Sampana Vokovoko Manga Foibe

Sampana Vokovoko Manga Foibe � Sampana Vokovoko Manga - FJKM
� Vina: Mamokatra olona ho an'i Kristy.
� Fitaizana • Fanafahana

👋 Fiadanana ô!🚫 Aza hadino ny fotoanantsika rehefa avy eo amin’ny 8️⃣ Ora alina, atsaharo kely mihitsy aloha izay atao d...
03/08/2026

👋 Fiadanana ô!
🚫 Aza hadino ny fotoanantsika rehefa avy eo amin’ny 8️⃣ Ora alina, atsaharo kely mihitsy aloha izay atao dia samia maka fotoana mangiana eo anatrehan’ Andriamanitra hiarahantsika mivavaka:

NY SYNODAMPARITANY ANDREFANA ATSIMON' ANKARATRA MIARADIA handray ny Tafika Masina Nasionaly SVM-FJKM 2026

🙏 No ho entintsika am-bavaka anio.

“Fa miambena ka mivavaha mandrakariva, mba hahery ianareo.”
Lioka 21 / 36a

5️⃣ minitra MANGA📖 I Timoty 1 / 12 – 16 📖“NY FAHASOAVAN’ ANDRIAMANITRA DIA MAHAY MANOVA FIAINANA” Hiarahantsika mahalala...
03/08/2026

5️⃣ minitra MANGA
📖 I Timoty 1 / 12 – 16 📖

“NY FAHASOAVAN’ ANDRIAMANITRA DIA MAHAY MANOVA FIAINANA”

Hiarahantsika mahalala fa i Paoly dia olona nanana lasa ratsy. Nefa tsy nolazain’ Andriamanitra hoe: “Tsy misy ilàna anao intsony.” Fa nomeny fahasoavana izy ary novainy ny fiainany.

Ho anao izay voafatotry ny zava-mahadomelina ankehitriny.
🔺 Mety efa imbetsaka ianao no niteny hoe: “Hiala aho.”
🔺 Mety efa niezaka ianao, saingy niverina indray.
🔺 Mety efa very fahatokisana amin’ny tenanao ianao ka mieritreritra hoe: “Tsy afaka miova intsony aho.”
🚫 Aza mino izany!
Raha nahavita nanova an’i Paoly Andriamanitra, dia mbola mahavita manova anao koa.

Ny zava-mahadomelina mety hanome fahafinaretana vetivety, saingy mangalatra tsikelikely ny fahasalamanao, ny volanao, ny fahatokisan’ny fianakaviana anao, ny ho avinao, ary indrindra ny fahafahanao.

FA HENOY TSARA IZAO:
Tsy izany no anjaranao.
Tsy izany no hiafaran’ny tantaranao.
Tsy noforonina ho andevon’ny zava-mahadomelina ianao.

🗨️ Hoy Paoly ao amin’ny andininy faha-15: “Mahatoky ka tokony hekena amin’ny fankasitrahana rehetra izao teny izao: tonga tetỳ ambonin’ ny tany Kristy Jesoa hamonjy ny mpanota"

Midika izany fa misy famonjena, misy famelan-keloka, ary misy fiainam-baovao.

Koa raha mbola mifoka, misotro, na mampiasa zava-mahadomelina ianao, aza miandry hoe: “Rehefa afaka aho vao hanatona an’Andriamanitra.”
Manatòna an’Andriamanitra dieny izao, ary avelao Izy hanomboka hanova anao.
Ary raha misy olona efa tafavoaka tamin’izany, aza manambany ilay mbola sahirana.
Ny olona voafatotra dia tsy mila fanamelohana fa mila olona hanampy azy, hivavaka ho azy, hihaino azy ary hitarika azy hiverina amin’ny làlana marina.

Izany no antompisian’ny Sampana Vokovoko Manga:
💙 Hijoro amin’ny ady amin’ny zava-mahadomelina.
🤍 Hanampy ireo voafatotra mba afahany amin'ny fatorana mangeja azy.
💛 Hitory fa mbola misy fanantenana sy fiainam-baovao ao amin’i Kristy.

Ry namako, raha mbola eo am-pelatananao ny safidy:
Aza omena ny zava-mahadomelina ny fiainanao.
Aza amidy amin’ny fahafinaretana vetivety ny hoavinao.
Aza avela hisy hangalatra aminao ny zavatra nomen’ Andriamanitra anao.
Mialà amin’ny zava-mahadomelina.
Miverena amin’ Andriamanitra.
Mitadiava fanampiana ary atombohy anio ny fiainam-baovao.

