Feon'ny Soratra Masina

Feon'ny Soratra Masina Contact information, map and directions, contact form, opening hours, services, ratings, photos, videos and announcements from Feon'ny Soratra Masina, Religious organisation, Antsirabe.

📖 Fahendrena • Toro-làlana • Fiainana ❤️
✨ Pejy mizara teny mahasoa sy mampieritreritra.
🤝 Tsy manavaka finoana fa izay mahasoa sy mampandroso fiainana no zaraina eto. 🌱


👉Ny Teninao no fanilon'ny tongotro sy fanazavana ny lalako.(salamo119:105)

FITIAVANA TSY MISY FEPETRA NO DIDY LEHIBE INDRINDRA !🔸Ny atao hoe fitiavana tsy misy fepetra dia ny fitiavana tsy mitaky...
11/05/2026

FITIAVANA TSY MISY FEPETRA NO DIDY LEHIBE INDRINDRA !

🔸Ny atao hoe fitiavana tsy misy fepetra dia ny fitiavana tsy mitaky valiny,tsy mifidy olona ary manaraka ny sitrapon'Andriamanitra. Io no fototra lehibe indrindra amin'ny finoana Kristianina.

👉Marka 12:30-31
🔹Hoy Jesoa :"- ...Tiavo ny Tompo Andriamanitrao amin'ny fonao manontolo, amin'ny fanahinao manontolo, amin'ny sainao manontolo ary amin'ny herinao manontolo....tiavo ny namanao tahaka ny hitiavanao ny tenanao.Tsy misy didy hafa lehibe noho ireo."

👉 1 Korintianina 13:4-7
🔹"Maharipo ny fitiavana,be hamoram-po ny fitiavana,tsy mialona ny fitiavana,tsy mirehareha,tsy mihebohebo,tsy manao ny tsy mendrika,tsy mitady ny ho azy,tsy mora sosotra,tsy manao an-dolompo,tsy mifaly amin'ny tsy marina ataon'ny olona,fa mifaly amin'ny marina ataon'ny olona. Ny fitiavana no ahazakana zavatra rehetra ka hananana finoana sy fanantenana ary fandeferana amin'ny zavatra rehetra."

HAFATRA FOHY

👉Tsarovy fa tsy fitiavana "manantena valiny" no lehibe indrindra.
👉Ny fitiavana marina dia aseho amin'ny fihetsika, amin'ny asa, ary amin'ny fiarahamonina rehetra.
👉koa andeha isika hiezaka haneho izany fitiavana izany amin'ny fihanankaviana,namana,Ary ny olona rehetra manodidina antsika.

1) ANDRIAMANITRA TSY MILA NY VOLANTSIKA ! 👉 Andriamanitra tsy mila vola, na zavatra hafa amintsika, satria Azy ny tan...
05/05/2026

1) ANDRIAMANITRA TSY MILA NY VOLANTSIKA !
👉 Andriamanitra tsy mila vola, na zavatra hafa amintsika, satria Azy ny tany sy izay rehetra eo aminy, tsy ilainy ny fanatitra ho fandraisana hatsaram-panahy avy Aminy, fa fanehoana fitiavana sy fankasitrahana ihany.

🔹Salamo 24 :1: "_An'i Jéhovah ny tany sy izay rehetra eo aminy, izao tontolo izao sy izay monina eo aminy."

🔹Salamo 50 :12 :"_Raha noana Aho tsy hilaza aminao,fa Ahy izao tontolo izao sy izay rehetra eo aminy."

2)NY FANATITRA DIA FANOHANANA FA TSY ADIDY !
👉Ny fanatitra dia tsy fepetra fanarahina ny sitrapon'Andriamanitra, fa fitaovana ilaina hanohanana ny Asany sy hanampiana ny mahantra ary ny hafa.Tsy an-tery io fa izay foy no omena,tsy ny haben'ny fanomezana no manandanja fa ny fahavononana sy ny fitiavana...nefa kosa aza adino : _Asan'ny Apostoly :20:35 :"Mahasambatra kokoa ny manome noho ny mandray..."

🔹 2Korintiana8 :12:"_Raha misy finiavana dia hekena arak'izay hananany...."

🔹 2Korintiana9 :7:"_Samia manome arak'izay kasain'ny fony,fa tsy amin'alahelo na an-tery..."

3) INONA ARY ILAY FANATITRA TENA SITRAK'ANDRIAMANITRA ?
🔸Ny tenanao no fanatitra voalohany tena sitrak'Andriamanitra.
🔹Romana12:1
_"....Atero ho fanatitra velona,Masina sitrak'Andriamanitra ny tenanareo...."

