FJKM Ambohimarina Faharetana spaa11

FJKM Ambohimarina Faharetana spaa11 Mitory Filazantsara

: II KOR 5.16-19 : II KOR 5.17Raha misy olona ao amin'i Kristy,Lasa olom-baovao, tena kanto ery, Lasa zavatra taloha, e...
02/10/2024

: II KOR 5.16-19
: II KOR 5.17

Raha misy olona ao amin'i Kristy,
Lasa olom-baovao, tena kanto ery,
Lasa zavatra taloha, efa tonga hadino,
Fiainam-baovao ny fiainanao ry mino.

Ao amin'i Kristy, ovaina zavatra rehetra,
Tapaka fatorana, nirodana ny fetra,
Miala ny haizina, mitombo ny hazavana,
Levona avokoa ireo asan'i satana.

Ny ota tamin'ny lasa voafafa avokoa,
Fiainam-baovao mikoriana anaty fo,
Fiadanana indray no manjaka ao anaty,
Santarina an-tany sy lovaina na dia maty.

Tena hafa loatra izany ateraka indray,
Fahasoavana tokoa, azo avy tamin-dRay,
Ireo lasa ratsy tsy mba tiana hiverenana,
Efa nibebahana, eny, efa nanenenana.

Andao isika handeha amin'ity mazava,
Efa voasasa, ny vovok'ota efa lasa,
Lalam-baovao, fiandohana vaovao,
Fanantenana velona no ao anaty ao.

Ny ho avinao indro azo antoka tanteraka,
Ho an'ny olom-baovao izay efa nateraka,
Ny fiainana rehetra efa ao amin'i Kristy,
Tsy hisaraka Aminy isika ho doria.

Nirinan'i Jesoa.

GEN 17.1-8. Jehovah no Andriamanitra Tsitoha,Mandehana eo anatrehany tokoa,Aoka mihitsy ianao tsy hisy tsiny,Tanteraho f...
01/10/2024

GEN 17.1-8.


Jehovah no Andriamanitra Tsitoha,
Mandehana eo anatrehany tokoa,
Aoka mihitsy ianao tsy hisy tsiny,
Tanteraho fa izany no faniriany.

Jehovah indro hanao ny fanekena,
Eo Aminy sy ho amin'izato tena,
Ny taranaka hohamaroiny fatratra,
Ianao mpino no aoka ho resy lahatra.

Ianao ry mpino tena miankohofa,
Noho ireo fitahiana azo, miavosa,
Tsy ny ankehitriny ihany no lazainy,
Fa ny ho avinao koa aza dia efa hainy.

Andriamanitra raha toa tsy afangaro,
Ianao ho tonga rain'ny firenena maro,
Izany no azon'ny dadabe Abrahama,
Voatendry ho mpandova an'i Kanana.

Ny taranakao ho tonga maro indrindra,
Hisy aza mpanjaka ho ahindrahindra,
Fanekena aorina aminao mandrakizay,
Ho Andriamanitrao tokoa Jehovah Ray.

Andriamanitra no mihevitra taranaka,
Taranakao dia hotahiany sy hiavaka,
Ho Andriamanitrao Izy fa mitahy,
Mifikira am-pinoana, aza manahy.

Nirinan'i Jesoa.

EFE 2.1-10 Fahasoavana no namonjena,Andriamanitra tsy mba terena,Izay mandray izany am-pinoana,Ho voavotra k'aoka ho tsa...
30/09/2024

EFE 2.1-10

Fahasoavana no namonjena,
Andriamanitra tsy mba terena,
Izay mandray izany am-pinoana,
Ho voavotra k'aoka ho tsaroana.

Famonjena tsy avy aminareo,
Fanomezana izany zareo,
Avy amin’Andriamanitra irery,
Ovay ary ny fomba fijery.

Famonjena tsy avy amin’ny asa,
Fandrao hirehareha amin’ny lasa,
Tsy ireo ezaka vita hatrizay,
No hampisokatra ny mandrakizay.

Andriamanitra mpanao ny tsara,
Nanomana tokoa izay ho anjara,
Ka tao amin’i Kristy Jesoa,
No nomaniny ireo izay hahasoa.

Ho fanahafana ny Ray Mpahary,
Ilay mpandrindra sy mpandavorary,
Ilaina isika manao asa tsara,
Mifanaraka amin’ny Filazantsara.

