Our Lady of Mystical Tears Church, Hendiyagala.

06/06/2025

05/06/2025

ජුනි 06 වන දින සුබ අස්න – ශු. ජොහාන් 21: 15 – 19

15 මෙසේ ඔවුන් ආහාර වැළඳූ පසු ජේසුස් වහන්සේ සීමොන් පේදුරුට කතා කොට, ”ජොහන්ගේ පුත්‍ර වූ සීමොන්, මොවුන්ට වඩා ඔබ මට ප්‍රේම කරන්නෙහි දැ”යි ඇසූ සේක. ඔහු, ”එසේ ය ස්වාමීනි, මා ඔබට ප්‍රේම කරන බව ඔබ දන්නා සේකැ”යි පිළිතුරු දුන්නේ ය. උන් වහන්සේ, ”මාගේ බැටළු පැටවුන් පෝෂණය කරන්නැ”යි ඔහුට වදාළ සේක.
16 නැවත දෙ වන වරටත්, ”ජොහන්ගේ පුත්‍ර වූ සීමොන් ඔබ මට ප්‍රේම කරන්නෙහි දැ”යි ඔහුගෙන් ඇසූ සේක. ඔහු, ”එසේ ය, ස්වාමීනි, මා ඔබට ප්‍රේම කරන බව ඔබ දන්නා සේකැ”යි පිළිතුරු දුන්නේ ය. උන් වහන්සේ ද, ”මාගේ බැටළුවන්ගේ එඬේරා වන්නැ”යි වදාළ සේක.
17 උන් වහන්සේ තුන් වන වරටත් ඔහුට කතා කොට, ”ජොහන්ගේ පුත්‍ර වූ සීමොන්, ඔබ මට ප්‍රේම කරන්නෙහි දැ”යි ඔහුගෙන් ඇසූ සේක. තුන් වන වරටත්, ‘මට ප්‍රේම කරන්නෙහි දැ’යි ජේසුස් වහන්සේ තමාගෙන් ඇසූ බැවින් පේදුරු ශෝක වී: ”ස්වාමීනි, ඔබ සියල්ල දන්නා සේක; මා ඔබ වහන්සේට ප්‍රේම කරන බව ඔබ වහන්සේ දන්නා සේකැ”යි කී ය. ”මාගේ බැටළුවන් පෝෂණය කරන්නැ”යි ජේසුස් වහන්සේ ඔහුට වදාළ සේක. 18 ”ඒකාන්තයෙන් මම ඔබට කියමි, ඔබ තරුණ වියෙහි ඔබේ ඉඟටිය බැඳගෙන කැමැති කැමැති තැන්වල ඇවිද්දෙහි ය. එහෙත් ඔබ මහලු

04/06/2025

ජුනි 05 වන දින සුබ අස්න – ශු. ජොහාන් 17: 20 – 26

20 ”මොවුන් ගැන පමණක් නොව, මොවුන්ගේ වචනය කරණකොටගෙන මා අදහාගන්නා අය ගැනත් යාච්ඤා කරමි. 21 පියාණෙනි, මා මෙසේ යාච්ඤා කරන්නේ ඔබ මා තුළ ද මා ඔබ තුළ ද සිටින්නාක් මෙන්, ඔවුන් ද අප තුළ ඒකත්වයක් වන පිණිසත්, ඔබ මා එවා වදාළ බව ලෝකයා විශ්වාස කරන පිණිසත් ය. 22 අප ඒකත්වයක් ව සිටින්නා සේ ම, ඔවුනුත් ඒකත්වයක් වන පිණිස ඔබ මට දුන් තේජශ්‍රීය මම ඔවුන්ට දුනිමි. 23 මෙසේ කෙළේ, මා ඔවුන් තුළ ද ඔබ මා තුළ ද සිටීමෙන්, ඔවුන් සම්පූර්ණ ලෙස ඒකත්වයට පැමිණෙන පිණිසත්, ඔබ මා එවා වදාළ බව ද, ඔබ මට ප්‍රේම කළාක් මෙන් ඔවුන්ටත් ප්‍රේම කළ බව ද ලෝකයා දැනගන්නා පිණිසත් ය.
24 ”පියාණෙනි, ලෝකය මැවීමට පෙර ඔබ මට ප්‍රේම කළ නිසා මට පැවරූ තේජශ්‍රීය, ඔබ මට දුන් අය විසින් දකින පිණිස, මා සිටින තැන ඔවුනුත් සිටිනවාට කැමැත්තෙමි.
25 ”ධාර්මික පියාණෙනි, ලෝකයා ඔබ දැනගත්තේ නැත. එහෙත් මම ඔබ දැනගතිමි. තවද, ඔබ මා එවා වදාළ බව මොවුහු දනිති. 26 ඔබ මට දැක් වූ ප්‍රේමය ඔවුන් තුළ වන පිණිසත්, මා ද ඔවුන් තුළ වන පිණිසත්, ඔබගේ නාමය ඔවුන්ට දන්වා වදාළෙමි. තවත් දන්වා වදාරන්නෙමි.”

