28/11/2024
🤗HAPPY THANKSGIVING🎁❤
🙏Miala tsiny fa lavalava fa vakio hatr@ farany ihany anefa satria tena ilaina!
💁Marina fa tsy ao amin'ny Baiboly mivantana ity fety iray ity saingy tiako satria ✅mifandraika tsara amin'ny hafatr'Andriamanitra izay ao amin'ny Baiboly ilay izy.
🔰Ndeha ary isika androany hiresaka momba ny Fisaorana na koa hoe La Gratitude.
☹Maro ny olona no tsy mba tia misaotra izany nohon'ny antony maro samihafa nefa misy herin'Andriamanitra goavana be🔥 miafina ao am-badik'ilay izy ka tena ilaina fantarina izay.
🤔Nahoana no mila misaotra?
1️⃣- Satria voasoratra, feno an'izany ao ao
👉Tsy misy tsy mahalala an'ito Salamo ito angamba isika rehetra.
📖Salamo 103:2
Misaora an'i Jehovah, ry fanahiko; Ary aza misy hadinoinao ny fitahiany rehetra.
📖Fa ankoatran'io mbola misy maro be: 1 Tantara 29.20; Nehemia 9:5; Salamo 66:8; Salamo 68:26; Salamo 96:2; Salamo 100:4; Salamo 103:1; Salamo 103:20-22; Salamo 104:1; Salamo 104:35; Salamo 134:1-2; Salamo 135:19-20; Luc 6:28; Romains 12:14; Colossiens 3:17; 1 Thessaloniens 5:18
‼️Matoa izay haverimberin'Andriamanitra ny zavatra 1 ao anatin'ny Baiboly dia misy dikany lalina be ao izay. Ka noho izany izay tsy manao ihany no very maina eo. ✅Ary izay manao ihany kosa no migoka izay tombon-tsoa avy amin'ilay izy.
2️⃣- Satria endrik'Andriamanitra iray ny fisaorana
👉Ny endrika dia tarehy fa kosa dia toetra, fahefana, fahalalana, rehefa mahakasika ilay olona rehetra dia endrika daholo izay.
🤗"Andao isika hanao olona mitovy endrika amintsika" hoy Yaveh. Tsy hoe mitovy tarehy akory no tiany lazaina fa hoe manana toetra mitovy: be fitiavana ohatra; manana fahefana mitovy: manasitrana ohatra; manana fahalalana mitovy: mahay ny sitrapon'Andriamanitra ohatra satria voalaza hoe fantaro ny zavatra rehetra ka hazony mafy izay tsara.
🥴Ka inona ary no hifandraisany ?
⚡Ny olona mahalala misaotra dia mamoha sy mampiasa ary mampivelatra ilay endrik'Andriamanitra ao aminy.
🙅Ny zavatra mantsy rehefa tsy ampiasana dia miha malemy dia ny farany maty. Toy izany ny ozatra fa indrindra ny finoana. Ary voalazan'ny Baiboly mihitsy izay hoe ny finoana raha vao tsy arahana asa dia maty!
🧐 Ka inona ary ilay endrik'Andriamanitra tiantsika lazaina eto hoe mifandray amin'ny fisaorana?
😌Misy endrik'Andriamanitra izay, nafindra tato anatintsika. Manana tsara an'io daholo isika rehetra raha mbola olombelona koa. Saingy matory ao anatintsika ao na maty mihitsy ilay izy satria tsy ampiasaintsika.
👉Tsy inona izany akory fa ity fahefan'Andriamanitra iray ity:
📖Romana 4:17
Andriamanitra Izay mamelona ny maty sy MIANTSO NY TSY MISY TOY NY MISY.
🥴Ahoana koa no hifandraisan'io fahefana io sy ny fisaorana?
➡️Voalohany aloha: ny tenintsika misy fahefana, toy ny an'Andriamanitra koa ( io izao fahefana na hoe endrik'Andriamanitra mbola hafa koa). Ny tenintsika misy hery mety mitahy, manasitrana na mamotika zavatra, toe-javatra, biby, natiora, meteo, olona manodidina antsika sy ny tenantsika koa. Voasoratra ao koa io herin'ny tenintsika sy ny lelantsika io.
➡️Faharoa: Ny vavaka irery tompoko tsy manova zavatra izany fa ny vavaka arahana finoana no manova zavatra. Izany hoe tsy dia ilay vavaka no nahatonga ilay olana nivaha fa ilay finoana tao vavaka. Ka rehefa manao zavatra izany isika dia mila arahana finoana foana satria NY FINOANA NO MANOVA ZAVATRA. Voalaza tsara ao koa izay hoe ny finoana no mamindra tendrom-bohitra.
