http://mishkan-meir.blogspot.com/

Mishkan Méïr Madagascar משכן מאיר מדגסקר, RN2 Mahazo, Mahazo (2026)

27/05/2026

VIDOUÏ/ ny MITSVA FIHEKENA HELOKA AM-BAVA NOHO NY FAHOTAONA natao

Raha sendra nisy jiosy nandika ny didy voararan’ny Torah (mitsva lo taassé) na tsy nitandrina ny didy tandremana (mitsva-assé), ka nanenina noho ny asany/ na ny tsy natao, dia Mitsva ho azy ny manao téchouva.

NY téchouva dia mitsinjara ho fototra telo:

1- manenina amim-pahatsorana ny fitondran- tena ratsy teo aloha

2- miaiky heloka am-bava

3- Mandray fanapahankevitra hentitra ny tsy hamerina intsony.

Ahoana no fiaiky heloka ? Hilaza toy izao ny nanota : “ Miangavy re aho Hachem, fa nanota ary ankehitriny dia manenina noho izay nataoko aho ary menatra, ka tsy hamerina intsony.”

Haborany eo anatrehan’ny Hachem ny tranga azy manokana miaraka amin’ny teniny ary hitalaho Aminy mba hamelana azy.

tamin’ny fotoanan’ny Beit Hamikdach, tempoly ny mpanota dia hanonona ny VIDOUÏ mialohan’ny hamonoana ny biby izay nateriny ho korban fanavotana.

⚜️Maninona ny torah no mandidy antsika hiaiky heloka am-bava ?

Afaka homena valiny roa miariary :

Amin’ny fihekena heloka eo anatrahan’ny Tsitoha, dia manamafy isika fa mino ny fanasaziana ny mpanota sy ny famalian-tsoa ho an’ny mitandrina ny MITSVOT.

2- ny confession am-bava, ra toa ka feno, manamafy lalina ny mpanota amin’ny fanapahan-keviny hanatsara ny fitondran- tenany amin’ny hoavy, sy hanampy azy hitoetra maharitra amin’ny téchouva-ny.

Hoy Hachem : “ Vao iny miaiky ny Jiosy iray fa nanao ny tsy mety, dia hamindra fo aminy Aho.

Izay mitanisy ny vidoui mialohan’ny ahafatesany dia hanana anjara any amin’ny fiainan-koavy.

Mitanisa vidouï amin’ny YOM KIPPOUR, isan-taona izay manana fahefana hanadio antsika amin’ny ota, dia tena mitsva koa.

loharano: Midrash raconte/ nasso
dikan-teny mishkan méïr madagasikara
sary fanehoana fotsiny

27/05/2026

"MIVELONA AMIN'NY FIVAVAHANA" ⁉️

Fanontanian'i A. B.
Salama,

Vao nainka aho diso fanantenana noho ny nataony Rabbanim. Ara-dalàna ve ny mandoa 2500 euros ho any olona iray hisolo ny nidonam-pahoriana raha maniry hanaovana KADDICH ho an'ny maty ? Amin'ny fahafantarana fa ultra-orthodoxe ilay olona resahina izay tsy fantatra [akory] izay mitranga ao amin’ny Téfilot3️⃣isan 'andro.

Afaka mivelona amin'ny fivavahana ve ny Rav?

Afaka ampian'ny fanjakana frantsay ve ny Rav nefa karamaina ambany latabatra hanome fampianarana ? Tsy halatra ve izany ? Tsy fady ao amin'ny judaïsme ve ny mangalatra ? Inona no hatao amireo miseho ho mpivavaka izay maneho endrika ratsy ho any jodaisma ? Miandry valiny mivaingana sy mampandroso avy aminao aho.

Misaotra.

Valiny avy amin'i Rav G. DAYAN :

Salama,

Tsy ho vitako ny manonona an’izay tena nitranga, voalaza ao amin'ny fanontanianao.

Na izany aza, mamela ahy hilaza aminao izay tokony ho saintsaininao momba ny fanontanianao.

1. Tsy hitako hoe nahoana no tsy azo atao ny mivelona amin'ny fivavahana.

Ny Rabbin Lehibe ny Frantsa, tsy mivelona amin' ny fivavahana ve izy ?

Moa ve ny Rabbin Lehiben'i Paris tsy velona amin'ny fivavahana?

Rabbin Lehiben'i Isiraely, ve tsy velona amin'ny fivavahana ?

Rav Ovadia Yossef ve tsy mivelona tamin'ny fivavahana?

Moa ve ireo rabbin an-jatony eo anivon’ny communautés, manerana an’i Frantsa sy maneran-tany, tsy velona amin’ny fivavahana?