02/06/2025

ජුනි 03 වන දින සුබ අස්න – ශු. ජොහාන් 17: 1 – 11
1 ජේසුස් වහන්සේ මේ දේවල් වදාරා, ස්වර්ගය දෙසට ඇස් ඔසවා මෙසේ යාච්ඤා කළ සේක: ”පියාණෙනි, දැන් නියමිත මොහොත පැමිණ තිබේ. පුත්‍රයාණන් විසින් ඔබ මහිමයට පමුණුවනු ලබන පිණිස, ඔබ ද පුත්‍රයාණන් මහිමයට පැමිණෙව්ව මැනව. 2 මන්ද, ඔබ විසින් පුත්‍රයාණන්ට දෙන ලද සියල්ලන් හට සදාතන ජීවනය දෙන පිණිස, සකල මනුෂ්‍ය වර්ගයා කෙරෙහි ආධිපත්‍යය ඔබ වහන්සේ පුත්‍රයාණන්ට දුන් සේක. 3 සදාතන ජීවනය මේ ය: එක ම සැබෑ දෙවියන් වන ඔබ ද, ඔබ විසින් එවන ලද තැනැන් වහන්සේ වන ජේසුස් ක්‍රිස්තුන් වහන්සේ ද, දැනගැනීම ය. 4 ඔබ වහන්සේ මට භාර දුන් මෙහෙය සම්පූර්ණ කරමින් මම මිහි පිට ඔබ මහිමයට පැමිණිවීමි. 5 ඉතින් පියාණෙනි, ලොව ඇති වන්නට පෙර ඔබ හා සමඟ මට තිබුණු තේජශ්‍රීයෙන්, දැන් ඔබ ඉදිරියෙහි මා තේජශ්‍රීයට පැමිණෙව්ව මැනව.
6 ”ඔබ වහන්සේ ලෝකයෙන් වෙන් කොට මට දුන් මිනිසුන් හට ඔබගේ නාමය මම ප්‍රකාශ කෙළෙමි. ඔව්හු ඔබට අයිති වූ හ. ඔබ ඔවුන් මට දුන් සේක. ඔව්හු ඔබගේ දහම පිළිපැද්දාහ. 7 ඔබ මට දුන් සියල්ල ම ඔබගෙන් පැමිණි බව දැන් ඔව්හු දනිති. 8 මන්ද, ඔබ මට පැවසූ වචන මම ඔවුන්ට පැවසීමි. ඔව්හු එය පිළිගෙන මා ඔබ වෙතින් පැමිණි බව සැබැවින් ම දැන, ඔබ මා එවා වදාළ බව විශ්වාස කරති.
9 ”මම ඔවුන් උදෙසා යාච්ඤා කරමි. ඔබ මට දුන් ඔවුන් උදෙසා මිස, ලෝකයා උදෙසා යාච්ඤා නොකරමි. මන්ද, ඔව්හු ඔබගේ ය. 10 මා සන්තක සියල්ල ඔබගේ ය; ඔබ සන්තක සියල්ල මාගේ ය. ඔවුන් තුළින් මම තේජශ්‍රීයට පැමිණ සිටිමි. 11 මම තවත් ලෝකයෙහි නොසිටිමි. එහෙත් ඔව්හු ලෝකයෙහි සිටිති. මම ඔබ වෙතට එන්නෙමි. සුවිශුද්ධ පියාණෙනි, අප මෙන් ඔවුන් ද, ඒකත්වයක් වන පිණිස, ඔබ මට දුන් ඔබගේ නාමයේ අනුහසින් ඔවුන් ආරක්ෂා කළ මැනව.