🔸Ny fo amam-panahy
🔹Salamo 51:17
_"Ny fanatitra sitrak'Andriamanitra dia Fanahy torotoro,fo torotoro sy manetry tena..."

🔸Ny fankatoavana
🔹 Samoela 15 :22
_"Ny mankatò tsara noho ny fanatitra...."

FAMARANANA

👉Tsy vola no tadiavin'Andriamanitra aminao,fa ny fonao.
👉Tsy fanomezana no voalohany fa ny fainanao atolotra Azy,satria ny fanatitra tena sitrak'Andriamanitra dia ny olona manolotra ny tenany manontolo,manetri-tena, mankatò,Ary miaina amin'ny fitiavana isan'andro.
👉 Andriamanitra tsy mitady izay eo antananao,fa mitady anao mihitsy,ka aza mieritreritra hoe manome vola ianao dia mahazo sitraka,TSIA,fa ny fankatoavana no fanatitra lehibe indrindra.

▪️Tsy azo hovaina ny Tenin'Andriamanitra araky ny fampianarana hita ao amin'ny Baiboly : 👉Malakia 3:6 🔹"Fa Izaho Jeho...
03/05/2026

▪️Tsy azo hovaina ny Tenin'Andriamanitra araky ny fampianarana hita ao amin'ny Baiboly :

👉Malakia 3:6
🔹"Fa Izaho Jehovah tsy miova....."
⏩Noho izany: Raha tsy miova Andriamanitra dia tsy miova koa ny Teniny,ary tsy azo hovaina.

▪️Voarara ny manampy na manala ny Teny ao amin'ny Baiboly.

👉Deoteronomia 4:2
🔹"Aza manampy....ary aza manaisotra...."
👉Apôkalipsy 22:18-19
🔹Fampitandremana mafy hoan'izay manampy na manaisotra ny voasoratra .

⏩Midika izany fa voaaro tsy azo kitihina ny Tenin'Andriamanitra.

▪️Maharitra mandrakizay ny Teniny.

👉Matio24:35
🔹"Ny lanitra sy ny tany ho levona,fa ny Teniko tsy mba ho levona.

▪️FAMARANANA

👉NY andraikitsika dia tsy manova izay voasoratra ao amin'ny Baiboly ,fa manaraka izay voalaza.

👉Jakôba 1:22
🔹"Aoka ianareo ho mpanatanteraka ny Teny,fa tsy mpihaino fotsiny,ka mamita-tena."

Tsy isika no manitsy ny Baiboly fa ny Baiboly no manitsy antsika.

▪️Maro ny olona no mihevitra fa ny "FANOMPOANA" dia fombafomba ivelany fotsiny.Raha ny Baiboly anefa dia hita mazava fa ...
01/05/2026

▪️Maro ny olona no mihevitra fa ny "FANOMPOANA" dia fombafomba ivelany fotsiny.Raha ny Baiboly anefa dia hita mazava fa tsy izay hita maso ihany no jerena,fa indrindra ny fo sy ny fomba fiainana.

HOY JESOA:
👉Jaona4:23
▪️"Ny mpivavaka marina dia hivavaka amin'ny Ray,amin'ny Fanahy sy amin'ny fahamarinana."
⏩Midika izany fa tsy ampy ny fombafomba fa mila fo madio,fahamarinana ary fifandraisana amin'Andriamanitra.

👉Romana12:1
▪️"Atolory ho fanatitra velona ,Masina,sitrak" Andriamanitra,ny tenanareo."
⏩Midika izany fa ny fiainana mihitsy no fanompoana: fomba fiaina, fitondran-tena, fanalavirana ny ota.

👉Matio22:37-39
▪️"Tiava ny Tompo Andriamanitrao....ary Tiava ny namanao..."
⏩Midika izany fa raha tsy misy fitiavana dia tsy sitrak'Andriamanitra ny fanompoana fa lasa endrika ivelany fotsiny.

👉Isaia1:13-17
▪️Nolavin"Andriamanitra ny fanompoana nataon'ny olona satria : Feno ota,tsy misy fahamarinana,ary tsy misy fitiavana ny hafa.
⏩Midika izany fa mila manalavitra ota,mila manana fahamarinana arahina fitiavana ny hafa.

