Église Adventiste du 7ème Jour Ambilanibe

Église Adventiste du 7ème Jour Ambilanibe ✅ A7J Ambilanibe
✅ District Isotry Ampatsakàna
✅ Fédération Madagascar Centre
✅ Union de l'Océan Indien IOUC

01/05/2026

Lesona Sekoly Sabata – Telovolana Faharoa

Kilasy Lehibe [36 taona +] Herinandro 5 : NY FOMBA FANDINIHANA NY BAIBOLY

Hodinihina mandritra ny herinandro: Jao. 15:1-8; Mar. 1:35; 1 Tant. 16:11; Sal. 119:105; Isa. 50:4; Isa. 55:1-13
Tsianjery : « Dia ho tahaka izany ny teniko izay aloaky ny vavako: Tsy hiverina amiko foana izy raha tsy efa mahatanteraka izay sitrako ary ambinina amin'izay ampandehanako azy. » – Isa. 55:11

Fizaràna Zoma FIANARANA FANAMPINY

Ny tanjona kendren’ny fandinihana ny Baiboly dia ny hahalala an’Andriamanitra sy ny hitombo ao amin’ny fifandraisana Aminy, satria izany no fiainana mandrakizay – ny fiarahana mandrakizay amin’ilay Andriamanitra tiantsika (Jao. 5:39; Jao. 17:3).

Ny fifandraisana rehetra dia mitaky fitia mifamaly. Hitantsika ao amin’ny Apôk. 3:20 fa maniry ny hanana izany fifandraisana izany miaraka amintsika i Jesosy, ary tokony ho tsapantsika fa amin’ny maha voariny antsika dia azontsika atao mandrakariva ny mianatra bebe kokoa momba llay Mpahary antsika. Toy ny fikatsahan’ny mpitrandraka vato sarobidy no tokony handalinantsika tsy tapaka ny Baiboly. Misy mandrakariva ny lesona azo tsoahina, na dia imbetsaka aza no efa namakiantsika ny tantara na ny andalan-tSoratra Masina sasany. “Na inona na inona fandrosoan’ny fahalalan’ny olona, dia aoka izy tsy hisaina na dia kely monja aza fa tsy ilainy ny handalina tsy tapâka ny Soratra Masina mba hananany fahazavana lehibe kokoa. Amin’ny maha vahoakan’Andriamanitra antsika, dia asaina mandinika ny faminaniana ny tsirairay avy amintsika.” – Ellen G. White, Counsels to Writers and Editors, t. 41.

Zavatra tsy azontsika atao koa ny manery ny Baiboly hifanaraka amin’ny hevitra na ny fisainana maha olona antsika. “Ahoana àry ny fomba tokony handinihantsika ny Soratra Masina? Moa ve isika hano***a foto-pampianarana tsirairay ary avy eo hanao izay hampifandraisana ny Soratra Masina rehetra amin’ny hevitsika manokana? Sa isika hitondra ny hevitsika sy ny fomba fijerintsika hilefitra eo anatrehan’ny Soratra Masina ka hampitaha ny fampianarantsika amin’ny fahamarinany? Maro ireo mamaky na koa mampianatra ny Baiboly mihitsy aza nefa tsy mahatakatra ireo fahamarinana sarobidy ampianariny na dinihiny. (...) Maro no manazava ny tenin’ny Soratra Masina araka ny heviny manokana sy izay tiany hilazana izany." – Ellen G. White, Counsels to Writers and Editors, t. 36.

FANONTANIANA hifanakalozan-kevitra

1. Inona no toe-tsaina ao aminao matetika rehefa mamaky ny Baiboly ianao? Misy zavatra tokony hovana ve? Nahoana no zava-dehibe tokoa ny toe-tsaina feno fanetren-tena sy fileferana amin’ny Tenin'Andriamanitra?
2. Misy ve ny hevitra mibahana mialoha tokony hailikao mba hahafahan'ny Soratra Masina miteny ho azy? Raha eny, ahoana no hanombohanao mivavaka momba izany izao?
3. Mety ho sakana ho an’ny fifandraisan'ny olona iray amin'Andriamanitra ny fitadiavany zavatra na hevitra vaovao; amin’ny fomba ahoana? Raha lazaina amin’ny teny hafa, ahoana no mahatonga ny faniriana habita zava-baovao sy miala amin’ny mahazatra hitarika ny olona iray ho amin’ny lalan-diso, indrindra raha ataony ho an’ny tombontsoan'ny tenany manokana izany?