Moa ve ny tranokalan'ny Torah manerana izao tontolo izao ,izay hanoratanao, moa tsy mampiasa ny fahefana rabbiniques izay nianatra Torah nandritra ny am-polony taona maro mba afahana manaparitaka ny Torah sy mamaly fanontaniana avy amin'ny communauté sy mivelona amin'ny fivavahana ?

Ao amin’ireo sekoly hianaran’ny zanakao, ireo mpampianatra Kodech, moa tsy mivelona amin ’ny fivavahana ve izy ireo?

Raha ny marina, hatramin'ny vao mangiran- dratsy ny fotoana, dia NISY ampahany tamin'ny vahoaka jiosy "nivelona tamin'ny fivavahana" noho ny Téroumot sy Ma'asserot izay nomena ho azy ireo ho tambin'ny fanompoany tao amin ’ny Beth Hamikdach. Dia ny Cohanim sy ny Léviim izany. jereo ny Bamidbar, chapitre 18, versets 20-21.

Nahoana(ary) ny olona iray no afaka mivelona amin'ny fahalalàny LALÀNA na ny FITSABOANA fa tsy ny TORAH, izay "izy koa" no [tena] loharanon'ny fiainana ?

2. Mikasika ny fikaramama manonona ny Kaddich : io fanao io dia voalaza ao amin'ny asa soratry ny mpanapa-kevitra maro be.

Etsy andaniny, dia Mitsva ny manao toy izany.

Vao mainka koa aza : misy amireo tompontsika no milaza fa ny soa entiny ho an'ny maty dia lehibe tsy manam-petra rehefa vakian'ny olona KARAMAINA ny Kaddich fa tsy mitanisa izany maimaim-poana izy.

Jereo ny Maguèn Avraham, chapitre 132, 'Haïm Va'héssed, chapitre 11, Halakha 19, note 26, Rav Péalim, volume 4, Ora'h Haïm, question 7, Ben Ich Haï, première année, Parachat Vayé'hi, Halakha 15, Beth Yossef sur Yoré Déa, fin du chapitre 403, Kaf Ha'haïm, chapitre 55, passage 29, Tsits Eliezer, volume 7, question 49, chapitre 7, dia miresaka momba ny raharaha ana olona iray KARAMAIN' olona maromaro mba HANONONA KADDICH .

Azo atao ve ny manao toy izany ? Samy mihevitra daholo fa azo atao tokoa izany!

Izany koa no hevitr'i Rav Ovadia Yossef ao amin 'ny Yabi'a Omer, volume 8, Yoré Déa, question 37 et de l'auteur du Béèr Moché, volume 7, question 97.

Manoratra hianao hoe: "Manantena valiny mivaingana sy mampandroso avy aminao aho." Fanamarihana : Manantena aho fa afapo ny fangatahanao....

Hachem anie hiaro sy hitahy anao.

loharano: torah-box
sary fanehoana fotsiny

27/05/2026

⁉️VAVAKA & MAHA ZAVA-DEHIBE ny SYNAGOGUE : “Izao no lazain’i Hachem :

Eny, na dia nampandehaniko lavitra any amin ’ny jentilisa aza izy ka naeliko tany amin’ny tany maro, dia ho fitoerana masina ho azy vetivety Aho (MIKDACH MÉAT) any amin’ny tany izay alehany” (Yé'hezkel 11,16).

Ny olon-kendry antsika (guémara Méguila 29a) dia nilaza hoe : “Ireo no synagogues sy trano fianarana tany Bavel [babilona].”

Toy izany koa ny filazan’ny Targum Yonathan (Yé'hezkel 11,16) : “Fitoerana masina kely ” (mikdach méat) = ireo synagogues izay ipetrahan’ izy ireo, no laharana-faharoa manoloana ny Tempoly.

Toy izany koa, hoy ny Zohar (Nasso 126a): "Jereo ny fitiavan'i Hachem ny Isiraely; na taiza na taiza onenany, dia eo afovoany i Hachem, fa tsy nanaisotra ny fitiavany taminy Izy. Hoy ilay andininy: "Ary asaovy manao fitoerana masina ho Ahy izy, dia honina eo aminy Aho.” (Térouma 25,8).

Hoy ny Olon-kendry (Méguila 29a) : "Inona no dikan'ilay andininy hoe: 'Hachem efa fonenanay Hianao' (Téhillim 10,1)? dia ny synagoga sy ny trano fianarana izany (baté midrach). "

Ny guémara (Yérouchalmi - Béra'hot 5:1) sy ny midrach (Yalkout Chimoni Yéchayahou 55:481) dia samy manoratra hoe :

“MITADIAVA AN’I HACHEM, DIENY MBOLA HITA IZY" "(Yéchayahou 55,6). Aiza no hahitantsika Azy ? Ao amin'ny synaogue sy ny baté midrach ; “MIANTSOA AZY, DIENY MBOLA AKAIKY IZY” Aiza no akaiky Azy ? Ao amin'ny synagogues sy ny baté midrach".

