15/07/2026
අප භාග්යවතුන් වහන්සේගේ උතුම් වූ බුද්ධ වචනය ඇතුලත් සූත්ර පිටකයේ - බුද්දක නිකායේ උදානපාළි / බෝධි වර්ගය තුළ සඳහන් සඞ්ග්රාමජිත් සූත්රයේ එන
"ආයන්තිං නාභිනන්දති, පක්කමන්තිං න සොචති; සඞ්ගා සඞ්ගාමජිං මුත්තං, තමහං බ්රෑමි බ්රාහ්මණ න්ති"
නම් වූ දේශණාව දැන් දැන් සමාජ මාධ්ය තුළ විවිධ අර්ථ ස්වරූපයෙන් කතා බහට ලක්වෙමින් පවතින බවක් අපට නිරීක්ෂණය විය. අප මාධ්ය අංශය විසින් මේ සමඟින් පලකර ඇත්තේද එවැන්නකි.
මේ සඳහා ආසන්නතම හේතුව වී ඇත්තේ සිය ගිහි කාලය තුල අප නිට්ටඹුව ප්රදේශයේ පවා ජීවත් වූ බව සඳහන් කෙරෙන අද වන විට උපසම්පදාවට පත්ව ඇති භික්ෂූන් වහන්සේ නමකගේ සමාජ මාධ්ය ආගමනය බව ඒ අනුව අප විසින් හඳුනාගනු ලැබුවා. විශේෂත්වය නම් එකී දේශණාව සහ භාග්යවතුන් වහන්සේ ජීවමාන සංඥාවෙන් යුතුව ඇසුරු කිරීම තුළින් උන්වහන්සේ සසරින් එතෙර වීම සඳහා වීර්යය වැඩීමට පෙළඹී සිටින බවක් අපට හැඟීයාමයි.
මෙලෙස අදින් වසර 2500 කට පෙර ඉන්දියාවේ සැවැත්නුවර ප්රදේශයේ ජේතවනාරාම පරිශ්රය තුළ දේශනාකල පද පේලියක අර්ථය අදටත් වලංගු වීම ඇතමෙක්ට අරුමයක් ද විය හැක!
නමුත් තමන් වහන්සේ විසින් ගම්භීර ලෙස දේශණා කරල ලද ධර්ම රත්නය තුළ මූලික වශයෙ ගුණාංග 6 ක් පවතින බව භාග්යවතුන් වහන්සේ පැහැදිලිකර ඇත්තේද ඒ නිසාවෙනි.
එකී ගුණාංග 6 අතරින් තුන්වැන්න ලෙස පවතින "අකාලික" බව අද මෙලෙසින් උතුම් වූ සංඝරත්නයක් තුළින් ඔබටත් මටත් දැක ගැනීමට තරම් වාසනාවන්තයින් වීම නම් අරුමයකි!
ඉතින් අරුමය අස්සේ කරුමයද පැමිනිය හැක, ඊට කම්පා නොවී බුද්ධ වචනය වෙත පමණක් අවධානය යොමුකර බෞද්ධයින් වශයෙන් සසර මඟ කෙටි කරගැනීමෙහිලා වූ පරම චේතනාවෙන් යුතුව ගිහි ජීවිතය ගත කිරීමට අප අදිටන් කර ගනිමු.
969*
