Zathawngcin Siakhel

30/04/2026

𝐁𝐚𝐢𝐛𝐚𝐥 𝐂𝐡𝐢𝐦𝐦𝐢 𝐉𝐞𝐬𝐮𝐡 𝐧𝐢𝐡 𝐦𝐢𝐬𝐮𝐚𝐥 𝐚 𝐩𝐞𝐡𝐭𝐥𝐚𝐢𝐡 𝐡𝐧𝐚 𝐧𝐢𝐧𝐠

𝟏.𝐌𝐢𝐬𝐮𝐚𝐥 𝐤𝐡𝐚 𝐭𝐢𝐦 𝐜𝐢𝐚𝐦𝐦𝐚𝐦 𝐢𝐧 𝐚 𝐟𝐮𝐡 𝐡𝐧𝐚
(𝐇𝐞 𝐚𝐩𝐩𝐫𝐨𝐚𝐜𝐡𝐞𝐝 𝐬𝐢𝐧𝐧𝐞𝐫𝐬 𝐢𝐧𝐭𝐞𝐧𝐭𝐢𝐨𝐧𝐚𝐥𝐥𝐲)
• 𝐉𝐞𝐬𝐮𝐡 𝐧𝐢𝐡 𝐦𝐢𝐬𝐮𝐚𝐥 𝐤𝐡𝐚 𝐚 𝐡𝐫𝐢𝐚𝐥 𝐡𝐧𝐚 𝐥𝐨—𝐀𝐧 𝐬𝐢𝐧 𝐭𝐮 𝐚𝐡 𝐚 𝐤𝐚𝐥 𝐈 𝐚 𝐟𝐮𝐡 𝐡𝐧𝐚.
• 𝐌𝐚𝐭𝐭𝐡𝐚𝐢, 𝐌𝐢𝐬𝐮𝐚𝐥 𝐚𝐡 𝐫𝐮𝐚𝐡𝐦𝐢 (𝐍𝐠𝐮𝐧𝐤𝐡𝐮𝐚𝐢 𝐊𝐡𝐚𝐰𝐥) 𝐤𝐡𝐚 𝐀𝐮𝐡.

𝟐.𝐒𝐮𝐚𝐥𝐩𝐡𝐚𝐰𝐭 𝐬𝐢 𝐥𝐨𝐢𝐧 𝐳𝐚𝐚𝐧𝐠𝐟𝐚𝐡𝐧𝐚𝐤 𝐚 𝐧𝐠𝐞𝐢𝐡 𝐡𝐧𝐚
(𝐇𝐞 𝐬𝐡𝐨𝐰𝐞𝐝 𝐜𝐨𝐦𝐩𝐚𝐬𝐬𝐢𝐨𝐧, 𝐧𝐨𝐭 𝐜𝐨𝐧𝐝𝐞𝐦𝐧𝐚𝐭𝐢𝐨𝐧)
• 𝐌𝐚𝐰𝐡𝐜𝐡𝐢𝐚𝐭 𝐥𝐞 𝐒𝐮𝐚𝐥𝐩𝐡𝐚𝐰𝐭 𝐬𝐢𝐥𝐨𝐢𝐧 𝐌𝐢𝐬𝐮𝐚𝐥, 𝐦𝐢 𝐜𝐡𝐚𝐦𝐛𝐚𝐮 𝐚𝐧 𝐬𝐢𝐧𝐚𝐤 𝐤𝐡𝐚 𝐚 𝐡𝐧𝐠𝐚𝐥𝐡𝐭𝐡𝐢𝐚𝐦 𝐡𝐧𝐚.
• 𝐒𝐮𝐚𝐥 𝐭𝐮𝐚𝐡 𝐥𝐢𝐨 𝐚𝐡 𝐚𝐧 𝐭𝐥𝐚𝐢𝐡𝐦𝐢 𝐧𝐮 (𝐉𝐨𝐡𝐚𝐧 𝟖:𝟏–𝟏𝟏)

𝟑. 𝐀𝐧𝐦𝐚𝐡 𝐡𝐞 𝐩𝐞𝐡𝐭𝐥𝐚𝐢𝐡𝐧𝐚𝐤 𝐚 𝐬𝐞𝐫
(𝐇𝐞 𝐛𝐮𝐢𝐥𝐭 𝐫𝐞𝐥𝐚𝐭𝐢𝐨𝐧𝐬𝐡𝐢𝐩𝐬 𝐰𝐢𝐭𝐡 𝐭𝐡𝐞𝐦)
• 𝐌𝐢𝐬𝐮𝐚𝐥 𝐦𝐢 𝐡𝐧𝐚 𝐬𝐢𝐧𝐚𝐡 𝐫𝐚𝐰𝐥 𝐚 𝐞𝐢 𝐢 𝐜𝐚𝐚𝐧 𝐚 𝐡𝐦𝐚𝐧𝐠.
• 𝐙𝐚𝐤𝐢𝐚 𝐡𝐞 𝐫𝐚𝐰𝐥 𝐚𝐧 𝐞𝐢𝐭̣𝐢 (𝐋𝐮𝐤𝐚 𝟏𝟗)

𝟒.𝐒𝐮𝐚𝐥 𝐧𝐠𝐚𝐢𝐜𝐡𝐢𝐡 𝐝𝐢𝐧𝐠𝐢𝐧 𝐚 𝐚𝐮𝐡 𝐡𝐧𝐚
• 𝐃𝐚𝐰𝐭 𝐬𝐮𝐥𝐥𝐚𝐦 𝐈 𝐬𝐮𝐚𝐥 𝐭𝐮𝐚𝐡𝐦𝐢 𝐯𝐚 𝐜𝐨𝐡𝐥𝐚𝐧 𝐩𝐢𝐚𝐤 𝐤𝐡𝐢 𝐚𝐬𝐢 𝐥𝐨.
• “𝐍𝐚 𝐬𝐮𝐚𝐥𝐧𝐚𝐤 𝐈 𝐍𝐠𝐚𝐢𝐡𝐜𝐡𝐢𝐡” 𝐜𝐮𝐧 “𝐊𝐚𝐥 𝐮 𝐥𝐚𝐰 𝐬𝐮𝐚𝐥𝐧𝐚𝐤 𝐭𝐮𝐚𝐡 𝐭𝐢 𝐡𝐥𝐚𝐡” 𝐭𝐢𝐚𝐡 𝐚𝐭𝐢 𝐥𝐞𝐧𝐠𝐦𝐚𝐧𝐠.

𝟓. 𝐀𝐧 𝐬𝐮𝐚𝐥𝐧𝐚𝐤 𝐤𝐡𝐚 𝐚 𝐧𝐠𝐚𝐢𝐡𝐭𝐡𝐢𝐚𝐦 𝐡𝐧𝐚
(𝐇𝐞 𝐟𝐨𝐫𝐠𝐚𝐯𝐞 𝐭𝐡𝐞𝐢𝐫 𝐬𝐢𝐧𝐬)
• 𝐙𝐚𝐧𝐠𝐟𝐚𝐡𝐧𝐚𝐤 𝐜𝐮 𝐦𝐚𝐧 𝐥𝐨𝐢𝐧 𝐦𝐢𝐬𝐮𝐚𝐥 𝐜𝐚𝐚𝐡 𝐚 𝐩𝐞𝐤.
• 𝐀𝐤𝐞 𝐙𝐢𝐡𝐦𝐮𝐢 𝐚 𝐭𝐡𝐮𝐡𝐦𝐢 𝐦𝐢𝐬𝐮𝐚𝐥 𝐧𝐮 (𝐋𝐮𝐤𝐚 𝟕:𝟑𝟔–𝟓𝟎)

𝟔. 𝐔𝐩𝐚𝐭𝐭𝐥𝐚𝐤 𝐚𝐧 𝐬𝐢𝐧𝐚𝐤 𝐥𝐞 𝐥𝐞 𝐚𝐧 𝐒𝐢𝐧𝐢𝐧𝐠 𝐭𝐥𝐚𝐦𝐭𝐥𝐢𝐧𝐠 𝐤𝐡𝐚 𝐚 𝐩𝐞𝐤 𝐭̣𝐡𝐚𝐧 𝐡𝐧𝐚.
(𝐇𝐞 𝐫𝐞𝐬𝐭𝐨𝐫𝐞𝐝 𝐭𝐡𝐞𝐢𝐫 𝐝𝐢𝐠𝐧𝐢𝐭𝐲 𝐚𝐧𝐝 𝐢𝐝𝐞𝐧𝐭𝐢𝐭𝐲)
• 𝐓𝐢𝐧𝐡𝐦𝐢 𝐭𝐡𝐚𝐫 𝐥𝐞 𝐬𝐢𝐧𝐢𝐧𝐠 𝐭𝐡𝐚𝐫 𝐥𝐞 𝐚𝐧 𝐦𝐚𝐧𝐬𝐮𝐧𝐠 𝐤𝐡𝐚 𝐚 𝐭𝐡𝐚𝐫 𝐢𝐧 𝐚 𝐩𝐞𝐤 𝐭𝐡𝐚𝐧 𝐡𝐧𝐚.
• 𝐒𝐚𝐦𝐚𝐫𝐢𝐚 𝐦𝐢𝐧𝐮 𝐜𝐮 𝐊𝐡𝐫𝐢𝐡 𝐭𝐞𝐡𝐭𝐞 𝐚𝐡 𝐚 𝐜𝐚𝐧𝐠 (𝐉𝐨𝐡𝐧 𝟒)

