Miha Jesoa isan'andro

07/06/2026

FILAZANA

Marina fa hoe Ny Miha Jesoa isan'andro dia fanahafana an'i Kristy isan'andro miaraka amin'ny Click To Pray - Madagasikara😍 fa ilaina ihany koa ny mamantatra an'i Kristy sy ny Egliziny.... ➡
https://www.facebook.com/share/1CVtHoZA6C/

Mety tsy ahita ranty matetika eto ianareo ao anatin'ny fotoana tsy voafaritra nefa asaina hatrany hiaina ny efa nifampizarana, handray an'i Jesoa sy hizara AZY amin'ny namana (MANDRAY, MIVELONA, MIZARA) ... manasa antsika foana hanaraka ny pejy sy vondrona katolika maro be izay manaraka ny fitsipika mifehy ny fifampizarana antambazotran_tserasera ... efa nifampizarana tamintsika matetika.
🙂... Mirary soa dia mitomboa fahamasinana, mitomboa fitiavana an'Andriamanitra TRINITE MASINA TSY AZO SARAHINA.

Miha Jesoa isan'andro ✍🏻
Sapile

07/06/2026

Marina fa hoe Ny Miha Jesoa isan'andro dia fanahafana an'i Kristy isan'andro miaraka amin'ny Click To Pray - Madagasikara 😍 fa ilaina ihany koa ny mamantatra an'i Kristy sy ny Egliziny.... ➡
https://www.facebook.com/share/1CVtHoZA6C/

Mety tsy ahita ranty matetika eto ianareo ao anatin'ny fotoana tsy voafaritra nefa asaina hatrany hiaina ny efa nifampizarana, handray an'i Jesoa sy hizara AZY amin'ny namana (MANDRAY, MIVELONA, MIZARA) ... manasa antsika foana hanaraka ny pejy sy vondrona katolika maro be izay manaraka ny fitsipika mifehy ny fifampizarana antambazotran_tserasera ... efa nifampizarana tamintsika matetika.
🙂... Mirary soa dia mitomboa fahamasinana, mitomboa fitiavana an'Andriamanitra TRINITE MASINA TSY AZO SARAHINA.

Miha Jesoa isan'andro
Sapile

Hiverina ny video fampianarana fa efa nivaha ny olana aram-pitaovana.
Misaotra ireo rahalaihiko roa miara mitanana ny pejy.
Misaotra ireo Admin pejy sy groupes nanampy ara-torohevitra sy fanatsarana ary vavaka.

Isaorana manokana ny rahalahiko Tiantsoa Ranavaloson mpitondra ny pejy Sapile
nanohana tamin'ny fomba rehetra afahana manafaingana ny fiverenan'ny fampianarana.

Manasa anareo ary hanaraka ny fampianarana vokarin'ireny pejy Masina Katolika ireny sy hitondra ambavaka ny ezaka kely ataonay.

Asaina koa ianareo hizara izay hitanareo fa mahasoa.

Ampio izahay hiara-hamonjy fanahy isika.

Pejy Avy amin'ny finoana ho amin'ny finoana.

Ho an'i Kristy sy ny Egliziny🇻🇦

07/06/2026

😍
Zanaky Neny Maria

25/05/2026

𝗠𝗜𝗛𝗔 𝗝𝗘𝗦𝗢𝗔 𝗔𝗠𝗜𝗡'𝗡𝗬 𝗛𝗔𝗥𝗜𝗩𝗔 🥰

Rehefa hariva ny andro dia tsara ho antsika Kristianina ny miato Kely aloha... mangina kely eo anatrehan’Andriamanitra mba andinika ny fiainantsika sy ny fifandraisantsika Aminy :

•Mba niaraka tamin’i Jesoa ve aho androany ? •Nivavaka sy nahatsiaro Azy ve aho teo anivon’ny asa sy ny adidy nataoko ?
•Nisy tenin’Andriamanitra novakiako na nohenoiko ve, ary mba niezaka niaina izany tamin’ny fitondran-tenako sy ny fifandraisako tamin’ny olona ve aho ?
•Naneho fitiavana, fahalemem-panahy, famelan-keloka ary faharetana tamin’ny hafa ve aho ?
•Ary rehefa sendra fakam-panahy na fahalemena, mba niezaka niady sy niverina tamin’Andriamanitra ve ?

Ny fandinihana toy izany isan’andro dia manampy antsika hiha-manakaiky kokoa an’i Jesoa sy hitombo amin’ny fiainam-panahy ary amin’ny maha-Kristianina marina antsika.

