Philosophy of Buddha

21/10/2022

13/10/2022

အိမ်မှာ ဘုရားရှိသားပဲ
ဘာလို့ ဘုရားသွားကြလဲလို့
ပြောသူတွေများလာလို့
သိအောင် ပြောပြတာပါ

တစ်ချို့တစ်ချို့သော
ဘုရားစေတီ ပုထိုးများဟာ
ဓာတ်တော်ကို ဌာပနာထားသောကြောင့်
ဓာတုစေတီလို့ခေါ်ပါတယ်

မြတ်စွာဘုရားတို့ရဲ့ အသုံးအဆောင်
ပစ္စည်း တစ်မျိုးမျိုးကို
ဌာပနာထားတဲ့စေတီတော်ကို
ပရိဘောဂစေတီလို့ခေါ်ပါတယ်

ပိဋကတ်တော်များကို
ဌာပနာထားသောကြောင့်
ဓမ္မစေတီလို့ ခေါ်ဝေါ်ပြီး

မြတ်စွာဘုရားကို ရည်စူး ရည်မှတ်ပြီး
တည်ထားသော ရုပ်ပွား ဆင်းတုတော်များကို ဥဒ္ဒိဿစေတီလို့ ခေါ်ပါတယ်

ဌာပနာ ထားပုံချင်း ကွာခြားပါတယ်။

အိမ်မှာရှိ ရုပ်ပွားဆင်းတုတော်များဟာ
ဥဒ္ဒိဿစေတီတော်သာထိုက်ပြီး

စေတီပုထိုးများဟာ ဌာပနာထားရာကို
လိုက်ပြီး ဓာတုစေတီ ဥဒ္ဒိဿစေတီ
ဓမ္မစေတီ ပရိဘောဂစေတီ ဆိုပြီး
ကွဲပြားခြားနားပါတယ် ။

အိမ်မှာရှိ ရုပ်ပွားဆင်းတုတော်ကို
ပူဇော်ရင်တော့
ဥဒ္ဒိဿစေတီ တစ်မျိုးကိုသာ
ပူဇော်ရာရောက်ပြီး

ရွှေတိဂုံစေတီတော်ကို ပူဇော်ရာမှာတော့
စေတီလေးမျိုးလုံးကိုပူဇော်ရာ ရောက်ပါတယ် ၊

အ ခြားအခြားသော
စေတီ ပုထိုးများမှာလည်း
ဌာပနာထည့်ထားတာအပေါ်
မူတည်ပြီး ဓာတုစေတီ၊ ဥဒ္ဒိဿစေတီ၊
ဓမ္မစေတီ၊ ပရိဘောဂစေတီဆိုပြီး
အမည်ထိုက်ကြပါတယ်

အိမ်မှာရှိဘုရားဆင်တုတော်ကို
ပူဇော်ခြင်းနဲ့ ဘုရားစေတီကို သွားရောက်ပူဇော်ခြင်းက ကွဲပြားခြားနားပါတယ်။

ဒါကြောင့်မို ဗုဒ္ဓဘာသာဝင်တွေဟာ
အမြို့မြို့အနယ်အရပ်ရပ်မှာရှိတဲ့
ဘုရားစေတီတွေကို သွားရောက်ဖူးမြော်
ကြပါတယ်

အမှန်ကို သိမြင်နိုင်ကြပါစေ

09/10/2022

ယောနိသောမနသိကာရ

" ယောနိသော ရှိမှ စိတ်ကောင်းရ "

ယောနိသောရှိမှလည်း
စိတ်ကောင်းနှလုံးကောင်း ရရှိနိူင်ကြသည်။
တွေ့ရာကြုံရာကိစ္စ၌
သင့်တော်အောင် နှလုံးသွင်းလေ့ရှိမှုကို
" ယောနိသောမနသိကာရ " ဟု ခေါ်၏။

ယခုကာလ၌ မနသိကာရကို ဖြုတ်၍
" ယောနိသော " ဟု ပြောကြသည်။

ထိုကဲ့သို့
သင့်တော်အောင် နှလုံးသွင်းမှု (ယောနိသော) ရှိလျှင်
အကုသိုလ်စိတ် (မကောင်းစိတ်) မဖြစ်ဘဲ
စိတ်ကောင်းချည်း ဖြစ်သည်။

ယောနိသော မရှိလျှင်
စိတ်ကောင်းဖြစ်လောက်သော အရာရာကိစ္စများ၌ပင်
စိတ်မကောင်း ဖြစ်နေတတ်၏။

ထို့ကြောင့် များစွာသော ရှင်လူအပေါင်းတို့
စိတ်ကောင်းရဖို့ရာ
" ယောနိသော "သာလျှင် အရေးကြီးဆုံး ဖြစ်ပေသည်။

ယောနိသော ရှိခြင်း မရှိခြင်းတို့၏ အကြောင်းများကား
စာကောင်းပေကောင်း ကြည့်ရှုခြင်း မကြည့်ရှုခြင်း၊
ပညာရှိထံ နည်းခံခြင်း နည်းမခံခြင်းများတည်း။

စာကောင်းပေကောင်း ကြည့်ရှုလေ့ရှိသူ၊
ပညာရှိသူတော်ကောင်းထံ နည်းခံလေ့ရှိသူ
(ပညာရှိသူတော်ကောင်းနှင့်ပေါင်းလေ့ရှိသူ) ဖြစ်လျှင်
အကြားအမြင်တိုးပွား၏။

ထိုသို့ အကြားအမြင်တိုးပွားသူမှာ
" ငါ့သန္တာန်၌ အမြဲစိတ်ကောင်း ဖြစ်စေမည် "
ဟု အဓိဋ္ဌာန်ထားလျှင် တွေ့ရာကြုံရာ အာရုံများ၌
ယောနိသော ရှိတတ်၏။

စာကောင်းပေကောင်းများကိုလည်း မကြည့်ရှု၊
ပညာရှိသူတော်ကောင်းထံလည်း နည်းမခံသူသည်
အကြားအမြင်နည်းပါး၍ စိတ်မထားတတ်ဘဲ
ရှိလေသည် ................. ။


"မည်သူမဆို
မိမိ၏ကိုယ်မှု ၊နှုတ်မှု ၊ စိတ်မှု တို့ကို
ကောင်းသည်ထက်ကောင်းအောင်
အစဉ်ပြုပြင်နေသင့်သည် ၊
သေသည်အထိ အမြဲပြုပြင်နေရမည် ။ "

မဟာဂန္ဓာရုံဆရာတော် အရှင်ဇနကာဘိဝံသ

ယောနိသောမနသိကာရဆိုတာ
"စုရုံးခြင်း"လက္ခဏာရှိတယ်၊

ပညာဆိုတာက
"ပိုင်းခြားခြင်း"လက္ခဏာရှိတယ် ။

လူဟာ မုယောစပါးကို
လက်ဝဲလက်ဖြင့် စုစည်းကိုင်၍
လက်ယာလက်ဖြင့် တံဇဉ်နှင့်ပိုင်းဖြတ်သကဲ့သို့
"မနသိကာရ"ဖြင့် မိမိစိတ်ကို စုစည်းပြီး
"ပညာ"ဖြင့် ကိလေသာကို ပိုင်းဖြတ်ရာ၏ ။

"ကုသိုလ်"နှင့်မယှဉ်တဲ့စိတ်ဟာ
ညစ်ညူးလာတာပေါ့။
ဒီလိုစိတ်ညစ်ညူးလို့ရှိရင်
"ပညာ"လည်း အားနည်းဆုတ်ယုတ်သွားတယ်။

(ယောနိသောမနသိကာရ)ဆိုတဲ့ နှလုံးသွင်းမှန်လို့
"ဗောဇ္စျင်တရား"တွေ ဖြစ်ပေါ်တိုးတက်လာတယ်၊
"သတိ၊ ဓမှဝိဇယ၊ ဝီရိယ၊ ပီတိ၊ ပသာဒျဓိ၊ သမာဓိ၊ ဥပကျခော"
တရားတွေကို အကြိမ်ကြိမ်ပွားများလို့ရှိရင်
"ကိလေသာ"တွေက လွတ်မြောက်မှုဆိုတဲ့
"ဝိမုတ္တိ"အကျိုးကို ခံစားရတယ်၊
ကုသိုလ်တရားတွေလည်းဖြစ်တယ်၊
စိတ်လည်းကြည်လင်ရွှင်လန်းတယ် ။

ယခုဘဝသည်သာ

ယခုဘဝသည်
ကုသိုလ်ပါရမီ များများရအောင် ယူဖို့
အလွန်အခွင့်ကောင်းသောဘဝဖြစ်၏။

နောက်တစ်ကြိမ် လူပြန်ဖြစ်ရစေကာမူ
ယခုအနေထက် ပို၍
မတရားအကုသိုလ်တွေသာ၍ တိုးပွားသော
မိကောင်းဘကောင်း၊ ဆရာသမားကောင်းနဲ့
တွေ့ဖို့ မလွယ်သော လူ့ဘဝဖြစ်လိမ့်မည်။

ဒါ့ကြောင့် နေ့တိုင်း ကုသိုလ် ပါရမီ တိုးပွားအောင်
ကြိုးစားသင့်ကြသည်။

လူမဖြစ်ဘဲ အထက် “နတ်ပြည်”၌ ဖြစ်ရပြန်ရင်
စည်းစိမ်သာ အားကြီးမယ်။
ဒါန၊ သီလ၊ ဘာဝနာ အထူးရဖို့ မဖြစ်နိုင်။

ဒါ့ကြောင့် ယခုဘဝသည်
“ကုသိုလ်ပါရမီ” တိုးပွားအောင်
ကြိုးစားရမယ့် ဘဝဆိုတာ အမြဲ တွေးသင့်တယ်။

မဟာဂန္ဓာရုံဆရာတော် အရှင်ဇနကာဘိဝံသ

09/10/2022

❝ မြဲတယ်ဆိုတဲ့အရာ တစ်ခုမှ မရှိပါဘူး။ ❞
■■■■■■■■■■■■■■■■■■■■

မြတ်စွာဘုရား က ဘယ်လောက်ထိအောင်
ရှင်းရှင်းလေးဟောထားလဲဆိုရင်
"အင်မတန် သေးငယ်တဲ့
မြေမှုန်လေးလောက်တောင်မှပဲ
လောကကြီးမှာ မြဲတယ်ဆိုတဲ့အရာ မရှိပါဘူး။
အကယ်၍ မြေမှုန်လေးလောက်
အရာလေးတစ်ခုတောင်
မြဲတဲ့အရာ ရှိတယ်ဆိုရင် မြတ်သောအကျင့်
ကျင့်စရာမလိုပါဘူး" တဲ့

ဆိုလိုတာက တရားဓမ္မ တွေ
ကျင့်သုံးနေရတာဟာ မမြဲလို့ ကျင့်သုံးရတာ။
မမြဲတဲ့အရာတွေ ပြောင်းလွှဲနေတဲ့အရာတွေ
ဖြစ်နေလို့ မခိုင်မြဲလို့ -
ဒါတွေကို နားလည်သဘောပေါက်အောင်
ကျင့်သုံးရတယ်လို့ ပြောတာ။
မြဲတဲ့အရာ ရှိနေလို့ရှိရင်
ဘာမှကျင့်သုံးစရာ မလိုဘူး။
သူ့သဘောအတိုင်း မြဲသွားမှာပေါ့နော်...

