FET Antsobolo

05/05/2026

VAVAKA FANGATAHANA AMPANAOVIN’NY PAPA

🗓 𝕄𝔼𝕐 𝟚𝟘𝟚𝟞: "𝗛𝗼 𝗮𝗻’𝗻𝘆 𝗳𝗮𝗻𝗮𝗻𝗮𝗻-𝘁𝘀𝗮𝗸𝗮𝗳𝗼 𝗵𝗼 𝗮𝗻’𝗻𝘆 𝗼𝗹𝗼𝗻𝗮 𝗿𝗲𝗵𝗲𝘁𝗿𝗮"
🙏𝖬𝖻𝖺 𝗁𝗂𝗌𝗈𝗋𝗈𝗄𝖺 𝗇𝗒 𝖿𝖺𝗇𝖺𝗋𝗂𝖺𝗇-𝗍𝗌𝖺𝗄𝖺𝖿𝗈 𝖿𝖺𝗁𝖺𝗍𝖺𝗇𝗒 𝖺𝗇𝗂𝖾 𝗇𝗒 𝗍𝗌𝗂𝗋𝖺𝗂𝗋𝖺𝗒, 𝗁𝖺𝗍𝗋𝖺𝗇𝗒 𝖺𝗆𝗂𝗇’𝗇𝗒 𝗆𝗉𝖺𝗆𝗈𝗄𝖺𝗍𝗋𝖺 𝗅𝖾𝗁𝗂𝖻𝖾 𝗄𝖺 𝗁𝖺𝗍𝗋𝖺𝗇𝗒 𝖺𝗆𝗂𝗇’𝗇𝗒 𝗆𝗉𝖺𝗇𝗃𝗂𝖿𝖺 𝗆𝖺𝖽𝗂𝗇𝗂𝗄𝖺, 𝖺𝗋𝗒 𝗁𝖺𝗇𝖺𝗇𝖺 𝗌𝖺𝗄𝖺𝖿𝗈 𝖺𝗋𝖺-𝗉𝖺𝗁𝖺𝗌𝖺𝗅𝖺𝗆𝖺𝗇𝖺 𝗇𝗒 𝗈𝗅𝗈𝗇𝖺 𝗋𝖾𝗁𝖾𝗍𝗋𝖺.

𝔽𝔸ℕ𝔸ℤ𝔸𝕍𝔸ℕ𝔸 𝕊𝕐 𝔽𝔸ℕ𝔼ℕ𝕋𝔸ℕ𝔸ℕ𝔸:
Mivavaka miaraka amin’ny Papa Léon XIV isika mandritra ity volana mey ity ho an’ny fananan-tsakafo ho an’ny olona rehetra.
𝗙𝗮𝗻𝗮𝗺𝗯𝗶𝗻’𝗻𝘆 𝘇𝗮𝗻𝗮𝗸’𝗼𝗹𝗼𝗺𝗯𝗲𝗹𝗼𝗻𝗮 mandraka ankehitriny ny hananan’ny rehetra sakafo ampy mba hivelaran’ny olona manontolo. Ary 𝗶𝗿𝗮𝗸𝗮 𝘁𝗮𝗻𝘁𝗲𝗿𝗮𝗵𝗶𝗻’𝗻𝘆 𝗘𝗴𝗹𝗶𝘇𝘆 manoloana izany ny fampitana ny lanjan’ireo zavaboary natao ivelomana amin’ny maha fanomezan’Andriamanitra azy sy soa natao ho an’ny besinimaro, ary ny fanoroana ireo toe-panahy ilaina, mifanaraka amin’ny fanajana ny tontolo iainana sy ny fahamendrehana maha olona. 𝗟𝗮𝗵𝗮𝗿𝗮𝗺-𝗽𝗮𝗵𝗮𝗺𝗲𝗵𝗮𝗻𝗮 𝗵𝗼 𝗮𝗻’𝗻𝘆 𝗘𝗴𝗹𝗶𝘇𝘆 izany ankehitriny manoloana ny fiovan'ny toetr'andro, ny ady, ny rafitra ara-toekarena tsy ara-drariny ary ny fanarian-tsakafo. Ilaina tokoa ny fandraisan’ny rehetra anjara amin’ny vavaka sy ny fiatrehana izany.

