OSC Mawlamyine Diocese

OSC Mawlamyine Diocese Thy will be done. Matthew 6:10

24/08/2026

Monday 24 August 2026
သြဂုတ်လ ၂၄ ရက်နေ့၊ ၂၀၂၆၊ တနင်္လာနေ့၊ သာမန်ကာလ ၂၁ ပတ်မြောက်
Saint Bartholomew, Apostle - Feast

(ယောဟန် 1:45-51, ကက်သလစ်သမ္မာကျမ်းစာ CBCM)
“45. ဖိလိပုသည် နာသာနာအဲလ်ကိုတွေ့လျှင် ပညတ်တရားကျမ်းနှင့် ပရောဖက်ကျမ်းတို့တွင် မိုးဇက်ရည်ညွန်းရေးသားခဲ့သော သူဖြစ်သည့် ဂျိုးဇက်၏သား၊ နာဇရက်မြို့သားယေဇူးကို ငါတို့တွေ့ခဲ့ကြပြီဟုဆို၏။
- 46. နာသာနာအဲလ်ကလည်း နာဇရက်မြို့မှကောင်းသော အရာတစ်စုံတစ်ခုပေါ် ထွက်လာနိုင်သလောဟု သူ့အားမေးလျှင် ဖိလိပုက လာ၍ကြည့်လော့ဟု ဆိုလေ၏။
- 47. ယေဇူးသည် မိမိထံသို့ နာသာနာအဲလ် လာနေသည်ကိုမြင်လျှင် ကောက်ကျစ်စဉ်းလဲခြင်းနှင့်ကင်းသော အစ္စရာအဲလ် အမျိုးသားစင်စစ် ကို ကြည့်ကြလော့ဟု သူ့အား ရည်ညွန်း၍ မိန့်တော်မူ၏။
- 48. နာသာနာအဲလ်ကလည်း ကိုယ်တော်သည် အကျွန်ုပ်ကို မည်ကဲ့သို့ သိတော်မူပါသနည်းဟု မေးလျှောက်လျှင် ယေဇူးက သင့်အား ဖိလိပုမခေါ်မီ သင်သည် တည်ပင်အောက်၌ ရှိနေစဉ်ကပင် သင့်ကို ငါမြင်သည်ဟု သူ့အား ပြန်ပြောတော်မူ၏။
- 49. နာသာနာအဲလ်က ရာဘီ၊ ကိုယ်တော်သည် ဘုရားသခင်၏သားတော် ဖြစ်တော်မူပါသည်။ ကိုယ်တော်သည် အစ္စရာအဲလ် လူမျိုးတို့၏ဘုရင်လည်း ဖြစ်တော်မူပါသည်ဟု လျှောက်လေ၏။
- 50. ယေဇူးကလည်း သင့်ကို တည်ပင်အောက်၌ မြင်ရသည်ဟု သင့်အား ငါပြောသောကြောင့် သင်ယုံကြည်သလော။ ယခု ထက်ပို၍ ကြီးမြတ်သောအရာတို့ကို သင်မြင်ရလိမ့်မည်ဟု သူ့အား မိန့်တော်မူ၏။
- 51. ထို့နောက် ကိုယ်တော်က သင်တို့အား ငါအမှန်ဆိုသည်ကား ကောင်းကင်ပွင့်နေသည်ကိုလည်းကောင်း၊ လူသား၏အပေါ် ၌ ဘုရားသခင်၏ ကောင်းကင်တမန်တော်များ ဆင်းလျက် တက်လျက် ရှိနေကြသည်ကိုလည်းကောင်း သင်တို့မြင်ကြရလိမ့် မည်ဟု သူ့အား မိန့်တော်မူ၏။”
==========

ထောက်ရှုချက်

🙏🙏- ဘုရားသခင်ကို ကိုယ်တိုင်ထိတွေ့ သိမြင်ယုံကြည်လာခြင်း

👨‍⚕️- နာသာနာအဲလ်က
♥ " ရာဘီ၊ ကိုယ်တော်သည်
ဘုရားသခင်၏သားတော် ဖြစ်တော်မူပါသည်။
ကိုယ်တော်သည် အစ္စရာအဲလ်လူမျိုးတို့၏
ဘုရင်လည်း ဖြစ်တော်မူပါသည်"။
(ယောဟန် 1:49)

- နာသာနာအဲက ဖိလိပုပြောတာကိုမယုံခဲ့ပါဘူး၊
ယေဇူးသခင်ကို ကိုယ်တိုင်တွေ့ဆုံခွင့်၊
ထိတွေ့ခံစားခွင့် ရတဲ့အခါမှသာ
သိမြင်ယုံကြည်လာခဲ့ပါတယ်။

👉- ဖိလိပုရဲ့ လုပ်နေတဲ့အလုပ်က
ကျွန်ုပ်တို့ဘုန်းတော်ကြီးတွေတရားဟောတာနဲ့
နှိုင်းယှဥ်နိုင်ပါတယ်။
- ဖိလိပုဟာ ယေဇူးသခင်ကို
ကိုယ်တိုင်ထိတွေ့ ခွင့်ရရှိခဲ့ပြီးသိမြင်လာခဲ့ပါတယ်။
သို့သော် -
- သူကိုယ်တိုင်ထိတွေ့သိမြင်ခဲ့တဲ့
ယေဇူးသခင်အကြောင်းကို
နာသာနာအဲလ်ကိုပြော့တဲ့အခါ
နာသာနာအဲလ်က မယုံခဲ့ပါဘူး။

- ဒီနေရာမှာ ကျွန်ုပ်တို့တရားဟောပုဂ္ဂိုလ်များနားလည်ရမှာက
ကျွန်ုပ်တို့ဘယ်လောက်နားလည်သိမြင်ပြီး
ဘယ်လောက်ပဲ အဟောအပြော ကောင်းကောင်း၊
တရားနားထောင်သူက မိမိတို့ကြားခဲ့ရတဲ့ဘုရားသခင်နဲ့
ထိတွေခံစားမှုမရနိုင်သေးဘူးဆိုတဲ့အချက်ပါပဲ။

- တရားဟောကောင်းသူရဲ့ဟောပြောမှုတွေကို
ကြားနာကြတဲ့အခါ တရားနားထောင်သူတွေ
ပထမထိတွေ့ခံစားသွားရမှာကတော့
ဟောပြောသူရဲ့အရည်အချင်းနဲ့
သူ့အားအထင်ကြီးလေးစားခြင်းပါပဲ။
- ယေဇူးသခင်ကိုထိတွေခံစားရတာ မဟုတ်သေးပါဘူး။

- ဆရာတော်ဖူတန်ဂျေရှင်းရဲ့
စကားလေးသဘောကျတယ်၊
" ပညာရှိက မိုးကောင်းကင်ကလမင်းကိုညွန်ပြတယ်၊
အရူးကညွန်ပြနေတဲ့လက်ညိုးကိုပဲမြင်တယ်" တဲ့။

- အချို့သောယုံကြည်သူများက နာမည်ကြီးသူ၊
တရားဟောကောင်းသူတွေရဲ့နောက်ကိုလိုက်ကြတယ်၊
ယေဇူးသခင်ကို ထိတွေသိမြင်လာလို့မဟုတ်ပါဘူး၊
ဟောပြောသောပုဂ္ဂိုလ်ကိုပဲ နှစ်သက်ချစ်ခင်သွားတဲ့အတွက်ဖြစ်ပါတယ်။

👉 - ဟောပြောသူများဟာ တရားနားထောင်သူများ
ယေဇူးခရစ်တော်ကိုထိတွေခံစားနိုင်ရအောင်
ဘာလုပ်ဖို့လိုမလဲ။

- ဖိလိပုရဲ့ လုပ်ဆောင်ချက်ကိုပဲအတုယူရပါလိမ့်မယ်။
👨‍💼- ဖိလိပုက "လာ၍ကြည့်လော့" ဟု ဆိုလေ၏။
(ယောဟန် 1:46)

- ဖိလိပုက နာသာနာအဲလ်ကို ယေဇူးခရစ်တော်ဆီကို
ရောက်အောင်ခေါ်သွားနိုင်ခဲ့ပါတယ်။
- နာသာနာအဲလ်ကလည်း ယေဇူးခရစ်တော်ကို
ကိုယ်တိုင်တွေဆုံစကားပြောခွင့်ရရှိခဲ့ပြီး
သိမြင်ယုံကြည်ခွင့်ရရှိသွားခဲ့ပါတယ်။

👨- နာသာနာအဲလ် ပြောခဲ့တဲ့နောက်ဆုံးစကားလေးကတော့
♥ "ရာဘီ၊ ကိုယ်တော်သည်
ဘုရားသခင်၏သားတော် ဖြစ်တော်မူပါသည်။
ကိုယ်တော်သည် အစ္စရာအဲလ်လူမျိုးတို့၏ဘုရင်လည်း
ဖြစ်တော်မူပါသည်။" ဟူ၍ဖြစ်ပါတယ်။

- ဖိလိပုလုပ်ဆောင်ခဲ့တဲ့ အလုပ်ဟာ
ဧဝံဂေလိ တရားဟောသူတိုင်း
လုပ်ဆောင်ရမည့်အလုပ်ဖြစ်ပါတယ်။

- မိမိနာမည်ကြီးလာဖို့၊ မိမိနောက်ကိုလူတွေလိုက်လာဖို့၊
မိမိအကျိုးအတွက်ဟောပြောရမှာမဟုတ်ပဲ၊
- ယုံကြည်သူတွေခရစ်တော်ကိုတွေမြင်ပြီး၊
ခရစ်တော်နောက်သို့ လိုက်ကြဖို့သာ ဟောပြောကြရမှာဖြစ်ပါတယ်။

* ကျွန်ုပ်တို့ သမ္မာကျမ်းစာ တမန်တော်လုပ်ငန်းမှာ
ကျမ်းစာဝေမျှခြင်းတွေလုပ်ပေးနေတဲ့အကြောင်းကတော့
ယေဇူးသခင်ကို ကိုယ်တိုင်ထိတွေခံစားနိုင်ဖို့ပဲဖြစ်ပါတယ်။
- ဖိလိပုလုပ်ခဲ့တဲ့ နုတ်ကပတ်တော်ဟောပြောပုံအတိုင်းပါပဲ။

