09/04/2026
👉Iza i Jesosy Kristy araka ny soratra Masina (Baiboly)?
1.I Jesosy dia Andriamanitra tonga nofo, porofon'izany,
Araka ny Baiboly:
Ao amin’ny Filazantsaran'i Jaona 1:11,
"Tamin’ny voalohany ny Teny, ary ny Teny dia tao amin’Andriamanitra, ary Andriamanitra ny Teny."
•Ny “Teny” eto dia i Jesosy, fanazavana bebe kokoa ao amin’ny Filazantsaran'i Jaona 1:14 :
"Ary ny Teny dia tonga nofo ka nonina tamintsika."
🤲Midika izany fa:
Efa Andriamanitra i Jesosy talohan’ny nahaterahany ary dia tonga olombelona Izy (teraka teto an-tany).
2. I Jesosy dia mitovy amin’Andriamanitra
Ao amin’ny Filazantsaran'i Jaona 10:30,
"Izaho sy ny Ray dia iray ihany."
Fanazavana bebe kokoa ao amin’ny Epistily ho an'ny Kolosiana 2:9,
"Fa ao aminy no itoeran’ny fahafenoan’ny maha-Andriamanitra."
❤️🔥 Mazava tsara fa tsy mpaminany i Jesosy, fa tena Andriamanitra mihitsy.
3. I Jesosy no Mpamonjy
Ao amin’ny Filazantsaran'i Jaona 3:16,
"Fa toy izao no nitiavan’Andriamanitra izao tontolo izao: nomeny ny Zanany lahitokana…"
🤔 Antony nahatongavany:
👉Hamonjy ny olona amin’ny ota.
👉Hanome fiainana mandrakizay.
Manaza azy bebe kokoa ao amin’ny Asan'ny Apostoly 4:12,
"Tsy misy famonjena amin’ny hafa…"
✅ Midika fa i Jesosy irery no lalana ho any amin’ny famonjena.
4. Ohatra mazava amin’ny fiainany:
a) Naneho fa manana fahefana avy amin’Andriamanitra izy, nanasitrana marary, nanangana maty (oh: Lazarosy)
✓Ao amin’ny Filazantsaran'i Jaona 11,
b) Namela heloka,
✓Ao amin’ny Filazantsaran'i Marka 2:5–7,
Niteny i Jesosy hoe: "Voavela ny helokao"
➡️ Ny Jiosy dia nilaza hoe: "Iza no mahavela heloka afa-tsy Andriamanitra?"
➡️ Jesosy dia manao zavatra izay Andriamanitra irery ihany no mahavita.
5. Ny fitsanganany tamin’ny maty (porofo lehibe indrindra)
Ao amin’ny Filazantsaran'i Matio 28,
➡️ Nitsangana tamin’ny maty i Jesosy taorian’ny 3 andro.
