06/04/2026
👉 අනික් අය මා ගැන මොනව හිතයිද! ඔබටත් ඒ විදිහට හිතෙනවද?
මේ වගේ සිතිවිලි වලිනි දුක් විදින ගොඩක් දෙනෙක් අනුන් කියන දේවල් වලට බියෙන් ඉතාම ටික කාලයකට ලැබුනු තමන්ගෙ වටිනා ජීවිතයෙන් නිසි ආකාරයන් ප්රයොජන නොගෙනම කාලය අපතේ හරිනවා.
👉තමන්ගේ නිදහස තමන් විසින්ම නැතිකර ගන්නවා.
ඒ විදිහට හටගන්නා අනිසි බිය නිසා ලෝකයා විසින් තමන්ව පාලනය කරන තැනකට තල්ලුවෙනවා.
මේ කතාව කියවන්න,
කදුකර පලාතක හිටියා යුවලක්. ඔවුන්ට හිටියා බර ඇදන් යන්න පුලුවන් බූරැවෙක්.දවසක් මේ දෙන්න බූරැවා පිටේ නැගලා ගමනක් යන්න පිටත් වුනා. ගමේ කෙනෙක් මේක දැක්කා, දැකලා කියනවා අනේ බලන්නකෝ මේ අය කොච්චර දුෂ්ඨද! බූරැවා පිට මේ දෙන්නාම නැගලා බූරැවාට බර දානවා කියලා.
ඒක අහලා, එක්කෙනෙක් බැස්සා.
ඊලගට තවකෙනෙක් කියනවා....
මේ මිනිහා කොච්චර අනුකම්පා නැතිද? තමන් විතරක් බුරැවා පිට නැගලා යනවා අඹුව පයින් අරන් යනවා කියලා.
ඒක අහලා මනුස්සයා බැස්සා.
අඹුව බූරැවා පිට නැග්ගෙව්වා.....
ඊලගට තව කෙනෙක් කියනවා. මේ ගෑනු කෙනා කොච්චර අසාධාරණද මනුස්සයාව පයින්යන ගමන් තමන් සුවසේ බූරැවා පිට නැගලා යනවා කියලා.
අවසානයේ දෙන්නාම බැහැලා, බූරැවා නිකන් අරන් යනවා.
තවකෙනෙක් මේක බලන් ඉදලා කියනවා මේ දෙන්නාට මොලයක් නැතිද මේ බූරැවෙක් සිටිද්දී නිකන් පයින් යනවා කියලා......
මේ කතාවෙන් අපිට මොනවද පේන්නේ,
👉 කවදාවත් ලෝකය සතුටු කරන්න බහැ.....
👉 අනිකි අයගේ අදහස් විවිදයි. අස්ථිරයි...
👉 අද ප්රසංසා කරන කෙනා හෙට නින්දා කරනවා...
ඒ නිසා බුදු රජානන් වහන්සේ අපට දේශනා කරනවා,
න පරේසං විලෝමානි
න පරේසං කතාකතං
අත්තනෝ’ව අවෙක්ඛෙය්ය
කතානි අකතානි ච
"අනුන්ගේ වචනවල ඇදකුද හොයන්ට ඕනෙ නෑ. අනුන් කළ - නොකළ දේවල් ගැන සොයන්ට ඕනෙත් නෑ. තමන් ගැනම බලාගත්තහම ඇති. තමන් කළ නොකළ දේ ගැන බලාගත්තහම ඇති."කියලා.
👉 මේ ලෝකේ ප්රසංසා විතරක් ලබපු අයත් නෑ.
👉 මේ ලෝකේ නින්දා විතරක් ලබපු අයත් නෑ.
👉 නින්දා ප්රසසංසා කියන්නේ මේ ලෝකේ පොදු දෙයක් කියලා අවබෝධ කරගන්න කෙනා නිදහස අත්විදිනවා.
අපිට හිතෙනවානම්,
🗣 මට මිනිස්සු හොද කියයිද?
🗣 මාව අගය කරයිද?
🗣 මම කරනදේට නින්දා කරයිද? කියලා ඒ කෙනා තමන්ට ඕන විදිහට නිදහසේ ජීවත් වෙන කෙනෙක් නෙමෙයි.
ලෝකයට කැමති විදිහට ජීවත් වෙන කෙනෙක්. තමන්ගේ නිදහස නැතිකරගන්නවා.
සත්යට අනුව ඉන්න කෙනෙක් නෙමෙයි, සක්කාය දිට්ඨීය පෝෂනය කරමින් ඉන්න කෙනෙක්. ධර්මයට දුර කෙනෙක්. ධර්මයට ලග කෙනෙක් නෙමෙයි.
⭕️ ලාභ - අලාභ
⭕️ නින්දා - ප්රසංසා
⭕️ යස - අයස
⭕️ සැප - දුක
කියන අෂ්ඨ ලෝක ධර්මය කවදත් ලෝකයේ තිබෙන දේවල්. මේවා ලෝකය් ස්භාවයක්.
බුදුරජානන් වහන්සේ වදාලේ ලෝකය අෂ්ඨ ලෝක ධර්මයට අනුව පෙරලෙනවා. අෂ්ඨ ලෝක ධර්මය ලෝකයට අනුව පෙරලෙනවා කියලා.
මේ අෂ්ඨ ලෝක ධර්මයට බැදුනොත්, යට වුනොත්, මොකද වෙන්නේ....
👉 තමන්ගේ සතුට තිරනය කිරීම අනික් අය අතට යනවා...
👉 තමන්ගේ ජීවිතය අනික් අය පාලනය කරනවා....
👉 අපි නිදහස් නැහැ....
ඒ නිසා ජීවත් වෙන්න හොදම විදිහ තමයි
🙏 ලෝකයාට අනුව ජීවත් නොවී
🙏 ධර්මයට අනුව ජීවත් වීම.
සුලි සුලං ආවාට නොසෙල්වෙන ගල් පර්වතයක් වගේ ධර්මයේ බැසගෙන ඉන්න කෙනාව නින්දා වලින් සොලවන්න බෑ. මෝඩ කෙනෙක් හිතන්න පුලුවන් නින්දා කරලා කෙනෙක්ව නැතිකරනවා කියලා. නමුත් බුද්ධිමත් කෙනාගේ කිසිදෙයක් නින්දා කිරීමෙන් නැතිකරන්න බැහැ. ඒ නින්දාව සදුන් ගසක් තලනකොට සුවද විහිදෙනවා වාගේ.
බුද්ධිමත් කෙනාගේ ඉවසීම නිසා ලෝකය තුල ඔහුව බබලන්න පටන්ගන්නවා. ඉවසීම තමයි උතුම්ම තපස. එතැනයි නිදහස.එතැනයි සැනසීම.
✍ පූජ්ය මඩවල ධම්මාලෝක හිමි.