မြတ်စွာဘုရား ရဲ့ အလိုတော်က
ရုပ်နာမ် နှစ်မျိုးပဲရှိတယ်။ ခန္ဓာငါးပါးပဲ ရှိတယ်။ အဲဒီခန္ဓာငါးပါးဟာ အနတ္တပဲ။
ရှုပက္ခန္ဓာဟာ အတ္တလားဆို အတ္တ မဟုတ်ဘူး။
မြဲနေတဲ့အရာ မဟုတ်ဘူး။
ဝေဒနာက္ခန္ဓာလည်း အတ္တမဟုတ်ဘူး။
သညာဏက္ခန္ဓာလည်း အတ္တမဟုတ်ဘူး။
သခါင်္ရက္ခန္ဓာ ဝိဉာဏက္ခန္ဓာလည်း
အတ္တမဟုတ်ဘူး။
ဒါဖြင့် လူတွေဟာ ခန္ဓာငါးပါး အပြင်
ဘာရှိသေးတုန်းဆိုရင် ဘာမှမရှိဘူး။
သူတို့အလိုဆိုရင် ခန္ဓာ ငါးပါးအပြင်
အတ္တ ဆိုတာ ရှိနေကြသေးတယ်။

အဲဒီတော့ မြတ်စွာဘုရားက အတ္တ ဆိုတာ
ခန္ဓာငါးပါးထဲက တစ်ခုခု လွှဲမှားစွာ
အမည်တပ်ထားခြင်းသာ ဖြစ်တယ်တဲ့။
အဲဒီ ခန္ဓာငါးပါးထဲမှာ
လိုက်ရှာကြည့်လိုက်လို့ ရှိရင်
ထာဝရမြဲနေတဲ့ အတ္တ ဆိုတာ
တစ်ခုမှ မရှိဘူးလို့ မြတ်စွာဘုရားက
ရှင်းရှင်းလေးဟောတာနော်...

ခန္ဓာငါးပါးထဲမှာလည်း မရှိဘူး။
ခန္ဓာငါးပါးရဲ့ အပြင်မှာလည်း မရှိဘူး ။
ခန္ဓာငါးပါးသည် အတ္တလည်း မဟုတ်ဘူး။
ခန္ဓာငါးပါးရဲ့ အပြင်မှာလည်း အတ္တမရှိဘူး။
အတွင်းထဲမှာလည်း မရှိဘူး။
ဘယ်နေရာမှ မရှိဘူးလို့ ဒီလိုဆိုလိုတာနော်။
အဲဒီတော့ လောကကြိးမှာ
မြဲတဲ့အရာ တစ်ခုမှ မရှိပါဘူး။

အရှင်နန္ဒမာလာဘိဝံသ

29/09/2022

"တရားစာပေဆိုတာ ဘုန်းကံရှိသူတွေပဲ ဖတ်နိုင်တာ"

ဘာသာရေးနဲ့ ပတ်သက်ပြီး
မသိသေးတာကို သိအောင်ပြောပြ ရေးပြတာဟာ
သာသနာပြုတာပဲ။

ကိုးကွယ်မှုနဲ့ ပတ်သက်ပြီး
လမ်းကြောင်းမှားကို လမ်းကြောင်းမှန်နဲ့
အစားထိုးပြတာ ရေးပြတာဟာ သာသနာပြုတာပဲ။

သံသရာရေးနဲ့ ပတ်သက်ပြီး
ဒုက္ခရှည်မယ့်သူကို ဒုက္ခတိုအောင်
ဟောပြ ရေးပြတာဟာ သာသနာပြုတာပဲ။

သာသနာပြုတယ်ဆိုတာ
ဘုရားခန်းကအစ ပြုပြင်ပေးရမယ်။

တစ်ချို့ဆို ဘာသာရေးနဲ့ ပတ်သက်ပြီး
ဘာမှ မသိရှာဘူး။

မြတ်စွာဘုရားရဲ့တရားတော်တွေနဲ့ဝေးသွားရင်....

တော်ပေမယ့် မိုက်တတ်တယ်။
ကျော်သော်လည်း ချော်တတ်တယ်
စွမ်းသော်လည်း မှားတတ်တယ်။

ဒါ့ကြောင့် ဘာသာရေးအသိကို ရေးပြတာလည်း
သာသနာပြုတာပဲ။

အများကြီးဖတ်ကြ သိကြလိမ့်မယ်လို့
မမျှော်လင့်နဲ့။

စာကောင်းကို လူကောင်းပဲ ဖတ်နိုင်တာ၊
ဘုရားရှင်ရဲ့တရားဆိုတာ ဘုန်းကံရှိသူတွေပဲ
တွေ့ခွင့်ရကြတာ။

အသိတစ်လုံးတိုးဖို့ဆိုတာ
သာမာန်လူတွေအတွက် မလွယ်ဘူး၊
ဉာဏ်လျင်၊ ဉာဏ်ယှဉ်မှ ရနိုင်တာ။

ဒါ့ကြောင့် တန်ဖိုးရှိတဲ့စာတွေကို ရေးပါ။
ဖတ်သူမရှိတောင် ကိုယ့်အတွက်မှတ်စု ကျန်တယ်။

#ကျေးဇူးတော်ရှင်
#မင်းကွန်းဆရာတော်ဘုရားကြီး

Credit to original 🙏🙏🙏

07/09/2022

အချိန်မှီအသိ

ချ စ် သား သာရိပုတ္တရာ...
ငါ နုစဉ်အခါ သုမေဓာရှင်ရသေ့ ဘဝမှာ
ဒီလိုလေးမျိုး တွေးမိတယ်ကွယ်။

ကြည့်စမ်း
ငါနေတဲ့ တောထဲမှာရှိတဲ့ သတ္တဝါတွေ
ရွာနိဂုံးက လူတွေ
အိုကြ နာကြ သေလိုက်ကြတာ။

ငါလည်း တဖြည်းဖြည်း
အိုလာတယ် နာလာတယ်။

ဒီအိုခြင်း နာခြင်း သေခြင်းကိစ္စတွေဟာ
တော်တော်ဆင်းရဲတာဘဲလို့
ဒါကို ငါသိလာတယ်။

ဒုတိယ အ တွေး က
ဒီလိုဖြစ်အောင်လုပ်တဲ့ တရားခံဟာ
ဘယ်သူများလည်းဟု ငါသိချင်လာတယ်။

ပြီးတော့ တတိယ အ တွေး က
သတ္တဝါတွေ အိုလာတယ်
ဒါဆို မအိုရာအကြောင်းရှိရမယ်။

သတ္တဝါတွေ နာကြတယ်။
မနာရာအကြောင်းရှိရမယ်။

သတ္တဝါတွေ သေကြတယ်။
မသေရာအကြောင်းလည်း ရှိရမယ်။

ဒီအကြောင်းတရားကို
သိအောင်လုပ်ရမယ်ဆိုတဲ့
အတွေးတွေဟာလည်း ပေါ်လာတယ်
ချ စ် သား သာရိပုတ္တရာ။

နောက် စတုတ္ထမြောက်အတွေးကတော့
ငါ ဒီအတိုင်းနေယုံနဲ့
ငါသိချင်တဲ့ အထက်ပါကိစ္စတွေအတွက်
သိနိုင်ဖို့ မဖြစ်နိုင်ဘူး။
လမ်းစကို ရှာရမယ်။

အဲ့ဒါတွေအတွက် အမှန်ကိုသိဖို့
လမ်းမှန်ရှိကိုရှိရမည်ဟု
ငါဘုရားနုစဉ်အခါ သုမေဓာဘဝမှာ
အတွေးလေးပါး စတင်ဖြစ်ပေါ်လာခဲ့တယ်။

ရှာလိုက်ရတာ၊
လေးအသင်္ချေနဲ့ ကမ္ဘာတစ်သိန်း
ကြာခဲ့ရတယ်။

အတွေးလေးပါးမှ အစပြု၍
သင်္ခတပရမတ်သုံးပါးဖြစ်တဲ့
ပြုပြင်စီမံခြင်းရှိသော
စိတ် စေတသိတ် ရုပ် တို့အား
ထိုးထွင်း၍ သိပြီး
အသင်္ခတပရမတ်တရားကို ဆိုက်ရောက်ခဲ့
တယ်။

တဏှာလက်သမားလှည့်စားချက်တွေကြောင့်
အဝိဇ္ဇာရဲ့ချယ်လှယ်မှုကြောင့်
အို နာ သေ ဘေးမှ မလွတ်မြောက်ခဲ့ရခြင်းကို
ထိုးထွင်း၍ သိခဲ့ရတယ်။

သစ္စာလေးပါးကို ပိုင်းခြားထင်ထင်
သိမြင်တော်မှုခဲ့တယ်။

ငါဘုရားရဲ့ နုစဉ်အခါ သုမေဓာဘဝ
အတွေးလေးပါးမှ အစပြုလို့
မဂ္ဂလမ်းမှန်ဖြင့် သတ္တဝါအနန္တကို
လမ်းမှန်ပြနိုင်ခဲ့တယ် ချ စ် သား သာရိပုတ္တရာ။

credit

01/09/2022

"စိတ်ကို ဘယ်လိုအနားပေးမလဲ"

ကုသိုလ်ကောင်းမှုတွေ အမျိုးမျိုး ရှိတဲ့အထဲက
တကယ်အကျိုးများဆုံး , အင်အားအကြီး ကုသိုလ်ဟာ အပ္ပမာဒ ကုသိုလ်ပဲ။

သတိနဲ့နေတာ , မမေ့မလျော့နေတာ အင်အား အကြီးဆုံး ကုသိုလ်ပဲ။ စိတ်ကို သိနေဖို့က အရေးကြီးဆုံး အလုပ်ဖြစ်တယ်။

အရာရာကို စိတ်က လွှမ်းမိုးတယ်။ ဒါကြောင့် စိတ်ကို သိနေဖို့ အရေးကြီးတယ်။ သူ့ကို မသိရင် ခက်မယ်။

ကိုယ့်ကိုယ်ကို အကောင်းဘက်က အမြဲတမ်း တွေးနေမယ် ဆိုရင် နဲနဲတော့ စိတ်အားက တက်လာမှာပါ။

ဒါပေမယ့် ဒါ တကယ်မလေးနက်ဘူး။ အမှန်တရားကို တကယ် သိတဲ့အဆင့် မရောက်နိုင်ဘူး။ ကိုယ့်ကိုယ်ကို အားပေးတဲ့ သဘောပဲ ရှိမယ်။ တစ်ချို့နေရာတွေမှာ ကိုယ့်ကိုယ်ကို ညာနေတာပဲ ရှိတယ်။