Nanambara ny Papa Benoa XVI, tany amin’ny FAO tamin’ny 2009, fa mifandray amin’ny zo fototra hiaina ny zo ara-tsakafo. Ary ao amin’ny Ansiklika 𝘊𝘢𝘳𝘪𝘵𝘢𝘴 𝘪𝘯 𝘝𝘦𝘳𝘪𝘵𝘢𝘵𝘦 dia milaza izy fa tsy miankina loatra amin’ny tsy fahampiana ara-materialy ny hanoanana fa noho ny tsy fisian’ny rafi-piombonana sy ny firaisankina. Henatra sy fanafintohinana ara-môraly ny fisian’ny hanoanana, hoy Papa Joany Paoly II tamin’ny fanokafana ny Fihaonambe Iraisam-pirenena momba ny Sakafo tamin’ny 1996. Ny fanaovana laharam-pahamehana ny soa ho an’ny olombelona rehetra, hoy izy ao amin’ny Ansiklika 𝘊𝘦𝘯𝘵𝘦𝘴𝘪𝘮𝘶𝘴 𝘈𝘯𝘯𝘶𝘴, dia mitaky ny fijerena ireo fomba fiainana miteraka ny fandaniam-poana sy ny tsy fijerena ny hafa. Ankoatra izay dia nasongadin’ny Papa Léon XIV tany Malabo any Guinée équatoriale, tamin’ny 21 aprily lasa teo fa mifanipaka ny fandrosoan’ny teknôlôjia vaovao sy ny fahantrana misy maneran-tany, toy ny tsy fahampian’ny tany sy ny sakafo, ny toeram-ponenana mahasalama ary ny asa mendrika ny maha olona. Miparitaka ny saina voatr’olombelona sy ny tambajotra sôsialy, kanefa mihamahantra ny olona ary mitombo ny tsy fahamarinana sy ny hantsana manasaraka ny olom-bitsy sy ny vahoaka maro an’isa. Ny fanavakavahana sy ny fanilihana izay endrika isehoan’ny tsy fahamarinana anefa no nahatonga ny Papa Léon XIII namoaka ny Ansiklika 𝘙𝘦𝘳𝘶𝘮 𝘯𝘰𝘷𝘢𝘳𝘶𝘮 tamin’ny 1891. Adidin’ny mpitondra vahoaka sy ny fanaovana pôlitika ny mandrava ireo sakana amin’ny fampandrosoana ny olombelona ary hapetraka ho fitsipika ny fizarana ny soa ho an’ny rehetra sy ny fahaizana miray hina. Anisan’ny nasongadin’ny Papa Léon XIV tamin’ny fitsidihana tany Douala any Cameroun, tamin’ny 17 aprily teo, ny tsy fifandanjana eo amin’ny sakafo sy ny isan’ny mponina. Tokony hobanjinina ny nataon’i Jesoa tamin’ny namahanany ny olona an’arivony (jr. 𝘑𝘰 6,1-15) hahalalana 𝙞𝙧𝙚𝙤 𝙩𝙤𝙚-𝙥𝙖𝙣𝙖𝙝𝙮 𝙩𝙤𝙠𝙤𝙣𝙮 𝙝𝙖𝙣𝙖𝙣𝙖𝙣𝙖 :
1️⃣ Tokony homena lanja ny sakafo misy eo am-pelatanana fa fanomezan’Andriamanitra. Tokony hisaorana Azy, toy ny nataon’i Jesoa rehefa nandray ny m**o sy ny hazandrano, ary tokony hitso-drano ireo namokatra sy nikarakara azy.
2️⃣ Misoroka ny fanarian-tsakafo fahatany izany toe-panahy izany ; ary ny fananana fo mangoraka no ialana amin’ny fandaniam-poana sy hananan’ny rehetra sakafo satria ifehezana ny filàna sy entina miahy bebe kokoa ny hafa.
3️⃣ Tokony horefesina ny sakafo sahaza ary harindra mifanaraka amin’izany ny fanjifana atao. Tokony hampiasaina ara-potoana ihany koa ireo ambin-tsakafo. Saika ny antsasaky ny sakafo vokarina no lanilany foana, hoy ny Papa Fransoa ao amin’ny Ansiklika 𝘓𝘢𝘶𝘥𝘢𝘵𝘰 𝘚𝘪’, kanefa an-tapitrisany ireo matin’ny hanohanana. Nohamafisiny tany amin’ny FAO tamin’ny 16 oktobra 2019 fa ny ady amin’ny hanohanana dia mitaky ny fandresena ny toe-tsain’ny fandaniam-poana sy ny fanjifana tafahoatra. Tsy ny mpanjifa madinika ihany no voakasik’izany fa hatrany amin’ny mpamokatra lehibe izay baikoin’ny pôlitikam-pitantanana.
4️⃣ Manaraka izany, anisan’ny toe-panahy ilaina ny fandanjalanjana ny vokatra hojifaina. Matetika isika voasariky ny fampirantiana sy ny fahazarana. Tokony homena lanja manokana ireo sakafo novokarina tao anatin’ny fanajana ny tontolo iainana sy vokatry ny asa mendrika ataon’ny olombelona.
5️⃣ Ankoatra izay, ilaina ny fahaizana mizara amin'ireo sahirana. Toy ny nataon’i Jesoa, rehefa avy nivavaka izy dia nasainy nozaraina tamin’ny olona ny sakafo. Miteraka fahagagana ny fifampizarana izay kely ananana. Ny toe-po tia manompo ny hafa toy ny an’i Jesoa no ahafahana manome sakafo na manasa hisakafo fa tsy ny fisehosehoana sy ny fitiavam-pahefana.
6️⃣ Farany, toe-panahy tokony hananana ny fanabeazana ny ankizy sy ny tanora hanana fahazarana miahy sy mitandrina, hahalala fa tsy fanary ny sakafo ary hahay hijery ny manodidina. Ny fizarana sakafo amin’ny hafa mantsy dia asa maneho fahamarinana satria manome azy ny anjarany.

