VFL Amparibe

VFL Amparibe Amparibe Famonjena dia anisan’ny fitandremana nahatsangana voalohany ny VONDRONA FOTOTRA LAIKA ny taona 1979

01/12/2025

MANATENÀ AN'ANDRIAMANITRA !

"Fa tsy ho mandrakizay no hanadinoana ny malahelo; ary tsy ho very mandrakizay ny fanantenan'ny mahantra." — Salamo 9 : ...
22/11/2025

"Fa tsy ho mandrakizay no hanadinoana ny malahelo; ary tsy ho very mandrakizay ny fanantenan'ny mahantra." — Salamo 9 : 18

Finaritra ry VFL Amparibe Famonjena !
Noho ny fahasoavan'Andriamanitra dia tanteraka androany atoandro ny famangiana ny Aumônerie HJRA Ampefiloha izay voasoratra ao anaty soritrasantsika VFL ho an'ity taona 2025 ity.
Nitarika ny fotoana ny Filoha Lefitra Jacquelin, nitondra ny hafatra ny Mpitandrina ao an toerana RASOARIMALALA Denise.
Ho famaliana ny hetaheta nampitain'ny tompon'andraikitra ao amin'ny Aumônerie dia nanolotra rice cooker sy étagère ho fitoerana entana isika VFL.
Nisy ihany koa ny fanomezana akanjo voatsirambin'ny tanana ho an'ny marary sahirana nentintsika.
Fisaorana mitafotafo no nasetrin'ny Mpitandrina sy ny Biraom-piangonana tao amin'ny aumônerie ary tsodrano sy vavaka firariantsoa ho antsika VFL Amparibe Famonjena noho izao famangiana sy fanampiana nataontsika izao.
Fizarana ody ambavafo maivana no nifampizarana teo am-pamaranana ny fotoana.
Ho an'Andriamanitra irery ny Voninahitra !

ROJOMBAVAKA SABOTSY 19 JOLAY 2025Itondrana amim-bavaka ny Herinandrom-bokatry ny Sampana Vondrona Fototra Laika“Handray ...
18/07/2025

ROJOMBAVAKA SABOTSY 19 JOLAY 2025
Itondrana amim-bavaka ny Herinandrom-bokatry ny Sampana Vondrona Fototra Laika

“Handray ny kapoaky ny famonjena aho Ka hiantso ny anaran'i Jehovah.”
Salamo 116. 13

Andriamanitra Ray, Zanaka, Fanahy masina ô,
Miantso Anao sy mivavaka aminao izahay
Vondrona Fototra Laïka eto amin’ny Fitandremana Amparibe Famonjena noho izao herinandrom-bokatra atrehinay vahoakanao izao. Koa misaotra,
midera, mankalaza ary manome voninahitra Anao izahay, noho ny fitiavan-dehibe atolotrao anay.
Mahatsiaro tsy tanteraka izahay ; ka mangataka ny famelan-keloka avy aminao. Jereo araka ny indrafonao izahay Tompo ô, ka ny rasoan’i Jesoa Kristy Zanakao anie no hanadio anay mba ho tafaray tanteraka aminao izahay.
Apetrakay am-pelatananao Tompo ny soritrasan’ny VFL. Asa natolotrao hotanterahinay izany. Koa aoka ny Fanahy Masina hitarika sy hanolo-tsaina anay, mba hahafahanay manompo anao araka ny sitraponao.
Tafio hery sy tanjaka ary fitiavana ny mpikambana VFL, hazoto amin’ny asa tsara, fa manantena sy matoky ny fitantananao ny sampana izahay.
Amin’ny anaran'i Jesoa,
Amena !

RAKOTO ALSON Jacquelin
Filoha Mpanampy VFL

ROJOMBAVAKA ZOMA 18 JOLAY 2025Itondrana amim-bavaka ny Herinandrom-bokatry ny Sampana Vondrona Fototra Laika“Vorio ho et...
18/07/2025

ROJOMBAVAKA ZOMA 18 JOLAY 2025
Itondrana amim-bavaka ny Herinandrom-bokatry ny Sampana Vondrona Fototra Laika

“Vorio ho eto amiko ny loholona rehetra amin'ny firenenareo sy ny mpifehy anareo, mba holazaiko eo anatrehany izao teny izao; ary hiantso ny lanitra sy ny tany ho vavolombelona aminy aho.”
Deoteronomia 31. 28