ဘုန်းကြီးက အမျိုးမျိုးစမ်းကြည့်တာ ဝါသနာ ပါတယ်။ ဟိုဟာ လုပ်ကြည့် , ဒီဟာ လုပ်ကြည့် , ဟိန္ဒူအကျင့်တွေလည်း လုပ်ဖူးတယ်။ ဒီလို အမျိုးမျိုး စမ်းရင်းကနေ သတိနဲ့ နေတဲ့အလုပ်ကို တွေ့လာတယ်။

တစ်နေ့မှာ (၁၀)မိနစ် စမ်းကြည့်တယ်။ များများ မဟုတ်ဘူးနော်။ ကိုယ်ထိုင်တတ်သလို , သက်သာသလို ထိုင်လိုက်တယ်။ ရိုးရိုးလေးပဲ ဘာမှ မခက်ဘူး။ ကလေးတောင်မှ ၁၀နှစ် , ၁၂ နှစ်လောက်ဆို ပြောရင် လုပ်တတ်တယ်။

အဆင်ပြေတဲ့အခါ စိတ်က ငြိမ်ပြီးတော့ ချမ်းသာတာ တွေ့ရတယ်။ အဲဒီအခါ ဘယ်လို သဘောပေါက်လဲ ဆိုတော့ . . . အမြဲတမ်း စဉ်းစားနေရတာ မကောင်းဘူး , တစ်ခါတလေ ခဏလောက် ဘာမှ မစဉ်းစားပဲ နေရတာ ကောင်းတယ် , ဒါဟာ စိတ်ကို အနားပေးတာပဲ။
--------------------------------------------------

ဒကာကြီးတို့ တစ်နေ့လုံး အလုပ်လုပ်တယ်နော် ? တစ်ခါတလေ ပင်ပမ်းတဲ့အခါ အနားယူတယ် မဟုတ်လား ?

ခန္ဓာကိုယ်ကို အနားပေးဖို့ ကုလားထိုင်မှာ ထိုင်လိုက်တယ်။ ( သို့ ) အိပ်ယာမှာ အိပ်လိုက်တယ်။ စိတ်ကို ဘယ်လို အနားပေးသလဲ ?

စိတ်က အလုပ်လုပ်နေသေးတယ်။
ဘာလုပ်ရဦးမယ် , ဘယ်လိုလုပ်ရင် ကောင်းမလဲ ? ဆိုတာတွေကို အိပ်ယာထဲ ရောက်တဲ့အထိ တွေးနေသေးတယ်။ စိတ်ကို တော်တော်နဲ့ အနား မပေးနိုင်ဘူးနော်။

ခန္ဓာကိုယ်ကို အနားပေးလိုက်တယ် ။ စိတ်ကိုတော့ အနားမပေးဘူး ။ စိတ်ကိုလည်း အနားပေးဖို့ လိုပါတယ်။

လူတွေထင်တာက အိပ်ပျော်သွားတဲ့အချိန်မှာ စိတ်ကို အနားပေးလိုက်တာပေါ့လို့ ထင်တယ်နော်။ တစ်စိတ်တစ်ဒေသတော့ ဟုတ်ပါတယ်။ နှစ်နှစ်ချိုက်ချိုက် အိပ်ပျော်သွားတဲ့ အခါမှာ စိတ်ကို အနားပေးလိုက်တာပါပဲ။

ဒါပေမယ့် အိပ်မက်ထဲမှာလည်း စိတ်က အလုပ်လုပ်တတ်တယ်။ စိုးရိမ်စရာ , ပူပန်စရာ ရှိလို့ရှိရင် အိပ်မက်ထဲမှာ စိုးရိမ်နေတာပဲ , ပူပန် နေတာပဲ။ အိပ်ယာက နိုးတဲ့အခါ ပင်ပမ်းသေးတယ်။ တကယ် အပန်းမပြေဘူး။

အဲဒီတော့ အိပ်မပျော်ပဲနဲ့ကို စိတ်ကို အနားပေးတဲ့နည်း သိရင် မကောင်းဘူးလား ?
---------------------------------------------------

အိပ်ပျော်သွားလို့ , ဘာမှ မသိတော့လို့ စိတ်ကို အနားပေးလိုက်တဲ့ နည်းက . . . .
-သတိမပါဘူး။
-ပညာမပါဘူး။

အိပ်မပျော်ဘဲနဲ့ကို ကိုယ့်ခန္ဓာမှာ ဖြစ်နေတဲ့ ရိုးရိုး အာရုံတစ်ခု အပေါ်မှာ စိတ်ကလေးကို ကပ်ထား ပြီးတော့ ဘာမှမတွေးဘဲနဲ့ သိနေတဲ့ အချိန်မှာ စိတ်အနားရတာက ပိုပြီးတော့ နက်နဲတယ်။

အဲဒီလို စိတ်ကို ထားနိုင်လို့ရှိရင် စိတ်ရဲ့အင်အား က ပိုပြီး ကြီးမားလာတယ်။

အိပ်ပျော်နေတဲ့အခါမှာ , ဘဝင်စိတ်တွေ ဖြစ်နေတဲ့ အခါမှာ ဘာမှ မသိဘဲနဲ့ အနားရသလို ဖြစ်နေတဲ့ အနားယူနည်းမျိုးက စိတ်ရဲ့အင်အားကို မတိုးတက် စေနိုင်ဘူး။

နိုးနေတဲ့အချိန်မှာကိုဘဲ အင်မတန်ရိုးတဲ့ ခန္ဓာကိုယ်မှာ ဖြစ်နေတဲ့ သဘာဝအတိုင်း ဖြစ်နေတဲ့ အာရုံလေးတစ်ခုအပေါ်မှာ စိတ်ကို ကပ်ထားလို့ရရင် . . . အဲဒီလို ဘာမှမတွေးဘဲနဲ့ သိနေတဲ့အချိန်မျိုးမှာ စိတ်ရဲ့အင်အားက အများကြီး ကြီးလာတယ်နော် . . . .။

ဆရာတော်ဦးဇောတိက ( မဟာမြိုင်တောရ )

credit :

16/07/2022

အိမ်မှာ ဘုရားရှိသားပဲ
ဘာလို့ ဘုရားသွားကြလဲလို့
ပြောသူတွေများလာလို့
သိအောင် ပြောပြတာပါ

တစ်ချို့တစ်ချို့သော
ဘုရားစေတီ ပုထိုးများဟာ
ဓာတ်တော်ကို ဌာပနာထားသောကြောင့်
ဓာတုစေတီလို့ခေါ်ပါတယ်

မြတ်စွာဘုရားတို့ရဲ့ အသုံးအဆောင်
ပစ္စည်း တစ်မျိုးမျိုးကို
ဌာပနာထားတဲ့စေတီတော်ကို
ပရိဘောဂစေတီလို့ခေါ်ပါတယ်

ပိဋကတ်တော်များကို
ဌာပနာထားသောကြောင့်
ဓမ္မစေတီလို့ ခေါ်ဝေါ်ပြီး

မြတ်စွာဘုရားကို ရည်စူး ရည်မှတ်ပြီး
တည်ထားသော ရုပ်ပွား ဆင်းတုတော်များကို
ဥဒ္ဒိဿ စေတီလို့ ခေါ်ပါတယ်

ဌာပနာ ထားပုံချင်း ကွာခြားပါတယ်။

အိမ်မှာရှိ ရုပ်ပွားဆင်းတုတော်များဟာ
ဥဒ္ဒိဿ စေတီတော်သာထိုက်ပြီး

စေတီပုထိုးများဟာ ဌာပနာထားရာကို
လိုက်ပြီး ဓာတုစေတီ ဥဒ္ဒိဿ စေတီ
ဓမ္မစေတီ ပရိဘောဂစေတီ ဆိုပြီး
ကွဲပြားခြားနားပါတယ် ။

အိမ်မှာရှိ ရုပ်ပွားဆင်းတုတော်ကို
ပူဇော်ရင်တော့
ဥဒ္ဒိဿ စေတီ တစ်မျိုးကိုသာ
ပူဇော်ရာရောက်ပြီး

ရွှေတိဂုံစေတီတော်ကို ပူဇော်ရာမှာတော့
စေတီလေးမျိုးလုံးကိုပူဇော်ရာ ရောက်ပါတယ် ၊

အ ခြားအခြားသော
စေတီ ပုထိုးများမှာလည်း
ဌာပနာထည့်ထားတာအပေါ်
မူတည်ပြီး ဓာတုစေတီ၊ ဥဒ္ဒိဿ
စေတီ … ဓမ္မစေတီ၊ ပရိဘောဂစေတီဆိုပြီး
အမည်ထိုက်ကြပါတယ်

အိမ်မှာရှိဘုရားဆင်းတုတော်ကို
ပူဇော်ခြင်းနဲ့ ဘုရားစေတီကို သွားရောက်ပူဇော်ခြင်းက ကွဲပြားခြားနားပါတယ်။

ဒါကြောင့်မို ဗုဒ္ဓဘာသာဝင်တွေဟာ
အမြို့မြို့အနယ်အရပ်ရပ်မှာရှိတဲ့
ဘုရားစေတီတွေကို သွားရောက်ဖူးမြော်
ကြပါတယ်

အမှန်ကို သိမြင်နိုင်ကြပါစေ
Credit

16/07/2022

🙏 ဗုဒ္ဓ မိန့်မှာ အင်္ဂုတ္ထိုရ်တော်လာ🙏

👇လူသားတို့၏ `အား` ( ၈ ) မျိုး 👇

၁။ ကလေးရဲ့ အား = ငို ခြင်း

၂။ မိန်းမတွေရဲ့အား =အမျက်ထွက်ခြင်း

၃။ ခိုးသားဓါပြ အား = လက်နက်

၄။ မင်း တို့ရဲ့အား = အစိုးရခြင်း

၅။ လူမိုက်ရဲ့အား = ကဲ့ရဲ့ခြင်း

၆။ ပညာရှိရဲ့အား = စူးစမ်းဆင်ခြင်ခြင်း

၇။ သုတများသူရဲ့အား = အဖန်ဖန်စဉ်း
စားသုံးသပ်ခြင်း

၈။ ပညာရှိသူတော်ကောင်းရဲ့အား =
သည်းခံခြင်း ( ခန္ဓီ ) အကောင်းဆုံး☘️

ဒီ အား တွေထဲမှာ (သည်းခံခြင်း)အား
သာလျှင်အကောင်းဆုံးအား ဖြစ်တယ်

သည်းခံခြင်းအား တွေထဲမှာလည်း
ကိုယ့်ထက်သာသူကိုသည်းခံရတာထက်

ကိုယ့်ထက်နိမ့်ကျသူကို သည်းခံရတာ
ပိုပြီး မြင့်မြတ် တယ်

မြတ်ဗုဒ္ဓ🙏🏻🙏🏻🙏🏻

☘️☘️☘️☘️☘️☘️☘️☘️☘️☘️☘️☘️☘️

သည်းခံခြင်းအားဖြင့် ဘဝပန်းတိုင်သို့
လျှောက်လှမ်းနိုင်ကြပါစေ
အို..သူတော်ကောင်းအပေါင်းတို့......

🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻🙏🏻
Credit

16/07/2022

မြတ်ဗုဒ္ဓ ကို လူတစ်ယောက်က စကားစစ်ထိုးဖို့ မေးခွန်းတွေလာမေးတဲ့အခါ🙏🌷

" ခင်ဗျားတို့ တရားထိုင်တာ #ဘာတွေရလဲ "

မြတ်ဗုဒ္ဓက ပြန်ဖြေတယ် " #ဘာမှမရဘူး" တဲ့။

" ဒါဆို ဘာလို့ တရားထိုင်နေသေးလဲ " တဲ့ ...

မြတ်ဗုဒ္ဓက ပြန်ဖြေတယ်။

" အေး တရားထိုင်လို့
ငါ ဆုံးရှုံးသွားတဲ့အရာတွေကို
မင်းကိုပြောပြနိုင်တယ်၊

သေချာ နားထောင်နော် ဘာတွေဆုံးရှူံးလိုက်ရလဲဆိုတော့ ..

ဒေါသ၊ မောဟ၊ အမုန်းနဲ့ မကောင်းမြင်တတ်တဲ့စိတ်တွေဖြစ်တယ်၊

ဒါ့အပြင် စိတ်ထဲက အမှောင့်တရားတွေလည်း ဆုံးရှုံးသွားတယ်။

တစ်ကိုယ်ကောင်းဆန်မှု၊ တွေဝေမှု၊
လောဘကြီးမှု ဆိုတဲ့ အဆိပ်ကြီးသုံးခုလည်း ဆုံးရှုံးသွားတယ် "

မေးလာတဲ့ လူ အသေအချာ စဉ်းစားတယ်....
ပြီးတော့ အသာလေး ထိုင်ချလိုက်ပြီး
ဆက်ပြောပါဦး ဆိုတော့

" လူတိုင်းဒီကမ္ဘာမြေပေါ်
ရောက်လာပြီဆိုကတည်းက
ကိစ္စနှစ်ရပ်ကို မလွဲမသေဖြတ်ကျော်ရမယ်။

#မွေးဖွားခြင်းနှင့်သေဆုံးခြင်းပေါ့။

ကိစ္စတစ်ခုကို ဖြတ်ကျော်ပြီးပေမယ့်
နောက်တစ်ခုအတွက် အစဉ်သင့်
ဖြစ်နေရတယ်လေ...

၁။ ရေစက်ကြောင့်တွေ့ဆုံရတယ်၊

ရေစက်ကုန်တဲ့အခါ ခွဲခွာကြရတယ်။

လာသင့်တဲ့သူက သူ့ကိုယ်သူ လာပြီး
ခွဲခွာသင့်တဲ့သူကို တားမရဘူး။

လာတဲ့သူကို ဝမ်းပန်းတသာကြိုဆိုပြီး

ခွဲခွာသွားတဲ့သူကို ပျော်ပျော်ကြီးလိုက်ပို့လိုက်ပေါ့။

အားလုံးက ကံစီရာမံအတိုင်းပါပဲ။

ကံရေစီးနဲ့သင့်ရာကို သဘာဝအတိုင်း
စုန်သွားတာ အေးချမ်းပါတယ်။

၂။ အသိဉာဏ်မြင့်တဲ့သူဟာ ဘယ်တော့မှ
သူတစ်ပါး ပါးစပ်ထဲမှာ မရှင်သန်နေဘူး၊

သူတစ်ပါးရဲ့ အမြင်ထဲမှာ မရှင်သန်ဘူး။

မိမိကိုယ်တိုင်စိတ်တစ်ခုထဲနဲ့အသက်ရှင်တယ်။

မိမိအကျင့်ကောင်းကိုသာ ဦးစားပေးတယ်။

ရေစက်ဆုံတာ၊ကုန်တာကို ဂရုမစိုက်ဘူး။

ဘာမှမလိုချင်လို့ဘာမှ မတောင့်တဘူး။

စိတ်က သဘာဝနဲ့ သဟဇာတဖြစ်နေတယ်။

အမြဲငြိမ်းအေးနေတယ်။

စိတ်ဟာ အမြဲလွတ်လပ်နေတယ်။

ခေါင်းထဲမှာအမြဲတရားဓမ္မတို့နဲ့ ပျော်မွေ့နေတယ်။

အများနဲ့ဆက်ဆံဖို့ မျက်နှာဖုံးအတု
တပ်စရာမလိုဘူး ။

၃။ လူ့ဘဝရဲ့ အကြီးမားဆုံးနာကျင်မှုက
စိတ်နဲ့ကိုယ်နဲ့မကပ်တာပဲ။

သင်သိမသိ၊ ဝန်ခံမခံတော့မသိဘူးပေါ့။

စိတ်ကို အေးချမ်းလှပအောင်ထားပြီး
ဦးနှောက်ကို အရှုပ်ထုတ်ကိစ္စတွေ
မစဉ်းစားခိုင်းရင်

အမုန်းမပိုက်ထားတဲ့
အသည်းနှလုံးတစ်ခုရှိရင် အသက်ရှုရတာပေါ့ပါးပြီး ....

လူဖြစ်ရတာ ပျော်ရွှင်စရာကြီးပါ။

စိတ်ကို လေဟာနယ်ကြီးတစ်ခုလို
အမြဲရှင်းထားပြီး ငြိမ်သက်အေးချမ်းမှုအချိန် တစ်ခုအမြဲပေးပေးပါ။

ကုသိုလ်ကောင်းမှုလုပ်ပြီး သူတစ်ပါးကိုကူညီပါ။

၄။ တကယ့်တရားထိုင်ခြင်းက ..
နာရီအရေအတွက်မဟုတ်ပါဘူး။

နားကနေ ပန်းပွင့်လာတဲ့ အသံတောင်
ကြားနိုင်လောက်အောင် စိတ်က
ကြည်လင်နေမယ်၊

လှိုင်းတစ်ချက်တောင်မရှိဘဲ
ငြိမ်သက်နေတဲ့ရေပြင်တစ်ခုလိုဖြစ်နေမယ်။

ဘာမှဆုပ်ကိုင်စရာမရှိတဲ့ လေဟာနယ်ထဲကိုရောက်နေမယ်။

အိပ်ရင်းတရားမှတ်နိုင်တယ်၊ ထိုင်ရင်းတရားမှတ်တယ်၊ စားရင်းတရားမှတ်တယ်။

၅။ ဓာတ်ကြီးလေးပါးဟာ မတည့်ကြဘူး။

အမြဲတစ်ခုကို တစ်ခုတွန်းထုတ်တိုက်ခိုက်နေတယ်။
ပထဝီ၊ အာပေါ၊ ဝါယော၊ တေဇော၊ ဆိုတဲ့
မြေ၊ ရေ၊ မီး၊ လေ။ ပထဝီဓာတ်ဖြစ်တဲ့သစ်သားကို မီးက လောင်မြိုက်တယ်။

မီးကို လေနဲ့ ရေက ငြိမ်းတယ်။ သဲနဲ့ဖို့ငြိမ်းတယ်။

ရေကိုမီးနဲ့အငွေ့လုပ်ပစ်တယ်၊ လေထဲမှာပါတဲ့ အောက်စီဂျင်ကို မီးက လောင်ကျွမ်းတယ်။

လူကိုယ်က ဓာတ်ကြီးလေးပါးနဲ့
တည်ဆောက်ထားတာမို့ တစ်ခုကိုတစ်ခု
အမြဲတွန်းထုတ်နေတယ်။

ဆဲလ်တွေ စဉ်ဆက်မပြတ်ဖြစ်နေတယ်၊

ပျက်စီးနေတယ်။ အသားဆိုတဲ့ ပထဝီဓာတ်၊

သွေးနဲ့အရည်ဆိုတဲ့ အာပေါဓာတ်၊

ခန္ဓာကိုယ်ထဲက အစာချေဖျက်နိုင်တဲ့
မီးဆိုတဲ့တေဇောဓာတ်၊

ရှုရှိုက်တဲ့ကိုယ်ထဲက လေဓာတ်
တစ်ခုကိုတစ်ခုအမြဲ
သဟဇာတ ဖြစ်ဖို့ကြိုးစားရင်း တိုက်ခိုက်နေကြတယ်။

၆။ ငါ ဆိုတာ ဘာလဲ?

ငါ့ဆီမှာမျက်လုံး ရှိတယ်။ ခြေလက်ရှိတယ်။

ဒါဆို မျက်လုံးကို လူလို့ခေါ်တာလား၊

ခြေလက်ကို လူလို့ခေါ်တာလား?

ဒါဆို မျက်လုံးဆိုတာကကော ဘာလဲ?

မျက်ကြည်လွှာကိုမျက်လုံးလို့ခေါ်တာလား၊
မျက်လုံးအဆံနက်ကို မျက်လုံးလို့ခေါ်တာလား၊

တကယ်လို့ လူကို အလုံးကြီးတစ်ခုလုပ်လိုက်မယ်ဆို..

အဲဒီအသားလုံးကြီးက လူဖြစ်သေးရဲ့လား။
တကယ်တော့ ပညတ်( တကယ်မရှိတာနဲ့) ...

ပရမတ် ( တကယ်ရှိတာ) ဆိုပြီး နှစ်မျိုးရှိတယ်။

လူဆိုတာ တကယ်တော့ အခေါ်အဝေါ် တစ်ခုပါ။
တစ်ကယ်မရှိပါဘူး။

ဒါဆို ငါတို့က တကယ်မရှိတဲ့ ငါ အပေါ်
ဘာဖြစ်လို့ မာနတွေကြီးနေရတာလဲ၊

အာဃာတတွေထားနေရတာလဲ။
အားလုံးကိုနားလည်ပြီး လွှတ်ချလိုက်ပါတဲ့...

၇။ လူ့ဘဝမှာ ဖြစ်ပေါ်လာတဲ့အရာတိုင်းကို
ပိုင်ဆိုင်ချင်လို့မရပါဘူး၊

ဖြတ်သန်းသွားခွင့်ပဲပေးလို့ရမယ်။

ငါတို့အားလုံးဟာ အချိန်တစ်ခု၊
ခေတ်တစ်ခုရဲ့ ဧည့်သည်အချို့ပါ။

တစ်နေ့မှာ အရာအားလုံးကို နှုတ်ဆက်ရမှာပေါ့..

မမြဲပါဘူး..ဘာမှမြဲတာမရှိဘူး..မြဲတာ မပါဘူး...

မေးလာသူက တစ်ခွန်းထဲ ပြောတယ်..

" ငါတို့ လဲ တရားထိုင်ကြည့်မယ်
တရားထိုင်နည်းပေး နိုင်မလား "

မြတ်ဗုဒ္ဓ က..