👉Jakoba1:27
▪️"Ny fivavahana madio...dia ny mamangy ny mahantra sy ny mpitondra-tena ary miaro tena tsy ho voaloton'izao tontolo izao."
⏩Midika izany fa ny fanompoana marina dia manampy ny sahirana ary maneho fitiavana amin'ny asa.

▪️FAMARANANA
👉Ny fanompoana tena sitrak'Andriamanitra dia:
🔹Avy amin'ny fo marina
🔹Avy amin'ny fanahy sy fahamarinana
🔹Hita amin'ny fiainana sy ny asa
🔹Feno fitiavana.
🔹Tsisy fihatsarambelatsihy.

👉Ny fanompoana sitrak'Andriamanitra dia tsy hita amin'ny vava fotsiny fa hita amin'ny fiainana.
🔹Tsy ny fombafomba no voalohany,fa ny fo
🔹Tsy ny teny no jerena fa ny asa
🔹Tsy ny endrika ivelany fa ny fahamarinana ao anaty,ka noho izany:
⏩Aza manompo amin'ny fombafomba fotsiny fa manompoa amin'ny fo,amin'ny fiainana ary amin'ny fitiavana sy fahamarinana.

Tsy tokony hanandevo olona intsony ny didy ao amin'ny Testamenta taloha,raha araky ny fampianarana hita ao amin'ny Testa...
28/04/2026

Tsy tokony hanandevo olona intsony ny didy ao amin'ny Testamenta taloha,raha araky ny fampianarana hita ao amin'ny Testamenta vaovao!
1)inona ilay hoe "manandevo" eto?
👉Ao amin'ny Baiboly,ny "andevozin'ny lalàna" dia midika hoe:
🔹Olona mihezaka ho hamarinina amin'ny fanarahana ny lalàna rehetra.
🔹Miaina ao anaty ny tahotra sy fanamelohana satria tsy afaka manatanteraka azy rehetra.

2)Inona no lazain'ny Testamenta Vaovao?
👉Galatiana5:1
🔹"hahazo ny fahafahana no nanafahan'i Kristy antsika,koa mijoroa amin'izany,fa aza mety hogiazan'ny ziogan'ny maha mpanompo indray."
👉Rômana6:14
🔹"tsy hanankery aminareo intsony ny fahotana noho ianareo tsy eo ambany fahefany lalàna,fa eo ambany fahefan'ny fahasoavana."
⏩Izany dia midika fa tsy ny lalàna intsony no mifehy ny famonjena,fa ny fahasoavana ao amin'ny finoana!

3)Midika ve izany fa tsy misy ilaina azy intsony ny lalàna?
👉TSIA,fa ny lalàna ao amin'ny testamenta taloha dia:Mampiseho ny ota (toy ny fitaratra), mitarika fanamelohana (satria misy ota foana)

👉Galatiana2:16
🔹"saingy fantatray fa ny olombelona dia hankatoavin'Andriamanitra ho marina,tsy avy amin'ny fanantanterahana ny lalàna fa noho ny finoana niainan'i Jesoa Kristy."
⏩izany dia hita mazava tsara fa tsy ny fanarahana ny lalàna no mamonjy fa ny finoana.

👉Rômana7:6
🔹"Ankehitriny kosa dia afaka amin'ny lalàna isika,fa maty tamin'izay namehezana antsika,hany ka fomba vaovao araka ny Fanahy Masina no hanompon-tsika an'Andriamanitra,fa tsy fomba tranaina araky ny lalàna....."
⏩Izany dia manambara mazava tsara fa tsy misy intsony fanandevozana araky ny lalàna ,fa fiainana vaovao tarihin'ny Fanahy Masina(Jesoa Kristy)

FAMINTINANA
👉"Noho izany raha ao amin'i Kristy isika dia tsy eo ambanin'ny fanandevozan'ny lalàna intsony,fa eo ambanin'ny fahasoavana.Ny lalàna dia mampafantatra ny ota,fa i Kristy Jesoa kosa no nanafaka antsika tamin'izany.Koa aza miverina aminy zioga fanandevozana intsony,fa mijoroa amin'ny fahafahana nomen'i Kristy,satria:"raha ny zanaka no manafaka anareo,dia ho afaka tokoa ianareo."(Jaona8:36)

◼️Kristy dia Andriamanitra satria hoy ny Baiboly 🔸Jaona1:1👉"Tany ampiandohana ny Teny,ary ny Teny tao amin'Andriamanitra...
24/04/2026