Hoy ny midrach rabba (Chir haChirim 5,2) momba ilay andininy: “Matory aho, nefa mifoha ny foko” (Chir haChirim 5,2); “Natory aho”, manondro ny Tempoly izany, “nefa nahatsiaro ihany ny foko ”, izany dia manondro ny synagogues sy ny baté midrach".

Amin'izao fotoana izao, any an-tsesitany, dia tsy misy Tempoly, fa mbola manana synagogues sy ny baté midrach isika izay ahafahantsika mitady an'i Hachem.

Ao amin'ny pesikta an'i Rav Kahana (parcha 28), dia voasoratra hoe: "Raha mbola miangona ao amin'ny synagogues sy ny baté midrach ny Isiraely, dia mitahiry ny Chékhina eo aminy i Hachem."

Ny midrach (Vayikra rabba 11,7) dia manantitrantitra fa hoy i A'haz : "Raha tsy misy ankizy dia tsy hisy mpianatra, ary raha tsy misy mpianatra dia tsy hisy olon-kendry; raha tsy misy olon-kendry, dia tsy hisy Torah, ary raha tsy misy Torah, dia tsy hisy synagogues sy ny baté midrach ;raha tsy misy synagogues sy ny baté midrach , dia tsy honina eto amin’izao tontolo izao ny Chékhina an’ i 'Hachem. Inona no nataon'io (A'haz) rasha[ratsy fanahy] io? Nohidiany ny synagogues sy ny baté midrach.

Ao amin’ilay andininy hoe :

“Eny, ny tsikirity mahita trano, ary ny sidintsidina mahita akany ho azy hametrahany ny zanany” (Téhilim 84,4), hoy fanehoan-kevitry ny Tikouné Zohar : “Eny,ny tsikirity mahita trano (bayt) ” = izay ilazana ny beit knesset (synagogues), araka ny voalazan’ilay andininy hoe: “Fa ny tranoko (beiti) hatao hoe trano fivavahana” (Yéchayahou 56,7) = izany dia manondro ny synagogues ; “ary ny sidintsidina mahita akany” = io no ilazana ny baté midrach ; “izay nametrahany ny zanany madinika” = ireo no tompon’ny Torah, ireo tompon’ny Michna, ireo tompon’ny Kabbale izay monina ao amin ’ny synagogues ; ary noho ny ['Zkhout] fahamendrehany no tsy mampiala ny Chékhina eo amin'ny Isiraely "

Loharano: toda H”M
sary fanehoana fotsiny

27/05/2026

Tantaran'ny anio: FANAFODY tena MIAVAKA

Voalaza fa ny Gaon Rabbi David Ségal, mpanoratra ny Touré Zahav, indray mandeha dia nandray vehivavy nitomany, izay nilaza taminy fa ny zanany vavy tokana, izay narary mafy, dia efa ho faty, ary tsy nanome fanantenana azy intsony ny dokotera. Niangavy an’i Rav izy mba hitady fanafody ho azy.

“TSY DOKOTERA AHO”, hoy ny navalin’ilay Mpampianatra, “ary izany no tsy hahafahako manolotra fanafody mahazatra ho azy. Na izany aza, androany aho dia namoaka fanontaniana sarotra momba ny andalan-teny iray ao amin’ny Tossefot. Atolotro ho an’ny zanakao vavy izany fahitana izany, ho loharanon’ny fahamendrehana ho azy. »

Raha vantany vao nody izy, dia nahatsikaritra fihatsaran’ny fahasalaman’ny zanany vavy ilay renimpianakaviana, izay tsy ela dia nanamarina ny fahasitranana tanteraka.

Loharano: Nasso/torah-box
sary fanehoana

27/05/2026

Voahangy ny Parcha : "Na iza na iza vadin 'olona mivily [mihodina] ka manao izay mahadiso azy amin'ny Lahy" (Bamidbar/Nom 5, 12).

▶️ Singa roa no mety hampanan-karena :

•ny MA'ASSER - araka ny lazain'ny olon-kendri- ntsika: "Haloavy ny Ma'asser, mba hampanan- karena anao",
•na koa ny FANAJANA VADY, indrindra amin' ny fividianana akanjo sy firavaka saro-bidy ho azy-

✅" Homeo voninahitra ny vadinao, mba hampanan-karena Anao » (Baba Métsia 49a).

