22/04/2025
🔴 ශුධෝත්තම පියාණන්ගේ දේහයේ ඡායාරූප මාධ්යට - අවසන් ගෞරව සඳහා හෙට සිට ජනතාවට අවස්ථාව
වතිකානුවේ කැසා සැන්ටා මාර්තා දේවස්ථානයේදී එරට වේලාවෙන් ඊයේ රාත්රීයේ ශුද්ධෝත්තම ෆ්රැන්සිස් පාප් වහන්සේගේ ස්වර්ගස්ථවීම තහවුරු කර උන්වහන්සේගේ දේහය මිනී පෙට්ටියේ තැන්පත් කිරීමේ චාරිත්රය සිදුකරන ලදී.
ශුද්ධ රෝම පල්ලියේ කැමර්ලෙන්ගෝ කාදිනල් කෙවින් ෆැරල් විසින් එහි මුලසුන හොබවන ලදී.
කාර්දිනල් මණ්ඩලයේ පීඨාධිපති කාදිනල් ජියෝවානි බැටිස්ටා රේ සහ අභාවප්රාප්ත ශුද්ධෝත්තම ෆ්රැන්සිස් පාප් වහන්සේගේ පවුලේ සාමාජිකයින් මෙන්ම, සෞඛ්ය හා සනීපාරක්ෂක අධ්යක්ෂ මණ්ඩලයේ අධ්යක්ෂ සහ නියෝජ්ය අධ්යක්ෂ ආචාර්ය ඇන්ඩ්රියා ආකැන්ජෙලි සහ ආචාර්ය ලුයිගි කාබෝන් ද මෙම අවස්ථාවට සහභාගී වූ බව වාර්තා වේ.
එම අවස්ථාවේ ඡායාරූප ප්රථම වතාවට විදේශ මාධ්ය විසින් පළකර ඇත.
ශුද්ධෝත්තම පියාණන්ගේ දේහයට අවසන් ගෞරව දැක්වීමට හෙට (23) සිට මහජනතාවට අවස්ථාව ලැබීමට බොහෝවිට ඉඩ ඇති බව වතිකානු ආරංචි මාර්ග සඳහන් කරයි.