31/05/2025

2025 මැයි 31 වන සෙනසුරාදා දින
*උත්ථාන සමයේ සයවන සතිය*
*දේව මාතාවන් එළිසබෙත්තුමිය බැහැදැකීමේ මංගල්‍යය*

*පළමුවන දේව ප්‍රකාශනය*
ශෙපනියා 3 : 14 - 18

14 සියොන් පුරඟන, සොම්නසින් ගී ගයන්න;
ජෙරුසලම් වැසියෙනි, කෑමොරගසන්න;
ඉශ්රායෙල් ජනයෙනි, ප්‍රීති ප්‍රමෝද වන්න.
15 සමිඳාණෝ ඔබට විරුද්ධ ව තිබුණු නඩු තීන්දු අවලංගු කළ සේක;
ඔබේ සතුරන් නෙරපාදැමූ සේක;
ඉශ්රායෙල්හි රජ වන සමිඳාණෝ ඔබ සමඟ සිටින සේක.
විපතට බිය වීමක් තවත් නැත.”
16 එදින ජෙරුසලම මෙසේ කියනු ඇත.
”සියොන් නගරය, බිය නොවන්න;
ඔබ අත දුබල වන්නට ඉඩ නාරින්න.
17 ඔබේ දෙවි සමිඳාණෝ ඔබ සමඟ ය; ඔබට ජය අත් කර දෙන සෙබළාණෝ ය.
එතුමාණෝ ඔබ ගැන ප්‍රිය මනාප වන සේක;
සිය පෙමින් ඔබට නව ජීවනයක් දෙන සේක;
ඔබ ගැන සොම්නස් සිතින් ගී ගයන සේක;
18 මංගල දවසක් මෙන් ප්‍රීති වන සේක;
ඔබ නින්දාව නොලබන පිණිස ඔබ අතර විනාශය පහකරන සේක.

*පිළිතුරු ගීය*
යෙසායා 12 : 2 - 16

( පිළිතුර : උතුම් වූ ශුද්ධ දෙවියන්වහන්සේ ඔබ අතර වැඩ සිටින සේක. )

2 බලන්න, දෙවිඳාණෝ මාගේ ගැළවීම ය.
මම එතුමාණන් කෙරෙහි විශ්වාසය තබමි;
එතුමන් කෙරෙහි මට බියක් නැත.
මන්ද, සමිඳාණෝ මාගේ ශක්තියත්, ගීතිකාවත් ය.
එතුමාණෝ මාගේ ගැළවීම ය.”
3 ඔබ ගැළවීමේ ළිංවලින් ප්‍රීතියෙන් දිය ඇදගන්නහු ය.
4 ඒ දවසේ දී සෙනඟ මෙසේ පැසසුම් ගී යන්නෝ ය:
”සමිඳුන්ට තුති පුදන්න;
එතුමන්ගේ නම පවසා අයැදින්න.
එතුමන්ගේ ක්‍රියා ජාතීන් අතර පවසන්න.
එතුමන්ගේ නාමයේ ශ්‍රේෂ්ඨත්වය ප්‍රකාශ කරන්න.
5 ”සමිඳුන් කළ අරුමපුදුම දේ නිසා පසස් ගී ගයන්න;
මුළු ලොවට ම ඒ ගැන දන්වන්න.
6 සියොන් වැසි සියල්ලෙනි, මොරගසා ගී ගයන්න;
ඉශ්රායෙල් ශුද්ධ දෙවිඳාණන් උතුම් වන බැවින් ද සිය සෙනඟ අතරේ වැඩ සිටින බැවින් ද සතුටින් හඬ නඟා ගී ගයන්න.”