- ကိုယ်တိုင်ဟောပြောပေးသလို
ယုံကြည်သူများကိုယ်တိုင်လည်းထိတွေခံစားနိုင်ဖို့
ကူညီပေးနေတာဖြစ်ပါတယ်။

၁) တရားဟောပုဂ္ဂိုလ်များသည်
ယုံကြည့သူများအားယေဇူးသခင်ထံရောက်အောင်
ခေါ်ဆောင်သွားနိုင်ပါရဲ့လား။
၂) ယုံကြည်သူများသည်လည်း တရားနာတာနဲ့ကျေနပ်နေပြီး
မိမိကိုယ်တိုင်ယေဇူးသခင်နဲ့ ဆုံတွေ့
သိမြင်ယုံကြည်လာဖို့ ကြိုးစားပါရဲ့လား။
၃) "ကိုယ်တော်သည် ဘုရားသခင်၏သားတော်
ဖြစ်တော်မူပါသည်" လို့ ကျွန်ုပ်၏
နှလုံးသားထဲမှခံစားပြီးပြောနိုင်ပါပြီလား။

22/08/2026

Sunday 23 August 2026, 21st Sunday of the year
သြဂုတ်လ ၂၃ ရက်နေ့၊ ၂၀၂၆၊ တနင်္ဂနွေနေ့၊ သာမန်ကာလ ၂၁ ပတ်မြောက်

(ဟေရှာယ 22:19-23, Judson)
“19. ငါသည်လည်း သင်၏ အရာကို နှုတ်မည်။ သင် ၏ နေရာမှ သင့်ကိုချမည်။
20. ထိုကာလ၌ ငါ့ကျွန်၊ ဟိလခိ၏ သားဧလျာကိမ် ကို ငါခေါ်၍၊
21. သင်၏ဝတ်လုံ နှင့် ဝတ်ဆင်စေမည်။ သင်၏ ခါးစည်းနှင့် ချီးမြှောက်၍၊ သင်၏ အစိုးရသော အခွင့်ကို အပ်ပြီးလျှင်၊ သူသည် ယေရုရှလင်မြို့သူ၊ ယုဒအမျိုးသား တို့၏ အဘဖြစ်လိမ့်မည်။
22. ဒါဝိဒ်မင်းမျိုး၏ တံခါးသော့ကိုသူ၏ ပခုံးပေါ်မှာ ငါတင်ထားသဖြင့်၊ သူသည် အဘယ်သူမျှမပိတ်နိုင် အောင် ဖွင့်လိမ့်မည်။ အဘယ်သူမျှ မဖွင့်နိုင်အောင် ပိတ် လိမ့်မည်။
23. မြဲသော အရပ်၌ စွဲသောတံစို့ကဲ့သို့ သူ့ကိုငါစွဲစေ မည်။ သူသည် မိမိအဘ၏ အိမ်၌ ကြက်သရေပလ္လင် ဖြစ်လိမ့်မည်။”
************

(ရောမ 11:33-36, ကက်သလစ်သမ္မာကျမ်းစာ CBCM)
“33. ဘုရားသခင်၏ဉာဏ်တော်နှင့် အသိပညာသည် အလွန်ကြွယ်၀၍ နက်နဲလှပါ၏။ ကိုယ်တော်၏ စီရင်တော်မူချက်တို့ကို မည်သူမျှစူးစမ်း၍ မတွေ့နိုင်။ ကိုယ်တော်၏ တရားလမ်းတော်တို့ကိုလည်း မည်သူမျှနားမလည်နိုင်ပါတကား။
- 34. မည်သူသည် ထာ၀ရဘုရားသခင်၏စိတ်အ ကြံစည်တော်ကိုသိနိုင်မည်နည်း။ မည်သူသည် ထာ၀ရ ဘုရားသခင်၏ အတိုင်ပင်ခံဖြစ်ဖူးသနည်း။
- 35. သို့တည်းမဟုတ် ကိုယ်တော်၏ ကျေးဇူးတုံ့ပြန်မှုကိုရစေရန် မည်သူ သည် ကိုယ်တော်ကို ကျေးဇူးပြုဖူးသနည်း။
- 36. အကြောင်းမူကား ခပ်သိမ်းသောအရာတို့သည် ကိုယ်တော့်ထံမှလည်းကောင်း၊ ကိုယ်တော်အားဖြင့်လည်းကောင်း၊ ကိုယ်တော့်အတွက်လည်းကောင်း ဖြစ်တည်လျက်ရှိကြ၏။ ကိုယ်တော်ရှင်အား ကာလအဆက်ဆက် ဘုန်းတော်ဂုဏ်တော် ရှိစေသတည်း။ အာမင်။”
************

(မာတေဦး 16:13-20, ကက်သလစ်သမ္မာကျမ်းစာ CBCM)
“13. ယေဇူးသည် ဆီဇားရိယ ဖိလိပိနယ်သို့ရောက် သောအခါ လူအပေါင်းတို့သည် လူသားကို မည်သူဖြစ် သည်ဟူ၍ ဆိုကြသနည်း ဟု သူ၏တပည့်တော်တို့အား မေးတော်မူ၏။
- 14. သူတို့ကလည်း လူအချို့က ကိုယ်တော် သည် ယောဟန်ဘတ္တိဇံ၊ အချို့က ဧလိယ၊ အချို့က ရေမိယ၊ သို့မဟုတ် ပရောဖက် တစ်ပါးပါးဖြစ်ကြောင်း ပြောဆိုကြပါသည်ဟု လျှောက်ကြ၏။
- 15. ကိုယ်တော်က လည်း သင်တို့မူကား ငါမည်သူဖြစ်သည်ဟူ၍ ဆိုကြ သနည်း ဟု သူတို့အား မေးတော်မူလျှင်၊
- 16. စီမွန်ပေတရုက ကိုယ်တော်သည် အသက်ရှင်တော်မူသည့်ဘုရားသခင် ၏သားတော်တည်းဟူသော ခရစ်တော်ဖြစ်ပါသည်ဟု လျှောက်လေ၏။
- 17. ယေဇူးကလည်း ယောန၏သား စီမွန်၊ သင်သည် မင်္ဂလာရှိ၏။ အကြောင်းမူကား ဤအရာကို သင့်အား အသွေးအသားက ဖော်ပြခြင်းမဟုတ်ဘဲ ကောင်းကင်ဘုံ၌ရှိတော်မူသော ငါ၏ခမည်းတော်က ဖော်ပြတော်မူခြင်းသာဖြစ်၏။
- 18. သင့်အား ငါဆိုသည်မှာ သင်သည် ပေတရုဖြစ်၏။ ဤကျောက်ပေါ်တွင် ငါ၏ အသင်းတော်ကို ငါတည်ဆောက်မည်။ ထိုအသင်းတော် ကို ငရဲ၏တံခါးတို့သည် မအောင်နိုင်ရာ။
- 19. ကောင်းကင်နိုင် ငံတော်၏သော့ကိုလည်း သင့်အား ငါပေးမည်။ ကမ္ဘာမြေ ပေါ်တွင် သင်ချည်နှောင်သမျှသည် ကောင်းကင်ဘုံ၌ ချည် နှောင်လျက်ရှိလိမ့်မည်။ ကမ္ဘာမြေပေါ်တွင် သင်ဖြေလွှတ် သမျှသည်လည်း ကောင်းကင်ဘုံ၌ဖြေလွှတ်လျက်ရှိလိမ့် မည်ဟု မိန့်တော်မူ၏။
- 20. ထို့နောက် ကိုယ်တော်က မိမိ သည် ခရစ်တော်ဖြစ်ကြောင်းကို မည်သူ့အားမျှမပြောရန် တပည့်တော်တို့အား ကြပ်တည်း စွာတားမြစ်တော်မူ၏။”
============

ထောက်ရှုချက်

" သင်တို့မူကား ငါမည်သူဖြစ်သည်ဟူ၍ ဆိုကြသနည်း။"
(မာတေဦး 16:15)

- ယေဇူးသခင်က ဒီနေ့
ကျွန်ုပ်တိုတစ်ဦးချင်းစီကိုမေးနေပါတယ်။
" သင့်အတွက် ငါကဘယ်သူလဲ" တဲ့။
- ကျွန်ုပ်တို့ဆီက ပြန်ပြောတဲ့အဖြေကို
ယေဇူးသခင်စောင့်မျှော်နေပါတယ်။

😘 - ဟေရှာယ 9:6 - မှာ
ယေဇူးသခင်ကိုရည်ညွန်း၍
ပရောဖက်ပြုခဲ့သောစကားကတော့ -

သူ၏ နာမတော်ကား
* အံ့ဩဘွယ်ကောင်းသောသူ။
* တိုင်ပင်ဖော်တိုင်ပင်ဘက်၊
* တန်ခိုးကြီးသောဘုရားသခင်၊
* ထာဝရအဘ၊
* ငြိမ်သက်ခြင်းအရှင် ဟူ၍ဖြစ်ပါတယ်။

👉 ဆာလံကျမ်းမှ ဘုရားသခင်အား
မိမိကိုယ်တိုင်ထိတွေခံစားသူများ၏
သက်သေခံချက်များ။

😘 ဆာလံကျမ်း 23:1
- ထာ၀ရဘုရားသခင်သည်
ငါ၏သိုးထိန်းဖြစ်တော်မူ၏။

😘 ဆာလံကျမ်း 7:17
- ထာ၀ရဘုရားသခင်သည်
ဖြောင့်မတ်တော်မူသောကြောင့်
ငါသည် ကိုယ်တော့်ကို ကျေးဇူးတင်ချီးမွမ်းမည်။

😘 ဆာလံကျမ်း 46:1
- ဘုရားသခင်သည် ငါတို့၏ခိုလှုံရာနှင့်
ခွန်အားဖြစ်တော်မူ၍ ဘေးဒုက္ခရောက်ချိန်၌
ကူညီမစရန် အဆင်သင့်ရှိတော်မူ၏။

😘 ဆာလံကျမ်း 73:26
- ကိုယ်တော်သည်
အကျွန်ုပ်စိတ်နှလုံး၏ ခွန်အားဖြစ်ပြီး
ကာလအဆက်ဆက် အကျွန်ုပ်၏
အမွေအနှစ်ဖြစ်တော်မူ၏။

😘 ဆာလံကျမ်း 91:2
- ထာ၀ရဘုရားသခင်သည် ငါ၏ခိုလှုံရာ၊
ငါ၏ရဲတိုက်၊ ငါယုံကြည်ကိုးစားသော
ဘုရားသခင်ဖြစ်တော်မူသည်။