➡️Fahatelo: Hatambatsika ireo. Rehefa misaotra isika dia mampiasa ilay fahefan'Andriamanitra hoe miantso ny tsy misy ho toy ny misy satria:
👉Tonga dia misaotra. Ny fisaorana iny no herin'Andriamanitra alefantsika misintona ilay zavatra antsointsika!
💁Ary voalaza tsara ao hoe rehefa mangataka isika dia avy hatrany dia misaotra. Satria izay ilay finoana arahana asa, izay ilay herin'Andriamanitra na Jesosy velona ao antintsika tiany velomintsika sy ampiasaintsika.
📖Filipiana 4:6
Aza manahy na inona na inona; fa aoka ny fivavahana sy ny fifonana mbamin'ny FISAORANA no ho entinareo manambara ny fangatahanareo amin'Andriamanitra amin'ny zavatra rehetra.
🤔Saino kely vetivety tokoa anie ity e:
Raha efa eo ilay zavatra irintsika, tsy misaotra sy faly ve no ataontsika voalohany?
👍Iny fifaliana arahana fisaorana iny no miantso ilay zavatra iriantsika. Iny no mampiseho an'Andriamanitra fa mino sy mahatoky Azy tokoa isika! Dia tsy maintsy omeny ilay Izy avy eo satria hoy Izy izay hoe: ny finoana no efa namonjy anao, no efa nanasitrana anao. Fa io finoana io koa no efa nampisy ny tsy misy!
💪Ilay finoana mahery, ilay fahalalana matanjaka ⚡hoe tena hisy sy ho avy ilay zavatra 😌 no mandeha aloha foana, ilay hoe fantako izay hinoako (2 Timoty 1:12).
💯Dia toy izay mihitsy ilay misaotra.
👨🏫 Misaotra isika dia tonga ilay izy. Tonga ilay izy dia misaotra indray isika dia tonga ny manaraka. Izay no tena fandehan'izy io, izay no lalan'ny tany napetrak'Andriamanitra, izay no lalana napetrany tao .
😊 Dia avelany malalaka isika avy eo hisafidy na hisaotra na tsia. Omeko anareo ny safidy hoy Andriamanitra, ny fiainana sa ny fahafatesana. Misafidiana ny fiainana mba ho velona hoy ihany Izy. Izany hoe marina fa tsy manery Andriamanitra saingy noho ilay lalana tsy maintsy napetraka dia tsy maintsy misy fiantraikany foana ny safidintsika.
👉Rehefa misaotra isika ho an'ny efa eo dia lasa miantso zavatra hafa mitovy amin'iny koa ho an-katy amintsika. Izay no tena tian'ny Baiboly lazaina ao @:
📖Matio 13:12
Fa izay manana no homena, ka hanana be dia be izy; fa izay tsy manana kosa, na izay ananany aza dia hesorina aminy.
💁Ilay fahaizana misaotra no tena tiany lazaina eto. Rehefa omena isika ka mahay misaotra sy mankasitraka dia omeny hatrany. Fa rehefa tsy mahay misaotra sy mankasitraka kosa isika dia mihena ho azy na dia izay kely mba nananantsika aza. Tsy misaotra isika tsinona dia tsy tonga ilay manaraka.
🙃Mety mafimafy ity teny iray ity, 🙏miala tsiny sahady ny tenako raha misy mahatsiaro voadona fa tsy izay velively ilay tanjona. 🎯Ny tena tanjona eto dia ny mampahafantatra antsika ilay TENA ANDRIAMANITRA! 😔 Amin'izao mantsy tsy resahana intsony ny hoe Andriamanitra anie ka mba tezitra koa indraindray e, Izy anie ka afo mandoro koa e, Izy koa anie ka mikapoka e, sns. Nefa rehefa tsy fantatry ny olona tsara ireo dia tsy mety satria fa lasa positivité toxique fotsiny ilay izy. Miala tsiny teny vahiny fa tsy hitako izay handikana azy. Fa tena manimba io, tsy mahasoa rehefa ela ny ela eny! Famonjena no tadiavintsika, fibebahana, fiovana.
🙅Ka tsy mety izany hoe ho any an-danitra isika nefa toetran'Andriamanitra ilany ihany no fantantsika. Raha vao izay mantsy dia isika mihitsy ilay lazain'i Jesosy hoe tsy fantatro akory ianareo hatrizay hatrizay. Izay mahalala Azy ihany mantsy no fantany. Ny ondriko mahalala ny feoko hoy Jesosy izay. Ka tsy feo ihany mila fantarintsika fa Andriamanitra sy Jesosy iray manontolo mihitsy satria manana fikasana ny hiara hiaina amin'izy ireo anie isika ireto e sady mandrakizay mihitsy.