Satria raha afaka nanova an’i Paoly ny fahasoavan’ Andriamanitra, dia mbola afaka manova anao koa.

⚓ Sampana Vokovoko Manga:
✅ Tsy fanamelohana, fa famonjena.
✅ Tsy famoizam-po, fa fanantenana.
✅ Tsy fahafatesana, fa fiainam-baovao.


👋 Fiadanana ô! Nanahoana ny asa fanompoana tany am-piangonana anio?🚫 Aza hadino ny fotoanantsika rehefa avy eo amin’ny 8...
02/08/2026

👋 Fiadanana ô!
Nanahoana ny asa fanompoana tany am-piangonana anio?
🚫 Aza hadino ny fotoanantsika rehefa avy eo amin’ny 8️⃣ Ora alina, atsaharo kely mihitsy aloha izay atao dia samia maka fotoana mangiana eo anatrehan’ Andriamanitra hiarahantsika mivavaka:

💙 Ny Birao S.V.M Foibe
🤍 Ny Tonia S.V.M
💛 Ny Mpandraharaha S.V.M
🙏 No ho entintsika am-bavaka anio.

“Fa miambena ka mivavaha mandrakariva, mba hahery ianareo.”
Lioka 21 / 36a

5️⃣ minitra MANGA📖 Matio 24 / 45 – 51 📖⚓ Inona no asan’ny S.V.M ao am-piangonana?💙 Tsy Sampana anarana fotsiny ny S.V.M,...
02/08/2026

5️⃣ minitra MANGA
📖 Matio 24 / 45 – 51 📖

⚓ Inona no asan’ny S.V.M ao am-piangonana?

💙 Tsy Sampana anarana fotsiny ny S.V.M, ary tsy amin’ny fotoana misy lanonana ihany vao mijoro fa antsoin’ Andriamanitra ho mpanompo MAHATOKY, mijoro hiaro ny aina, ny fahasalamana, ny fahadiovam-pitondrantena ary indrindra ny finoana amin' ny fotoana rehetra.

🤍 Ao am-piangonana ny S.V.M dia manana andraikitra manabe sy manentana, mampahatsiahy fa tsy mifanaraka amin’ny sitrapon’ Andriamanitra ny fiainana voagejan’ny zava-mahadomelina.

💛 Fa tsy ampy ny miteny fotsiny hoe: “Aza misotro.”
🔺 Mila asehontsika amin'ny olona fa misy fiainana tsara kokoa azo fidianana.
🔺 Mila manatona ilay tanora very lalana isika.
🔺 Mila manoro hevitra (Jesoa) ilay fianakaviana sahirana isika.
🔺 Mila mampahery ilay olona efa voagejan’ny fahazaran-dratsy isika.
🔺 Mila mitondra azy hiverina amin’i Kristy isika.

⚓ Inona no asan’ny S.V.M eo amin'ny Fiaraha-monina?

😥 Mbola maro ny olona very noho ny zava-mahadomelina.
🫢 Mbola maro ny tanora very fotoana, very fahasalamana, very fahafahana, ary indraindray ny hoaviny mihitsy no very tanteraka .

⁉️ Koa iza no hijoro?
⁉️ Iza no andeha hanatona azy ireo?
⁉️ Iza no hiteny aminy hoe: “Aza kivy fa mbola misy fanantenana ho anao!”

💙 Isika S.V.M no tokony hijoro!
🔺 Tsy ady amin’ny olona izany, fa ady amin’ny zava-mahadomelina sy ny faharatsiana manimba ny olona.
🔺 Tsy fanamelohana no entintsika, fa famonjena.
🔺 Tsy fankahalana no entintsika, fa fitiavana.
🔺 Tsy manilika izay lavo isika, fa manangana azy indray.

🤔 Mety hieritreritra isika hoe: “Olona iray ihany aho, inona no mba ho vitako?”
Fa tadidio:
🔵 Olona iray MAHATOKY dia afaka manova fiainan’olona iray.
🟡 Olona iray voavonjy androany dia afaka mamonjy fianakaviana iray rahampitso.

❌ Koa aza miandry hoe: “Rehefa maro isika vao hiasa.”
Manomboha anio.
Manomboha eo aminao.
Manomboha amin’izay eo an-tananao.
Manomboha amin’ny fianakavianao.
Manomboha amin’ny Fiangonana.

