ဓမၼစာေပမ်ား ျဖန္႔ေဝၾကမယ္

05/01/2026

လောကမှာဘယ်အရာမှ အလကားမရပါ...
အောင်မြင်တဲ့သူတိုင်းမှာ
လုံလောက်တဲ့ ကြိုးစားအားထုတ်မှုရှိကြသလို

တခြားလူတွေမသိတဲ့
နာကျင်မှုနဲ့ပေးဆပ်မှုတွေလည်း ရှိကြစမြဲပါ...

ပုံထဲကသူက အားလုံးသိကြတဲ့
ကမ္ဘာကျော်ရုပ်ရှင်မင်းသား Bruce Lee (ဘရုစ္စလီ)
ပဲဖြစ်ပါတယ်...

သူက အဲဒီခေတ်က သိုင်းပညာပေါင်းစုံပြိုင်ပွဲတွေမှာ
ချန်ပီယံဖြစ်ခဲ့သလို သူ့ခေတ်သူ့အခါက သူ့ကို
ဘယ်သူမှ တစ်ဦးချင်းနိုင်အောင် မတိုက်ခိုက်
နိုင်ခဲ့ပါဘူး...

သူအဲလို ပြိုင်ဘက်ကင်း သိုင်းပညာရှင်တစ်ယောက်
ဖြစ်လာအောင် သာမာန်လူတွေ လိုက်မလုပ်နိုင်တဲ့
လေ့ကျင့်ခန်းတွေ များစွာလုပ်ခဲ့ရပါတယ်...

သူ့ရဲ့နာမည်ကျော် One Inches Punch လို
ထိုးချက်ပြင်းဖို့ပုံထဲကအတိုင်း သူ့လက်ကို အသားမာ
တက်တဲ့အထိမာကျောတဲ့အရာဝတ္ထုတွေကို
အနာခံ ထိုးပြီး ခက်ခက်ခဲခဲလေ့ကျင့်ခဲ့ရတာပါ...

သူ့လက်သီးက ဘယ်လောက်ပြင်းသလဲဆိုရင်
လက်ညှိုးတစ်ထောက်စာအကွာက ကပ်ထိုးရင်တောင်
လူတစ်ယောက်ကို ကိုးပေလောက် လွင့်ထွက်သွား
စေခဲ့ပါတယ်....

လောကမှာဘယ်အရာမှအလကားမရပါ...

မိတ်ဆွေ...သင်လည်း ဘဝမှာ သူများထက်
အောင်မြင်ချင်ရင် သူများထက်ပိုပြီး
ကြိုးစားအားထုတ်ဖို့နဲ့ အနစ်နာခံပေးဆပ်ဖို့
လိုအပ်ပါတယ်...။ ။

Credit မူရင်း

05/01/2026

မြန်မာနိုင်ငံက ကျောင်းထိုင် ဘုန်းကြီးတွေ ကြည့်လိုက် စီးပွားရေးသမားထက် ဆိုးတယ်

ဟိုတုန်းက..ပြင်သစ် ဥရောပကနေလာပြီး

ဗုဒ္ဓဘာသာထဲဝင် ရဟန်းဝတ် ပြီးတော့

ထေရဝါဒတွေ တက်နေတဲ့

နိုင်ငံခြားသား ကိုယ်တော်တပါးက ပြောဖူးတယ်..

ဘာပြောတုန်းဆိုတော့...

ကိုယ်တော်တို့..တဲ့

တပည့်တော် ပြောတဲ့စကား ကြားရင်

ရီများ ရီမလား မသိဘူး..တဲ့၊ ပြောပရစေ..တဲ့၊

အရှင်ဘုရား စကားတွေ ခံမနေပါနဲ့ဘုရား၊

အများအတူတူ ဆွေးနွေးနေကြတာပဲ..

ပြောပါ ရပါတယ်.." ဆိုတော့၊

အရှင်ဘုရားတို့ နောင် နှစ်ပေါင်း ရာချီ

ကြာလာလို့များ ထေရဝါဒ ဗုဒ္ဓဘာသာရဲ့

အနှစ်သာရ စစ်စစ်မှန်မှန်ကို လေ့လာလိုတယ်

သိလိုတယ် လိုက်စားလိုတယ်ဆိုရင်

အရှင်ဘုရားတို့ အနောက်ဥရောပကို

လာလေ့လာရလိမ့်မယ် တဲ့..