✅✅✅Ka noho izany, mila fantarintsika hoe izay mihitsy Andriamanitra izay. Rehefa misaotra isika dia omeny. Rehefa tsy mahalala misaotra dia hanalany. Ary efa hatrany Masina (testamenta taloha) Andriamanitra no nampahafantatra ny olombelona rehetra izay toetrany izay, rehefa miteny ireny Izy hoe raha manaraka ireto didy ireto ianareo dia izao sy izao no soa azonareo. Fa raha tsy manaraka kosa ianareo dia ireto avy ny ozona hihatra aminareo.
👉Ary tsy mbola miova io toetrany io hatramin'izao satria Izy ilay tsy miova omaly sy anio ary mandrakizay.
📖Romana 1:28
Ary araka ny nanaovany ny fahalalana marina an'Andriamanitra ho tsy miendrika hotanany, dia araka izany kosa no nanoloran'Andriamanitra azy ho amin'ny fisainana tsy mahamendrika hanao izay zavatra tsy tokony hatao,
🧐Jerentsika tsara io Romana io fa Andriamanitra mihitsy no manolotra ilay olona hanao zavatra tsy mety eto.
🙄Fa dia nahoana kosa hoy izao isika e?
👉Ka satria hoy Andriamanitra hoe tsy nataony mendrika ilay zavatra notolorana azy, izany hoe tsy mahalala mankasitraka ilay olona, notsinatsiniaviny fotsiny ilay zavatra nomen'Andriamanitra azy, tsy nohajaina, tsy nahalala misaotra ilay olona dia tezitra kosa Andriamanitra.
😳✅💯ILAINA BE MIHITSY IZANY ILAY MISAOTRA raha te hahita sitraka eo anatrehan'Andriamanitra isika, raha te ho tahiany tsy tapaka, raha te hitombo, raha te ho sitrana, sns.
💁N'inona n'inona izany miseho eo dia isaoro foana Andriamanitra fa tsy tiany mihitsy isika tsy mahalala misaotra sy mankasitraka Azy io an😊!
👉Ary efa niteny mihitsy Izy ao hoe misaora rehetra.
🤕Ahoana koa izany, hisaotra koa izany na dia amin'ny zavatra ratsy miseho izao aza?
😌Tsotra be ny valiny: satria hevitra hitondra soa io. Ny zavatra rehetra dia miara miasa hahasoa hoy ny Baiboly izay.
🤷Isika olombelona matetika tsy mahatakatra loatra hoe ao ambadik'io olana mianjady amintsika io anie ka misy fitahiana be miafina foana e! Fa isika variana amin'ilay olana dia jamba tsy mahita ilay opportunité be ao ambadika omen'Andriamanitra. Be dia be izao ny olona any an-dafy miaina sy mahita an'izany tsara ary miteny mihitsy fa io olana io no hisandratana aingana sy alavitra raha oharina amin'ny ankabeazan'ny olona .
🤗Ka rehefa mahay misaotra olana io isika dia misaotra hevitra hitondra soa nomen'Andriamanitra izay isika ny dikany. Dia faly Andriamanitra satria sady olona tsy saro-tiavina isika no olona manaiky ho volavolainy. Dia tanterahiny amin'izay ilay hoe raha mankatoa dia tahiany.
😵Be dia be mantsy isika no very hoe nahoana aho no manompo an'Andriamanitra nefa tsy tahiana.
💁♀️Io izao anisan'ny valiny. Mila miova mihitsy aloha ny fijery SY fandraisantsika ireny olana alefan'Andriamanitra amintsika ireny dia mila mianatra MISAOTRA isika!
➡️Andramo, andramo dia samia isika mahita ny vokany hoe mahasoa tokoa ve sa tsia. 🙅Fa aza atao in-1 sy in-2 fa ✅ataovy im-10 mihitsy dia izy hitantsika tsara ny tena marina izy sady izy io mila faharetana kely. Fa kosa, tsy misy hanenenana mihitsy.
🔰Farany sady fototra: 😳Inona marina no atao hoe FISAORANA?
💁Ny atao hoe fisaorana tsy mijanona misaotra tompoko, mankasitraka tompoko. Anisany ireny fa saingy tsy ampy.
😌✅Ny tena fisaorana feno sy ankasitrahan'Andriamanitra dia miaraka , fanahy, saina dia izay vao ny teny sy ny fihetsika. Faly aloha ny fo satria nandray. Rehefa faly ny fo dia maivana sy ravoravo ny fanahy. Ny fanahy no mibaiko ny saina. Ny saina no mampiteny ny vava sy mampihetsika ny vatana. Izay no mahatonga ny Baiboly milaza hoe ny haben'ny ao am-po no hitenenan'ny vava (Matio 12:34).