𝟕. 𝐌𝐚𝐡 𝐥𝐞 𝐦𝐚𝐡 𝐦𝐢𝐝𝐢𝐧𝐠 𝐚𝐡 𝐚𝐚 𝐫𝐮𝐚𝐭𝐦𝐢 𝐡𝐧𝐚 𝐬𝐢𝐧𝐢𝐧 𝐦𝐢𝐬𝐮𝐚𝐥 𝐤𝐡𝐚 𝐚 𝐡𝐮𝐡𝐩𝐡𝐞𝐧𝐡 𝐡𝐧𝐚.
• 𝐁𝐢𝐚𝐤𝐧𝐚𝐤 𝐥𝐞𝐢 𝐚𝐡 𝐦𝐢 𝐭𝐡𝐢𝐚𝐧𝐠 𝐚𝐡 𝐚𝐚 𝐫𝐮𝐚𝐭𝐦𝐢 𝐩𝐨𝐫𝐡𝐥𝐚𝐰𝐭 𝐫𝐮𝐚𝐦𝐤𝐚𝐢 𝐧𝐚𝐤 𝐤𝐡𝐚 𝐉𝐞𝐬𝐮𝐡 𝐧𝐢𝐡 𝐚 𝐝𝐨𝐡.
• 𝐌𝐢 𝐬𝐮𝐚𝐥 𝐧𝐮 𝐚𝐧 𝐭𝐥𝐚𝐢𝐡𝐦𝐢 𝐜𝐮 “𝐒𝐮𝐚𝐥𝐧𝐚𝐤 𝐚 𝐧𝐠𝐞𝐢 𝐥𝐨𝐦𝐢 𝐧𝐢𝐡 𝐥𝐮𝐧𝐠 𝐢𝐧 𝐜𝐡𝐞𝐩 𝐡𝐦𝐚𝐬𝐚 𝐡𝐧𝐚 𝐬𝐞𝐡” 𝐚𝐭𝐢.

𝟖. 𝐌𝐢𝐬𝐮𝐚𝐥 𝐡𝐧𝐚 𝐜𝐚𝐚𝐡 𝐚 𝐛𝐢𝐤 𝐢𝐧 𝐚 𝐫𝐚
(𝐇𝐞 𝐜𝐚𝐦𝐞 𝐬𝐩𝐞𝐜𝐢𝐟𝐢𝐜𝐚𝐥𝐥𝐲 𝐟𝐨𝐫 𝐬𝐢𝐧𝐧𝐞𝐫𝐬)
• 𝐕𝐚𝐧 𝐤𝐚𝐥𝐭𝐚𝐤 𝐢𝐧 𝐯𝐚𝐰𝐥𝐞𝐢 𝐚 𝐫𝐚𝐭𝐜𝐡𝐚𝐧, 𝐚 𝐫𝐢𝐚𝐧 𝐛𝐢𝐚𝐩𝐢 𝐛𝐢𝐤 𝐜𝐮 𝐌𝐢𝐬𝐮𝐚𝐥 𝐜𝐚𝐚𝐡 𝐚𝐬𝐢.
• “𝐌𝐢𝐝𝐢𝐧𝐠 𝐤𝐚𝐰𝐡 𝐚𝐰𝐤 𝐚𝐡 𝐤𝐚 𝐫𝐚 𝐥𝐨, 𝐦𝐢𝐬𝐮𝐚𝐥 𝐦𝐢 𝐤𝐚𝐰𝐡 𝐚𝐰𝐤𝐚𝐡 𝐤𝐚 𝐫𝐚” (𝐋𝐮𝐤𝐚 𝟓:𝟑𝟐)

𝟗. 𝐂𝐨𝐡𝐥𝐚𝐧 𝐥𝐚𝐰𝐧𝐠 𝐬𝐢 𝐥𝐨𝐢𝐧 𝐚 𝐍𝐮𝐧 𝐚 𝐭𝐡𝐥𝐞𝐧 𝐇𝐧𝐚.
(𝐇𝐞 𝐭𝐫𝐚𝐧𝐬𝐟𝐨𝐫𝐦𝐞𝐝, 𝐧𝐨𝐭 𝐣𝐮𝐬𝐭 𝐚𝐜𝐜𝐞𝐩𝐭𝐞𝐝)
• 𝐀𝐦𝐚𝐡 𝐡𝐞 𝐚𝐧 𝐢 𝐭𝐨𝐧 𝐡𝐧𝐮 𝐚𝐡 𝐦𝐢 𝐧𝐮𝐧𝐧𝐚𝐤 𝐚𝐚 𝐭𝐡𝐥𝐞𝐧𝐠 𝐳𝐮𝐧𝐠𝐳𝐚𝐥.
• 𝐙𝐚𝐤𝐢𝐚 𝐜𝐮 𝐦𝐢𝐜𝐡𝐚𝐰 𝐚 𝐜𝐡𝐮𝐭 𝐭𝐚𝐰𝐧𝐦𝐢, 𝐡𝐚𝐤𝐤𝐚𝐮 𝐝𝐢𝐫𝐡𝐦𝐮𝐧 𝐢𝐧 𝐉𝐞𝐬𝐮𝐡 𝐡𝐞 𝐚𝐧 𝐈 𝐭𝐨𝐧 𝐭𝐢𝐤𝐚𝐡 𝐚𝐚 𝐧𝐠𝐚𝐢𝐡𝐜𝐡𝐢𝐡𝐦𝐢 𝐧𝐮𝐧 𝐚𝐡 𝐚𝐚 𝐭𝐡𝐥𝐞𝐧𝐠 𝐢, 𝐒𝐢𝐚𝐧𝐠 𝐭𝐚𝐤𝐭𝐚𝐤 𝐢𝐧 𝐚 𝐜𝐡𝐚𝐦 𝐭𝐡𝐚𝐧 𝐝𝐢𝐡 𝐦𝐢 𝐧𝐮𝐧 𝐚𝐡 𝐚𝐚 𝐭𝐡𝐥𝐞𝐧𝐠.
𝟏𝟎. 𝐌𝐢𝐬𝐮𝐚𝐥 𝐡𝐧𝐚 𝐜𝐚𝐚𝐡 𝐚𝐦𝐚𝐡 𝐥𝐞 𝐚𝐦𝐚𝐡 𝐫𝐚𝐢𝐭𝐡𝐚𝐰𝐢𝐧𝐚𝐤 𝐚𝐡 𝐚𝐚 𝐩𝐞
(𝐇𝐞 𝐬𝐚𝐜𝐫𝐢𝐟𝐢𝐜𝐞𝐝 𝐇𝐢𝐦𝐬𝐞𝐥𝐟 𝐟𝐨𝐫 𝐬𝐢𝐧𝐧𝐞𝐫𝐬)
• 𝐌𝐢𝐬𝐮𝐚𝐥 𝐚 𝐩𝐞𝐡𝐭𝐥𝐚𝐢𝐡𝐧𝐚𝐤 𝐥𝐚𝐤𝐚𝐡 𝐚 𝐬𝐚𝐧𝐠𝐛𝐢𝐤 𝐦𝐢 𝐜𝐮:
• 𝐀𝐧 𝐜𝐚𝐚𝐡 𝐚 𝐭𝐡𝐢 (𝐑𝐨𝐦 𝟓:𝟖)

𝐍𝐚 𝐌𝐢𝐧𝐮𝐧𝐠 𝐡𝐚𝐰𝐢 𝐧𝐢𝐡 𝐜𝐨𝐡𝐥𝐚𝐧 𝐚𝐰𝐤𝐭𝐥𝐚𝐤 𝐥𝐨, 𝐟𝐢𝐡𝐧𝐮𝐧𝐠 𝐦𝐢, 𝐡𝐥𝐚𝐰𝐭𝐦𝐢 𝐥𝐞 𝐡𝐥𝐚𝐦 𝐥𝐨 𝐦𝐢, 𝐡𝐧𝐠𝐚𝐥𝐡 𝐥𝐨𝐦𝐢 𝐧𝐚 𝐬𝐢 𝐳𝐨𝐧𝐠𝐚𝐡, “𝐋𝐞𝐢 𝐥𝐞 𝐕𝐚𝐧 𝐧𝐚𝐰𝐥𝐧𝐠𝐞𝐢𝐡𝐧𝐚𝐤 𝐝𝐢𝐡𝐥𝐚𝐤 𝐩𝐞𝐤 𝐜𝐚𝐧𝐠 𝐦𝐢 𝐊𝐡𝐫𝐢𝐡” 𝐡𝐢 𝐧𝐚 𝐜𝐚𝐚𝐡 𝐚 𝐳𝐚𝐚 𝐤𝐨. 𝐂𝐮 𝐉𝐞𝐬𝐮𝐡 𝐜𝐮 𝐜𝐨𝐡𝐥𝐚𝐧𝐠, 𝐚 𝐧𝐚𝐰𝐥𝐧𝐠𝐚𝐢 𝐥𝐚𝐰, 𝐌𝐢𝐭𝐡𝐢𝐚𝐧𝐠, 𝐏𝐚𝐭𝐡𝐢𝐚𝐧 𝐟𝐚, 𝐙𝐮𝐧𝐠𝐳𝐚𝐥 𝐍𝐮𝐧𝐧𝐚𝐤 𝐫𝐨𝐜𝐨𝐭𝐮 𝐧𝐚 𝐬𝐢. 𝐈 𝐥𝐚𝐰𝐦 𝐤𝐨.

