14/04/2025
Ity misy tantara kely iray mampieritreritra. Momba lehilahy iray izay nanana ny zava-drehetra, nefa mbola tsy nahita fiadanana marina. Vakio hatramin’ny farany, fa misy hafatra ho anao.
Nisy lehilahy iray, izay mba azo atao ihany hoe nanana ny maha izy azy. Nanany ny vola sy harena, nanany ny fahefana, ary olona manam-boninahitra ihany koa izy. Tsy nisy izay tsy nahalala sy nihaiky ny manodidina azy, ary milaza mihitsy aza fa sambatra izy. Kanefa na de teo aminy avokoa aza izany rehetra izany dia tsy mbola nahatsapa ho tena sambatra io lehilahy io. Rehefa nandeha tokoa ny fotoana dia niova ny zava-drehetra. Ny fananany izay noheveriny hampiadana azy toa mihalany sy miharingana. Ny olom-pantany izay neritreretiny hanampy azy toa nandao avokoa rehefa tojo zava-tsarotra. Very hevitra izy. Ary niafara tamn'iny aretina mihitsy ny adin-tsaina nahazo azy. Rehefa tapitra lany nentina nitsaboana azy avokoa ny volany, ary efa teo ambavahoan'ny fahafatesana izy no sendra nisy mpanompon'Andrimanitra tonga tao amin'ny hopitaly. Diso varavarana izy ka tao amin'io lehilahy io no niditra. Tsy kisendrasendra anefa fa efa planin'Andriamanitra Ilay izy. Teo no nilazana azy ny momba an'i Jesosy, izay manome mihoatra noho ny vola sy harena. Manome fiadana Jesosy, ary tsy manam-petra. Tsy eto an-tany ihany fa mbola izy ihany koa no lalana makany amin'ny fiainana mandrakizay, izay toerana tsy misy fahoriana intsony. Tsapan'ilay lehilahy teo fa na dia nana-karena be aza izy dia banga ny fiainany satria tsy teo Jesosy, ary izay nananany nesorina taminy. Tamin'iny ora farany izy no nandray an'i Jesosy ho Tompo sy Mpamonjy ny fiainany manokana Ary tapitra ny ainy.
Ianao kosa anefa Raha mahita izao hafatra izao dia Mbola tsy tara. Tsy kisendrasendra, fa misy zavatra tian'Andriamanitra fenoina eo amin'ny fiainanao toy ny an'ilay lehilahy teo.
