15/08/2026
" Tsy hamitaka azy ny fahavalo; Ary tsy hampahory azy ny ratsy fanahy "
Salamo 89:22
Eny Tompoko,
Misy ny fahavalo aram-panahy ary tena misy,
Misy ny fanahy ratsy sy fanahy maloto
Izay hahatonga anao ho ratsy sy maloto no tanjony...
Mila miaina miaraka @ ny fahatongavan-tsaina ny amin'izany isika
Fa miankina amin'ny fahatakara-ntsika izany no fomba hitondrana ny fiainana ho avy.
Sy hitondran-tsika ny tenantsika sy ny manodidina antsika.
Ary ny fomba hiadivantsika aminy.
Misy fahavalo miezaka ny hamotika ny fiainanao
Misy fahavalo mitady ny fomba rehetra handravana anao ,
Misy fahavalo mikasa ny handetika ny masoandronao tsy hiposaka intsony...
Satria mierona tahaka ny liona mitady izay harapany izy.
Ary izy ireo tsy hoavy raha tsy hamono ,hangalatra , handringana...
Mety Fiainam-panahy , asa , tokatrano , fahasalamana, fifandraisana, fanompoana
Misy karazan'olona ratsy fanahy ihany koa anefa , izay tsy faly @ fahombiazanao.
Tsy faly amin'ny fisondrotanao
Tsy faly amin'ny fandrosoanao
Mitady ny fomba rehetra hamosaviana sy higafiana.
Mitady hamono sy hamotika anao
Tahaka an'i Kaina teo anatrehan'i Abela
Tahaka an'i Saoly teo anatrehan'i Davida.
Tahaka an'i Hamana teo anatrehan'i mordekay sy Estera.
Maro ny tokatrano rava satria tsy nahalala sy tsy nahay niambina
Maro ny asa simba satria nihevitra izy hoe tahaka azy , tsotra , marina , be fitiavana ilay mpiara-miasa taminy...
Maro ny olona lany vola tamin'ny fitsaboana satria nihevitra hoe aretina ara-nofo ilay mitranga aminy...
Kay tany amin'ny tontolo tsy hita maso ilay fahavalo no nanafika voalohany...
Eo indrindra ilay ilaintsika an'i Jesosy
Eo indrindra ilay ilaintsika fahendrena
Eo indrindra ilay ilaintsika masom-panahy misokatra
Eo indrindra ilay ilaintsika fiainam-panahy mahery sy matanjaka
Mba hanoherana izany rehetra izany...
Eo indrindra ilay ilaintsika fiarovana.
Eo indrindra ilay ilaintsika ny Fanahy Masina...
Tsy afaka vitaina @ hery sy ny diplaoma sy ny fahafataran'olona ny fiainana
Tsy afaka vitaina @ vola sy ny zava-misy maro isan-karazany toa ohatrin'ny hoe
" Mahavonjy izany "
Tsy afaka vitaina amin'ireo
"Soso-kevitrin'olona" toa tahaky ny
"Mety izany".
Ilaina daholo ireny , saingy zava-poana ihany raha tsy eo Jesosy ilay tena "LALANA , FAHAMARINANA, FIAINANA "
Mpitoriteny 9:11
" Ary hitako atแปณ ambanin'ny masoandro indray fa tsy ho an'ny haingan-tongotra ny fihoarana, ary tsy ho an'ny mahery ny ady, ary tsy ho an'ny hendry ny hanina, ary tsy ho an'ny mazava saina ny harena, ary tsy ho an'ny manam-pahalalana ny fitia; fa ny fotoana sy ny sampona dia samy mahazo azy rehetra"
๐ Ny tanan'i Jehovah anie hamely sy hanaparitaka ny fahavalo manodidina anao rehetra.
Ny Fanahiny anie hitarika anao amin'izao fiainana izao.
Ny fahoriana izay mety hiainanao androany anie hampisehoany ny fahaiza-manaony.
Izy anie hiaro anao amin'ny tetidratsin'ny ratsy fanahy rehetra...
Tsy hamitaka anao ny fahavalo
Ary tsy hampahory anao ireo ratsy fanahy....
Mahereza ,
Hanavaka anao Andriamanitra
.