*දවසේ ශුද්ධවූ සුවිශේෂය*
ශුද්ධවූ ලූක් 1 : 39 - 56

39 දින ගණනකට පසු මරිය තුමී නැඟිට ජුදා කඳුකරයෙහි නුවරකට යුහු ව ගොස්, 40 සෙකරියස්ගේ ගෙට ඇතුළු වී, එලිසබෙත් හට ආචාර කළා ය. 41 එලිසබෙත් මරිය තුමියගේ ආචාර බස් ඇසූ කල ඇගේ කුසෙහි දරුවා ඉපිලෙන්නට වන. එවිට එලිසබෙත් ශුද්ධාත්මයාණන්ගෙන් පූර්ණ ව, 42 මහ හඬින් උදන් අනමින්, ”ඔබ වනිතාවන් අතර අතිශයින් ආශීර්වාද ලද්දී ය. ඔබ කුස ඔත් දරු ඵලය ද ආශීර්වාද ලද්දේ ය. 43 මාගේ සමිඳාණන් වහන්සේගේ මෑණියන් මා වෙත පැමිණීමට තරම් මම කවරෙක් ද? 44 මක්නිසා ද ඔබේ ආචාර හඬ මා සවන් ගත වූ කෙණෙහි ම මා කුසෙහි දරුවා ප්‍රීතියෙන් ඉපිලී ගියේ ය. 45 සමිඳාණන් වහන්සේගේ නාමයෙන් තමන් හට දුන් පොරොන්දුව ඉටුවන්නේ ම යයි විශ්වාස කළ තැනැත්තී භාග්‍යවන්ත ය”යි කීවා ය.
46 එවිට මරිය තුමී මෙ‍සේ උදන් ඇනුවා ය:
”මාගේ හද සමිඳුන් උසස් ලෙස පසසයි,
47 මාගේ ආත්මය මා මිදුම්කාර දෙවිඳුන් ගැන උදන් අනයි;
48 මක්නිසා ද, එතුමාණෝ සිය දාසියගේ දීනතාව කුළුණු පාමින් සලකා වදාළ සේක.
හැම පරපුරක් ම මෙ‍තැන් සිට, භාග්‍යවන්තී ය’යි මට කියනු ඇත.
49 පරාක්‍රමයාණෝ මා උදෙසා මහත් දේ කළ සේක.
‘පරිශුද්ධයාණෝ’ යනු එතුමන්ගේ නාමය ය.
50 එතුමන්ගේ දයාව සිය බැතිමතුන් කෙරේ, පරපුරෙන් පරපුරට පැතිරේ.
51 සිය බාහුවෙන් එතුමාණෝ විකුම් පා, උඩඟු උදම් සිතැත්තන් විසුරුවා හැර,
52 මහ නරපතීන් සිය සිහසුන්වලින් පහත හෙළා, දීනයන් ඉහළ නංවා උසස් කළ සේක.
53 සාගිනි වූවන් යහපත් දෙයින් සතප්වා, ධනවතුන් හිස් අතින් හරවා යැවූ සේක.
54 අප පියවරුන් වූ, ආබ්‍රහම්ට හා එම පරපුරට, 55 සදහට ම පොරොන්දු වූ දයාව සිහි කරමින් සිය සේවක ඉශ්රායෙල් සෙනඟ හට, පිහිට වූ සේක.”
56 මරිය තුමී, එලිසබෙත් සමඟ තෙමසක් පමණ නැවතී සිට සිය නිවෙසට පෙරළා ගියා ය.

- 𝑪𝒂𝒕𝒉𝒐𝒍𝒊𝒄 𝑭𝒂𝒄𝒆𝒃𝒐𝒐𝒌 𝑷𝒂𝒈𝒆 & 𝑾𝒉𝒂𝒕𝒔𝑨𝒑𝒑 𝑮𝒓𝒐𝒖𝒑 -
~ 🅷︎🅾︎🅻︎🆈︎ 🆁︎🅾︎🆂︎🅰︎🆁︎🆈︎ 🆃︎🅴︎🅰︎🅼︎ ~

30/05/2025

ආර්ක් හී ශුද්ධ වූ ජොහානා මුනිවරිය .