𝐀𝐩𝐫𝐢𝐥 𝟑𝟎, 𝟐𝟎𝟐𝟔

04/08/2025

Bible Cawnpiakmi Minung Nunnak kong.

1. Vawlei ah Zeiruangah na um: Pathian Sunparnak pe tu dingah Sermi. (Isaiah 43:7; Rome 11:36)

2. Zeicandah Vawlei ah na Nun lai? A Tawi taktak (James 4:14; Salm 90:12; Job 14:1-2)

3. Vawlei ah Zeidah a Hmun lai? Zeizong te a Ziam, a Lo than dih lai ( 1 Johan 2:17; Matthai 6:19-21).

4. Jesuh caah Nung; Rianlianngan tlamtlinh nak in na Nunchan tlamtlinh ( 2 Korin 5:15; Filipi 1:21; Matthai 28:19-20).

Cawnawk:
Vawlei ah tlong sawh dingin sermi na si lo; Pathian sunparnak pe tu dingah SER na si.

Zeizong thil vialte hi an ziam dih lai, Pathian pennak lawng zungzal a hmun lai.

Cucaah na Nunnak hi Zungzal Sunparnak caah NUNG.
Amah Kawhauhnak thawngin, Rianliannan tlamtlinh nunpi nakin, Khrih caah NUNG.

So live your life with eternal purpose: For Christ, by His call, through His Great Commission.

August 4, 2025
Denver Airport, Colorado

10/07/2025

08/01/2025

𝐻𝐴𝑅𝑁𝐴𝐾 𝐿𝐴𝐾𝐴𝐻 𝑇𝐻𝐿𝑈𝐴𝐶𝐻𝑈𝐴𝐻

𝑇𝐻𝐿𝐼𝐶𝐻𝐼𝐴 (𝑆𝑡𝑜𝑟𝑚)
𝑇̣𝑖ℎ𝑛𝑢𝑛𝑔 𝑎𝑠𝑖𝑛𝑎𝑖𝑛 𝑇𝑖𝑛ℎ𝑚𝑖 𝑎 𝑁𝑔𝑒𝑖: 𝑇ℎ𝑙𝑖𝑐ℎ𝑖𝑎 𝑛𝑖ℎ 𝑃𝑎𝑡ℎ𝑖𝑎𝑛 𝑡̣ℎ𝑎𝑤𝑛𝑛𝑎𝑘 𝑙𝑒 𝑁𝑎𝑤𝑙𝑛𝑔𝑒𝑖ℎ𝑛𝑎𝑘 𝑘ℎ𝑎 𝑎 𝑘𝑎𝑛 ℎ𝑛𝑔𝑎𝑙ℎ𝑡𝑒𝑟 𝑡̣ℎ𝑎𝑛 (𝐽𝑜𝑏 37:2-13). 𝑇ℎ𝑙𝑖 𝑘ℎ𝑎 𝑎𝑛 𝑡ℎ𝑖𝑎𝑛ℎ 𝑖 𝑣𝑎𝑤𝑙𝑒𝑖 𝑎 𝑡̣ℎ𝑎𝑛𝑐ℎ𝑜𝑛𝑎𝑘 ℎ𝑛𝑔𝑎 𝑎𝑛 𝑡𝑖𝑚ℎ𝑡𝑢𝑎ℎ, 𝑎𝑛 𝑏𝑎𝑤𝑚ℎ𝑐ℎ𝑎𝑛ℎ, 𝑉𝑎𝑤𝑙𝑒𝑖 𝑎𝑛 𝑡ℎ𝑖𝑎𝑛𝑡𝑒𝑟.

𝐻𝑎𝑟𝑛𝑎𝑘 𝑛𝑖ℎ 𝑇ℎ𝑙𝑎𝑟𝑎𝑢 𝑁𝑢𝑛 𝑎 𝑇ℎ𝑎𝑟𝑐ℎ𝑢𝑎ℎ:
𝐽𝑒𝑠𝑢ℎ 𝑛𝑖ℎ 𝑡ℎ𝑙𝑖𝑐ℎ𝑖𝑎 𝑎 𝑑𝑎𝑖ℎ𝑡𝑒𝑟, 𝑧𝑒𝑖𝑧𝑜𝑛𝑔 𝑣𝑖𝑎𝑙𝑡𝑒 𝑐𝑢𝑛𝑔𝑎ℎ 𝑁𝑎𝑤𝑙 𝑎 𝑛𝑔𝑒𝑖ℎ𝑛𝑎𝑘 𝑙𝑒 𝐻𝑎𝑟𝑛𝑎𝑘 𝑙𝑎𝑘 𝑖 𝑘ℎ𝑢𝑎 𝑘𝑎𝑛 𝑠𝑎𝑘 𝑐𝑎𝑎𝑛 𝑎ℎ 𝐴𝑚𝑎ℎ 𝑘𝑎𝑛 𝑓𝑢ℎ, 𝑘𝑎𝑛 𝑍𝑢𝑚ℎ 𝑙𝑒 𝑘𝑎𝑛 𝐵𝑜𝑐ℎ𝑎𝑛 𝑎 ℎ𝑒𝑟ℎ𝑛𝑎𝑘 𝑎 𝑙𝑎𝑛𝑔ℎ𝑡𝑒𝑟 (𝑀𝑎𝑟𝑘𝑎 4:39).

𝐻𝑎𝑟𝑛𝑎𝑘 𝑙𝑒 𝑉𝑎𝑤𝑙𝑒𝑖 𝑎𝑎 𝑡ℎ𝑒𝑛 𝑘ℎ𝑜 𝑙𝑜 𝑛𝑎𝑖𝑛 𝑣𝑎𝑤𝑙𝑒𝑖 𝑑𝑎𝑚𝑛𝑎𝑘 𝑐𝑎𝑎ℎ 𝑇ℎ𝑙𝑖𝑐ℎ𝑖𝑎 𝑡𝑖𝑙𝑒𝑡 𝑣𝑖𝑎𝑙𝑡𝑒 ℎ𝑖 𝑃𝑎𝑡ℎ𝑖𝑎𝑛 𝑛𝑖ℎ 𝑎 𝑠𝑒𝑟𝑚𝑖 ℎ𝑟𝑖𝑎𝑚𝑡ℎ𝑎 𝑙𝑎𝑤𝑛𝑔𝑡𝑒 𝑎𝑛 𝑠𝑖. 𝑆𝑒𝑟𝑐ℎ𝑎𝑛 𝑎𝑛 𝑠𝑖 𝑛𝑎𝑘 𝑧𝑜ℎ𝑡ℎ𝑖𝑎𝑚 𝑎ℎ𝑐𝑢𝑛 𝑇ℎ𝑙𝑖𝑐ℎ𝑖𝑎 𝑙𝑒 𝑡𝑖𝑙𝑒𝑡 ℎ𝑖 𝑉𝑎𝑤𝑙𝑒𝑖 𝑐𝑎𝑎ℎ 𝑡ℎ𝑙𝑢𝑎𝑐ℎ𝑢𝑎ℎ 𝑙𝑎𝑤𝑛𝑔𝑡𝑒 𝑎𝑛 𝑠𝑖.

𝐾𝑎𝑛 𝑁𝑢𝑛𝑛𝑎𝑘 𝑙𝑒 𝐻𝑎𝑟𝑛𝑎𝑘 𝑎𝑎 𝑡ℎ𝑒𝑛 𝑘ℎ𝑜 𝑙𝑜.
𝐴𝑛 𝐻𝑎𝑟 𝑛𝑎𝑖𝑛 𝑧𝑒𝑖𝑧𝑜𝑛𝑔 𝑡𝑒 𝑐𝑢𝑛𝑔𝑎ℎ 𝑁𝑎𝑤𝑙𝑛𝑔𝑒𝑖𝑡𝑢 𝑃𝑎𝑡ℎ𝑖𝑎𝑛 𝑙𝑒𝑖𝑘𝑎𝑝 𝑖𝑛 𝑧𝑜ℎ 𝑎ℎ𝑐𝑢𝑛 𝑘𝑎𝑛 𝑇ℎ𝑙𝑎𝑟𝑎𝑢 𝑛𝑢𝑛 𝑡ℎ𝑎𝑟𝑐ℎ𝑢𝑎ℎ𝑛𝑎𝑘 𝑐𝑎𝑎ℎ 𝑎 ℎ𝑒𝑟ℎ𝑚𝑖 𝑃𝑎𝑡ℎ𝑖𝑎𝑛 𝑡ℎ𝑙𝑢𝑎𝑐ℎ𝑢𝑎ℎ 𝑙𝑎𝑤𝑛𝑔𝑡𝑒 𝑎𝑛 𝑠𝑖 𝑑𝑖ℎ.

