Faritra Faha-4-Fjkm Ambohimamory Malala Orimbato

Faritra Faha-4-Fjkm Ambohimamory Malala Orimbato Contact information, map and directions, contact form, opening hours, services, ratings, photos, videos and announcements from Faritra Faha-4-Fjkm Ambohimamory Malala Orimbato, Religious organisation, FJKM Ambohimamory Malala Orimbato-Faritra faha 4, Ambohimamory.

Mofonaina Alakamisy 27 Août 2026Mahatoky amin'ny asany ny mpinoEksodosy 31 : 1 - 11 nanendrena an'i Bezalila sy Oholiab...
26/08/2026

Mofonaina Alakamisy 27 Août 2026

Mahatoky amin'ny asany ny mpino

Eksodosy 31 : 1 - 11

nanendrena an'i Bezalila sy Oholiaba ho lohan'ny mpiasa #

"Ary Jehovah niteny tamin'i Mosesy ka nanao hoe: Indro, efa notononiko anarana Bezalila, zanak'i Ory, zanak'i Hora, avy amin'ny firenen'i Joda; ary efa nofenoiko fanahin'Andriamanitra izy, dia fahendrena sy fahiratan-tsaina sy fahalalana ny amin'ny tao-zavatra samy hafa: dia ny hihevitra hanao asa kanto, ny hiasa volamena sy volafotsy ary varahina sy ny hamboatra vato halatsaka an-tranontranony ary ny handrafitra hazo, mba hanaovany ny tao-zavatra samy hafa. Ary, indro, Izaho efa nanome an'i Oholiaba, zanak'i Ahisamaka, avy amin'ny firenen'i Dana, ho namany; ary ny fon'izay hendry rehetra dia efa nasiako fahendrena, mba hanaovany izay rehetra efa nandidiako anao: dia ny trano-lay fihaonana sy ny fiara hasiana ny Vavolombelona sy ny rakotra fanaovam-panavotana, izay eo amboniny, sy ny fanaka rehetra momba ny trano-lay. sy ny latabatra mbamin'ny fanaka momba azy, sy ny fanaovan-jiro tsara mbamin'ny fanaka rehetra momba azy, sy ny alitara fandoroana ditin-kazo manitra sy ny alitara fandoroana ny fanatitra odorana mbamin'ny fanaka rehetra momba azy, ary ny tavy, sy ny faladiany. ary ny fitafiana makarakara sy ny fitafiana masina ho an'i Arona mpisorona sy ny fitafian'ny zanany ho entiny misorona, ary ny diloilo fanosorana sy ny ditin-kazo manitra ho ao amin'ny fitoerana masina: araka izay rehetra nandidiako anao no aoka hataon'ireo."

🌤️𝓜𝓸𝓯𝓸𝓷a𝓲𝓷𝓪 𝓪𝓷𝓲𝓸 Alarobia 26 aogositra 2026 AMIN'NY ASANY NY MPINOIII Jaona 1 : 1 - 8"Izaho loholona* mamangy an'i Gai...
26/08/2026

🌤️𝓜𝓸𝓯𝓸𝓷a𝓲𝓷𝓪 𝓪𝓷𝓲𝓸 Alarobia 26 aogositra 2026

AMIN'NY ASANY NY MPINO

III Jaona 1 : 1 - 8

"Izaho loholona* mamangy an'i Gaio, ilay malala, izay tiako amin'ny fahamarinana. [* Grika: Ny presbytera] Ry malala, mangataka aho mba hambinina sy ho salama amin'ny zavatra rehetra anie ianao, tahaka izay anambinana ny fanahinao ihany. Fa faly indrindra aho, fony nisy rahalahy tonga ka nanambara ny fahamarinanao, dia toy ny andehananao araka ny fahamarinana. Tsy manana fifaliana mihoatra noho izao aho, dia ny andrenesako fa mandeha araka ny fahamarinana ny zanako. Ry malala, manao asa mahatoky ianao na amin'inona na amin'inona ataonao amin'ireo rahalahy ireo, na dia vahiny aza izy, izay nanambara ny fitiavanao teo anatrehan'ny fiangonana*; dia ho soa no ataonao, raha mamoaka azy koa araka izay miendrika hatao noho ny amin'Andriamanitra ianao; [* Grika: eklesia] fa noho ny Anarana no niaingany, ka tsy naka na inona na inona tamin'ny jentilisa izy. Koa isika dia tokony handray tsara izay toy izany, mba ho mpiara-miasa aminy amin'ny fahamarinana."