Ny olana ara-tsakafo lavareny dia miampanga ny tsy fahombiazan’ny olombelona sady maneho ny lalan’ny fanafahana, toy ny niainan’ny vahoaka hebrio ningonongonona tany an’efitra (jr. 𝘌𝘬𝘴 16,3). Nanomana sakafo ho an’ny vahoakany anefa Andriamanitra ary i Jesoa mihitsy no manome ny tenany ho sakafo (jr. 𝘑𝘰 6,49-50). Ny “fahazotoan-komana” ren’ny vatana dia misarika antsika hankafy indrindra ny Eokaristia, ilay M**o zaraina sy mitombo ao amin’ny Eglizy mihavana sy miara-dia. Notsiahivin’ny Papa Léon XIV tany Saurimo any Angola tamin’ny 20 aprily teo ny tenin’i Jesoa hoe: “Miasà ianareo, tsy mba hahazo ny hanina mety ho levona, fa ny hanina maharitra ho amin'ny fiainana mandrakizay, dia izay homen'ny Zanak'olona anareo…” (𝘑𝘰 6,27). Tsy hoe manamaivana ny sakafo akory i Jesoa amin’izany. Izy aza moa nampitombo m**o ho an’olona maro sady mbola nampianatra hangataka ny hanina sahaza isan’andro. Saingy mitarika antsika Izy haniry ilay Hanina mahavelona mandrakizay sy mahafa-po ireo noana sy mangetaheta ny fiadanana sy ny fahafahana ary ny fahamarinana. Haka tahaka ny mpianatr’i Jesoa koa anie isika hilaza Aminy hoe: “Tompo ô, omeo anay mandrakariva izany m**o izany...” (𝘑𝘰 6,34). Arakaraka ny haniriantsika ilay Sakafo mahavelona mandrakizay no hanova ny fiaraha-monina sy hananan’ny olona rehetra sakafo sahaza ny tsirairay.