Mety hiteny anefa ny lehilahy iray hoe: “Nahoana moa no(sady) hanome Tsédaka sy ny Ma’asser koa ? kanefa efa nolaniako ny volako ho an’ny firavaka ho am-badiko

✅izany rehetra izany, dia samy SÉGOULA ihany koa hampitombo ny harenanao...” Ary koa, efa nampitandrina atsika ny Torah : raha tokony hanatanteraka ny didy tsy maintsy HANAJA VADY ianao [kanefa] ho lanianao [aminy] ny Tsédaka [tokony] hanampiana ny mahantra dia, azo antoka fa tsy maintsy hitondra azy [ramatoa] ho any amin'ny Cohen ianao amin'ny farany, izay hahatonga azy hizaka ny fomba manala baraka ho any vehivavy ‘Sotah- ahiahiana ho nijangajanga!

✅ Eny tokoa, ny fandaniana tafahoatra amin ’ny fihaingoana sy ny rendrarendra hafa anefa dia mety hitera-doza hisarika ny masony lehilahy hafa ka dia hiteraka fijangajangana.

✅Ny Tsédaka sy ny Ma'asser ihany no afaka hitondra Brakha eto amin'izao tontolo izao sy mamonjy ny any amin'ny tontolo ho avy, araka ny voasoratra hoe: צֶדֶק, לְפָנָיו יְהַלֵּךְ"Ny Tsédaka no handeha eo alohanao".
(avy amin'ny fampianaran'ny ’Hatam Sofer).

loharano: Nasso/torah-box.
sary fanehoana

27/05/2026

“Aza velomina ny vehivavy manana ody.”

"Une sorcière, tu ne la laisseras pas vivre"
(Michpatim/eksod 22, [17]18)

Ny ody dia avy amin'ny herin'i Lilith, ilay anjely ratsy izay " klipa maléfique" ( "akoran'ilay ratsy", hery ara-panahy ratsy).

[Ny klipot rehetra dia mi’iba sy ratsy. Antsoina hoe "Klipa an’ny faharatsiana" i Lilith satria, raha ampitahaina amin'ny (homologue) lehilahy mitovy aminy, i Samaël, dia izy no maléfique kokoa amin'izy roa ireo (Binat ha'Hotam). ]

Ny olona milalao ody dia manamafy hery ny sitra a'hara (herin’ny ratsy) ary mampahalemy ny herin'ny fahamasinana.

"Ny mpamosavy, aza avela ho velona izy " (mé'hachéfa lo té'hayé - מְכַשֵּׁפָה לֹא תְחַיֶּה )

= ny litera voalohany amin'ireo teny ireo (מלת) sy ny litera farany (האה) dia manana sandan' isa mitovy amin'ny 481 izay mitovy koa amin’ny לילית (Lilith), raha ampiana sanda fanampiny ho an'ny teny mihitsy aza (ny kollel).

Izany dia fanondroana ny hoe avy amin'ny sitra a'hara mihitsy ny mosavy, dia i Lilith no manome ny ainy/mamelona (ho) azy.

Ankoatra izany, ny teny hoe מְכַשֵּׁפָה (sorcière /mpimasy) dia ahitana litera מך שפה (ma'kh chafa), izay manana ny dikany toy izao manaraka izao :

ny litera שפה dia manana sanda 385, izay mitovy amin'ny שכינה (Shéchina).

Ny litera מך dia midika hoe "fanetren-tena."

Noho izany, ny filalaovana ody dia mampihetry ny Chékhina(fanatrehan’ A.ndriamanitra) ary noho izany dia, "aza avelanao ho velona ny mpamosavy."

[rabbi Yaakov Abou'hatséra - Pitou'hé 'Hotam ]
loharano: toda Hm
sary fanehoana fotsiny

27/05/2026

⁉️ VAVAKA VE MANOVA ZAVATRA (tohiny)

Ny vavaka no miteraka fanovana marina ao anatin'ny olona iray, ary izany fiovana ao anaty izany dia miafara aminy fampivelarana sy mitarika amin’ny revolisiona manerana izao tontolo izao.

Miavaka sy miharihary izany rehefa mifandray mivantana ny singa ao anaty sy ny hivelany. [Shmoné Kévatsim 1:851]

• Ao amin'ny fanahy dia misy faniriana miabo maro. Nefa tsy maintsy hianarana ny ahatonga azy ireny ho zava-misy (ho tanteraka). Ny fitaovana tsara indrindra hatongavana amizany dia ny TENY, izay manentana ny saina sy ny nofinofy. Izany no maha zava- dehibe ny VAVAKA ; izy no mamoaka ny fihetsem- pontsika lalina indrindra .[Shmoné Kévatsim 1:33]

•Isan'andro dia tsy maintsy midio, manadio sy mampisandratra ny nofinofinao hianao. Ny vavaka no manampy antsika ahatrarana izany tanjona izany...

