Hafatry ny Anjely TELO

12/12/2025

MISOLOVAVA NY FAHOTANA MBOLA HO ATAONAO VE KRISTY?

1Jaona 2: 1,2 dia milaza fa ENY ny valiny.

Tsarovy fa raha lavo isika tsy hoe sitrapontsika izany fa satrika marefo isika ary tsy nianatra ny nandeha ao amin'ny fanahy, koa dia lavo matetika.

Nosoratana ny Tenin'Andriamanitra mba tsy hanotantsika, indraindray anefa dia mbola latsaka ao anaty fahotana isika noho ny sinto-mahery ataon'izao tontolo izao.

Saiky mitora-bato avokoa izay mahatazana ny fahalavoanao saingy, atodio any amin'i Kristy ny masonao.

Amin'ity sabata ity ary dia manasa anao izahay tsy ho kivy noho ny fahalemena fa handinika ity teny fikasana ity ka handray ny famindrapon'Andriamanitra izay manome maimaim-poana sady tsy mandatsa.

Amena!

23/11/2025

📖Dinihonareo ny Soratra Masina ..." ( Jaona 5 : 39).

Ry namako isany. na lahy hianareo na vavy , antomotra ny faran' ny zavatra rehetra. Ny vaovao eto an- toerana sy ny maneran- tany dia samy toa miantsoantso avokoa mampandre antsika fa tena efa akaiky mby eo am-baravarana ny Tompo. Samy mba maniry ny ho mpiara- miasa amin' ny Tompo isika tsirairay avy hitory ny Filazantsara kanefa inona moa ny Filazantsara ho toriantsika raha tsy mahafantatra izany isika ?
Tsy afaka ny hampiasa antsika ny Tompo raha tsy mianatra Soratra Masina isika. Mila manana fahalalàna ny Fahamarinana ho an' ny tenantsika manokana isika vao afaka ny hizara sy ho mpiara- miasa amin' ny Kristy.
Mila mandray ny " fitiavana ny fahamarinana izay hamonjena antsika ".( 2 Tesaloniana 2 : 10).) isika vao hazoto ny hianatra ny Soratra Masina eo an- tongotry ny Tompo.
Hianaro tahaka ny mbola tsy nianaranao iny mihitsy ny Baibolinao. Hianaro mihoatra noho ny tamin' ny lasa ny Baibolinao. Mila mandray ny hetaheta sy ny hanoanana ny hahalala ny Fahamarinana hianao.
Hoy ny Tompo hoe : " Diniho ny teny izay renareo ".( Marka 4 : 24)
Mipetraka amin' ny isam- batan' olona ihany koa ny fanontaniana hoe :" Fantatrao ve izay vakìnao ? "( Asa 8 : 30).
Fantatrao tokoa ve io tenin' ny Soratra Masina izay vakìnao io ?
Ho ahy manokana dia nianatra ny Baiboliko za. Tena nianatra tokoa. Tsy nianatra fotsiny za fa nikaroka sy nandalina mihitsy . Efa ela za no nanao izany ary mbola mitohy mandraka ny ankehitriny. Tiko ny Fahamarinana. Fahasambarako sy fifaliako ny nanomezan' ny Tompo ahy ireo Fahamarinana sarobidy izay vitsy dia vitsy ny olona nahita sy nahalala azy. Maivan- danja avokoa amiko ny zavatra rehetra mihoatra ny harena sarobidin' ny Soratra Masina izay omen' ny Tompo ahy.
Ampiasaiko avokoa na ny teny Hebreo na ny teny Grika na ny teny Anglisy sy ny teny Frantsay ary indrindra moa fa ny teny Malagasy mba hitrandrahana ny Filazantsara. Ary dia nasehon' ny Tompo ahy tokoa ary mitombo fatra mandrakariva ny fahazavàna omen' ny Tompo.
Rehefa ho tonga ao alohaloha ao hianao raha eo am- pitrandrahana ny Soratra Masina dia ho tojo sehatra iray hianao , izay tsy ho lazaiko anao aloha izao , hitenenanao hoe tena maivana ireny zavatra nampianatina antsika hatrizay ireny.
Mampahery sy mampirisika anao ny tenako hoe " Raiso ny Baibolinao. Mandoaleha mivavaka eo anatrehan, ny Tompo mba hanokafany ny sainao ka hampahalalàny anao ireo harena miafin' ny Filazantsara".
Hisy tokoa ny valisoa homen' ny Tompo ho an' ireo izay tia mianatra eo an- tongony.
Hoy ny Tompo hoe : " Ho fantatrareo ny marina , ary ny marina no hahafaka anareo tsy ho andevo ".( Jaona 8 : 32).
Mahereza mandrakariva.. Ny Tompo anie omba sy hitahy anareo.
Mirary ny soa ho anareo ihany koa.🙏🙏🙏

Ny namanao R.D. Israel.

21/11/2025

ILAINA VE NY MIANATRA NY MOMBA AN'ANDRIAMANITRA?

2Tesaloniana 1:8 dia maneho antony roa ahatonga ny olona ho very any amin'ny afo midedadeda:

1- Ny tsy fahalalana an'Andriamanitra
2- Ny tsy finoana ny filazantsaran'i Jesosy Kristy

Hoy Jesosy
Jaona 17:3 "Ary izao no fiainana mandrakizay, dia ny mahafantatra Anao, Izay Andriamanitra tokana sady marina, sy Jesosy Kristy, Izay efa nirahinao."

Tena Ilaina ny mianatra ny momba an'Andriamanitra mba ho fatantrao marina tokoa izay hinoanao!

Asaiko ianao mba hianatra ny momba an'Andriamanitra.

Ho aminao anie ny fiadanan'i Kristy.

14/11/2025

AHOANA ILAY HOE AO AMIN'I KRISTY ?

1- Apokalipsy 19:13 Antsoina hoe tenin'Andriamanitra i Jesosy.
2- Ny Baiboly ihany koa dia antsoina hoe tenin'Andriamanitra.

Asaiko ianao haka taratasy kely iray dia soraty ao ny anaranao feno, avy eo dia atsofoy ao amin'ilay Baiboly ny anaranao ary akombony ilay Baiboly avy eo.

=> Io no sary an'ohatra tsara indrindra mahalaza ilay hoe ao amin'i Kristy.

Koa na aiza na aiza misy ilay Baiboly dia any koa no misy ilay taratasy misy ny anaranao.

Koa raha afaka teo anoloan'ny fanamelohan'i Satana i Kristy dia afaka ihany koa ianao satria ianao miafina ao amin'i Kristy.

Manasa anao aho mba handinika izany mandritra ity sabata fitsaharana ity.

Mamison Randrianantenaina

07/11/2025

INONA NO ATAO HOE FILAZANANTSARA?

Asan'ny Apostoly 13:32 🤔FILAZANTSARA = TENY FIKASANA

Mirary sabata feno fitsaharana ho anao🤗

31/10/2025

TIA ANAO ANDRIAMANITRA

24/10/2025