21/08/2026
Pasal Na Neih Hlan rori ah na Ruahta Hmaisa Tengteng a ṭulmi Pawl
Na neih tum mi pa hi.
1. Mipiangthar felfai Pathian fate a si taktak maw?
@ Mipiangthar a si lo ahcun na neih lo a ṭha bik. Zovek milian le mi hmelṭha, pa tuak a si khalah Pathian in a lo siang lo ih, a lungkimpi hrimhrim lo ti thei aw.
2. Zumnak lam ah in hruaikai theitu ding a si pei maw?
@ Zumnak lam ih pacang ṭha, thlaraumi na neih ahcun ziangtik hmangah na sirawk dah lo ding.
3. In duhdawt taktak tu a si ko maw?
@ Nangmah a lo duhdawt taktak lotu, nangmah lam ih uar men mi le duh men mi na neih pang ahcun nan innsang cu na hrangah damsung thawnginn ah a cang ding.
4. Amah thawn neiaw bangta sehla, nulepa nih teh in lungkim pi thei pei maw?
@ Mah pahnih duhdawtawk hi a thupibik konan, nulepa, sungkhat unau ih lungkimpi mi na neih ngah asile duhdawttu le duattu na nei tam sinsin ding tinak a si.
5. Innsang pa dinhmun dingah rinsan tlak taktak a si maw?
@ Hrekhat mipa cu innsangpa dingih rinsan tlak lo, fala uar men ruangih lole k*m upa zo ruangih nupi nei ve meimei an um. Cuvek cu rinsan ngaingai tlak lo tu le mai kee parih ding thei hrih lotu na neih ngah pang asile, sungkhua lakah k*tdawh te nupa ah nan cang pang thei.
6. Nupi fate in cawm thei taktak pei maw?
@ Nufa cawm theinak hnaṭuan fumfe nei cuca lo, khaw lak ih vak lualotu tlangval kha a neih sual pang cun nan buhbel kiangah na ṭamsawl ringring ding.
7. Tar kun tiangin in cawm, in fingkhawi duhtu a si pei maw?
@ Ziangruangah a lo nei duh timi na theihfiang a ṭul. Nupi dingih a lo neihnak san kha sumpai lole mawinak men fang runagah si loin, duhdawtnak diktak ruangah a si cun na tarkun tiang a lo pomhlum thei ding.
8. Mi tawh hmang le k*t le ke mi thlak hmang a si pang maw?
@ A suahpi unau sungkhat lakah le venghnen rualpi lak khalah mi tawh hmang le mi k*t thlak hmang minung a si ahcun, na san sung a khuangte vekin a lo tum ringring ding tinak a si ko.
9. Rit theih sii, zuuk le hmawm, zuu le sa in le ei hmang a si pang maw?
@ Rit theih sii le nupa sualnak, hlohtlaunak, mi ih zomteih tawnnak tipawl hi a ceem aw thluh. Zuu le sa inei hmangtu pa ih nupi si ding cu ruat men khal ah ka khuasiksa a puak ih, ka k*t hmulpawl an tho thluh tum aw! Thuf 20:1
10. Zangzel loten a hnaṭuannak ah mi taima a si ko maw?
@ Mizangzel pasal na neih ngah pang citcet cun na nun sung mi nan bang dah lo ding. Mi ih zawmtiah mi dinhmun in na san a cemral ding.
11. In hrintu ka nulepa le ka suahpi unaupawl teh a duhdawt sak theitu a si maw?
@ Nangmah cu thihcilh khawpin a lo duh hmangah, na nulepa siseh, sungkhat unau a lo duhdawtpi lo ahcun a lo duhdawt taktak lo tinak a si ko. Cuvek cun nan innsungsang ah duhdawtnak taktak nan cên thei dah lo ding ti thei cia aw.
12. Pathian hnaṭuan a si tengteng lo hman ah, a ti thei tawk in kawhhran hnaṭuannak le mission hnaṭuannak ah pumpe-awtu a si maw?
@ Na pasal cu Leitlun hnaṭuannak ah ziangtluk ih dinhmun sang a si hman ah, sumpai ngah zettu a si hman ah, Pathian hnaṭuannak ih a tel ve paih lo tu a si ahcun nun man nei lo Khristian a si tinak a si ko. Nun man nei lo pa ih nupi si ding cu duh lamlam hlah aw.
13. Anmai innsang ah si seh, Kawhhran sungah siseh, khua le ram ih rinsan mi pacang ṭha a si maw?
@ Mi ih rinsan tlak mipa cu na pasal ih na neih asile, nangmah lala tla mi ih an lo upat cih ding. Mi ih ziangsiar lo mi mipa na pasal dingih na neih ngah pang cun mi ih cil phuinak kheng ah na cang thei.
14. Lengkip cai (par tin lawr) hmang pa a si maw lole fala lam ih tuletu hminsiatnak neitu milar a si pang maw?
@ A tlangval lai khal ih fala têr lo ih kaa thaw lo tu mileer le tuletu nunau lam ih hminsiatnak a neitu na neih ngah pang cun na san sungah na ihhmu a thaw taktak thei dah lo ding.
15. Kei in teh dam sung ka pasal dingah ka duhdawt thei taktak pei maw?
@ Pasal neih hi hmeh le tihang tep vekih malte sung vun teh theih mi thil a si lo. Hnipuan bang ih ka tawk nawn lo aw tin midang va ṭhen khal a theih lo ih hlei ah, Mai rannung zuat mi bangih thlah khal a theih lo. Curuangah na damsung ih na duhdawt thei lo ding mi cu na neih lo mai a ṭha. Neihawknak cu dam sung hrang a si ti hngilh hlah.
Hipawl hi innsang na din hlan ih na cal dom tahratin thlacamnak thawn thungai thlak ih thu na ruah ṭulmi pawl an si.
Pasal hawl rero lai tu...duhsak deuh mi unau lole rualpi na neih asile, a hmin Tag in Share aw maw! Kan naunu le farnupawl khan hi thu hi rak thei hai tengteng seh.