𝐻𝑎𝑟𝑛𝑎𝑘 ℎ𝑖 𝑃𝑎𝑡ℎ𝑖𝑎𝑛 𝑙𝑒𝑖 𝑘𝑎𝑝 𝑖𝑛 𝑧𝑜ℎ/𝑐𝑢𝑎𝑛 𝑙𝑎𝑤 𝑛𝑎 𝑇ℎ𝑙𝑢𝑎𝑐ℎ𝑢𝑎ℎ 𝑎𝑛 𝑠𝑖 𝑘ℎ𝑎 𝑛𝑎 ℎ𝑛𝑔𝑎𝑙ℎ/𝑓𝑖𝑎𝑛𝑔 𝑙𝑎𝑖 𝑖 𝐻𝑎𝑟𝑛𝑎𝑘 𝑙𝑎𝑘𝑎ℎ 𝑙𝑎𝑤𝑚ℎ𝑛𝑎𝑘 𝑛𝑖𝑐𝑒𝑢 𝑎 𝑡𝑙𝑎𝑎𝑛𝑔 𝑙𝑎𝑖.

𝐵𝑎𝑤𝑖𝑝𝑎 𝑛𝑖ℎ 𝑍𝑢𝑚𝑡𝑢 ℎ𝑖 𝐻𝑎𝑟𝑛𝑎𝑘 𝑎 𝑢𝑚 𝑙𝑜 𝑛𝑎𝑘 𝑉𝑎𝑤𝑙𝑒𝑖 𝑎ℎ 𝑐ℎ𝑖𝑎 𝑙𝑜𝑖𝑛 𝐻𝑎𝑟𝑛𝑎𝑘 𝑖𝑛 𝑎 𝑘ℎ𝑎𝑡𝑚𝑖 𝑉𝑎𝑤𝑙𝑒𝑖 𝑎ℎ 𝑇𝐸𝐼𝑇𝑈 𝑛𝑢𝑛 𝑛𝑔𝑒𝑖 𝑖𝑛 𝑆𝑢𝑛𝑝𝑎𝑟𝑛𝑎𝑘 𝑐𝑎𝑎ℎ 𝑆𝑎𝑛𝑡𝑙𝑎𝑖 𝑑𝑖𝑛𝑔𝑖𝑛 𝑎 𝑐ℎ𝑖𝑎ℎ𝑚𝑖 𝐾ℎ𝑟𝑖ℎ 𝐿𝑎𝑚𝑘𝑎𝑙𝑡𝑢, 𝑍𝑢𝑙𝑡𝑢 𝑘𝑎𝑛 𝑠𝑖.

𝐵𝑎𝑤𝑖𝑝𝑎 𝑛𝑖ℎ 𝑡ℎ𝑙𝑢𝑎𝑐ℎ𝑢𝑎ℎ 𝑖𝑛 𝑝𝑒 𝑐𝑖𝑜 𝑘𝑜 ℎ𝑛𝑎 𝑠𝑒ℎ.
𝐽𝑎𝑛𝑢𝑎𝑟𝑦 8, 2025

04/12/2024

𝐶𝑎𝑤𝑛𝑛𝑎𝑘: 𝑁𝑢𝑛𝑛𝑎𝑘 𝐴 𝑇𝑎𝑤𝑖𝑛𝑎𝑘 𝑙𝑒 𝑇̣ℎ𝑎 𝑡𝑒𝑖𝑛 𝐻𝑚𝑎𝑛 𝑘ℎ𝑎𝑤ℎ𝑛𝑎𝑘 𝐿𝑎𝑚

𝐵𝑖𝑎𝑑𝑜𝑚ℎ𝑛𝑎𝑘
𝑃𝑎𝑡ℎ𝑖𝑎𝑛 𝑙𝑎𝑘𝑠𝑎𝑤𝑛𝑔, 𝑁𝑢𝑛𝑛𝑎𝑘 𝑐𝑢 𝑐𝑎𝑎𝑛 𝑡𝑎𝑤𝑖𝑡𝑒 𝑎 𝑠𝑖, 𝑐𝑎𝑎𝑛 𝑡𝑎𝑤𝑖𝑡𝑒 𝑐ℎ𝑢𝑛𝑔 𝑎 ℎ𝑢𝑛𝑔 𝑙𝑎𝑛𝑔 𝑖 𝑎 𝑡𝑙𝑎𝑢 𝑐𝑎𝑤𝑙ℎ 𝑑𝑖𝑛𝑔𝑚𝑖 𝑎 𝑠𝑖 (𝐽𝑒𝑖𝑚 4:14). 𝐻𝑖 𝑙𝑎𝑘𝑠𝑎𝑤𝑛𝑔 𝑠𝑢𝑛𝑔𝑙𝑎𝑤𝑖 𝑧𝑜ℎ𝑘ℎ𝑒𝑛ℎ𝑡𝑢 𝑘𝑎𝑛 𝑠𝑖 𝑏𝑎𝑛𝑡𝑢𝑘𝑖𝑛, 𝑃𝑎𝑡ℎ𝑖𝑎𝑛 𝑠𝑢𝑛𝑝𝑎𝑟𝑛𝑎𝑘 𝑐𝑎𝑎ℎ 𝑡𝑖𝑚ℎ𝑐𝑖𝑎 𝑡𝑒𝑖𝑛 𝑘𝑎𝑛 𝑛𝑢𝑛 𝑎 ℎ𝑎𝑢.

1. 𝑁𝑢𝑛𝑛𝑎𝑘 𝑎 𝑡𝑎𝑤𝑖𝑛𝑎𝑘 𝑘ℎ𝑎 ℎ𝑛𝑔𝑎𝑙ℎ

𝐶𝑎𝑎𝑛𝑔: “𝐵𝑎𝑤𝑖𝑝𝑎, 𝑘𝑎 𝑛𝑢𝑛𝑛𝑎𝑘 𝑑𝑜𝑛𝑔ℎ𝑛𝑎𝑘 𝑙𝑒 𝑘𝑎 𝑛𝑢𝑛𝑛𝑎𝑘 𝑛𝑖 𝑧𝑒𝑖𝑧𝑎𝑡 𝑑𝑎ℎ 𝑎 𝑠𝑖 𝑙𝑎𝑖 𝑡𝑖 𝑘ℎ𝑎 𝑘𝑎 ℎ𝑚𝑢ℎ𝑠𝑎𝑘 𝑡𝑢𝑎ℎ; 𝑘𝑎 𝑛𝑢𝑛𝑛𝑎𝑘 𝑐𝑢 𝑧𝑒𝑖𝑐𝑎𝑛 𝑑𝑎ℎ 𝑎 𝑡𝑎𝑎𝑛 𝑡𝑖 𝑘ℎ𝑎 𝑘𝑎 ℎ𝑛𝑔𝑎𝑙ℎ𝑡𝑒𝑟 𝑘𝑜.” (𝑆𝑎𝑙𝑚 39:4)
𝐶𝑎𝑤𝑛 𝑎𝑤𝑘: 𝑁𝑢𝑛𝑛𝑎𝑘 𝑐𝑢 𝑎 𝑡𝑎𝑤𝑖 𝑡𝑖 ℎ𝑛𝑔𝑎𝑙ℎ𝑡ℎ𝑖𝑎𝑚𝑛𝑎𝑘 𝑛𝑖ℎ 𝑐𝑎𝑎𝑛 𝑡𝑎𝑤𝑖𝑡𝑒 𝑛𝑢𝑎𝑚ℎ𝑛𝑎𝑘 𝑛𝑎𝑘𝑖𝑛 𝑧𝑢𝑛𝑔𝑧𝑎𝑙 𝑘𝑜𝑛𝑔 𝑘ℎ𝑎 𝑏𝑖𝑎𝑝𝑖 𝑏𝑖𝑘 𝑎ℎ 𝑎 𝑘𝑎𝑛 𝑐ℎ𝑖𝑎ℎ 𝑡𝑒𝑟.

