Rev.Badalgama vipulasiri thero

31/12/2023

09/11/2023

අනිත්‍ය භාවනා වාක්‍යය අසමින් භාවනා කරන්න.

ජීවමාන ලොව්තුරා බුදුරජාණන් වහන්සේ ඇතුළු සියලු රහතන් වහ්ස්න්සේලාට මහ වෙහෙරක් සාදා පූජා කරනවාටත් වඩා ශ්‍රේෂ්ඨ ආන...

09/11/2023

ධර්ම විනය ඇසුරෙන් කෙරෙන සැබෑම විග්‍රහයකි..

09/11/2023

https://youtu.be/UO-PZLTgNFU?si=NG1_0faB6XkAWytw

09/11/2023

https://youtu.be/yVF_kl7E38I?si=gxD0NtNuvyu4NSLe

09/11/2023

♦️ප්‍රශ්නය :- කඨින පිංකම උත්සවාකාරයෙන් කිරීම තුළින් සිදුවන්නේ , අසරණ දුප්පත් දායකයෙකුට අනාගතයේ දී කඨින පිංකමක් බාරගත නොහැකි වීමයි.

එනිසා කඨින පිංකම් මහා උත්සවාකාරයෙන් සිදුකිරීම වැරදියි නේද?

♦️පිළිතුර :- මෙම ගැටලුව ඇතිවී තිබෙන්නේ ධර්මය හරිහැටි නොදන්නාකම නිසාය.

ලෞකික සම්මා දිට්ඨිය හෙවත් දසවස්ථුක සම්මා දිට්ඨිය තුළ පළමු කාරණා දෙක මෙසේය.

1. අත්ථි දින්නං - දානයෙහි යහපත් විපාක තිබේ.

2. අත්ථි යිට්ඨං - යාගයෙහි හෙවත් මහා පිංකම් වල මහා විපාක තිබේ.

මෙහි සඳහන් පරිදි මහා පිංකම් වල, මහා අනුසස් ඇති බව දැන ගැනීමම සම්මා දිට්ඨියකි.

එම ලෞකික සාමාන්‍ය සම්මා දිට්ඨියවත් නොමැති අය පින්කම් උත්සවාකාරයෙන් කිරීම පිළිබඳව උරණ වෙති.

කොසොල් මහ රජතුමා සහ මල්ලිකා දේවිය එක්ව සංවිධානය කළ අසදෘස මහා දානය බුදුසසුනේ කළ මහා පිංකමකි. ලොව්තුරා බුදුරජාණන් වහන්සේ එය පිළිගත් අතර, එසේ නොකළ යුතුයැයි නොදෙසූහ.

එම මහා පිංකමට පැහැදුනු පිරිස සුගතිගාමී වූ අතර, එම පිංකම නාස්තියකැයි අපැහැදුනු පිරිස අපාගත වුණි.

ගෞතම ලොව්තුරා සම්බුද්ධ ශාසනයේ මිහිරි කටහඬ ඇති භික්ෂුන් වහන්සේලා අතර අග්‍ර වූ ලකුණ්ඨක භද්ධිය මහ රහතන් වහන්සේ කළු අඟුටුමිටි සිරුරකින් යුතු විය. එයට හේතුව ලෙස සඳහන් වන්නේ,
කාශ්‍යප ලොව්තුරා බුදුරජාණන් වහන්සේගේ ශාසනයේ දී සිදුකළ වරදකුයි.

කාශ්‍යප ලොව්තුරා බුදුරජාණන් වහන්සේ පිරිණිවන් පෑමෙන් පසු ඉතිරි වූ ඒකඝන සර්වඥ ධාතූන් වහන්සේ තැම්පත් කොට යොදුන් හතක් උස ස්වර්ණ චෛත්‍යයක් සෑදීමට පිරිස සූදානම් වූ විට, එයට වැයවන කාලය, ශ්‍රමය, ධනය වැඩි බව පෙන්වා යොදුන් හතක් අවශ්‍ය නැත, යොදුනක පමණ චෛත්‍යයක් කරවමුයි යෝජනා කිරීම එම වරදයි.

ඒ හේතුවෙන් එතැන් පටන් මිනිසත් භව ලබද්දී නින්දා ලබනසුළු , කළු අඟුටුමිටි විරූපී අයෙකු වී උපත ලබන්නට විය.

ඒ මහා පින්කම් කුඩා කිරීමට ගොස් සිදු වූ විපාකයනුයි.

සියලු පින්වත්හු තමතමන්ට හැකි පමණ පිංකම් කළ යුතුය. කඨින පිංකම හෝ කිසිඳු පින්කමක් තනිවම කළයුතු ඒවා නොවේ.