30/04/2026

Lesona Sekoly Sabata – Telovolana Faharoa

Kilasy Tanora Zokiny [19 – 35 taona] Herinandro 5 : NY FOMBA FANDINIHANA NY BAIBOLY

Vakio ny: Sal. 119

Tsianjery: Mifidy andininy 1

Zoma Takaro – MAHAFOY NY HEVITRA MIBAHANA MIALOHA

“Ny olona dia mifikitra amin’ny fahadisoana na dia efa aseho mazava tsara aza ny fahamarinana. Raha sedrainy amin'ny tenin’Andriamanitra ny foto-pampianarany ka tsy mamaky ny Soratra Masina araka ny heviny manokana izy mba hanamarinany izany, dia tsy handeha ao amin’ny haizina sy ny fahajambana izy na koa hankamamy ny fahadisoana.

Maro no manazava ny Soratra Masina araka ny fiheverany manokana, mamitaka ny tenany sy ny hafa izy ireo amin’ny fandikana vilana ny Tenin’Andriamanitra.

Rehefa mandinika ny tenin’Andriamanitra isika, dia tokony hanao izany amin'ny fo mietry. Tokony hialana ny fitiavan-tena rehetra. Ny hevitra nokolokoloina hatry ny ela dia tsy tokony hoheverina ho tsy mety diso. Ny tsy fetezan'ny Jiosy hiala tamin'ireo lovantsofina nampioreniny hatry ny ela no nitarika ho amin'ny faharavan'izy ireo. Ninia tsy hahita ny tsy fetezana teo amin'ny fiheviny na ny fanazavany ny Soratra Masina izy ireo; nefa na ela toy inona aza no nifikiran’ny olona tamin’ny tomba fijery iray, rehefa tsy tohanan'ny Soratra Masina izany fomba fijery izany dia tokony hialana.

Maro ny lesona tokony hianarantsika, ary maro koa no tokony hialantsika. Andriamanitra sy ny lanitra ihany no tsy mety diso. Ireo izay mihevitra fa tsy hahafoy na oviana na oviana ny hevitra ankamamiany, na tsy hanova ny fiheverany, dia ho diso fanantenana. Raha mbola mifikitra amin'ny hevitsika manokana amin-kamafisan-katoka isika, dia tsy ho tanteraka mihitsy ny firaisana izay nivavahan'i Kristy." – RH, 26 Jolay 1892.

30/04/2026

Mofon’aina Zoma 01 Mey 2026 NY FITAKIAN'NY RAINTSIKA ANY AN-DANITRA

Deo. 5:26. « Enga anie ka mba hanana fo toy izany izy hatahorany Ahy sy hitandremany ny didiko rehetra mandrakariva, mba hahita soa izy sy ny taranany mandrakizay. »

Mijoro ho toy ny Ray eo anivon’ny vahoakany Andriamanitra, ary amin'ny maha ray Azy no itakiany fanompoana mahatoky avy amintsika. Diniho ny fiainan’i Kristy. Mijoro ho lohan’ny taranak’olombelona Izy, manompo ny Rainy, ary Izy no ohatra mampiseho izay tokony ho toetry ny zanaka rehetra. Ny fankatoavana izay nasehon’i Kristy no takin’Andriamanitra amin’ny olombelona rehetra ankehitriny. (...) «Ny hanao ny sitraponao, Andriamanitra ô» hoy Izy «no sitrako, ary ny lalànao no ato anatiko» - Sal. 48:8. Tsy nisy fahafoizan-tena noheverin’i Kristy ho lehibe loatra, sy asa noheveriny ho mafy loatra, mba hanatanterahany ny asa izay niaviany. Hoy Izy, fony Izy roa ambin’ny folo taona: « Tsy fantatrareo va fa tsy maintsy ho eto amin'ny raharahan’ny Raiko Aho? » - Lio. 2:49. Efa nandre ny antso Izy, ary efa nandray ny asa: « Ny haniko » hoy Izy « dia ny manao ny sitrapon'Izay naniraka Ahy sy ny mahavita ny asany » - Jao. 4:34.

