25/02/2026
ශ්රී ලංකා කතෝලික සමාජ මාධ්ය ජාලා හසුරුවන්නන්ගේ සංසඳයේ අපි පසුගිය සෑමවර්ෂයකදී මෙන්ම 2025 වර්ෂයේදීත් නත්තල වෙනුවෙන් සිදු කිරීමට අදහස් කළ "සෙනෙහසේනත්තල" ව්යාපෘතිය ඉතා සාර්ථකව අවසන් කළ බව අප ඔබට දන්වන්නේ අපගේ හද පිරි සතුටිනි. මෙවර අප "සෙනෙහසේ නත්තල" ව්යාපෘතිය සඳහා තෝරාගනු ලැබුවේ මදුරන්කුලිය"ආලෝකා බාලිකා" ළමා නිවාසයයි. අපගේ ප්රධානම අරමුණ වූයේ එහි නේවාසිකව සිටින 70 කට ආසන්නගැහැණු ළමුන් හට 2026 වර්ෂය සඳහා අවශ්ය වන පොත් සහ පාසල් උපකරණ ලබා දීමයි. නමුත් ඔබ සැමගේ නොමසුරු දායකත්වයත් සමඟ පාසල් උපකරණ වලට අමතරව දිවා ආහාරය සහ සවස් කාලය සඳහා කිරි පැකට් සහ බනිස් ද ලබා දීමට අපට හැකි විය. ඊට අමතරව ඔවුන් උදෙසා ඔබගෙන් ලැබුණූ සනීපාරක්ෂක ද්රව්යය ප්රමාණයක් ද ඔවුනට ලබා දීමට අපට හැකි විය. සෑම වසරකදී
මෙන්ම මෙම වසරෙදී ද අපව විශ්වාස කර මෙම මහඟු කර්තව්යය සඳහා අපත් සමඟ එකතු වී අපටමුදලින් මෙන්ම ද්රව්ය ආධාර ලබා දුන් සියළුම දෙනාව කෘතඥපූර්වකව සිහි කරන අතර සහ අප සැමගේ හද පිරි ස්තූතිය පුද කර සිටිමු.
#2025 #ආලෝකයේදරුවෙක්