පින වඩාත් බලවත් වන්නේ බොහෝ පිරිස එක්කොට ගෙන කිරීමේදීයි. එබැවින් දුප්පත්ය කියා කඨින පිංකමක් කරගන්නට නොහැකිවන්නට හේතුවක් නැත.

වස් පවාරණය කළ භික්ෂුවකට අඳනයක් මසා ගැනීමට අවශ්‍ය රෙදි කැබැල්ලක් පමණක් පිදූවත් එයින්ම කඨින පිංකම සම්පූර්ණය. එහි අඩුවක් නැත.

එබැවින් අනුන්ගේ මහා පිංකම්වලට ඊර්ෂ්‍යා නොකළ යුතුය. එය මහා අකුසලයකි. ඒ මහා පිංකම් දැක සාදුකාර දී සතුටුව ඒවා අනුමෝදන් විය යුතුය.

එවිට තමාද ඒ මහා පිංකම කළා හා සමාන වන්නේය.

නමුත් ධර්මයට නොගැළපෙන නැටුම්, විසූක දස්සන, කෝලම් පෙන්වීම්, සල්පිල්, වෙන්දේසි ආදී කෙලෙස් වැඩෙන දෑ කිසිසේත්ම පිංකමකට ගැළපෙන්නෙ නැත.

ඒවායින් වෙන්විය යුතුය.

ලොව්තුරා බුදුරජාණන් වහන්සේ කෙරෙහිද, ශ්‍රී සද්ධර්මය සහ ආර්ය මහා සංඝරත්නය කෙරෙහිද ප්‍රඥා මූලික ශ්‍රද්ධාව උපදවාගෙන කඨින පිංකම ඇතුළු සියලු පිංකම් සිදුකළ යුතුය.

එය මෙලොව හා පරලොව යන දෙලොවම, සැපයට පත්වීමට හා ජයගැනීමට ද හේතු කාරණා වනු ඇත.

තෙරුවන් සරණයි !
© පූජ්‍ය බඩල්ගම විපුලසිරි හිමි

#කඨිනය
#කඨින_පිංකම
#චීවර_මාසය

09/11/2023

ප්‍රශ්නය 01- මෙකල මගඵල ලාභීන් අඩු වී ඇත්තේ පිරිසිඳු ධර්මය ත්‍රිපිටකය තුළ නොමැති නිසාද?

පිළිතුර -

ත්‍රිපිටකය යන වචනය සෑම දෙනාම අසා තිබුණත්, ත්‍රිපිටකය යනු කුමක්දැයි දැක ඇති පිරිස ඉතාම ස්වල්පයක් පමණයි.

සමහරු සිතා සිටින්නේ ත්‍රිපිටකය යනු ධම්ම පදය යැයි කියා. සමහරුන්ගේ මතය ඒ පන්සිය පනස් ජාතක පොතය කියා.

එතකොට ත්‍රිපිටකය යනු කුමක්ද කියා වත් බහුතරයක් බෞද්ධ පිරිසට වැටහීමක් නෑ.

ඉතින් ත්‍රිපිටක ශ්‍රී සද්ධර්මය ඔවුනට අහන්න දකින්න විමසන්න ලැබෙන්නෙ කොහොමද ?

ඉඩක් නෑනේ ඒකට.

ත්‍රිපිටකයෙන් විනය පිටකය තුළ, භික්ෂු භික්ෂුණීන් වහන්සේලා උදෙසා පැනවූ විනය ශිකපද ආදිය ගැන තොරතුරු ඇතුළත් වෙනවා.

එහි,
1.පාරාජිකා පාළි
2.පාචිත්තිය පාළි
3.චුල්ලවග්ග පාළි
4.මහා වග්ග පාළි
5.පරිවාර පාළි

යනුවෙන් පාරිශුද්ධ විනය ග්‍රන්ථ පහක් තිබෙනවා.

අභිධර්ම පිටකය තුළ ඉතා ශාස්ත්‍රීය අන්දමින්, පාරිභාෂික ස්වරූපයෙන් ශ්‍රී සද්ධර්මය සංග්‍රහ කොට තිබෙනවා.

එහි,
1. ධම්මසංගණි
2.විභංග
3. පුග්ගල පඤ්ඤත්ති
4. ධාතුකථා
5.කථාවත්ථු
6.යමක
7.පට්ඨාන

යනුවෙන් පාරිශුද්ධ අභිධර්ම ප්‍රකරණ ග්‍රන්ථ හතක් ඇතුළත් වෙනවා.