👨‍👩‍👦‍👦- ယေဇူးသခင်ခေါတ်မှလူတွေက
သူ့နှင့်ပက်သက်ပြီးထင်မြင်ယူဆချက်များ။
- အချို့က ယောဟန်ဘတ္တိဇံ၊
- အချို့က ဧလိယ၊
- အချို့က ဂျေရေမိယ၊ သို့မဟုတ်
- ပရောဖက် တစ်ပါးပါးဖြစ်တယ်တဲ့။

👩‍🚀 စီမွန်ပေတရုကတော့
"ကိုယ်တော်သည် အသက်ရှင်တော်မူသည့်
ဘုရားသခင်၏သားတော်တည်းဟူသော
ခရစ်တော်ဖြစ်ပါသည်" ဟု
ပြန်လျှောက်တင် နိုင်ခဲ့ပါတယ်။

- ယေဇူးသခင်က
ပေထရုရဲ့အဖြေကိုအရမ်းပဲ သဘောကျခဲ့ပါတယ်။

👨 တပည့်တော်ကြီးသောမကတော့
သံသယတွေ လွန်မြောက်သွားတဲ့အခါ
- "အကျွန်ုပ်၏သခင်၊ အကျွန်ုပ်၏ဘုရား" ဟု
နုတ်မှဝန်ခံခဲ့ပါတယ်။

* ယေဇူးခရစ်တော်က
ကျွန်ုပ်တို့တစ်ဦးချင်းစီကို
နှလုံးသားထဲကနေ နက်နက်နဲနဲသိနေပါတယ်။
" ငါသည် ငါ၏သိုးတို့ကိုသိ၍... ။"
(ရှင်ယောဟန် 10:27)

👉 " ငါ၏သိုးတို့သည်လည်း ငါ့ကိုသိကြ၏။" (ယောဟန် 10:15)
- ယေဇူးသခင်ရဲ့နောက်လိုက်ဖြစ်တဲ့
ခရစ်ယန်နာမည်ယူထားကြသူများ
ယေဇူးသခင်ရဲ့သိုးစုထဲမှာပါဝင်ရဲ့လား။
သိုးစုထဲမှာမိမိဟာတကယ်ပါတယ်ဆိုရင်
မိမိရဲ့ သိုးထိမ်းကြီးကိုသိရမှာဖြစ်ပါတယ်။

* သူ့အား မိမိရဲ့ နှလုံးသားထဲကနေ
ခံစားသိနေတယ်ဆိုရင်
အထက်မှာရေးပေးထားတဲ့ ဆာလံရေးသူတွေလိုပဲ
ကိုယ်တော်ဟာဘယ်သူပါဆိုတာကို
အတိအကျပြောနိုင်ပါလိမ့်မယ်။

၁) ကျွန်ုပ်ယေဇူးသခင်ကိုသိပြီလား။
ကျွန်ုပ်အတွက်သူကဘယ်သူလဲ။
Who is personal Jesus for you?
၂) ကျမ်းစာကိုမသိခြင်းက
ယေဇူးသခင် ကိုမသိခြင်းဖြစ်တယ်တဲ့၊
ကျွန်ုပ်ကျမ်းစာကိုရောသိပြီလား။
၃) ပေထရုလိုအဖြေမျိုးပေးနိုင်ပြီလား။

21/08/2026

Friday 21 August 2026, week 20 of the year
သြဂုတ်လ ၂၁ ရက်နေ့၊ ၂၀၂၆၊ သောကြာနေ့၊ သာမန်ကာလ (၂၀) ကြိမ်မြောက် သီတင်းပတ်

(မာတေဦး 22: 34-40, ကက်သလစ်သမ္မာကျမ်းစာ CBCM)
“34. ယေဇူးသည် ဇာဒူခေးဦးတို့မချေပနိုင်အောင် ဤသို့ ဖြေကြားတော်မူသည်ကို ဖာရီဇေးဦးတို့ ကြားလျှင် အထံ တော်သို့စုဝေး လာကြ၏။
- 35. ၎င်းတို့အထဲမှ ကျမ်းတတ် ဆရာတစ်ဦးသည် ကိုယ်တော့်ကို စမ်းသပ်လိုသဖြင့်၊
- 36. ဆရာသခင်၊ ပညတ်တရားကျမ်း၌ အဘယ်ပညတ်သည် အကြီးမြတ်ဆုံးဖြစ်ပါသနည်းဟု ကိုယ်တော်အား မေး လျှောက်လေ၏။
- 37. ကိုယ်တော်ကလည်း သင်၏အရှင် ထာ၀ရဘုရားသခင်ကို သင်၏နှလုံးအကြွင်းမဲ့၊ စိတ်အား ရှိသမျှ၊ ဉာဏ်စွမ်းရှိသမျှနှင့် ချစ်လော့။
- 38. ဤသည်ကား အကြီးမြတ်ဆုံးနှင့် ပထမပညတ်ဖြစ်၏။
- 39. ဒုတိယပညတ် သည်ကား ပထမပညတ်နည်းတူဖြစ်၍ သင်နှင့်နီးစပ် သောသူကို သင့်ကိုယ်သင်ချစ်သကဲ့သို့ ချစ်လော့ဟု လာ၏။
- 40. ပညတ်တရားကျမ်းနှင့် ပရောဖက်ကျမ်းရှိသမျှ တို့သည် ဤပညတ်နှစ်ပါးအပေါ်တွင် အခြေခံသည်ဟု သူ့အား မိန့်တော်မူ၏။”
============

ထောက်ရှုချက်

💗 "အကြီးဆုံးပညတ်" 💗

- ကျမ်းတတ်ဆရာတွေက
ဘုရားရှင်ရဲ့ပညတ်ဥပဒေတွေကို
ငယ်စဥ်ကတည်းက
လေ့လာသင်ယူခဲ့သူများဖြစ်ပါတယ်။

- မိုးဇက်ရေးခဲ့တဲ့ ကျမ်းငါးစောင်ဖြစ်တဲ့
တောရကျမ်းထဲ့မှ ပညတ်ဥပဒေ ၆၁၃ ခုကို
ကောင်းစွာလေ့လာသင်ယူထားသူများဖြစ်ကြတယ်။

- သူတိုမှာပညာမာနရှိကြတယ်
- သူတို့ပဲသိတယ်၊ သူတို့ပဲတတ်တယ်လိုခံယူပြီး
အခြားသူတွေကိုအထင်သေးစွာ
ပြုမူဆက်ဆံတတ်ကြပါတယ်။

- သမ္မာကျမ်းစာ ကိုအသိပဲရှိပြီး
အကျင့်တရားမရှိသောသူများဖြစ်ကြတယ်လို့
ပြောနိုင်ပါတယ်။

- သမ္မာကျမ်းစာကိုသိမြင်နားလည်ခြင်းဟာ
ကောင်းသောအရာဖြစ်သော်လည်း
အကျင့်တရားမပါတဲ့အသိတရားဟာ
ဝါကြွားမှုသက်သက်ဖြစ်လာပါတယ်။

- ဒီနေ့ကျမ်းစာမှာ ကျမ်းတတ်ဆရာတစ်ဦးက -
"ဆရာသခင်၊ ပညတ်တရားကျမ်း၌
အဘယ်ပညတ်သည် အကြီးမြတ်ဆုံးဖြစ်ပါသနည်း"
လို့မေးခဲ့တယ်။

- ကျမ်းတတ်ဆရာရဲ့မေးခွန်းကို
ယေဇူးသခင်ပြန်ဖြေခဲ့တာကတော့ -

- မထမ 💗 သင်၏အရှင် ထာ၀ရဘုရားသခင်ကို
သင်၏နှလုံးအကြွင်းမဲ့၊
စိတ်အား ရှိသမျှ၊
ဉာဏ်စွမ်းရှိသမျှနှင့် ချစ်လော့။
(တရားဟောရာ 6: 5)

- ဒုတိယ 💗 သင်နှင့်နီးစပ်သောသူကို
သင့်ကိုယ်သင်ချစ်သကဲ့သို့
ချစ်လော့ဟု လာ၏။
(၀တ်ပြုရာကျမ်း 19: 18)

💝 အချစ်ဆိုတာဘာလဲ။
- အချစ်ရဲ့သဘာဝက
အခြားသူအကျိုးအတွက်ပေးဆက်ခြင်းဖြစ်ပါတယ်။
(giving to others for their sake)
- အချစ်ဆိုတာ တပါးသူကောင်းစားဖို့အတွက်
မိမိကိုယ်ကို၊ မိမိအချိန်ကို၊ မိမိပိုင်ဆိုင်ရာကို
လက်ဆောင်အဖြစ်ပေးအပ်ခြင်းပါပဲ။

- မိမိအကျိုးအတွက်ပဲ မျှော်ကိုးပြီး
ချစ်တယ်လို့ပြောနေခြင်းက အချစ်စစ်မဟုတ်ပါဘူး။

🌷- အမှန်တကယ်ချစ်သူတွေဟာ
မိမိချစ်တဲ့သူတွေအတွက်
ငါဘာလုပ်ပေးရမလဲဆိုတာကိုပဲ
အမြဲစဥ်းစားကြတယ်။

၁) ဘုရားရှင်ကိုချစ်ရမယ်။

God's love rules all
- ဘုရားရှင်က အရာရာကိုအချစ်နဲ့ဖန်ဆင်းပေးခဲ့တယ်၊ ချစ်မေတ္တာနဲ့အုပ်စိုးတယ်၊ ဒီအချစ်ကြောင့်ပဲအရာရာကရှင်သန်နေတယ်။
- ဒါကြောင့်ပဲ ဘုရားရှင်ကကျွန်ုပ်တို့အားလုံးကိုလည်း
ချစ်ခြင်းမေတ္တာထားလျှက် ရှင်သန်နေထိုင်စေချင်တာဖြစ်ပါတယ်။
- ကောင်းမြတ်သောအရာ၊ နှစ်သက်ဖွယ်ကောင်းသောအရာ၊ တရားမျှတခြင်း၊ နဲ့ သန့်စင်သောအရာများကိုသာနှစ်သက်၍၊ ဤအရာများကိုသာ သူတပါးအားလည်းပေးကြရန် ဆုံးမသွန်သင်ပါတယ်။