"ရတာပေါ့ဆိုပြီး ထိုသူတို့နဲ့သင့်တော်မယ့်
တရားထိုင်နည်းကို ပြောပြလိုက်တယ်

နောက် သုံးနှစ်အကြာမှာ

တပည့်တော်တို့
ယုံမှား သံသယ ကင်းပါပြီ ဘုရား....တဲ့

လွတ်မြောက်သွားကြပြီ...
အမှန်သိလို့..🌷🙏🙏

Credit

03/07/2022

#သောတာပန်အကြောင်း
================
( ၁ ) သောတာပန်ဆိုတာဘာလဲ ?
( ၂ ) သောတာပန် ဘယ်နှစ်မျိုးရှိလဲ ?
( ၃ ) သောတာပန်ပြီး ( ၇ ) ဘဝပြည့်ရင်ကျွတ်တမ်း၀င်တယ်ဆိုတာအမှန်လား?
( ၄ ) လူတစ်ယောက် သောတာပန်ဆိုတာကို
ဘယ်လိုသိနိုင်လဲ ?
( ၅ ) ဘ၀တစ်ခုမှ သောတာပန် ဖြစ်ပြီးသူတွေက လက်ရှိဘ၀ မှာထူးခြားမှုရှိလား.
( ၆ ) တစ်ချို့တွေသူ သူတို့ကိုယ်သူတို့သောတာပန်လို့ ဘာလို့ပြောကြတာလဲ .?
( ၇ ) တရားကျင့်ပြီး မြင်တာကြားတာတွေကရော သောတာပန် ထက်အဆင့်မြင့်လား
( ၈ ) သိကြားမင်းကသောတာပန်လား ဒါဆိုဘုရားရှင် ရှိရက်နဲ့ သိကြားမင်းဖြစ်ရက်နဲ့ ဘာလို့နိဗ္ဗာန်မရောက် ရတာလဲ ?

#သောတာပန်အကြောင်းကိုစပြောမယ်ဆိုရင် သောတာပန် ဆိုတာရဲ့ အဓိပါယ်ကို အရင်ပြောရမှာပေါ့
သောတာပန် ဆိုတာ သောတာပန္န ဆိုတဲ့ ပါဠိပုဒ်ကို မြန်မာမှုပြုထားတာပါ သောတာပန္နဆိုတာကတော့
သောတ နဲ့ အာပန္န ပုဒ်နှစ်ခုကို ပေါင်းစပ်ထားတာပါ .ဂင်္ဂွါ မြစ်ရေသည် သမုဒ္ဒရာထဲ ရောက်သည်ထိ ... မနားတမ်း တသွင်သွင် စီးဆင်သကဲ့သို့ ... နိဗ္ဗာန်သို့ရောက်သည့်တိုင် တသွင်သွင်စီးဆင်းခြင်း လို့ အဓိပါယ်ရမယ်ထင်ပါတယ်
ဘယ်လိုလူပုဂ္ဂိုလ် မျိုးတွေက သောတာပန်ဖြစ်အောင် ကြိုးစားနိုင်လဲ ဆိုရင် ....လူပုဂ္ဂိုလ် ( ပုထုဇဉ် ) နှစ်မျိုးနှစ်စားရှိပါတယ်

( ၁ ) အန္ဓ ပုထုဇဉ်

ကံ ကံ၏ အကျိုးနဲ့ လောကရဲ့ ဖြစ်ခြင်း ပျက်ခြင်း သဘောတရားကို လုံး၀မသိသူ ... ဝေဖန် သုံးသပ်တတ်မှု ဥာဏ်မရှိသူ((ခန္ဓာ ၊ အယတန ၊ ဓာတ်၊ သစ္စာ ၊ ပဋိစ္စသမုပ္ပါဒ် သဘောတရားများကို သုတမယ ဥာဏ်ဖြင့်ပင် မသိသူ။))တရားနဲ့ပတ်သက်တာတွေ
ဖတ်ရင် တစ်ကြောင်းလောက်ဖတ်တာနဲ့ ရှည်လို့ ဆက်မကြည့်တော့တာ ... ဒါန သီလ ဘာ၀နာဆိုတာ ကိုမသိတာ ကိုယ်ချင်းမစာတတ်တာ အပျော်အပါးကို ခုံမင်လွန်းတာ ထင်ပေါ် ကျော်ကြားမှုကို တပ်မက်လွန်းတာ ရန်လိုမှု ကြီးတာ ...... ကိုယ့်မှာ ဒီလိုစိတ်တွေ ရှိနေပြီဆို ကျိန်းသေပါပြီ ....

(၂) ကလျာဏ ပုထုဇဉ်

ကံ ကံ၏ အကျိုးနဲ့ လောကရဲ့ ဖြစ်ခြင်း ပျက်ခြင်း သဘောတရားကို သိရှိသူ ... ဝေဖန် သုံးသပ်တတ်မှု
ဥာဏ်ရှိသူ (( ခန္ဓာ ၊ အယတန ၊ ဓာတ် ၊ သစ္စာ ၊ ပဋိစ္စသမုပ္ပါဒ် သဘောတရားများကို သုတမယ ဥာဏ်ဖြင့်် သိပြီး ၊ စိန္တာမယ ဥာဏ်ဖြင့်လည်း ဝေဖန်သုံးသပ် ဆင်ခြင်တွေးခေါ်နိုင်သော
ဥာဏ်ရှိသူ ))ဒီပုထုဇဉ် နှစ်မျိုးထဲကမှ ဒုတိယ
အမျိုးအစားက ကျင့်ကြံအားထုတ်ပြီး သောတပန် တည်နိုင် ပါတယ် ....

သောတာပန်
========
သောတာပန် ဆိုတာကတော့ ပထမမဂ်ဉာဏ်ရသော
ပုဂ္ဂိုလ်ကို ခေါ်တာပါ

သမ္မာဒိဋ္ဌိစသောမဂ္ဂင်ရှစ်ပါးမှ အခြေခံဖြစ်သော ရှေးဦးစွာ ဖြစ်ပေါ်လာသည့် သောတာပတ္တိမဂ် ကိုရရှိခြင်းကို ဆိုလိုတာပါ ...

`သဟာဝဿဒဿနသမ္ပဒါယ၊တယဿုဓမ္မာဇဟိတာဘ၀န္တိ။သက္ကာယဒိဋ္ဌိဝိစိကိစ္ဆိတဉ္စ၊သီလဗ္ဗတံဝါပိယဒတ္ထိကိဉ္စိ။´´ ( သောတာပန်ဖြစ်သည်နှင့် တပြိုင်နက်`သက္ကာယဒိဋ္ဌိ၊ဝိစိကိစ္ဆာ၊သီလဗ္ဗတပရာမာသ´ တရားသုံးပါးနှင့် ကိလေသာအချို့ကို
ပယ်ရှားအပ်ပြီး ဖြစ်၏ ) တဲ့ ...

သောတာပန်ပုဂ္ဂိုလ်များ ရရှိတော်မူပြီးတဲ့ သောတာပတ္တိမဂ်ဆိုတာကတော့

ကိလေသာဆယ်ပါး (( ၁။ လောဘ = တပ်မက်ခြင်း ။၂။ ဒေါသ = အမျက်ထွက်ခြင်း ။၃။ မောဟ = တွေဝေမိုက်မဲခြင်း ။၄။ မာန = ထောင်လွှားခြင်း ။၅။ မိစ္ဆာဒိဌိ = အယူမှားခြင်း ။၆။ ဝိစိကိစ္ဆာ =ယုံမှားခြင်း ။၇။ တိန = စိတ်ထိုင်းမှိုင်းခြင်း ။၈။ ဥဒ္ဓစ္စ = စိတ်ပျံ့လွင့်ခြင်း ။၉။ အဟိရိက = မကောင်းမှုမှ မရှက်ခြင်း ။
၁၀။ အနောတ္တပ္ပ = မကောင်းမှုမှ မထိတ်လန့်ခြင်း )) ထဲက ...

နံပါတ် ( ၅ ) ဒိဋ္ဌိ (အယူလွဲမှားမှု)နဲ့
နံပါတ် ( ၆ ) ဝိစိကိစ္ဆာ (ရတနာသုံးပါး ကံကံ၏အကျိုးတရားများအပေါ် ယုံမှားသံသယရှိမှု)
ဆိုတဲ့ ကိလေသာ နှစ်ပါးနဲ့ အပါယ်လားစေနိုင်တဲ့ အကုသိုလ်တရားတို့ကို အကြွင်းမဲ့ ပယ်သတ်ပြီးဖြစ်တဲ့အပြင်

သောတာပန်အင်္ဂါလေးပါး လို့ ခေါ်တဲ့

၁။ ဗုဒ္ဓေ အဝေစ္စ ပသာဒ သမန္နာဂတာ ... ဘုရားရှင်၌ မတုန်မလှုပ်ကြည်ညိုလေးစားခြင်း
၂။ ဓမ္မေ အဝေစ္စ ပသာဒ သမန္နာဂတာ ... တရားတော်၌ မတုန်မလှုပ်ကြည်ညိုလေးစားခြင်း
၃။ သံဃေ အဝေစ္စ ပသာဒ သမန္နာဂတာ ... သံဃာတော်၌ မတုန်မလှုပ်ကြည်ညိုလေးစားခြင်း
၄။ အရိယကန္တ သီလေဟိ သမန္နာဂတာ ... အရိယကန္တသီလ ( ငါးပါးသီလ ) တို့ကို စောင့်ထိန်းရာ၌ အသက်သေလျှင် သေပါစေ သီလ၌ ညစ်နွမ်းမှု မရှိစေရအောင် ပြည့်စုံစွာစောင့်ထိန်းခြင်း တို့ဖြစ်ပါတယ် ။ သောတာပန် ပုဂ္ဂိုလ်ဟာ ငါးပါးသီလ ခါး၀တ်ပုဆိုးလိုမြဲ ပါတယ်။

(မဟာ၀ဂ္ဂသံယုတ်ပါဠိတော်)

သောတာပန် နှစ်မျိုးရှိပါတယ်

(၁)စူဠသောတာပန်

ကံ ကံ၏ အကျိုးနဲ့ လောကရဲ့ ဖြစ်ခြင်း ပျက်ခြင်းသဘောတရားများကို သိရှိပြီး ဥာဏ်ဖြင့်လည်း ဝေဖန်သုံးသပ် ဆင်ခြင်တွေးခေါ်နိုင်ပြီး ဖြစ်မှု ၊ပျက်မှု သဘောတရား ကို မြင်သော ပုဂ္ဂိုလ်ကို စူဠ သောတာပန်လို့သတ်မှတ်ပါတယ်

( ခန္ဓာ ၊ အယတန ၊ ဓာတ် ၊ သစ္စာ ၊ ပဋိစ္စသမုပ္ပါဒ် သဘောတရားများကို သုတမယ ဥာဏ်ဖြင့်် သိပြီး ၊ စိန္တာမယ ဥာဏ်ဖြင့်လည်း ဝေဖန်သုံးသပ် ဆင်ခြင်တွေးခေါ်နိုင်သူ ... ဝိပဿနာ ရှု၍ ဥဒယ-ဘယ ဥာဏ် ကိုရောက်ရင် ကို အကျိုးများပါတယ် )

စူဠသောတာပန်တွေဟာ

တစ်ဘ၀ နှစ်ဘ၀ အပါယ်မလားပါဘူး ....
ညာတပရိဥာ ဆိုတဲ့ ဓမ္မကို အဓမ္မ ကို စဉ်းစားချင့်ချိန်နိုင်တဲ့ အသိတရားရှိပါတယ်
ဒါပေမယ့် တရားအားထုတ်မှုမှာတော့ ဒိဌိ မပြုတ်သေးတဲ့ ဒုဗ္ဗလ ( အားနည်းသော ဝိပသနာ ) အဆင့်ပဲရှိပါသေးတယ် ....