Mofonaina anio Talata 25 Aogositra 2026Nehemia 7. 1-3Mahatoky amin'ny asany ny mpino"Ary nony vita ny manda, ka voalatsa...
25/08/2026

Mofonaina anio Talata 25 Aogositra 2026

Nehemia 7. 1-3

Mahatoky amin'ny asany ny mpino

"Ary nony vita ny manda, ka voalatsako ny lela-vavahady, sady voatendry ny mpiandry varavarana sy ny mpihira ary ny Levita, dia notendreko Hanany rahalahiko sy Hanania, lehiben'ny tao an-dapa, hitandrina an'i Jerosalema, fa lehilahy mahatoky izy sady matahotra an'Andriamanitra mihoatra noho ny maro. Koa hoy izaho tamin'ireo: Aza avela hovohana ny vavahadin'i Jerosalema mandra-pahafanan'ny andro; ary raha mbola milanona eo ny mpiambina, dia aoka harindriny ny varavarana, ka hidionareo; ary manendre mpiambina avy amin'izay monina ato Jerosalema ihany samy ho eo amin'ny fiambenany avy, dia samy ho eo amin'ny tandrifin'ny tranony avy."

Mofonaina Alatsinainy 24 Aogositra 2026MAHATOKY AMIN'NY ASANY NY MPINOI Mpa 2:1-4"ARY rehefa antomotra ny andro hahafate...
24/08/2026

Mofonaina Alatsinainy 24 Aogositra 2026

MAHATOKY AMIN'NY ASANY NY MPINO

I Mpa 2:1-4

"ARY rehefa antomotra ny andro hahafatesan’i Davida, dia nandidy an’i Solomona zanani-lahy izy hoe: Izaho efa handeha amin’ny làlan-kalehan’ny tany rehetra; koa mahereza hianao, ary misehoa ho lehilahy. Ary tandremo izay asain’i Jehovah Andriamanitrao hotandremana handehananao amin’ny làlany, hitandremanao ny lalàny sy ny didiny sy ny fitsipiny ary ny teni-vavolombelony, araka ny voasoratra ao amin’ny lalàn’i Mosesy, mba hataonao lavorary avokoa izay rehetra hataonao sy izay rehetra halehanao, mba hanatanterahan’i Jehovah ny teny izay nilazany ahy hoe: Raha ny taranakao hitandrina ny alehany ka handeha eo anatrehako amin’ny fahamarinana amin’ny fony rehetra sy amin’ny fanahiny rehetra (hoy Izy), dia tsy ho diso zanakalahy ho eo amin’ny seza fiandrianan’ny Isiraely Ianao."

Mofonaina Alahady 23 Aogositra 2026Mahatoky amin'ny asany ny mpinoJaona 17 : 1 - 5 vavaka nataon'i Jesoa ho an'ny mpian...
22/08/2026

Mofonaina Alahady 23 Aogositra 2026

Mahatoky amin'ny asany ny mpino

Jaona 17 : 1 - 5

vavaka nataon'i Jesoa ho an'ny mpianany. #

"Rehefa nolazain'i Jesoa izany teny izany, dia nanandratra ny masony ho amin'ny lanitra Izy ka nanao hoe: Ray o, tonga ny fotoana; mankalazà ny Zanakao, mba hankalazan'ny Zanaka Anao. araka ny nanomezanao Azy fahefana amin'ny nofo rehetra mba hanome fiainana mandrakizay ho an'izay rehetra nomenao Azy. Ary izao no fiainana mandrakizay, dia ny mahafantatra Anao, Izay Andriamanitra tokana sady marina, sy Jesoa Kristy, Izay efa nirahinao. Izaho efa nankalaza Anao tety ambonin'ny tany; vitako ny asa nomenao Ahy hataoko. Ary ankehitriny, Ray o, mankalazà Ahy amin'ny tenanao, dia amin'ny voninahitra niarahako nanana taminao, fony tsy mbola ary izao tontolo izao."

Mofonaina Sabotsy 22 Aogositra 2026Mahatoky amin'ny asany ny mpinoJoda : 17 - 23"Fa tsarovinareo, ry malala, ny teny voa...
21/08/2026

Mofonaina Sabotsy 22 Aogositra 2026

Mahatoky amin'ny asany ny mpino

Joda : 17 - 23

"Fa tsarovinareo, ry malala, ny teny voalazan'ny Apostolin'i Jesoa Kristy Tompontsika fahiny; fa efa nilaza taminareo hoe izy: Amin'ny andro farany dia hisy mpaniratsira, mandeha araka ny filan'ny haratsiam-panahiny. Ireo no mahatonga fisarahana, dia olona araka ny nofo ihany, fa tsy mba manana ny Fanahy*. [*Na: tsy mba manana fanahy] Fa ianareo kosa, ry malala, dia ataovy izay handrosoanareo amin'ny finoanareo masina indrindra, ka mivavaha ao amin'ny Fanahy Masina; ary tehirizo ny tenanareo ao amin'ny fitiavan'Andriamanitra, miandry ny famindram-pon'i Jesoa Kristy Tompontsika ho fiainana mandrakizay. Ary amindrao fo ny sasany izay miahanahana*; [*Na: raha miady aminareo izy] ary ny sasany kosa sariho avy amin'ny afo no famonjy azy; ary ny sasany indray amindrao fo amin-tahotra, ka mankahalà na dia ny akanjo voapentimpentin'ny nofo aza."

