EKAR Masinandraina

06/01/2026

Ny EKAR FO MASIN'I JESOA MASINANDRAINA dia mankahery sy mitondra am-bavaka ny fianankaviana manontolo izay nilaozan-dRASOAFARA na i Bébé RASOA , monina ao Ambatolahy FKT Masinandraina.
Mahereza indrindra tompoko

28/12/2025

Tonga soamantsara eto @ EKAR MASINANDRAINA n'y lakroa JMJ DISTRIKA sy ICÔNE MASINA MARIA
Hisaorana ireo tanora, sy kristianina izay nitsena sy nanatitra izany.

29/01/2025

Fantatrao ve fa azo atao tsara ny manaingo ny fiangonana "décoration" mandritra ny andro handraisanao ny sakrameta ny mariazy❣️🙏

📷 sary hindrana

NDA Arivonimamo

03/11/2024

Tontosa soamantsara anio 03 Novambra 2024 ny fanokafana t@ fomba ofisialy ny TAOM-PIKATROHANA 2024-2025 hoan'ny ANTILIN'I MADAGASIKARA , Diosezy Antsirabe.
🙏Koa hoantsika rehetra izay maniry ho Tonga olom-banona Dia EFA misokatra ny Fisoratana anarana any @ tompon'Andraikitra eo anivon'ny Eglizy

01/11/2024

𝐙𝐎𝐌𝐀 01 𝐍𝐎𝐕𝐀𝐌𝐁𝐑𝐀 2024

𝐅𝐀𝐍𝐊𝐀𝐋𝐀𝐙𝐀𝐍𝐀 𝐍𝐘 𝐎𝐋𝐎𝐌𝐀𝐒𝐈𝐍𝐀 𝐑𝐄𝐇𝐄𝐓𝐑𝐀.

Evanjely Masina nosoratan’i Md. Matio

Mt. 5, 1-12a

Mifalia sy miravoravoa, fa lehibe ny valisoanareo any an-danitra.

Tamin’izany andro izany, i Jesoa, nony nahita ny vahoaka nanaraka Azy, dia niakatra teo an-tendrombohitra, ary rehefa tafapetraka Izy, dia nanatona Azy ny mpianany, ka niloa-bava Izy nampianatra azy nanao hoe: “Sambatra ny mahantra am-panahy, fa azy ny Fanjakan’ny lanitra. Sambatra ny malemy fanahy, fa izy no handova ny tany. Sambatra izay mitomany, fa halàna alahelo. Sambatra izay noana sy mangetaheta ny fahamarinana, fa ho voky izy. Sambatra ny mamindra fo, fa hamindrana fo izy. Sambatra ny madio fo, fa hahita an’Andriamanitra izy. Sambatra ny tia fihavanana, fa hantsoina hoe zanak’Andriamanitra izy. Sambatra ny miaritra ny fanenjehana noho ny rariny, fa azy ireo ny Fanjakan’ny lanitra. Sambatra ianareo raha tevatevaina sy enjehina ary ampangaina lainga amin’ny ratsy rehetra noho ny amiko: mifalia sy miravoravoa ianareo, fa lehibe ny valisoanareo any an-danitra”.

— Izany àry ny tenin’ny Tompo.
— Dera anie ho Anao, ry Kristy!

01/11/2024

VAKINTENY MASINA VOALOHANY ANIO ZOMA 01 NOVAMBRA 2024.

Boky Fanambaràna nosoratan’i Md. Joany Apôstôly
Apôk. 7, 2-4. 9-14

«Nahita vahoaka be tsy azon’olona isaina aho, avy amin’ny firenena rehetra sy ny fokom-pirenena ary ny fanjakana mbamin’ny samihafa fiteny rehetra.»