Toy izany no tokony hanompoantsika an’Andriamanitra. Izay feno fanoloran-tena indrindra amin’ny fankatoavana Azy no tena manompo an’Andriamanitra. Izay rehetra te ho zanakalahy sy zanakavavin’Andriamanitra dia tsy maintsy manaporofo fa mpiara-miasa amin’Andriamanitra sy i Kristy ary ny anjelin’ny lanitra. Io no fisedrana ny fanahy tsirairay. (...)

Ny tanjona lehibe kendren’Andriamanitra dia ny hisedrany ny olona amin’ny fanomezany azy fotoana hamolavolana ny toetra amam- panahiny. (...) Tsy ividianana ny fitiavan’Andriamanitra ny asa tsara fa mampiseho kosa fa manana izany fitiavana izany isika. Raha milefitra amin’ny sitrapon’Andriamanitra isika, dia tsy hiasa mba hahazoana ny fitiavan’Andriamanitra. (...)

Sokajin’olona roa ihany no misy eto amin’izao tontolo izao ankehitriny; sokajin’olona roa koa no ho hita eo amin’ny fitsarana: ireo izay mandika ny didin’Andriamanitra ary ireo izay mankatô izany. Zahan’i Kristy toetra isika raha mahatoky na tsia. « Raha tia Ahy hianareo », hoy Izy, « dia hitandrina ny didiko (...) Izay manana ny didiko ka mitandrina izany, dia izy no tia Ahy (...) » - RH, 23 Jona 1910.

30/04/2026

Lesona Sekoly Sabata – Telovolana Faharoa

Kilasy Lehibe [36 taona +] Herinandro 5 : NY FOMBA FANDINIHANA NY BAIBOLY

Hodinihina mandritra ny herinandro: Jao. 15:1-8; Mar. 1:35; 1 Tant. 16:11; Sal. 119:105; Isa. 50:4; Isa. 55:1-13
Tsianjery : « Dia ho tahaka izany ny teniko izay aloaky ny vavako: Tsy hiverina amiko foana izy raha tsy efa mahatanteraka izay sitrako ary ambinina amin'izay ampandehanako azy. » – Isa. 55:11

Fizaràna Alakamisy ENDREY NY HAMAMIN’NY TENINAO!

Eritrereto ny tsindrin-tsakafo tianao indrindra. Tsara ho an’ny fahasalamana ve izany? Mety mampiasa tantely ianao hanamamiana izany, na koa mampiasa tantely Manuka noho ireo tombontsoa voalazan’ny mpitsabo fa azo avy aminy (Ny tantely Manuka dia karazan-tantely avy any Nouvelle-Zélande izay miavaka amin’ny tantely hafa rehetra noho ny fananany molekiola mahery vaika izay manampy ny vatana hanohitra otrikaretina samihafa). Raha efa nanandrana nihinana toho-tantely ianao dia hahalala fa mamy aoka izany ny tsirony, ary malefaka ery izy raha miempo ao am-bavanao.

Antsoin’ny mpanao Salamo hoe toho-tantely ny Baiboly ao amin’ny Sal. 119:103,104 – sary an’ohatra maneho zava-mahafinaritra izany: “Endrey ny hamamin’ny teninao, raha andramako! Mihoatra noho ny tantely ato am-bavako aza! Ny didinao no nahazoako fahalalana"

Inona no hevitry ny hoe “ Ny didinao no nahazoako fahalalana” – Sal. 119:104? Nahoana izany hevitra izany no manan-danja ho an’ny fahatakarana ny fiantraikan’ny fandinihana ny Baiboly eo amintsika?

Eny tokoa, mamy ho an’ny fanahintsika ny Tenin’Andriamanitra ary tsy misy tahaka azy izay atolotr’izao tontolo izao ho antsika. Tsy tahaka ny tsindrin-tsakafo sasany ny Tenin’Andriamanitra fa fanasitranana ho an’ny fanahintsika ary koa manova ny toetrantsika. Raha nisy fotoana nialanao lavitra an’Andriamanitra, dia mandohaleha ka sokafy ny Teniny ary misotroa avy amin’ny rano velona izay hany hanome fahafaham-po ny hetahetanao.

Ao amin’ny Isa. 55:1-13 no amelabelaran’ny mpaminany ny hafatra voalaza teo aloha. Manokàna fotoana hamakiana ity toko ity izao, ary valio ireto fanontaniana ireto:

• Inona no omen’ny Tompo ho an’izay manatona Azy mba “hohaniny” ao amin’ny Teniny?
• Inona ny fanasana alefany aminao eto?
• Inona ny fihaikana apetrany?
• Inona ny teny fikasany?