Ry Andriamanitra Mpahary sy Mpandahatra ny zavatra rehetra ô,
Misaotra Anao izahay noho ny fitahianao mba fiadanan’ny firenenay. Amin'izao fotoana izao dia manandratra vavaka manokana Aminao izahay ho an’ny lehiben’ny fiarovam-pirenena, izay mitondra andraikitra mavesatra ho fiarovana ny vahoaka sy ny tanindrazana.
Ampionony amin’ny fahendrena avy Aminao izy, mba hahavita mandanjalanja sy mandray fanapahan-kevitra marina, amin’ny toe-javatra rehetra atolotry ny fiainana sy ny adidy. Arovy amin’ny fakam-panahy sy ny hadisoana izy, ary omeo fo manetry tena sy manompo amin’ny fitiavana sy fahamarinana.
Arovy ihany koa ny fianakaviany sy ireo mpiara-miasa aminy, ary ampio izy hahita fialan-tsasatra sy fiononana rehefa reraka amin’ny andraikitra. Enga anie ny asany hifototra amin’ny rariny, ny fitsarana marina, ary ny fiandrianam-pirenena.
Amin’ny anaran’i Jesoa Kristy Tomponay,
Amena.

Finaritra ry namana VFL Amparibe, Ao anatin'ny Herinandrom-bokatra isika izao. Tsarovy ny fanompoam-pivavahana zoma hari...
17/07/2025

Finaritra ry namana VFL Amparibe,
Ao anatin'ny Herinandrom-bokatra isika izao. Tsarovy ny fanompoam-pivavahana zoma hariva rapitso manomboka amin'ny 6 ora, hisy ny firaisana latabatra amin'ny Tompo, hiomanantsika sahady amin'ny alahady ivom-bokatra, fanamiana "bleu marine" sy zioga.

Amin'ny sabotsy kosa dia fanateram-bokatra eo antokotanim-piangonana.

Aoka hifampilaza.

Ny Birao

ROJOMBAVAKA ALAKAMISY 17 JOLAY 2025 Itondrana amim-bavaka ny Herinandrom-bokatry ny Sampana Vondrona Fototra Laika“ Paol...
16/07/2025

ROJOMBAVAKA ALAKAMISY 17 JOLAY 2025
Itondrana amim-bavaka ny Herinandrom-bokatry ny Sampana Vondrona Fototra Laika

“ Paoly, mpanompon'i Jesoa Kristy, voantso ho Apostoly, voatokana ho amin'ny filazantsaran'Andriamanitra”,
Romana 1. 1
Ry Andriamanitra Ray be fitiavana ô,
Misaotra Anao izahay noho ny antso masina napetrakao amin’ny amin’ny Vondrona Fototra Laika.
Ampitomboy ny herin’izy ireo amin’ny fanompoana,
hampanjaka ny fitiavanao sy ny fahazavanao amin’ny olona rehetra.
Manomeza azy ireo Fanahy mahery sy fo mazoto,
hahavita hanapariaka ny Teninao amin’ny fomba tsotra nefa feno fahendrena.
Arovy amin’ny fahasahiranana sy ny fakam-panahy izahay ;
ary mitariha anay amin’ny fahazotoana sy finoana lalina.
Ho Anao irery anie ny voninahitra, ankehitriny sy mandrakizay.
Amena !

RAJOHARISON Hoby
VFL

ROJOMBAVAKA ALAROBIA 16 JOLAY 2025Itondrana amim-bavaka ny Sampana Vondrona Fototra Laika“eny, miezaka hanatratra ny mar...
15/07/2025

ROJOMBAVAKA ALAROBIA 16 JOLAY 2025
Itondrana amim-bavaka ny Sampana Vondrona Fototra Laika

“eny, miezaka hanatratra ny marika aho hahazoako ny lokan'ny fiantsoan'Andriamanitra any ambony ao amin'i Kristy Jesoa.”
Filipiana 3. 14

Mankasitraka feno anao izahay Andriamanitra ô noho ny fiarovanao anay ka nanomezanao anay izao tombonandro vaovao izao.
Manandratra sy manome voninahitra ny Anaranao masina izahay noho izany fahasoavana nomenao izany. Atongilano ny sofinao ka mihainoa anay ry Andriamanitra tsara indrindra.
Indro apetrakay aminao izahay olomboantso nao hanatanteraka ny iraka sy ny asa fanompoana tokony ho tanterahanay amin'ireo mpiara belona aminay.
Omeo hery sy fahasalamana izahay amin’ny fanatanterahana izany. Jereo manontolo ny aminay ; indrindra ny lafiny ara- panahinay mba tsy ho kely finoana izahay eo am-panatanterahana izany iraka omenao anay izany.
Atolotray anao irery ihany ny dera sy laza ny ary ny voninahitra mandrakizay mandrakizay.
Amin’ny anaran’i Jesoa Kristy no angatahinay izany vavaka izany
Amena !

