01/03/2026
🇱🇰 🤝 🇹🇭 ශ්‍රී ලංකා - තායිලන්ත ශාසනික සබඳතාවයේ රන් සලකුණ! ☸️✨
දෙරටේ බෞද්ධ උරුමය යළිත් රන් අකුරින් ලියැවෙන ඓතිහාසික සන්ධිස්ථානයක්! 🙏🌿
දකුණු තායිලන්තයේ යුනෙස්කෝ (UNESCO) ලෝක උරුමයක් වන වට්-ප්‍රා-මහා-තාත් (Wat Phra Mahathat) රජමහා විහාරස්ථානය වෙත උතුම් සර්වඥ ධාතූන් වහන්සේලා සහ ජය ශ්‍රී මහා බෝධි අංකුරයක් වැඩම කරවීම පසුගියදා උත්සවාකාරයෙන් සිදු කෙරිණි. 🏯✨
මෙම උතුම් ශාසනික මෙහෙවරේ සුවිශේෂී අවස්ථා:
✅ සර්වඥ ධාතූන් වහන්සේලා වැඩමවීම: නෙල්ලිගල ජාත්‍යන්තර බෞද්ධ මධ්‍යස්ථානාධිපති, පූජ්‍ය වතුරකුඹුරේ ධර්මකීර්ති ශ්‍රී මංගල ධම්මරතනාභිධාන නායක හිමිපාණන් වහන්සේගේ මූලිකත්වයෙන්, නෙල්ලිගල ශ්‍රී ශාක්‍යසිංහ සුගන්ධ කුටියේ වැඩසිටි උත්තම සර්වඥ ධාතූන් වහන්සේලා තායිලන්තය වෙත වැඩමවන ලදී.
✅ ජය ශ්‍රී මහා බෝධි අංකුරය පූජා කිරීම: ගෞරවනීය අටමස්ථානාධිපති අතිපූජ්‍ය පල්ලේගම ශ්‍රී හේමරතනාභිධාන නායක හිමිපාණන් වහන්සේගේ සුරතින්, අනුරාධපුර ජය ශ්‍රී මහා බෝධීන් වහන්සේගේ අංකුර බෝධීන් වහන්සේ නමක් ද උන්වහන්සේගේම වැඩමවීමෙන් තායිලන්ත රජමහා විහාරය වෙත පූජා කෙරිණි. ☸️🌱
🤝🏛️ රාජ්‍ය ගෞරව සහ සුහදශීලී පිළිගැනීම: තායිලන්ත නියෝජ්‍ය අග්‍රාමාත්‍ය අනුටින් චාන්විරකුල් (Anutin Charnvirakul) මහතා ඇතුළු කැබිනට් අමාත්‍යවරුන් විසින් මහ සංඝරත්නය ඉතාමත් හරසරින් පිළිගත් අතර, එහිදී දෙරටේ බෞද්ධ සබඳතා පිළිබඳ සුහද සාකච්ඡා ද පැවැත්විණි. අතිශය නිහතමානී සහ මිත්‍රශීලී අයුරින් අප සමඟ කටයුතු කළ නියෝජ්‍ය අග්‍රාමාත්‍යතුමා, උතුම් සර්වඥ ධාතූන් වහන්සේලා වන්දනාමාන කරමින් ඉහළම ගෞරවයක් දැක්වූහ. 🌷🙏
මෙම හමුවේදී ශ්‍රී ලංකාවේ ඓතිහාසික බෞද්ධ සිද්ධස්ථාන වැඳපුදා ගැනීම සඳහා මෙරට සංචාරයක නිරත වන ලෙස අප විසින් එතුමාට ඉතා ගෞරවයෙන් ආරාධනා කරන ලද අතර, එතුමා එය ඉතාමත් ප්‍රසන්නව පිළිගත් බව ද සතුටින් දන්වා සිටිමු.
තවද තායිලන්ත අග්‍රාමාත්‍යවරයාගේ ප්‍රධාන කාර්‍යලාය තුල ශ්‍රි ලංකීය සම්ප්‍රාදායෙන් යුක්ත වූ බුදු පිළිම වහන්සේ නමක් තැන්පත් කරන ලදි.
මෙම ඓතිහාසික පුණ්‍යකර්මය සාර්ථක කර ගැනීම සඳහා ධම්දී (Dhamdee) පදනමේ ආචාර්ය දනායි (Dr. Danai Chanchaochai) මහතා සිදුකළ සුවිශේෂී සම්බන්ධීකරණය සහ කැපවීම කෘතවේදීව සිහිපත් කරමු. 🌷✨
එම ඓතිහාසික අවස්ථාවේ ලබාගත් සුවිශේෂී ඡායාරූප පහතින් නරඹන්න: 👇📸
