https://www.facebook.com/874870585713956/

AFF FJKM Ambodihady Vaovao

Home
Madagascar
Antananarivo
AFF FJKM Ambodihady Vaovao

"Ary hotorina amin'izao tontolo izao ity filazantsaran'ny fanjakana ity ho vavolombelona amin'ny firenena rehetra, dia vao ho tonga ny farany"
MATIO. 24 : 14 ✨

15/04/2026

🇲🇬Hoy i Andriamampianina Zaka, Mpitandrina:

TSY NY HABENAO NO HANDREFY HOE HATRAIZA NY VITANAO.
FA NY HERIMPO SY NY ELATRA NOMEN' ANDRIAMANITRA ANAO.
HO ANAO KOA NY LANITRA.
"Aza manao hoe mbola zaza aho.." (Jer 1:7)

05/04/2026

VELONA NY TOMPONTSIKA ✨

✝️ Hoy Jesoa taminy: Izaho no fananganana ny maty sy fiainana; izay mino Ahy, na dia maty aza, dia ho velona indray.

— Jaona 11 : 25

✝️ Ary nony natahotra izy ka niankohoka, dia hoy izy roa lahy taminy: Nahoana no ato amin'ny maty no itadiavanareo ny velona?Tsy ato Izy fa efa nitsangana; tsarovy ny teny izay nataony taminareo, fony Izy mbola tany Galilia, hoe:Ny Zanak'olona tsy maintsy hatolotra eo an-tanan'ny mpanota ka hohomboana amin'ny hazo fijaliana ary hitsangana amin'ny andro fahatelo.

— Lioka 24 : 5 - 7

03/04/2026

NAHAFOY NY AIKO AHO ✝️

Nahafoy ny aiko Aho
Hanavotako anao.
Ka nalatsako ny rako,
Nisoloako anao.
He! ny aiko no nomeko
Ry mpanota very e!
Aiza izay afoinao re
Mba ho Ahy Tomponao?

Lapan-dRaiko ao ambony,
Voninahi-dehibe,
No nilaozako hamonjy
Sy hanafa-doza anao,
'Zay voafitaky satana
Sy nozoin-doza be;
Aiza izay afoinao re
Mba ho Ahy Tomponao?

Soa be sy mahagaga
No natolotro anao,
Famonjena tsy vidina,
Famelana ny otanao,
Fitiavan-tsy voafetra,
Lova ao an-danitra ao;
Aiza izay afoinao re
Mba ho Ahy Tomponao?

Indro Tompo! Fa omeko
Ho Anao ny tenako,
Ka tsy misy izay tsy foiko
'zay rehetra tianao;
Eso, latsa, tsy ahoako,
Fa ny ho mpanomponao
No ho zavatra kendreko,
Raiso re ny zanakao.

31/03/2026

🔥🌱 RY TOVOLAHY 🔥

✅ "Nahoana ianao, anaka, no ho renoka amin'ny fitiavana vehivavy jejo* Ka hanohona ny tratran'ny vahiny janga? " [*Hebreo: vehivavy tsy vadiny] — Ohabolana 5 : 20

✅ Izay tia fahendrena no mahafaly ny rainy; Fa izay misakaiza amin'ny vehivavy janga dia mandany harena. — Ohabolana 29 : 3

✅ Ny vavan'ny vehivavy jejo* dia lavaka lalina; Izay voaozon'i Jehovah no ho latsaka ao. [*Hebreo: vehivavy tsy vadiny] — Ohabolana 22 : 14

Raha mamafy ditra ianao, hijinja fahasimbana....

27/03/2026

🤵🌱✝️ TANORA VONONA sy VANONA 🔥
Hetsika fitoriana FILAZANTSARA ho an'ny jeunes sy ny adolescents

🗓️ Ny Alahady 29 Mars ho avy izao
⛪ Ao @ FJKM AMBODIHADY VAOVAO
🕓 @ 04 ora hariva

Hisy ny:
✅ FAMPIANARANA ✝️
✅ ZUMBA ÉVANGÉLIQUE 💃🕺
✅ KARAOKÉ ÉVANGÉLIQUE 🎤
✅ GRAND GOÛTER 🥪🌭🌮
" Mifalia ry zatovo dieny mbola tanora ianao... " Mpito 11.9a

Manasa antsika rehetra tsy ankanavaka. Tongava daholo hiara-hifaly ao @ Tompo ✝️

26/03/2026

✝️ VAVAKA sy FIFADIAN-KANINA ✝️

✅ Ny Asabotsy 28 Martsa ho avy izao
✅ Ato @ FJKM Ambodihady Vaovao
✅ @ 09 ora maraina

" Mitadiava an'i JEHOVAH dieny mbola hita Izy, miantsoa Azy dieny mbola akaiky Izy." Isaia 55.6