දේශපාලනික අභිප්‍රේරිත නඩු විභාගයකින් පසු මිථ්‍යාදෘෂ්ටිකයෙකු ලෙස කණුවක පුළුස්සා දැමූ ජොහානා 1909 දී භාග්‍යවරයට පත් වූ අතර 1920 දී ශාන්තුවරයට පත් කරන ලදී.

පැරිසියේ ගිනිකොන දෙසින් පිහිටි ඩොම්රමි-ග්‍රෙක්ස් හි තරමක් ධනවත් ගොවි යුවළකගෙන් උපත ලැබූ ජොහානා වයස අවුරුදු 12දී දර්ශනයක් අත්විඳින විට සහ කටහඬවල් ඇසෙන විට ඇය පසු කාලීනව මයිකල් අග්‍ර දේවදූතයා, ඇලෙක්සැන්ඩ්‍රියාවේ කැතරින් සහ අන්තියෝකියේ මාග්‍රට් යන සාන්තුවරුන් ලෙස හඳුනා ගත්තාය.

සිය වසරක යුද්ධය අතරතුර, ජොහානා ඉංග්‍රීසින්ට එරෙහිව ප්‍රංශ හමුදා මෙහෙයවූ අතර ඔර්ලියන්ස් සහ ට්‍රෝයිස් නගර නැවත අත්පත් කර ගත්තේය. එම නිසා 1429 දී රීම්ස් හි රජු ලෙස කිරුළු පැළඳීමට සත් වන චාල්ස් හට හැකි විය. ඊළඟ වසරේ කොම්පිග්නේ අසලදී අල්ලා ගන්නා ලද ජොහානා ඉංග්‍රීසින්ට විකුණා මිථ්‍යාදෘෂ්ටිය සහ මායා කර්මය සම්බන්ධයෙන් නඩු විභාගයට ලක් කරන ලදී. පැරිස් විශ්ව විද්‍යාලයේ මහාචාර්යවරු ඇයගේ නඩු විභාගයේදී විනිසුරුවරයා වූ බේවුවිස් හි පියෙරේ කෝචොන් රදගුරුතුමාට සහාය දැක්වූහ. එංගලන්තයේ වින්චෙස්ටර්හි කාදිනල් හෙන්රි බියුෆෝර්ට් ජොහානා සිරගෙදරදී ප්‍රශ්න කිරීමට සහභාගී විය. අවසානයේදී, ඇය පිරිමි ඇඳුම් ඇඳීම සඳහා හෙළා දකින ලදී. ඉංග්‍රීසි ජාතිකයන් ජොහානා දායක වූ ප්‍රංශයේ යුධ ජයග්‍රහණය ගැන අමනාප විය.

1431 වසරේ අද වැනි දිනක ජොහානා රූවන් හි කණුවක පුළුස්සා දැමූ අතර ඇගේ අළු සේන් ගඟේ විසිරී ගියේය. වසර 25 කට පසු දෙවන සභාවේ නඩු විභාගය දේශපාලන පීඩනය යටතේ ලබා දුන් කලින් තීන්දුව අවලංගු කරන ලදී.

ඇයගේ යුධ වික්‍රම සඳහා බොහෝ මිනිසුන් විසින් ඇයව සිහිපත් කරන අතර, ජොහානා සක්රමේන්තු සඳහා මහත් ආදරයක් දැක්වූ අතර, එය දුප්පතුන් කෙරෙහි ඇයගේ අනුකම්පාව ශක්තිමත් කළේය. 19 වැනි සියවසේ ප්‍රංශයේ සහ පසුව පළමු ලෝක යුධ සමයේදී ප්‍රංශ සොල්දාදුවන් අතර ඇය කෙරෙහි ඇති ජනප්‍රිය භක්තිය බෙහෙවින් වැඩි විය. දේවධර්මාචාර්ය ජෝර්ජ් ටවාර්ඩ් ලියන්නේ ඇගේ ජීවිතයේ පරිකල්පනය සහ ක්‍රියාවෙහි සංයෝගයට කදිම උදාහරණයක් සපයන්නේ ඇගේ අධ්‍යාත්මික තීක්ෂ්ණ බුද්ධිය බවයි. "ස්වර්ගයේ හා පොළොවේ එකමුතුවක්"