Ny Tenin’Andriamanitra velona sy mahery dia manindrona sy mahatratra hatramin’ny fontsika sy ny saintsika ary ny fanahintsika, fihaikana apetrany ho antsika ny hitombo ao amin’i Kristy. Tsy afaka manao izany ho antsika anefa ny Baiboly raha tsy manokana fotoana sy ezaka isika (eny, mitaky ezaka izany) mba handalina ny Teny amin’ny toe-tsain’ny fileferana sy ny fanetren-tena ary ny fanekena hanaraka ny fampianarany.

Inona avy ireo fomba azo tsapain-tanana ahafahanao mitady an’i Jehovah “dieny mbola hita Izy” – Isa. 55:6?

29/04/2026

Mofon’aina Alakamisy 30 Avrily 2026 VATOFANTSIKA MAFIN’NY FINOANA

1 Jao. 3:2,3 « Ry malala, ankehitriny aza dia zanak'Andriamanitra isika, nefa tsy mbola naseho izay ho toetsika rahatrizay. Fantatsika fa raha hiseho Izy, dia ho tahaka Azy isika, fa ho hitantsika Izy, dia izay tena endriny tokoa. Ary izay rehetra manana izany fanantenana mio***a aminy izany dia manadio ny tenany mba hadio tahaka Azy. »

Ny mason’ny finoana dia mitodika amin’Andriamanitra (...) Velona ao amin’ny fiandrandrana ho avy tsara ny finoana; hainy ny manavaka ireo tombontsoa tsy hay ambara ao amin’ny fanomezan'ny lanitra. Ampahany manan-danja ao amin’ny finoana kristianina ny fanantenana ny fiainana ho avy. Rehefa avelantsika hanembantsembana ny fifandraisan’ny fanahy amin’Andriamanitra ny rehak'izao tontolo izao, dia tsy hahita afa-tsy izao tontolo izao isika (...) Aoka ny mason’ny finoana hibanjina izay tsy hita maso, dia hahery ao amin’ny herin’ny lanitra ianao.

Mitombo ny finoantsika rehefa mibanjina an’i Jesosy isika, Izy ilay ivon’izay rehetra tsara sy maha-te ho tia. Arakaraka ny ibanjinantsika ny zavatry ny lanitra no ihenan’ny faniriantsika ny zavatry ny tany. Raha mibanjina tsy miato an’i Kristy (...) ny mason’ny finoana, dia hihamitombo ny finoantsika; hihamatanjaka ny fanantenantsika ary hihamahery sy mivaivay ny fitiavantsika (...). Hihamitombo ny fahatsapantsika ny fitakian’Andriamanitra antsika hanadio ny tenantsika amin’ny fomba amam-panaon’izao tontolo izao izay tsy mahalala an’Andriamanitra sy i Jesosy Kristy izay nirahiny.

Arakaraka ny ibanjinantsika an’i Kristy, sy iresahantsika momba ny fahamendrehany sy ny heriny, no hanehoantsika amin’ny fahafenoany kokoa ny Endriny eo amin’ny toetrantsika sy hampihena ny fileferan’ny saintsika sy ny fontsika amin’ny hery miasa mangina mahaosa eto amin’izao tontolo izao. Arakaraka ny isaintsainantsika momba an’i Jesosy no hampisinda ny zavon’ny fisalasalana manarona ny saintsika ka ho mora kokoa ny hitondrantsika ny fitsapana sy ny enta-mavesatra ary ny olantsika eo amin’ilay Mpitondra izany. (...)

Aoka ny finoana hanagorobaka ny aloka mahatsiravina (...) ka hifantoka amin’i Jesosy, Ilay Mpisoronabentsika, izay niditra tao anatin’ny efitra masina ho antsika. Na inona na inona rahona manarona ny lanitra, na inona na inona tafio-drivotra mitady hanafotra ny fanahy, dia mafy o***a izany vatofantsika izany, ary azo antoka fa handresy isika. – L30, 1893.

29/04/2026

Lesona Sekoly Sabata – Telovolana Faharoa

Kilasy Tanora Zokiny [19 – 35 taona] Herinandro 5 : NY FOMBA FANDINIHANA NY BAIBOLY

Vakio ny: Sal. 119

Tsianjery: Mifidy andininy 1

Alakamisy Ampifandraiso amin'i Jesosy – FITAHIANA ROA SOSONA

Inona no ianaranao amin’izao fotoana izao? Iza no azonao izarana ny lesona azonao?