P. ZAKAVELO José Christophe, sj
𝘛𝘢𝘭𝘦 𝘯𝘢𝘴𝘪ô𝘯𝘢𝘭𝘪𝘯’𝘯𝘺 𝘛𝘢𝘮𝘣𝘢𝘫𝘰𝘵𝘳𝘢𝘮-𝘗𝘪𝘷𝘢𝘷𝘢𝘩𝘢𝘯’𝘯𝘺 𝘗𝘢𝘱𝘢 𝘔𝘢𝘯𝘦𝘳𝘢𝘯-𝘵𝘢𝘯𝘺 (𝘛𝘗𝘗𝘔)

02/05/2026

☀️Ny asabotsinay ☀️
Efa tsy andry foana ny fotoam-pivoriana fa halala ny momban’i Jesoa indray 🤗

Ry zoky manavao ny fomba hanamora ny fampitàna, ry zandry kosa mandray ny fahalalana entina « HO MIHA-JESOA isan’andro » 🕊️

Ireo e, ny zandrinao o Ry Jesoa! Ireo ny zandrinao ee 🥰

01/03/2026

🗓 𝕄𝕒𝕣𝕥𝕤𝕒: "𝐇𝐨 𝐚𝐧’𝐧𝐲 𝐟𝐚𝐦𝐞𝐫𝐚𝐧𝐚 𝐧𝐲 𝐟𝐚𝐦𝐩𝐢𝐚𝐬𝐚𝐧𝐚 𝐧𝐲 𝐟𝐢𝐭𝐚𝐨𝐯𝐚𝐦-𝐩𝐢𝐚𝐝𝐢𝐚𝐧𝐚 𝐬𝐲 𝐧𝐲 𝐟𝐢𝐚𝐝𝐚𝐧𝐚𝐧𝐚."
🙏Mba hirotsaka an-tsehatra tanteraka amin’ny famerana ny fitaovam-piadiana, indrindra ny fitaovam-piadiana nokleary, anie ireo firenena, ary hisafidy ny fifanakalozan-kevitra sy ny diplaomasia, fa tsy ny herisetra, ireo mpitondra eran-tany.

--------
Laharam-pahamehana ho an’ny Eglizy maneran-tany ny fampanjakana ny fiadanana. Ity volana martsa ity no anentanan’ny Papa Léon XIV antsika hivavaka manokana mba hirotsaka an-tsehatra tanteraka amin’ny famerana ny fitaovam-piadiana, indrindra ny fitaovam-piadiana nokleary, anie ireo firenena, ary hisafidy ny fifanakalozan-kevitra sy ny diplaomasia, fa tsy ny herisetra, ireo mpitondra eran-tany.
Tsy mety voafehy ny ady sy ny voka-dratsiny, ny fahafatesan’ny olona sy ny fahasimbana eo amin’ny fiaraha-monina izay tsy hain’olombelona arenina intsony matetika. Mitombo ny famokarana fitaovam-piadiana sy ny fahafahana mitazona izany. Tsy voafehin’ny saina sy mandrahona ary mandringana ny zanak’olombelona ny teknôlôjia ara-nokleary; toa mamaritra hoavy tsy fantatra sy mampanahy.
Tanjona kendrena, na dia toa nofinofy aza, ny fampitsaharana tanteraka ny fifandonana sy ny fampiharana tetik’asa fampihenana haingana ny fitaovam-piadiana. Betsaka ny fanambarana atao kanefa vitsy ny fanatanterahana. Manan-tsaina ihany ny olombelona, kanefa tsy mety tanteraka ny fifanakalozan-kevitra. Ny diplaomasia aza tsy afa-mamaha olana akory fa toa mifampitazana sy manao jery vilana fotsiny ary tsy sahy mitady lalana hikatsahana ny soa ho an’ny andaniny sy ny ankilany, satria manakona ny mangarahara sy manohitra ny zon’olombelona. Te hanjaka amin’ny firenena mahantra na amin’izy samy izy, indrindra ara-toe-karena, ny firenena matanjaka; hany ka mibirioka mandrakariva any amin’ny ady sy ny fanafihana, ny fanenjehana noho ny antony ara-piaviana sy ara-pivavahana, hatrany amin’ny fanoherana ny hasina maha olona.
