𝓔𝓴𝓪𝓻 𝓜𝓭 𝓙𝓸𝓼𝓮𝓯𝓪 𝓜𝓪𝓱𝓪𝓶𝓪𝓼𝓲𝓷𝓪

30/08/2026

28/08/2026

Zoma 28 Aogositra 2026

FAHATSIAROVANA AN’I MD. AUGUSTIN

Evanjely Masina nosoratan’i Md. Matio 25, 1-13.

"Intý tamy ny mpampakatra mandehàna mitsena azy ianareo."

Tamin’izany andro izany, i Jesoa nilaza itý fanoharana itý tamin’ny mpianany nanao hoe: “Ny Fanjakan’ny lanitra dia Htahaka ny virjiny folo izay naka ny fanalany, ka lasa nitsena ny mpampakatra sy ny ampakarina. Ny dimy tamin’izy ireo dia adala, fa ny dimy kosa hendry; ny dimy adala nitondra fanala fa tsy nitondra solika; fa ny hendry kosa nitondra fanala sy solika tamin’ny fitoeran-tsolika. Ary noho ny fahelan’ny mpampakatra, dia samy rendremana izy rehetra ka natory. Fa nony nisasaka ny alina, dia nisy niantso mafy hoe: ‘Intý tamy ny mpampakatra, mandehàna mitsena azy ianareo.’ Tamin’izay, dia niarina ireo virjiny rehetra ireo ka nanamboatra ny jirony. Ary hoy ny adala tamin’ny hendry: ‘Mba omeo kely amin’ny solikareo izahay, fa efa ho faty ny jironay.’ Hoy ny navalin’ny hendry azy: ‘Ndrao tsy ampy ho anay sy anareo, fa aleo mankany amin’ny mpivarotra ianareo, ka mividiana ho anareo.’ Ary raha mbola nandeha hividy izy, dia tonga ny mpampakatra ka izay efa niomana no niara-niditra taminy tao amin’ny fampakaram-bady, dia nohidiana ny varavarana. Nony afaka kelikely, dia tonga kosa ireto virjiny sasany ka nanao hoe: ‘Tompoko, tompoko, vohay izahay.’ Fa hoy ny navaliny azy: ‘Lazaiko aminareo fa tsy fantatro akory ianareo.’ Koa miambena ianareo, fa samy tsy fantatrareo na ny andro na ny ora.”

Izany àry ny Tenin’ny Tompo!

22/08/2026

11/08/2026

🙏 VAVAKY NY MPIANAKAVY ISAN'ANDRO :

❤️‍🔥Ry Jesoa be fitiavana indrindra, izay nanamasina ny fianakaviana voafidinao tety an-tany tamin'ny hatsaram-panahinao tsy hay lazaina sy ny oha-pitondran-tena nomenao tao an-trano, mba topazo fijery antra ity fianakaviana miankohoka eto an-tongotrao, mihanta mba hosoavinao.

Ka tsarovy fa Anao ity fianakaviana ity, noho izy namehy sy nahafoy tena ho Anao. Ka aoka mba harovan'ny hatsaram-ponao izy, hafahanao amin'ny loza, hovonjenao amin'ny mahory ary mba homenao ny herim-po ilaina haharetany hatramin'ny farany, amin'ny fanarahana ny Fianakaviana Masina, ka rahefa nifikitra tamin'ny fanompoana Anao sy ny fitiavana Anao izy nandritra ny andro rehetra niainany, dia hahazo hankalaza Anao mandrakizay any an-danitra.

⚘️Ry Masina Maria, Reny tsara fo indrindra, mihanta ny fiarovanao izahay sady matoky fa tsy ho hain'ny Zanakao lavina ny fangatahanao.

🌟Ary ianao koa, ry Jôsefa masina, Patriarka be voninahitra, mba tahio amin'ny fiarovanao mahery izahay, ary mba atero eo am-pelatanan'i Maria ny vavakay, hatolony an'i Jesoa Kristy. Amen.✝️

05/08/2026

Alarobia, 05 Aogositra 2026

FETIN’NY BAZILIKAN’I MASINA MARIA- SANTA MARIA MAGGIORE

Evanjely Masina nosoratan’i Md. Matio
Mt. 15, 21-28

«Ravehivavy, lehibe ny finoanao.»