အဲတော့ ကျန်တဲ့ကိုယ်တော်တွေက

ပြုံးတော့ ပြုံးတာပဲ၊ ဒါပေမယ့်

သူက ပြောထားပီးသား ဆိုတော့

"အရှင်ဘုရား ဘယ်လိုအမြင်နဲ့

ဘယ်လိုအတွေးအခေါ်နဲ့ ပြောတာလဲဘုရား၊

ပြန်ရှင်းပါဦး.." ဆိုတော့

အရှင်ဘုရားတို့ အခု မြန်မာနိုင်ငံမှာ ကြည့်ရတာ

ဘာသာရေးခေါင်းဆောင်ဆိုတဲ့ ပုဂ္ဂိုလ်တွေ၊

လူတွေဘက်မှာပါတဲ့ ဘာသာရေး ခေါင်းဆောင်တွေ၊

အသင်းတွေ အဖွဲ့တွေရဲ့ ခေါင်းဆောင်တွေ ရှိတယ်၊

ရဟန်းတွေ သာမဏေတွေ ဘက်မှာလဲ

ခေါင်းဆောင်ဆိုတဲ့ ပုဂ္ဂိုလ်တွေ ရှိတယ်"

ဒါကို သူက ရည်ညွှန်းတယ်၊

"အရှင်ဘုရားတို့ဆီမှာ ရှိနေတဲ့ အချို့

ဘာသာရေး ခေါင်းဆောင်ဆိုတဲ့ ပုဂ္ဂိုလ်တွေက

ရုပ်ဝတ္ထုတွေ အပေါ်မှာပဲ တန်ဘိုးထားပြီးတော့

ရုပ်ဝတ္ထု ကြီးပွားကြောင်းတွေ နောက်ကနေပဲ

တစိုက်မတ်မတ်နဲ့ လိုက်နေကြတယ်.."