"Sambatra izany mpanompo izany, raha avy ny tompony ka hahita azy manao izany."
(Matio 24 / 46)

Izany no fanamby ho antsika Mpikambana S.V.M
✝️ Rehefa tonga ny Tompo:
⁉️ Inona no ho hitany ataontsika?
🌟 Hahita Fiangonana mijoro ve Izy?
🌟 Hahita tanora voavonjy ve Izy?
🌟 Hahita fianakaviana voaaro ve Izy?
🌟 Hahita olona miasa ho amin’ny fahadiovan’ny fiaraha-monina ve Izy?
🌟 Hahita antsika mipetraka fotsiny, mijery ny fahasimban’ny olona manodidina antsika ve Izy?

🚫 Tsy fotoana hanginana izao.
🚫 Tsy fotoana hijerena fotsiny izao.
🚫 Tsy fotoana hipetrapetrahana izao.
FA FOTOANA HIJOROANA

📢 Aoka isika S.V.M ho mpanompo MAHATOKY:
⛪ Aoka ny Fiangonana ho toerana hananganana olona, fa tsy toerana hijerena olona lavo.
⚓ Aoka isika ho fitaovana ampiasain’ Andriamanitra hitondrana fanantenana eo amin’ny fiaraha-monina.

🔷 Raha mbola misy tanora iray very.
🔷 Raha mbola misy fianakaviana iray rava.
🔷 Raha mbola misy olona iray voagejan’ny zava-mahadomelina.
DIA MBOLA MISY ASA ISIKA.

Dia aza manontany tena hoe:
“Iza no hanao izany?”
Fa manontania tena hoe:
“Tompo ô! Vonona aho. Inona no azoko atao?”

🪽 Rehefa tonga ny Tompo, dia ho hitany fa MAHATOKY isika, ka ho afaka hilaza amintsika Izy hoe:
“Sambatra izany mpanompo izany!”

⚓ Sampana Vokovoko Manga
✅ Mijoro ho amin’ny fahadiovana.
✅ Miady amin’ny zava-mahadomelina.
✅ Manangana ny lavo ary mitondra fanantenana ao amin’i Kristy.

Ho voninahitr’ Andriamanitra!


🔵 Ry Mpikambana Sampana Vokovoko Manga rehetra,Hentanina manokana isika rehetra mba hiray fo sy hiray saina amin’ny vava...
01/08/2026

🔵 Ry Mpikambana Sampana Vokovoko Manga rehetra,

Hentanina manokana isika rehetra mba hiray fo sy hiray saina amin’ny vavaka ho an’ny Tafika Masina Nasionaly SVM-FJKM, izay tanterahana any Antsirabe ny 27–30 Aogositra.

🙏 Aza avela handalo fotsiny izao antso izao fa na aiza, na aiza misy antsika dia samy afaka mandray anjara amin’ny alalan’ny vavaka isika.

🕗 Rehefa avy eo amin’ny 8️⃣ Ora alina dia atsaharo kely mihitsy aloha izay ataontsika dia samia maka fotoana mangiana eo anatrehan’ Andriamanitra.

🙏 Ny tena mba hanehoan' Andriamanitra ny heriny sy ny voninahiny amin' io Tafika Masina io ka ahakasika olona maro izay tiany ho vonjena no lohahevitra ho entintsika am-bavaka anio.

“Fa miambena ka mivavaha mandrakariva, mba hahery ianareo.”
Lioka 21 / 36a.

🔥 Ry S.V.M, tsy ny tongotsika ihany no afaka mandeha any Antsirabe; ny lohalika milefitra sy ny loha miondrika ary ny vavaka ataontsika koa dia afaka miara-miasa amin’ny asan’Andriamanitra!

⚓ S.V.M
MIARA-MIVAVAKA, MIARA-MANOMPO
MIARA-MANDEHA AMIN’NY TOMPO!

TSIDIKA 0️⃣0️⃣6️⃣👋 Fiadanana ô! Ny Sampana Vokovoko Manga Ampanaovamarina - Mananara Avaratra, Synodamparitany Miray Far...
01/08/2026

TSIDIKA 0️⃣0️⃣6️⃣

👋 Fiadanana ô!
Ny Sampana Vokovoko Manga Ampanaovamarina - Mananara Avaratra, Synodamparitany Miray Faritra Antongil (SP-28) indray no entina hampahafantarina antsika eto amin'ny Pejy anio. Any amin'ny 283 Km avaratr'i Toamasina any ilay toerana.

🎂 18 Aogositra 1964 no daty niorenany, izany hoe raha olombelona efa nahazohazo taona ihany.