𝗔𝗻𝗱𝗮𝗼 𝗵𝗶𝗼𝗺𝗯𝗼𝗻𝗮 𝗵𝗮𝘁𝗿𝗮𝗻𝘆 𝗮𝗺𝗶𝗻'𝗶𝗿𝗲𝗼 𝗳𝗼𝘁𝗼𝗮𝗻𝗮 𝗼𝗺𝗲𝗻'𝗻𝘆 𝗰𝗹𝗶𝗰𝗸 𝘁𝗼 𝗽𝗿𝗮𝘆 𝗠𝗔𝗗𝗔𝗚𝗔𝗦𝗜𝗞𝗔𝗥𝗔 Click To Pray - Madagasikara izay singa iray ao anatin'ny TPPM (Tambazotram-pivavahan'ny Papa maneran-tany)

©️ Mihajesoaisanandro ✍️

25/05/2026

>

25/05/2026

25 𝗠𝗔𝗜| 𝗠𝗔𝗦𝗜𝗡𝗔 𝗠𝗔𝗥𝗜𝗔 𝗥𝗘𝗡𝗜𝗡'𝗡𝗬 𝗘𝗚𝗟𝗜𝗭𝗬
"Mater Ecclesiae"

Ny fankalazana an’i Masina Maria Renin’ny EGLIZY dia mampahatsiahy fa i Maria dia tsy renin’i Jesoa ihany, fa nomen’i Kristy ho renin’ny mpino rehetra ihany koa teo am-pototry ny Hazofijaliana. Ao amin’ny Evanjely nosoratan'i Md Joany no ahitana ny fototra lehibe ara-teôlôjia: « Ravehivavy, indro ny zanakao… Indro ny reninao » (Jo 19, 26-27). Hatramin’ny andron’ny Raiamandrenin’ny Eglizy dia nohazavaina fa tamin’izany fotoana izany dia natolotr’i Kristy tamin’i Maria ny Fiangonana manontolo, asehon’i Md Joany mpianatra malala. Noho izany, i Maria dia tonga >, izany hoe Renin’ny Fiangonana.

Ny teôlôjia katôlika dia mampianatra fa tsy misolo toerana an’i Kristy i Maria, fa mitondra mandrakariva ny olona ho eo amin’i Kristy. Raha i Kristy no Loha, ny Fiangonana kosa no Vatany; ary satria i Maria no renin’i Kristy araka ny nofo, dia nantsoin’ny Eglizy koa izy hoe renin’ireo mpikambana ao amin’ny Vatany ara-panahy. Izany no antony ilazan’ny Konsily Vatikanina II ao amin’ny Lumen Gentium fa i Maria dia « reny amin’ny filaharan’ny fahasoavana » ho an’ny vahoakan’Andriamanitra.

Ara-tantara, efa nisy hatramin’ny taonjato voalohany ny fanajana manokana an’i Maria tao amin’ny Eglizy. Nandritra ny Konsily tao Efezy tamin’ny taona 431 dia nambaran’ny Eglizy tamin’ny fomba ofisialy fa i Maria dia Theotokos ("Renin’Andriamanitra"), ho fiarovana ny maha-Andriamanitra marina an’i Jesoa Kristy. Io fampianarana io no lasa iray amin’ireo fototra nanamafy tsikelikely ny fiantsoana azy hoe Renin’ny Fiangonana.

Tamin’ny 21 Novambra 1964, nandritra ny Konsily Vatikanina II, dia nanambara ampahibemaso ny Papa Paul VI: "Maria no Renin’ny Fiangonana, izany hoe renin’ny vahoaka kristianina manontolo." Io no fotoana lehibe indrindra nanamafisan’ny Magistera (magistère) katôlika amin’ny fomba mazava io anaram-boninahitra io.

Tatỳ aoriana, tamin’ny taona 2018, ny Papa François dia nampiditra tamin’ny kalandrie litôrgika maneran-tany ny fahatsiarovana ofisialy an’i "'Masina Maria Renin’ny Fiangonana", atao isaky ny Alatsinainy aorian’ny Pantekôty. Ny antony dia satria taorian’ny nidinan’ny Fanahy Masina tamin’ny Apôstôly dia hita teo afovoan’ny Fiangonana vao teraka i Maria, nivavaka niaraka tamin’izy ireo (Asa 1,14). Koa araka ny hevitra teôlôjika katôlika, ny Pantekôty no fotoana isehoan’ny Fiangonana ampahibemaso, ary eo i Maria toy ny reny manangona sy mivavaka miaraka amin’ny zanany.