ဟုတ်တာပေါ့၊

တချို့ ကားတစီးရှိတဲ့ ဘုန်းကြီးကလဲ နှစ်စီးရှိ၊

တိုက်တတိုက်လုံး ရှိတဲ့ သူကလဲ တိုက်နှစ်လုံး

ရှိချင်တယ်၊ အဲသလိုနဲ့ပဲ ရုပ်ဝတ္ထုတွေကိုပဲ

အထင်ကြီးပြီး ရုပ်ဝတ္ထုတွေနောက် လိုက်ပြီးတော့

ကြီးပွားအောင် လုပ်၊ ဒါတွေကို မြင်တဲ့အတွက်ကြောင့်

"အရှင်ဘုရားတို့ဆီ တဖြေးဖြေး တဖြေးဖြေးနဲ့

ပျက်တာကနေ နောက်ပိုင်းကျ လိုက်စားမယ့်သူတွေ

နည်းသွားမယ်၊ အခု တပည့်တော်တို့ ဥရောပကနေ

လာကြတယ်ဆိုတဲ့ ပုဂ္ဂိုလ်တွေက တပါးဖြစ်ဖြစ်

နှစ်ပါးဖြစ်ဖြစ် လာသမျှ ပုဂ္ဂိုလ်တွေက

ဒီရုပ်ဝတ္ထုတွေရဲ့ကြီးပွား တိုးတက်ကြောင်းတွေ၊

ရုပ်ဝတ္ထုတွေ ကြီးပွားမှုတွေက တကယ့်ချမ်းသာ

အစစ်မဟုတ်ဘူး ဆိုတာတွေ သိပြီးသားဖြစ်တော့

ဘယ်ဟာ ချမ်းသာအစစ်လဲ၊ ဘာသာဝါဒတွေထဲမှာ

ချမ်းသာအစစ် ဘယ်နေရာမှာ ရှိနိုင်သလဲ

ဘယ်ဝါဒမှာ ရှိနိုင်သလဲ လေ့လာလိုက်တဲ့အခါမှာ

ထေရဝါဒ ဗုဒ္ဓဘာသာမှာ အနှစ်သာရ တကယ့်ငြိမ်းချမ်းမှုဆိုတာ

ရှိတယ်ဆိုတာ သိတဲ့အတွက်ကြောင့် တပည့်တော်တို့က

ဟို ရုပ်ဝတ္ထုတွေက တန်ဘိုးမရှိဘူးဆိုတာ

သိပြီးသားလည်း ဖြစ်လို့

ဒီဘက်က နာမ်ဘက် စိတ်ရဲ့ငြိမ်းချမ်းမှု ရဖို့

ရအောင်တပည့်တော်တို့က လာရှာကြပြီ၊

တပါးဆို တပါး တကယ်ကို အသိနဲ့ ရှာကြတော့

တဖြေးဖြေး တဖြေးဖြေးနဲ့ တပည့်တော်တို့က

များလာခဲ့ရင် တပည့်တော်တို့တတွေက

ဒီအနှစ်သာရကိုပဲ ဦးစားပေးကြတော့မှာ..

ဒါ့ကြောင့် တဖြေးဖြေးနဲ့ တပည့်တော်တို့ဆီမှာ

အင်အားတွေ များလာနိုင်ပြီးတော့

အရှင်ဘုရားတို့ဆီမှာ ထေရဝါဒရဲ့ အနှစ်သာရ

လိုက်တဲ့ ပုဂ္ဂိုလ်တွေက နည်းသွားမှာမို့လို့

နောက် နှစ်များ ရာချီ ထောင်ချီ ကြာလာခဲ့ရင်တော့

အရှင်ဘုရားတို့ဆီက ထေရဝါဒဗုဒ္ဓဘာသာရဲ့

အနှစ်သာရ ရလိုသိလိုတဲ့ ပုဂ္ဂိုလ်တွေ

အနောက်ဥရောပ လာရမယ် ထင်တယ်"..တဲ့၊

#မစိုးရိမ်တိုက်သစ်
#မဟာနာယကဆရာတော် #ဦးဝါသေဋ္ဌာဘိဝံသ။ သြဝါဒများထဲမှကောက်နူတ်ချက် ပြန်လည်မျှဝေပါသည်...။

08/12/2025

ရုန်းထွက်နိုင်အောင် ကြိုးစားပါ
***********************
ဖတ်ကြည့်နော်…

ရွှေဆိုင်နားက အပင်နဲ့
ဓားဆိုင်နားက အပင်

အပင်ချင်း အတူတူ
နေရာမတူလေတော့…

မြင်တဲ့အတိုင်းပါပဲ။

ရွှေဆိုင်နား နီးတဲ့ အပင်ကတော့
ရွှေချ ခံရပြီး…
ဓားဆိုင်နား နီးတဲ့ အပင်ကတော့
ဓားခုတ်စမ်း ခံရတယ်။

ဘဝမှာ…
ကိုယ်နေတဲ့ ပတ်ဝန်းကျင်က
ကိုယ့်ကို
အသုံးချ ခံရတာချင်း တူလျှင်တောင်
အရောင်ထွက်တာခြင်း
နစ်မွန်းတာခြင်းတော့ ကွာပါတယ်။

သစ်ပင်တွေက
သူတို့ ဖြစ်တည်မှု အရ
ရွေ့မရပေမဲ့
သင်က လူသားပါ။

အနစ်နာခံပြီး
ဘဝ ပဲ့ပါသွားပေမဲ့
ကိုယ်တိုင်လည်း ဘဝပျက်
အရောင်မထွက်
ကျေးဇူးတရားပါ အစော်ကား ခံရတဲ့
ဖြစ်တည်မှုမျိုးကနေ
ရုန်းထွက်နိုင်အောင် ကြိုးစားလိုက်ပါ။

တန်ဖိုးထားပြီး
ရွှေချထားမယ့် ပတ်ဝန်းကျင်
တစ်ခုဆီ
ရောက်အောင် သွားလိုက်ပါ။

အနည်းဆုံးတော့…
ကိုယ့်ဖြစ်တည်မှုကို
ကိုယ်တိုင် ကျေနပ်တဲ့သူဖြစ်ပြီး

ကိုယ့်ကို
အသုံးချစမ်းသပ်တဲ့ သူတွေရဲ့
ဓားချက်တွေ
မခံရတော့ဘူးပေါ့…

ဒါကြောင့်...
အကျိုးမရှိ
မကောင်းတဲ့ ဝန်းကျင်ကနေ
ထွက်ခွာဖို့
နေရာ ပြောင်းလဲဖို့
လုံးဝကို လိုအပ်ပါတယ်။