Tamin’izany andro izany, i Jesoa nankany amin’ny faritanin’i Tira sy i Sidôna. Ary indro nisy vehivavy kananeanina anankiray nivoaka avy tamin’izany tany izany niantsoantso mafy nanao hoe: “Mamindrà fo amiko, ry Tompo, Zanak’i Davida, fa ampijalian’ny demony mafy loatra ny zanako vavy”; fa tsy namaly azy i Jesoa na dia indraim-bava aza. Dia nanatona niangavy taminy ny mpianany nanao hoe: “Roahy izy fa mikiakiaka manaraka antsika.” Ary hoy ny navaliny azy: “Tsy nirahina afa-tsy ho an’ny ondry very amin’ny taranak’i Israely Aho.” Fa nanatona ihany ravehivavy ka niankohoka teo anatrehany, ary nanao hoe: “Tompo ô, vonjeo aho!” Nefa novaliany hoe: “Tsy mety raha ny m**on-jaza no alaina ka atsipy ho an’ny amboa.” Ary hoy ravehivavy: “Marina izany, Tompoko, nefa ny amboakely mba mihinana ny sombintsombiny latsaka avy amin’ny latabatry ny tompony ihany.” Dia namaly i Jesoa ka nanao taminy hoe: “Ravehivavy, lehibe ny finoanao, aoka ho tanteraka aminao araka izay irìnao.” Dia sitrana tamin’izany ora izany ihany ny zanany vavy.

— Izany àry ny tenin’ny Tompo.
— Dera anie ho Anao, ry Kristy!

04/08/2026

04 Aogositra

Md Jean-Marie Vianney ( Mpiaro ny pretra Diosezanina)

I Masindahy Jean-Marie Vianney dia teraka tao Dardilly akaikin’i Lyon, tamin’ny 08 mey 1786. Jean-Marie Baptiste Vianney moa no tena anarany ary fantatsika amin’ny hoe Curé d’Ars izy, noho izy nitondra ny fiangonana nandritra ny 41 taona tao Ars-en-Dombes, lasa Ars-sur-Formans ankehitriny.

Zanaka tantsaha i Jean-Marie Vianney, teo amin’ny faha-13 taonany izy no nandray ny Kômonio voalohany. Tsy nahay namaky teny sy nanoratra ny ankizy tao an-tanana tamin’izany satria efa hatramin’ny fanombohan’ny Revolisiona Frantsay no tsy nisy mpampianatra tao. Ny taona 1803, efa 17 taona i Jean-Marie Vianney tamin’izay vao nisy mpampianatra tao ka izay izy vao nankany an-tsekoly. Ny 1806 hatramin’ny 1807 no niditra tao amin’ny sekoly anankiray nahorin’ny Abbé Charles Balley izy. Na dia tsy nahomby loatra aza izy tamin’ny fianarana ankapobeny dia tsapan’ity pretra mpanabe azy ity ny fitiavam-bavaka, sy ny famolahan-tena nataony ary ny fahatsapany izany fiantsoan’Andriamanitra azy izany. Ny 1809 raikitra ny ady nifanaovana tamin’ny Espagne ka voaantso hanampy ny tafika i Jean-Marie Vianney. Nikomy anefa izy ka lasa niafina tany ambanivohitra ary nanova anarana. Nosazian’ny fanjakana ny rainy ka ny zandriny no nandeha nisolo toerana azy.