Izany ho porofom-pinoana,
Ka mila ezaka sy fitozoana,
Imason-jentilisa aoka ho hita,
Asa tsara fa tsy zara fa vita.

Nirinan'i Jesoa.

II TIM 3.14-17 Ry mpino resy lahatra,Manàna faharetana,Aoka ianao tsy hitsahatra,Fa meteza mba hientana,Hampihatra izay ...
25/09/2024

II TIM 3.14-17


Ry mpino resy lahatra,
Manàna faharetana,
Aoka ianao tsy hitsahatra,
Fa meteza mba hientana,
Hampihatra izay nianarana,
Aza asiana fitsaharana.

Mahareta am-pinoana,
Jesoa aoka ifikirana,
Fadio mafy izay hirona,
Ka na tojo manahirana,
Ny finoana tsy ho faty,
Hazony foana mandra-maty.

Miezaha ho tanteraka,
Ny Teny soa atao fenitra,
Aza mba manaiky reraka,
Fadio koa ny mihemotra,
Raha ianao tsy mety valaka,
Ataon’ny hafa faka tahaka.

Mivonona hiasa tsara,
Toa an’Ilay Andriamanitra,
Adidinao ny mikarakara,
Manao asa mahafinaritra,
Ny manam-pinoana vanona,
Manao asa kanto tsy an-kijanona.

Manehoa fahendrena,
Aoka izany hihasin-kasina,
Tohero izay fahalemena,
Fa dia ny Soratra Masina,
No loharano hantsakana,
Sy handavam-pahotana.

Nirinan'i Jesoa.

Mar 5.25-34 Vehivavy iray nahatsiaro ho nijaly,Roambinifolo taona tsy afa-nifaly,Andro sy alina, indro mitsi-drà,Ho faty...
24/09/2024

Mar 5.25-34


Vehivavy iray nahatsiaro ho nijaly,
Roambinifolo taona tsy afa-nifaly,
Andro sy alina, indro mitsi-drà,
Ho faty mihitsy no mampanahy.

Dokotera maro no efa niala nenina,
Voatery ravehivavy nipenimpenina,
Ny fananana rava, ny vola koa lany,
Diso fanantenana izy vokatr' izany.

Nandre an'i Jesoa, dia nino tokoa,
Ilay Mpanasitrana tsy manampaharoa,
Ny fikasihana akanjony mahasalama,
Ny aretina ho levona, tsy ho tamàna.

Nataony izany, izy tsy nihambahamba,
Namaky vahoaka, nanendry ny lamba,
Tsapany teo fa dia ritra ny aretina,
Nijanona ny rà, ts'isy na dia pentina.

Jesoa nahalala fa nisy nikasika,
Natahotra ny vavy, natahotra ho vasoka,
Tsy nahazo alalana, nanendry akanjo,
Ho voasazy ? Ity vao ho loza sy antambo.

Nijoro vavolombelona, nilaza tokoa,
Mahasitrana ny fanendrena an'i Jesoa,
Jesoa tsy nibedy, nanome toky tsara,
Mandehana! Ny finoana nahazoana anjara.

Ianao koa minoa, aza misalasala,
Kasiho am-pinoana i Jesoa malala,
Aretinao ho sitrana tena ho ritra tokoa,
Aretim-batana, ara-panahy sy ny fo.

Nirinan'i Jesoa.

: EFE 1.7-14 : EFE 1. 1-14 Tombotsoa mihoam-pampana tokoa,No azon’ny mino an’i Kristy Jesoa,Isan’izany ireo fitahiana m...
23/09/2024

: EFE 1.7-14
: EFE 1. 1-14

Tombotsoa mihoam-pampana tokoa,
No azon’ny mino an’i Kristy Jesoa,
Isan’izany ireo fitahiana mahasoa,
Hatreto an-tany, hatrany an-danitra koa.

Hotanisaina izay lazain’ny mpanompony,
Fa maro dia maro izy ireny no atorony,
Izay rehetra tafaray amin’i Kristy Jesoa,
Na Jiosy na Jentilisa dia migoka soa.

Isika tafaray amin’i Kristy maharitra,
Voaray ho isan’ny mponin’ny lanitra,
Ho masina sy tsy manan-tsiny amin’ny Ray,
Natokany mba ho Azy mandrakizay.