2. 𝑍𝑒𝑖𝑧𝑜𝑛𝑔 𝑣𝑖𝑎𝑙𝑡𝑒 𝑎ℎ 𝑃𝑎𝑡ℎ𝑖𝑎𝑛 𝐷𝑢ℎ𝑛𝑎𝑘 𝐾𝑎𝑤𝑙

𝐶𝑎𝑛𝑔: “𝐴 𝑃𝑒𝑛𝑛𝑎𝑘 𝑙𝑒 𝑎 𝑑𝑖𝑛𝑛𝑎𝑘 𝑘ℎ𝑎 𝑏𝑖𝑎𝑝𝑖 𝑑𝑒𝑢ℎ 𝑖𝑛 𝑟𝑢𝑎𝑡 𝑢 𝑙𝑎𝑤 𝑡ℎ𝑖𝑙 𝑑𝑎𝑛𝑔 𝑣𝑖𝑎𝑙𝑡𝑒 𝑧𝑜𝑛𝑔 𝑘ℎ𝑎 𝑝𝑒𝑘 𝑛𝑎𝑛 𝑠𝑖 𝑣𝑒 𝑘𝑜 𝑙𝑎𝑖.” (𝑀𝑎𝑡𝑡ℎ𝑎𝑖 6:33)
𝐶𝑎𝑤𝑛𝑛𝑎𝑘: 𝐾𝑎𝑛 𝑛𝑢𝑛𝑛𝑎𝑘 𝑘ℎ𝑎 𝑃𝑎𝑡ℎ𝑖𝑎𝑛 𝑑𝑢ℎ𝑛𝑎𝑘 ℎ𝑒 𝑎𝑎 𝑡𝑙𝑎𝑘𝑚𝑖 𝑠𝑖𝑡𝑒𝑟𝑛𝑎𝑘 𝑛𝑖ℎ 𝑎 𝑏𝑖𝑎𝑝𝑖 𝑡𝑎𝑘𝑡𝑎𝑘𝑚𝑖 𝑡ℎ𝑖𝑙 𝑎ℎ 𝑘𝑎𝑛 𝑐𝑎𝑎𝑛 𝑘𝑎𝑛 ℎ𝑚𝑎𝑛 𝑘ℎ𝑎𝑤ℎ 𝑛𝑎𝑘ℎ𝑛𝑔𝑎 𝑎 𝑘𝑎𝑛 𝑏𝑎𝑤𝑚ℎ.

3. 𝐶𝑎𝑎𝑛 𝑡ℎ𝑎 𝑛𝑎 ℎ𝑚𝑢ℎ𝑚𝑖 𝑝𝑎𝑜ℎ 𝑘ℎ𝑎 𝑡𝑡ℎ𝑎 𝑡𝑒𝑖𝑛 ℎ𝑚𝑎𝑛𝑔

𝐶𝑎𝑎𝑛𝑔: “𝐶𝑢𝑐𝑎𝑎ℎ 𝑧𝑒𝑖𝑡𝑖𝑛𝑑𝑎ℎ 𝑛𝑎𝑛 𝑛𝑢𝑛𝑛 𝑎𝑠𝑖 𝑘ℎ𝑎 𝑖 𝑟𝑎𝑙𝑟𝑖𝑛𝑔 𝑢, 𝑚𝑖ℎ𝑟𝑢𝑡 𝑏𝑎𝑛𝑡𝑢𝑘𝑖𝑛 𝑠𝑖 ℎ𝑙𝑎ℎ 𝑢, 𝑚𝑖𝑓𝑖𝑚 𝑏𝑎𝑛𝑡𝑢𝑘𝑖𝑛 𝑢𝑚 𝑢. (𝐸𝑓𝑒𝑠𝑎 5:15-16)
𝐶𝑎𝑤𝑛𝑛𝑎𝑘: 𝐶𝑎𝑎𝑛 𝑠𝑎𝑤𝑘𝑠𝑎𝑎𝑚𝑛𝑎𝑘 ℎ𝑟𝑖𝑎𝑙 𝑙𝑎𝑤 𝑛𝑖𝑓𝑎𝑡𝑖𝑛 𝑡𝑖𝑛ℎ𝑚𝑖 𝑙𝑒 𝑡𝑒𝑖𝑚𝑎𝑘𝑛𝑎𝑘 ℎ𝑒 𝑛𝑢𝑛𝑔.

4. 𝐷𝑎𝑤𝑡𝑛𝑎𝑘 𝑖𝑛 𝑀𝑖𝑑𝑎𝑛𝑔 𝑅𝑖𝑎𝑛𝑡𝑢𝑎𝑛

𝐶𝑎𝑎𝑛𝑔: “𝑃𝑎𝑡ℎ𝑖𝑎𝑛 𝑣𝑒𝑙𝑛𝑔𝑒𝑖ℎ𝑛𝑎𝑘 𝑙𝑎𝑘𝑠𝑎𝑤𝑛𝑔 𝑎 𝑝ℎ𝑢𝑛𝑝ℎ𝑢𝑛 𝑎 𝑡𝑖𝑛𝑔𝑐𝑜, 𝑎 𝑛𝑔𝑒𝑖𝑚𝑖 𝑧𝑢𝑚ℎ𝑎𝑤𝑘𝑡𝑙𝑎𝑘 𝑐ℎ𝑎𝑤𝑛𝑘𝑒𝑛𝑔𝑡𝑢 𝑏𝑎𝑛𝑡𝑢𝑘𝑖𝑛 𝑛𝑎𝑛 ℎ𝑚𝑢ℎ𝑚𝑖 𝑙𝑎𝑘𝑠𝑎𝑤𝑛𝑔 𝑘ℎ𝑎 𝑚𝑖𝑑𝑎𝑛𝑔 𝑐𝑎𝑎ℎ ℎ𝑚𝑎𝑛𝑔 𝑢.” (1 𝑃𝑖𝑡𝑒𝑟 4:10)
𝐶𝑎𝑤𝑛𝑛𝑎𝑘: 𝑀𝑖𝑑𝑎𝑛𝑔 𝑟𝑖𝑎𝑛ℎ𝑛𝑎𝑘, 𝑚𝑖 𝑏𝑎𝑤𝑚ℎ𝑛𝑎𝑘 𝑎ℎ 𝑁𝑢𝑛𝑛𝑎𝑘 ℎ𝑚𝑎𝑛𝑛𝑎𝑘 𝑛𝑖ℎ 𝑃𝑎𝑡ℎ𝑖𝑎𝑛 𝑠𝑢𝑛𝑝𝑎𝑟𝑛𝑎𝑘 𝑎 𝑝𝑒𝑘 𝑖 𝑎 𝑃𝑒𝑛𝑛𝑎𝑘 𝑐𝑎𝑎ℎ 𝑣𝑎𝑤𝑙𝑒𝑖 𝑐𝑢𝑛𝑔 𝑎ℎ ℎ𝑚𝑢𝑎𝑙 𝑎 𝑛𝑔𝑒𝑖ℎ𝑡𝑒𝑟.

5. 𝑉𝑎𝑛𝑐𝑢𝑛𝑔 𝑎ℎ 𝐶ℎ𝑎𝑤𝑣𝑎 𝐶ℎ𝑖𝑎

𝐶𝑎𝑎𝑛𝑔: “𝑉𝑎𝑤𝑙𝑒𝑖 𝑎ℎ 𝑛𝑎𝑛 𝑐ℎ𝑎𝑤𝑣𝑎 𝑘ℎ𝑜𝑛𝑔 ℎ𝑙𝑎ℎ 𝑢... 𝑉𝑎𝑛𝑐𝑢𝑛𝑔 𝑎ℎ 𝑛𝑎𝑛 𝑐ℎ𝑎𝑤𝑣𝑎 𝑘ℎ𝑜𝑛𝑔 𝑢.” (𝑀𝑎𝑡𝑡ℎ𝑎𝑖 6:19-20)
𝐶𝑎𝑤𝑛𝑛𝑎𝑘: 𝑇ℎ𝑙𝑎𝑟𝑎𝑢 𝑙𝑒𝑖 𝑡𝑡ℎ𝑎𝑛𝑐ℎ𝑜𝑛𝑎𝑘, 𝑇ℎ𝑎𝑤𝑛𝑔𝑡ℎ𝑎 𝑐ℎ𝑖𝑚𝑛𝑎𝑘 𝑙𝑒 𝑧𝑢𝑛𝑔𝑧𝑎𝑙 𝑙𝑎𝑘𝑠𝑎𝑤𝑛𝑔 𝑐𝑎𝑎ℎ 𝑃𝑎𝑡ℎ𝑖𝑎𝑛 𝑃𝑒𝑛𝑛𝑎𝑘 𝑘𝑎𝑢ℎ 𝑛𝑎𝑘 𝑟𝑖𝑎𝑛 𝑡𝑢𝑎𝑛𝑛𝑎𝑘 𝑐𝑎𝑎ℎ 𝑛𝑎 𝑐ℎ𝑎𝑤𝑣𝑎 ℎ𝑚𝑎𝑛𝑔, 𝑍𝑢𝑛𝑔𝑧𝑎𝑙 𝑐𝑎𝑎ℎ 𝑘ℎ𝑜𝑛𝑔 (𝐼𝑛𝑣𝑒𝑠𝑡).