Mora voataonan'ny fironan-dratsy ny eritreritra. Mety hianjera haingana any amin'ny farany ambany izany raha tsy miezaka miarina sy mampifantoka azy tsy tapaka isika .Izany no antony hilantsika BRAKHA sy VAVAKA tsy tapaka.

•Sambatra izay manonona izany amin'ny FIFANTOHANA lalina.

Ny vavaka no manazava ny tena sy izao tontolo izao. [Shmoné Kévatsim 1:66]

loharano: toda: HM
sary fanehoana fotsiny

26/05/2026

HÉBRAÏSANTS & HÉBRAÏSME . Inona izany ?

Araka ny fijery théologique (fijery ara- pivavahana sy ara-bakiteny) :

1. "Hébraïsant" → Avy amin’ny : “hébreu” + “-isant” (manao zavatra).

Ara-bakiteny : “Olona mianatra na mahafehy ny teny hebreo.”

hevitra théologique :

“Hébraïsant” dia TSY MIDIKA HOE JIOSY, fa olona mianatra ny fiteny sy ny kolontsaina hebreo, amin’ny ankapobeny mba hahafahana mandika sy mahatakatra ny Soratra Masina amin’ny fiteny tany am-boalohany.

Izany hoe, MPIKAROKA na mpianatra te hahatakatra ny Tanakh (Baiboly hebreo) amin ’ny fomba ara-tsoratra sy ara-pinoana.

Ohatra : “Les hébraïsants étudient le texte massorétique pour comprendre la Torah telle qu’elle fut transmise.”

→ “Ny hébraïsants dia mianatra ny lahatsoratra masorétique mba hahatakatra ny Torah amin ’ny endriny nentim-paharazana.”

2. "Hébraïsme" → Avy amin’ny : “hébreu” + “-isme”

Ara-bakiteny : Zavatra na fomba avy amin’ny fiteny, filozofia, na fomban’ny Hebreo (Jiosy).

hevitra théologique :

“Hébraïsme” dia manondro ny tontolo ara- pinoana sy ara-pisainana jiosy manontolo — izany hoe, ny fomba jiosy hieritreretana ny fahamarinana, ny fomba fandikana ny Soratra Masina, ary ny fototra ara-panahy avy amin’ny Torah.

Ohatra : “Le christianisme primitif (les Notrsim) était imprégné d’hébraïsme.”

→ “Ny kristianisma tany am-piandohana dia feno/vonton'ny hevitra sy fomba fijery hébreo.”

3. Fampitahana fohy :

•Hébraïsant - Olona mianatra ny teny hebreo - Mety ho mpikaroka, mpianatra, na teolojiana maniry hahatakatra ny Soratra amin’ny fiteny tany am-boalohany.

•Hébraïsme - Fomba fijery, hevitra, na fiteny jiosy - Manondro ny tontolo ara-pinoana, filozofika, sy ara-panahy jiosy manontolo

Fintina :

Raha miresaka olona → hébraïsant (hafa firenena TSI-JIOSY)

Raha miresaka fomba fisaina na teôlôjia → hébraïsme (Hafa firenena manaraka ny finona jiosy araka ny fandalinany sy ny fomba fahitany azy)

Naoty(...)
Sary fanehoana

26/05/2026

Yeroushalayim, ilay manjelanjelatra...

Ny mpaminany sy ny olon-kendry amintsika dia mamaritra amin'ny fomba mahasondriana ny famirapiratan'ny tanàna amin'ny ho avy, ny hareny mahatalanjona, ny habeny goavana ary ambonin'izany rehetra izany ny fahamasinana - Kédoucha - izay handrakotra azy. Fa ny JEROSALEMA AMIN’NY BETH HAMIKDACH (Tempoly) faha-3 dia tsy ho RENIVOHITR’I Israely ihany, fa HO AN’IZAO TONTOLO IZAO manontolo, “Messoss Tévèl”, ara-bakiteny hoe “firavoravoana” ho an’ny tany manontolo.

Izao no tenin’ireo olon-kendry amintsika momba an’ilay foto-kevitra (Chémot Rabba 23/11): “Ho tanàn-dehibe an’ny tany rehetra i Jerosalema.” Ho fantatry ny olona rehetra fa ny tena angovo dia mifantoka amin'io tanàna io, renivohitr'izao tontolo izao, toerana misy ny Chékhina (fanatrehan' A.ndriamanitra) sy ny Mpanjaka Machia’h. Araka ny voalazan’ireo olon-kendry antsika: “Ny tanàna dia ho tonga fanilo manazava ny firenena rehetra ambonin’ ny tany”.

