இலங்கை சைவசமயப்பேரவை - Ceylon saivism council

15/04/2026

10/03/2026

நல்லை திருஞான சம்பந்தர் ஆதீன இரண்டாம் குருமகா சந்நிதானம் அவர்களின் குருபூசையை முதலாம் ஆண்டு நிறைவில் எதிர்வரும் சித்திரை திருவாதிரை 22.04.2026 அன்று சைவ அமைப்புக்கள் இணைந்து முன்னெடுக்கவும் சுவாமிகளின் நினைவுகளை தாங்கிய வரலாற்று ஆவண மலரை வெளியீடுவது எனவும் இன்றைய சைவ பரிபாலன சபையில் நடைபெற்ற சைவ அமைப்புக்களின் இணையக் கூட்டத்தில் தீர்மானிக்கப்பட்டது.

கைலாசநாதர் பிள்ளையார் திருக்கோவில் திருக்குடமுழுக்கு குருக்கள் குழுவினை கூட்டம் அங்கீகரித்துடன் இரு தரப்பு சட்டதரணிகள் ஊடாக நீதிமன்றிற்கு வெளிப்படுத்தவும் முடிவு செய்யப்பட்டது.

கைலாசநாதர் குடமுழுக்கு பணிகள் தொடர்பாக மகிழ்ச்சி தெரிவிக்கப்பட்டதுடன் திருக்கோவில் பாரம்பரியம் பாதுகாக்க அனைவரும் ஒத்துழைப்பு வழங்குவது எனவும் தீர்மானிக்கப்பட்டது

அதே போன்று நல்லை ஆதீனத்தின் ஈழத்தமிழ் சைவப்பாரம்பரியம் பாதுகாக்க தொடந்து ஆதீனம் உயிர்ப்பாக இயங்க அனைவரும் பங்களிக்க வேண்டும் எனவும் சமய சமூக பணிகளின் தலைமையிடமாக ஆதீனம் கடந்த காலங்களில் விளங்கிய தன்மை பற்றியும் விதந்து உரைக்கப்பட்டது.

தற்போது யாழிலிலுள்ள துறவிகள் குருபீடாதிபதிகளின் உதவியுடன் இந்த மண்ணிலிருந்து முன்வரும் இளையவர்களுக்கு பயிற்றுவித்து எதிர்கால ஆதீனத்தை தேர்ந்தெடுக்க வலியுறுத்தப்பட்டது.

இன்றைய கூட்டத்தில் சைவ சமய குருமார் ஒன்றியங்களை சார்ந்த குருக்கள்மார்கள் சைவ சமய அமைப்புக்களான சைவ பரிபாலன சபை,சைவ மகா சபை, இலங்கை சைவசமயப் பேரவை,சிவ மங்கையர் அமைப்பு உள்ளிட்ட சைவ அமைப்புக்களின் தலைவர்கள் யாழ் பல்கலைக்கழக இந்து கற்கைகள் பீடாதிபதி துறைத்தலைவர்கள் உள்ளிட்டோர் கலந்து கொண்டனர்.

07/03/2026

திருவாவடுதுறை ஆதீன சைவசித்தாந்த புதிய பிரிவுக்கான வகுப்புகள் இலங்கை சைவநெறிக்கழகத்தின் ஏற்பாட்டில் யாழ்ப்பாணத்தில் அகில இலங்கை இந்துமாமன்றம், இலங்கை சைவசமயப்பேரவை - Ceylon saivism council , யாழ்ப்பாணச் சைவசித்தாந்தரத்தின மன்றம்
இலங்கை ஆரூரர் சைவப்பணி மன்றம் ஆகிய அமைப்புகளின் அனுசரணையில் இந்து மாமன்ற அலுவலக கட்டடத்தில் இன்று சிறப்பாக நடைபெற்றது.

சிவகதியடைந்த சித்தாந்தரத்தினம்,
திருமுறைநெறிச்செல்வர், யாழ்ப்பாணப் பல்கலைக்கழக சைவசித்தாந்த முதுகலைமாணி தெய்வத்திரு.ந.சிவபாலகணேசன் ஐயா அவர்களின் நல்லாசிகளோடு

யாழ்ப்பாணப் பல்கலைக்கழக சைவசித்தாந்ததுறை மூத்த விரிவுரையாளரும்,
சித்தாந்தரத்தினம், சித்தாந்தச்செம்மல்,சிவஞானச் செழுமணி, சைவப்பண்டிதர், சைவப்புலவர் முதலிய சிவஞானவிருதுகளை உடையவருமான கலாநிதி சிவத்திரு. இளையதம்பி ஜெயந்திரன் ஐயா அவர்கள் தலைமைப்பேராசானாக விளங்க