𝐴 𝑑𝑜𝑛𝑔ℎ𝑛𝑎𝑘 ℎ𝑢𝑎𝑝𝑛𝑎𝑘
𝑁𝑢𝑛𝑛𝑎𝑘 𝑐𝑢 𝑎 𝑡𝑎𝑤𝑖, 𝑎𝑠𝑖𝑛𝑎𝑖𝑛 𝑃𝑎𝑡ℎ𝑖𝑎𝑛 𝑠𝑢𝑛𝑝𝑎𝑟𝑛𝑎𝑘 𝑐𝑎𝑎ℎ ℎ𝑚𝑎𝑛 𝑡𝑖𝑘𝑎ℎ 𝑠𝑢𝑙𝑙𝑎𝑚 𝑎 𝑛𝑔𝑒𝑖 𝑡𝑢𝑘 𝑘ℎ𝑜. 𝑍𝑢𝑛𝑔𝑧𝑎𝑙 𝑎 ℎ𝑚𝑢𝑛𝑚𝑖 𝑐𝑎𝑎ℎ 𝑡𝑖𝑚ℎ𝑐𝑖𝑎 𝑡𝑒𝑖𝑛 𝑛𝑢𝑛𝑔 ℎ𝑛𝑎 𝑢 𝑠𝑖ℎ, 𝑙𝑢𝑛𝑔𝑡ℎ𝑖𝑛 𝑑𝑖ℎ𝑙𝑎𝑘 𝑖𝑛 𝐼 𝑑𝑎𝑤 ℎ𝑛𝑎 𝑢 𝑠𝑖ℎ 𝑙𝑎𝑤 𝑧𝑢𝑚ℎ𝑎𝑤𝑘𝑡𝑙𝑎𝑘 𝑡𝑒𝑖𝑛 𝑟𝑖𝑎𝑛𝑡𝑢𝑎𝑛 ℎ𝑛𝑎 𝑢 𝑠𝑖ℎ. “𝐿𝑢𝑛𝑔𝑡ℎ𝑖𝑛 𝑓𝑖𝑚 𝑘𝑎𝑛 𝑛𝑔𝑒𝑖ℎ 𝑘𝑎𝑛 𝑛𝑢𝑛𝑛𝑎𝑘 𝑛𝑖 𝑙𝑒 𝑐𝑎𝑎𝑛 𝑘𝑎𝑛 𝑟𝑒𝑙 𝑡ℎ𝑖𝑎𝑚 𝑘ℎ𝑎𝑤ℎ𝑛𝑎𝑘 ℎ𝑛𝑔𝑎 𝑘𝑎𝑛 𝑐𝑎𝑤𝑛𝑝𝑖𝑎𝑘 𝑙𝑎𝑤 𝑓𝑖𝑚 𝑘𝑎𝑛 𝑐ℎ𝑖𝑚 𝑡𝑢𝑎ℎ” (𝑆𝑎𝑙𝑚 90:12).

25/10/2024

PATHIAN DAWTNAK MINUNG SINING CUNGAH A NGAN ZIA

Serchom nih Sertu kan ralchanh. Kan ralchanh hmanh hngal kho lo in Sualnak ah kan I nuam lio ah Sualman thihnak chungin, Fapa thih ternak in a kan khamh. Mi sual kha na sual lo a kan ti I, mi ding lo kha mi ding tiah a kan ti. Mi thur kha Miphun thiang a kan ti I, a vel thawngin kan phut lo, kan cotawk lo vawlei thluachuah a kan chap lawng siloin Zungzal nunnak a kan pek. Minung Serchan kan sinak le kan tlolhnak, kan dirhmun le Pathian Dawtnak le kan cung I rian a tuan ning le kan dirhmun a thlen ning Bible Cawnpiaknak Tawi:

1. Pathian nih a sunparnak caah a sermi (Created by God for His Glory)
“Ka min in auhmi vialte, ka sunparnak caah ka sermi hna, ka ser hna i ka ser hna.” — Isaiah 43:7

2. Mi vialte cu a tlu cangmi misual kan si (All are fallen sinners)
“Zeicahtiah mi vialte cu kan sual dih i Pathian sunparnak kha kan bau dih.” — Rom 3:23

3. Kan caah Pathian tinhmi hmelchunhnak kan tlau (Missing the mark of God’s purpose for us)
“A dingmi ahohmanh an um lo, pakhat hmanh an um lo; a hngalthiammi an um lo; Pathian a kawlmi ahohmanh an um lo.” — Rom 3:10-11

4. Pathian nih Khamh a kan Duh (God’s passion to save us)
“Zeicahtiah Mi Fapa cu a tlaumi kawl awk le khamh awkah a ra.” — Luka 19:10

5. Kan Khamhnak caah a fapa Ngeihchun Thih awkah a Thlah (Sent His only Son Jesus to die for us)
“Pathian nih vawlei hi a dawt hringhran caah a Fapa ngeihchunte kha a pek, cucaah amah a zummi paoh cu an thi lai lo, zungzal nunnak an ngei lai.” — Johan 3:16

6. Zaangfahnak in Dantatnak in Luatter kan si (Free from punishment by mercy)
“Amah nih a kan khamh cu a hmaanmi thil kan tuahmi ruangah si loin a zaangfahnak thawngin a kan khamh.” — Titas 3:5

7. Velngeihnak thawngin kan Cotawklo zungzal nunnak thluachuah pek kan si (Unworthy blessing of eternal life through grace)
“Zeicahtiah velngeihnak thawngin khamh nan si, zumhnak thawngin khamh nan si—cucu nanmah sinin a rami a si lo, Pathian laksawng a si.” — Efesa 2:8

8. Misual kan Si lioah Miding tiah auh kan si (Called righteous when we are sinners)
“Pathian nih sualnak a ngei lomi Khrih cu kan caah sualnak ah a ser i cuticun amah he kan i pehtlaihnak thawngin Pathian dinnak kan i hmuh khawh nakhnga caah a si.” — 2 Korin 5:21

9. Sual nak ah Kan tlau lioah miphun thiang tiah Auh kan si (Called a holy nation though we are fallen)
“Sihmanhsehlaw nannih cu thimmi miphun, siangpahrang tlangbawi, miphun thiang, Pathian ta nan si, muihnak chungin a ceunak chungah an kotu hna thangṭhatnak kha nan chim khawh nakhnga.” — 1 Piter 2:9

10. Khrih In kan Sining Thlen kan si (Who we are and how God changes our identity)
“Cucaah cun ahohmanh Khrih he an i pehtlaih ahcun ser thar a si cang: thil hlun cu a lo cang i thil thar cu a um cang!” — 2 Korin 5:17

11. Pathian nih a kan Ngaihthiam bantukin Mi ngaihthiam awkah kawh kan si (Called to forgive as God forgave)
“Pakhat le pakhat cungah zaangfahnak le zaangfahnak ngei u law Pathian nih Khrih thawngin an ngaihthiam hna bantukin pakhat le pakhat i ngaithiam u.” — Efesa 4:32

12. Jesuh nih a hmaan lomi sualpuhnak kha doh loin a tuar (Jesus bore false accusations without fighting back)
“An serhsat tikah, a lehrulh hna lo; harnak a in tikah hrocernak zeihmanh a tuah lo. Cu nakin, ding tein bia a ceihtu Pathian sinah khan aa bochan deuh.” — 1 Piter 2:23

Nun Cawnawk (Life Application Lessons)
 Pathian nih Sunparnak petu ding hmuitinh he an ser kha hngal law Sunparnak caah NUNG. (Live for God’s Glory)
 Misual kan Sinak kha Toidor tein Cohlang: Misual chambau kan si kha hngal law Sual zei rello mi nun siloin Ngaichih lengmang Nun ngei. (Humble Acceptance of Our Sinfulness)
 Sualnak chungah kan Tlau I phuhrunnak he Dawtawk tlak ka si lo tiah ningzak in kan um lio zongah Pathian nih kan Nun ah hmuitinh a ngeih ti philh hlah law Pathian Hmuitinh Kawl. (Seek God’s Purpose)
 Dawt tlak lo kan si lioah a kan kawlmi le aa thleng ballo mi Pathian Dawtnak kha Thawnnak ah hmang midang va dawtnak nun in Karh ter. (Appreciate God’s Love for Us)
 Ka caah Khrih a thihnak hi a Nganbik mi Laksawng asi caah Pathian le minung hawi rianhnak ah a nung in pekchanhmi raithawinak bantuk in Nung (Accept God’s Sacrifice).
 Ka cungah Pathian nih a langhtermi Zangfahnak kha midang sinah samh chin, Ngaihthiam nun cawm le, mi thangchiat hmangmi thlarau hrial (Embrace Mercy and Extend It)
 Khamhnak hi kanmah Hlawhmi siloin Pathian Laksawng asi kha philh hlah. Toidornak nun ngei, thluachuah hi kan tuan khawh ruangah siloin Pathian vel I a ra mi asi philh hlah. (Walk in Grace, Not Entitlement)
 Pathian nih Thiamcoter mi na si kha cohlang. Mah le mah Sual I phawtnak kha ngol law, Pathian nih thiam an coter cangmi na si nakhnga cohlang. Pathian cohlang mi nun ngeihnak lam ah thang. (Embody Your Righteous Identity)
 Miphun thiang na si cang bantukin thianghlim nun ngeih I zuam zungzal (Live Out Holiness in Daily Life)
 Pathian nih na nunnak in thleng seh. Pathian a upat lo mi a luancia nan nuncan ziaza vialte ka**ak law, na nun thlennak nawl kha Pathian pe. (Let God Transform Your Life)
 Nitin Ngaihthiam nun cawng. Pathian nih a kan ngaihthiam bantuk in fahnak an petu hna ngaihthiam nun kha cawng le nunpi khawh I zuam.
 Jesuh nih a si lo ningin sual a phawmi hna kha a rak hna lo bantuk in midang nih na si lo ningin an in ti tikah, thinhunnak in leh than ve lo I zuam. Pathian cu Dinnak Pathian asi I ding tein bia a ceih kha philh lo in Dawtnak le thlacamnak he dinnak tanhbu in leh khawh I zuam hna.