( ၂ ) မဟာသောတာပန်

ကံ ကံ၏ အကျိုးနဲ့ လောကရဲ့ ဖြစ်ခြင်း ပျက်ခြင်းသဘောတရားများကို သိရှိပြီး ဥာဏ်ဖြင့်လည်း ဝေဖန်သုံးသပ် ဆင်ခြင်တွေးခေါ်နိုင်ပြီး ဖြစ်မှု ၊ပျက်မှု သဘောတရား ကို မြင်ရုံသာမကဘဲ ၊

ဘာ၀နာမယဥာဏ်ဖြင့် ကြိမ်ဖန်များစွာ ကြိုးစားပွားများနေသောကြောင့် ခန္ဓာ(၅)ပါး ၊ ရုပ်နာမ် (၂) ပါး၏ ဖြစ်ပျက်ကို မြင်၊ ဖြစ်ပျက်ကို မုန်း ၊ ဖြစ်ပျက်၏ဒုက္ခ ချုပ်ငြိမ်းမှုကိုပါ မြင်သော ပုဂ္ဂိုလ် ကို ခေါ်တာပါ ...

ခန္ဓာ ၊ အာယတန ၊ ဓာတ် ၊ သစ္စာ ၊ ပဋိစ္စသမုပ္ပါဒ် သဘောတရားများကို သုတမယ ဥာဏ်ဖြင့်် သိပြီး ၊ စိန္တာမယ ဥာဏ်ဖြင့်လည်း ဝေဖန်သုံးသပ် ဆင်ခြင်တွေးခေါ်ရုံသာမကဘဲ ၊ ဘာ၀နာမယဥာဏ်ဖြင့် ကြိမ်ဖန်များစွာ ကြိုးစားပွားများသူ

သောတာပန် ပုဂ္ဂိုလ်ဟာ ရရှိတဲ့မဂ်ဖိုလ်ဉာဏ် အဆင့်အတန်းကိုလိုက်ပြီး သုံးမျိုးသုံးစား ကွဲပြားပါတယ်။ အဲဒီ သောတာပန် ပုဂ္ဂိုလ်သုံးမျိုးကတော့ ...

၁။ ဧကဗီဇသောတာပန်

ကာမဘုံ၌ တစ်ကြိမ်သာ ပဋိသန္ဓေနေပြီး ရဟန္တာဖြစ်မည့် ပုဂ္ဂိုလ်
လက်ရှိဘ၀ မှာ ကျင့်ကြံအားထုတ်ပြီး ရဟန္တာ အဖြစ်ကို ရောက်ရှိ စံ၀င်တော် မူ သူတွေပါ

၂။ ကောလံကောလသောတာပန်

ကာမဘုံ၌ နှစ်ကြိမ်မှ ခြောက်ကြိမ်အတွင်းသာ အမျိုးကောင်းတစ်မျိုးမှ အမျိုးကောင်းတစ်မျိုးသို့ ပြောင်းရွေ့ ပဋိသန္ဓေနေပြီး ရဟန္တာဖြစ်မည့် ပုဂ္ဂိုလ်

လက်ရှိဘ၀မှာ သောတမတ္တဥာဏ်ကို ရရှိပြီး ... ( ၂ ) ဘ၀ မှ ( ၆ ) ဘ၀ တိုင်တိုင်တိုင် ( လူ နတ် ဗြဟ္မာ ) စသော ဘုံစဉ် တစ်ဆင့်ပြီး တစ်ဆင့် တက်ပြီးနောက်ဆုံး စံ၀င်တော် မူသော ပုဂ္ဂိုလ်များပါ ( ဗိမ္ဗိသာရ ၊ ဝိသာခါ ၊ သိကြားမင်း ၊ အနာတပိဏ် ... စ သည် ... )

၃။ သတ္တက္ခတ္တုပရမသောတာပန်

ကာမဘုံ၌ ( ၇ ) ကြိမ်ပဋိသန္ဓေနေပြီး ရဟန္တာဖြစ်မည့် ပုဂ္ဂိုလ် တို့ဖြစ်ပါတယ်။

(မဟာ၀ဂ္ဂသံယုတ်၊ ပါ။ ၁၈၀)

ဘုရားရှင်စံ၀င်တော်မူပြီး နှစ်ပေါင်း ( ၂၀၀၀ ) နောက်ပိုင်း သောတာပန် အများစု ကတော့ နံပါတ် ( ၃ ) သတ္တက္ခတ္တုပရမသောတာပန် များပဲဖြစ်ပါတယ် ....

သောတာပန်ပုဂ္ဂိုလ်သည် ကိလေသာများ ကြွင်းကျန်သေး သော်လည်း အပါယ်လားကြောင်း မကောင်းမှု တို့ကို ပြုလုပ်ခြင်း မရှိသောကြောင့်
အဝိနိပါတဓမ္မော
အပါယ်သို့လားရခြင်းသဘောမရှိတော့။

နိယေတာ
မဂ်ဟူသောနိယာမဖြင့်မြဲသောသဘောရှိ၏။
သမ္ဗောဓိပရာယဏော
အထက်မဂ်သုံးပါးလျှင်လည်းလျောင်းရာရှိ၏။ အထက်မဂ်ကိုသာရဖို့ရှိ၏။ အောက်သို့ (လောကီ
စျာန်များ ကဲ့သို့) လျောကျရိုး ထုံးစံမရှိပါ ။
ဒါကြောင့် ယခင်ဘ၀က သောတာပန်ဖြစ်ပြီးသူသည် မဂ်၏ နိယာမ သဘော အရ မွေးကတည်း က သောတာပန် အဖြစ် မွေးလာ တဲ့ အတွက် ယခုဘ၀၌ မဂ်ဖိုလ် ရမည် မှန်လျှင် သကဒါဂါမိ
မဂ်ဖိုလ်ကို သာ ရဖို့အကြောင်းရှိပါတယ် သောတာ ပတ္တိ မဂ်ဖိုလ်ကို တဖန် ထပ်၍ရဖွယ်မရှိပါ ..
ထို့ကြောင့် မြတ်စွာဘုရား လက်ထက်က တရားတစ်ပုဒ် ဟောပြီး တိုင်း သောတာ ပန်ဖြစ်ကြသော ပုဂ္ဂိုလ်တို့တွင် ယခင်ဘ၀က သောတာပန်ဖြစ်ပြီး
သူများမပါ ပါ ။

#သောတာပန်(၂၄)မျိုး
သောတာပန်က တစ်မျိုးတည်းမဟုတ်ဘူး။
အမျိုးမျိုးရှိသေးတယ်။
သောတာပန်ဖြစ်အောင် ပါရမီဖြည့်ခဲ့မှု
ကျင့်ကြံအားထုတ်မှုတွေကို အကြောင်းပြုပြီးတော့
သောတာပန်က (၂၄)မျိုးကွဲပြားသွားတယ်။
ဘဝအပိုင်းအခြားအားဖြင့်(၃)မျိုး

ပြဋ္ဌာန်းသောဓုရအားဖြင့်( ၂)မျိုး

အကျင့်အားဖြင့်(၄)မျိုး၊

အားလုံးမြှောက်တော့(၂၄)မျိုးရှိတယ်။

နည်းနည်းအကျယ်ချဲ့ကြည့်ရအောင်
ဘဝအပိုင်းအခြားအားဖြင့်ကွဲပြားတဲ့သောတာပန်(၃)မျိုးက
(၁) လူ့ပြည်နဲ့နတ်ပြည်မှာ တစ်ဘဝသာဖြစ်ပြီး
နိဗ္ဗာန်ကိုဝင်စံမည့် ‘ဧကဗီဇသောတာပန်’

(၂) လူ့ပြည်နဲ့နတ်ပြည်မှာ နှစ်ဘဝမှ ခြောက်ဘဝအထိဖြစ်ပြီး
နိဗ္ဗာန်ကိုဝင်စံမည့် ‘ကောလံကောလသောတာပန်’

(၃) လူ့ပြည်နဲ့နတ်ပြည်မှာ ခုနစ်ဘဝဖြစ်ပြီး
နိဗ္ဗာန်ကိုဝင်စံမည့် ‘သတ္တက္ဓတ္တုပရမသောတာပန်’

ဗြဟ္မာပြည်ကို နတ်ပြည်ထဲမှာ ထည့်တွက်ရတယ်နော်။ ကျောင်းဒကာကြီး အနာထပိဏ်၊ ဝိသာခါ နဲ့ သိကြားမင်း
တို့လို ‘ဘုံစဉ်စံသောတာပန်’ ပုဂ္ဂိုလ်တွေကိုတော့ချွင်းချက်
အ‌နေနဲ့ထားခဲ့မယ်။

ပြဋ္ဌာန်းသောဓုရအားဖြင့် ကွဲပြားတဲ့ သောတာပန်(၂)မျိုးက •

(၁)ရတနာသုံးပါးကို ကြည်ညိုယုံကြည်ကာ သဒ္ဓါဓာတ်
ဦးဆောင်ပြီးသောတာပန်တည်တဲ့‘သဒ္ဓါဓုရသောတာပန်’

(၂)ပရမတ်ရုပ်နာမ်ကို ထိုးဖေါက်သိမြင်ကာ ပညာဓာတ်
ဦးဆောင်ပြီးသောတာပန်တည်တဲ့‘ပညာဓုရသောတာပန်’

အကျင့်အားဖြင့်ကွဲပြားတဲ့သောတာပန်(၄)မျိုးက

(၁) ဒုက္ခပဋိပဒါဒန္ဓာဘိညာ၊
အကျင့်ဆင်းရဲ တရားရနှေးတဲ့ သောတာပန်

(၂) ဒုက်ခပဋိပဒါခိပ်ပာဘိညာ၊
အကျင့်ဆင်းရဲ တရားရမြန်တဲ့ သောတာပန်

(၃) သုခပဋိပဒါဒန္ဓာဘိညာ၊
အကျင့်ချမ်းသာ တရားရနှေးတဲ့ သောတာပန်

(၄) သုခပဋိပဒါခိပ္ပါဘိညာ၊
အကျင့်ချမ်းသာ တရားရမြန်တဲ့သောတာပန်

(၂၄)မျိုးဘယ်လိုဖြစ်သွားတာလဲဆိုတာသိရအောင်
ပြန်ပေါင်းစပ်ကြည့်ရအောင်.