සූත්‍ර පිටකය තුළ ලොව්තුරා බුදුරජාණන් වහන්සේගේ ශ්‍රී මුඛ දේශනාත්, මගඵලලාභී ශ්‍රාවකයින්ගේ යම් දේශනාත් ඇතුළත් වී තිබෙනවා.

එහි,

1. දීඝ නිකාය
2.මජ්ඣිම නිකාය
3.සංයුක්ත නිකාය
4. අංගුත්තර නිකාය
5. ඛුද්දක නිකාය

යනුවෙන් පාරිශුද්ධ ශ්‍රී සද්ධර්ම නිකාය පහක් ඇතුළත් වෙනවා.

ත්‍රිපිටක මුද්‍රණය අනුව ලොකු ප්‍රමාණයේ ග්‍රන්ථ 58 ක් තමයි ත්‍රිපිටකය.

සූත්‍ර පිටකය තමයි ප්‍රථමයෙන්ම පරිහරණය කරන්න සුදුසු. මහ රහතන් වහන්සේලා පාරිශුද්ධව රැකගෙන ආ පිරිසිදු බුද්ධ දේශනා දාහත් දහසකට වඩා එහි ඇතුළත් වෙනවා.

මිනිස්සු ධර්මය කියා කවිබණ අහනවා. විහිළු බණ අහනවා. උයන පිහන හැටි , වගා කරන හැටි ආදී ලෞකික ඉගැන්වීම් ධර්මය කියල රැවටිලා අහනවා.

නමුත් ශ්‍රී සද්ධර්මය අසන්නට හා ඉගෙන ගන්නට ලැබීම පරම දුර්ලභ කාරණයක් වෙලා තිබෙනවා.

විහාරස්ථාන වල පූජනීය භික්ෂුන් වහන්සේලාත් පිරිසිදු ශ්‍රී සද්ධර්මය වූ සූත්‍ර අභිධර්ම දේශනා , දේශනා කිරීම සැළකිය යුතු අන්දමින් අඩු වෙලා තියෙනවා.

සමහර විහාරස්ථාන වල ගොඩනැගිලි සෑදීම, සම්මාදන් කිරීම, සැප සම්පත් වැඩි දියුණු කරගැනීම හැර සත්‍යාවබෝධය පිණිස කිසිඳු ක්‍රියාකාරකමක් සිදු කෙරෙන්නේ නෑ.

ලෝකෝත්තර නිවන ගැන දෙසූ ශ්‍රී සද්ධර්මය ගැන සමහර දායකයින්ට මැරෙනකල්ම අහන්න ලැබෙන්නේ නෑ.

මල්වට්ටි වෙන්දේසි , සල්පිල්,නාට්‍ය සන්දර්ශන, දායක සභා සම්මාදන් , පන්සල් පන්සල් ආරවුල් , පිරිකර හා දායක මුදල් ගැටලු, බැණ ගැනීම්, චෝදනා කිරීම් වැනි නිසරු පෘතජ්ජන දේවල් පමණමයි ජීවිතේ පුරාම ලැබෙන්නෙ.

අනවබෝධය නිසා ගිහි ඇත්තොත් ඒවටම හුරු වෙනවා.

නමුත් අපි වෙනස් වෙන්න ඕනේ.

ලොව්තුරා බුදුරජාණන් වහන්සේ ශ්‍රී සද්ධර්මය දේශනා කළේ අපට ජීවිතාවබෝධය ලබන්න. සත්‍යාවබෝධය ලබන්න. කෙලෙස් ගිනි නිවන්න. සසර දුකින් මිදෙන්න. පූජනීය උතුමෙක් බවට පත් වෙන්න.

ඒ නිසා අපි කළ යුත්තෙ,
ත්‍රිපිටක ශ්‍රී සද්ධර්ම දේශනාම ඉගෙන ගන්න එක. ඒ උතුම් දේශනාව විහාරස්ථාන තුළ සිදුකරවා ගන්න එක, ශ්‍රවණය කරන එක. ඒ දේශනා තුළ තිබූ ධර්ම කරුණු පිළිබඳවම ධර්ම සාකච්ඡා පවත්වන එක.

ඒ වගේම ඒ ධර්මයට අනුව ජීවිතේ හැසිරෙන එක. අත් හැරීම ප්‍රගුණ කිරීම. සමාධිය හා ප්‍රඥාව දියුණු කිරීමට භාවනාව යොදා ගැනීම.

එහෙම කළොත් ආයෙත් මේ බෞද්ධ සමාජය මගඵල ලාභීන්ගෙන් පිරෙනවා.

ත්‍රිපිටක ධර්මය ඉතාම පිරිසිදුයි. පාරිශුද්ධයි. ඒවා නිවැරදි ලෙස ඉගෙන නොගැනීම නිසයි මේ ලෝකේ මගඵල ලාභීන් අඩුවෙලා තියෙන්නෙ.