October 25, 2024 @ 11:43 am
Indianapolis Airport

22/10/2024

THLENAK (Change)
Minung nunning aa thlengmi chan kan phan. Tahchunnak cheukhat -
 Zarhpi (Sunday) ah mi nih duh bik mi Lentecelhnak (Sport) poah tuah asi cang.
 Zarhpi (Sunday) hi Ih nak (Sleep) caan ah a hmangmi minung tam chan kan phan.
 Siangngakchia nih voi khat te ah Hla ngaihpah, Online tuai pah, Hawi le he i Text pah le a aw chuah ter lo in TV zoh pah in Homework tuah chan kan phan.
 Rawl Dawr le Thilzuarnak Dawr pawl Zarhpi ah On le Ni dang nakin Zarhpi ah a miak tampi an hmuh deuh nak chan kan phan.
 Zapi zohmi Media ah Khrihfabu nih Tax pek ding kong langsar in ceih chan kan phan (US Context)
 Miphun teng in le Biaknak i Dannak pawl nitin nunnak ah mithmuh in a puam chin lengmang.
 Company zong riantuan tu hmet ter deuh tung i ngan deuh rian tuan kho dingin sersiam chan kan phan.
 Thazaang in sitiloin fimnak in riantuan chan kan phan.
 Rumnak hi vawlei chung chuak thil man sung ah sitiloin Fimthiamnak (Technology) ah a um chan kan phan.
 Khualtlawn hau lo in ramkip I chawnh biak le mui hmuh bak in ton biaruah khawh chan kan phan.
 Sianginn kai hmanh herh theng lem loin um nak hmun poah in fimnak kawl le. Hmuh khawh chan kan phan. (Tawtawk fungtuk hrim cu a hau ti lo!)
 Pehawk a tampi len rih lai….

Hi thil pawl nih an langhter mi cu Vawlei ah Thlennak Nganpi a chuak cuahmah ti asi. Thlennak lak ah Khrihfabu thithruainak zong Thleng lo in kan kal peng lai ti cu THIH HNGAH asi. Hruaitu hna nih Pathian sinah Fimnak hal in Thlenning Lam kawl I zuam I, Thlen Cohlan khawh kan herh. “Change Your Church of Die,” Josh Hunt

Nokia In Cawn Khawhmi
Mobile phone ah vawlei ah a nganbikmi Nokia cu rang tuk in aa thlengmi Technology an dawi lo ruangah an Thi. An thihnak tiah ruahmi tampi lakah cawntlak hna cu:
1. Smartphone Thannak Dawi an Tlolh: 2007 ah Apple nih iPhone an chuah cu lio ah Nokia nih cun Symbian Operating System, a lar ngaimi an hman. Sinain Hmangtu caah a tlam a tling tukmi iOS le Android System nih a hun chuahpimi hnu an dawi ti lo tik ah an thi.
2. Software Lei Khuakhanning Derthawmnak: Apple’s iOS le Google’s Android nih an Software an thlen tluahmah lio ah chan a dawi kho ti lomi Symbian pengah Nokia nih hram an thlak (Invest). Ahnu ah MeeGo plattform an I tlaih nain a dawi kho hlei lo I lungdongh leiah Window phone caah Microsft an hung pehtlaih nain iOS le Android dawinak ding caah a tlai tuk cang.
3. I Sersiam Duh lo in Mah Dirhmun a Tha Bik ah Hmuhnak (Overconfidence): Nokia cu can sau taktak vawlei mi vialte nih duh bikmi dirhmun ah an dir, thlennawn hau lo tluk ah an I ruat. Mobile phone a leng lei (Hardware) kong lawng biapi ah an chiah lio ah Software Ecosystem, App te pawl kha zei ah an rel hna lo I zei an rel lo nak zawn kha Apple nih hlawknak ah a hman bikmi zawn a rak si.
4. Minung Duhmi Thil aa Thlennak Dawi an Tlolh: Nokia nih tlaihtawn kel phone (Traditional mobile phone) in Smartphone, kutdong in a hmai tonghmi, App in rian a tuanmi chan ah rangtuk in kan I thleng cang ti kha tlai tuk lawngah an lung a fiang. Sersiam kan herh lo kan tha ko tiah an I ruat. Sersiam kan hau ti an hun hngalh i, an hun thok ah cun a rak tlai tuk cang, Apple le Android nih vawlei ah hmunhma an rak lak dih cang.
5. Thithruainak le Chunglei Rualrem lo nak: Nokia hruaitu lakah an Market nih an duhmi hawih in i thlennak tuah dingah biachahnak an tuah kho lo. Chunglei ah thencheunak a um, biachah an i nuarh tuk, a felfai mi Strategy an ngeih lo nak nih hmual ngei tein an company kha a cawl ter kho lo, a dawnh, I a kham. Cunih cu sersiamnak can tha an ngeihmi kha a tlolh ter hna I, Market tiluan dawinak ding ah a tlai ter hna.
6. Zuamcawhtu an chuak: Apple le Samsung nih Nokia derthawmnak zawn kha can tha ah la in Nokia cu an hun zuamcawh (Compete). Apple nih a hmangtu caah siarem tuk dingmi App Ecosystem a hman lio ah Samsung nih Android rang tein a van cohlan I hodah aa tei lai ti awk tlukin Apple le Samsung cu thancho an I zuam Market an I cuh lio ah Nokia cu I sersiam duh lo in le thlen nak ding caah biachahnak tuah khawh lo ruangah ah hnu ah a tang I cunih cun Nokia Market cu a lak dih tikah a thi ko.

An Sunghmi:
1. Market Value Loss: 2000 ah Nokia cu $300 Billion man asi 2012 ah cun $10 Billion man ah aa chuah I $290 Billion a sung. An zuar khawh ti lo ruang le, Smartphone chan a dawi ti lo ruang le amah tei dingin a pawngah a thang cuahmah mi an um kha tuaktan a tlolh caah asi.
2. Revenue Decline: 2007 ah $68 Billion, 2012 ah $40 Billion.
3. Sale to Microsoft: 2013 ah $7.2 Billion in Nokia nih a business cu Microsoft sinah a zuar. A zuarmi man dihlak hi hlan lio in Nokia’s Phone Division pakhat man zat hmanh asi ti lo.

Thithruainak ah Cawnding Fimnak (Lessons to Learn from Nokias Fairlure):
Tampi a um lai mi lakah cawn cawlh tha pawl cu:
1. Rianrang tein I Thlen Khawh: Nokia cu I thlen aa harh tuk caah a thi.
2. Sersiam kha Biapi ah Chiah: Hruaitu nih I sersiam dingkha biapi ah chiah a herh. Nokia a zuamcawhmi hna nih Software biapi an chiah lio ah Nokia nih cun Harware tu a siamremh peng.
3. Lunghmuihnak Hrial: Asining aa lunghmuih tuk, aa zumhnak a sang tuk. Cunih cun a ral a hmuh ter kho ti lo.
4. Lungrualnak: Hruaitu lungrual a herh. Nokia cu thlennak caah biakhiahnak an tuah khawh lo caah an tonmi challeng kha tha tein an tawlrel kho ti lo.
5. Hruaimi hna Biapi ah Chiah: Hruaitunih hruaimi biapi ah chiah an herh. Hmangtu caah a tlamtling tukmi Software kha Nokia nih zei a rel lo caah Apple nih a tei.
6. Raltha te le Lungfim tein Biakhiahnak tuah ding: Raltha tein Biakhiahnak tuah ding kha Nokia nih a tlolh caah an can tha vialte an sung dih.
7. Riantuan tikah Cawlcangh Ran a herh: Sau tuk ceih, nuar tuk in tlamtlinh mi riantuan nak nih tangka tampi a dih ter. Nokia zong aa thlengmi thil le zuamcawh tu hna kha rang tein a dironh khawh hna lo caah a thi.
8. Kal Tawn Ning in siloin Hmuitinh Sehchih in Thithruai ding: Kal tawn ning fek thup in I tlaih peng siloin kal tawn ning khan aa thlengmi chan ningin I thlen ngam ding le I cawn cawlh ding, Kaltawl ning (Traditional) in siloin Hmutinh ah hram thla in thithruai ding. (Lead with vision, Not Traditional).

Ram khel rian kan tuannak ah siseh, Khrihfabu hruainak ah siseh, miphun kan I dirkamhnak ah siseh, Nokia sinin fimnak cawng in, chan aa thleng ti kan hngalh ko mi kha a thei lo bantuk in I um ter siloin a herh ningin thlen ve le thil thar kawl I zuamnak nih a kan thawnter lai.

