30/05/2026
දූවේ පාස්කු 2026 - තලෙන්තු - ✝️
🎭 පිලිප්.
- ප්රවීන් මිගාර දෙව්දින පින්තු සොයුරා.
---------------------------------------------
✍🏽 එකල ගලීල මුහුදෙහි උතුරු වෙරළාසන්නව පිහිටි ධීවර නගරයක් වූ බෙත්සයිදාවෙන් පැමිණි පිලිප් අපෝස්තුළුතුමා වනාහී බොහෝ සුපරීක්ෂාකාරී, ක්රියාශීලි සහ අන් අයව ජේසුස්වහන්සේ වෙත ගෙන ඒමට දායක වූ අයෙක් ලෙස ශුද්ධවර ජොහාන් සුවිශේෂය තුළ සඳහන් වේ.
සොයුරන් වූ පේදුරු සහ ඇන්ඩෘ දෙපළගේ නගරයද බෙත්සයිදාව වූ අතර, නමුත් ඔවුන් මෙන් පිලිප් තුමා ධීවරයෙක් වූ බව සඳහන් නොවේ. ග්රීක බසින් 'පිලිප්පොස්' (Philippos) යනු 'අශ්වයන් හට ලැදිවූ තැනැත්තා' යන්නයි. එම නාමයට ඇරමයික් හෝ හීබෘ සම්බවයක් නොතිබුනද, එම සමයෙහි ග්රීක ආභාශයට සහ සංස්කෘතියට ලක් වූ ප්රදේශයක් ලෙස බෙත්සයිදාව ප්රකටව තිබින.
ජේසුස්වහන්සේ විසින් පිලිප්ව කැඳවනු ලැබීම ශුද්ධවර ජොහාන් සුවිශේෂයේ මෙලෙස සඳහන්ව ඇත.
“පසු දින ජේසුස් වහන්සේ ගලීලයට යන්නට ඉටාගත් සේක. එහි දී පිලිප් හමු වී, “මා අනුගාමී වන්නැ”යි ඔහුට වදාළ සේක.” (ශුද්ධවර ජොහන් 1:43)
එලෙසම එම පරිච්ඡේදය ඉතිරි කොටස කියවන විට පිලිප් අපෝස්තුළුතුමා විසින් නතානියෙල් හෙවත් බර්තොලමෙව් අපෝස්තුළුතුමාව ජේසුස්වහන්සේ වෙත කැඳවාගෙන එනු ලබයි. එනයින් ගත් කළ පිලිප් සහ නතානියෙල් වනාහි බොහෝ විට එකිනෙකා හඳුනාගෙන සිටි මිතුරන් දෙදෙනෙකු වන්නට ඇත.
එමෙන්ම ශුද්ධවර ජොහාන්තුමා සිය සුවිශේෂයේ සඳහන් කර ඇති ආකාරයට අවසන් පාසෝවර් බොජුන් මේසයේදි පිලිප් අපෝස්තුළුතුමා ජේසුස්වහන්සේගෙන් මෙලෙස අසයි.
“පිලිප් කතා කොට, “ස්වාමීනි, පියාණන් වහන්සේ අපට පෙන්වා වදාළ මැනව; එය අපට හොඳට ම ඇතැ”යි උන් වහන්සේට කී ය.” (ශුද්ධවර ජොහන් 14:8)
කිතුනු සම්ප්රදායන්ට අනුව පිලිප් අපෝස්තුළුතුමා සුළු ආසියාව නොහොත් වත්මන් තුර්කිය එමෙන්ම ග්රීසිය සහ සිරියාවෙහි සුබ අස්න දේශනා කිරීමට ගොස් ඇති අතර පසුව බොහෝ විට කුරුසියේ ඇණ ගසා හෝ ගල්ගසා මරණයට පත්වීමෙන් ප්රාණපරිත්යාගි කිරීටය දිනා ඇත.
පිලිප් අපෝස්තුළුතුමා වනාහී තොප්පි සාදන්නන්ගේ සහ පේස්ට්රි සූපවේදින්ගේ නාම සාන්තුවරයා ලෙස ගෞරවයට පත්වේ.
---------------------------------------------
⚜️ ප්රවීන් මිගාර දෙව්දින පින්තු සොයුරා 2025 සහ 2026 වූ මෙම වර්ෂ තුළ ශ්රාවක පිලිප් භූමිකාව මෙන්ම සෙනෙහෙඩ්රීන් මන්ත්රණ සභාවේ පූජකයෙක් හටද පණ පොවා ඇත.
මින් පෙර රඟදක්වා ඇති භූමිකාවන්,
- 2023 වර්ෂයේ රෝම සොල්දාදුවෙක් ලෙස,
---------------------------------------------
©️Duwa Passion Play - දූවේ පාස්කු