💗 ၁ ရှင်ယောဟန် 4:19
"ဘုရားသခင်သည် ငါတို့ကို
ရှေ့ဦးစွာချစ်တော်မူသောကြောင့်၊
ငါတို့သည် ဘုရားသခင်ကိုချစ်ကြ၏။"
- ဘုရားသခင်က ကျွန်ုပ်တို့ကိုအရင်ချစ်ခဲ့တာဖြစ်ပါတယ်။

* ရှင်ယောဟန် 3:16
"ဘုရားသခင်သည် မိမိ၏တစ်ပါးတည်းသော သားတော်ကို စွန့်သည့်တိုင်အောင် ကမ္ဘာလောကသားတို့ကို ချစ်တော်မူ၏။"
- ကျွန်ုပ်တို့ အားလုံးကို ချစ်မေတ္တာကြီးမားတဲ ဘုရားရှင်အား
ကျွန်ုပ်တို့ဖက်ကလည်းသူ့ကို
လောကရှိအရာအားလုံးထက်
ပိုချစ်သင့်ပါတယ်။

၂) နီးစပ်သောသူကိုချစ်ရမယ်။

❤ ဘုရားရှင်ကိုချစ်ကြောင်းဘယ်လိုသက်သေပြရမှာလဲ။
- ဒီနေ့ အကြီးဆုံးပညတ်ရဲ့ ဒုတိယပိုင်းမှာပြောထားသလိုပါပဲ။
* "သင်နှင့်နီးစပ်သောသူကို
သင့်ကိုယ်သင်ချစ်သကဲ့သို့
ချစ်လော့။"
- မြင်နေရတဲ့ မိမိအနီးရှိလူသားတွေကိုမချစ်နိုင်ပဲ
ဘုရားသခင်ကိုချစ်တယ်လို့မပြောနိုင်ပါဘူး။
- နီးစပ်သောသူကို ချစ်ခြင်းအားဖြင့်
ဘုရားကိုချစ်ကြောင်းသက်သေပြရပါတယ်။

💗 ၁ ရှင်ယောဟန် 4: 7-8
7. ချစ်သူတို့၊ ငါတို့သည် အချင်းချင်းချစ်ကြကုန်အံ့၊ အကြောင်းမူကား၊ ချစ်ချင်းမေတ္တာသည် ဘုရားသခင်နှင့် စပ်ဆိုင်၏။ ချစ်တတ်သောသူမည်သည်ကား၊ ဘုရားသခင် ဖြစ်ဘွားစေတော်မူသောသူဖြစ်၏။ ဘုရားသခင်ကို သိသောသူလည်းဖြစ်၏။
8. ချစ်ခြင်းမရှိသောသူသည် ဘုရားသခင်ကိုမသိ။ အကြောင်းမူကား၊ ဘုရားသခင်သည် ချစ်ခြင်းမေတ္တာ ဖြစ်တော်မူ၏။

🌻- ဘုရားရှင်ကိုကျွန်ုပ်တို့အမှန်တကယ်ချစ်တယ်ဆိုရင်
ဘုရားကငါ့ကိုဘာလုပ်ပေးမလဲ့လို မစဥ်းစားပါဘူး။
ဘုရားရှင်အတွက် ငါဘာလုပ်ပေးရမလဲ
ဆိုတာကိုပဲစဥ်းစားပါလိမ့်မယ်။
- မိမိနဲ့ နီးစပ်သူများကိုချစ်ခြင်းဟာလည်း
ဘုရားကိုချစ်ခြင်းဖြစ်တဲ့အတွက်
ဘုရားရှင်ကိုအမှန်တကယ်ချစ်သူများဟာ
မိမိနဲ့ နီးစပ်သူများကိုလည်းချစ်တတ်လာကြပါတယ်။

- ဘုရားရဲ့အချစ်ကိုနားလည်ပြီး
ဘုရားရှင်၏ ပညတ်တော်များကိုစောင့်ထိမ်းပါရဲ့လား။
- ဘုရားရှင်၏ မျက်နာတော်ကိုထောက်ထား၍
သူတပါးအားချစ်ပါရဲ့လား။

19/08/2026

Wednesday. 19 August 2026, week 20 of the year
သြဂုတ်လ ၁၉ ရက်၊ ၂၀၂၆၊ ဗုဒ္ဓဟူးနေ့၊ သာမန်ကာလ (၂၀) ကြိမ်မြောက်
(Saint John Eudes, Priest)

(မာတေဦး 20:1-16, ကက်သလစ်သမ္မာကျမ်းစာ CBCM)
“1. ကောင်းကင်နိုင်ငံတော်သည်ကား မိမိ၏စပျစ်ဥယျာဉ်အတွက် အလုပ်သမားတို့ကိုငှားရန် နံနက်စောစော ထွက်သွားသော ဥယျာဉ်ပိုင်ရှင်နှင့်တူ၏။
- 2. သူသည် အလုပ်သမားများအား တစ်နေ့လျှင် ဒေနာရီ တစ်ပြားစီပေးရန် သဘောတူပြီးနောက် သူတို့ကို မိမိ၏ စပျစ်ဥယျာဉ်သို့စေလွှတ်လိုက်၏။
- 3. ထို့နောက် သူသည် ကိုးနာရီခန့်တွင် ထွက်သွားသောအခါ ဈေးအပြင်ဘက်၌ အခြားသူများအလုပ်မရှိဘဲ ရပ်နေသည်ကိုမြင်လျှင်၊
- 4. သူတို့အား သင်တို့သည်လည်း ငါ့စပျစ်ဥယျာဉ်သို့ သွား ကြလော့၊ ထိုက်သင့်သောအခကို ငါပေးမည်ဟုဆိုသဖြင့် ထိုသူတို့သည်လည်း သွားကြ၏။
- 5. တစ်ဖန် သူသည် မွန်း တည့်ချိန်၌လည်းကောင်း၊ သုံးနာရီအချိန်၌လည်းကောင်း ထွက်သွားပြန်၍ ထိုနည်းတူပြုလေ၏။
- 6. ငါးနာရီအချိန်၌ လည်း သူသည် ထွက်သွားပြန်လျှင် အခြားသောသူတို့ ရပ်နေသည်ကို တွေ့၍ သင်တို့သည် တစ်နေ့လုံးအလုပ် မလုပ်ဘဲ ဤအရပ်၌ အဘယ်ကြောင့်ရပ်နေကြသနည်း ဟုမေးလေ၏။
- 7. ထိုသူတို့က အကျွန်ုပ်တို့ကို မည်သူက မျှ မငှားသောကြောင့်ဖြစ်ပါသည်ဟုဖြေကြသော် သူက သင်တို့ သည်လည်း ငါ့စပျစ်ဥယျာဉ် သို့သွားကြလော့ဟု ဆိုလေ၏။
8. ညနေအချိန်ရောက်သောအခါ ဥယျာဉ်ရှင်က မိမိ ၏ဘဏ္ဍာစိုးအား အလုပ်သမားတို့ကိုခေါ်လော့၊ နောက် ဆုံးအလုပ်ဝင်သူ တို့မှစ၍ ပထမဆုံးအလုပ်ဝင်သူတို့တိုင် အောင် ၎င်းတို့၏လုပ်ခကို ပေးလော့ဟုဆိုလေ၏။
- 9. သို့ဖြစ်၍ ညနေငါးနာရီခန့်တွင် အလုပ်ဝင်သောသူတို့လာ ကြသောအခါ ထိုသူတို့သည် ဒေနာရီတစ်ပြားစီရရှိကြ၏။
- 10. ပထမဆုံးအလုပ်ဝင်သောသူတို့လာကြသောအခါ ထိုသူတို့က မိမိတို့သည် ပို၍ရလိမ့်မည်ဟု ထင်မှတ်ခဲ့ကြ၏။ သို့ရာတွင် သူတို့သည်လည်း ဒေနာရီတစ်ပြားစီသာ ရရှိကြလေ၏။
- 11. ထိုအခါ သူတို့ သည် လုပ်ခရရှိပြီးနောက် ဥယျာဉ်ပိုင်ရှင်အပေါ် မကျေမနပ်ညည်းညူကြသည်မှာ၊
- 12. နောက်ဆုံးမှအလုပ်ဝင်သော ဤသူတို့သည် တစ်နာရီမျှ သာအလုပ်လုပ်ကြသော်လည်း အရှင်သည် သူတို့အား တစ်နေ့လုံး နေပူထဲတွင် အပင်ပန်းခံရသော အကျွန်ုပ်တို့ နှင့် တန်းတူပေးလေပြီတကားဟုဆိုကြ၏။
- 13. သို့ရာတွင် ဥယျာဉ်ပိုင်ရှင်က ထိုသူတို့ထဲမှ တစ်ဦးအား ပြန်ပြော သည်ကား မိတ်ဆွေ၊ ငါသည် သင့်အပေါ် မတရားသော အမှုကိုမပြု။ သင်သည် ငါနှင့် ဒေနာရီတစ်ပြား၌ သဘော တူခဲ့သည်မဟုတ်ပါလော။
- 14. သင်၏လုပ်အားခကိုယူ၍ သွားလော့။ နောက်ဆုံး၌ဝင်သော ဤသူအားလည်း သင့် ကို ပေးသကဲ့သို့ ပေးခြင်းငှာ ငါအလိုရှိ၏။
- 15. ငါပိုင်ဆိုင်သော အရာကို ငါအလိုရှိသည့်အတိုင်း ပြုလုပ်ပိုင်ခွင့်မရှိပါသ လော။ ငါသည် ရက်ရောသောကြောင့် သင်သည် မနာလို စိတ်ရှိသလောဟုဆို၏။
- 16. ထိုနည်းတူ နောက်ဆုံးသော သူတို့သည် ပထမဦးဆုံးဖြစ်ကြလိမ့်မည်။ ပထမဦးဆုံး သောသူတို့သည်လည်း နောက်ဆုံးဖြစ် ကြလိမ့်မည်။”
============

ထောက်ရှုချက်

🌻 "ကောင်းကင်နိုင်ငံတော်"
ဆိုတာကို ပုံဥပမာနဲ့ရှင်းပြခြင်း

- လုပ်ခအတွက် သဘောတူထားတာက
"တစ်နေ့လျှင် ဒေနာရီ တစ်ပြား"

