16/03/2026
Indro vaovao ampitaina ho antsika ao anatin’ny Fikambanan’ny Reninjaza.
𝑭𝑰𝑶𝑭𝑨𝑵𝑨𝑵𝑨 - 𝑭𝑰𝑽𝑶𝑹𝑰𝑨𝑵'𝑵𝒀 𝑲𝑶𝑴𝑰𝑻𝒀 𝑭𝑶𝑰𝑩𝑬 - 𝑭𝑨𝑵𝑲𝑨𝑳𝑨𝒁𝑨𝑵𝑨 𝑵𝒀 𝑭𝑬𝑺𝑻𝑨𝑵'𝑵𝒀 𝑵𝑨𝑵𝑨𝑴𝑩𝑨𝑹𝑨𝑵𝑨
Miarahaba anareo amin'ny anaran'ny Tompo ary mirary ny fiadanany ho aminareo.
Raha sitrapon’Andriamanitra dia hatao amin’ny faha 19, 20, 21 Martsa ny fiofanana sy ny Komity Foibe ary ny fankalazana ny Festan’ny Nanambarana.
Toy izao ny andinindininy amin’izany:
⭕️Ny Alakamisy 19 Martsa: fiofanana ao amin'ny Fiangonana Trinite Masina Avaratranjoma manomboka amin'ny 8 ora sy sasany maraina. Ireto avy ny olona antsoina amin’izany:
👉 Ny Aumônier-n'ny Fikambanan'ny Reninjaza
👉 Ny Filoham-boninahitra
👉 Ny Filohan'ny Distrika rehetra
👉 Ny Mpanentana rehetra
👉 Ny Fikambanan'ny Vadina Klerje
👉 Ny Biraon’ny Diosesy
⭕️Ny Zoma 20 Martsa : Komity Foibe, izay atao ambany fitarihan’ny Eveka manomboka amin’ny 8 ora sy sasany maraina ao amin’ny Katedraly St Laurent Ambohimanoro. Ireto avy ny olona nantsoina amin’izany:
👉 Ny Aumônier-n'ny Fikambanan'ny Reninjaza
👉 Ny Filoham-boninahitra
👉 Ny Filohan'ny Distrika rehetra
👉 Ny Mpanentana rehetra
👉 Ny Fikambanan'ny Vadina Klerje solontena 3
👉 Ny Biraon'ny Fikambanan'ny Reninjaza Diosesy.
👉 Ny Filohan'ny Diosesy teo aloha rehetra
👉 Ny Filohan'ny Reninjaza 10 trano
Asaina hanatrika kosa ny fïlohan'ny Fikambanan'ny Reninjaza Nasionaly; ny solontenan'ny Province; ny Talen'ny Akany Famonjena; ny solontenan'ny SEVKRI ary ny ny solontenan'ny VKMM
⭕️Ny Fankalazana ny Festan'ny Nanambarana, dia ny Asabotsy 21 Martsa 2026 amin'ny 9 ora maraina ao amin'ny Katedraly St Laurent Ambohimanoro. Hisy fotoam-pivavahana sy Komoniona Masina koa samia manaja ny fepetra ara-pahasalamana.
Aorian'ny fotoam-pivavahana dia hisy fivarotana tsakitsaky sy sakafo maivana
‼️Fampahatsiahivana momba ny zavatra entina:
✅ Tatitry ny asa vita miampy ny isan’ny Mpikambana,
✅ Tatitra Muloa (araka ny modely fanaovana tatitra; atao miisa roa)
✅ Adidy isam-paroasy (10.000 Ar ny ambany indrindra) ; ny Latsakemboka (3.000Ar isan-taona / mpikambana), ny Adidy ho an’ny Akany Famonjena ary ny valopy fankalazana ny faha 30 taona. Vola 5.000 Ar isaky ny Distrika hatao goûter.
Marihana fa afaka manatrika ny fiofanana ny Filohan’ny Paroasy kanefa miantoka ny saran-dàlana.
✅ Fotsim-bary roa kapoaka efa voatsimpona ho an'ny Mpivory rehetra fa tsy vola.
✅ Boky Fivavahana sy Bokin’ny Reninjaza
✅ Labozia ho entina amin'ny Prosesiona
Samy hanao fanamiana ny Asabotsy (fotsy ambony, zipo manga ambany). Mandritra ny fotoam-pivavahana fankalazana ny Festan'ny Nanambarana dia hisy rakitra telo (3) :
✅ Rakitra voalohany : Valopy (aterina)
✅ Rakitra faharoa : aterina
✅ Rakitra fahatelo : tatazana (hoan'ny Reninjaza Nasionaly)
Alefa mialoha koa ny anaran'ireo marary sy nodimandry ho tsarovana am-bavaka ary ny anaran’ny mpikambana efa voaofana ho raisina ahazoana manao ny fandaminana.
Izay no ampitaina amintsika koa mametraka ny veloma mandrapihaona amintsika rehetra ary mirary soa sy fahombiazana ho an'ny ankohonana tsirairay.
Ny Filoha
Rahetilahy Jacqueline
