13/02/2026
பாலமுனையை சேர்ந்த தனவந்தகர் ஏ.எல். இஸ்மாயிலின் சொந்த நிதியிலிருந்து நிர்மாணிக்கப்பட்ட பாலமுனை ஹைமா பள்ளிவாசலின் இரண்டாவது மாடி திறப்பு விழாவும் பொதுமக்களிடம் வக்பு செய்து வைக்கும் நிகழ்வும் கடந்த வெள்ளிக்கிழமை (06) நடைபெற்றது.
பள்ளிவாசல் தலைவரும் அட்டாளைச்சேனை பிரதேச சபை உறுப்பினருமான ஊடகவியலாளர் ஐ.ஏ.ஸிறாஜ் தலைமையில் நடைபெற்ற இந்நிகழ்வில்
அம்பாறை மாவட்ட ஜம்மியத்துல் உலமா சபைத்தலைவர் அபூ சஹ்வா அஷ்ஷெய்க் ஐ.எல்.எம்.ஹாஸிம் ஸூரி மதனி, தனவந்தகரின் புதல்வர் இஸ்மாயில் ஏ. ஹாதி ஆகியோரால் மஹ்ரிப் தொழுகையுடன் வைபவ ரீதியாக திறந்து வைத்து பொதுமக்களிடம் கையளித்தனர்.
இதன் போது விசேட சொற்பொழிவை
அம்பாறை மாவட்ட ஜம்மியத்துல் உலமா சபைத் தலைவர் அபூ சஹ்வா அஷ்ஷெய்க் ஐ.எல்.எம்.ஹாஸிம் ஸூரி மதனி, பள்ளிவாசல் இமாம் டி.எல். அஸ்ரப் ஹஸ்ரத் ஆகியோர் நிகழ்த்தினார்கள்.
அதனைத் தொடர்ந்து தனவந்தகரின் புதல்வர் இஸ்மாயில் ஏ. ஹாதி மற்றும் அவரது தாயார் ஆகியோருக்கு பள்ளிவாசல் நிருவாகத்தினரால் நினைவுச்சின்னம் வழங்கி வைக்கப்பட்டு பொண்ணாடை போர்த்தி கெளரவிக்கப்பட்டனர்.
இந்நிகழ்வில் பள்ளிவாசல்
உப தலைவர், செயலாளர், பொருளாளர் ,
உப செயலாளர், உறுப்பினர்கள், உலமாக்கள், மஹல்லாவாசிகள், அரசியல் பிரமுகர்கள், பாலமுனைப் பிரதேச பள்ளிவாசல்களின் தலைவர்கள், செயலாளர்கள், பொருளாளர்கள், நிருவாக உறுப்பினர்கள், அரச உத்தியோகத்தர்கள், தனவந்தகரின் குடும்ப உறவுகள், அரபுக்கல்லூரிகளின் தலைவர்கள், நிருவாகிகள், பொதுமக்கள், என பலரும் கலந்து கொண்டு சிறப்பித்தனர்.
பள்ளிவாசல் நிர்மாணிப்பதற்கு உதவிய சகோதரரினதும் அவரது மனைவி பிள்ளைகள், உறவினர்கள் அனைவரும் உள நல சுகத்துடனும் தேகாரோக்கியத்துடனும் வாழ வல்ல இறைவன் அல்லாஹ் அருள்புரிவானாக அவர்களது தொழிலில் பறக்கத்தையும் அபிவிருத்தியையும் ஏற்படுத்துவானாக ஆமீன்.