තෙරුවන් සරණයි!
© සිරි උපාලි ධර්මාශ්‍රමයේ පූජ්‍ය බඩල්ගම විපුලසිරි හිමි.
(2023-11-06)

03/11/2023

🚫 භයානකයි - අසු නොවන්න 🚫

මේ AI රූපය ලොව්තුරා බුදුරජාණන් වහන්සේ නිරූපණය කරන්නක් නොව අතිශයින්ම විකෘති වූ නිරූපණයකි.

♦️ලොව්තුරා බුදුරජාණන් වහන්සේ පෙරවූයේ කසට සිවුරකි. එය කසට ගන්වා තිබුණේ නුග ගසේ ගෙඩි වලිනි.

♦️මෙහි සිවුර දෙස බලන්න. ඒ සිවුරක් නම් නොවේ. එය අමුතුම ආකාරයේ වස්ත්‍රයකි. එවැනි විසිතුරු වස්ත්‍ර ලොව්තුරා බුදුරජාණන් වහන්සේ දැරුවේ නම් නැත.

♦️එම රූපයේ හිසකෙස් දෙස බලන්න. තාපසයෙකු සේ හිස මුදුනේ දිගු කොණ්ඩයෙන් මෝලිය බැඳ තිබේ. ලොව්තුරා බුදුරජාණන් වහන්සේට තිබුණේ දෑඟුල් අක්බමරු කේශ ධාතූන් වහන්සේලාය.

♦️නළල් තලය දෙස බලන්න. ප්‍රධානම මහා පුරුෂ ලක්ෂණයක් වූ දක්ෂිණාවෘත ඌර්ණ රෝම ධාතුව එහි දකින්නට නැත.

♦️ලොව්තුරා බුදුරජාණන් වහන්සේගේ ලඹ සවන්ද මෙහි විකෘති කොට දක්වා ඇත.

♦️භික්ෂූන් හෝ පස්වග මහණුන් දෙස බලන්න. සුදු වර්ණ චීවර දැරුවේ ශ්වේතම්බර නිගණ්ඨයෝ මිස බෞද්ධ භික්ෂුන් වහන්සේ නොවේ.

♦️එසේම ඒ භික්ෂුන් වහන්සේලා දෙදෙනෙකුගේ ශරීරාංග බෙහෙවින් විකෘතිය.
අත් තුන බැඟින් පිහිටා තිබේ.

♦️මෙසේ අඩුපාඩු සහිත විකෘති රූප ලොව්තුරා බුදුරජාණන් වහන්සේගේ රූපයයි සිතා බෙදා නොහරින්න.

♦️මේවා බෞද්ධ විරෝධීන්ගේ සූක්ෂම කුමන්ත්‍රණ වීමේ සම්භාවිතාව බෙහෙවින් වැඩිය.

♦️ප්‍රවේශම් වෙන්න.

ශාසනාභිවෘද්ධිය වෙනුවෙන් විමසිලිමත් වන්න.

පූජ්‍ය බඩල්ගම විපුලසිරි හිමි.

03/11/2023

මෙවර සිරි උපාලි ධර්මාශ්‍රමයෙහි කඨින පිංකමේ දායකත්වය,
උපාලි සමූහ ව්‍යාපාරයන්හි අධිපති , දානපති උපාලි ලියනගේ මහත්මා ප්‍රධාන දායක කාරකාදීන් විසිනි.

නොවැම්බර් 04 උතුම් අකාලික ධර්ම දේශනාව පස්වරු 6.30 පැවැත්වේ.

නොවැම්බර් 05 අලුයම කඨින චීවරය වැඩම කරවීමේ කටයුත්තත්, දහවල කඨින චීවර පූජා පුණ්‍ය මහෝත්සවයත් සංඝගත මහා දක්ෂිණාවත් පැවැත්වීමට නියමිතය.

04 දා රාත්‍රියේත්,
05 දා දහවලේත් පැමිණෙන සියලු සැදැහැවතුන් උදෙසා බත් දන්සලද ක්‍රියාත්මක වේ.

පිං කැමැත්තෝ සැදැහැ සිතින් සහභාගී වෙත්වා!

පිහිටීම
https://maps.app.goo.gl/Gn4YN1D5btJ5kCHG8

තෙරුවන් සරණයි !

02/11/2023

පිරිසිදු ශ්‍රී සද්ධර්ම වර්ෂා ඇද හැළෙන ..
පූජනීයම පිංබිම...

02/11/2023

https://youtu.be/SbNdzvQEaw4?si=8DHx7FWno4Ucs07L