𝙑𝙚𝙝𝙞𝙫𝙖𝙫𝙞𝙣'𝙣𝙮 𝙃𝙚𝙧𝙮

01/05/2026

Soa fa teo Jesosy !
Mbola ho eo koa Jesosy ho anao sy ny fiainanao manokana.

30/04/2026

Rahavavy ,
Hitafio ny herin'Andriamanitra
Amin’izay rehetra ataonao
Amin’ny maha-tanora vehivavy anao
Amin’ny maha-renim-pianakaviana anao
Amin’ny asanao sy ny fifandraisana rehetra anananao
Dia tsy hampanahy anao ny andro ho avy rehetra
Hitsiky fotsiny sisa ianao mijery ireo zavatra izay mety hiseho sy hitranga
Ny olana , ady , fanamby , ny fiovana ratsy tsy ampoizina , ny fandavana , ny fanilihana...
Satria efa azo antoka ny fandresenao
Rehefa ny Heriny no ao anatinao sy itafinao isan'andro

Ohabolana 31:25
Hery sy voninahitra no fitafiany, Ary ny andro ho avy dia ihomehezany.

29/04/2026

" Vehivavy tsara ianao "
Tsaroanao ve ny tantaran'i Rota?
Ilay vehivavy moabita nisisika ny hanompo ny Andrimanitr'i Naomy rafozany?
Niaina andro maloka sy manjombona izy
Fa tao anatin'ny seho mafy izay niainany no nivoaka ny tena fahatsarany.
Nivoaka ny kalitaon'ny faharetany
Nivoaka ny haleben'ny fahatokiany...
Tao anaty fahoriana izy no vao maika nisisika ny hanaraka an'i Naomy .
Ny hany tanjony dia ny mba hahalala sy hanompo an'izany Andriamanitr'i Naomy izany.
Rota 1:16
" Fa hoy Rota: Aza manery ahy handao anao sy hiala amin'ny fanarahana anao...ary ny Andriamanitrao no ho Andriamanitro".
Tsy nijanona sy nifantoka teo amin'ny tsy fahamendrehany izy.
Tsy nitodika nijery ny toerana niangàny izy,
Tsy nanaiky nipetraka teo amin'ilay toerana nametrahan'ny fiaraha-monina azy hoe "moabita" ( tsy mendrika)
Tsy nisy na inona na inona navelany nanakana azy hikikitra hanaraka sy hifamatotra amin'Andriamanitra.
Satria VEHIVAVY TSARA IZY.

Ny tena fiainana rahavavy dia manomboka eo amin'ilay ianao tsy mety kivy sy reraka iny.
Tsy maninona izay lasa ratsy niainanao
Tsy maninona izay toerana sy anarana nisokajin'ny fiaraha-monina anao,
Ny tena fiainana dia miandoha amin'ilay hoe isika tsy manaiky ferana amin'ny fitadiavana an'i Tompo misimisy hatrany...
Ilay tsy manaiky halazoin'ny zava-misy mandalo.
Ny fiandohan'ny fiovam-piainana dia manomboka eo amin'ilay isika mahafoy ny mombamomba antsika rehetra (...) dia sahy hanantona an'i Jesosy tsotra izao fotsiny.

Ho vehivavy tsara anie ianao
Ary hanondraka fahatsarana ho an'ny manodidina anao rehetra

Rota 3:11
Koa ankehitriny anaka, aza matahotra; hataoko aminao izay rehetra angatahinao; fa fantatr'izay rehetra ao an-tanànan'ny fireneko fa vehivavy tsara ianao.

28/04/2026

28/04/2026

" Ny hevitra rehetra dia aorin'ny fisainana, Ary ny fahaizana mandamina tsara no entonao miady "
Tena ilaina ny filaminana
Rehefa misy filaminana dia misy fiadanana , misy fitsaharana
Ary rehefa eo ny fiadanana dia eo Andriamanitra
Fa varavarana misokatra ho an'ny fahavalo kosa ny fikorotanana...
Ary hoy ny baiboly hoe rehefa misy fikorotanana dia ho tonga ny asa ratsy rehetra...

Noho izany :
Mahaiza mandamina ny fonao
Mahaiza mandamina ny sainao
Mahaiza mandamina ny fifandraisana
Mahaiza mandamina ny fomba firesaka
Mahaiza mandamina izay hitan'ny masonao rehetra ...