◼️Kristy dia Andriamanitra satria hoy ny Baiboly
🔸Jaona1:1
👉"Tany ampiandohana ny Teny,ary ny Teny tao amin'Andriamanitra,ary Andriamanitra ny Teny" (Jesoa no antsoina hoe Teny eto).
🔸Jaona1:4
👉"Ary ny Teny tonga nofo..."(midika izany fa ilay Teny dia tonga olombelona dia i Jesoa)
🔸Jaona20:28
👉"hoy Tamasy tamin'i Jesoa: "Tompoko sy Andriamanitro." (ka tsy nandà izany i Jesoa)
🔸Titosy 2:13
👉"Miandry ny fisehoan'Andriamanitra lehibe sy mpamonjy isika,dia i Jesoa Kristy."

◼️Zanak"Andriamanitra koa Izy satria hoy ny Baiboly
🔸Matio16:16
👉i Petera nilaza hoe:"Ianao no Kristy Zanak'Andriamanitra velona."
🔸Jaona3:16
👉"fa toy izao no nitiavan'Andriamanitra an'izao tontolo izao,nomeny ny Zanany lahy tokana,mba tsy ho very izay rehetra mino Azy..."

◼️Mpaminany lehibe ihany koa Kristy satria hoy ny Baiboly
🔸Lioka24:19
👉Dia hoy Jesoa taminy: "Zavatra inona moa izany?ka novalian" izy roa lahy hoe : Ny amin'i Jesoa avy any Nazareta izay mpaminany mahery taminy asany....
🔸Matio21:11
👉Dia novalian'ny Vahoaka hoe: Io no Jesoa mpaminany,izay avy any Nazareta tanànan"ny Galilea!

◼️Raha fintinina i Jesoa dia :

Andriamanitra + Zanak'Andriamanitra(Ary mpamonjy) + Mpaminany.

Betsaka no mifanditra @ Sabata vs Alahady. Kanefa rehefa jerena lalina,ao amin'i Kristy dia misy zavatra ambony kokoa no...
21/04/2026

Betsaka no mifanditra @ Sabata vs Alahady. Kanefa rehefa jerena lalina,ao amin'i Kristy dia misy zavatra ambony kokoa noho ny andro.

1)Marina fa t@ Testamenta Taloha dia nanandanja lehibe ny sabata(Eksôdôsy20:8-11).Didy mazava izy io hoan'ny Israely.Fa rehefa tonga i Jesoa Kristy dia nisy fanazavana lalindalina kokoa.
✝️Hoy i Jesoa:"Ny Sabata no natao ho an'ny olona ,fa tsy ny olona no hoan'ny Sabata,"(Marka2:27)
👉izany dia midika fa tsy natao hifehy ny olona ny andro na koa ho didy hentitra.
✝️Ary mbola hoy koa Izy:"Tompon'ny sabata ny zanak'olona(Marka2:28)
👉Izany dia milaza fa i Jesoa dia ambony noho ny sabata

2)Rehefa tonga ny Testamenta Vaovao dia vao maika mazava kokoa
◾Kolosiana2:16-17
👉"Koa aza avela hisy hitsara anareo @ fihinana na fisotroana,na @ andro firavoravoana,na @ tsinam-bolana,fa ALOKA ihany ireny fa ny tena izy dia Kristy..."
➡️Izany dia milaza mazava fa"ALOKA"ny sabata fa i Kristy no tena Izy.

◾Romana14:5-6
👉"Ny anankiray mihevitra andro ho ambony noho ny andro hafa,ny anankiray kosa mihevitra ny andro rehetra ho mitovy...."
➡️Noho izany @ i Kristy tsy ny andro(sabata na alahady)no famonjena,fa ny fifandraisana amin'i Jesoa sy ny fiainana ao Aminy.

✔️KOA INONA NO MARINA
👉Ny sabata dia didy nomena ny Israely
👉Ny alahady dia fomba fanaon'ny Kristianina voalohany,noho i Kristy nitsangana taminio andro io
👉Fa ny marina dia izao: Ny Kristianina dia tsy antsoina hanaraka andro iray ho lalàna fa antsoina hiaina ao amin'i Kristy isan'andro,satria izay andro rehetra hitsaharanao ao amin'i Kristy dia ho "ANDRO MASINA" tokoa.