ආර්ක් හී ශුද්ධ වූ ජොහානා බොහෝ පොත්, නාට්‍ය, ඔපෙරා සහ චිත්‍රපට සඳහා විෂය වී ඇත.

ආර්ක් හී ශුද්ධ වූ ජොහානා මුනිවරිය ප්‍රංශයේ, සොල්දාදුවන්ගේ, සිරකරුවන්ගේ, ධෛර්යය අවශ්‍ය අයගේ සහ ඔවුන්ගේ ඇදහිල්ල නිසා සමච්චලයට ලක් වූවන්ගේ අනුශාසක සාන්තුවරියයි. ඇය ප්‍රාණ පරිත්‍යාගිකයින්, වහලුන් සහ හමුදා නිලධාරීන්ගේ අනුශාසක සාන්තුවරියකි.

ආර්ක් හී ශුද්ධ වූ ජොහානා මුනිවරියනි, අප නිසා යාච්ඤා කළ මැනව.

30/05/2025

2025 මැයි 30 වන සිකුරාදා දින
*උත්ථාන සමයේ හයවන සතිය*
*පළමුවන දේව ප්‍රකාශනය*
ක්‍රියා 18 : 9 - 18

9 සමිඳාණන් වහන්සේ රාත්‍රියේ දී දර්ශනයකින් පාවුලුට කතා කොට, ”ඔබ බිය නොවී, නිශ්ශබ්ද ව නොසිට කතා කරන්න. 10 මන්ද, මම ඔබ සමඟ සිටිමි; ඔබට අනතුරු කරන ලෙස කිසිවෙක් ඔබට විරුද්ධ ව නො එන්නේ ය. මට මේ නුවර බොහෝ සෙනඟ සිටිති”යි වදාළ සේක. 11 ඔහු දෙවියන් වහන්සේගේ වචනය ඔවුන් අතර උගන්වමින් එක් අවුරුදු සමසක් එහි වාසය කෙළේ ය.
12 එහෙත් ගලියෝ අකයියාවේ අධිපතියා ව සිටිය දී ජුදෙව්වරු එක්සිත් ව පාවුලුට විරුද්ධ ව නැඟී සිට, ඔහු විනිශ්චයාසනය ඉදිරියට ගෙනැවිත්, 13 ”මොහු ව්‍යවස්ථාවලියට විරුද්ධ ව දෙවියන් වහන්සේට නමස්කාර කරන්නට මිනිසුන් පොළඹවන්නේ ය”යි පැමිණිලි කළහ. 14 පාවුලු කතා කරන්නට සැරසෙන විට ගලියෝ ජුදෙව්වරුන් අමතමින්, ”ජුදෙව්වරුනි, මේ කාරණය අපරාධයක් වත් නපුරු දුෂ්ට කමක් වත් වී නම්, මා ඔබේ පැමිණිල්ලට සවන් දීම යුතු ය. 15 එහෙත් මේ වනාහි ඇතැම් වචන ගැන ද ඇතැම් නාම ගැන ද ඔබගේ ම ව්‍යවස්ථාවලිය ගැන ද වූ ප්‍රශ්න වන බැවින් ඒ ගැන ඔබ ම වගබලාගන්න; මේ දේවල් ගැන මම විනිශ්චයකාරයෙක් නොවන්නෙමි”යි කියා, 16 ඔවුන් නඩු ආසනය වෙතින් එලවාදැමුවේ ය. 17 එවිට ඒ සියල්ලෝ ධර්මශාලාවේ මුලාදෑනියා වූ සොස්තෙනේස් අල්ලා නඩු ආසනය ඉදිරියේ ඔහුට තැළූහ. එහෙත් ගලියෝ මේ ගැන සැලකුවේ නැත.
18 පාවුලු එහි තවත් කලක් නැවතී සිටි පසු, සහෝදරයන්ගෙන් සමුගෙන, සිරියාවට යන්නට නැව් නැංගේ ය. ප්‍රිස්කිලා ද අකිලා ද ඔහු සමඟ ගියහ. පාවුලු බාරයක් වී සිටි බැවින් කෙන්ක්‍රෙයායේ දී හිස මුඩු කරගත්තේ ය.