Dia ho hitanao fa ho tamana eo Jesosy
Ho toerana tsara ahafahany miasa eo

27/04/2026

Herinandro vaovao
Fahasoavana mihoatra indray
Avelao Jesosy hanapaka tanteraka eo amin’ny fiainanao
Avelao Jesosy hitarika anao any @ izay tiany hitondrana anao
Omeo fahefana tanteraka Izy hanao izay tiany atao dia ho hitanao fa tsy hanenina ianao
Tsy misy olana diso lehibe loatra ka tsy hainy vahana
Tsy misy fahavalo diso mahery loatra ka tsy hainy resena
Tsy misy zavatra diso ratsy loatra ka tsy hainy hatsaraina
Tsy misy olona diso manahirana loatra ka tsy hainy ovaina.
Rehefa eo Jesosy dia tsy misy izany tsy hay atao izany
Fa eo indrindra aza no tena afaka miseho ny heriny sy ny fahaiza-manaony....

Mametraha fitokisana tanteraka Aminy @ ny antsipiriam-piainanao rehetra
Na dia mbola tena ao anatin’ny herinao sy ny fahaizanao sy ny fanananao tanteraka ary ianao.
Izy anie hanafy Hery anao mandrakizay hiankinana aminy

25/04/2026

Misy karazana olona roa eto ambonin’ny tany :
1) - Misy ireo olona resahina
2) - Misy ireo olona mpiresaka
Raha ianao , iza no mety aminao ?

24/04/2026

Matio 3:2
Mibebaha ianareo; fa efa akaiky ny fanjakan'ny lanitra.

23/04/2026

Eny , misy valiny avokoa ny fisasarana rehetra
Andriamanitra koa tsy mba tsy marina ka hanadino ny ezaka rehetra izay nataonao
Na ho an'olona , na ho Azy manokana
Matokia , fa tsy mody fanina @ antsoantsonao izy
Tsy manao antsirambina ny fotoana izay laninao
Hitany daholo ny famafazanao rehetra
Ny ranomasona mangina tany ambadika
Ny lohalikao niforitra tany @ tsy misy mahita
Tsy ho adinòny ianao
Ny fitiavana nasehonao ho an'ny hafa
Ny Fanetren-tenanao teo imason’ny rehetra
Tsy ho very maina ireny rehetra ireny...

Ohabolana 14:23
Ny fisasarana rehetra misy valiny avokoa; Fa ny molotra mibedibedy foana tsy mba ahazoana na inona na inona.

Hebreo 6:10
Fa Andriamanitra tsy mba tsy marina hanadino ny asanareo sy ny fitiavana izay nasehonareo ho voninahitry ny anarany, raha nanompo ny olona masina ianareo sady mbola manompo ihany.

22/04/2026

Indraindray isika tena marary rehefa maheno resaka mikasika antsika
Mavesatra rehefa maheno fitsaratsarana, fanaratsiana , fanenjehana , fanasoketana
Te-hitroatra , te hamaly
Te-hanintsy ilay olona
Te-hanamarina ny tenantsika
Te-hiseho hoe " izaho aho fa tsy izany " sns
Eny tokoa mety misy marina kely ihany ny fihevitrao sy ny fijerinao ny tenanao...
Fa izao anefa :
Rehefa tena mamaky baiboly isika
Rehefa tena mamantatra tsara ny tenin'Andriamanitra
Mahalala sy liana ny sitrapon'Andriamanitra
Dia hahita sy hahafantatta isika hoe :
Hay kay :
Tsy tsara aho fa nohatsaraina
Tsy marina aho fa nohamarinina
Tsy nitsangana aho fa nantsangany
Noho ny fitiavany daholo anefa izany
Noho ny fahasoavany
Noho ny famonjena nataony
Noho ny fahamoram-panahiny tsy misy fepetra ,
Tsy niandry ahy Ho tsara sy ho tanteraka sy tsy manan-tsiny Izy
Fa nitia ahy @ ny maha izaho ahy...

Tiako loatra izay Jesosy izay.
Tantaram-pitiavana hafakely sy tsara kely ny miaraka Aminy...

( sary indrana )

18/04/2026

L'auteur de ma vie n'échoue Jamais...