30/09/2024

REV. DAVID SHWE Thlahnak
Hakha khuapi ahhin Tanghra k*mkhat, Bible Sianginn K*m li ka kai hnu ah k*m 2 fai Boarding School ah ca ka chim i, can karlak in um lengmang mi fonh ahhin K*m 8-9 hrawng khua ka sak nak asi. Kan ngakchiat lio ahcun Lung Innpi lawng a rak um caah Hakha tlawn poah ah HBC ah Sunday School kai asi. Zion a hun chuah hnu zongah combine Service hna ngeih caan ah Lunginn thiam ah ton asi tawn, i Hakha ah cantling ka um hlan hrimhrim in Lung Biakinn hi ka ka chuahkehnak bu bantuk in ka rak ruah.

Tanghra kan awn kaa Bible Sianginn kan kai hlan i, Hahkha um ding kan i thawh, mirang ca kan cawn pah in LungBiakinn (HBC) ah cun Choir kai kan i thok ve. Tenor sakter ka rak si, Tenor in Sprano sakpi tu in Hlahruai in, Music Department Committee chungtel tiang siseh, Musician pawl an um lo caan i Ringonn tumnak le CE Cawnpiaktu zeimawzat dirhmun in cansau nawn HBC ah can ka hmang.

HBC ka um lio ah dongcat loin khua kan sak timi le Pacan in a kan hruaitu tampi lakah Rev. David Shwe cu kan nih caah philhawk a tha lo mi asi. Ngakchia kan si caah Riantuannak kongah naih tein kan um ti bal lo caah amah sinin chim awk tam ka ngei lo nain pumpak in ka philh khawh lo mi pakhat a um:

Laimi Khrihfa kan tlinnak K*m 100 lawmhnak cu 1999 ah Hakha ah tuah ding asi. K*m zabu tlinnak Lungpher ngan duhning in lam naih ah a um lo caah Chuncung khua ah lak a hau. A mah maw tuanvo pek a rak si cu ka hngal ciah lo nain, amah sawm nak in Lunglak ah cu Rakhine lei ka hawi le cheukhat, le Gangaw lei ka hawi le cheukhat he minung 5-6 nih chuncung in lunglak ding ahcun kan rak zulh i zankhat kan rak riak. Chuncung pathawng dihlak an chuak i, an kan chuahpi nain ruah a sur tuk caah cheukhat cu an rak kan tin tak i, Rev. David Shwe le kanmah rual le Khuami pahnihthum tin zan mui tiang te Centenary lungtum cu Lunghnuhnak hri le seh in kan rak hnuh i kan rak chuah. Zancu Chuncung Baptist Church kan rak riak. Kei cu raifanh kan tawitai tuk lio asi caah K*m zabu lungpher lak vang ah cun sau taktak ka ra zaw. Nihin a ruak thlah nak ah cu kong cu ka thinlung ah a hungchuak than i, min langh lo nak rian zong aa nautat lo i, Ruahsur lakah thazang rian tuan zong Bawipa caah aa nautat lo mi hruaitu asi kha a hun ka ruah ter than i ka upatnak ka langhter.

Rev. David Shwe thlankam ah Minu pakhat lungcatial khi duak tiah ka hmuh i ka thinlung a ka tongh tuk. Hitihin kan tial.

"Van Siangpahrang Fanu"
Chungkhar caah Pathian Dawtnak Laksawng
Chungkhar Dawtnak in kan run i dawt zungzal nakhnga a kan cawnipiak, ti asi.

Zumtu cu Van Siangpahrang Fa le kan si. Vawlei mi vialte le chungkhar le Pathian sunparnak caah Pathian nih vawlei a pekmi laksawng kan si. Inn pa dawt nun in Vawlei ah dawtnak a len khawh nakhnga lamhmuhsak tu kan si nak khua a ka ruahter.

Hruaitu tha Rev. David Shwe Upat peknak caah
pumpak lung umbia kan van langhter ve.
Chungkhar dihlak Bawipa nih daihnak pe ko hna seh.

September 30, 2024 (Monday) @ 1:00 PM
Greenwood, IN

24/09/2024

THINLUNG DAIHNAK CAAH
Nihnih ni (Tuesday) hi CBCUSA Office riantuan tu Thlacam ti ni (Devotion) asi. Nihin cu keimah nih hruaini asi caah "THINLUNG DAIHNAK BAWMTU" (Tips to Help cultivate peace of Mind) timi tlang tangah thazang lak tinak kan ngei. Kan hrawmh ve hna!

1. Bawipa Khuakhan I Hngatchan (Trust in God’s Plan) Proverbs 3:5-6 - Bawipa kha na lung chung dihlak in i bochan law Nangmah fimnak kha i rinh hlah. 6 Na kalnak lam kip ah amah kha hngal law Amah nih na lam kha a tluanter hna lai.

2. Na Thinphannak Bawipa cungah Chia (Cast Your Anxieties on God)
1 Peter 5:7 - Amah nih an zohkhenh hna caah nan lungretheihnak vialte kha amah cungah chia dih ko u.

3. Zei Thil Konghmanh ah Lawmh Thiam (Be Thankful in All Circumstances)
Philippians 4:6 - Zeithil kong hmanh ah lungrethei in um hlah u. Thla nan camnak ah Bawipa cu nan herhmi kha hal u law nan hal tikah lunglawm tein hal zungzal u.

4. Pathian Bia i Nunpi (Meditate on God’s Word)
Psalm 119:165 - Na phunglam a duhmi cu him tein khua an sa i a tlukter khotu hna zeihmanh a um lo.

5. Khrih Chungah I Din (Find Rest in Jesus) Matthew 11:28 - "Rethei le thilrit mi vialte hna, ka sinah ra tuah u, dinhnak kan pek hna lai.

6. Thiltha Ruat Deuh (Focus on What is Good)
Philippians 4:8 - A donghnak ah ka u le ka nau hna, nan lungthin kha a ṭha le thangṭhat awk a tlakmi thil in khahter hna u: a taktak a simi thil, a sunglawimi thil, a hmaanmi thil, aa dawhmi thil le upat awk a tlakmi thil in khahter hna u. 9

7. Bawipa Umpinak Philh Hlah (Remember God’s Presence) Philippians 4:5-7
Mi vialte sinah nemnak tein va um u. Bawipa cu tuan ah a ra lai. 6 Zeithil kong hmanh ah lungrethei in um hlah u. Thla nan camnak ah Bawipa cu nan herhmi kha hal u law nan hal tikah lunglawm tein hal zungzal u. 7 Cun Pathian daihnak, minung hngalhnak a lonhtu nih cun, Khrih Jesuh chungah nan lungthin le nan ruahnak cu him tein a chiah lai.

8. Lungsau le Inkhawh Nun Cawng (Practice Patience and Perseverance)
James 1:4
Zeihmanh bau loin a tlingmi nan si nakhnga, a karlak ah ing kho loin um sual loin a dongh tiangin ing ko u.

9. Thiang Thlarau Bochan (Rely on the Holy Spirit)
Galatians 5:22
Sihmanhsehlaw Thlarau nih a chuahtermi hna cu: dawtnak, lawmhnak, daihnak, lungsaunak, zaangfahnak, ṭhatnak, zumhawktlakmi sinak, 23 toidornak le mah le mah i tei khawhnak tehna hi an si. Cu bantuk thil hna caah cun nawlbia zeihmanh a herh lo.

10. Zungzal Mitin Khuazoh (Keep an Eternal Perspective)
2 Corinthians 4:17-18
Cun harnak hmete caan tawite kan inmi nih hin, hi harnak nakin a let tampi in a ngan deuhmi zungzal sunparnak cu a kan pek lai. 18 Kannih nih kan i zohchihmi cu hmuh khawhmi thil hi si loin hmuh khawh lomi thil khi an si. Hmuh khawhmi thil cu caan tawite lawng a nguh, sihmanhsehlaw hmuh khawh lomi thil cu zungzal in a hmun.

Practical application lessons
1. Trusting in God’s Plan
2. Casting Your Anxieties on God
3. Cultivating Gratitude
4. Meditating on God’s Word
5. Finding Rest in Jesus
6. Focusing on What is Good
7. Remembering God’s Presence
8. Practicing Patience and Perseverance
9. Relying on the Holy Spirit
10. Keeping an Eternal Perspective (Write out 2 Corinthians 4:17-18 and place it somewhere visible to keep your mind focused on the eternal rather than the temporary.)

Atanglei Bible caang hi Print/Tial law a langhnak ah tar zungzal:
2 Corinthians 4:17-18
Cun harnak hmete caan tawite kan inmi nih hin, hi harnak nakin a let tampi in a ngan deuhmi zungzal sunparnak cu a kan pek lai. 18 Kannih nih kan i zohchihmi cu hmuh khawhmi thil hi si loin hmuh khawh lomi thil khi an si. Hmuh khawhmi thil cu caan tawite lawng a nguh, sihmanhsehlaw hmuh khawh lomi thil cu zungzal in a hmun.

September 24, 2024
CBCUSA Office
Indianapolis