Mofonaina anio Zoma 21 Aogositra 2026Mahatoky amin'ny asany ny mpinoMatio 25 : 14 - 30"Fa ny fanjakan'ny lanitra dia tah...
21/08/2026

Mofonaina anio Zoma 21 Aogositra 2026

Mahatoky amin'ny asany ny mpino

Matio 25 : 14 - 30

"Fa ny fanjakan'ny lanitra dia tahaka ny olona izay efa handeha ho any an-tany hafa ka niantso ny mpanompony, dia nanolotra azy ny fananany:koa ny anankiray nomeny talenta dimy, ny anankiray roa, ary ny anankiray iray,- samy araka izay fahaizany avy; dia lasa nandeha izy.Ary niaraka tamin'izay dia lasa ilay nandray ny talenta dimy, ka nataony varotra izany; ary nahazo tombony talenta dimy koa izy.Fa ilay nandray ny iray kosa dia lasa nihady ny tany ka nandevina ny volan'ny tompony.Ary toy izany koa, ilay nandray ny roa dia nahazo roa ho tombony.Ary nony ela, dia tonga ny tompon'ireo mpanompo ireo ka nampilaza azy ny amin'ny volany.Ary nony nanatona ilay nandray ny talenta dimy, dia nitondra talenta dimy koa izy ka nanao hoe: Tompoko, talenta dimy no natolotrao ahy; indro, nahazo tombony talenta dimy koa aho.Hoy ny tompony taminy: Tsara izany, ry mpanompo tsara sady mahatoky; nahatoky tamin'ny kely ianao, dia hotendreko ho mpanapaka ny be; midira amin'ny fifalian'ny tomponao. Ary nony nanatona koa ilay nandray ny talenta roa, dia hoy izy: Tompoko, talenta roa no natolotrao ahy; indro, nahazo tombony talenta roa koa aho.Hoy ny tompony taminy: Tsara izany, ry mpanompo tsara sady mahatoky; nahatoky tamin'ny kely ianao, dia hotendreko ho mpanapaka ny be; midira amin'ny fifalian'ny tomponao. Fa nony nanatona kosa ilay nandray ny talenta iray, dia nilaza hoe: Tompoko, fantatro fa olona mila voatsiary ianao, mijinja eny amin'izay tsy namafazanao, ary manangona eny amin'izay tsy nanahafanao;dia natahotra aho ka lasa nandevina ny talentanao tao anatin'ny tany; indry, lasanao ny anao.Ary ny tompony namaly ka nanao taminy hoe: Ry mpanompo ratsy sady malaina, efa fantatrao fa mijinja eny amin'izay tsy namafazako aho, ary manangona eny amin'izay tsy nanahafako;koa tokony ho nampanàna ny volako tamin'ny mpanana vola ianao, ka raha tonga aho, dia ho nandray ny ahy mban-janany.Koa alao aminy ny talenta, dia omeo ilay manana ny talenta folo.Fa izay rehetra manana dia homena, ka hanam-be izy; fa izay tsy manana kosa, na dia izay ananany aza dia halaina aminy.Ary ario ho any amin'ny maizina any ivelany ny mpanompo tsy mahasoa; any no hisy ny fitomaniana sy ny fikitroha-nify."

Mofonaina Alarobia 19 Aogositra 2026Mahatoky amin'ny asany ny mpinoSalamo 101 : 1 - 8 'ny mpanjaka ny amin'ny hitondrany...
18/08/2026

Mofonaina Alarobia 19 Aogositra 2026

Mahatoky amin'ny asany ny mpino

Salamo 101 : 1 - 8

'ny mpanjaka ny amin'ny hitondrany marina ny fanjakany. Salamo nataon'i Davida. #