Izao no voalaza momba ny fahamasinana hilomanosan’ilay tanàna (Jeremia 3:16[17]): “Amin’izany andro izany no hanononana an’i Jerosalema hoe Seza fiandrianan’ i Hachem; Ary hivory any ny jentilisa(firenena) rehetra.”

Mampianatra antsika ny ‘Hassidout fa hatramin ’izao, ilay tanàna dia antsoina hoe “Tanànan’ Andriamanitsika”, amin’ny fampiasana ny Anaran’A/tra hoe “Elokim”, izay manondro hazavana kelikely sy voafetra kokoa, fa amin’ny hoavy kosa, dia hantsoina hoe “seza fiandrianan’i Hachem” izy io, miaraka amin’ny anarana hoe Hashem, fonenan’i Hachem, Tenany, amin’ny voninahiny rehetra.

Foiben'ny harena maneran-tany

Ao amin’ny asa soratr’ireo olon-kendry antsika, dia milazalaza ny haren’i Jerosalema amin’ny fara'andro: “Elokim hanorina ny tanàna amin’ny vato soa 10 karazana, anisan’izany ny rubis, l’émeraude, le topaze. Amin’ny hoavy dia ho feno vato soa sy voahangy ny fananan’ ny tanàna.” hiangona ao antanana ny harenan’izao tontolo izao, toy ny filazana hoe:

“ Amin’ny hoavy, Ilay Masina, Hodaraina anie Izy no hanangona ny firenena ambonin'ny tany, hiakatra ho any Jerosalema ireny, ary hizara ho an'ny Isiraely ny babony.

Ny Kédoucha de Jérusalem no mahasarika ny firenena sy ireo fivavahana hafa izay hanorina ny toeram-pivavahana ao amin’ilay tanàna. Hoy ny Zohar momba izany (Chémot 17,1) :

“AMIN’ NY HOAVY, HACHEM DIA HISEHO AO JEROSALEMA AMBANY KA HANADIO AZY HO AFAKA AMIN’NY FAHALOTOAN’NY FIRENENA.”

Amin’ny alalan’ny ady ve no hanaovana izany ? Ny Zohar dia milaza fa ny Mpamorona mihitsy no hanatanteraka io “asa” io, ary tsy ory amin’ny fitaovana Izy…

Hihitatra hatrany Damaskosy

Hi’itatra ara-jeografika i Jerosalema amin’ny fotoana hanafahana farany amin’ny fomba tsy mampino. Hoy ny Olonkendry antsika : “Ny vavahadin’i Jerosalema dia hipaka any Damaskosy”. Hoy ny Guémara (Baba Batra 65,2): “Amin’ny hoavy, Elokim dia hanampy 1000 Téfaf Guinot (fandrefesana) ny tanàna”, na hoe: “Hitarin’i Hachem ny tanàna ho any amin’ izay ahafahan’ny soavaly mihazakazaka sy mandositra.” (Pessa’him 50,1).

Ireo fisehoan-javatra ireo dia miseho amin’ny fanoharana ao amin’ny mpaminany Zakaria (2:8): “Jerosalema dia honenana toy ny tanana tsy mimanda (Perazot) », izany hoe tsy misy fetra na tsy misy refy. Manazava ny ‘Hassidout (Or Hatora, Nakh, tome 1, page 13):

ny teny hoe “Perazot”, “misokatra/tsy mimanda ”, dia midika hoe “fahazavana tsy mety omby ao anaty fitoeran-javatra”. Misy hazavana avy amin’ny Lanitra voafaritra sy voafetra, izay mandrakotra ny zavatra iray, na inona na inona io, ary manaraka ny manodidiny sy ny fetrany. Na izany aza, ny Iray Masina, isaorana anie Izy, ny Tenany tsy manam-petra, tsy misy fetra, tsy azo faritana, ary noho izany dia tsy misy zavatra mahazaka/omby Azy. Rehefa miseho io hazavana io, dia tsy hipetraka eo amin’ny fitoeran-javatra iray, fa hipoaka/hamirapiratra tsy misy fetra. Izao no tanjon'ilay andininy:

« PERAZOT TÉCHÈV YÉROUCHALAÏM », ny fisehoan' Elokim feno indrindra no hanazava ny tanàna, tsy misy voaly. Ho tonga any amin'ny fara tampony i Jerosalema amizay, mandritra ny Guéoula (fanafahana) ho avy.