ကုသိုလ်၊ ပညာ၊ ဥစ္စာရမယ့်
သင့်ရာဒေသ တစ်ခုမှာပဲ
အမြဲတမ်း နေသင့်ပါတယ်

ရုန်းထွက်နိုင်အောင် ကြိုးစားပါ
သူငယ်ချင်း…

#ဓမ္မအသိဖြင့်အကျိုးရှိရှိနေမည်။

မေတ္တာဖြင့်...
အရှင်ပုည( ဝကုန်း )

08/11/2025

တောင်ကြီး တန်ဆောင်တိုင်ပွဲကို စီးပွားရေး၊ ယဉ်ကျေးမှုနဲ့ လူမှုရေးရှုထောင့်ကနေ မျှတစွာ မြင်ပေးစေလိုပါ တယ်။

မီးပုံးပျံပွဲတော်ဟာ သိန်းရာချီကုန်ကျတယ်ဆိုပေမယ့်၊ ဒီငွေတွေဟာ နိုင်ငံခြားကို ထွက်သွားတာ မဟုတ်ဘဲ ဒေသစီးပွားရေး စက်ဝန်းထဲမှာပဲ လည်ပတ်နေပါတယ်။

ပွဲတော်ကာလ အတွင်း ဆိုင်ခန်း၊ ဟိုတယ်၊ တည်းခိုခန်း၊ စားသောက်ဆိုင်၊ သယ်ယူပို့ဆောင်ရေး လုပ်ငန်းများဟာ ဝင်ငွေ သိသိသာသာ တိုးတက်လာပါတယ်။

ဒေသခံ ရာပေါင်းများစွာဟာ မီးပုံးပျံပြုလုပ်ရာကနေစပြီး ပွဲတော်မှာ ရောင်းချခြင်း၊ ဝန်ဆောင်မှုပေးခြင်း စတဲ့ ယာယီ အလုပ်အကိုင်များ ရရှိကြပါတယ်။

ရှမ်းစက္ကူ လက်မှုလုပ်ငန်းရှင်များဟာလည်း နှစ်စဉ် ဝင်ငွေ ရရှိကြပါ တယ်။

ပွဲတော်ဟာ ပြည်တွင်း/ပြည်ပ ဧည့်သည်များကို တောင်ကြီးမြို့နှင့် ရှမ်းပြည်နယ်အလှကို ဆွဲဆောင်ရာကနေ ဒေသတစ်ခုလုံးရဲ့ ဝင်ငွေတိုးတက်မှုကို အထောက်အကူပြုပါတယ်။

ယဉ်ကျေးမှုနှင့် လူမှုရေး ရှုထောင့် အရ တောင်ကြီးတန်ဆောင်တိုင်ဟာ ဘာသာရေးနှင့် ရိုးရာဓလေ့ အမွေအနှစ်တစ်ခုပဲ ဖြစ်ပါတယ်။ ပျောက်ကွယ်လုနီးပါး ရိုးရာ လက်မှုပညာ (ဥပမာ- ရှမ်းစက္ကူနှင့် မီးပုံးပျံ အနုပညာ) ကို မျိုးဆက်သစ်တွေဆီ လက်ဆင့်ကမ်းရာမှာ အထူးအရေးပါတဲ့ ရင်းနှီးမြှုပ်နှံမှု အမွေတစ်ခု ဖြစ်ပါတယ်။

မီးပုံးပျံတစ်လုံးကို အောင်မြင်အောင် လွှတ်တင်နိုင်ဖို့အတွက် အဖွဲ့လိုက် စည်းလုံးညီညွတ်မှုနဲ့ စည်းကမ်းလိုက်နာမှုဟာ အဓိကပဲပါ။ ဒီလို ပူးပေါင်းဆောင်ရွက်ခြင်းဟာ လူမှုအသိုင်းအဝိုင်းရဲ့ စိတ်ဓာတ်ခွန်အားကို မြှင့်တင်ပေးနိုင်ပြီး ယူတတ်ရင်ပညာရပါတယ်။။