Natsangany ho zanany tao amin’i Jesoa,
Fa izany sitrapony nahazoan-tombotsoa,
Omeny maimaim-poana ny fahasoavany,
Ahafahantsika manatrika izato tavany.

Vokatry ny ota, ny zontsika dia nongotana,
Saingy tonga i Jesoa nitondra fanavotana,
Nandatsaka ny ràny, hampitony fahatezerana,
Hahazo famelana ny mpanota nitserana.

Tombotsoa koa raisina amin’Ilay tsy miova,
Isika koa noraisiny ho anjara lova,
Manome antoka izany ny Fanahy Masina,
Maneho ireo amin’ny fomba mihasinkasina.

RY HAVANA,
Ianao izay voafidy manàna fankahasitrahana,
An’Ilay Raintsika izay iaraha-manana,
Asandrato avo ny saotra sy ny fideràna,
Ho an’Andriamanitra Tompon’ny fahatsarana.

Nirinan’i Jesoa.

II TAN 20.18-23 Mivonòna ho mpandresy amin’ny ady,Manantenà fahombiazana sahady,Na dia mafy aza ny herim-pahavalo,Ny teb...
22/09/2024

II TAN 20.18-23


Mivonòna ho mpandresy amin’ny ady,
Manantenà fahombiazana sahady,
Na dia mafy aza ny herim-pahavalo,
Ny tebiteby sy ny tahotra atsaharo.

Mila tadiavina ny tavan’i Jehovah,
Heriny Tsitoha mantsy tsy mba miova,
Miantehitra Aminy amin’ny vavaka,
No ahazoana fandresena miavaka.

Mpitondra sy ny vahoaka entina,
Izao no saino, aoka ho eritreretina,
Raha Andriamanitra manome toky,
Azo antoka fa tsy mba soloky.

Miadia ho voninahitry ny Tsitoha,
Andriamanitra hiaro anao tsy ho voa,
Vavaka, fiderana atao manaka-danitra,
Dia hiditra an-tsehatra ilay Andriamanitra.

Matokia fa an’i Jehovah ny ady,
Ny fahavalo ho resy sy handadilady,
Ho ripaka, eny, tsy mba hahatohitra,
Izay tsy maty, hitsoaka handositra.

Ianao mpino manam-pahavalo goavana,
Ny hirotsaka an’ady aza asiana fandavana,
I Jesoa ho mpitari-tafika hatrany,
Dia ho mpandresy ianao eto an-tany.

Nirinan'i Jesoa.

JAO 9.35-41 Ity lehilahy jamba, tsy mba nisalasala,Naneho an-karihary sy sahy nanambara,“Tompoko mino aho, Ianao Zanak’A...
20/09/2024

JAO 9.35-41


Ity lehilahy jamba, tsy mba nisalasala,
Naneho an-karihary sy sahy nanambara,
“Tompoko mino aho, Ianao Zanak’Andriamanitra”
Ilay nampahiratra ahy, mahatonga ahy finaritra.

Taloha noheveriny ho lehilahy tsotra ihany,
Mitovy amin’ny olon-drehetra eto an-tany,
Rehefa sitrana izy, nekeny ho mpaminany,
Iasan’ny herin’Andriamanitra sady hombany.

Ny fanatrehan’i Jesoa, nahatakarany tsara,
Ny marina voalazan’ny Filazantsara,
Zanak’Andriamanitra, Mesia voahosotra,
Manome famonjena, atao tolo-botsotra.

Ireo tsy nino, nitondra fanaratsiana,
Fa Ilay nanasitrana, efa tonga olon-tiana,
Tsy nampaninona izay fandrahonana,
Nijoro izy, na dia voaroaka am-piangonana.

Zava-tokana no fantany mihasinkasina,
Jamba izy taloha, f’efa nampahiratina,
Ny tsy mino mitsara fa mpanota i Jesoa,
Fa aminy ira-dRay, mpanao asa soa.

Ny fifanatrehany tamin’i Jesoa Mpitsabo,
Vao mainka nitiavany sy tena nambabo,
Tsy hafa io fa Mesia, Zanak’Andriamanitra,
Iankohofana, Mpamonjy ny ambany lanitra.