Maro ny fomba ahafahantsika mianatra ny Baiboly. Azontsika atao ny mandalina konkordansa na koa ny rakibolana momba ny Baiboly, ary azo atao ny mamaky Baiboly miaraka amin'ireo boky fanahin’ny faminaniana ho fanampin-kevitra. Azo atao koa ny mivoaka eny anivon’ny zavaboary ary mihaino ny Baiboly vakina, na koa mihaona amin'ny namana na vondrona kely mba hiara-mianatra Baiboly.

Zavatra iray mety hamelombelona ny fotoana fianaranao Baiboly ny fizarana amin'ny hafa ny lesona voarainao. Rehefa hazavainao izay nianaranao, dia mampitoetra izany ao an-tsaina ny famintinanao sy ny fandravonana azy. Izany no manampy antsika hitadidy ny fahalalana azo. Ny fitahiana roa sosona dia ny fizarantsika amin'ny hafa sy ny fifanakalozantsika hevitra aminy, hanentana sy hampahery anareo roa tonta ny fifanakalozan-kevitra mikasika ny zava-panahy. Matetika amin’ny fizarana amin’ny hafa na ny fampianarana azy no ahafahan’ny saintsika mandalin-javatra indrindra.

Ho hitantsika koa fa ny zavatra ianarantsika isan’andro dia tsy hafatr’Andriamanitra ho antsika irery fa ho an'ny hafa koa. Mampanantena ny bokin’i Isaia fa hisy fiantraikany lalina amin'ny hafa ny fotoana atokantsika hiarahana amin'Andriamanitra. Homen’Andriamanitra antsika ny teny holazaina amin’ny hafa (Isa. 50:4). Ny fotoana manokana ianarantsika Baiboly dia tsy mampahatanjaka antsika fotsiny fa manampy antsika koa hampahery ny olona izay mifanena amintsika mandritra ny tontolo andro. Fitahiana roa sosona izany.

Hazakazaka lavitra ezaka ny fiainantsika ara-panahy. Angataho ny Tompo hanampy anao haharitra eo am-pihazakazahana, ka hibanjina ny marika hotratrarina ny masonao (Fil. 3:14). Aza kivy raha somary nitaredretra nandritra ny fotoana fohy ianao, fa ataovy izay fanovana tokony hatao eo amin’ny fiainanao mba hampahatanjaka ny fifandraisanao amin'Andriamanitra amin'ny alalan'ny fianarana Baiboly sy ny vavaka.

28/04/2026

Mofon’aina Alarobia 29 Avrily 2026 AZA MIANTEHITRA AMIN’NY FIHETSEHAMPO

Heb. 10:23 « Aoka hohazonintsika mafy ny fanekena ny fanantenana mba tsy hihozongozonany (fa mahatoky Ilay efa nanao ny teny fikasana) »

Ny fivavahan’i Kristy dia tsy fivavahan’ny fihetsehampo fotsiny. Ny fihetsehampo dia tsy azonao ianteherana ho porofo fa eken’Andriamanitra ianao, satria miovaova izany. Aoka ny tongotrao hifahatra amin’ireo fampanantenan’ny Tenin’Andriamanitra (...) ary hianatra hiaina amin’ny finoana. – RH, 5 Mey 1891.

Raha vao manomboka mifantoka amin’ny fihetsehampony ny olona iray, dia eo amin’ny faritany mampidi-doza izy. Rehefa faly izy dia matoky tena fatratra ary manana fihetsehampo tsara. Hiova anefa izany. Miseho ireo toe- javatra izay mitondra fahaketrahana sy alahelo ka hanomboka hisalasala ho azy ny saina raha eo anilany Andriamanitra na tsia.

Aoka tsy ny fihetsehampo, na tsara izany na mahakivy, no hisedra ny fiainantsika ara-panahy. Ny tenin’Andriamanitra no antony tokony hijoroantsika. Mahavery hevitra olona maro ny fianteherana amin’ny fihetsehampo. (...)