Mpivahinin’ny fanantenana tsy mahalala vizana ny Eglizy mampita hafatra amin’ny fampianarana ataony, indrindra isaky ny fankalazana ny Andro Iraisam-pirenena ho an'ny Fandriampahalemana. Ny fahaiza-mihaino no lalana atoron’ny Eglizy, ary izany dia mio***a amin’ny fandraisana ny Tenin’Andriamanitra sy ny fihainoana an’Andriamanitra izay mampisokatra antsika amin’ny fihainoana ny hafa izay akantsika tahaka an’Andriamanitra mihaino ny fitarainan’ny vahoakany, indrindra ireo marefo indrindra. Tsy maintsy atomboka ao am-po, raha tiana ho tanteraka sy haharitra, ny fanafoanana ny fitaovam-piadiana izay fepetra hisian’ny fiadanana. Tsy ara-teknika na ara-pôlitika ihany izany fa adidy ara-môraly mihitsy.
Tsy vitan’ny teti-panorona ara-tsaina ny fifehezana ny fitaovam-piadiana sy ny fifanakalozan-kevitra fa mila toe-po manokana. Ny tena fandriampahalemana dia avy amin’ny fo mihavana. Manomboka amin’ny fiainana ny fandriampahalemana isan’andro ny famafazana ny fiadanana eo amin’izao tontolo izao. Miainga amin’ny fialana amin’ny herisetra ao anatin’ny tsirairay ny tsy fampiasana fitaovam-piadiana. Ilaina ny manapa-kevitra hisafidy ny lalan’ny fiainana sy handà izay rehetra mitarika any amin’ny fahafatesana. Io toe-po io no ananana fijery miabo mandrakariva sy mampisy ny fanantenana. Misy ireo toe-panahy manampy hiaina izany:
Toe-panahy 1. Mitandrina ny teny atao isan’andro: tsy tokony mampiasa ireo teny mandratra sy mahery setra ary mamono, ny fanesoana, ny fifosafosana, ny tsikera manimba, ny fanendrikendrehana ary ny fitsaratsarana olona; ary misafidy teny mitondra fitoniana sy mitsodrano ny hafa ary mampiombona.
Toe-panahy 2. Misafidy ny fifanakalozan-kevitra: Tokony miezaka mahazo ny hafa rehefa misy fifandirana fa tsy manery ny hafa handray ny fomba fijerin’ny tena.
Toe-panahy 3. Miala amin'ny herisetra madinika isan'andro: mazoto manao fandinihan-tena momba ny tsy fananana faharetana, ny fanamavoana ny hafa ary ny fitsarana henjana loatra.
Toe-panahy 4. Mijery ny zava-misy sy mivavaka ho an'ny fandriampahalemana eran-tany: misafidy faritra iray izay misy korontana ary mivavaka ho azy mandritra ny herinandro.
Toe-panahy 5. Manao ny marina amin'ny fiainana andavanandro: Ny fandriampahalemana dia tsy hoe tsy fisian'ny ady ihany, fa fisian’ny fifandraisana ao anatin’ny fahamarinana, manaraka ny rariny sy ny hitsiny.