⚓ Ahitana Rantsana 3 anaty Fikambanana:
1️⃣ Rantsana Fanantenana
(Mpiandraikitra am-perin'asa 4)
2️⃣ Rantsana Vehivavy
(Mpiandraikitra am-perin'asa 3)
3️⃣ Rantsana Raiamandreny
(Mpiandraikitra am-perin'asa 1)

🚢 Raha ny tena isan'ny Mpikambana rehetra dia 80 eo fa ny 50 amin' ireo no tena hoe hita tsy tapaka, dia nanao fanentanana zareo ny Alahady Manga farany teo ka nahazo Mpikambana vaovao 19 mianadahy, mianaka.

💐 Tena efa maro ny asa vitan'izy ireo ary santionany ireto tanisanay manaraka ireto:
🔺 Isaky ny 24 Jona dia misy ny filaharam-be mamakivaky ny tanàna izay miafara amin'ny Fitoriana an-kalamanjana arahana fampisehoana.
🔺 Misy koa ny asa fitoriana izay tanterahana eny amin'ny Sekoly sy Hôpitaly ary fonja.
🔺 Nametraka murale eo amin' ny fefim-piangonana koa izy ireo ho fijoroana vavolombelona.
🔺 Manampy ny Fiangonana ara-bola sy ara-tsandry ihany koa ny S.V.M Ampanaovamarina.

💎 Ny fananana loharanom-bola maharitra roa no mampiavaka azy ireo:
🍷 Fivarotana divaim-pandraisana izay divay vokarin'ny SVM-FJKM Foibe amin' ny Fiangonana manodidina.
🪺 Fivarotana atody.

🎯 Ireto lazaina manaraka ireto kosa indray ny Tetik'asa ho tratrarin-dreo:
🌟 Hampitombo ny isan'ny Mpikambana.
🌟 Fananganana Rantsana Mpamily
🌟 Hampitombo ny loharanom-bola maharitra amin'ny alalan' ny fividianana tokontany sy fananganana trano eo aminy ary fampanofana azy.

🌴 Maniry ny S.V.M Ampanaovamarina hiara-hiasa amin'ny S.V.M Foibe sy S.V.M Synodamparitany hafa.
🌴 Maniry koa izy ireo ny handray Zaikabe na Fihaonambe na Fanofanana tompon' Andraikitra na Tafika Masina.

📷 Misy sary maromaro ireto hanampiana antsika hahalala azy ireo bebe kokoa ka dia mijere finaritra.

✍️ Mandray am-pitiavana izy ireo raha misy amintsika hanoro hevitra azy ireo. Vonona koa zareo raha misy vonona hiara-hiasa aminy. Dia ireto no laharana afahana mifandray:
☎️ 034 13 565 78
☎️ 034 25 480 09
☎️ 034 39 520 63

📝 Raha misy firariantsoa na fanamarihana avy aminao dia soraty anaty commentaires.

🙌 Ho an' Andriamanitra irery ihany ny voninahitra!


5️⃣ minitra MANGA📖 Salamo 1 / 1 – 2 📖Misafidiana ny lalàn' Andriamanitra, lavitry ny zava-mahadomelina.📝 Asehon' Andriam...
01/08/2026

5️⃣ minitra MANGA
📖 Salamo 1 / 1 – 2 📖

Misafidiana ny lalàn' Andriamanitra, lavitry ny zava-mahadomelina.

📝 Asehon' Andriamanitra amin' ity Salamo ity fa ny olona sambatra dia izay olona mandà ny làlan-dratsy ka mifidy ny hiaina araka ny Teniny.
🚭 Ny zava-mahadomelina dia iray amin'ireo fandrika lehibe manimba ny aina, ny fianakaviana ary ny fiaraha-monina.
📖 Koa ny Tenin' Andriamanitra no fiarovana sy hery afahantsika mandresy ny fakam-panahy.

⚓ Amin'ny maha Sampana Vokovoko Manga antsika dia hamporisihina hatrany isika hijoro ho vavolombelon'i Kristy amin'ny ady atao amin'ny zava-mahadomelina.
⚔️ Tsy hiaro ny tenantsika ihany no tokony ho ataontsika, fa hanentana, hampianatra ary hanampy ireo efa voageja mba hahitan'izy ireo ny làlan'ny fahafahana ao amin'i Jesoa Kristy.

🙏 Fanamby ho antsika androany:
🔺 Ataovy sakaizanao isan'andro ny Tenin' Andriamanitra.
🔺 Manaova maodely amin'ny fitondrantena sy ny fanompoana.
🔺 Aza manaiky ho voasariky ny namana na ny fakam-panahy mitondra amin'ny zava-mahadomelina.
🔺 Mivavaha ho an'ireo voagejan'ny zava-mahadomelina mba hahazoan'izy ireo fahafahana sy fiainam-baovao ao amin'i Kristy.