*පිළිතුරු ගීය*
ගීතාවලිය 47 : 1 - 6

( පිළිතුර : දෙවිදාණෝ ජාතීන් අතර රජිදාණෝය. )

1 සව් සතුනි, අත්පොළසන් දෙන්න;
ජය ගොස නංවා දෙවිඳුන්ට තුති දෙන්න.
2 අති උතුම් සමිඳාණෝ බියකරු ය, මුළු මහ පොළොව කෙරේ අග රජ ය.
3 එතුමාණෝ ජාතීන් පරදා අපට ජය දුන් සේක;
සව් සත කෙරේ අග රජ වන සේක.
4 තම හට ප්‍රිය ජාකොබ්ගේ සෙනඟ වන අප හට මවු බිමක් ලබා දුන් සේක.
5 ජය ගොස නංවා, කාහල හඬ පතුරා, එතුමාණෝ සිහසුන මත නැඟුණ සේක.
6 දෙවි තුමන් හට ගී පසස් නඟන්න.
ගී පසස් නඟන්න.
අපේ නිරිඳු හට ගී පසස් නඟන්න;
ගී පසස් නඟන්න.

*දවසේ ශුද්ධවූ සුවිශේෂය*
ශුද්ධවූ ජොහන් 16 : 20 - 23

20 ඒකාන්තයෙන් ම මම ඔබට කියමි, ඔබ හඬා වැලපෙන්නහු ය; එහෙත් ලෝකයා ප්‍රීති වන්නාහ. ඔබ දොම්නස් වන නමුත් ඔබේ දොම්නස සොම්නසට හැරෙනු ඇත. 21 ස්ත්‍රියකට ප්‍රසව මොහොත පැමිණි කල, ඇගේ වේලාව පැමිණ තිබෙන බැවින් ඈට දුක් වේදනා ඇති වේ. එහෙත් ඈ දරුවා බිහි කළ පසු ලෝකයට දරුවෙක් උපන්නේ ය යන ප්‍රීතිය නිසා, වේදනාව අමතක කරන්නී ය. 22 එමෙන් ම ඔබ දැන් ශෝක වන්නහු ය. එහෙත් නැවත මම ඔබ දකින්නෙමි. එවිට ඔබේ සිත් ප්‍රීතියෙන් පිනා යයි. ඔබේ ප්‍රීතිය ද කිසිවෙක් ඔබෙන් පැහැර නොගනිති.
23 ”ඒ දවසේ දී ඔබ කිසි ප්‍රශ්නයක් මාගෙන් අසන්නේ නැත. ඒකාන්තයෙන් ම මම ඔබට කියමි, මාගේ නාමයෙන් ඔබ පියාණන් වහන්සේගෙන් යමක් ඉල්ලුවොත්, උන් වහන්සේ ඒ දේ ඔබට දෙන සේක. 24 මේ වනතෙක් ඔබ මාගේ නාමයෙන් කිසිවක් ඉල්ලා නැත. ඉල්ලන්න, ඔබට ලැබේ; මෙසේ ඔබගේ ප්‍රීතිය පූර්ණ වන්නේ ය.”

Coppied-𝑪𝒂𝒕𝒉𝒐𝒍𝒊𝒄 𝑭𝒂𝒄𝒆𝒃𝒐𝒐𝒌 𝑷𝒂𝒈𝒆 & 𝑾𝒉𝒂𝒕𝒔𝑨𝒑𝒑 𝑮𝒓𝒐𝒖𝒑