Galkanda Purana Patthini Maha Devalaya

20/08/2026

ගල්කන්ද පුරාණ පත්තිනි දේවාලයේ නානුමුර මංගල්‍යය සඳහා ආධාර ලබාගැනීම සඳහා මෙ වසරේ නොවැලැක්විය හැකි හේතුවක් නිසා පැමිණිය නොහැකි බව කරුණාවෙන් සලකන්න...ඔබගේ ආධාර දේවාලයට පැමිණ පමණක් ලබාදෙන්න .

27/07/2026

27/07/2026

09/07/2026

ගල්කන්ද පුරාණ පත්තිනි මහා දේවාලයේ වාර්ශික නානුමුර මංගල්‍යය 2026 අගෝස්තු මස 29 වන දින උත්සවාකාරයෙන් පැවැවේ.බැතිබර ඔබ සැමට ආරාධනා !!!

28/05/2026

**මරා ඉපැද්දවීම**

ගජබා රජ සමයේ ඉදිකර ඇති ගල්කන්ද පුරාණ පත්තිනි මහා දේවාලයේ එදා සිට අද දක්වා නොකඩවාම නානුමුර මංගල්‍යය, නැතිනම් ඇසළ පෙරහැර පැවැත්වේ. එහි ප්‍රධාන අංගය නම් “මරා ඉපැද්දවීම”යි.

මේ සඳහා ප්‍රධාන කපු පත්තිනි මහතා සහ නින්දගම්කොටු වල රාජකාරීන් භාරව සිටින පිරිස සහභාගී වෙයි.

විශේෂයෙන්ම පාලග කුමරු සඳහා පන්සිල්ගොඩ ග්‍රාමයෙන්ද, ගී ගායනා සඳහා හොරගස්මුල්ල ග්‍රාමයෙන්ද, නර්තනය සඳහා තොටිල්ලගහවත්ත ග්‍රාමයෙන්ද, තොරන්ගෙය සහ අබ උයන සැරසීම සඳහා අස්සන්නවත්ත ග්‍රාමයෙන්ද, එළිය සැපයීම සහ පත්කොළ සැපයීම සඳහා ගල්කන්ද ග්‍රාමයෙන්ද වශයෙන් පිරිස සහභාගී වී ඇත.

මෙහි විශේෂ කරුණ නම් මේ සඳහා සහභාගී වන පිරිස පේවී සිටිය යුතු වීමයි. එසේම එම ස්ථානයද ආරක්ෂා කර ගත යුතුය.

දැනට පරම්පරා තුනකට පෙර දේවාල භූමියේදී මරා ඉපැද්දවීම සිදු කරන අවස්ථාවේ පාලග කුමරුට සිහි ගැන්වීමට නොහැකිව දින 7ක් එක දිගටම වැලපුම් ගායනා සිදු කර පණ ගැන්වීම සිදුකර ඇත. එයට හේතු වී ඇත්තේ මෙහි සත්‍ය බැලීම සඳහා යම් පුද්ගලයෙකු ඌරු තෙල් වළලා තිබීමයි.

මෙය ඉතා භයානක නර්තනයක් වූවත්, මෙය නැරඹීම සඳහා මහා ජනකායක් එදිනට දේවාල භූමියට පැමිණෙයි.

26/05/2026

"මරා ඉපැද්දවීම යනු පත්තිනි දෙවියන්ගේ අඹෙන් උපන් කතාව තේමාකොට ගෙන පහතරට පපත්තිනි මඩුවේ පත්තිනි කපුමහතා කවියෙන් රඟ දක්වන නාට්‍යමය නර්තනයකි..අද පත්තිනි මඩුවක් දැකගත හැකි එකම ස්ථානය ගල්කන්ද පුරාණ පත්තිනි මහා දේවාලයයි.මෙය ඉතා භයානක නර්තනයකි එයට හේතුව පාලග කුමරුන්ව යකා විසින් මැරීමේදී ඔහු සිහි මුර්ජාවට පත්වේ.පත්තිනි හෑල්ලේ වැලපුම් ගී ගායනාවේදී පාලග කුමරු නැවතත් පියවි සිහියට පැමිනෙයි"