တကယ်တော့ အလှူအတန်းလုပ်ခြင်း (မရှိသူကို ကူညီခြင်း) နဲ့ ယဉ်ကျေးမှုပွဲတော် ကျင်းပခြင်း ဟာ ရွေးချယ်စရာ နှစ်ခု မဟုတ်ဘဲ၊ နှစ်ခုစလုံးက ဒေသရဲ့ လူနေမှုဘဝတိုးတက်ဖို့ တစ်ဖက်တစ်လမ်းကနေ အထောက်အကူပြုနေပါတယ်။ ပွဲတော်ကနေ ရရှိတဲ့ ဝင်ငွေ (အခွန်) တွေဟာ ဒေသဖွံ့ဖြိုးရေးအတွက် ပြန်လည်အသုံးပြုနိုင်ပါတယ်။

လူတစ်ဦးတစ်ယောက်စီတိုင်းဟာ မိမိတို့ရဲ့ ကိုယ်ပိုင်ဝင်ငွေကို မိမိတို့ရဲ့ ဆန္ဒနဲ့ စေတနာအရ လွတ်လပ်စွာ သုံးစွဲခွင့်ရှိတာကို လေးစားသင့်ပါတယ်။။ ဒီလို ရှုထောင့်ကနေကြည့်ရင် တောင်ကြီး တန်ဆောင်တိုင်ပွဲတော်ရဲ့ အကျိုးကျေးဇူးကို အခြားပွဲတော်များနဲ့ ယှဉ်ပြီး မြင်ပေးစေလိုပါတယ်။

မြန်မာ့ (၁၂) လ ရာသီပွဲတော်တွေဟာ ရိုးရာဓလေ့အရ အဖိုးတန်သလို တောင်ကြီး တန်ဆောင်တိုင်လိုမျိုး မီးရှူးမီးပန်းနဲ့ ယမ်းအသုံးပြုတဲ့ ညမီးကြီးပြိုင်ပွဲ၊ လက်မှုပညာ အဆင့်မြင့်တဲ့ နေ့လွှတ် အရုပ်များဟာ နိုင်ငံခြားသား ခရီးသွားများရဲ့ စိတ်ဝင်စားမှုကို အကြီးအကျယ် ဆွဲဆောင်နိုင်တဲ့ တစ်ခုတည်းသော ပွဲတော်ပဲ ဖြစ်ပါတယ်။

ဒီပွဲတော်ရဲ့ ကမ္ဘာကျော်မှုကြောင့် ရှမ်းပြည်နယ်တစ်ခုတည်း မဟုတ်ဘဲ မြန်မာနိုင်ငံတစ်ခုလုံးရဲ့ ယဉ်ကျေးမှုနဲ့ ဖန်တီးမှု စွမ်းရည်ကို ကမ္ဘာက အသိအမှတ်ပြုစေတဲ့ ဂုဏ်ဆောင်ပွဲလည်းပဲ ဖြစ်ပါတယ်။ ဒီလို ဂုဏ်သိက္ခာ တန်ဖိုးကို ငွေနဲ့ တိုက်ရိုက် တိုင်းတာလို့ မရနိုင်ပါဘူး။

လူပုဂ္ဂိုလ်တစ်ဦးစီရဲ့ လွတ်လပ်တဲ့ စေတနာနဲ့ ယုံကြည်ချက်ကို လေးစားပေးဖို့ လိုအပ်ပါ တယ်။

ဒီတော့ တောင်ကြီးတန် ဆောင်တိုင်ကို "ပိုက်ဆံဖြုန်းတီးခြင်း" လို့ မြင်မယ့်အစား၊ "ဒေသခံစီးပွားရေးကို အားကောင်းစေပြီး ရိုးရာဓလေ့ကို ကမ္ဘာအထိ ချပြနေတဲ့ ရင်းနှီးမြှုပ်နှံမှု" လို့ အကောင်းမြင် ရှုထောင့်ကနေ မြင်ပေးစေလိုပါ တယ်။

