24/08/2025
MAHEFÀ BE MANDRAKARIVA AMIN’NY ASAN'NY TOMPO
Mofonaina
Alahady, faha 24 Aogosotra 2025.
(Sal 133/Hira 170/Vavaka/Mofonaina/Vavaka/Hira 295.1-3)
MIFAMPAHERY NY MPINO
1 Korintiana 16.5-14 " 5 Hankaty aminareo aho, rehefa namaky an'i Makedonia — fa hamaky an'i Makedonia aho - 6 ary angamba hitoetra eo aminareo aho, na handany ny ririnina aza, mba hanateranareo ahy amin'izay halehako.7 Fa tsy mikasa hamangy anareo toy ny mandalo aho ankehitriny; fa manantena hitoetra elaela eo aminareo aho, raha sitrapon'ny Tompo. 8 Nefa hitoetra any Efesosy aho mandra-pihavin'ny Pentekosta; 9 fa varavarana lehibe no voavoha ho ahy hahazoako miasa tsara, nefa maro ny mpanohitra. 10 Ary rehefa tonga Timoty, dia tandremo mba tsy hanan-tahotra eo aminareo izy; fa ny asan'ny Tompo no ataony, tahaka ny ataoko koa.11 Koa aza avela hisy olona hanao tsinontsinona azy; fa atero soa aman-tsara izy mba ho tonga aty amiko; fa miandry azy mbamin'ny rahalahy sasany aho. 12 Ary ny amin'i Apolosy rahalahy, dia nangataka azy fatratra aho hiara-mandeha amin'ny rahalahy hankaty aminareo, saingy tsy sitrapony akory ny handeha tamin'izany*; nefa ho avy ihany izy, rehefa misy andro mahalalaka azy. [*Na: saingy tsy sitrapon'Andriamanitra ny handehanany ankehitriny] 13 Miambena* ianareo, tomoera tsara amin'ny finoana, aoka hitombandahy, mahereza. [*Grika: miareta tory] 14 Izay rehetra ataonareo dia ataovy amin'ny fitiavana."
Mampahery ny fahaiza-mandamina
Mandamina ny diany i Paoly Apostoly hahatanteraka ny fitoriana ny Filazantsara any Makedonia, Efesosy, miaraka amin'i Timoty, mpiara-manompo aminy.
1. Fitsidihana ny Fiangonana velona
Ho any Korinto i Paoly aorian'ny fankanesany tany Makedonia. Fikasana hitoetra elaela mba hamita ny asa fitoriana ao (and 7-8). Tahaka izany koa ho any Efesosy, tanana lehibe, sady varavarana misokatra ho an'ny Filazantsara (and 9), na día misy aza ny mpanohitra. Tsy olana na sakana ny fisian'ireny, fa mainka mampitombo ny herim-po hamonjena ny fanahin'olona. I Timot
