘိဝံသ 🙏🙏🙏

ပါမောက္ခချုပ်ဆရာတော်၏ဘဝခရီးနှင့်ဓမ္မဆီမီး စာအုပ်မှ..

#ပါချုပ်ဆရာတော် #တရားမှတ်စု

31/03/2022

သာသနာပြုတယ်ဆိုတာ....
°°°°°°°°°°°°°°°°°°°°°°°°°°°°°°°°°°°°
၁။ ဘုရားအဆုံးအမတွေကို ကိုယ်တိုင်လည်း သင် ယူရမယ်။

၂။ကိုယ်တိုင်လည်း ကျင့်သုံးရမယ်။

၃။သူတစ်ပါးကိုလည်း နားလည်အောင် တစ်ဆင့် ပြောပြ ရမယ်။

၄။ ဝါဒတစ်ပါးက စွပ်စွဲလာတာတွေကိုလည်း မ ဟုတ် ရင်မဟုတ်ဘူး၊ဟုတ်ရင်ဟုတ်တယ်ဖြေရှင်း ရမယ်။

၅။ပြန့်သထက်ပြန့်အောင်လည်း တရားသောနည်း နဲ့ ဖြန့်ချိရမယ်။

ကျေးဇူးတော်ရှင် ပါမောက္ခချုပ်ဆရာတော်
ဒေါက်တာ နန္ဒမာလာဘိဝံသ

(ဩဝါဒ တရားတော် မှ)

#ပါချုပ်ဆရာတော် #တရားမှတ်စု

28/03/2022

တရားအလုပ်အားထုတ်တယ်ဆိုရင်
အိုးပြစ် အိမ်ပြစ် စီးပွားပြစ်ပြီး
အားထုတ်လို့ ဘုရားရှင်
ဟောတော်မမူခဲ့ပါဘူး။

လူကတရားထိုင်နေပြီး
စိတ်ကအိမ်ပြန် အလုပ်လုပ်နေ
ရင်လည်းတရား မရနိုင်ပါဘူး။

တစ်ချိူ့ကတော့
မိသားစုတာဝန်တွေ
ပြည့်စုံအောင် ဆောင်ရွက်ပြီးမှ
တရားကို ဇောက်ချပြီး လုပ်ကြပါတယ်။

ဘုရားရှင်က
လူတိုင်းလူတိုင်းကို
အချိန်တိုင်း နေရာတိုင်း မှာ
သွားရင်း လာရင်း
ရောင်းရင်း ဝယ်ရင်း
ကုန်ကုန်ပြောရရင်
ကျင် ချီ်း ကျင်ငယ် စွန့်
နေရင်းတောင်တရား
အားထုတ်တတ်အောင်
သင်ပေးခဲ့ပြီးသားပါ ။

တရားအလုပ်ဆိုတာ
ခါးတောင်းကြိုက်ပြီး
ထင်းပေါက်သလိုလည်း
လုပ်စရာမလိုပါဘူး။

အဝေးကြီးလည်း ကြည့်စရာမလိုပါဘူး

တရားဆိုတာ မိမိခန္ဓာထဲမှာပဲ
ရှိပါတယ်။
မိမိ ရုပ်နာမ် ကို မိမိ ဉာဏ်နဲ့ သုံးသပ်
နေတာ တရားအလုပ် လုပ်နေတာပါ။

(မိုးကုတ်ဆရာတော်ဘုရားကြီး)