Eo amin'ny fiainana andavanandro dia tsy azo ihodivirana ny fahadisoana sy ny ratra ataon'ny hafa amintsika.Mety ho teny...
20/04/2026

Eo amin'ny fiainana andavanandro dia tsy azo ihodivirana ny fahadisoana sy ny ratra ataon'ny hafa amintsika.Mety ho teny nandratra,fitaka,na tsy rariny natao tamintsika.Fa inona no lazain'ny Tenin'Andriamanitra
Hoy ny Baiboly ao amin'ny (Matio 6:14-15 )
👉"Fa raha mamela ny heloky ny olona ianareo,dia mba hamela ny helokareo kosa ny Rainareo izay any andanitra."

Izany dia midika fa tsy safidy fotsiny no mamela heloka,fa adidy ho an'izay manaraka an'Andriamanitra,,Eny e! tena tsy mora ny mamela fa sitrapon'Andriamanitra

NAHOANA ISIKA NO TOKONY HAMELA HELOKA?

👉Satria efa voavela heloka isika: Ao amin'ny (Efesiana4:32) dia milaza hoe: "Mifamelà heloka tahaka ny namelan'Andriamanitra anareo ao amin'i Kristy."

👉Satria ny tsy famelana heloka dia toy ny entana mavesatra mitondra fahoriana ao anatintsika.

👉Ny famelan-keloka no lalana makany aminy fahasambarana sy fihavanana.

◾Ny famelankeloka dia tsy midika hoe manaiky ny ratsy natao,fa manafaka ny fanahintsika amin'ny fatoran'ny lolom-po.Noho izany raha te hiaina amin'ny fiadanana marina ianao dia mianara mamela heloka.

◾Tsarovy foana fa Kristy aza teo amin'ny hazo fijaliana mbola nilaza hoe: "Ray ô!mamelà ny helony...." (Lioka23:34)

IZA MARINA NO MARINA KATÔLIKA SA PROTESTANTE SA IREO FIANGONANA ZANDRINY HAFA? ◾Ny marina araka ny BAIBOLY dia tsy mifot...
17/04/2026

IZA MARINA NO MARINA KATÔLIKA SA PROTESTANTE SA IREO FIANGONANA ZANDRINY HAFA?
◾Ny marina araka ny BAIBOLY dia tsy mifototra amin'ny anaram-piangonana,fa mifantoka amin'i Jesoa Kristy izay nilaza hoe: " Izaho no lalana sy fahamarinana ary fiainana,tsy misy olona makany aminy Ray,afa-tsy amin'ny alalako."(Joany14:6)
👉midika izany fa tsy ny fiangonana no fototry ny marina voalohany fa i Jesoa Kristy mihitsy.

◾Ny tenin'Andriamanitra no fenitra satria hoy ny Baiboly: "Ny Teninao no fahamarinana"(Jaona17:17)
👉Noho izany izay mampianatra mifanaraka aminy Baiboly no akainy ny marina,fa izay manampy na manova azy dia efa miala aminy marina.

◾Nahoana no misy Protestante sy Katôlika ary ireo fiangonana maro hafa?
👉Ny fiangonana Katôlika dia nihorina sy nitohy hatram'ny ela.
👉Ny Reformation Protestante dia nipoitra satria nisy olona( Martin Luther)nahita zavatra tsy nifanaraka taminy Baiboly ka nanitsy dia toy izany no mahatonga ireo fizarana maro be ireo.

◾FAMINTINANA
👉Tsy Katôlika na Protestante no tena "marina" satria ny anaran'ny fiangonana tsy mahavonjy.
👉Izay manaraka an'i Jesoa Kristy sy ny teniny no eo amin'ny fahamarinana.

"Ho fantatrareo ny marina,ary ny marina hahafaka anareo." (Jaona 8:32)

RAHA BAIBOLY IRAY IHANY NO MISY...NAHOANA NO SAMY HAFA NY FAMPIANARANA? 👉Ireto misy antony maromaro mahatonga an'iza...
15/04/2026

RAHA BAIBOLY IRAY IHANY NO MISY...NAHOANA NO SAMY HAFA NY FAMPIANARANA?
👉Ireto misy antony maromaro mahatonga an'izany :
▪️Misy olona mihevitra fa ny fivavahana dia fitaovana hahazoam-bola,ka ny fiangonana no ataony fivelomana fa tsy antson'Andriamanitra no nahatonga azy ho Mpampianatra na Pasteur na Pretra.
🔸Jereo ny : ( 1Timoty 6:5-10 & Titosy 1:11 ) ireo no andininy manamarina izany.