🌞- အလုပ်သမားများ အလုပ်စဆင်းချိန်
- နံနက်စောစော၊
- ကိုးနာရီခန့်၊
- မွန်း တည့်ချိန်၊
- သုံးနာရီအချိန်၊
- ငါးနာရီအချိန်၊

▪ ညနေအချိန်ရောက်သောအခါ
လုပ်ခကို ပေးတယ်။
- အာလုံး ဒေနာရီတစ်ပြားစီရရှိကြ၏။

🔸- ပထမဆုံးအလုပ်ဝင်သောသူတို့က
ဥယျာဉ်ပိုင်ရှင်အပေါ် မကျေမနပ်ညည်းညူကြတယ်။

🔸- ဥယျာဉ်ပိုင်ရှင်က
ငါသည် သင့်အပေါ် မတရားသော အမှုကိုမပြု။
သင်သည် ငါနှင့် ဒေနာရီတစ်ပြား၌
သဘော တူခဲ့သည်မဟုတ်ပါလော။
သင်၏လုပ်အားခကိုယူ၍ သွားလော့။

🔸- ငါပိုင်ဆိုင်သော အရာကို
ငါအလိုရှိသည့်အတိုင်း
ပြုလုပ်ပိုင်ခွင့်မရှိပါသလော။
ငါသည် ရက်ရောသောကြောင့်
သင်သည် မနာလို စိတ်ရှိသလောဟုဆို၏။

🔸- ဘုရားသခင်ပေးမယ့်
ဒေနာရီ တစ်ပြား ဆိုတာက
အလုပ်လုပ်သူတိုင်းအတွက်ပြင်ထားတဲ့
ကောင်းကင်ကထာဝရအိမ်တော်ဖြစ်ပါတယ်။

🔸 လုပ်ခရဖို့အတွက်ကတော့
လုပ်အားခပေးတဲ့အချိန်အထိ
အလုပ်ထဲမှာ သစ္စာရှိစွာအလုပ်လုပ်နေဖို့လို့ပါတယ်။

🔸- အလုပ်လုပ်ဖို့ဖိတ်ခေါ်ခံရသူဟာ
အလုပ်ရှင်စေခိုင်းထားတဲ့အလုပ်ကို
ဘယ်အချိန်မှာပဲ အစပြုခဲ့ပါစေ၊
လုပ်အားခပေးတဲ့အချိန်အထိ
အလုပ်ထဲမှာရှိနေရင်
တူညီတဲ့လုပ်အားခကိုရမှာပါပဲ။

🔸 ဘယ်သူမှအပြစ်တင်ညည်းညူပိုင်ခွင့်
မရှိပါဘူး။

🔸- ဒီလိုပါပဲ
ယုံကြည်သူတစ်ဦးဟာ
ယုံကြည်ခြင်းအသက်တာကို
ဘယ်အချိန်မှာပဲ အစပြုခဲ့ပါစေ၊
ဘဝရဲ့နောက်ဆုံးအချိန်အထိ
မိမိရဲ့ ယုံကြည်ခြင်းအသက်တာကို
သစ္စာရှိစွာကျင့်ကြံအားထုတ်နေမယ်ဆိုရင်
ဘုရားသခင်ကတိထားရာ
ထာဝရအိမ်တော်မှာ စံစားရမယ်ဆိုတာကို
ကတိပေးနေခြင်းဖြစ်ပါတယ်။

17/08/2026

သြဂုတ်လ ၁၇ ရက်နေ့၊ ၂၀၂၆၊ တနင်္လာနေ့၊ သာမန်ကာလ (၂၀) ကြိမ်မြောက် သီတင်းပတ်

(မာတေဦး 19:16-22, ကက်သလစ်သမ္မာကျမ်းစာ CBCM)
“16. ထိုအခါ လူတစ်ယောက်သည် အထံတော်သို့ချဉ်း ကပ်၍ ဆရာသခင်၊ ထာ၀ရအသက်ကိုရနိုင်ရန်အလို့ငှာ အကျွန်ုပ်သည် မည်သည့်ကောင်းမှုကိုပြုရပါမည်နည်းဟု မေးလျှောက်လေ၏။
- 17. ကိုယ်တော်ကလည်း သင်သည် အဘယ်ကြောင့် ငါ့အား ကောင်းမှုပြုခြင်းအကြောင်းကို မေးသနည်း။ ကောင်းမြတ်သောအရှင် တစ်ပါးတည်းသာ ရှိ၏။ သင်သည် ထာ၀ရအသက်ကိုရလိုလျှင် ပညတ် တော်များကို စောင့်ထိန်းလော့ဟု မိန့်တော်မူ၏။
- 18. ထိုသူ ကလည်း အဘယ်ပညတ်များနည်းဟု ကိုယ်တော်အား မေးလျှောက်လျှင် ယေဇူးက သူ့အသက်ကို မသတ်နှင့်၊ သူ့မယား ကို မပြစ်မှားနှင့်၊ သူ့ဥစ္စာကိုမခိုးယူနှင့်၊ မမှန် သောသက်သေမခံနှင့်၊
- 19. သင်၏မိဘတို့အား ရိုသေ လော့၊ သင့်ကိုယ်သင်ချစ်သကဲ့သို့ သင်နှင့်နီးစပ်သော သူကို ချစ်လော့ဟု မိန့်တော်မူ၏။
- 20. ထိုလူငယ်ကလည်း ဤပညတ်အားလုံးကို အကျွန်ုပ်စောင့်ထိန်းခဲ့ပါပြီ၊ မည် သည့်အရာလိုပါသေးသနည်းဟု ပြန်လည်လျှောက် ထား၏။
- 21. ယေဇူးက သင်သည် စုံလင်ခြင်းသို့ရောက်လို လျှင် သွား၍ သင်၌ရှိသည့်ဥစ္စာကို ရောင်းချပြီးလျှင် ဆင်း ရဲသားတို့အား ပေးကမ်း လော့။ ဤသို့ပြုလျှင် သင်သည် ကောင်းကင်ဘုံ၌ ဘဏ္ဍာကိုရလိမ့်မည်။ ထို့နောက် ငါ့ နောက်သို့လိုက်လော့ဟု သူ့အား မိန့်တော်မူ ၏။
- 22. ထိုလူငယ်သည် ဤစကားတို့ကိုကြားလျှင် စိတ်ညှိုးငယ်စွာဖြင့် ထွက်သွားလေ၏။ အဘယ်ကြောင့်ဆိုသော် သူသည် ဥစ္စာများ စွာကြွယ်၀သောသူဖြစ်၍ပင်တည်း။”
==============

ထောက်ရှုချက်

🌻- လူငယ် -- ဆရာသခင်၊ ထာ၀ရအသက်ကိုရနိုင်ရန်အလို့ငှာ
အကျွန်ုပ်သည် မည်သည့်ကောင်းမှုကိုပြုရပါမည်နည်း။

🌻- ယေဇူးသခင် -- ထာ၀ရအသက်ကိုရလိုလျှင်
ပညတ်တော်များကို စောင့်ထိန်းလော့။

🌺 စုံလင်ခြင်းသို့ရောက်လိုလျှင် ----

- သင်သည် စုံလင်ခြင်းသို့ရောက်လိုလျှင်
သွား၍ သင်၌ရှိသည့်ဥစ္စာကို ရောင်းချပြီးလျှင်
ဆင်းရဲသားတို့အား ပေးကမ်းလော့။
ဤသို့ပြုလျှင် သင်သည် ကောင်းကင်ဘုံ၌
ဘဏ္ဍာကိုရလိမ့်မည်။ ထို့နောက် ငါ့ နောက်သို့လိုက်လော့။
(မာတေဦး 19:16-22)

🍀- စစ်မှန်တဲ့ငြိမ်းချမ်းခြင်း၊ စစ်မှန်တဲ့လုံခြုံမှု
မှန်တဲ့ပျော်ရွှင်ခြင်းနဲ့ ထာဝရအသက် တည်ရှိရာ
ကောင်းကင်သုခချမ်းသာကို
▪ ဘယ်လိုရှာဖွေတွေရှိနိုင်မလဲ။
▪ ဘာလုပ်ရမလဲ။

🍀- ဒီအရာတွေကို ငွေနဲ့ဝယ်လို့မရဘူး၊
ရာထူးဂုဏ်ထူးနဲ့ဝယ်လို့မရဘူး၊
အာဏာနဲ့ဝယ်လို့မရပါဘူး။

🍀- ဘုရားရှင်ရဲ့ ပညတ်တော်များကို
လိုက်နာစောင့်ထိမ်းခြင်းဖြင့်ရယူနိုင်ပါတယ်။

🌴- ဒီလောကမှာ စုံလင်တဲ့အသက်တာကို
ရှင်သန်ချင်တယ်ဆိုရင်တော့
မိမိပိုဆိုင်သမျှကို ဆင်းရဲသားတွေကို
မျှဝေလှူဒါန်းပြီး ခရစ်တော်သခင်၏
နောက်သို့လိုက်ရမှာဖြစ်ပါတယ်။

🌴- ဆိုလိုတာက သူတော်စင်ဘဝနဲ့
သာသနာ့ အမှုတော်ထမ်းဆောင်ဖို့ ဖြစ်ပါတယ်။

16.8.2026မယ်တော်သခင်မကောင်းကင်ဘုံသို့ပင့်ဆောင်ခံရခြင်းပွဲမစ္ဆားတရားတော်မြတ်ကို အဖဆရာတော်မှ ဦးဆောင်ပြီးကျောင်ထိုင်ဘုန်းတ...
16/08/2026

16.8.2026
မယ်တော်သခင်မကောင်းကင်ဘုံသို့ပင့်ဆောင်ခံရခြင်းပွဲမစ္ဆားတရားတော်မြတ်ကို အဖဆရာတော်မှ ဦးဆောင်ပြီးကျောင်ထိုင်ဘုန်းတော်ကြီး၊ စ္စတာရ်များ၊ ဘာသာဝင်များနှင့်အတူတကွ စိန့်ပတ်ထရစ်ဘုရားကျောင်းတွင် ပူဇော်ဆုတောင်းခဲ့ကြပါသည်။

16/08/2026

သြဂုတ်လ ၁၆ ရက်နေ့၊ ၂၀၂၆၊ တနင်္ဂနွေနေ့၊ သာမန်ကာလ (၂၀) ကြိမ်မြောက် သီတင်းပတ်
The Assumption of the Blessed Virgin Mary - Mass of the Day