இலங்கை சைவநெறிக்கழகத்தின் தலைவர் சிவநெறிச்செல்வர் மரு சிவத்திரு பிரதாபனார்.
பதில் தலைவர் சிவத்திரு வினோதரூபனார் ஆகியோரும்

இலங்கை இந்துமாமன்ற பதில் தலைவர் விடைக்கொடிச்செல்வர் சைவத்திரு தனபாலா அவர்களும் கதிர்காம யாத்திரிகர் சங்க செயலாளரும் இந்து மாமன்ற உப தலைவருமான சைவத்திரு சிவஞானம் ஐயா அவர்களும்,

இலங்கை சைவசமயப்பேரவையின் தலைவர் சிவத்திரு அகோரசிவம் உமையரசு சிவாசாரியார் அவர்களும்.

இலங்கை ஆரூரர் சைவப் பணிமன்றத்தின் தலைவர் சிவத்திரு சிவசதீபனார் அவர்களும்

யாழ்ப்பாணச் சைவசித்தாந்தரத்தின மன்றத்தின் தலைவர் சைவத்திரு புவனதாஸ்,செயலாளர் சைவத்திருமதி சரண்யா மற்றும் உறுப்பினர்கள் திருவாவடுதுறை ஆதீன சைவசித்தாந்த யாழ்ப்பாணப்பயிற்சி மையத்தின் பழையமாணவர்கள் ஆகியோர் கலந்து சிறப்பித்தனர்.

புதிய பிரிவில் ஏராளமான மாணவர்கள் சைவசித்தாந்த கல்வியில் இணைந்து கொண்டனர்.

🙏திருச்சிற்றம்பலம் 🙏

06/03/2026

திருவாவடுதுறை ஆதீன "சித்தாந்த ரத்தினம்" சைவசித்தாந்த நேர்முகப் பயிற்சி மையத்தின் புதிய பிரிவு நாளை சனிக்கிழமை 07-03-2026 காலை 9 மணிக்கு ஆரம்பம்.

03/03/2026

திருவாவடுதுறை ஆதீன சைவசித்தாந்த யாழ் பயிற்சிமையத்தின் 2025ம் வருட மாணவர்களினால் விரிவுரையாளர்கள் மதிப்பளிப்பும் ஒன்றுகூடலும் கடந்த சனிக்கிழமை நல்லூரில் நடைபெற்றது.
இலங்கை சைவசமயப்பேரவையின் தலைவர் அகோரசிவம் உமையரசு சிவாச்சாரியார்,
இலங்கைச் சைவநெறிக்கழகத்தின் தலைவர் மரு.பிரதாபனார், கலாநிதி இ.ஜெயேந்தின் ஐயா, சித்தாந்தரத்தினம் சைவப்புலவர் உதயகௌரி அம்மையார், சைவப்புலவர் லீலாவதி அம்மையார் ஆகியோரும் இந்து மாமன்ற யாழ்நல்லூர் நிர்வாகப் பணியாளர்களும் சிறப்பிக்கப்பட்டனர்.

இலங்கை சைவநெறிக் கழகம்
இலங்கை சைவசமயப்பேரவை - Ceylon saivism council
யாழ்ப்பாணச் சைவசித்தாந்தரத்தின மன்றம்

14/02/2026

திருவாவடுதுறை ஆதீன சித்தாந்த ரத்தினம் கற்கைநெறி புதியபிரிவுகள் ஆரம்பம்.

07.03.2026 சனிக்கிழமை காலை 9.00 மணிக்கு

14/02/2026

திருவாவடுதுறை ஆதீன சித்தாந்தரத்தினம் கற்கைநெறி யாழ் பயிற்சிமைய 2025 ஆம் ஆண்டு பிரிவு மாணவருக்கான இறுதித்தேர்வு.

இலங்கை சைவநெறிக்கழகத்தின் ஏற்பாட்டில் அகில இலங்கை இந்துமாமன்றம், இலங்கை சைவசமயப்பேரவை அனுசரணையில்
திருவாவடுதுறை ஆதீன சைவசித்தாந்த வகுப்புகள் ஓராண்டு நேர்முகப் பயிற்சி வகுப்புகள் நிறைவடைந்து மாணவருக்கான இறுதித் தேர்வு இன்றையதினம்
இந்து மாமன்ற நல்லூர் அலுவலக கட்டடத்தில் இன்று நடைபெற்றது.

கற்கைநெறியை பூர்த்தி செய்த மாணவர்கள் இன்று இறுதித்தேர்வுக்கு தோற்றியிருந்தனர்.

இலங்கை சைவசமயப்பேரவை - Ceylon saivism council
இலங்கை சைவநெறிக் கழகம்