FJKM Rasalama Maritiora Ambohipotsy

12/01/2020

16 FEBROARY 2020 : FETIN'NY TARANAKA AMBOHIPOTSY

26/03/2018

"Tsy maintsy misaotra an'Andriamanitra mandrakariva izahay noho ny aminareo. ry rahalahy, fa mahamendrika isany, satria mitombo fatratra ny finoanareo, ary be ny fifankatiavanareo rehetra," 2 Tes.1:3

"We ought always to thank God for you, brothers and sisters,[a] and rightly so, because your faith is growing more and more, and the love all of you have for one another is increasing." 2 Thes.1:3

Manana tanjona roa mazava ny nanokafana izao takelaka Facebook izao dia ho « fampandrosoana ny asan’Andriamanitra » sy "hifampizaràna vaovao" mba haharaka tsara ny Taranaky ny Fiangonana rehetra eto amin’ny FJKM Rasalama Maritiora Ambohipotsy.

Manarak'izany dia heverin’ny Fiangonana fa « voatokana ho amin’ny filazantsaran’Andriamanitra » Rom. 1 :1b, ity pejy ofisialin’ny Fiangonana ity. Ary manana Iraka Vavolombelona ihany koa hamelona finoana sy hanefy toetra sahy mijoro miaro ny finoana an'i Jesoa Kristy satria dia ambaran'Izy Tompo fa : "Ny mason'i Jehovah mijery izao rehetra izao, ..." Ohab. 15:3.

Izao pejy izao no varavarana misokatra hihaonan’ny Fiangonana ka hizarany ireo karazana fanomezam-pahasoavana ananany sy teny fampaherezana ary momba ny fifampitarihan-dàlana. Misy zava-kendrena telo ny asa serasera sy fiaraha-mientana amin'izany dia
1. Hanasa sy hiantso ny olona ho amin’i Jesoa ;

2. Hahamira zotra amin’ny asan’ny Tompo ny asan’ny Fiangonana ;

3. Hanatsara ny fifampitondrana kristiana amin’ny alalan’ny fifampandrosoana ;

25/03/2018

Fanendrena Mpitandrina raikitra eto amin’ny FJKM Ambohipotsy Rasalama Maritiora dia mitohy ny vavaka ao anatin’ny fanompoam-pivavahana isaky ny alahady ho amin’izany ary entanina koa ny isan-tokantrano hanao izany.

16/02/2017

02/09/2016

VATSIM-PANAHY ATOLOTRA IREO MPIANATRA MIATRIKA NY TAOM-PIANARANA 2016-2017

"Aoka tsy hiala amin'ny vavanao ity bokin'ny lalàna ity, fa saintsaino andro aman'alina, hitandremanao hanao araka izay rehetra voasoratra eo; ary amin'izany dia hahalavorary ny lalanao ianao sady hambinina." Josoa 1:8

25/06/2016

FAMPATSIAHIVANA FANDAHARAM-POTOANA JOLAY 2016

25/06/2016

DIDIO HIPOITRA FAOBE (DHF)

Natao androany faha 25 jona 2016 tamin'ny 6 ora maraina, ny DHF nokarakarain'ny SLK Ambohipotsy, izay notarihan'ny Mpitandrina Razafindrakoto Hasinarivo.

Vakiteny : Kolosianina 2
9Ao aminy anefa no itoeran'ny hafenoan'ny fomban'Andriamanitra an-davany sy an-tsakany; 10ao aminy no anananareo ny zavatra rehetra, fa izy no lohan'izay rehetra mety ho fanapahana sy fahefana; 11tao aminy no namoràna anareo tamin'ny famoràna tsy nataon-tànana, izay manala ny tena nofo, dia tamin'ny famoran'i Kristy;

Isa voaray nisoratra anarana : 28

Ny Fiangonana dia manantitra ny firarian-tsoa ho an'ireo sombin'ny aina nahavita soamantsara ny fandidiana sy misaotra indrindra ireo mpitsabo noho ny fiaraha-miasa nasehony ary mampahery hatrany ny lehilahy mahery rehetra eo anivon'ny SLK.