Ny taona 1812 àry, niverina tao amin’ny sekolin’ny Abbé Charles Balley indray izy, ary io pretra io no nanolotra azy tao amin’ny seminera zandriny tao Virrières, tsy naharaka mihitsy i Jean-Marie Vianney na dia efa nianarany tamin’ny teny frantsay aza izany, satria fiteny latinina moa no nampianarana io taranja io tamin’izany fotaoana izany. Avy hatrany izy dia nalefa nandalina ny teôlôjia tao Lyon tao amin’ny seminera zokiny tao amin’i Saint-Irenée. Tsy nety nandoha ny saram-pianarana tany ny rainy ka dia ny sekoly no niantoka azy, noho ny tsy fahombiazany teo amin’ny fianarana indray dia naverina tany amin’ny Abbé Charles Balley, curé ny fiangonany i Jean-Marie Vianney. Nambaran’ity pretra ity tamin’ny Vicaire général fa na dia tsy mahay fianarana aza i Jean-Marie Vianney dia manana ny fitiavam-bavaka, ary noho io fiangavian’io pretra io no nanamasinana ho pretra an’i Jean-Marie Vianney ny 13 aogositra 1815 ka i Monseigneur Simon no nanamasina azy tao amin’ny seminera zokiny tao Grenoble. Nalefa tany Écully izy avy eo ary nanampy ny Abbé Charles Balley. Rehefa maty io pretra io ny 1818 dia nalefa nitantana ilay fiangonana kely tao Ars izy, ary tamin’izay dia efa nantsoin’ny kristianina tao hoe Curé d’Ars, na dia mbola zanam-piangonan’i Misérieux aza i Ars tamin’izany fotoana izany. Ny taona 1821 moa io fiangonana io vao lasa paroasy.

Toetra nahalalan’ny olona sy ny kristianina tao Ars an’i Jean-Marie Vianney ny fahatsorany, ny fifadian-kanina, ary ny fanampiana sy ny fitiavana ny mahantra, ka izay eo am-pelatanany no omeny amin’izany, indrindra indrindra fa ny fitiavam-bavaka, ora maro izy no hitan’ny olona mivavaka ao am-piangonana, ka ny fihetsiny dia toa manambara amin’ireo mpitazana fa hoe mahita an’i Kristy izy. Izany no nahatonga azy ireo hilaza avy hatrany fa olomasina ity pretra ity. Tian’izy ireo ny hafaliana entiny, ny hatsaram-pony sy ny fitiava-namana nasehony, ary ny fifadian-kanina sy ny fiaretan-tory andro aman’alina ataony dia vetivety dia nihely eran’ny tanana. Nanorina sekoly ho an’ny zazavavy tao Ars i Jean-Marie Vianney ; sekoly kely tsy zarizary izay manko no novantaniny tao, ary nitambatra ny fianaran’ny zazalahy sy ny zazavavy. Tsy nankasitrahany loatra ny fitondra-tena niainan’izy ireo ka naleony nampiofana tovovavy mpanabe ireo zazavavy ireo, ka vantany vao afaka nisahana sekoly i Catherine Lassagne sy i Benoîte Lardet dia efa nosokafany ny sekoly, ka i Catherine Lassagna no nitantana izany ary i Benoîte Lardet kosa nampianatra ny asa tanana. Maro ireo mpanao asa soa no nanohana io asa pastoraly nataon’i Jean-Marie Vianney io. Niitatra tsikelikely àry izany sekoly izany ka nahafahana nandray ireo zazavavy sahirana sy kamboty hatramin’ny 20 taona. Omena sakafo ireo, nampianarina, nokarakaraina ary nantsoina hoe “Maison de la Providence” io trano fanabeazana io. Nanomboka ny taona 1827 dia niverina nivavaka tsikelikely ny olona tao Ars, ary maro ireo manam-boninahitra tonga any Ars mba handray ny Sakramentan’ny fampihavanana, ary izany no nantsoina hoe fivahinianana masina tao Ars. Nahazo vahana io fivahinianana masina io ny taona 1830-1835, ary mandram-pahafatin’i Jean-Marie Vianney dia nisy hatrany ireo mpivahiny masina. Noho ny hamaroan’ny olona dia nangataka pretra hanampy azy i Jean-Marie Vianney ka nahazo ny Abbé Raymond ny 25 septambra 1845. Taty aorina dia tsy maintsy natolotra ny fikambanan-drelijiozy ireo fikambanana ireo, na ilay ho an’ny zazavavy na ilay ho an’ny zazalahy.

Md Marie Vianney ,mivavaha ho anay !❤🙏🏻

03/08/2026

Anio Alatsinainy faha 03 Aogositra 2026

Evanjely Masina nosoratan’i Md Matio 14, 22-36

“Asaovy hankany aminao eny ambony rano aho.”