(ဗျာဒိတ် 11:19 -12: 6,10, ကက်သလစ်သမ္မာကျမ်းစာ CBCM)
“19. ထို့နောက် ကောင်းကင်ဘုံရှိ ဘုရားသခင်၏ဗိမာန်တော်သည် ပွင့်လာ၍ ဗိမာန်တော်အတွင်း၌ ကိုယ်တော်၏ ပဋိညာဉ်သေတ္တာတော်ကို မြင်နိုင်၏။ ထိုအခါ လျှပ်စီးလက်ခြင်း၊ ကျယ်လောင်သော အသံများထွက်ပေါ် ခြင်း၊ မိုးထစ်ချုန်းခြင်း၊ မြေငလျင်လှုပ်ခြင်း၊ ပြင်းထန်သော မိုးသီးမုန်တိုင်းများ ကျခြင်းတို့ ဖြစ်ပေါ်ကြလေ၏။
1. ထိုအခါ ကောင်းကင်ယံ၌ ကြီးမားသော နိမိတ်လက္ခဏာတစ်ခု ပေါ်ထွန်းလေ၏။ အမျိုးသမီးတစ်ဦးသည် နေကိုဝတ်ဆင်ထားပြီး လကိုခြေဖြင့်နင်းလျက် ဦးခေါင်းပေါ်တွင်လည်း ကြယ်တစ်ဆယ့်နှစ်လုံးပါသည့် သရဖူကို ဆောင်းထားလေ၏။
- 2. သူမ၌ ပဋိသန္ဓေရှိပြီး သားဖွားအံ့ဆဲဆဲဖြစ်၍ သူမသည် သားဖွားခြင်းဝေဒနာဖြင့် အော်ဟစ်နေ၏။
- 3. ထိုအခါ ကောင်းကင်ယံတွင် အခြားသော နိမိတ်လက္ခဏာတစ်ခု ပေါ်လာပြန်၏။ ထိုအရာသည်ကား နီရဲသောနဂါးကြီးဖြစ်ပြီး ၎င်း၌ ဦးခေါင်းခုနစ်လုံးနှင့် ဦးချိုဆယ်ချောင်းရှိ၍ သူ၏ဦးခေါင်းများပေါ်တွင် သရဖူခုနစ်ခုကိုဆောင်းထား၏။
- 4. သူ၏အမြီးသည် ကောင်းကင်မှကြယ်သုံးပုံတစ်ပုံကို ဆွဲယူပြီးလျှင် ကမ္ဘာမြေပေါ်သို့ ပစ်ချလိုက်လေ၏။ ထို့နောက် နဂါးကြီးသည် သားဖွားအံ့ဆဲဆဲဖြစ်သော အမျိုးသမီးရှေ့တွင်ရပ်လျက် သူမထံမှ ဖွားမြင်လတ္တံ့သော သားငယ်ကို ဝါးမျိုရန် စောင့်နေလေ၏။
- 5. ထိုအခါ သူမသည် လူမျိုးအပေါင်းတို့အား သံတောင်ဝှေးဖြင့် အုပ်စိုးမည့်သားယောက်ျားကို ဖွားမြင်လေ၏။ သူမ၏သားငယ်သည် ဘုရားသခင်နှင့် သူ၏ပလ္လင်တော်ထံသို့ ယူဆောင်သွားခြင်းခံရပြီး၊
- 6. ထိုအမျိုးသမီးသည်လည်း သူမအတွက် ဘုရားသခင်ပြင်ဆင်ထားတော်မူရာအရပ်ဖြစ်သော တောကန္တာရသို့ ထွက်ပြေးသွား လေ၏။ သူမသည် ထိုအရပ်၌ ရက်ပေါင်းတစ်ထောင့်နှစ်ရာ့ခြောက်ဆယ်တိုင်တိုင် ကျွေးမွေးပြုစုခြင်း ခံရမည်ဖြစ်၏။”
“- 10. ထို့နောက် ကောင်းကင်မှကျယ်သောအသံကို ငါကြားရ၍ ၎င်းကဆိုသည်ကား ကယ်တင်တော်မူခြင်း၊ ဘုန်းတန်ခိုးတော်၊ ငါတို့ဘုရားသခင်၏ နိုင်ငံတော်နှင့်အတူ ကိုယ်တော့်ခရစ်တော်၏ အာဏာတော်သည် ယခုရောက်ရှိလာလေပြီ။ အကြောင်း မူကား ငါတို့၏ညီအစ်ကိုများကို နေ့ညမပြတ် ဘုရားသခင်၏ရှေ့တော်၌ စွပ်စွဲသောသူသည် ပစ်ချခြင်းခံရလေပြီ။-”
***************

(၁ ကောရိန်သု 15:20-26, ကက်သလစ်သမ္မာကျမ်းစာ CBCM)
“20. သို့သော် ခရစ်တော်သည် အမှန်ပင် သေခြင်းမှ ရှင်ပြန်ထမြောက်တော်မူသဖြင့် အိပ်ပျော်ခဲ့သောသူတို့တွင် အဦးဆုံးသီး သောအသီးဖြစ်၏။
- 21. အကြောင်းမူကား သေခြင်းတရားသည် လူတစ်ယောက်အားဖြင့် ဖြစ်ပေါ်လာ သကဲ့သို့ သေခြင်းမှရှင်ပြန်ထမြောက်ခြင်း တရားသည်လည်း လူတစ်ယောက်အားဖြင့်ပင် ဖြစ်ပေါ်လာလေပြီ။
- 22. လူအပေါင်းတို့သည် အာဒံ၌ သေကြရသကဲ့သို့ ထိုသူ အားလုံးတို့သည် ခရစ်တော်၌ အသက်ရှင်ကြရလိမ့်မည်။
- 23. သို့သော် လူအသီးသီးတို့သည် မိမိတို့အလှည့်ကျ ရှင်ပြန်ထမြောက်ကြရမည်။ ခရစ်တော်သည် ပထမဦးစွာ ရှင်ပြန် ထမြောက်တော်မူ၏။ ထို့နောက် ကိုယ်တော်ကြွ လာတော်မူသောအခါ ကိုယ်တော်၏နောက်လိုက်အဖွဲ့ ဝင်တို့သည် ရှင်ပြန် ထမြောက်ကြလိမ့်မည်။
- 24. ထို့နောက် ကမ္ဘာကုန်ဆုံးချိန်ရောက်လာပြီးလျှင် ကိုယ်တော်သည် ရှိသမျှသောမင်းများ၊ အုပ်ချုပ်သူများနှင့် အာဏာပိုင်များ ကိုဖျက်ဆီး၍ နိုင်ငံတော်ကို ခမည်းတော်ဘုရား၏လက် တော်သို့ပေးအပ်တော်မူလိမ့်မည်။
- 25. အကြောင်းမူကား ကိုယ်တော်သည် ရန်သူအပေါင်းတို့အား မိမိ၏ခြေဖဝါး အောက်သို့ရောက်သည့်တိုင်အောင် အုပ်စိုးရလိမ့် မည်။
- 26. နောက်ဆုံးနှိမ်နင်းရမည့်ရန်သူကား သေခြင်းပင်ဖြစ်၏။-”
*************

(လုကာ 1:39-56, ကက်သလစ်သမ္မာကျမ်းစာ CBCM)
“39. ထိုနေ့ရက်တို့၌ မာရိယာသည် ထ၍ တောင်ကုန်းအရပ်ရှိ ဂျုဒမြို့တစ်မြို့သို့ အလျင်အမြန်သွားပြီးလျှင်၊
- 40. ဇခါရိယ၏အိမ်သို့ဝင်ကာ ဧလိဇဘက်ကိုနှုတ်ဆက်လေ၏။
- 41. ဧလိဇဘက်သည်လည်း မာရိယာ၏နှုတ်ဆက်သံကို ကြားသောအခါ သူမ၏သားငယ်သည် ဝမ်းတွင်း၌ခုန်မြူးလေ၏။ ထိုအခါ ဧလိဇဘက်သည် ဝိညာဉ်တော်မြတ်နှင့် ပြည့်၀လျက်၊
- 42. ကျယ်သောအသံဖြင့် ကြွေးကြော်သည်ကား သင်သည် မိန်းမတကာတို့တွင် မြတ်သောမင်္ဂလာရှိသူဖြစ်၏။ သင်၏ဝမ်းတွင်းမှ အသီးတော်သည်လည်း မင်္ဂလာရှိတော်မူ၏။
- 43. ကျွန်မသခင်၏မယ်တော်သည် ကျွန်မထံသို့ကြွလာသောကျေးဇူးတော်ကို ကျွန်မသည် အဘယ်ကြောင့် ခံထိုက်ပါသနည်း။
- 44. အကြောင်းမူကား သင်၏နှုတ်ဆက်စကားသံသည် ကျွန်မ၏နားသို့ရောက် သည်နှင့် ကျွန်မ၏ဝမ်းတွင်းမှ သားငယ်သည် ဝမ်းမြောက်ခြင်းဖြင့် ခုန်မြူးလေပြီ။
- 45. မိမိအား ထာ၀ရဘုရားသခင် မိန့်တော်မူသောစကားသည် ပြည့်စုံလိမ့်မည်ဟု ယုံကြည်သောမိန်းမသည် မင်္ဂလာရှိ၏ဟု ဆိုလေ၏။l
46. ထိုအခါ မာရိယာက မြွက်ဆိုသည်ကား ငါ၏ဝိညာဉ်သည် ထာ၀ရဘုရားသခင်ကိုချီးမွမ်း၏။
- 47. ငါ၏စိတ်နှလုံးသည်လည်း ငါ၏ကယ်တင်ရှင် ဘုရားသခင်၌ ရွှင်လန်းဝမ်းမြောက်ခြင်းရှိ၏။
48. အကြောင်းမူကား ကိုယ်တော်သည် မိမိကျွန်မ၏ နှိမ့်ချသောအဖြစ်ကို ကြည့်ရှုတော်မူလေပြီ။ ယခုမှစ၍ ခပ်သိမ်းသော လူမျိုးအစဉ်အဆက်တို့သည် ငါ့ကို မင်္ဂလ ရှိသောသူဟု ခေါ်ဝေါ် ကြလိမ့်မည်။
49. အကြောင်းမူကား တန်ခိုးကြီးတော်မူသော သခင်သည် ငါ့အဖို့ ကြီးမြတ်သောအမှုအရာတို့ကို ပြုတော်မူပြီ။ ကိုယ်တော်၏ နာမတော်သည် သန့်ရှင်းမြင့်မြတ်တော်မူ၏။
50. ကိုယ်တော်၏ကရုဏာတော်သည်လည်း မိမိကို ကြောက်ရွံ့ရိုသေသော သူတို့အပေါ်သို့ သားစဉ်မြေးဆက် သက်ရောက် လေ၏။
51. ကိုယ်တော်သည် လက်ရုံးတော်အားဖြင့် ခွန်အားတန်ခိုးကိုပြတော်မူ၍ စိတ်၌ မာနထောင်လွှားသော သူတို့ကို ကွဲလွင့်စေ တော်မူပြီ။
52. ကိုယ်တော်သည် အင်အားကြီးသောသူတို့ကို အရိုက်အရာမှချတော်မူ၍ နှိမ့်ချသောသူတို့ကို ချီးမြှောက်တော်မူပြီ။ 53. ကိုယ်တော်သည် ငတ်မွတ်သောသူတို့ကို ကောင်းသောအရာတို့နှင့်ပြည့်၀စေ၍ ကြွယ်၀သောသူတို့ကို လက်ချည်း သက်သက် လွှတ်လိုက်တော်မူပြီ။
54. ကိုယ်တော်သည် မိမိ၏ကရုဏာတော်ကို အောက်မေ့တော်မူသဖြင့် မိမိ၏အစေခံ အစ္စရာအဲလ်ကို ကူညီစောင်မတော်မူပြီ။
- 55. ငါတို့၏ဘိုးဘေးများဖြစ်သော အာဘရာဟံမှစ၍ သူ၏မျိုးနွယ်အစဉ်အဆက်တို့၌ ထားခဲ့သော ကတိတော်အတိုင်း ကိုယ်တော်သည် အစဉ်ထာ၀ရ ကူညီစောင်မတော်မူလေပြီဟု မြွက်ဆိုလေ၏။
56. ထို့နောက် မာရိယာသည် ဧလိဇဘက်နှင့်အတူ သုံးလခန့်နေပြီးမှ မိမိ၏အိမ်သို့ပြန်လေ၏။”
===============