Ny fanazarantena amin’ny fifehezana ny fahazotoan-komana amin’ny alalan’ny fifadian-kanina izay mahakasika ny vatana anie hanampy antsika hanavaka sy handrindra izay mety ho karazana “fahazotoan-komana” rehetra, na amin’ny hevitra na amin’ny teny na amin’ny atao, toy ny faniriana, ny fahalianana ary fankafizana rehetra mampikombona sy tsy mahasoa ny fanahy, na ara-kolontsaina na ara-toekarena na ara-pôlitika na ara-pivavahana; ka hiezahantsika hampitodika izany any amin’Andriamanitra mba hamelona ny finoantsika sy hanafaka ny fontsika amin’ireo tahotra ny hafa sy ny tebiteby ary izay manelingelina azy isan’andro, araka ny hafatry ny Papa ho an’ny Karemy. Ny lalan’ny Karemy dia lalan’ny fo, lalan’ny fihainoana, lalan’ny fibebahana ary lalan’ny fanafahana iantsoana ny eglizy fototra sy ny fianakaviana ary ny ankohonam-piainana rehetra.

𝐏. 𝐙𝐀𝐊𝐀𝐕𝐄𝐋𝐎 𝐉𝐨𝐬é 𝐂𝐡𝐫𝐢𝐬𝐭𝐨𝐩𝐡𝐞, 𝐬𝐣
𝘛𝘢𝘭𝘦 𝘯𝘢𝘴𝘪ô𝘯𝘢𝘭𝘪𝘯’𝘯𝘺 𝘛𝘢𝘮𝘣𝘢𝘫𝘰𝘵𝘳𝘢𝘮-𝘗𝘪𝘷𝘢𝘷𝘢𝘩𝘢𝘯’𝘯𝘺 𝘗𝘢𝘱𝘢 𝘔𝘢𝘯𝘦𝘳𝘢𝘯-𝘵𝘢𝘯𝘺 (𝘛𝘗𝘗𝘔)

17/02/2026

« Ny hatanoranareo indrindra no hitiavan'i Jesoa anareo. » ❤️

Fanehoana an-tsary ny Alim-bavaka famaranana ny fandalovan'ny Lakroa JMJ teto amin'ny Paroasy Antsobolo.

FET izahay 💙 mazava ho azy fa manotrona ny Lakroa. 🥰

29/12/2025

Ary ny Teny tonga Nofo ✨

11/12/2025

Tsarovy Tiavo Lalan-dava i KRISTY

Alohan'ny handeha hianatra na hiasa 🥰❤️🙏

𝗧𝗦𝗔𝗥𝗢𝗩𝗬 𝗦𝗬 𝗧𝗜𝗔𝗩𝗢 𝗟𝗔𝗟𝗔𝗡𝗗𝗔𝗩𝗔 𝗜 𝗞𝗥𝗜𝗦𝗧𝗬

03/12/2025

🗓 𝔻𝕖𝕤𝕒𝕞𝕓𝕣𝕒 : "𝐇𝐨 𝐚𝐧'𝐢𝐫𝐞𝐨 𝐊𝐫𝐢𝐬𝐭𝐢𝐚𝐧𝐢𝐧𝐚 𝐚𝐧𝐲 𝐚𝐦𝐢𝐧'𝐧𝐲 𝐭𝐚𝐧𝐲 𝐦𝐢𝐚𝐝𝐲"
🙏Mba ho voa afafy mitondra fiadanana sy fampihavanana ary fanantenana anie ireo Kristianina any amin'ny tany miady sy anjakan'ny fifandirana, indrindra any Moyen-Orient.
-----
𝕍𝔸𝕍𝔸𝕂𝔸 ℍ𝕆 𝔸ℕ'ℕ𝕐 𝕍𝕆𝕃𝔸ℕ𝔸 𝔻𝔼𝕊𝔸𝕄𝔹ℝ𝔸
HO AN'IREO KRISTIANINA ANY AMIN'NY TANY MIADY

Ry Andriamanitra Ray
izay nampihavana izao tontolo izao Aminao
tamin’ny Rà sarobidin’ny Zanakao,
mivavaka Aminao izahay anio
ho an’ireo Kristianina any amin’ny tany
miady sy misy fifandirana.
Enga anie izy ireo ho voa afafy
mitondra fampihavanana, haneho ny famindram-po
sy hikatsaka ny fahamarinana,
hano***a tetezana mampifandray
ireo ankohonam-piainana misara-bazana,
ary enga anie izy ireo hamela heloka
toy ny namelanao heloka azy ireo.
Ny fisian’ireo Kristianina
sy ny fijoroany ho vavolombelona anie
handray anjara amin’ny fampihavanana,
hanasitrana ireo ratra, hanentana ny hafa
hano***a sy hanaraka ny lalan’ny fiadanana.

Jesoa Tompo ô,
nantsoinao hoe sambatra ireo tia fihavanana.
Ampio izahay ho fitaovana mavitrika
hampanjaka ny fiadanana
eo amin’ny ankohonam-piainana misy anay,
na dia feno herisetra sy fisarasarahana aza.

Fanahy Masina ô,
Ianao no antoky ny fanantenana marina,
Tahio ireo Kristianina maneran-tany,
indrindra any Moyen-Orient,
mba ho famantarana ny fanantenana izy ireo,
hitahiry ny finoana mafy o***a
sy hiasa tsy hiraviravy tanana
hampijoro tontolo anjakan’ny fahamarinana
sy fiadanana bebe kokoa; hatoky fa azo atao tsara
ny mano***a ho avy feno fiadanana
ampian’ny fahasoavan’Andriamanitra.
Amen.