Enga anie isika, tsy ho ela, hahazo ny fahamendrehan'ny famirapiratan'io hazavana io, Amen Véamen.

Traduit et adapté par Jocelyne Scemama (du Feuillet Si’hat Hachavou’a 22.5.2020) - © Torah-Box

dikateny: mishkan méïr madagascar
sary fanehoana fotsiny

26/05/2026

Ny hifandraisan'ny FIHEBOEBOANA sy ny FAHALOTOM-PITONDRAN-TENA - Nasso -

“Mitenena amin'ny Zanak'Isiraely hoe: Ra misy Lehilahy na vehivavy mivoady hitokana ho NAZIRITA mba hitokana ho an’i Hachem." (Bamidbar 6.2)

Ny Paracha ny herinandro dia milaza amintsika ny Mitsva ny SOTAH izay avy hatrany dia arahin ’ny NAZIR (olona iray mifady divay, tsy manapa- bolo na mikasika faty).
Manazava Rachi ny hifanandrifiany lohahevitra, mitanisa ny Guémara (Sotah 2a). Ny Sotah dia vehivavy ahiahiana ho nanao fitondran-tena maloto ary tsy maintsy mandalo dingana mahafa-baraka voalaza ao amin'ny Torah. Matetika, ny FIMAMOANA no mahatonga ny fihetsika toy izany. Noho izany, izay manatrimaso ny zava-nitranga tamin'ny Sotah dia lasa nanapa-kevitra, mba tsy ho tonga amin’ izany koa, dia nifady divay.

Ny Guémara iray hafa (Nazir 4b) milaza tantara iray izay manome antony hafa ny maha naziréat. Chim'on Hatsadik milaza : “ Nandritra ny androm-piainako, tsy mbola nihinana Korban Acham (fanati-panavotana) an'ny Nazir iray aho, afa-tsy indray mandeha (rehefa azoko antoka fa nanao izany Léchem Chamaïm izy). Indray mandeha aho, nahita Nazir avy tany atsimo (hanatitra ny fanatiny any Jerosalema). Tsara tarehy izy ary tena tsarabe koa ny volony. Nanontany azy aho hoe: “Anaka, inona no nahatonga anao hanapaka io volonao io (tamin’ny fetran’ny vanim-potoana ny Nazirita)?” Hoy izy tamiko:

"Mpiandry ondry aho ary nandeha hantsaka rano ho an'ny ondriko. No hitako tao anaty rano ny tandindiko ary nosamborin'i Yétser Hara aho ary te handroaka ahy hiala amin'izao tontolo izao (noho ny fireharehana) izy. Dia hoy aho tamin'i Yétser Hara-ko: 'Racha ianao. Nahoana no entanentaninao be ny hatsaran-tarehiko, izay vonona ny hahalasa ahy ho vovoka sy kankana indray andro any? Dia nivoady aho fa hanaratra ny voloko ho voninahitry ny Lanitra.” " Chiméon Hatsadik namarana : “ Nitsangana aho, nanoroka ny handriny, nanao hoe: “Anaka, aoka hihamaro eo amin’ny Isiraely izay mivoady ho Nazirita, tahaka ny nataonao. Ny olona tahaka anao no lazain’ny andininy : Raha misy Lehilahy na vehivavy mivoady hitokana ho Nazirita mba hitokana ho an’i Hachem .”(Bamidbar 6:2) .

✅Inona no nanosika an’ilay tovolahy ho lasa Nazir? Ny Fieboeboana nateraky ny volony tsara tarehy. No nanapahany hevitra hanomboka ny vanim-potoanan'ny Nazirita - famelana ny volony ho lava ary hanapaka izany sy hanolotra sorona. Ankehitriny, araka ny filazan’ny olon-kendri-ntsika (famantarana noresahin’i Rachi), lasa Nazir ny olona iray noho ny TAAVA (filan’ny nofo, faniriana hanao fitondran-tena maloto) fa tsy ny GAAVA (fiheboeboana). Ahoana no ahatakarana io "fifanoheran-kevitra" io?

✅Ny ’Hidouché Lev[1] manamarika ny fanoheran-kevitra mitovy amin'izany ny Mitsva ny Sotah, izay mety hanampy antsika hamaly ny fanontaniana momba ny Nazir. Nanoratra i Rachi[2], mifototra amin'ny Midrach, fa noho ny ROUA’H CHiTOUT (fanahin'ny fahadalana) ihany no hirotsahan'ny olona amin'ny falotoam- pitondra-tena. Fa ny Guémara manome vokatra hafa : Rabbi ’Hiya Bar Aba milaza tamin'ny anaran'i Rabbi Yo’hanan :

Ny olona rehetra mieboebo (GASS ROUA’H) dia hiafara amin’ny fahalavoana amin’ny fandrarana tsy hiray amin’ny vehivavy vadin’olona”.