Ho amin'ny herintaona manaraka indray;

Voninahitra ho an'Andriamanitra irery.

20/05/2016

AZA HADINOINA RY HAVANA NY FIHAONAMBEN'NY FARITRA AMBOHIPOTSY RAHAMPITSO ASABOTSY 21 MEY 2016 MARAINA ETSY AMIN'NY FJKM ANKADIAIVO. AMPITAPITAO !

19/05/2016

Miarahaba antsika ry havana.

Indro ny rohy ahitàna ny rakitsary tamin'ny famaranam-bokatry ny SAFIF ny volana avrily teo.

Mijere finaritra ary mahazoa aimpanahy

https://youtu.be/Hos7xwSb6_c

Famaranam-bokatra Alahady 24 avrily 2016

11/05/2016

Mofon'aina
MIASA AMIN’NY FANAHINY NY TOMPO

Alarobia 11 Mey 2016

ASAN’NY APOSTOLY 2:1-13

Ireo fihetsiky ny olona manoloana ny asan’ny Fanahin’ny Tompo

Andro sisa no isaina dia hankalaza tsy ho ela ny Alahady Pentekosta isika, ahatsiarovana ny nilatsahan’ny Fanahy Masina tamin’ireo mpino voalohany. Fa manao ahoana kosa no fihetsiky ny olona manoloana ireo izay manana ny Fanahin’ny Tompo ? Mizara roa mazava tsara izireo, ao aloha :

1-Ireo izay gaga manoloana ny asan’ny Fanahin’ny Tompo(And 1-12)

Dia talanjona sady gaga izy rehetra”(and 7 a).

Rehefa samy feno ny Fanahy Masina tokoa ny mpianatra dia , nahavariana fa raha tokony ho volana na taona maro aza ny olona iray vao mahay teny vahiny, ireto mpianatra , izay Galiliana, izany hoe : olona tsy dia nahita fianarana no betsaka , dia nanjary nahay tenimpirenena marobe vetivety teo :“Partiana, Egypta,Roma, sns.” ( and 9-10).Marihina tsara fa tenimpirenena mazava sy fantatra no nolazain’ny mpianatra teto, fa tsy fiteny tsy fantatra , tsy misy mpahay akory, araka izay fiheverana. Rehefa iasan’ny Fanahin’ny Tompo tokoa isika Kristiana dia mahavita zavatra marobe, izay mahavariana ny hafa, fa ny zava-dehibe amintsika, tsy izy ireo gaga fotsiny fa ny mba hanatonany ny Tompo . Fa raha misy ny olona gaga , rehefa miasa amin’ny olona ny Fanahy Masina dia ao kosa :

2- Ireo izay mihomehy manoloana ny asan’ny Fanahin’ny Tompo(And 13) :

“Fa ny sasany nihomehy” (And 13 a)

Rehefa tsy hain’ny sain’ny olona hazavaina ny asan’ny Fanahy Masina, dia na gaga izy na tezitra. Ary moa tsy izany moa no hitantsika tamin’ireny Ambalavelona mirongatra be teto Madagasikara ireny ? Rehefa noresahina ny olona sasany fa asan’ny devoly io ka tokony ho roahina amin’ny Anaran’i Jesoa dia ao ny nanaiky, fa tsy vitsy koa no nihomehy ka nilaza fa dondrona ny Kristiana, fa tsy devoly izany io siantifika , saingy indrisy fa nijanona hatreo ny fanehoan-kevitra fa tsy nisy vaha-olana mazava. Koa raha ihomehezan’ny olona ianao rehefa mitory teny na mananatra, na mandroaka devoly, dia aza taitra , fa mpitranga ihany izany, fa ny zava-dehibe dia ny fatokianao ny Tompo sy ny asany.

Fanontaniana :

Ahoana kosa ny fihetsikao manoloana ny fanomezam-pahasoavana samihafa hitanao amin’ny mpino manodidina anao ?

P. Ndrianja