20/04/2026
Ny teny farany nataon'i Steve Jobs, ilay mpanefoefo izay namorona ny APPLE, matin'ny homamiadana teo amin'ny faha-56 taonany:
“ Tonga tamin'ny faratampon’ny fahombiazana teo amin’ny tontolon’ny fandraharahana aho, eo imason’ny hafa dia lafatra sy tanteraka ny fiainako.
Na izany aza, ankoatra ny asa, dia tsy nanana fifaliana firy aho.
Etsy andaniny, ny harena dia zavatra efa nahazatra ahy.
Amin'izao fotoana izao, mandry eto amin'ny farafaran'ny hôpitaly aho, ary mahatsiaro ny fiainako manontolo, dia tsapako fa ny fankasitrahana, ny voninahitra sy ny harena rehetra izay nireharehako fatratra, dia nihantona sy nanjary tsinontsinona eo anoloan'ny fahafatesana.
Azonao atao ny manakarama olona hitondra ny fiaranao na hitady vola ho anao, fa tsy afaka manakarama olona hitondra ny aretinao sy ho faty ho anao ianao.
Mety ho hita ny zavatra ara-nofo raha very. Saingy misy zavatra iray tsy ho hita na oviana na oviana rehefa very : Ny fiainana.
Na inona na inona dingana misy antsika amin'izao fotoana izao, dia hiatrika ny fotoana izay tsy maintsy hikatonan'ny varavarana isika.
Tiavo ny ankohonanao, ny vadinao, ny zanakao ary ny namanao...Hajao tsara izy ireo. Ankafizo ny fiarahana aminy ary araraoty ny fananana azy.
Rehefa mihalehibe isika, ary miha-hendry, dia mahatsapa tsikelikely fa ny fananana famantaranandro mitentina $300 na $30 dia tsy midika inona fa samy manome fotoana mitovy. Na manana poketra na kitapom-bola mitentina $300 na $30 ianao dia mitovy ihany ny vola ao anatiny. Na mitondra fiara lafo vidy 150 000 dolara na 3 000 dolara isika dia mitovy foana ny lalana sy ny halavirana, ary samy tonga amin'ny toerana iray ihany.
Na misotro divay iray tavoahangy mitentina 1000 dolara na divay iray tavoahangy mitentina 20 dolara isika dia mitovy hatrany ny hamamoana sy ny vokany.
Na 100 na 1000 metatra toradroa ny trano ipetrahanao dia mitovy ihany ny manirery (être seul).
Ho tsapanao fa tsy avy amin’ny zavatra ara-nofo eto amin’ity tontolo ity ny tena fahasambarana ao anatinao.
Na mandeha sidina kilasy voalohany ianao na kilasy mitsitsy, rehefa simba ny fiaramanidina dia mianjera miaraka aminy...
Noho izany, manantena aho fa ho tonga saina ianao. Rehefa manana namana, rahalahy sy anabavy, miara-miresaka, miara-mihomehy, miara-mihira, miresaka momba ny avaratra-atsinanana-atsimo-andrefana na ny lanitra sy ny tany ianao,... Dia tsarovy fa izany no tena fahasambarana!!
Zava-misy tsy azo lavina eo amin'ny fiainana:
Aza ampianarina na beazina hanan-karena ny zanakao
Ampianaro sy beazo izy ireo mba hanana fahasambarana.
Rehefa lehibe izy dia ho fantany ny lanjan’ny zavatra, fa tsy ny vidiny ".
🌿ANATRA HO ANAO🌿
Tia anao Jesosy ❤️🙏