Averina indray fa toa misy fifanoheran-kevitra eo amin'ireo antony mahatonga ny fitondran -tena maloto mety hiteraka Sotah. Ny Taava ve sa ny Gaava?

✅Ny ’Hidouché Lev mamaly fa ny antony mivantan’ny fahotan'ny Sotah dia ny fafinaretan'ny nofo, fa amin'ny ankapobeny, ny fiavian'ny [lubricité] filan'ny nofo dia ny fizahozahoana. Rehefa mpieboebo tokoa ny olona iray, dia mino izy fa azy ny zavadrehetra ka noho izany dia vonona ny hanao na inona na inona izy, na dia ny hihoatra ny fetra aza, mba hahazoana izay heveriny fa mendrika ho azy.
Amin'ireo hevitra ireo, ny ’Hidouché Lev dia mitanisa Midrach [3] izay mitantara ny tantaran'ny lehilahy manambady iray maniry ny hanao fitondran-tena maloto amin'ny vehivavy hafa, saingy voasakana ny fikasany. Notsikeraina izy noho ny fiheboheboany ; Raha ny izy, dia Sambatra tokoa ny ankamaroan'ny lehilahy manambady, saingy te-hankafy bebe kokoa izy ary noho ny fihebohebony no nahatonga izany.

✅ Ny ’Hidouché Lev manamafy fa ny olona iray mitsiriritra izay heveriny fa mendrika sy tokony ho azony . Araka izany, raha tsy mpirehareha izy, dia tsy ho naniry ny hijangajanga tamin’ny vadin’olon-kafa (satria ho tsapany fa tsy mendrika mihoatra noho izay ho azony [anjarany] izy), toy ny an’ny ankamaroan’ny lehilahy manambady.

✅Mitovy hevitra amin’ny raharaha Nazir. Ireo Guémarot roa ireo (ny iray milaza fa lasa Nazir izy noho ny Taava ary ny iray mihevitra fa avy amin'ny fihetsempo Gaava izany).

Raha ny zava-misy, ireo kilema roa ireo samy mitarika ho amin'ny fahadisoana ary ny olona samy mety hanapa-kevitra ny ho lasa Nazir noho ny filany na ny avonavony. Na izany aza, araka ny voalazan'i ’Hidouché Lev, ny fototry ny fitsiriritana dia ny fieboeboana, satria io fihetsika io dia mitarika azy hino fa manan-jo hahazo ny karazana fahafinaretana rehetra izy.

✅Mba hanalavirana izany fahotana izany, dia ilaina ny miala amin’ny fieboebona aloha. Raha miezaka ny hankasitraka amim-panetren-tena izay ananany tokoa ny olona iray, dia ho tonga saina amin’ny fototra [mahatonga] ny fitondran-tena maloto.

[1] ’Hidouché Lev Nasso, p. 17 et 18.
[2] Bamidbar 5,12.
[3] Bamidbar Raba 9,3. Torah-Box
sary fanehoana

26/05/2026

Lalàna isan'andro: LALÀN'NY FISAONANA

Ny vehivavy namoy havana akaiky, mandra- pandevenana azy, dia iharan'ny lalàna antsoina hoe Aninout, toy ny lehilahy ihany. Avy hatrany aorian'ny fandevenana dia miova sata izy, ary iharan'ny Brakhot sy ny Mitsvot hafa ary ny lalàn'ny fisaonana.

Avela hivoaka ny trano ho an'ny dingana mahakasika ny maty.

Nandritra ny vanim-potoana Aninout, ny olona namoy havana akaiky dia afaka amin'ny Mitsvot atao rehetra; tsy mivavaka izy, tsy manao Brakhot na mamaly Amen. Raha nanao fahadisoana izy ka nanomboka nivavaka, dia tsy maintsy mamita izany. Iharan'ny adidin'i Nétilat Yadaïm, izy, amin'ny tranga rehetra mifandraika amin'izany, na dia tsy mitanisa tsodrano aza.

Loharano: Nasso/torah-box
sary fanehoana

Mishkan Méïr Madagascar משכן מאיר מדגסקר

27/05/2026

27/05/2026

27/05/2026

27/05/2026

27/05/2026

27/05/2026

27/05/2026

26/05/2026

26/05/2026

26/05/2026

26/05/2026

Address

Telephone

Website

Alerts

Contact The Place Of Worship

Shortcuts

Share

Category