Nirinan'i Jesoa.

I TIM 4.6-10 Ny Teny natao hivelomana,Tandremo sao malain-komana,Ekeo ho hani-mahavoky,Hanorenam-pinoana ho toky.Dia tao...
19/09/2024

I TIM 4.6-10


Ny Teny natao hivelomana,
Tandremo sao malain-komana,
Ekeo ho hani-mahavoky,
Hanorenam-pinoana ho toky.

Dia taomy ny hafa hanaiky,
Reseo lahatra tsy ho taraiky,
Tezao izy ireo hanantena,
Sy hitana ny famonjena.

Ny toe-panahy natao hizarana,
Izay inoana natao hifaharana,
Ny fanahy ilaina ho tomady,
Ho mpandresy raha tojo ny ady.

Ny toe-panahy hita mahery,
Azo antoka tsy hahavery,
Ireo milofo hatrany mivavaka,
Matanjam-pinoana sy miavaka.

Fanompoana ikelezan’aina,
Ka mila afantoka an-tsaina,
Miezaka ho an’ilay Tompo tia,
Mba tsy ho very ny valim-pitia.

Mpanompo tsara tokoa ve ianao?
Fantaro tsara manomboka izao,
Ny handovanao ny fiainan-doria,
No ikelezo aina raha mbola ety.

Nirinan'i Jesoa.

Tononkalo: JER 20.11-13 : JER 20.7-13 Ny vonon-kanompo tsy maty antoka,Ambara izany fa tena azo antoka,Andriamanitra von...
18/09/2024

Tononkalo: JER 20.11-13
:
JER 20.7-13

Ny vonon-kanompo tsy maty antoka,
Ambara izany fa tena azo antoka,
Andriamanitra vonona ny tena homba,
Hery azo antoka, tsy manao somonga.

Resy lahatra amin’izany i Jeremiah,
Jehovah momba azy toy ny lehilahy,
Mahery tokoa sady koa mahatahotra,
Ny manana Azy, mandresy ny sarotra.

Tsy haharesy izany ireo mpanenjika,
Aoriana kely dia ho sambo rendrika,
Ho tafintohina, tsy afaka hitsangana,
Ho menatra indrindra, ka ho mangamangana.

Ilay mamantatra teotry ny voa sy ny fo,
Mamaly ny maditra sy miseho be loha,
Nanankinana ny ady, manome fandresena,
Ny mpanompony re, tsy avelany hosena.

Ny tsy hendry ho menatra mandrakizay,
Ho hadinoina izy ireo ka hangaihay,
Fanahin’ny malahelo kosa hovonjena,
Jehovah hanao izany tsy ho terena.

Ny mihira sy midera no raisina ho adidy,
Manambara ny hatsaran’Ilay masi-mandidy,
Hitaona azy ireny hanompo Tsitoha,
Ilay hany azo antoka ho mpanao ny soa.

Nirinan'i Jesoa.

RAINISOALAMBO?Teraka tao Ambalavato Ambatoreny tamin' ny taona 1839Tonga katekista noho ny fahaizany mandaha-teny.Sady n...
12/09/2024

RAINISOALAMBO?
Teraka tao Ambalavato Ambatoreny tamin' ny taona 1839
Tonga katekista noho ny fahaizany mandaha-teny.
Sady nitondra Fiangonana, no nisikidy sy nitsabo olona.
Tratran'ny vay ny tenany manontolo, fa tsy nahasitrana azy ny ody sy sikidy.
Nisehoan'i Jesoa ny 14 Oktobra 1894 mba hanary ny odiny, raha te-ho sitrana.
Nanaiky izany, ka sitrana tamin'ny fomba mahagaga.

Isaorana ny Tompo. Tonga soa izahay. Nandray am-pitiavana i Mama Julienne, vadin'ny Raiamandrenin'ny Toby.
10/09/2024

Isaorana ny Tompo. Tonga soa izahay. Nandray am-pitiavana i Mama Julienne, vadin'ny Raiamandrenin'ny Toby.

Address

Mahabo
Antananarivo
102

Website

Alerts

Be the first to know and let us send you an email when FJKM Ambohimarina Faharetana spaa11 posts news and promotions. Your email address will not be used for any other purpose, and you can unsubscribe at any time.

Shortcuts

Share

Category