👉Ary voamarina tsara io teny ao@Baiboly ity:
📖Marka 7:6
Fa Jesosy nanao taminy hoe: Marina ny naminanian'Isaia anareo mpihatsaravelatsihy, araka ny voasoratra hoe: Ity firenena ity manaja Ahy amin'ny molony, Fa ny fony kosa lavitra Ahy.
🙅Izany hoe tsy tian'Andriamanitra izany ilay eo fotsiny no misaotra Azy nefa ny ao am-po tsy dia otran'izay loatra. 😊Mila miaraka izy rehetra: fo, fanahy, saina, molotra, vatana. Izay tompoko no FISAORANA TENA IZY, FENO SADY ANKASITRAHAN'ANDRIAMANITRA!
👍Rehefa miantso zavatra tsy misy ka tiantsika ho tonga ao izany isika dia aza adino ny FISAORANA. Ataovy loha laharana, ataovy matetika mba tsy ho maty na matory ilay fahefana nomeny antsika, ataovy amin'ny finoana, ataovy amin'ny fo, fanahy, saina, molotra ary vatana. Ataovy toy ny efa eo ilay zavatra antsoina fa misaotra sisa no atao.
😍Androany ThanksGiving🎁✨.
🤗Koa manainga antsika rehetra ny tenako 🙏💯hisaotra an'Andriamanitra satria izay no mba endrasiny amintsika, izay no hahitana sitraka eo imasony, izay no mitondra soa ho antsika, izay ilay Jesosy ao anatintsika mila fohazina amin'izay fa ampy izay ilay torimaso anaty sambo.
🙃Ankehitriny, misamboaravara ny ranomasina, ho avy ny grève, mikotrokorana, miakatra ny vidim-piainana.
☺ Aza mitady vaha olana ivelany izany: séminaire e, pasteur tonga avy any ivelany e, hosotra e, sns fa efa ao anatintsika ao anie ilay vahaolana e, ao ilay fanjakan'ny lanitra ao satria efa io ao anaty sambotsika io anie Jesosy e! Toy ny sarin-teny fotsiny iny fa ny hafatra tena tian'i Jesosy ampitaina tamintsika tamin'iny Izy tanaty sambo iny dia hoe: ao anatintsika ao Izy Jesosy, tsy any ivelany fa velona tsara ao mihitsy saingy matory fotsiny ka mila fohazina !
🤔Saino kely indray anie ity lojika ity e: raha ao Jesosy, nahoana no mitady hery hafa any ivelany? Raha iray amin'i Jesosy, nahoana no tsy tonga dia miara mihetsika Aminy avy hatrany fa mila hosotra ohatra? Tsy any ivelany no ampidirina ao anaty fa ilay ao anaty no mila fohazintsika mitobaka mankaty ivelany! Raha vao tsy izay dia fanahy tsy azoko antoka tanteraka no mety tafiditra ao amintsika.
🙄Jesosy ve hoy ianareo dia tena tsy naheno ny korontana manodidina niseho tamin'ireny?! 🙅Izaho manokana aloha dia tena tsy mino an'izany fa naheno tsara mihitsy Izy saingy nomeny ny mpianany mihitsy ny safidy ny hamoha Azy na tsia.
🙏Averiko ihany ity satria very ny oloko nohon'ny tsy fisian'ny fahalalana hoy Andramanitra izay ao , manambitamby aho eto satria malahelo mahita ny zava-miseho: aza mitady ivelany izany fa tsy lojika izany satria efa ao anatintsika ao ilay vahaolana fa juste mila fohazina fotsiny Izy. Fohazy Jesosy, fohazy ilay fahefana velona ao anatintsika ao , fohazy dia tonga dia ampiasao ilay miantso ny tsy misy ho toy ny misy! Fohazy dia ampiasao ilay fisaorana!
🥳Izay fa Happy ThanksGiving daholo isika dia samy ho tahian'Andriamanitra hitombo ka ho tanteraka amintsika tsirairay ilay hoe:
📖Jaona 14:12
Lazaiko aminareo marina dia marina tokoa: Izay mino Ahy, ny asa ataoko no hataony koa; ary HANAO ASA LEHIBE NOHO IZANY AZA IZY, satria Izaho mankany amin'ny Ray.
✨Lehibe ny fanjakana ao anatinao
👑Lehibe Jesosy anatinao
⚡Lehibe izany ianao io
😘 Ataovy lehibe koa izany ny fisaorana Azy e 🙏🎁!
🥺 Dia tandremo tsara ny fanahintsika fa malahelo Andriamanitra, 🔒ataovy maha saropiaro mafy antsika mihitsy io satria 🤧 efa manao ny hafetsena avo lenta rehetra izao ny devoly.