"Raha miaiky ny fahotantsika isika, dia mahatoky sy marina Izy ka mamela ny fahotantsika sy manadio antsika ho afaka amin'ny tsi-fahamarinana rehetra." – 1 Jao. 1:9. Nahoana àry isika no manala baraka an’Andriamanitra amin’ny fisalasalana ny amin’ny fitiavany izay mamela heloka? Rehefa avy niaiky ny fahotanao ianao, dia inoy fa tsy mety diso ny tenin’Andriamanitra; mahatoky amin’ny fampanantenany Izy. Adidinao ny mino fa hanatanteraka ny Teniny Andriamanitra ka hamela ny helokao, tahaka ny maha adidinao ny miaiky ny fahotanao. Aoka ianao hino llay Andriamanitra izay hanao araka ny nolazainy; hamela ny tsy fahamarinanao rehetra Izy. (...)

Firifiry moa ireo mandeha amin’alahelo, manota izy ary mibebaka avy eo, nefa mbola eo ambanin’ny rahon’ny fanamelohana mandrakariva! Tsy mino ny tenin’Andriamanitra izy ireo. Tsy inoany fa hanao marina araka izay nolazainy Izy. (...) Mandratra ny fon’i Kristy ny fisalasalanao, satria efa noporofoiny ny fitiavany tamin’ny nanolorany ny ainy hamonjena antsika, mba tsy ho very isika fa hanana fiainana mandrakizay. – L 10, 1893.

Aoka isika hatoky, ary hanabe sy hanazatra ny fontsika hino ny tenin’Andriamanitra (...). – L 10, 1893.

28/04/2026

Lesona Sekoly Sabata – Telovolana Faharoa

Kilasy Tanora Zokiny [19 – 35 taona] Herinandro 5 : NY FOMBA FANDINIHANA NY BAIBOLY

Vakio ny: Sal. 119

Tsianjery: Mifidy andininy 1

Alarobia HALALINO

Inona ny teny fikasana azontsika takiana momba ny amin'Andriamanitra amln'ny alalan'ny fandinihana ny Baiboly ?

Fanasana hikatsaka ny Tavan’Andriamanitra:
1 Tant. 16:11
Sal. 27:8

Mitady an'Andriamanitra ao amin'ny Teniny:
Sal. 119:9-11
Sal. 119:145-148
Isa. 55:6-11

Ny Teniny mitoetra ao anatintsika:
Jao. 8:31
Jao. 15:3,7

Inona ihany koa ireo teny fikasana tonga ao an-tsainao izay mifandraika amin'ny Sal. 119:97-104?

28/04/2026

Lesona Sekoly Sabata – Telovolana Faharoa

Kilasy Lehibe [36 taona +] Herinandro 5 : NY FOMBA FANDINIHANA NY BAIBOLY

Hodinihina mandritra ny herinandro: Jao. 15:1-8; Mar. 1:35; 1 Tant. 16:11; Sal. 119:105; Isa. 50:4; Isa. 55:1-13
Tsianjery : « Dia ho tahaka izany ny teniko izay aloaky ny vavako: Tsy hiverina amiko foana izy raha tsy efa mahatanteraka izay sitrako ary ambinina amin'izay ampandehanako azy. » – Isa. 55:11

Fizaràna Talata FANDINIHANA LALINA NY BAIBOLY

Na dia tsy voatery ho manam-pahaizana be aza vao afaka handinika ny Baiboly, ahoana kosa no hahafahanao mandalina azy bebe kokoa ?

Mivavaka : Manan-danja ny vavaka, ho fanokafana sy famaranana ny fotoana handinihana ny Baiboly. Ambaran’i Ellen G. White fa tsy irery isika rehefa mamaky ny Baiboly. Raha manasa ny Fanahy Masina ho mpitari-dalana antsika isika dia mandà ireo zavatra rehetra mety hanelingelina, ka mandositra ny fahavalo noho izany.

Mamaky sy mandray an-tsoratra : Maha samy hafa ny famakiana Baiboly fotsiny amin'ny fandalinana azy ny fandraisana an-tsoratra. Mampihena ny fihazakazahan’ny saintsika izany, ary manampy antsika hisaintsaina momba ny Tenin’Andriamanitra sy handinika ary koa hamakafaka. Mandrindra ireo hevitra mety nisavorovoro teo aloha ihany koa izany. Mora kokoa ho antsika ny hahatadidy izay soratana (Sal. 119:15, 16). Raha tsy afaka ny hanoratra ianao, dia miezaha mamaky ny Baiboly amin’ny feo mafy (na mihaino izany).