Noho izany, ity fety ity dia tsy fiderana na fankalazana tsotra an’i Maria fotsiny, fa fanasana ny kristianina hahatakatra fa ny Fiangonana dia fianakaviana ara-panahy, ary i Maria dia modely lavorary amin’ny finoana, fankatoavana ary firaiketam-po amin’i Kristy. Rehefa antsoina hoe "Renin’ny Fiangonana" izy, dia ampahatsiahivina koa fa ny Fiangonana rehetra dia tokony hanahaka ny fitiavany, ny fanetren-tenany ary ny fahatokisany an’Andriamanitra.

Loharano
[Lumen Gentium chapitre VIII]
[Décret officiel du Vatican sur Marie Mère de l’Église (2018)]
[Catholic Culture – Mary Mother of the Church]
[Vatican News – Mémoire liturgique de Marie Mère de l’Église]

©️ Mihajesoaisanandro ✍️
Miha Jesoa isan'andro

25/05/2026

𝗔𝗠𝗜𝗡'𝗡𝗬 𝗟𝗔𝗠𝗘𝗦𝗔 𝗥𝗘𝗛𝗘𝗧𝗥𝗔, 𝗔𝗢 𝗜 𝗝𝗘𝗦𝗢𝗔 𝗡𝗢 𝗠𝗔𝗡𝗢𝗟𝗢𝗧𝗥𝗔 𝗜𝗡𝗗𝗥𝗔𝗬 𝗡𝗬 𝗙𝗜𝗧𝗜𝗔𝗩𝗔𝗡𝗬

Amin'ny 𝗟𝗮𝗺𝗲𝘀𝗮 rehetra, i Jesoa dia manavao ny fitiavany antsika ary tia antsika indray tahaka ny nataony teo amin'ny hazofijaliana. Ny sorona nataon'i Kristy dia niseho (indray mandeha monja) teo amin'ny Kalvery, fa ao amin'ny Eokaristia, io sorona io ihany no atolotra amin'ny alalan'ny sakramenta mba hamelomana sy hamonjena fanahy maro.

Ny Lamesa tsirairay dia mihoatra lavitra noho ny fivoriana na fombafomba ara-pivavahana. Io no fotoana

25/05/2026

𝗩𝗔𝗩𝗔𝗞𝗔 𝗔𝗟𝗔𝗧𝗦𝗜𝗡𝗔𝗜𝗡𝗬 𝗠𝗔𝗥𝗔𝗜𝗡𝗔🌤️🕊️

Ry Fanahy Masin’Andriamanitra,
eto am-piandohan’ity andro ity dia miantso Anao aho.Avia fenoy hazavana ny foko,
hazavao ny saiko, tariho ny teniko,
ary manamasìna ny asa rehetra ataoko anio.

Ry Fanahy Fahendrena,
ampio aho hisafidy ny tsara sy hiala amin’ny ratsy.
Ry Fanahy Mpanazava,
sokafy ny masoko hahafantarako ny sitrapon’Andriamanitra.
Ry Fanahy mpanome hery,
omeo hery aho hitondra ny zava-tsarotra
sy handroso am-pitokiana hatrany.

Ry Fanahy Mpampionona,
ampitonio ny tahotro, ampionòny ny alaheloko,
ary ampanjakao ao anatiko ny fiadanan’i Kristy.
Fenoy fitiavana aho,
mba ho afaka hitia tahaka an’i Jesoa,
hamela heloka tahaka an’i Jesoa,
ary hanompo tahaka an’i Jesoa.

Ry Fanahy Masina, avia!
Manjaka ato am-poko anio sy mandrakizay.

TPPM👉: https://www.facebook.com/share/v/14g1kVf4GRm/

- 𝗙𝗮𝗻𝗮𝗵𝘆 𝗠𝗮𝘀𝗶𝗻𝗮, hazavao ny sainay.
- 𝗙𝗮𝗻𝗮𝗵𝘆 𝗠𝗮𝘀𝗶𝗻𝗮, herezo izahay.
- 𝗙𝗮𝗻𝗮𝗵𝘆 𝗠𝗮𝘀𝗶𝗻𝗮, hamasino izahay.

🙏 𝗔𝗺𝗲𝗻 🙏

©𝘔𝘪𝘩𝘢𝘑𝘦𝘴𝘰𝘢𝘐𝘴𝘢𝘯𝘢𝘯𝘥𝘳𝘰