Manasa am-pitiavana antsika rehetra 🙏

24/03/2026

,🌱🤵 TANORA IANAO MAMAFAZA VOA TSARA 🌱🔥
🌱 IZAY HAFAFINAO ANAO, JINJAINAO ANY HAFARA
🌱 TANORA IANAO OMANY NY HO AVINAO
🌱 IZAY TSY HIOMANANAO, HANDISO FANANTENANA

19/03/2026

✝️✏️ DESSIN ANIMÉ ÉVANGÉLIQUE ho an'ny ankizy🤗🤗
🧒 Ankizy kely miresaka mivantana Jesoa mihitsy
👦 Handraisany hafatra maro be
👧 Ahazoany lesona vaovao miaraka @ Tompo

✅ @ Alahady 22 Mars ho avy izao
✅ @ 07h15 maraina
✅ ato @ FJKM Ambodihady Vaovao

" AVELAO NY ZAZA HANATONA AHY, ARY AZA RARANA FA AN'NY TOA AZY NY FANJAKAN'ANDRIAMANITRA"
Marka 10.14b

17/03/2026

Mofonaina Talata 17 Martsa 2026
Salamo 39:4-8

1️⃣ MANDINIHA TENA FA MANDALO NY ANDRONAO (and.4-6)
Hevitra teolojika :
- Mangataka amin’Andriamanitra i Davida mba hahalala ny fetran’ny fiainany.
- Tsapany fa fohy sy mandalo ny andro iainan’ny olona. Toy ny aloka na zavatra vetivety ny fiainana eto an-tany.
- Fohy ny fiainana ka tsy tokony ho laniana amin’ny zava-poana.
- Tsy maharitra ny harena sy ny zavatra angonina eto an-tany.
- Aoka handinika ny làlana sy ny fiainantsika isan’andro isika.

Fampiharana :
- Manontania tena matetika hoe: “Inona no tena zavadehibe amin’ny fiainako?”
- Ampiasao tsara ny fotoana ho an’Andriamanitra: mivavaha, manao soa, manompo an’Andriamanitra.
- Aza miavonavona amin’ny harena na voninahitra satria mandalo izany.

Illustration:
Olona iray miasa mafy hanangona vola, nefa tsy manana fotoana ho an’Andriamanitra sy ny fianakaviany. Rehefa mandinika izy fa mandalo ny fiainana, dia manomboka manome lanja ny finoana sy ny fifandraisana amin’Andriamanitra izy.

2️⃣ MANDINIHA TENA KA AOKA HIFONA SY HANANTENA NY TOMPO (and.7-8)
Hevitra teolojika :
- Rehefa fantatr’i Davida fa fohy ny fiainana dia manontany izy hoe: “Inona ary no antenaiko?”
- Dia mamaly izy hoe: “Ny fanantenako dia ao amin’ny Tompo.”
- Mangataka famonjena amin’ny fahotany koa izy.
- Tsy ampy ny mahafantatra fa fohy ny fiainana dia mijanona eo; fa ilaina ny miverina amin’Andriamanitra.
- Tokony hifona amin’ny fahotana eo anatrehan’Andriamanitra isika.
- Ny fanantenana marina dia ao amin’Andriamanitra fa tsy amin’ny olona na ao amin’ny zavatra.

Fampiharana :
- Mandiniha ny fahadisoanao ary mangataha famelankeloka avy amin’Andriamanitra.
- Apetraho amin’Andriamanitra ny fanantenanao rehefa misy olana.
- aoka ianao hiaina amin’ny finoana sy fanantenana fa Andriamanitra no Mpamonjy anao.

Illustration:
Raha misy olona mahatsapa fa diso lalana izy. Ohatra: fahatezerana, fialonana, na fahotana hafa, dia afaka:
- Mibebaka amin’Andriamanitra izy.
- Mangataka famelankeloka avy amin’Andriamanitra izy.
- Matoky izy fa Andriamanitra no hanova sy hanampy azy.
Amena.

16/03/2026

🎼 Fihirana Fanampiny, 1

2.
Raha sendra ady mafy
Mila handreraka ny fo
Dia tsarovy fa mihafy
Vao hahita ny soa
Raha tafita ianao
Hisy hazavana be
Ny aizin-kitroka ho lao
Tapi-dàlana haleha.

Mahereza ao amin'ny Tompo

Address

Ambodihady Ambohimanarina
Antananarivo
101

Website

facebook.com

Alerts

Be the first to know and let us send you an email when AFF FJKM Ambodihady Vaovao posts news and promotions. Your email address will not be used for any other purpose, and you can unsubscribe at any time.

Shortcuts

Want your place of worship to be the top-listed Place Of Worship in Antananarivo?