Mizara: Zarao amin’ny olona iray izay nianaranao. Handraikitra azy ao an-tsainao izany ary hitondra fampaherezana ho an’ny hafa.

Mifidiana boky fohy ao amin’ny Baiboly hanombohana azy (toy ny bokin’i Jona, Marka, Filipianina na ny 1 Jaona), ary tohizo tsikelikely izany. Indro misy fomba tsotra azonao ampiharina amin’ny andininy iray (ny fomba fiasa: fandinihana tsikelikely andininy iray), paragrafy iray, na toko iray manontolo : Mivavaha mba hitarihan’ny Fanahy Masina ny sainao sy hanalefahany ny fonao mandritra ny famakian-teny, mifidiana andininy na paragrafy iray ao amin’ny Baiboly, soraty ao anaty diary izany andininy izany na ny ampahany nanaitra anao nandritra ny famakian-teny, vakio amim-bavaka indray ilay andininy ary tsipiho ireo hevitra manan-danja indrindra ao, soraty izay ambaran’ireo hevitra voatsipika, ento am-bavaka ireo hevitra ireo sy ny fiantraikany eo amin’ny fifandraisanao amin’Andriamanitra, eritrereto ny olona azonao izarana izany anio.

“Rehefa mitombo amin’ny fahasoavana ny vahoakan’Andriamanitra, dia hihamahazo fahalalana mazava momba ny Teniny. Habita fahazavana vaovao sy hatsarana ao amin’ireo fahamarinana masina izy. Marina izany tamin’ny tantaran’ny fiangonana nandritra ny vanim-potoana rehetra, ary mbola ho toy izany hatramin’ny farany." — Ellen G. White, Counsels to Writers and Editors, tt. 38, 39.

Manao ahoana ny fahitanao ny mampitombina ny zavatra voalaza etsy ambony ho anao manokana? Jereo koa ny Sal. 119:105.

28/04/2026

Lesona Sekoly Sabata – Telovolana Faharoa

Kilasy Tanora Zokiny [19 – 35 taona] Herinandro 5 : NY FOMBA FANDINIHANA NY BAIBOLY

Vakio ny: Sal. 119

Tsianjery: Mifidy andininy 1

Talata Hazavao – FANDINIHANA LALINA NY BAIBOLY

Manao ahoana ny fahltanao ny fahamarinan'ny teny fikasana ao amin’ny Sal. 119:105?

Ataovy tsianjery ny andininy tianao indrindra ao amin’ny Sal. 119. Soraty imbetsaka izany mba hanampy anao amin’ny fitadidiana azy.

Tsy voatery ho manam-pahaizana be ny olona vao afaka handinika ny Baiboly, na izany aza dia andeha hojerentsika ireo tomba vitsivitsy azontsika andalinana ny Tenin’Andriamanitra.

Mivavaka : Tsy filaza masaka tsy akory ny fanambarana fa manan-danja ny vavaka mandritra ny fianarana ny Baiboly. Tsy irery isika rehefa mamaky ny Baiboly. Vonona hitari-dalana antsika ny Fanahy Masina. Izy no manampy antsika hahatakatra ny hevitr’ireo andalan-tenin'ny Baiboly ary koa hahafantatra ny hevitr’ireo izay tsy dia mazava amintsika.

Mamaky sy mandray an-tsoratra: Mampihena ny fihazakazahan'ny saintsika ny fandraisana an-tsoratra ary manampy antsika hisaintsaina momba ny Tenin’Andriamanitra sy handinika ary hamakafaka, amin'izany no ahafahantsika manao fampiharana sy mandray fanapahan-kevitra. Mandrindra ireo hevitra mety nisavorovoro teo aloha ihany koa izany. Mora kokoa ho antsika koa ny hahatadidy izay soratana. Raha tsy afaka ny hanoratra ianao, dia miezaha mamaky ny Baiboly amin’ny feo mafy (na mihaino izany), ary araho fisaintsainana izay toy ny vavaka asandratra amin’Andriamanitra izany.

Mizara: Zarao amin’ny hafa izay nianaranao. Handraikitra azy ao an-tsainao izany ary hitondra fampaherezana ho azy ireo.