"Famindram-po sy fitsarana no hankalazaiko; Ianao, Jehovah o, no hoderaiko. Hitandrina ny lalana marina aho; Rahoviana no ho tonga aty amiko Ianao? Handeha amin'ny fahitsian'ny foko ao anatin'ny tranoko aho. Tsy hampitoetra zava-dratsy eo anoloan'ny masoko aho; Halako ny mivadika, Tsy hikambana amiko izany. Ny fo maditra hiala amiko; Tsy hankasitraka* izay ratsy aho, [*Hebreo: hahalala] Izay manendrikendrika ny namany mangingina dia hofongorako; Tsy tohako izay miandranandrana sy miavonavona am-po; Ny masoko hijery izay olo-mahatoky amin'ny tany mba hitoerany ato amiko; Izay mandeha amin'ny lalana marina no hanompo ahy. Tsy mba hitoetra ao anatin'ny tranoko izay manao fitaka; Tsy mba hijanona eo anoloan'ny masoko izay milaza lainga. Haringako isa-maraina ny ratsy fanahy rehetra amin'ny tany, Mba hofongorako ny mpanao ratsy rehetra tsy ho ao an-tanànan'i Jehovah."

Mofonaina Talata 18 Aogositra 2026Mahatoky amin' ny asany ny mpinoDeoteronomia 26 : 5 - 11"Dia hiteny eo anatrehan'i Jeh...
17/08/2026

Mofonaina Talata 18 Aogositra 2026

Mahatoky amin' ny asany ny mpino

Deoteronomia 26 : 5 - 11

"Dia hiteny eo anatrehan'i Jehovah Andriamanitrao ianao ka hanao hoe: Syriana mpanjenjena no raiko, ka nidina tany Egypta izy, dia nivahiny tany mbamin'ny olom-bitsy; ary tany izy no tonga firenena lehibe sy mahery sady maro isa. Ary nanao ratsy tamintsika ny Egyptiana ka nampahory antsika sy nampanao antsika fanompoana mafy. Dia nitaraina tamin'i Jehovah, Andriamanitry ny razantsika, isika, ka nihaino ny feontsika Izy ary nijery ny alahelontsika sy ny asantsika ary ny fahoriantsika; ary tanana mahery sy sandry nahinjitra sy fampahatahorana lehibe sy famantarana ary fahagagana no nitondran'i Jehovah antsika nivoaka avy tany Egypta, dia nitondra antsika niditra teto amin'ity tany ity Izy ka nanome antsika ity tany ity, dia tany tondra-dronono sy tantely. Ary ankehitriny, Jehovah o, indro, efa nentiko ny voaloham-bokatra amin'ny tany izay nomenao ahy. Dia avelao eo anatrehan'i Jehovah Andriamanitrao ny zavatra, ary mivavaha eo anatrehan'i Jehovah Andriamanitrao. Ary mifalia amin'ny soa rehetra izay nomen'i Jehovah Andriamanitrao anao sy ny ankohonanao ianao sy ny Levita mbamin'ny vahiny eo aminao."

Mofonaina Alatsinainy 17 Aogositra 2026Mahatoky amin'ny asany ny mpinoII Korintiana 1 : 17 - 24"Koa raha nikasa izany a...
16/08/2026

Mofonaina Alatsinainy 17 Aogositra 2026

Mahatoky amin'ny asany ny mpino

II Korintiana 1 : 17 - 24

"Koa raha nikasa izany aho, moa nanao kitoatoa va aho? Ary izay zavatra kasaiko, moa kasaiko araka ny nofo va, mba hanaovako eny eny foana, sy tsia tsia foana? Fa raha mahatoky koa Andriamanitra, ny teninay taminareo dia tsy eny sy tsia; fa ny Zanak'Andriamanitra, dia Jesoa Kristy, Izay notorinay teo aminareo, dia izaho sy Silasy ary Timoty, dia tsy eny sy tsia, fa ao aminy dia eny ihany. Fa na firy na firy ny teny fikasan'Andriamanitra, dia ao aminy ny eny, ary amin'ny alalany koa ny Amena, ho voninahitr'Andriamanitra amin'ny ataonay. Fa Izay mampitoetra anay mbaminareo ao amin'i Kristy sady nanosotra antsika dia Andriamanitra, Izay nanisy tombo-kase antsika koa ka nanome ny Fanahy ho santatra ato am-pontsika. Ary izaho miantso an'Andriamanitra ho vavolombelona ny amin'ny fanahiko, fa ny fialàko nenina aminareo ihany no tsy mbola nankanesako taty Korinto. Kanefa tsy mihambo ho tompon'ny finoanareo izahay, fa mpiara-miasa hampandroso ny fifalianareo, satria finoana no itoeranareo."

Address

FJKM Ambohimamory Malala Orimbato-Faritra Faha 4
Ambohimamory
01102

Website

Alerts

Be the first to know and let us send you an email when Faritra Faha-4-Fjkm Ambohimamory Malala Orimbato posts news and promotions. Your email address will not be used for any other purpose, and you can unsubscribe at any time.

Shortcuts

Share

Category