ထောက်ရှုချက်

💓- သင်သည် မိန်းမတကာတို့တွင်
မြတ်သောမင်္ဂလာရှိသူဖြစ်၏။
သင်၏ဝမ်းတွင်းမှ အသီးတော်သည်လည်း
မင်္ဂလာရှိတော်မူ၏။
(လုကာ 1:42)

🌹- မယ်တော်သခင်မက မိမိရဲ့ရိုးသားဖြူစင်ခြင်းနဲ့
ဘုရားသခင်အားနာခံခြင်းအားခြင်း
ဘုရားရှင်ရဲ့ မိခင်အဖြစ်ရွေးချယ်ခံခဲ့ရပါတယ်။

🌹- သူမဟာ ကျွန်ုပ်ကမ္ဘာလူသားအားလုံးအတွက်
ကယ်တင်ရှင်ကို ယူဆောင်ပေးနိုင်ခဲ့တယ်။

🌹- သူမဟာ ကျွန်ုပ်တို့အားလုံးအတွက်
ဘုရားရှင်၏ ကြီးမြတ်တဲ့လက်ဆောင်ဖြစ်သလို
ကယ်တင်တည်းဟူသော တန်ဖိုးမဖြတ်နိုင်တဲ့
လက်ဆောင်ကိုပေးခဲ့သူပါပဲ။

🌹- သူမဟာ ကျွန်ုပ်တို့အားလုံးရဲ့ဂုဏ်ပြုခံထိုက်သူဖြစ်ပြီး
ဘုရားရှင်၏ကြီးမြတ်သောအခွင့်အရေးများနှင်လည်း
ထိုက်တန်သူဖြစ်ပါတယ်။

🌹- မယ်တော်သခင်မဟာ သေဆုံးခြင်းမရှိပဲ
ခန္ဓာရောဝိညာဉ်ပါ ကောင်းကင်ဘုံသို့ပင့်ဆောင်ခံရခြင်းဟာ
သူမအတွက်အလွန်ထိုက်တန်သော
ဆုလဒ်ဖြစ်ပါတယ်။

🌹- ကျွန်ုပ်တို့အားလုံးလည်း သူမကို
ပုံတုယူလိုက်ကျင့်ကြရင်
သူမကဲ့သို့ကျေးဇူးတော်များခံစားရရှိမယ်ဆိုတဲ့
ဘုရားသခင်၏ဂတိတော်လည်းဖြစ်ပါတယ်။

🌹- ကျွန်ုပ်၏အားလုံး မယ်တော်မာရိယာကို
အတုယူလိုကျင့်ကြပြီး
သူမနဲ့အတူ ကောင်းကင်သုခချမ်းသာသို့
ရောက်ထိုက်ကြရအောင် ကြိုးစားကြပါစို့။

🌹- ကျွန်ုပ်အနေနဲ့ ငယ်စဥ်က
မယ်တော်သခင်မ ကောင်းကင်ဘုံသို့
ပင်ဆောင်ခံရခြင်းပွဲတော်နေ့မှာ
စိပ်ပုတီး တစ်ထောင် (အကုံးနှစ်ဆယ်)စိပ်ခဲ့ပါတယ်။
ကျေးဇူးများစွာ ခံစားရရှိခဲ့ဖူးပါတယ်။

🌹- မယ်တော်ပွဲနေမှာ စိပ်ပုတီးစိပ်ပြီး
မယ်တော်ကိုဂုဏ်ပြု ဆုတောင်းရင်း
ကျေးဇူးတောင်းခံကြပါစို့။

14/08/2026

Friday 14 August 2026, week 19 in Ordinary Time
သြဂုတ်လ ၁၄ ရက်နေ့၊ ၂၀၂၆၊ သောကြာနေ့၊ သာမန်ကာလ ၁၉ ပတ်မြောက်
Saint Maximilian Kolbe, Priest, Martyr

(ယောဟန် 15:12-16 ကက်သလစ်သမ္မာကျမ်းစာ CBCM0
- 12. ငါ၏ပညတ်သည်ကား ငါသည် သင်တို့ကိုချစ်သကဲ့သို့ သင်တို့သည်လည်း အချင်းချင်းချစ်ကြလော့။
- 13. မိမိ၏ မိတ်ဆွေများအဖို့ မိမိ၏အသက်ကို စွန့်လွှတ်သော ချစ်ခြင်းမေတ္တာထက် ပို၍ကြီးမြတ်သည့် ချစ်ခြင်းမေတ္တာမျိုး အဘယ်သူတွင်မျှမရှိ။
- 14. သင်တို့ကို ငါပညတ်ထားသည့်အတိုင်း လိုက်နာကျင့်ကြံကြလျှင် သင်တို့သည် ငါ၏မိတ်ဆွေများဖြစ်ကြ၏။
- 15. ငါသည် ယခုမှစ၍ သင်တို့အား အစေခံဟူ၍ ခေါ်ဆိုတော့မည်မဟုတ်။ အကြောင်းမူကား အစေခံသည် မိမိသခင်ပြုသော အမှုအရာကို မသိသောကြောင့်ဖြစ်၏။ ငါသည် သင်တို့ကို မိတ်ဆွေဟုခေါ်၏။ အကြောင်းမူကား ငါ၏ခမည်းတော်ထံမှ ငါကြားသိရသမျှ တို့ကို သင်တို့အား ငါသိစေလေပြီ။
- 16. သင်တို့သည် ငါ့ကို ရွေးကောက်ခဲ့ကြသည်မဟုတ်။ ငါသည် သင်တို့ကို ရွေးကောက်ခဲ့ခြင်းဖြစ်ပြီး သင်တို့သည် သွား၍ အသီးသီးကြလျက် သင်တို့၏အသီးသည် အစဉ်အမြဲတည်နေမည့်အကြောင်းနှင့် ငါ၏နာမ၌ ခမည်းတော်ထံတော်သို့ သင်တို့ တောင်းလျှောက်သမျှကို ကိုယ်တော်သည် ပေးသနားတော်မူမည့်အကြောင်း သင်တို့အား ငါခန့်ထား၏။
============

- ထောက်ရှုချက်

- "ငါသည် သင်တို့ကိုချစ်သကဲ့သို့
သင်တို့သည်လည်း အချင်းချင်းချစ်ကြလော့။"
(ယောဟန် 15:12)

- လူရားရှင်က ကျွန်ပ်တို့တွေကိုမိမိကဲ့သို့
စိတ်နှလုံးသားကြီးကျယ်မြင့်မြတ်သူများ
ဖြစ်လာကြရန် အလိုရှိပါတယ်။

- ဘုရားရှင်ရဲ့အချစ်က ရယူတဲ့အချစ်မဟုတ်ပဲ
ပေးဆက်တဲ့ချစ်ခြင်းဖြစ်ပါတယ်။

- ကျွန်ုပ်တွေဟာ ဒီလောကမှာ
သခင်ခရစ်တော်၏ ကိုယ်ပွားလေးများဖြစ်ကြဖို့
သခင်ဘုရားက အလိုတော်ရှိပါတယ်။

- သခင်ခရစ်တော်ကဲ့သို့
ပေးဆက်တဲ့အချစ်နဲ့
ချစ်နိုင်ကြပါမည်လား။

13/08/2026

Thursday 13 August 2026 week 19 of the year
သြဂုတ်လ ၁၃ ရက်နေ့၊ ၂၀၂၆၊ ကြာသာပတေး၊ သာမန်ကာလ ၁၉ ပတ်မြောက်