ANDRIAMASINORO Anjambola
VFL

ROJOMBAVAKA TALATA 15 JOLAY 2025 Itondrana amim-bavaka ny Herinandrom-bokatry ny Sampana Vondrona Fototra Laika“Ao amin’...
14/07/2025

ROJOMBAVAKA TALATA 15 JOLAY 2025
Itondrana amim-bavaka ny Herinandrom-bokatry ny Sampana Vondrona Fototra Laika

“Ao amin’ny fotsy volo ny fahendrena, ary ny fahela-velona no ahazoam-pahalalana”
Joba 12. 12
Ry Andriamanitra Ray, Zanaka, Fanahy Masina ô,
Misaotra nanome anay izao fotoana izao ahafahanay miantso, midera, mankalaza ary manome voninahitra ny Anaranao Masina.
Mifona aminao izahay tamin´ireo zavatra nataonay tsy araka ny sitraponao. Diovy amin’ny ràsoanao izahay Tompo ô! Aza mahafoy na mahasaraka anay satria ao aminao ihany no misy ny tena fiainana. Ary dia raisinay sahady amin’ny finoana ny famelan-keloka avy aminao.
Tompo ô! Misaotra noho ny fitantanan´ny tànanao mahery ireo raiaman-dreny sy ireo
zokiolona rehetra tsy an-kanavaka. Misaotra noho ny andro maro sy taona ela niainany ary ny fiadanana avy aminao.
Mangataka aminao izahay hampitoetra hatrany ny fahendrena ananan´izy ireo. Omeo fanahy mahery, fo feno fitiavana sy fiadanana hatrany izy ireo. Ampahatsiahivo azy ireo mandrakariva, fa sarobidy eo imasonao izy na dia efa mandroso taona aza, satria tsy mizaha tavan’olona Ianao fa tia ny olonao tsy an-kanavaka.
Aoka ho toy ny hazo mamoa eo anilan’ny renirano izy ireo, ka na dia efa fotsy volo sy vesaran’ny taona aza dia mbola hitombo finoana , hazoto amin’ny asa tsara sy ny teny tsara, ary ho feno fanantenana hatrany noho ny aminao. Mba ho fitaratra ho an’ireo zanaka, sy ireo taranaka, hampianatra sy hampita amin’izy ireo ny maha olom-boaantso azy ireo ka hitondrana fanantenana sy fahazavana ary hampiorina hatrany ny finoany.
Dia isaoranay sahady Ianao ry Andriamanitra mpamaly vavaka. Ataonay amin’ny finoana izany vavaka izany amin’ny anaran’i Jesoa Kristy, Ilay Tompo sy Mpamonjy anay.
Amena !

ANDRIAMAHADISON Ndrina
VFL

HERINANDROM-BOKATRA VONDRONA FOTOTRA LAIKATalata 15 Jolay 2025 amin’ny 06 ora 15 harivaFamelabelaran-kevitra ao amin’ny ...
14/07/2025

HERINANDROM-BOKATRA VONDRONA FOTOTRA LAIKA

Talata 15 Jolay 2025 amin’ny 06 ora 15 hariva

Famelabelaran-kevitra ao amin’ny Akany RAINIMAMONJY miaraka @ Mpitandrina RAKOTOMANANA Tahiry : "Ny tanora sy ny fitohizan'ny asa fanompoana. Andraikitra sy fanamby."
Lohahevltra manasongadina fa anjaran'ny tanora ny manohy sy mampitohy ny lova ara-panahy sy ara-panompoana navelan'ireo zoky.

Hanasana ny mpianakavin'ny Finoana rehetra indrindra ny tanora.

Aoka hifampilaza.

Address

Amparibe
Antananarivo
101

Website

Alerts

Be the first to know and let us send you an email when VFL Amparibe posts news and promotions. Your email address will not be used for any other purpose, and you can unsubscribe at any time.

Shortcuts

Share

Category