#မောင်စွယ်စုံကျမ်း #တောင်ကြီးတန်ဆောင်တိုင်

15/10/2025

#ရှင်ဉာဏိဿရ_တောင်ကြီးစာမေးပွဲ_ဒုတိယဆင့်ဖြေဆိုနေစဥ်

02/10/2025

02/10/2025

ခဏခဏ စည်းကျော်မခံနဲ့။
လူတွေနဲ့ ဆက်ဆံတဲ့အခါ ကိုယ်လက်သင့်မခံနိုင်တဲ့အရာတွေကို
ချပြထားဖို့လိုတယ်။llllll

lllလူတွေရဲ့သဘောက 'ရလေလိုလေ' ဖြစ်တတ်တယ်။llll
ဒါ လူ့သဘာဝပဲမလို့ အပြစ်တင်စရာမရှိဘူး။llll

llအရေးကြီးတာက တခြားလူတစ်ယောက်က
ကိုယ်လက်သင့်မခံနိုင်တဲ့ကိစ္စတစ်ခု လုပ်လာတဲ့အခါlllll

lll"ရပါတယ်" နဲ့ ပြီးသွားတာထက်
အဆင်မပြေရင် မပြေကြောင်း ပြောပြရဲ၊ အမူအရာပြရဲဖို့လိုတယ်။lllll

lllဒီလိုမှမဟုတ်ရင် 'ဒီလူက ရပါတယ်လေ" ဆိုပြီး အကြိမ်ကြိမ် စည်းကျော်ခံရတတ်တယ်။llll

#မေတ္တာဖြင့် #စာပေ #ဗဟုသုတ

01/10/2025

မြတ်ဗုဒ္ဓ နှင့် လောကနိယာမတရား

30/09/2025

#ဟန်ဆောင် ပန်ဆောင် ပြုံးပြတဲ့သူထက်
မမြင်ချင်ယောင် ဆောင်သွားတဲ့သူကို
ပိုသဘောကျတယ်

စားပါ စားပါ လေနဲ့ကျွေးတဲ့သူထက်
ရော့..နင့်အတွက်ဆိုပြီး တကယ်ကျွေးတဲ့သူကို
ပိုသဘောကျတယ်

လူရှေ့သူရှေ့ တအားတွေ ခင်ပြနေပြီး
ကွယ်ရာ အတင်းတုတ်တဲ့သူထက်
ခပ်တည်တည် ခပ်မှန်မှန်လေး
နေတတ်တဲ့သူကို ပိုသဘောကျတယ်

တကယ်တော့
ရင်ထဲကမပါတဲ့ ဆက်ဆံရေးတချို့ဟာ
ရေရှည် မတည်မြဲပါဘူး
ဟန်ဆောင် မျက်နှာဖုံးဆိုတာ
ကြာကြာတပ်ထားလို့မှ မရတာ

အချိန်တန်တော့
သူ့ဗီဇ,သူ့အကျင့်က ပေါ်လာစမြဲပါ...

30/09/2025

ဘဝမှာ ကိုယ့်အားကိုယ်ကိုးရမှာ
မကြောက်နဲ့ ။ 🙅

သူများကို အားကိုးချင်တဲ့
စိတ်လေးဖြစ်ပေါ်နေတာကမှ
ကြောက်ဖို့ကောင်းတာပါ။

ဘဝမှာ ဆင်းဆင်းရဲရဲနဲ့
နေရမှာ ကိုမရှက်နဲ့။

စိတ်ဓာတ်တွေ
အောက်တန်းကျနေတာကမှ
ပိုရှက်ဖို့ကောင်းတာပါ။

ဘဝမှာ သူများဝေဖန်မှာကို
မကြောက်နဲ့ ။

သူများဝေဖန်မှာကို ကြောက်ပြီး
ဘာမှ မလုပ်ပဲ အချိန်တွေ
အလကားဖြစ်မှာကိုပဲ
တွေးကြောက်ပါ။

ဘဝမှာမဖြစ်နိူင်တာမရှိဘူး
ဖြစ်အောင် မလုပ်နိူင်တာပဲရှိတာပါ။
ကြိုးစားရင် အရာအားလုံးက
ဖြစ်နိူင်တာချည်းပါပဲ။

(1) ကြောက်စိတ်တွေ
(2) တွေဝေမှုတွေ
(3) ပူပန်မှုတွေနဲ့
(4) ဘဝကို မရှင်သန်ပါနဲ့
(5) လွတ်လပ်စွာ ပျံသန်းပါ။

ဘဝလေ အဟုန်မှာ
ကိုယ် ခွန်အား စိုက်ရင်
စိုက်သလောက်တော့
အမြင့်ရောက်ပါတယ်။

ဒါပေမယ့် ဘဝင်တော့မမြင့်ပါနဲ့
အကျနာ တတ်ပါတယ်။