ဘဝအပိုင်းအခြားအားဖြင့်ကွဲပြားတဲ့ သောတာပန်(၃)မျိုးကို ဓုရအပိုင်းအခြားအားဖြင့်ခွဲခြားလိုက်ရင် • •

သဒ္ဓါဓုရသောတာပန်က(၃)မျိုး

ပညာဓုရသောတာပန်က(၃)မျိုးဖြစ်မယ်။

အဲဒီသောတာပန်(၆)မျိုးကို အကျင့်အားဖြင့်ထပ်ခွဲလိုက်တော့

အကျင့်ဆင်းရဲတရားရနှေးတဲ့ သောတာပန်(၆)မျိုး၊

အကျင့်ဆင်းရဲတရားရမြန်တဲ့ သောတာပန်(၆)မျိုး၊

အကျင့်ချမ်းသာတရားရနှေးတဲ့ သောတာပန်(၆)မျိုး၊

အကျင့်ချမ်းသာတရားရမြန်တဲ့ သောတာပန်(၆)မျိုး၊

အားလုံးပေါင်းတော့(၂၄)မျိုး။ ဒီလိုကွဲပြားသွားတာ။

သကဒါဂါမ်၊အနာဂါမ်၊ရဟန္တာဖြစ်ကြသောပုဂ္ဂိုလ်တို့တွင်
ကားပါနိုင်ပါသည်။
ယခင်ဘ၀က သောတာပန်ဖြစ်ပြီးသူသည်ယခုဘ၀၌
မိမိ၏ သောတာပန် အဖြစ်ကို မသိသော်လည်း မဂ်၏မပြောင်းမလဲ တည်မြဲသော နိယာမသဘောအရ အရိယကန္တသီလ ( ငါးပါးသီလ ) ကိုညစ်နွမ်းမှု မရှိစေရအောင် ပြည့်စုံစွာစောင့်ထိန်းနေတတ်ကြပါတယ် ...

ယခုဘ၀၌ ဘုရားတရားသံဃာ ဟူသော ရတနာသုံးပါးထင်ရှားရှိလျှင် ဘာသာခြား ၌ မွေးသော် လည်း အရွယ်ရောက်သောအခါ ရတနာသုံးပါးကိုသာ ယုံကြည် ကိုးကွယ်ရာ၏။

မိမိ၏သဘောဆန္ဒအရသော်လည်းကောင်း၊ သူတစ်ပါး၏ တိုက်တွန်း ချက်ကြောင့် သော် လည်းကောင်း ပါဏာတိပါတစသော အမှုတို့ကို မပြုလုပ်တော့။

သောတာပန်အဖြစ် မွေးဖွားလာသောပုဂ္ဂိုလ်၌အခြား သိသာသောအချက်များကတော့ ...

သမ္မာအာဇီ၀ နည်းဖြင့်သာ စီးပွားရှာခြင်း၊ သူတစ်ပါးကြီးပွားချမ်းသာသည်ကို မနာလိုငြူစူသော
ဣဿာ၊ မိမိစီးပွား မိမိရပိုင်ခွင့် များကို နှမြောတွန့်တိုသော မစ္ဆရိယများမရှိခြင်း၊

အဂတိလေးပါးမလိုက်စားခြင်း၊ ဘုရားရှင်ကိုအကြောင်းပြု၍ ဒေါမနဿ မဖြစ်ခြင်း၊ လွန်ကျူးမိသော အပြစ်များကို ဖုံးကွယ်ထားမှု မရှိခြင်း စသည်တို့ ဖြစ်၏။

(ယခုခေတ် ရိပ်သာ အမည်ခံဌာန အချို့မှ အလွယ်တကူ သောတာပန်ဖြစ်လာသူများကိုလည်း အထက်ပါ အချက်များဖြင့် တိုက်ဆိုင်ကြည့်နိုင်ပါသည်။)

ပုဂ္ဂိုလ် တစ်ယောက်ကို သောတာပန် စစ် မစစ် ဘယ်လိုစစ်မလဲတဲ့ .

ယ္ခုခေတ် သောတာပန်များကိုတော့ အပေါ်ကနည်းအတိုင်းစစ်ပါ....

တစ်ကယ့်သောတာပန် တည်တော်မူ သူ တွေ ကိုတော့
သောတာပန် ဖြစ်မဖြစ် ငါးပါးသီလလုံခြုံတာနဲ့ စစ်လို့မရပါဘူး။
ပုထုဇဉ်ပုဂ္ဂိုလ်တွေထဲမှာလည်း ငါးပါးသီလလုံခြုံတဲ့ သူတွေရှိပါတယ်။

ဒါပေမယ့် ပုထုဇဉ်ပုဂ္ဂိုလ်တွေဟာ သဒ္ဓါတရား မခိုင်မြဲသေးတဲ့အတွက် ငါးပါးသီလကို အသက်နဲ့လဲပြီး လုံခြုံအောင်စောင့်ထိန်းဖို့က မလွယ်ပါဘူး။
သောတာပန်ပုဂ္ဂိုလ်ကတော့ သဒ္ဓါတရားခိုင်မြဲသွားပြီဖြစ်တဲ့အတွက် အသက်သာအသေခံမယ် သီလတော့ အပျက်မခံပါဘူး။
ဒီအချက်ကို ကြည့်ရင်လည်း သောတာပန်ဖြစ်မဖြစ် သိနိုင်ပါတယ်။
နောက် တစ်ခုက မဂ်စစ်မစစ် ဖိုလ်နဲ့စစ်ဆိုတာကိုပါ
အဲဒါက ပိဋကတ် စာပေတွေမှာ ဆိုလေ့ရှိပါတယ် ....
မဂ်၊ ဖိုလ်၊ နိဗ္ဗာန်ဆိုတာ မဂ်ပေါက် ဖိုလ်၀င် နိဗ္ဗာန်၀င်တဲ့
မဂ်ရပြီဆိုတာနဲ့ ဖိုလ်လည်း တစ်ခါတည်းနောက်က ရလာပါတယ် ...
မဂ်ဖိုလ်ရပြီဆိုရင် နိဗ္ဗာန်လည်း ရပြီပေါ့။

တရားအားထုတ်တဲ့ ပုဂ္ဂိုလ်ဟာ အားထုတ်စဉ်ကာလ
မှာ မဂ်အစစ်ကို မရခင် မဂ်အတုလို့ခေါ်တဲ့ သြဘာသ၊ ပီတိ ပဿ ဒ္ဓိ (အရောင်အလင်း၊ ငြိမ်းချမ်းမှုပီတိ) စတဲ့ အရသာတွေကို ခံစားရတတ်ပါတယ်။
ဒီဟာတွေကို ကျော်လွန်သွားအောင် တရားအားထုတ်နိုင်မှသာ စစ်မှန်တဲ့သောတာပတ္တိမဂ် ကို ရနိုင်ပါတယ်။ အချို့ယောဂီများဟာ မဂ်အတုလို့ခေါ်တဲ့့ အရောင်အလင်းပီတိစတာတွေကို ခံစားပြီး မိမိကိုယ်ကို သောတာ ပန် ဖြစ်ပြီလို့ ထင်သွားတတ်တာတွေလည်း ရှိပါတယ်။

နောက်တစ်ခုက တစ်ချို့ယောဂီများကျတော့ ... တရားအားထုတ်နေစဉ် နှလုံးသွင်းမှားပြီး တစ်ယောက်ယောက် စကားလာပြောနေသံကြားတာ ... မျက်စိထဲ အနိဌာရုံတွေ မြင်တတ် တာ ဖြစ်တတ် ပါတယ် ... ဒါကို နှလုံးသွင်းမှားလို့ဖောက်ပြန်သွားတာလို့ခေါ်ပါတယ်
ပြောလိုတာက စစ်မှန်တဲ့ သောတာပတ္တိမဂ်ကို ရပြီဆိုရင် ဖိုလ်နဲ့ စစ်စရာမလိုတော့ပါဘူး။ ဖိုလ်လည်း နောက်ကလိုက်ပြီး ရသွားပါပြီ။

တကယ်တော့ တရားတကယ်အားထုတ်တဲ့ ပုဂ္ဂိုလ်ဟာ ကိုယ်ဘယ်အဆင့် ရောက်တယ်ဆိုတာ သိပါတယ်။ တကယ်လက်တွေ့ တရားအားထုတ်ဖြစ်ဖို့ပဲ လိုပါတယ်။
တရားအားထုတ်ရင်းနဲ့ ကိုယ်ရရှိတဲ့ ဉာဏ်တွေကိုလည်း သိလာနိုင်ပါတယ်။

သူတစ်ပါးသောတာပန် ဖြစ်မဖြစ် သိချင်တယ် ဆိုပြီး စပ်စုတာက သဘာ၀မကျပါဘူး ... သိချင်တယ်ဆို ..
သိလောက်တဲ့ ရင့်သန်မှု ရအောင်ကိုယ်တိုင်ကြိုးစာရပါ
မယ် သူတပါးကို သိဖို့ထက်ကိုယ့်ကိုယ်ကို သိဖို့ပိုပြီးလိုအပ်ပါတယ်။
ကိုယ့်ကိုယ်ကိုသိဖို့အတွက် ကိုယ်ကိုယ်တိုင် အားထုတ်ကြည့်ဖို့လည်း လိုအပ်ပါတယ်။
ကိုယ်တိုင်က တကယ်အားမထုတ်ဖြစ်ဘဲနဲ့တော့ သူတစ်ပါးသောတာပန် ဖြစ်မဖြစ်၊ ဘယ်ဉာဏ်ကို ရမရ ဆိုတာ သေချာပေါက် မပြောနိုင်ပါဘူး။ သိလည်း မသိနိုင်ပါဘူး။

ကျမ်းကိုးများ ....
အရှင်ကောဝိဒ ( ယောဆရာတော် ) ... သောတပန်ပြသနာ
ကာမာနံမာ ဒိနပဋိသံယုတ်တကထာ
မနာပဒါယီ အရှင်ဝိစိတ္တ(ဒိုက်ဦး)
မဟာ၀ဂ္ဂသံယုတ်
ဆရာတော်ဒေါက်တာနန္ဒမာလာဘိဝံသ ( သောတာပန်တို့နေ့စဉ်ဘဝနေထိုင်ကြပုံ )

01/07/2022

#ငရဲဆိုတာရှိပါသလား

မေး
*********
"ငရဲဆိုတာ ရှိပါသလား။မြေကြီးအောက်မှာရှိပါသလား။အထောက်အထား ပြပေးပါဘုရား။