▪️Ao ihany koa ireo manao fampianaran-diso sy mampiditra ny fomban'olombelona amin'ny fiangonana,izay efa voalazan'ny Baiboly fa hisy fampianarana sandoka.
🔸jereo ny : ( 1Timoty 4:1 & 2Petera3:16 )ireo no andininy manamarina izany.

▪️ity no tena zava-dehibe mahatonga ny fampianarana ho samy hafa na dia tokana aza ny BAIBOLY dia ny tsy fananana antso avy amin'Andriamanitra,ny tena antso dia mitaky fanoloran-tena sy fitiavana fa tsy tombontso manokana.💰
🔸jereo ny (Jaona 10:11; 1Petera 5:2-3 ) ireo no manamarina izany.

🔵HAFATRA
📖"Ny marina dia iray ihany,fa mila tadiavina aminy alalan'ny Fanahy Masina."
✔️Mitadiava ny fahamarinana fa aza manaraka izay re fotsiny.

👉Tsindrio ny "suivre" raha mahaliana anao ny fampianarana toy izao,ary zarao aminy namana mba hiparitaka ny marina.

◾Fantatrao ve hoe iza marina no nanoratra ny Baiboly?📖 👉Mialohan'ny hamaliana anio aloha dia andeha ho faritana kely ...
14/04/2026

◾Fantatrao ve hoe iza marina no nanoratra ny Baiboly?📖
👉Mialohan'ny hamaliana anio aloha dia andeha ho faritana kely hoe inona no atao hoe Baiboly?
📖Ny BAIBOLY dia tenin'Andriamanitra Velona voasoratra,nambaran'ny Fanahy Masina tamin'ny alalan'ny olona voafidy,ka natao hampafantarana ny olombelona ny sitrapon'Andriamanitra sy ny famonjena tamin'ny alalan'i Jesoa Kristy.
▪️2Timoty 3:16
👉"Ny soratra Masina rehetra dia avy amin'ny tsindrimandrin'Andriamanitra,ka mahasoa ho fampianarana sy fananarana."
▪️Hebreo 4:12
👉"Fa velona sy mahery ny tenin'Andriamanitra,ary maranitra noho ny sabatra roa lela..."
📖Fantatrao ve hoe iza no nanoratra ny BAIBOLY?
👉NY BAIBOLY dia nosoratan'olona maro,fa Andriamanitra no tena loharano.
▪️Olona manodidina ny 40 mahery no nanoratra Azy ( Mpaminany,Mpanjaka,Mpisorona,Apôstôly.....)
▪️Nandritry ny taona Maro no nanoratana Azy.
▪️Fa ireo olona ireo dia notarihin'ny Fanahy Masina.
👉2Petera1:21
"Fa tsy avy tamin'ny sitrapon'olombelona no nahatonga ny faminaniana,fa avy amin'ny Fanahy Masina no nitondra ny olona ny teny avy tamin'Andriamanitra."
👉Ireto misy anaran'olona vitsivitsy nanoratra ny BAIBOLY!
TESTAMENTA TALOHA
▪️Mosesy nanoratra ny Jenezy na Genesisy,ny Eksaody,Levitikosy,Nomery ary ny Deotoronomia.
▪️Josoa nanoratra ny Josoa
▪️Samoela nanoratra ny 1&2 Samoela,Mpitsara ary Rota
▪️Davida nanoratra ny hankamaroan'ny Salamo
▪️Solomon nanoratra ny Tonokiran'ny Solomon, Ohabolana ary ny Mpitoriteny.
▪️Isaia nanoratra ny Isaia
▪️Jeremia nanoratra ny Jeremia sy ny Fitomaniana.
▪️Ezekiela nanoratra ny Ezekiela
▪️Daniel nanoratra ny Daniel
▪️Hosea nanoratra ny Hosea
▪️Joela nanoratra ny Joela
TESTAMENTA VAOVAO
▪️Matio nanoratra ny Matio
▪️Marka nanoratra ny Marka
▪️Lioka nanoratra ny Lioka
▪️Jaona nanoratra ny Jaona sy ny 1-3Jaona ary ny Apôkalipsy.
▪️Paoly nanoratra ny Rômana,1&2Korintiana,Galatiana,Efesiana sns

👉Raha tinao ny fampianarana toy izao tsindrio ny"suivre" ary zarao aminy namana,
Aoka hiparitaka ny fahamarinana.🙏

Address

Antsirabe

Website

Alerts

Be the first to know and let us send you an email when Feon'ny Soratra Masina posts news and promotions. Your email address will not be used for any other purpose, and you can unsubscribe at any time.

Shortcuts

Share

Category