𝘛𝘢𝘮𝘣𝘢𝘫𝘰𝘵𝘳𝘢𝘮-𝘗𝘪𝘷𝘢𝘷𝘢𝘩𝘢𝘯’𝘯𝘺 𝘗𝘢𝘱𝘢 𝘔𝘢𝘯𝘦𝘳𝘢𝘯-𝘵𝘢𝘯𝘺 (𝘛𝘗𝘗𝘔)

22/11/2025

📆 𝟮𝟮 𝗻𝗼𝘃𝗮𝗺𝗯𝗿𝗮 𝟮𝟬𝟮𝟓 — Andro lehibe ankalazaintsika ny faha-𝟭𝟬𝟔 taona niorenan’ny FET teto Madagasikara. 🎉🇲🇬

🙏 Hiara-mivavaka isika mba hitohy hatrany ny fijoroantsika amin’ny fahamasinana sy ny Asam-pamonjena anirahana antsika eo amin'izao tontolo izao.

09/11/2025

🗓 ℕ𝕠𝕧𝕒𝕞𝕓𝕣𝕒 : "𝐇𝐨 𝐟𝐢𝐚𝐫𝐨𝐯𝐚𝐧𝐚 𝐚𝐦𝐢𝐧'𝐧𝐲 𝐟𝐚𝐦𝐨𝐧𝐨𝐚𝐧-𝐭𝐞𝐧𝐚"
🙏Mba hahita fanohanana sy fiahiana manokana ary ny fitiavana ilainy ao amin'ny fiaraha-monina misy azy anie ireo izay mitolona amin'ny eritreritra hamono tena, ary mba hisokatra amin'ny hasoan'ny fiainana.
-----
𝕍𝔸𝕍𝔸𝕂𝔸 ℍ𝕆 𝔸ℕ'ℕ𝕐 𝕍𝕆𝕃𝔸ℕ𝔸 ℕ𝕆𝕍𝔸𝕄𝔹ℝ𝔸
𝐇𝐎 𝐅𝐈𝐀𝐑𝐎𝐕𝐀𝐍𝐀 𝐀𝐌𝐈𝐍'𝐍𝐘 𝐅𝐀𝐌𝐎𝐍𝐎𝐀𝐍-𝐓𝐄𝐍𝐀

Jesoa Tompo ô,
miantso ireo reraka sy tra-pahoriana
hanatona Anao sy hiala sasatra
eo amin’ny Fonao masina Ianao.
Mivavaka izahay anio ho an’ireo
izay halaim-panahy hamono tena.

Mba horaisin’ny fiaraha-monina
sy hohenoiny anie izy ireo.
Mba ho akaiky azy ireo anie izahay,
hanohana sy hiahy ary hitia azy ireo,
hahatsapany fa mamy ny miaina,
hahitany ny hasoan’ny fiainana
sy ny fanantenana mafy o***a
izay hanampy azy ireo handresy
ny fahoriana sy ny fahafatesana,
hatoky hatrany mibanjina ny ho avy.

Mba hanohana azy ireo ara-tsaina
sy ara-panahy anie izahay,
hanasitrana ireo ratram-po
sy ireo ratra-panahy tsy mampitony,
hananany ny hafalian’ny fiainana
sy hahatsapany fa fanomezana
avy amin’Andriamanitra ny aina.
Amin’izay hihavao ny fanantenany
sy ho hitany ny anton’ny fiainana
na dia ao anatin’ny fijaliana aza.

Jesoa Zokinay ô,
ampio izahay hanolo-tanana ireo
mpiara-belona aminay ankehitriny
izay very zo aman-kasina,
kivy sy tapi-dalan-kaleha,
hahatsapany ny fitiavan’Izy Ray
ary hahitany ny anjara fiainany
sy ny fomba hanorenany tontolo tsara
sy mendrika kokoa ny maha olona.
Amen.

𝘛𝘢𝘮𝘣𝘢𝘫𝘰𝘵𝘳𝘢𝘮-𝘗𝘪𝘷𝘢𝘷𝘢𝘩𝘢𝘯’𝘯𝘺 𝘗𝘢𝘱𝘢 𝘔𝘢𝘯𝘦𝘳𝘢𝘯-𝘵𝘢𝘯𝘺 (𝘛𝘗𝘗𝘔)

08/11/2025

Ensemble, nous avons uni nos mains et nos cœurs pour créer avec joie et foi 🌸✨

07/06/2025

Soa zalahy FET zao 😍