Tamin’izany andro izany, nony avy nampitombo ny m**o i Jesoa , ka nihinana sy voky ny vahoaka dia nodidian’i Jesoa hiakatra an-tsambo kely niaraka tamin’izay ny mpianany, sy hita hialoha Azy ambara-pandravany ny vahoaka; ary rehefa nampirava ny vahoaka Izy, dia niakatra tany an- tendoimbohitra mba hivavaka manokana; ka nony alina ny andro, dia Izy irery no teo. Tamin’izany ny sambo kely dia nahilangilan’ny onjan-drano teny afovoan’ny ranomasina, fa nanoha rivotra. Ary tamin’ny fiambenana fahefatra tamin’ny alina, dia nandeha teny ambony rano i Jesoa ka nankeo amin’izy ireo. Fa nony nahita Azy teny ambony rano izy ireo, dia natahotra ka nanao hoe: “Matoatoa io”, sady niantsoantso izy noho ny tahony. Niaraka tamin’izany dia niteny taminy i Jesoa manao hoe:”Matokia, fa Izaho ihany, ka aza matahotra!” Namaly i Piera nanao hoe; “Raha Ianao àry, Tompo, asaovy hankeny aminao eny ambony rano aho”. Dia hoy Izy hoe:”Avia”. Dia nidina avy eny ambony sambo i Piera, ka nandeha teny ambony rano ho eny amin’i Jesoa. Kanjo nony hitany fa nahery ny rivotra, dia natahotra izy; ary nony nanomboka niletika izy, dia niantso mafy nanao hoe:”Tompo ô! vonjeo aho”. Niaraka tamin’izay, naninji-tanana i Jesoa, dia nandray azy, ka nanao taminy hoe: “Ry kely finoana, nahoana no nisalasala ianao?” Ary rehefa niakatra teo an-tsambo izy ireo, dia nitsahatra ny rivotra. Tamin’izany ry zareo teo an-tsambo kely dia nanatona Azy sy nitsaoka Azy nanao hoe: “Tena Zanak’ Andriamanitra tokoa Ianao!”
Ary nony tafita ny rano izy ireo, dia tonga tany amin’ny tanin’i Genezareta; ka nony nahafantatra Azy ny mponina tao, dia nandefa iraka tamin’ny tany manodidina rehetra, ka nentin’ny olona tao aminy avokoa ny marary rehetra, ary nangataka taminy izy ireo mba hanendry ny moron- tongotra’ akanjony fotsiny ihany, dia sitrana avokoa izay rehetra nanendry.

- Izany àry ny tenin’ny Tompo
- Dera anie ho anao, ry Kristy!

03/07/2026

03 Jolay — Niaina tany amin’ny taonjato voalohany I masindahy Thomas. Izy dia ilay Apôstôly tsy teo tamin’ny fisehoan’i Jesoa voalohany tamin’ireo mpianany taorian’ny fitsanganany ho velona.

Thomas ilay nilaza fa tsy mino ny fitsanganan’ny Tompo raha tsy mametraka ny tanany amin’ireo laokan’ny fantsika eo amin’i Jesoa. Herinandro taorian’izay, niseo tamin’ireo mpianany i Jesoa ka teo i Thomas.

Nantsoiny manokana mba hizaha ireo marikin’ny nijaliany ireo. Teo Izy vao niaiky ka nilaza hoe “Tompoko sy Andriamanitro”. Ka hoy Jesoa taminy “Nino ianao satria nahita, fa sambatra izay mino nefa tsy nahita”. Ao amin’ny boky nosoratan’i Masindahy Joany no tena ahitana ny tantara niainany niaraka tamin’ i Jesoa sy ireo Apôstôly namany. Araka ny lovan-tsofina, dia isan’ireo nitory ny vaovao mahafaly tany Inde Izy. I Masindahy Thomas dia antsoina hivavaka hoan’ny Mpanakanto, ny Architecte, ny Geometre, ny Machon ary ny charpentier. Antsoina manokana ihany koa Izy hoan’ny olona marary maso.

Ny hoe Thomas dia avy amin’ny teny Armenianina midika hoe kambana.