Mifidiana boky fohy ao amin’ny Baiboly hanombohana azy (toy ny bokin'i Jona, Marka, Filipianina na ny 1 Jaona), ary tohizo tsikelikely izany. Indro misy tomba tsotra azonao ampiharina amin’ny andininy iray, paragrafy iray, na toko Iray manontolo : mivavaha mba hitarihan'ny Fanahy Masina ny sainao sy hanalefahany ny fonao mandritra ny famakian-teny; mifidiana andininy na paragrafy iray ao amin’ny Baiboly; soraty ao anaty diary izany andininy izany na ny ampahany nanaitra anao nandritra ny vakiteny; vakio amim-bavaka indray ilay andininy ary tsipiho ireo hevitra manan-danja indrindra ao; soraty izay ambaran’ireo hevitra voatsipika; ento am-bavaka ireo hevitra ireo sy ny fiantraikany eo amin’ny fifandraisanao amin’Andriamanitra; eritrereto ny olona azonao izarana izany anio.

28/04/2026

Mofon’aina Talata 28 Avrily 2026 NY SAHAN’NY TENY FIKASAN’ANDRIAMANITRA

Heb. 10:36 « Fa tokony hanana faharetana hianareo mba hahazoanareo izay lazain’ny teny fikasana, rehefa vitanareo ny sitrapon’Andriamanitra. »

Ny teny fikasan’Andriamanitra dia toy ny voninkazo sarobidy manerana ny zaridaina iray. Irin’ny Tompo ny hijanonantsika eo sy handinihantsika azy akaiky, ny hankafizantsika ny hatsarany sy hankasitrahantsika ny fahasoavana izay arotsak’Andriamanitra amintsika amin’ny fanomezany izay rehetra ilaintsika. Raha tsy mandalina ireo teny fikasan’Andriamanitra isika dia tsy hahatakatra ny fitiavan’Andriamanitra feno fahasoavana sy ny fangorahany antsika (...). Tiany ny fanahy raha miantehitra Aminy amim-pinoana (...).

Aoka ny fangatahantsika hamakivaky ny raho-mainty alefan’i Satana hanakona antsika, hanagorobaka izany ny finoantsika ka hahatratra ny seza fiandrianan’Andriamanitra izay voahodidin’ny avan’ny teny fikasana, izay antoka milaza amintsika fa marina Andriamanitra ary tsy misy fiovaovana na aloka avy amin’ny fihodinana ao Aminy. Mety mitaredretra ny fahitantsika ny valiny, saingy tsy izany velively. Ekena ny fangatahantsika, ary homena ny valiny amin’ny fotoana mahasoa indrindra ilay mpanao fangatahana (...). Mandrotsaka ny fitahiany eny amin’ny lalantsika Andriamanitra mba hanazava ny diantsika mankany an-danitra. (...)

Aoka isika hanatona ny seza fiandrianan’ny famindram-po amim-panajana fatratra, ka hahatsiaro ireo teny fikasana nomen’Andriamanitra, handinika ny fahatsaran’Andriamanitra, ary hanandratra fiderana feno fisaorana noho ny fitiavany tsy miova. Aoka isika tsy hitoky amin’ny vavaka voafetra ataontsika fa hatoky kosa ny tenin’ilay Raintsika any an-danitra izay manome antoka fa tia antsika. Amin’ny finoana ny teny fikasana momba ny fitiavany tsy miova no itondrantsika ny fangatahantsika eo amin’ny seza fiandrianan’ny fahasoavana. Mety hizaha toetra ny finoantsika ny fiandrasana, kanefa ny mpaminany efa nanome toromarika antsika ny amin’izay tokony hatao: “Iza aminareo no matahotra an’i Jehovah ka mihaino ny feon’ny mpanompony? Na iza na iza mandeha amin’ny maizina ka tsy manana fahazavana, aoka izy hatoky ny anaran’i Jehovah sy hiankina amin’Andriamaniny.” – Isa. 50:10.

Miandrasa an’i Jehovah; efa nampanantena Izy ary lzy no antoka amin’izany. (...) Izay noana sy mangetaheta ny fahamarinana dia homena fahafaham-po. – RH, 19 Novambra 1895.

Address

Ambilanibe Andavamamba
Antananarivo
101

Website

Alerts

Be the first to know and let us send you an email when Église Adventiste du 7ème Jour Ambilanibe posts news and promotions. Your email address will not be used for any other purpose, and you can unsubscribe at any time.

Shortcuts

Share

Category