Izaho Joany dia nahita Anjely iray hafa, niakatra avy amin’ny fiposahan’ny masoandro, nitana ny fitombok’Andriamanitra velona ary niantso mafy an’ireo Anjely efatra nasaina hanimba ny tany aman-dranomasina, nanao hoe: “Aza manimba ny tany na ny ranomasina na ny hazo, mandra-panisinay fitomboka eo amin’ny handrin’ny mpanompon’ny Andriamanitsika”. Ary reko ny isan’izay voaisy fitomboka tamin’ny fokon’i Israely rehetra, ka efatra arivo sy efatra alina sy iray hetsy izy. Nanaraka izany, dia nahita vahoaka be tsy azon’olona isaina aho, avy amin’ny firenena rehetra sy ny fokom-pirenena ary ny fanjakana mbamin’ny samihafa fiteny rehetra, nitsangana teo anoloan’ny seza fiandrianana sy ny Zanak’ondry, miakanjo fotsy sy mitana sampan-drofia. Niantso tamin’ny feo mahery izy ireo nanao hoe: “An’Andriamanitra izay mipetraka eo amin’ny seza fiandrianana sy ny Zanak’ondry ny famonjena!” Dia nitsangana nanodidina ny seza fiandrianana sy ireo Anti-dahy ary ny Zava-manana aina efatra, ny Anjely rehetra, ka niankohoka teo anoloan’ny seza fiandrianana, nitsaoka an’Andriamanitra nanao hoe: “Amen! An’Andriamanitra mandrakizay mandrakizay ny dera amam-boninahitra, ny fahendrena amam-pankasitrahana, ny haja amam-pahefana ary ny hery!” Tamin’izany ny iray tamin’ireo Anti-dahy nanao tamiko hoe: “Iza moa ireo miakanjo fotsy, ary avy aiza no niaviany?” Dia hoy ny navaliko azy: “Ianao no mahalala, Tompoko”. Ary hoy izy tamiko: “Ireo no avy tamin’ny fampijaliana lehibe, nanasa sy nanadio ny akanjony tamin’ny Ran’ny Zanak’ondry .
— Izany àry ny tenin’ny Tompo.
— Hisaorana anie Andriamanitra!

24/10/2024

17/10/2024

"Mifalia alin'ny fanantenana" Rom 12,12

JMJ MADA

FAMINDRANA LAKROA JMJ MADA

Toy ny fanao hatramin' izay dia averina aty amin'ny Vovonana Nasionaly eto Antananarivo ny Lakroa JMJ sy Ikônan'ny Virjiny Masina herintaona alohan'ny hamindràna azy any amin'ny Diosezy handray ny JMJ manaraka indray.
Hiara-mientana ary isika eto Antananarivo handray izany lakroa JMJ Mada sy Ikôna izany ny 01 Novambra izao avy any Antsirabe izay nandray ny JMJ Mada farany teo, ho tsenaina eny amin'ny "Le Wagon" Ambalavao, ary ho entina mitanjozotra eny amin'ny Katedraly Andohalo izay hanaovana ny famindrana ofisialy. Afaka samy manao ny fandaminana isam-pikambanana na isam-paroasy sns amin'ny resaka fitaterana na fanamiana .
Hitantsika etsy amin'ny affiche ny fandaharam-potoana.

© Vovonam-Pirenena Katolikan'ny Tanora

15/10/2024

VAOVAO MAHAFALY ANIO TALATA FAHA-15 OKTOBRA 2024.

Aleloia. Aleioia.
Araikao amin’ny Fanambarànao ny foko, ry Tompo, ary ny lalànao no aoka hanenika ahy.
Aleloia.

†Evanjely Masina nosoratan’i Md. Lioka. Lk. 11, 37-41

«Manaova fiantrana araka izay anananareo, dia hadio ho anareo ny zavatra rehetra.»

Tamin’izany andro izany, dia nisy Farisianina anankiray nanasa an’i Jesoa hisakafo ao aminy, ka niditra Izy dia nipetraka nihinana. Fa velona eritreritra ilay Farisianina nahita itý Izy tsy nisasa alohan’ny fihinanana, ka hoy ny Tompo taminy: “Ianareo Farisianina kosa iky mandio ny vohon’ny kapoaka sy ny lovia, kanefa ao anatinareo feno halatra sy faharatsiana. Ry adala, moa izay manao ny vohony tsy manao ny atiny koa? Izao ihany: manaova fiantrana araka izay anananareo, dia hadio ho anareo ny zavatra rehetra.”
— Izany àry ny tenin’ny Tompo.
— Dera anie ho Anao, ry Kristy!