06/01/2024
AZA TIA FOSA !
Efa zary fahazaran-dratsy mahazo ny olona ankehitriny maro ity fosa ity. Na am-bava na an-tsoratra. Ary nampiakatra lenta azy ny teknolojia (tambajotran-tserasera).
Amin'izao Taona vaovao izao , dia andeha asiana fandinihana ny momba ity fosa ity.
1. VOKA-PIKAROHANA
Atolotra antsika eto ity voka-pikarohana iray ity.
- 52 mn / andro ny salanisa lany hifosana olona tsy eo anoloana.
- Ireto ireo karazana fosa misy
* 75% ny fosa "neutre", tsy mikendry hanimba na ankolaka na mivantana.
* 15% ny fosa "masiaka", tena mamely mafy ilay olona fosaina.
* 9% ny fosa "tsara". Miresaka izay tsara momba ilay olona fosaina.
- Toy izao ny momba ny olona tia fosa
* ny vehivavy no mpifosa kokoa noho ny lehilahy
* ny tanora no mpifosa "masiaka" noho ny olon-dehibe
* ny midonanampoana no mpifosa kokoa noho ny be asa
* ireo mpiresaka (extraverti) no mpifosa kokoa noho ny ireo mpikatona vava (introverti)
2.FAMPIANARAN'NY SORATRA MASINA
- Ny zavatra mivoaka avy amin'ny vava, hoy i Jesoa, no mahaloto ny olona (Mat 15: 11). Loto ara-toetra sy moraly ary ara-panahy ny teny miendrika fosa izay atao.
- Tsy voambolana ampiasain'ny Soratra Masina ny "fosa". Fa ny mitovy hevitra aminy sy ny vokany kosa dia lazainy. Ireto ny santiona amin'izany.
* tsaho. Raràna isika tsy hanely tsaho momba ny hafa (Eks 23:1).
* teny maloto. Tsy ny vavan'ny mpino no hiteny toy izany (Efe 4: 29)
* voso-dratsy." Blague" ratsy ity, tsy mety akory ny mihaino sy mandray anjara amin'izany (Efe 5: 3-4)
* lelan'ny menarana. Fadio ny manazatra ny saina sy ny vava hifosa, izay poizina mamotika ny hafa (Sal 140: 3) sy manapotika koa ny tena (Oha 21: 23). Ny voninkazo tsara hatrany no tsindromin'ny Tantely.
* mibedibedy foana manaratsy. Indrisy fa hatrany anaty Fiangonana dia misy manao ity, hanafenany ny haratsiany (3 Jao 1: 10).
* teny maro. Miseho mahay ny olona samihafa, ka miresaka ny momba azy. Mahatonga o