(မာတေဦး (မဿဲ) 18:21-19:1, ကက်သလစ်သမ္မာကျမ်းစာ CBCM)
“21. ထိုအခါ ပေတရုသည် အထံတော်သို့ ချဉ်းကပ်၍ သခင်ဘုရား၊ တပည့်တော်၏ညီအစ်ကိုသည် တပည့် တော်ကိုပြစ်မှားလျှင် သူ၏အပြစ်ကို အကြိမ်မည်မျှခွင့် လွှတ်ရပါမည်နည်း။ ခုနစ်ကြိမ်တိုင်အောင်လောဟု မေးလျှောက်လေ၏။
- 22. ယေဇူးက ခုနစ်ကြိမ်တိုင်အောင် မဟုတ်၊ အကြိမ်ခုနစ်ဆယ် ခုနစ်လီတိုင်အောင် ခွင့်လွှတ် ရမည်ဟု သင့်အား ငါဆို၏။
23. ထို့ကြောင့် ကောင်းကင်နိုင်ငံတော်ကို မိမိအစေခံ များနှင့် စာရင်းရှင်းလိုသည့် ဘုရင်တစ်ပါးနှင့် ပုံဥပမာခိုင်း နှိုင်းနိုင်၏။
- 24. သူသည် စာရင်းစတင်ရှင်းသောအခါ တာ လင်တစ်သောင်းအကြွေးတင်သောသူတစ်ယောက်ကို ရှေ့တော်သို့ ခေါ်ဆောင် ခဲ့ကြ၏။
- 25. ထိုသူသည် အကြွေး မပေးဆပ်နိုင်သောကြောင့် သူ၏သခင်က ထိုသူနှင့်အတူ သူ၏သားမယားနှင့် ဥစ္စာပစ္စည်းရှိသမျှတို့ကို ရောင်းချ၍ အကြွေးကိုဆပ်ရမည်ဟု သူ့အား အမိန့်ချမှတ်လေ၏။
- 26. ထိုအခါ ထိုအစေခံသည် ဒူးတုပ်ပျပ်ဝပ်လျက် သူ့အား အကျွန်ုပ်ကို သည်းခံတော်မူပါ၊ ရှိသမျှကို အကျွန်ုပ်ပေး ဆပ်ပါမည်ဟု တောင်းပန်လေ၏။
- 27. ထိုအစေခံ၏သခင် သည်လည်း သနားသောစိတ်ဖြင့် သူ့ကိုလွှတ်ကာ သူ၏ အကြွေးကိုလည်း စာရင်းမှပယ်ဖျက်လိုက်လေ၏။
- 28. ထို အစေခံသည်ကား ထွက်သွားစဉ် မိမိအပေါ် ၌ ဒေနာရီ တစ်ရာအကြွေးတင်သော အစေခံအဖော်တစ်ယောက် ကိုတွေ့လျှင် ထိုသူ၏လည်ပင်းကိုညှစ်လျက် ငါ့အား သင် ပေးဆပ်ရန်ရှိသည်ကို ပေးလော့ဟုဆို၏။
- 29. ထိုအခါ သူ ၏အစေခံအဖော်ကလည်း ပျပ်ဝပ်လျက် အကျွန်ုပ်ကို သည်းခံပါ၊ အကြွေးရှိသမျှကို အကျွန်ုပ်ဆပ်ပါမည်ဟု သူ့အား တောင်းပန်လေ၏။
- 30. သို့သော် သူသည် လက်မခံ ဘဲ ထိုသူအကြွေးဆပ်သည့်တိုင်အောင် သူ့ကို ထောင် ထဲ၌ အကျဉ်းချထားလေ၏။
- 31. ဤဖြစ်ရပ်ကို သူ၏အခြား အစေခံအဖော်တို့မြင်သောအခါ အလွန်ဝမ်းနည်းကြသဖြင့် မိမိတို့၏သခင်ထံသို့သွားပြီးလျှင် ဖြစ်ပျက်သမျှကို လျှောက်ထားကြလေ၏။
- 32. ထိုအခါ သူ၏သခင်သည် သူ့ကိုခေါ်၍ ဆိုးယုတ်သောကျွန်၊ သင်သည် ငါ့ကို တောင်း ပန်သောကြောင့် ငါသည် သင်၏အကြွေး ကိုလွှတ်ခဲ့လေပြီ။
- 33. ငါသည် သင့်ကို သနားသကဲ့သို့ သင်သည်လည်း သင်၏အစေခံအဖော်ကို မသနားအပ်သလောဟု မိန့် တော်မူ၏။
- 34. ထို့နောက် သူ၏သခင်သည် အမျက်ထွက်၍ ထိုအစေခံအား သူ၏အကြွေးအားလုံးပေးဆပ်သည့် တိုင်အောင် အကျဉ်းချထားရန် အာဏာသားတို့၏လက် သို့အပ်လိုက်လေ၏။
- 35. သင်တို့သည်လည်း မိမိညီအစ်ကို တို့၏အပြစ်ကို အတွင်းစိတ်မှခွင့်မလွှတ်လျှင် ကောင်းကင် ဘုံ၌ရှိတော်မူသော ငါ၏အဖသည် လည်း သင်တို့အသီး သီးကို ထိုနည်းတူစီရင်တော်မူလိမ့်မည်ဟု မိန့်တော်မူ၏။
1. ယေဇူးသည် ဤသို့မိန့်တော်မူပြီးသောအခါဂါလေလေးယနယ်မှထွက်ခွာ၍ ဂျော်ဒန်မြစ်၏တစ်ဖက်ကမ်းရှိ ဂျူဒေးယနယ်သို့ ရောက်တော်မူ၏။-”
============

ထောက်ရှုချက်

👴 ပေတရု - "သခင်ဘုရား၊ တပည့်တော်၏ညီအစ်ကိုသည် တပည့် တော်ကိုပြစ်မှားလျှင် သူ၏အပြစ်ကို အကြိမ်မည်မျှခွင့် လွှတ်ရပါမည်နည်း။ ခုနစ်ကြိမ်တိုင်အောင်လော။"

👨‍💼 ယေဇူး - "ခုနစ်ကြိမ်တိုင်အောင် မဟုတ်၊ အကြိမ်ခုနစ်ဆယ် ခုနစ်လီတိုင်အောင် ခွင့်လွှတ် ရမည်။"

🥝- (70×7 = 490) အကြိမ် ၄၉၀ ခွင့်လွတ်ရမယ်။
- ဆိုလိုတာက အမြဲတမ်းခွင့်လွတ်ပါလို့ပြောတာပါပဲ။
- ဒါဆိုရင်ဒီလောကမှာ ကျွန်ုပ်တို့က
အမြဲတမ်းအရှုံးသမားဖြစ်နေမှာပေါ့။
- ဟုတ်ပါတယ် ကျွန်ပ်တို့ဟာ
အရှုံးနဲရင်ဆိုင်ရနိုင်ပါတယ်။
- လူသားတစ်ယောက်အနေနဲ့ လက်ခံဖို့ခက်မှာပါ။

🌶 ဘာကြောင့် ကျွန်ုပ်တို့
သူတပါးကိုခွင့်လွတ်ကြရတာလဲ။

၁) မိမိရဲ့ အပြစ်တွေကို ဘုရားသခင်ထံမှ
ခွင်လွတ်ခံရဖို့အတွက်
သူတပါးကိုခွင့်လွတ်ခြင်းလိုအပ်တယ်။

- ကောင်းကင်ဘုံမေတ္တာမှာ
" ကျွန်ုပ်တို့ကိုထိခိုက်ကျူးလွန်သောသူတို့အား
ကျွန်ုပ်တို့ အခွင့်လွတ်သကဲ့သို့
ကျွန်ုပ်တို့၏အပြစ်များကိုခွင့်လွတ်ပါ။
လို့ရွတ်ဆိုဆုတောင်းဖို့ ယေဇူသခင်ကသင်ပေးခဲ့တာပါ။
- သူတပါးရဲ့အပြစ်ကိုခွင့်မလွတ်ရင်
မိမိအပြစ်တွေလည်းခွင့်လွတ်ခြင်းမရပါဘူး။

💥 ရှင်ယာကုပ် 2:13
"အဘယ်ကြောင့်ဆိုသော် သနားကြင်နာမှုမရှိသောသူအပေါ်၌ သနားကြင် နာခြင်းကင်းမဲ့စွာ တရားစီရင်မည်ဖြစ်သော ကြောင့်တည်း။"
- သနားကျင်နာခြင်းမရှိသူများကို ဘုရားသခင်စီရင်မှာပါ။

၂) မိမိစိတ်အတွင်းမှာခံစားနေရတဲ့
အချုပ်အနှောင်တွေကို လွတ်မြောက်ဖို့အတွက်
ခွင့်လွတ်ဖို့လိုတယ်။

- ခွင့်လွတ်ခြင်းမထားရှိနိုင်သ၍
နာကြည်းစရာတွေ
ကျွန်ုပ်တိုရဲ့ နှလုံးသားထဲမှာရှိနေလိမ့်မယ်။
- မကြေနပ်ချက်ကြောင့်နှလုံးသားနာကျင်မယ်၊
ဒေါသထွက်မယ်၊ ကလှဲ့စားခြေဖိုစဥ်းစားမယ်။

- ဒီအတွက် အသက်ရှုမဝဖြစ်မယ်၊ အိပ်မရဖြစ်မယ်၊
ခေါင်းမူးမယ်၊ သွေးတိုးတက်မယ်၊
စသည်ဖြင့် အကျိုးဆက်တွေရောက်လာမယ်။

- ဒီနေရာမှာ ဒုက္ခနှစ်ထပ်ဖြစ်သွားတယ်
သူတပါးလုပ်တဲ့မတရားမှုကြောင့်ဆုံးရှုံးနှစ်နာတဲ့ဒုက္ခ၊
ခွင့်မလွတ်နိုင်လို့ မိမိဒေါသနဲ့မိမိပြန်ခံရတဲ့ဒုက္ခတွေဖြစ်တယ်။

- အမှန်တော့ ခွင်လွတ်တတ်သူ၊
ရန်ငြိုးမထားတတ်သူတွေဟာ
စိတ်နှလုံး၌ငြိမ်းချမ်းတယ်၊
ချုပ်နှောင့်မှုကင်းပြီး လွတ်လပ်တယ်၊
ရယ်မောပျော်ရွင်နိုင်ကြတယ်။

- ခွင့်လွတ်တတ်သူ၊ ရန်ငြိုးမထားတတ်သူတွေဟာ
မတရားမှုပြုသူတို့လက်မှလည်း
လွတ်မြောက်တတ်ပါတယ်။

Address

Holy Family Cathedral, Upper Main Road, Mayangone Qrt, Mon State
Mawlamyine
12011

Telephone

+959767059785

Website

Alerts

Be the first to know and let us send you an email when OSC Mawlamyine Diocese posts news and promotions. Your email address will not be used for any other purpose, and you can unsubscribe at any time.

Contact The Place Of Worship

Send a message to OSC Mawlamyine Diocese:

Shortcuts

Share

Category