"Fa ny lalàn'i Jehovah no sitrany; eny ny lalàny no saintsaininy andro aman'alina."
Salamo 1 / 2


📢 ANDAO HITONDRA AM-BAVAKA! 🙏Ry havana malala ato amin'ny Sampana Vokovoko Manga, manomboka rahampitso 1️⃣ Aogositra, di...
31/07/2026

📢 ANDAO HITONDRA AM-BAVAKA! 🙏

Ry havana malala ato amin'ny Sampana Vokovoko Manga, manomboka rahampitso 1️⃣ Aogositra, dia aoka isika rehetra hiray fo sy saina ka hiara-hivavaka isan'andro amin'ny 8 ora alina, ho fanomanana ny Tafika Masina Nasionaly SVM-FJKM 2026, izay hotanterahina any Antsirabe ny 27–30 Aogositra.

♻️ Na aiza na aiza misy anao amin'io ora io dia manokàna fotoana kely hiaraha-mitondra am-bavaka ny asa lehibe miandry antsika, na isan'ny andeha hiantafika ianao na sanatria tsy mandeha noho ny antony tsy azo hanoharana.

✝️ Ny Antom-bavaka dia havoaka isan'andro eto amin'ny Pejy Sampana Vokovoko Manga Foibe.

🚫 Aza hadino arÿ fa mila mivavaka mandrakariva isika

🕗 Isan'andro amin'ny 8️⃣ ora alina

mba tsy ho reraka ka tena hanehoan' Andriamanitra ny heriny sy ny voninahiny io Tafika Masina io.

📖 "Fa miambena ka mivavaha mandrakariva, mba hahery ianareo."
(Lioka 21 / 36a)

💙 Izaho SVM 🤍 550 / 600 💛"Fa asany isika, voaforona tao amin'i Kristy Jesoa mba hanao asa tsara." 📖 Efesiana 2 / 10a 📖 ...
31/07/2026

💙 Izaho SVM 🤍 550 / 600 💛

"Fa asany isika, voaforona tao amin'i Kristy Jesoa mba hanao asa tsara."
📖 Efesiana 2 / 10a 📖

5️⃣ minitra MANGA📖 Asan'ny Apostoly 28 / 16 – 29 📖"Aza menatra mijoro ho vavolombelon'i Kristy."🔗 Na dia voafonja aza i ...
31/07/2026

5️⃣ minitra MANGA
📖 Asan'ny Apostoly 28 / 16 – 29 📖

"Aza menatra mijoro ho vavolombelon'i Kristy."

🔗 Na dia voafonja aza i Paoly rehefa tonga tany Roma, dia tsy nijanona nitory ny Filazantsara. Tsy navelany hanakana azy ny gadra, ny fahoriana, na ny fanenjehana. Nantsoiny ny olona, nohazavainy tamim-paharetana ny Tenin' Andriamanitra, ary nitory an'i Jesoa Kristy izy.

📢 Antso ho antsika S.V.M ankehitriny izany. Maro ny zavatra mety hanakana antsika: tahotra, fanesoana, fahazarana ratsy, na fakam-panahy toy ny zava-mahadomelina sy ny fahotana isan-karazany. Kanefa ny olona tena nihaona tamin'i Kristy dia tsy mangiana, fa mijoro ho vavolombelony.
Misy nandray ny hafatra, ary misy koa nandà izany. Tsy ny fankatoavan'ny olona no tanjona voalohany, fa ny fahatokiana amin'ny iraka nomen' Andriamanitra. Aoka isika tsy ho kivy rehefa misy tsy manaiky ny fahamarinana, fa hanohy hitory sy hiaina ny Filazantsara.

✝️ Aoka ianao anio hijoro ho vavolombelon'i Kristy amin'ny teny sy ny fiainana. Aza avela hisakana anao ny tahotra na ny zava-tsarotra.

"Koa aoka ho fantatrareo fa izao famonjen' Andriamanitra izao dia nampitondraina ho any amin'ny jentilisa, ary izy hihaino azy."
Asan'ny Apostoly 28 / 28

🙏 Tompo ô! Omeo hery aho mba tsy ho menatra ny Filazantsara, fa hijoro ho vavolombelona mahatoky amin'ny toerana rehetra misy ahy.
Amin'ny anaran'i Jesoa Kristy. Amen.


Address

Foibe FJKM, Analakely
Antananarivo
101

Website

Alerts

Be the first to know and let us send you an email when Sampana Vokovoko Manga Foibe posts news and promotions. Your email address will not be used for any other purpose, and you can unsubscribe at any time.

Shortcuts

Share

Category