22/07/2025
SABATAN’NY ANKIZY, 26 Jolay 2025
HO MAHATOKY AMIN’I JEHOVAH MANDRAKARIVA AHO !
FITAOVANA ILAINA:
Fitaovana anengoana ny Mpanjaka Josia ( satroboninahitra, akanjo taratasy voahainho tsara atao farany ivelany, tehim-panjakana)
Horonan-taratasy misy ny lalana, Tsangambaton-tsampy(Hazo botabota na baoritra atao lavalava maromaro apetraka mielanelana, fonosina lamba menamena , ravaravahina,..)
Lamba mangamanga lava hatao ranomasina, taratasy 2 misy hafatra 2 homena ireo olona 2. Taratasy fotsy 2 hanoratana ny hafatra tonga.
Soratra “HO MAHATOKY AMIN’I JEHOVAH MANDRAKARIVA AHO !” atao azo vakiana amin’ny taratasy
Vakiana tsara ny soratra matavy rehtra mba hahazahoanao ny isan’ny olona ialaina sy ny hetsika hatao
FANAMARIHANA:
Amin’ny maha Sabatan’ny ankizy ny andro dia aoka ho ny ankizy 14 taona noho midina no hanatontosa ny programa. Azonareo atao ny mizara ny toriteny amin’ny ankizy roa samihafa, ankizy hafa koa no manentana mapanao ny lalao.
Ny folakandro dia eny anivon’ny fiaraha-monina no hamaranana ny Sabatan’ny ankizy. Hanao antsakira isika, handray anjara amin’ny toriteny fanentanana ny olona hiverina amin’ny tfandinihana sy fankatoavana ny tenin’Andriamanitra ny ankizy ary ho faranana amin’ny asa fanasoavana mivaingana any amin'ny fiaraha-monina ho mariky ny fanoloran-tenan'izy ireo.
Mirary ny ankizy rehetra syn y lehibe hahatsapa ny fitiavan’Andriamanitra azy ka hitombo hafanam-po eo amin’ny fanompoana sy fahatokiana Azy.
Mankasitraka anareo mpiandraikitra mandrakariva mikarakara ny ondrikelin’I Jesosy. Ho tahian’Andriamanitra hatrany anie hianareo.Amen
----------------------------------------------------------------------------------------
FAMELABELARANA
Miarahaba ny fiangonana rehetra indrindra ny ankizy nahatratra ity Sabata amaneran-tany ho an’ny ankizy ity. Ny faniriako dia izao, mba ho Sabata handraisantsika rehetra fitahiana sy fifaliana anie ity Sabata manokana ity. Amen.
FAMPIDIRANA ( tsy tenenina)
HO MAHATOKY AMIN’I JEHOVAH AHO! Izany no lohatenintsika anio. Azonareo averina ve izany lohantenitsika izany? 1, 2, 3… Misaotra tompoko!
Tantaran’ny ankizy iray no handraisantsika lesona amin’ity maraina ity. Tsy ho lazaiko anareo anefa ny anarany fa hianareo no hamantatra azy. Mangataka anareo ary mba hihaino tsara daholo aloha. Mbola tsy misy mamaly an, fa mihaino tsara daholo aloha. Rehefa voapetrako daholo ny fanontaniana vao mahazo mamaly hianareo. Ny ankizy no angatahana hamaly voalohany fa rehefa tsy mahay ny ankizy izay vao mahazo mamaly ny lehibe.
Iza ary izy?
Izy dia tovolahy kely,
Valo taona monja izy dia efa tonga mpanjakan’ny Zanakisiraely,
Miatomboka amin’ny “J” ny anarany.
Iza ary izy? ( Averiko indray mandeha. Ao tsara isika rankizy namako an. Iza ary izy?...)
Mahay ny ankizy! Tantaran’I Josia no handraisantsika lesona anio.
( Asaina miseho I Amona sady mivezivezy eo anoloana, manatona ireo tsangambato sampy( Bala, aseraha, astarta,.. dia miankohoka sy mivavaka eo)
Amona no anaran’ny dadan’i Josia rankizy. Iza hoe? Amona. Ratsy fanahy be io Amona io. Manompo sampy be izy. Fantatry ny ankizy ve izany sampy izany? Atakalony sarin-javatra voasokitra Andriamanitra. Raha tokony hamono zavatra hatao fanatitra ho an’Andriamanitra izy dia tsy vonoiny ho Azy izany fa vonoiny ho an’ny Andriamanitra hafa.
Noho izany dia tsy tian’ny olona I Amona ka novonoin’izy ireo. I Josia indray no nakarina natao mpanjaka handimby azy.
Hitantsika ao amin’ny 2Tantara 33:22-25 izany ( Tsy vakiana)
Fa mba ananao ahoana kosa ary I Josia? Manahoana ny toetrany izay tokony halaintsika ankizy tahaka anio?
VOTOATINY:
FIZARANA-1
Nahatoky tamin’I Jehovah I Josia. Hainareo ve ny dikan’ny hoe MAHATOKY AMIN’I JEHOVAH izany? Misy heviny 2 rankizy ao anatin’izany hoe MAHATOKY AMIN’I JEHOVAH.
Andeha hilalao kely aloha isika hamantarantsika ny heviny voalohany.
Ny olona rehetra mipetraka manandrify ny rindrina 2 amin’ny sisin’ny fiangonana no handray anjara. ( Tsy omanina mialoha) Manana groupe 2 isika izao dia ny sisiny havia sy ny sisiny havanana. Angatahina hitsangana izy ireo na kely na lehibe. Mila mitovy fotsiny ny isany. Folo raha kely indrindra ny isan’ny ao anaty groupe iray.
Ireto olona lehibe anankiroa ireto kosa dia hijoro any amin’ny aoriana indrindra.Any amin’izy ireo ny taratasy misy ireo hafatra roa izay tiana hampitaina anio. Ny anjaran’ny mambran’ny groupe tsirairay dia hihaino tsara ary hampita amin’ny alalan’ny bitsibitsika izay tenenin’izy ireo tsy misy diso amin’ny eo alohany mandrapaha tonga ety anoloana. Tsy mahazo mifampitodika ny ao aloha sy afara, tsy mijery ny vava mibitsibitsika fa mihaino fotsiny dia mampita. Rehefa tonga eny amin’ny olona farany ao anaty groupe dia hampitainy amin’ireo olona manana taratasy fotsy eny aloha manandrify azy mba ho soratany.
Manisa ilay mpitarika lalao ka raha vao tapitra ny 3 dia manome ny hafatra ilay olona manana ilay hafatra 1 sy 2 ao anaty taratasy.(Hafatra 1: Tia ny olona rehtra I Jesosy. Hafatra