မစိုးမိုးသူ၊ဒုတိယနှစ်၊အင်္ဂလိပ်စာ၊ရန်ကုန်တက္ကသိုလ်

ဖြေ
*********
ငရဲဆိုတာရှိပါသလားတဲ့။အင်း-----ခက်တာပဲ။
သွားချင်တယ်နဲ့တူတယ်။ဖြေပေးလိုက်ဦးမှ။ငရဲဆိုတာ
ရှိပါတယ်။ဟုတ်ပါတယ်။မြေကြီးအောက်မှာရှိပါတယ်
ဘယ်လောက်အဝေးမှာ ရှိသလဲဆိုတော့ မြေကြီးအောက် ယူဇနာ တသောင်းငါးထောင် အနက်မှာ ရှိတယ်လို့ လောကပညတ္တိကျမ်းက ဆိုပါတယ်။ ဘုရား
ဟောပါဠိတော်နဲ့ အဖွင့် အဌကထာကျမ်းများမှာတော့
အကွာအဝေးအတိုင်းအတာကို မတွေ့ရပါဘူး။အထောက်အထားကတော့ မယုံရင် ကိုယ်တိုင်သွားကြည့်ပါ၊တွေ့ပါလိမ့်မယ် အဲဒီမှာ ပျော်ရင်လဲ ပျော်သလောက် နေနိုင်ပါတယ်။
(စဉ်းစားစရာတွေ)ဒါလောက်ဖြေရင်ပဲ သင့်လောက်ပြီ ထင်ပါတယ်။သို့သော်လည်း စဉ်းစားစရာတွေ နည်း
နည်းပြောချင်ပါသေးတယ်။ သိပ္ပံပညာရှင်များရဲ့ သုတေသန ပြုချက်အရ ကမ္ဘာလုံးကြီးဟာ အကြမ်းဖျင်းအားဖြင့် အပြင်ဆုံးအထပ် မြေထုက မိုင်
၂၀၀ ခန့်၊သူ့အောက်က သတ္တုရိုင်းထုက မိုင် ၃၀ ခန့်၊
အဲဒီအောက် သတ္တုရည်ထုက မိုင် ၂၀၀၀ ခန့်၊ အတွင်း
အကျဆုံး ဗဟိုဝတ်ဆံအပိုင်းက အချင်းအိုင် ၄၀၀၀ ခန့် ရှိတယ်လို့ ဆိုပါတယ်။

#မြေကြီးအောက်မှာနေထက်ပိုပူတယ်

ကမ္ဘာကြီးရဲ့ ဗဟိုဝတ်ဆံပိုင်းဟာ နေမျက်နှာပြင်အပူထက် စင်တီဂရိတ်ဒီဂရီ ၁၀၀၀ ခန့် ပိုပြီးပူတယ် လို့ဆိုပါတယ်။ကမ္ဘာ့ဗဟိုဝတ်ဆံရဲ့ အပူဒီဂရီဟာ အလယ်ဗဟိုချက်မှာ ၆၆၀၀ ဒီဂရီစင်တီဂရိတ် ရှိပြီး
အပေါ်ယံ အနားပိုင်းမှာ ၄၅၀၀ ဒီဂရီ စင်တီဂရိတ်
ရှိကြောင်းသိရပါတယ်။ဘယ်လောက်ပူလဲဆိုတာ စဉ်းစားကြည့်ပါ။အခု ဘုန်းကြီးတို့ နွေအခါမှာ အပူ
ဒီဂရီ ၄၀ စင်တီဂရိတ်(၁၀၄ ဖာရင်ဟိုက်)လောက် ရှိရင်ပဲ ပူလှချည့် လောင်လှချည့်နဲ့ ညည်းနေကြပြီ
မဟုတ်လား။ဒီဂရီ ၆၆၀၀ စင်တီဂရိတ် အပူဆိုရင်
ဘယ်လိုနေမလဲ။ပြာကျရုံပဲ ရှိတော့တယ်။ အဲဒါ ငရဲပဲလို့ဆိုရင် မလွန်တန်ကောင်းပါဘူး။

#ငရဲမီးရဲ့အပူဒီဂရီ
ရှေးကမထေရ်တပါး တန်ခိုးနဲ့ ငရဲမီးကိုယူပြီး ဘယ်လောက်ပူတယ်ဆိုတာ ပြဖူးပါတယ်။ ကမ္ဘာ့ဗဟို
ဝတ်ဆံအပူနဲ့ ယှဉ်ကြည့်ဖို့ နည်းနည်းပြောချင်ပါတယ်
ဖြစ်ရပ်က ဒီလိုပါ။ မုဆိုးတယောက် ရဟန်းဝတ် တရားအားထုတ်တော့ စိတ်တွေမတည်ငြိမ်သေးမှီမှာစိတ်ထဲမယ် ကျော့ကွင်းတွေ ထောင်ချောက်တွေ သားကောင် ငှက်ကောင်တွေပဲ မြင်မြင်နေတော့
စိတ်တွေ ပူလောင်လာတယ်။

ဒါနဲ့ တရားမရတော့ဘူး။လူထွက်ပါတော့မယ်ဆိုပြီး
စူဠပိဏ္ဍပါတိက မထေရ်ကို လျှောက်တော့ မထေရ်က
ကိုရင်တွေကို သစ်ပင်‌တွေ အခုတ်ခိုင်းပြီး အဲဒီ သစ်သားအစိုတွေကို ထင်းပုံအကြီးကြီးဖြစ်အောင်
စုပုံစေတယ်။ ပြီးတော့ မီးအရှို့ခိုင်းတယ်။ရှို့လို့မရဘူး
ထင်းစိုတွေ ဆိုတော့ မီးကမလောင်ဘူးပေါ့။အဲဒီအခါကျမှ မထေရ်က အဝီစိငရဲက ပိုးစုန်းကြူးလောက်ရှိတဲ့ငရဲမီးလေးကို တန်ခိုးနဲ့ယူပြီး ထင်းပုံပေါ်ချလိုက်တယ်
ငရဲမီးချလိုက်တာနဲ့ ထင်းစိုပုံဟာ ချက်ချင်းပြာကျသွားတယ်။ အဲဒီ ငရဲမီး အပူ ဒီဂရီ ဘယ်လောက်ရှိမလဲ
၆၆၀၀ စင်တီဂရိတ်ထက်တော့ နည်းမှာ မဟုတ်ဘူး။
ပြီးတော့ မထေရ်က လူထွက်ချင်တဲ့ရဟန်းကို"ကဲ ကြည့်ပေတော့၊သင်လူထွက်ပြီးသေရင် အဝီစိမှာ အဲဒီ
မီးစာဖြစ်မှာပဲ"လို့ ပြောတော့မှ မုဆိုးလူထွက် ရဟန်း
ကြောက်လန့်သွားပြီး တရားအားထုတ်တော့ ပထမ
အနာဂါမ်၊နောက် ရဟန္တာ ဖြစ်သွားတယ်။

( မြေအောက်အပူ မြေပေါ်ယူ )
ကမ္ဘာမြေကြီးအောက် မမှန်းဆနိုင်လောက်အောင်
အပူဒီဂရီများလှတဲ့ အပူဓါတ်ကြီး ရှိနေတယ်ဆိုတာ
ဘုန်းကြီးတို့လို သာမန်ပုဂ္ဂိုလ်တွေကတော့ မီးတောင်တွေ ပေါက်ကွဲတာတို့၊ မီးတောင်ကထွက်တဲ့ ချော်ရည်
ပူတို့၊ မြေအောက်ကထွက်တဲ့ ရေပူစမ်းတို့ကို ကြည့်ပြီး
သိရပါတယ်။သိပ္ပံပညာရှင်များကတော့ မြေအောက်
ပေသုံးသောင်းအထိ တွင်းတူး ပိုက်ချပြီး မြေအောက်အပူ စွမ်းအားကို မြေပေါ်ရောက်အောင် ထုတ်ယူကြပါတယ်။ အဲဒီ အပူစွမ်းအားနဲ့ အေးလွန်းတဲ့ ဒေသတွေမှာ
အိမ်တွေကို အပူပေးကြတယ်။အဲဒီအပူငွေ့နဲ့ တာဘိုင်ကို လည်စေပြီး လျှပ်စစ် ဓာတ်အားထုတ်ယူ အသုံးပြုကြပါတယ်။

(ငရဲမီး နဖားကြိုးတပ်) မြောက်အအေးပိုင်းဇုန်မှာရှိတဲ့
အိုက်စလန်ကျွန်းမှာ အဆောက်အအုံ ၄၀ ရာနူန်းကို မြေအောက်ကရတဲ့ အပူငွေ့နဲ့ အပူပေးကြောင်း သိရပါတယ်။ အီတလီပြည်မှာ ၁၉၀၄ ခုနှစ်ကတည်းက မြေ
အောက်အပူအား လျှပ်စစ်စက်ရုံ တည်ဆောက်ပြီး
အပူစွမ်းအင် ထုတ်ယူ သုံးစွဲလာခဲ့ပါတယ်။ အီတလီ
တပြည်လုံးမှာရှိတဲ့ လျှပ်စစ်ရထားတွေ သုံးတဲ့ လျှပ်စစ်အားရဲ့ ၅၀ ရာနူန်းကို အဲဒီ မြေအောက်အပူအား လျှပ်စစ်စက်ရုံတွေက ရရှိပါတယ်။အမေရိကန်၊
ဂျပန်၊ဖိလစ်ပိုင်၊မက္ကဆီကို၊နီကာရာဂွား၊နယူဇီလန် နိုင်ငံတွေမှာလဲ အဲဒီလို စက်ရုံတွေ ရှိပါတယ်။ကမ္ဘာပေါ်မှာ နိုင်ငံပေါင်း ၁၄၂ နိုင်ငံမှာ မြေအောက်အပူအားကို
စီးပွားဖြစ် ထုတ်ယူနိုင်ကြောင်း လေ့လာ တွေ့ရှိရပါတယ်လို့ ဆိုပါတယ်။ ငရဲမီးကို နဖားကြိုးတပ်ပြီး လူ့အကျိုးကို သယ်ပိုးစေကြမှာနဲ့ တူပါတယ်။

မြေကြီးအောက် ပေ ၃၀၀၀၀ ဆိုတာ ကမ္ဘာမြေကြီးရဲ့
အပြင်ဆုံးအထပ် မြေထုရဲ့ အပေါ်ယံလွှာ ၅ မိုင်ကျော်ကျော်ပဲ ရှိပါသေးတယ်။အဲဒီ မြေထုကိုက မိုင် ၂၀၀ ထူနေတော့ အဲဒီထက် အတွင်းပိုင်းကျပြီး အပူ ဒီဂရီ ပိုပိုပူလာတဲ့ သတ္တုရိုင်းအထပ်၊သတ္တုရည်အထပ်၊ဗဟိုဝတ်ဆံအထပ်တွေရဲ့ အပူကိုခန့်မှန်းကြည့်လို့ရပါတယ်


သတ္တဝါမှန်သမျှ၊ဘေးမခ၊အေးမြချမ်းသာ ရှိပါစေ